قصيده الامام علي~ع~٠
===================
بويه عليك كلبي اليوم مفطور
بسك يالولي من نوم الگبور

افراك يهدم الحيل
اصيحن اه ياويل
بسك يالولي من نوم الگبور
===================
عليك الروح ممروده يغالي
وبيتك ابو زينب صار خالي
وخلافك ترى سود الليالي

يالعفت المداليل
اصيحن اه ياويل
بسك يالولي من نوم الكبور
===================
واخلافك يبويه مضلمه دنياي
تهمل من دمه اعليك عيناي
تتراجف يبويه بعدك اعظاي

الدمع علجفن يسيل
اصيحن اه ياويل

بسك يالولي من نوم الگبور
===================
من اذكر مصابك دمعي يجري
وناري بالضلع يابويه تسري
نفذ يابو الحسن عليك صبري

بعدك كلبي عليل
اصيحن اه ياويل
بسك يالولي من نوم الكبور
=================
بفراكك يبويه شبع شوغات
مو لوعه اجر اعليك حسرات
توجع بالكلب يالغالي الجمات

يخنك بعدك الليل
اصيحن آه ياويل
بسك يالولي من نوم الگبور
====================
طول العمر مايبطل ونيني
على الراح واله زايد حنيني
خليلي وعد يمته تجيني

بعدك موحش الليل
اصيحن اه ياويل
بسك يالولي من نوم الكبور

====================
شيداوي يالوالي گليبي وجرحه
بجفاك. انمرد كلبي شيفرحه
طير انه صرت منكسر جنحه

مروتك ياعلي ادخيل
اصيحن آه ياويل
بسك يالولي من نوم الگبور
====================
تمت الحمدلله🤲🏻
بقلم خادمات اهل البيت(ع)
✍🏻الشاعره ام محمد الساري
✍🏻الشاعره حوراء الكناني
نسالكم الدعاء 🙏🏻بتعجيل الفرج الصاحب الزمان«عج»https://www.tg-me.com/fvyhbib

نعي الاحباب بمناسبة العيد
ــــــــــــــــ💔ـــــــــــ
شلي بلعيد المابيه اهلنه
حدر الترب صاروا املنه
اعتب لجن ماينفع عتبنه
ــــــــــــــــ💔ـــــــــــ
شلون اعيد والاحباب نيام
راحت ذيج لمتنه والايام
نباوع عل الصور وتهيج الالم
ــــــــــــــــ💔ـــــــــــ
احبابنه صاروا بعيدين
وخلافهم ظلينه حزنين
مانبطل بواجينه والونين
ــــــــــــــــ💔ـــــــــــ
ياعيد باله لاتجينه
ولاتمر ولاتسلم علينه
حزانه منهد روحة ولينه
ــــــــــــــــ💔ـــــــــــ
اجه العيد واصبحنا حزانه
السنه الماضيه جانو اويانه
الموت الخذاهم ماخانه
ــــــــــــــــ💔ـــــــــــ
ياعيد لاتوكف على الباب
راحوا ترى ماعندي احباب
عافونه و ناموا بالاتراب
ــــــــــــــــ💔ـــــــــــ
عيوني على درب النودهم
يعود علي واروح يمهم
جنهم لايعرفونه ولنعرفهم
ــــــــــــــــ💔ـــــــــــ
ياعيد عندي عتاب وياك
حزينه على هلي شلون الكاك
اعذرني لاهله بيك ولاحياك
موتي ولحكيهم يروحي
ــــــــــــــــ💔ـــــــــــ
تمت الحمدلله🤲🏻
بقلم خادمات اهل البيت/ع/
✍🏻الشاعره ام محمد الساري
✍🏻الشاعره حوراء الكناني
نسالكم الدعاء🙏🏻🙏🏻بتعجيل الفرج الصاحب الزمان«عج»https://www.tg-me.com/fvyhbib

قصيده الزهراء(ع) وايضأ تنقره الام

يشيال النعش ريض وتانيني
اريد ابجي لحد ماتنطفي عيني
〰️〰️〰️😔〰️〰️〰️

يشيال النعش ريضلي اشويه
اصيح بصوت انه وحيل مابيه
ابد ماحسبت هاي الفراگيه
شالت ونطفت يا شمعة اسنيني

〰️〰️〰️😔〰️〰️〰️
شالت ونطفت ياحيف شمعتنه
خذاها الموت ويلي الوالده منه
فلت ونتهت وياها عشرتنه
نخمش گلبي عليج وحيل ياذيني

〰️〰️〰️😔〰️〰️〰️
سهم فرگاج يمه هدم الحيل
واصرخ يالحنينه ودمعي يسيل
چفاني النوم ابد مانامن اليل
ونيني اعليج ابد مايبطل ونيني
〰️〰️〰️😔〰️〰️〰️
ونيني اعليج يمه شلون اهودنه
يالفراگج صعب وعيب احملنه
اذكرج وانتحب وزادت الونه
عگبچ يالحنينه من يباريني

〰️〰️〰️😔〰️〰️〰️
روحي تفرفحت وتريد ملگاچ
شنو لذت عمرنه خلاف عيناچ
رحتي من وكت مارحنه وياچ
ياسدرة محنه شلون عفتيني
〰️〰️〰️😔〰️〰️〰️
تمت الحمدلله🤲
باقلام خادمات اهل البيت(ع)
✍🏻الشاعره ام منتظر الجابري
✍🏻الشاعره حوراء الكناني
نسالكم الدعاء🙏🙏 بتعجيل الفرج الصاحب الزمان(عج)https://www.tg-me.com/fvyhbib

روحي مشتاكه الك وتلهب جمره🥺
گلبي بدون زيارتك شنهو اليصبره💔

✍🏻بقلمي

حزنانه املاك السمه حزنانه
نزلت اتون للجواد اويانه

🖤🖤🖤🖤

اه عالمسموم اااه يبن الطهر
اليوم لجله احنه نون ابكل قهر
ويلي مارحموا سموه الكفر
نون وننحب واله مبجانه

🖤🖤🖤🖤

الملائك اشاركت ابهل الحزن
قصة ابن الهادي خلاها تون
حالته تفجع كثر بيها المحن

الكل تعزي جايه المولانه

🖤🖤🖤🖤🖤🖤

بالجواد انعازي الزهره البتول
والبنها التعزيه فحل الفحول
الله لاينطي السمه وشنگول

لملاك لجله تبجي هم ويانه

🖤🖤🖤🖤🖤🖤

حضر ويانه علي حامي الحمه
تبجي للمظلوم عينه من دمه
صاح يولادي وگلبه ایألمه

من ذكر لحسين الريحانه

🖤🖤🖤🖤🖤🖤
والرضا الابنه ضل يبجي وينوح
گلبه لوليده یحن کله جروح
من حضر شافه عالارض مطروح
مصابه يوجع والجواد اذانه
🖤🖤🖤🖤🖤🖤

فاجعه مصابه يوجع للگلب
ابنيته اتون عليه او تنتحب
اتكول یا فگد الابو کلش صعب
من رحل عنه بعد ما جانه
🖤🖤🖤🖤🖤🖤
تمت الحمدلله🤲🏻
بقلم خادمات اهل البيت(ع)
✍🏻الشاعره ام زينب الاسدي
✍🏻الشاعره حوراء الكناني
نسالكم الدعاء🙏🙏 بتعجيل الفرج الصاحب الزمان(عج)https://www.tg-me.com/fvyhbib

قصيده الاحباب بمناسبة العيد
ــــــــــــــــ💔ــــــــــــــــــ
بعد لمن اعيد لو اجه العيد
صوب المگبره من شالو ابعيد
ــــــــــــــــ💔ــــــــــــــــــ
صوب المگبره عيني ربيه
وحبابي المشو عنو عليه
مابطل مناحه اشلون بيه
اعايدمن بعد لاالبس اجديد
ــــــــــــــــ💔ــــــــــــــــــ
اعايدمن بعد وحبابي شالو
شالو بالعجل ويلي ولاجو
والصوب النجف ابعجل راحو
هاذا العيد ابد ماريد اعيد
ــــــــــــــــ💔ــــــــــــــــــ
هاذا العيد ابد لا مااعيده
اهلي دورهم ضلمه و ابعيده
وعزيز الكلب اليوم اريده
غير الي يودهم گلبي مااريد
ــــــــــــــــ💔ــــــــــــــــــ
اتمنه هلي ايعودون ليه
نتجمع سوه ونكعد سويه
يستر الگلب صبح ومسيه
کل یوم الألم ابروحي زايد
ــــــــــــــــ💔ــــــــــــــــــ
بعد هيهات اهلي ما يعودون
يرتاح الفكر وتنام العيون
راحو وبعدو عني ميدرون
اه يفراكهم لگلیبي جايد
ــــــــــــــــ💔ــــــــــــــــــ
تمت الحمدلله🤲
باقلام خادمات اهل البيت /ع/
✍️الشاعره حوراء الكناني
✍️الشاعره ام زينب الاسدي
نسالكم الدعاء🙏 بتعجيل الفرج الصاحب الزمان(عج)https://www.tg-me.com/fvyhbib

موجود حاليا في جميع مكتبات المحافظات

واليكم العناوين👇🏻

محافظة ذي قار الناصرية
ابو محمد الحبوبي قرب مرطبات تفاحه 07705504973
يوجد لديهم خدمة توصيل
.
ابو سجاد الحبوبي مقابل فرع سيد راضي 07807842023
مع خدمة توصيل
.
مكتبة نور الزهراء الحبوبي 07808201784
.
سوق الشيوخ مكتبة مله هاني
07801766808
.
الشطره سيد حيدر عمارة احمد طه قرب مسجد الحوراء زينب ع
07807884782

دار الامير
الحبوبي قرب عمارة المعلمين
+9647808352173

محافظة البصرة
مكتبة دار الزهراء بصره العشار استاذ احمد 07735651077 توجد خدمة توصيل
.
مكتبة الحكمه ابو عقيل 07709076591
.
مكتبة الدعاء العشار
استاذ حيدر
07709003077
.
الگرنه مكتبة الغدير الشيخ ابو احمد جبار لفته جامع الامام الرضا
07712668559
.
الزبير مكتبة ابو تيسير
07711719920

محافظة بغداد
الكاظمية المقدسة الحاج جاسم الخفاجي 07901813276
.
مدينة الصدر سوق الگياره مكتبة الغدير 07711395580
____

محافظة العمارة
مكتبة القلم 07712529427
____
محافظة الكوت
مكتبة محمد زوين
07711719920
____
محافظة السماوة
مكتبة علي حرجان 07832014076
____
محافظة بابل الحلة
مكتبة الحسن 07806772872
____

محافظة كربلاء
مكتبة المنتظر سوق السرداب
07801127661
____
محافظة النجف
مكتبة المجتبى علي جبرين سوق الحويش
07801198831

____

قصيده الاحباب
•••♡•••♡•••♡•••♡•••♡•••
احن وشتاك لگعدتكم يالاحباب
ودمع العين عالوجنات سچاب
•••♡•••♡•••♡•••♡•••♡•••
فرگنه الزمان وضاع ملگاهم
تطشر ياشملنه وضيعيناهم
حزينه الروح والله تريد ملگاهم
دموع العين مترجع الغياب
•••♡•••♡•••♡•••♡•••♡•••
دمع العين عالوجنات حراگ
تدروني عليكم محمل فراگ
كلساع ويفز گليبي يشتاگ
أظل مناطره وعيني على الباب
•••♡•••♡•••♡•••♡•••♡•••
ليل نهار اون وعميت العين
بعدهم عذباني وزاد الونين
انكسر ظهري عليهم صار نصين
ياجرح النودهم لسه ماطاب
•••♡•••♡•••♡•••♡•••♡•••
ياريت الزمان يعون وياهم
وحشه انزواهم ترهب بلياهم
وگفنه اباب اهلنه ومالگيناهم
اه يفراگهم بالكلب عطاب
•••♡•••♡•••♡•••♡•••♡•••
اآه يفراگهم عذب دليلي
اون اعليهم ومهدوم حيلي
اظل مساهره وماانام ليلي
يحله معاتبي ويزيد الاعتاب
•••♡•••♡•••♡•••♡•••♡•••
تمت الحمدالله🤲🏻
بقلم خادمات اهل البيت~ع~
✍️الشاعره ام منتظر الجابري
✍️الشاعره حوراء الكناني
نسالكم الدعاء🙏🏻🙏🏻 بتعجيل الفرج الصاحب الزمان«عج»https://www.tg-me.com/fvyhbib

نزلة عن بدايه محرم
♾️♾️♾️♾️♾️
رفعو اعلام السود رفعوها
بالدمع بنت النبي واسوها
............... 💔..............

واسو الزهره البتول الطاهره
ويلي ابنها حسين حزو منحره
ماطفت نيران حزنه اموجره
المجالس. للعزه. حضروها
............... 💔..............
المجالس للعزه . خل. تنصب
وللعزيه اليوم يحضر كل محب
ولجله كون عيونهم من دم تصب
وبمصابه عيلته عازوها
............... 💔..............
شما تمر ايام وتمر. السنين
ماتهيد الوعة بينه ياحسين
كل كلب مولاي لمصابك حزين
امصيبتك للموت ماينسوها
............... 💔..............
ابد ماننسه مصابك للممات
بلا وجودك ابد ماتسوه الحياة
اعله حبك نصحه مولاي ونبات
لرواح لجلك شيعتك ضحوها
............... 💔..............
لرواح لجلك يالولي نفديها
والمواكب للحزن. نبنيها
وكلنه امك فاطمه نواسيها
وحيل صرخات الحزن علوها
............... 💔..............
تلطم الخدام. وبحسره تون
ابد ماتنطفي نيران. الحزن
ابكل وكت دلالهم لجلك يحن
وبدماهم تربتك. رووها
............... 💔..............
تمت الحمدلله🤲🏼
بقلم خادمات اهل البيت«ع»
✍🏻الشاعره ام زهراء الزايداويه
✍🏻الشاعره حوراء الكناني
نسالكم الدعاء🙏🙏بتعجيل الفرج الصاحب الزمان~عج~https://www.tg-me.com/fvyhbib

نعي بدايه محرم
ـــــــــــــــــــ😭ــــــــــــــــــــ
نستقبل محرم بل احزان
ونعزي زينب علئ الوليان
ويه حسين الدهر خوان
ـــــــــــــــــــ😭ــــــــــــــــــــ
نستقبله بدموع وونين
وتجري دمه لمصابه العين
وكلوبنه تنفطر نصين
ـــــــــــــــــــ😭ــــــــــــــــــــ
اعله الصدر نلطم ابحرگه
نساعد الحره على الفرگه
اخوها العده صدره تسحكه
ـــــــــــــــــــ😭ــــــــــــــــــــ
هل الشهر والدمعة هلت
ورواحنه اعله حسين حنت
والدنيا عليه بلوعه ونت
ـــــــــــــــــــ😭ــــــــــــــــــــ
گلب المحب هليوم حزنان
هل الشهر والدمع نهران
صار الحزن والنوح عنوان
ـــــــــــــــــــ😭ــــــــــــــــــــ
هل الشهر والگلب ذايب
اويلاه من دهر النوايب
بس الحزن بيه والمصایب
ـــــــــــــــــــ😭ــــــــــــــــــــ
تمت الحمدلله🤲🏼
بقلم خادمات اهل البيت«»
✍🏻الشاعره ام زهراء الزايداويه
✍🏻الشاعره حوراء الكناني نسالكم الدعاء🙏🙏 بتعجيل الفرج الصاحب الزمان (عج)https://www.tg-me.com/fvyhbib