قصيده فزاعيه الزهراء(ع)والرابط هوسه
♾️♾️♾️♾️♾️♾️♾️
اليله ام الحسن بلمگبره تبات
عن الدار شالت ياحسافات
♾️♾️♾️♾️♾️♾️♾️
عن الدار شالت ويلي اليوم
وگلب ام الخدر عالزهره مالوم
عليها اتراكمن بعد امها الهموم

((عالزهره آتون ومالومه))
♾️♾️♾️♾️♾️♾️♾️
علزهره تون زينب وتتحسر
على افراگچ ييمه الگلب مايصبر
عفتينه يتامه وبيتچ امکدر

((مسدوده بيبانه اخلافچ))
♾️♾️♾️♾️♾️♾️♾️
الدار امكدره ويلي وحزينه
شخصج يالزجيه امضيعينه
صعب كلش صعب فكد الحنينه

((ماتسوه الدنيا ابلياها))
♾️♾️♾️♾️♾️♾️♾️
صعب کلش صعب يايمة فكدچ
ياوسفه النذل سطراه خدچ
صوب المگبره رحتي اشعندج

((مضيعينه وجهچ يايمه ))
♾️♾️♾️♾️♾️♾️♾️
ظل يمه الكلب حزنان ينعاچ
يالكلج محنه وين نلكاچ
ابد ماتسوه دنيانه بلياچ

((الكون ايون الفرگاها))
♾️♾️♾️♾️♾️♾️♾️
ابد ماتسوه يمه الدنيه من دونچ
مانگدر يزهره نفارگ عيونچ
الضلع مكسور ويلي ومنخطف لونچ

(( يايمه افراگچ شیشیله))
♾️♾️♾️♾️♾️♾️♾️
تمت الحمدلله🤲🏻
بقلم خادمات اهل البيت(ع)
✍🏻الشاعره حوراء الكناني
✍🏻الشاعره ام زهراء الزايداويه
نسالكم الدعاء🙏🙏 بتعجيل الفرج الصاحب الزمان(عج)https://www.tg-me.com/fvyhbib

#لااجيز_حذف_اسم_الشاعره
قصيده للزهراء ع#


الج ننصب عزه شلتي يحوريه
عدنه شكد حوائج كولي مكضيه

✵⊚≍❊(🩸)✵⊚≍❊
عدي هموم ثكلن هلحرت بيهن
ماعدي حبايب عدمن اشكيهن
رحت للزاجيه وليوم تكضيهن

((محتاره جيت ومهضومه))
يقلم ✍الشاعره خادمة المحجوبات
✵⊚≍❊(🩸)✵⊚≍❊
عرفج يلعفيفه ام الشدد انتي
ماعندي حبايب انتي حبيبتي
ياام الحسن فرجيلي كل شدتي


((محتاره ماعندي حباب))
بقلم✍ الشاعره ام زهراء الحسيني
✵⊚≍❊(🩸)✵⊚≍❊

ماعندي ياغيرج و انتي تدرين
اقضي حاجتي احلفج بلحسين
اندبج يلزهره والدمعي بلعين

(تقضيها الحاجه بجفج)
✵⊚≍❊(🩸)✵⊚≍❊
اقضي حاجتي يلزهره اليه
همومي اگثرن وحيل مابيه
ضاگت هايحره الدنيه عليه

( تدرين ماعندي حبيبه)
✵⊚≍❊(🩸)✵⊚≍❊
ياام الحسن همومي گثرانه
تعبني الزمن وبيه دوهانه
وبروحي الام مولاتي تعبانه

(اشگيلج الهموم البيه)

✍🏻حوراء الكناني
""""""'''''''''''''''''""""""'''''''''''''''''
تسوين الدمع ولاه والونه
ومصابج يزهره ما اجرعنه
ونحسين وحسن من يبجي المعنه

( صاحو يالحره تيتمينه)
"""""""""""""""""""""""""""

((( قناة المحجوبات بنات الطهر )))

تـــمـ بعون الله تعالى ـــت
باقـــ✍ـــلم خادمات اهل البيت ع
(((قناة خادمة الزهراء عليه السلام)))
بتاریخ 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻https://www.tg-me.com/fvyhbib

لطميه لزهراء س
وزن نصاري

✶✶✶✶✶✶✶✶✶
بيدينه علي الدّره لزمها
ثلث تيام فاطم نزف دمها

✶✶✶✶✶✶✶✶✶✶✶✶
الله يساعــده يــوم الفكدهه
دفنـاهه ودفـن روحــه بعدهه
ضاكت عبرته أبنزلت لحــدهـه
ومن شاف الضلع كسره ختمها

✍أم اسعدالشمري
✶✶✶✶✶✶✶✶✶✶٭٭٭٭٭
شمعة حيدره والچنها مصباح
وسفه نورها وذاك الحضن راح
ظل بس الدمــع بـالخــد سفاح
بــعـدج هــالغــريــبــة زادغمها

✍️سلمى أم جعفر
✶✶✶✶✶✶✶✶✶✶✶✶
شمعه يا وسف طفوا ضواها
خسرها من بعد ما فگد طاها
عليله الروح و الزهره دواها
بعمر اثمنتعش ورده ويشمها

أم علي ✍🏻دمعة لقاء
✶✶✶✶✶✶✶✶✶✶✶✶✶✶✶
من شاف الضلع زادت الالام
راحت زهرتي ويلي والاحلام
حرمـوني يــوسفه گــوم ظلام
محسنهه سقــط زايــد المها

✍️حوراء الكناني
✶✶✶✶✶✶✶✶✶✶✶✶✶
من وارى الجسد صاحت اليتام
ردها يا علي ويــــانـــه اتــنــام
تضمنا فــي صـدرها رغم للآلام
وگلبنا يطــيب مـن نسمع اسمها

✍فاطمة العجمي / ام حسين
✶✶✶✶✶✶✶✶

يــازهره الزجيــه ونبض لروح
ما انساج دمعي اعليچ مسفوح
ريتچ ترجعيلي ولو مسموح
بعد الزهره روحه زاد همها

✍🏻ناعيه كربلاء عاشقة الطف ام محمد آل درويش
✶✶✶✶✶✶✶✶✶✶✶✶✶✶
من شاف الضلع مكسور نصين
صــاح الله اكبـر ابــو الحسنين
ضــل يبجٓـي عليها ويهمل العين
اتمنه زهـــــرته ابگـــلبه يضــمها

✍🏻 ام زينب الأسدي
✶✶✶✶✶✶✶✶✶✶✶✶
تمت وبعون الله وباقلام شاعرات اهل البيت في رابطة واقعة الطف لتعليم الاوزان وباشراف الشاعر كيان الكاظمي ونسالكم الدعاء🙏🙏https://www.tg-me.com/fvyhbib

شلج يالحنينه بنوم الكبور
كلبي عليج يمه صبح مفطور
★★::::::::::::::::★★::::::::::::★★
اجاني خبر موتج شاعت علومه
اجيت وكلبي طاير بيتج بهومه
حار الكبر يمه شلج بنومه
خله بيتج يايمه وانطفه النور

✍🏻ام محمد الساري
★★::::::::::::::::★★::::::::::::★★
شلج بلگبر يايمه ردي
لا تعوفيني يحبيبه وحدي
يايمه انه غيريج ماعندي
بعدج مضلمه صبحت الدور

✍🏻حوراء الكناني
★★::::::::::::::::★★::::::::::::★★
خله بيتج يايمه من حنانج
لاتروحين يالخالي مجانج
خليتي بهظيمه شو بناتج
يالجنتي علينه خيمه اوسور

✍ام محمد الساري
★★::::::::::::::::★★::::::::::::★★
يالجتني علينه خيمه تفين
انفطر كلبي ييمه انجسم نصين
ماابطل نياحي عليج وونين
يون عليج گلبي بونه مكسور

✍🏻حوراء الكناني
★★::::::::::::::::★★::::::::::::★★
الج ونه يشفجه دوم اون بيها
شلون ابنيتج وحيده تخليها
خليلج وعد يمته تمريها
ظلت حايره وبس تنذر انذور

✍🏻ام محمد الساري
★★::::::::::::::::★★::::::::::::★★
شلون بنيتج تعوفينه وحيده
جرح گلبي يايمه اشهيده
راحت امي مني وروحه ابعيده
روحي تمرمرت وحزني ناطور

✍🏻حوراء الكناني
★★::::::::::::::::★★::::::::::::★★
تمت الحمدالله🤲🏻
بقلم خادمات اهل البيت(ع)
نسالكم الدعاء🙏🏻🙏🏻 بتعجيل الفرج الصاحب الزمان(عج)https://www.tg-me.com/fvyhbib

وخلنه نواسي زينب الحره
وغابت روحها من شالت الزهره
****
ضلت بس قهر والمدمع اتسيله
تشم بيها العبايه وتشبك الشيله
حيدر من يصدها منمرد حيله
بعدهي اصغيره علوعات والعبره
✍الفاطميه
********
لوعه الدهر بعد امها يالوعه
بفراك الزجيه الروح مفجوعه
وظلت بس تون والونه مسموعه

اخلاف امي وحيده وكلبي شيصبره
✍️ام أحمد
*****
خل ننصب عزانا انواسي الحزينه
مهظومه وكلبها زايد اونينه
هاجرها الفرح من غيم اسنينه

نار أفراك امها خل الف جمره
✍أم أسعد الشمري
******
زينب عل زجيه المدمع تهله
تطب محراب امها اتشوف المصله
تكلها يم حسن خليتي الف عله

نار بكلبي ما هادت ولا مره
✍المواليه
******
ما احمل تكله صغيره يا يمه
متفصل علي لون اليتم همه
يا زهره حياتي اذكر اللمه
وناجيك بخيالي وتذبح الحسره
✍🏻حوراء الكناني
*****
اعلشالت ن دك ونلطم اعلراس
فركاهه صعب ماينحمل يناس
بروحتها اليتيمه تشهك الانفاس

تون بليل الها وتذكر العصره
شيرين العتابي
****
تمت القصيده باقلام شاعرات رابطه النحر
اللهم عجل لوليك الفرجhttps://www.tg-me.com/fvyhbib

*قصيده الفواتح الام {ونهديه الى مولاتي الزهراء(ع)}*
❧✥════❢❢✺✺❢❢════✥❧
اعله مهلك ياشيال الحنينه
شالت امنه منه وماتجي لينه
❧✥════❢❢✺✺❢❢════✥❧
شالت امنه وضلمه مبانيهه
شلون الدار بعد امي اصد ليهه
بعد هيهات اسمعهن محاجيهه

يفراگج يمه//يبجيني

✍🏻حوراء الكناني
❧✥════❢❢✺✺❢❢════✥❧
ياشيال النعش ريضلي شويه
اريد اعاتب الشفجه بمعرفيه
وضنها شايله شيله وداعيه

يالشايله// ريض بيها

✍🏻ام محمد الساري
❧✥════❢❢✺✺❢❢════✥❧
ياشيال النعش براضه بهداي
شمحله الوالده تسامرر وياي
دمه عليها ظلت تبجي عيناي

تجويني// يانار مصابج

✍🏻حوراء الكناني
❧✥════❢❢✺✺❢❢════✥❧
اريد اسولف وياها وحاجيه
ليش تروح عني اوين الاكيه
انه عندي سوالف وين اوديه

تخليني// بعازه وتمشي

✍🏻ام محمد الساري
❧✥════❢❢✺✺❢❢════✥❧
تخليني بعازه شلون وتروح
واعلشفجه گليبي مجروح
وعليها انه ماابطل النوح

الفركاها//توجعني اضلوعي

✍🏻حوراء الكناني
❧✥════❢❢✺✺❢❢════✥❧
من بعدج ييمه الروح خلصانه
جويه انه ونسيت الكعدت ويانه
تعبني زماني وحيل نهلانه

اشوالي//لوموت وياها

✍🏻ام محمد الساري
❧✥════❢❢✺✺❢❢════✥❧
ويلي اعلزمن الطشر شلمنه
شالت ياحسافه الغاليه امنه
راحت حيف يالگلهه محنه

ياذيني//مكلف يايومج

✍🏻حوراء الكناني
❧✥════❢❢✺✺❢❢════✥❧
تـــمت الحمدالله🤲🏻
بـــ✍🏻ـقلم خادمات اهل البيت(ع)
نسالكم الدعاء🙏🏻🙏🏻بتعجيل الفرح الصاحب الزمان(عج)https://www.tg-me.com/fvyhbib

قصیده بعنوان
😭تغسیل الزهراء ع😭

.هاليله الحسن اتفور
نيرانه
يون حيل عله امه وروحه
خلصانه
___
باالمغيسل يون ايلوب
يازهره
متخوصر عليج ومنكسر
ضهره
يمه بصدر اخوي مكسره
العبره
ايعاين للحسين بروح حزنانه
بقلم العلويه ام رقيه✍🏻
_____
الحسن طب للمغیسل ینحب اعلیها
یون حسین یمها وضل یحاچیها
علی وسط النعش امهم امخلیها
وزینب تنتحب والروح عدمانه

✍🏻المیرزا ام لیلی الخاقانی
➖〰️➖〰️➖〰️➖
ایـده اعله اظهر وایهملن اعیونه
وایحاچی الاخو ابـروح محزونه
یخویه احسین هایه امنه الحنونه
فگدهه الیوم یبو السجاد سلانه

ام مهدی امجدم✍🏻
➖〰️➖〰️➖〰️➖
يعاين للحسين ويمسح ادموعه
يدري اشلون اخيه روحه مفجوعه
وزينب صارت ابياحال يالوعه
تصبر والكلب موجور نيرانه

أم أسعد✍🏻
➖〰️➖〰️➖〰️➖
بعدنه ازغار يمه اشلون عفتينه
گلبنه عليج ابد مابطل ونينه
نريد وياج يزهره لاتخلينه
عليج الدار يم حسين حزنانه

ام مصطفى ناصريه✍🏻
➖〰️➖〰️➖〰️➖
اريد امشي الگبرها اتوسد احذاها
هيه العافيه امي صعب فرگاها
شالت والمحنه شالت وياها
اصد الدار ويلي منها خلوانه

✍🏻حوراء الكناني
➖〰️➖〰️➖〰️➖
اريدنــچ تردی يـــمه الحـــنينه
اوياج اگعد واسولف هم العلينه
وهایه روح اگلچ بعدچ احزینه
من گد البچی العين عميانه

✍🏻ناعيه كربلاء عاشقة الطف ام محمد آل درويشhttps://www.tg-me.com/fvyhbib

قصیده
!((لمولاتی فاطمه الزهراء ع))
؛؛؛؛؛؛؛؛؛؛؛؛؛؛؛😭😭😭

یبویه افداک دلینی الگبر ویـن
ارید اشبع بواچی واعمی العین
$$$$$$$$$$$$
علیک ابداعت اضلوع الزچیه
ودینی اندفن یمـــها سویـــه
اشلون ایهوّد النــاره سریـــه
شایل بلگلب هظمک یبوحسین

✍🏻ام اسعد

$$$$$$$$$$$$
گبرامی یحیــدر لیش خافیــه
اریداوصل انوحن والطم اعلیه
لوعنت علیه ارد امربیـــه
اظل للدوم اونن واجری لونین

✍🏻ام مصطفی الناصریه

$$$$$$$$$$$$
ارید اتوسدواحچی هظمنه
لمی الزاچیه الچانت تلمنه
طاح الحمل من بعدچ یامنه
دلونی بگبرها یامحــــبین

✍🏻ام حسین عبادالتمیمی

$$$$$$$$$$$$
عله مصابچ یزهرا حیل ونیت
لیلی ماغفیته والچ ســــهریت
خذاچ الموت منی واضلم البیت
بگه مصلاچ خالی البی تصلین

✍🏻العلویه ام منتظر الجابری

$$$$$$$$$$$
مجروح الگلب وعلیها میهود
غمضت عینها ونامت بللحود
شالت والدتنه علینه متعود
دلینی ابگبرها دربه امنین

✍🏻حوراءالکنانی

$$$$$$$$$$$
امی اتعذبت من گوم الشرار
ماهابوها من هجمو عله الدار
خل یظهرالمهدی ویاخذالثار
ویاخذ ثارکم من الملاعین

✍🏻ناعیةکربلاءعاشقةالطف ام محمد ال درویشhttps://www.tg-me.com/fvyhbib

‌‌علشفجات ارید اعميها العيون

نامن بلمگابر بيه انه اشلون

★----------------------------------

علشفجات ابچي واعمی العین

ریضیلی یایمه ولا ترحلین

شلون احمل الفرگه طول السنین

فرگاهن صعب وعليه مايهون

★----------------------------------

فرگاهن صعب والفرگه تچويني

بعد بغيابهن منهو اليسليني

مااحمل افراگ وگلبی يااذيني

مااحمل الفرگه بيه تدرون

★----------------------------------

علیهن ماابطل انه ونتي

عله الخدین ماتنشف دمعتي

وین اشکی یهلعالم وحدتي

عليهن ارد ادگن حيل المتون
★----------------------------------
المن اشتکي حالی یهلناس

الفرگاهن بگیت الطم علراس

عافني ومشن واتهدم الساس

نامن بلگبروالحیل مرهون

★----------------------------------
عافنی ابهظم وفارگني

محدمرعلیه ونشد عني

الگبر طم الحنینه وسفه مني

اريد اندفنون ویاهن ميرضون
★----------------------------------
*تـــــمت والـــــ🤲ـــــحمد الله تعالى*
*بـــ✍🏻ــقلم خـادمـة آهـل البـيـت﴿ع﴾*
*✍️الــشاعـره حـوراء الكـنانـي*
*نسالكم الدعاء🙏🏻🙏🏻بتعجيل الفرج الصاحب الزمان /عج/*https://www.tg-me.com/fvyhbib

.
.
.قصیده بعنوان
🔥صباح العافیه 🔥

صباح الخير يمه شلونج اليوم
دگعدي يالحنينه وبسج النوم
💦💦💦💦
صحوت موت جنهه اليوم گعدتهه
زينب خايفه وتسيــل دمعتهه
تمشط راسها بحنيه رادتـــهه
وشبكتهه وتون الضلع ملجوم

ام روكان الشمريه
💦💦💦💦
صحوت موت چنها ام الحسن تدری
وتگل زینب تعالی اضمچ الصدری
یا ساعه امفارگتچ یایمه مــاادری
وزینب تنتحب والگلب مالوم

✍🏻المیرزا ام لیلی الخاقانی
💦💦💦💦
طر فــجر المصيبة وهيه مذعوره
زينب بالـــحزن والنــوح مكسوره
ابزغر سنهه وعلیهه حیل مقهوره
سهم النوح يمه وكلبي مقسوم

✍🏻الشاعره ام سكينه العبوديه.
💦💦💦
ونت زينب بونه تـــهد الحيــل
عله امها الغربت حيف بتوالي الليل
عله خدها الدمعه مرسومه واتسیل
تشوف امها تون ماتكدر تكوم

بقلم العلويه ام رقيه
💦💦💦
زينب علحنينه تنحب ابحرگه
وتگلها ییمه مااحمل الفـــرگه
مثلچ یم حسن چاوین بعد الگله
وحیلی علیچ ياام الحسین مهدوم

✍️حوراء الكناني
💦💦💦💦
صحوت موت يحبيبه صحيتي
سمعتي ابجاي يايمه وحجيتي
يمه زينب الخوتج وصــــيتي
اسم الله عليج الكلب ملجوم
أم اسعد
💦💦💦
صحوت موت حالتهه اعرفتهه
ابیوم السالت الدمعه انظرتهه.
رحــت ابساع وامی احظنتهه
اشبيدي اعلى المنية هذا مقسوم...

ام محمدالابراهيميةhttps://www.tg-me.com/fvyhbib

#نوحیـه الی الزهراء علیه السلام


لیش حمره اعیـونچ ـــ یمه اموت ابدونچ
يمه رجعي البيتج ـــ یمه اموت ابدونچ
➖〰️➖〰️➖〰️➖〰️➖
يمه اتمنه اليه الموت يندار
ولا تظل بعدچ خليه وسفه هالدار
تبجي وتسأل عليج ازغار واكبار

يمه وكت موتج// يمه مااسمع صوتج
يمه اموت ابدونج

✍ #عـلــویــه_ام_فــاضل
➖〰️➖〰️➖〰️➖〰️➖
يمه اتمنه تعودي يالنجيبه
ولااظل بعدج اگاسي هالمصيبه
لاتطولي غيبتج يمه الحبيبه

مغمضات اعيونج //اخواني يريدونج
يمه اموت ابدونج

✍️ #سلمى أم جعفر
➖〰️➖〰️➖〰️➖〰️➖
صعبه اشوف البيت خالي من محياچ
كل ركن بيه يمه اتذكر بحجياج
ريت ياخذني الگبر واندفن وياج

ما أمل ارسومچ //طوليتي نومج
يمه اموت ابدونج

✍️ #أم علي دمعة لقاء
➖〰️➖〰️➖〰️➖〰️➖
.اشلون اخلصنه العمر ابلايچ يمه
من بعد عينچ ييمه دنیه ظلمه
رحتي عنه يالحنينه والله هظمه

امغيرات ارسومچ// بيش العده يطلبونچ يمه اموت ابدونچ

✍️ #ام مهدي الفرطوسيه
➖〰️➖〰️➖〰️➖〰️➖
يمه فدوه ردي ليه ولا ترحلين
اتموت روحي. يالزجيه. من. تموتين
شلون يصبر على افراكج حسن وحسين

وسفه ايدفنونج// خاف يتغير لونج
يمه اموت ابدونج

✍️ #ام زهراء الزيداويه البصراويه
➖〰️➖〰️➖〰️➖〰️➖
یمه اخذج الموت مني وضیعاني
ليش رحتی و لیش غاسی یا زماني
فراگچ یالغالیه یایمه اذانی

متغيره الوانچ//بلگبر شلونج
يمه اموت بدونج

✍️ #حوراء الكناني
➖〰️➖〰️➖〰️➖〰️➖
تــمــت بًعٌوٌنِ آلَلَهّ تٌعٌآلَى
بًآقـ✍ـلَآم خادمات شــآعــرآت

آهّلَ آلَبــيــت
بتاريخ ربــيــع آلَآوٌلَ /١٤٤٣هہ‌‏🌙
لآ نجيزِّ حــذف آلَآســمــآء
نــســآلَكــم آلَدعــآءhttps://www.tg-me.com/fvyhbib

علــى مهــــلك يادفان الاحباب
اريداشـــوفهم لا اتهيل التراب
/////////////////////

علــى مهــلك يادفان خايـــب
اون علـيهم والگـــلب ذايـــب
یاويلي شفت انــواع المصايب
یا وسفه اخوتي الــيوم غيــاب
/////////////////////

ياوســـفه اونن على خواني
يـنار اغيابهم بالروح جواني
انه ام الصبر والحزن عنواني
گليبي مابرد بفراگهم انصاب

✍🏻ام عباس الحسيني
/////////////////////

انه ام الصــبر زينب ياهلناس
ذبحوا احسيني واخيي وعباس
اذونــه عگبهم گــوم الاجارس
وسفه علتـــرب ناموا الاطياب

✍🏻حوراء الكناني
/////////////////////

الف ياحيف وســفه فارگتهم
ويلي ابكـربله كلهــم عفتهم
بگت بالنوح روحـي ماحوتهم
غدروهم خواني شنهو الاسباب

✍🏻ام عباس الحسيني
/////////////////////

غدروهم خواني ويلي الشرار
مارحموا حته اطفــال الازغار
حرگوا الخــيم شبـوها النار
من المصايب گلبي هل شاب

✍🏻حوراء الكناني
/////////////////////

ومن هلمصايب شابت اطفال
وعليهم الجفن دمعاتـه همال
فلابطل النوح مهما الزمن طال
ولا تطفي نارهم دومــها لهـاب

✍🏻ام عباس الحسيني
/////////////////////
تمت الحمدالله🤲🏻
بقلم خادمات اهل البيت ع
نسالكم الدعاء🙏🏻🙏🏻 بتعجيل الفرج الصاحب الزمان(عج)https://www.tg-me.com/fvyhbib

قصيده للزهراء عليها السلام


وزن فائزي

✦•‏​‏​​‏┈┈•✦❁✦•‏​‏​​‏┈┈✦

انحب واون الغيبتج زهره يايـــــمـه

والدنيه بفراگج صفت بعيوني ظلمه

✦•‏​‏​​‏┈┈•✦❁✦•‏​‏​​‏┈┈✦

مااحمل الفرگاج انه يوجعني گلبي

مااشوف من دون ام حسن تيهت دربي

كل يوم ماابطل البجي ويزود نحبي

انگسر گلبي بروحتج وعليه هظمه

*حــــــــ✍️ـوراء الكناني*

✦•‏​‏​​‏┈┈•✦❁✦•‏​‏​​‏┈┈✦

مهظومه خوان الدهر مارحم حالـي

ياصورتج مافارگت يمه خيالــــــــي

ماانسه امي الغربت والدمع هالـــــي

جم دوب ياحزن الگلب جاوين اظمه

*ام منـــــ✍️ـــــذرالحجار*

✦•‏​‏​​‏┈┈•✦❁✦•‏​‏​​‏┈┈✦

مجروح كلبي لغيبتج يايمه مجروح

صديت لمجانج واون والمدمع يلوح

اتركيني تالي بالحزن ظل سهمي النوح

حزني احس طش الارض جابيش المه

*الشاعره ام سكيـــــــ✍️ـــــنه العبوديه*

✦•‏​‏​​‏┈┈•✦❁✦•‏​‏​​‏┈┈✦

مأحمل انه الفرگتج گليلي شلون

عله غيابج انه يم حسن راح اعمي العيون

وعليج يازهره الحسن وحسين يبجون

مكسور كلبي عله اخوتي وكثران همه

*الشاعره كريــــــــــ✍️مه البو حلوه*

✦•‏​‏​​‏┈┈•✦❁✦•‏​‏​​‏┈┈✦

يايمه يوحشني النزل عگبج عليه

صار المسه وامضيعه وجه الزجيه

ماردت الشفجه وانه ونتي خفيه

حيلي عله فرگه ام حسن خلوني اعدمه

*هديــــــــ✍️ــــــل الياحيه*

✦•‏​‏​​‏┈┈•✦❁✦•‏​‏​​‏┈┈✦

اذكرت گعدات العصاري بمكسر البيت

واتحسرت يم المحنه وحيل ونيـــــت

ليهسه اسمع صوتج يحبيبه حسيـت

اسمع تنادي ياهله شمحلاها جلمــــه

*العلويه ام مرتـــــ✍️ـضى الموسوي*

✦•‏​‏​​‏┈┈•✦❁✦•‏​‏​​‏┈┈✦

شلون انسه امي الحملت بالعجل شالت

وانه زغيره عالهظم هم عني گالت

حالي تغير يم حسن والدمعه سالت

وعطر الجنان ايفوح يالبيج انه اشمه

*ام زهـــــــــ✍️ـــراءالفاطميه*

✦•‏​‏​​‏┈┈•✦❁✦•‏​‏​​‏┈┈✦

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

✍️✍️✍️✍️✍️https://www.tg-me.com/fvyhbib

لطميه عزايه للزهراء عليه السلام
🏴🏴😭🏴🏴
خل نتكابال انه وياج نلطم عالزجيه

ماعدهاحبايب هالوفيه
🏴🏴😭🏴🏴
الحركو داره سوده عليه
مكسرة ظلع ام الشفيه
لطمي ولطم شديه ياخيه
ماعدها حبايب هالوفيه

✍ام زهراء الحسيني
🏴🏴😭🏴🏴
حرگو داره وحيل مابيها
مارحموها لمن شال واليها
العدولمن عصره الباب حن ليها
ماعدها حبايب هالوفيه
🏴🏴😭🏴🏴
عصرها العدو لا حن لارحمها
علوجنات ياوسفه سطرها
بين الباب عصره وضربها
ماعدها حبايب هالوفيه
🏴🏴😭🏴🏴
حيل لطمه علزهره اشديها
بلطمتج زينب الحره واسيها
تنوح علشالت كومي ودعينيها
ماعدها حبايب هالوفيه

✍حوراء الكناني
🏴🏴😭🏴🏴
تمت الحمد الله🤲
بقلم خادمات اهل البيت ع
نسألكم🙏 الدعاء بتعجيل الفرج الصاحب الزمان(عج)https://www.tg-me.com/fvyhbib

اجن اليوم يحبيبه بناتج
عليهن ظيم يمه ورايداتج
ــــــــــــ/💔/ـــــــــــ
اجن اليوم كومي تلكيهن
مختنكات بالعبره دحاجيهن
يشكن ظيمهن يمهن تشكيهن
الهن جم يوم صاير فاكداتج

✍🏻ام محمد الساري
ــــــــــــ/💔/ـــــــــــ
گون وياج يااخذنهن الموت
يونن يزجيه ونه بسكوت
ريت وياج يتوسدن تابوت
بلمگبره ويلي مضيعاتج

✍🏻حوراء الكناني
ــــــــــــ/💔/ـــــــــــ
اجن بيتج ينشدن وين امنه
نريد امنه التشاركنه بهمنه
مشتاكات اهن لام المحنه
مهمومات اجن امدللا تج

✍ام محمد الساري
ــــــــــــ/💔/ـــــــــــ
مهمومات اجنج يلحبيبه
شخصج راح ياويلي شيجيبه
ينحبن والبجي عالي نحيبه
اعليهن اهضم جنج غالياتج

✍🏻حوراء الكناني
ــــــــــــ/💔/ـــــــــــ
يكولن ايسينه والدمع يجري
وحدتهن تصيح اوشلي بعمري
امي غاليه وبس الله اهو يدري
مكسورات بس ماعايفاتج

✍🏻ام محمد الساري
ــــــــــــ/💔/ـــــــــــ
مگسورات اجن ظلن وحيدات
نمتي بلگبر زهره حسافات
يصرخن اجن كلهن فاگدات
يدورن. طالت الغيبه مفارگتج

✍🏻حوراء الكناني
ــــــــــــ/💔/ـــــــــــ
تمت الحمد الله🤲
بقلم خادمات اهل البيت عليهم السلام نسألكم الدعاء🙏 بتعجيل الفرج الصاحب الزمان(عج) https://www.tg-me.com/fvyhbib

قصيده الام البنين(ع)
◆━━━━◆❃◆━━━━
تگضي الحاجه ام عباس
بس جربي واندبيهه
◆━━━━◆❃◆━━━━
اندبي الحره هليله
حمل العندج اتشیله
الخادم دوم توفیله
ابعباس حلفیهه
◆━━━━◆❃◆━━━━
گومي وحلفي ابعباس
نبع الغيره والنوماس
سيفه رجف الاجارس
تنطي بساع جربيهه
◆━━━━◆❃◆━━━━
كريمه وما تخيبنه
حاشه الطاهره اتردنه
بالشدات تحضرنه
الحره الحوايج دوم تگضيهه
◆━━━━◆❃◆━━━━
شدي وعگدي الرايات
بسم التگظي الگلافات
كريمه وماترد هيهات
دوم ابزود من تكرم محبيهه
◆━━━━◆❃◆━━━━
كريمه دوم معروفه
ام الگطعو اچفوفه
بلشدات موصوفه
ماخایب يرد الي گصد لیهه
◆━━━━◆❃◆━━━━
*تـــــمت والـــــ🤲ـــــحمد الله تعالى*
*بـــ✍🏻ــقلم خـادمـة آهـل البـيـت﴿ع﴾*
*✍️الــشاعـره حـوراء الكـنانـي*
*نسالكم الدعاء🙏🏻🙏🏻بتعجيل الفرج الصاحب الزمان /عج/*https://www.tg-me.com/fvyhbib

اجينه رایدین امراد
من ام الاربعه ليله
♾️♾️♾️♾️♾️
اجينه وبلكلب حسره
نريد مراد. يالحره
ابجاه الي نكطع نحره
حملنه انريدها اتشيله
♾️♾️♾️♾️♾️
نادي ابداعت المظلوم
صيحي والدمع مسجوم
اجبري گليبي الملجوم
اجيتج روحي انحيله
♾️♾️♾️♾️♾️
يم عباس وجبينه
نريد امراد تنطينه
حملنه انتي تشيلينه
المدمع لاجلج انسيله
♾️♾️♾️♾️♾️
ليله جربي وانخيها
وبل عباس حلفيها
تشافي العلة البيها
وتدري بيج اعليله
♾️♾️♾️♾️♾️
بس الفاتحه اقريها
بدمع العين حاجيها
جربي اليوم اندبيها
ام الكافل ادخيله
♾️♾️♾️♾️♾️
ًُحاجيه بدموع العين
وحلفيها بمصاب حسين
وابنها وگطعت الچفین
ابجفها اتعدل المیله
♾️♾️♾️♾️♾️
تمت الحمدلله🤲🏻
بقلم خادمات اهل البيت(ع)
✍🏻الشاعره ام زهراء الزايداويه
✍🏻الشاعره حوراء الكناني
نسالكم الدعاء🙏🏻🙏🏻 بتعجل الفرج الصاحب الزمان(عج)https://www.tg-me.com/fvyhbib

شگد صعب ماينحمل تودیع الخوان

غصبا تفارگنه و وكت هالمشكله حان

بروحتك گلبي گسرته وحيل حزنان

واحد وره واحد انه فارگت الاحنان

لمن رحت خويه الگلب ليهسه
وجعان
​┅┅┅┅ـ🌸🕊🕊๘✿ৡ┅┈┈‏•🌸
مشتاگ اروح اليوم بين الحضرتين💕
اشتــم عطـر عباس والثاني احسين🌹

✍بقلمي