قصيده بحق السيده الزهراء عليها السلام

وزن تجليبه

______

تون امي الحنينه مدري شبيها

يوجعها الضلع والسطره تاذيها

_____

تون امي وعليه تخفي ونتهــا

من حر الوجع طبت الحجرتها

جتاله اضن ياناس علتهــــــــــا

علتج يالزجيه بروحي خليهــــا

*ام روكـــــــ✍️ـــان الشمريه*

ــــــــــــــــــــــــــــــــــــــــ

تون امي الحنينه وتمرد ابروحــي

اون الليل يمها اومابطل نوحـــــي

جرحج يازجيه يلجم اجروحـــــي

كلفه اجروحها واشلون اداويهـــــا

*أم ستــــــ✍️ــــــار الكعبي*

ــــــــــــــــــــــــــــــــــــــ

ضاع دواج يايمه ومردتينـــــــــي

ليش استعجليتي يابعد عينـــــي

مني الروح طلعت ايمه حضريني

امنه استعجلت وتراب غطاهـــــا

*أم عبــــــــ✍️ـــــــد اللـــــــه العـــــابدي*

ـــــــــــــــــــــــــــــــــــــــــ

مانسمع خفه صوتج بوسط البيت

ابجي عليج يمنه وحيل انه ونيت

اشمن شيلتج يالوالده وابجيـــــت

ياحيف الحنينه ضايع دواهـــــــــا

*حــــــــ✍️ــــوراء الكناني*

ــــــــــــــــــــــــــــــــــــــــ

يوجعها الضلع وعيونه مورمه

تصيح بصوت خافت تعاي يايمه

شسوي انه ييمه وروحي تتغمـه

لتروحين يمه وعيني تعميهـــــا

*ام محــــــــ✍️ـــــمد الساري*

ـــــــــــــــــــــــــــــــــــــ

لو ترحين عگبج من يبارنــــــــي

وحدي بالنزل يا يمه عفتينــــــي

لو ماشوف وجهج تنفگس عيني

حاديها مشه ومارضه يخليهـــــا

*ام مهـــــــــ✍️ــــدي المياحي*

ـــــــــــــــــــــــــــــــــــــ

امـی حمـلـت بالدار عـافـتنی

اون اللیل کله إعلیها خَلتنـــی

بِرجاها تِردلی لیش ماجتنـــی

تـدرین البـعد روحـی یـأذیـهــا

*یــــ✍🏻ـــسرا الموسوی*
ــــــــــــــــــــــــــــــــــــــــــــــ

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

✍️✍️✍️✍️✍️https://www.tg-me.com/fvyhbib

عنواني يبقه احسين اسمه هويتي

واخره ودنيه بيه متعالي صيتي

✍بقلمي

اروحن فدوه الامي ومحاجيهه

امي ام القداسه ينحلف بيهه

هيبه الوالده وشمحله طاريه

شكثر زعلت مني وصيحت عليهه

امي تخاف عليه من الرزيه

✍بقلمي

قصيده المولاي القاسم ابن الكاظم (ع)
موشح
.........

عالغريب اليوم نعلن الحداد
قاسم بن الكاظم ياباب المراد

ويلي القاسم مظلوم وغريب
اكرمه الباري للحاجه مجيب
ورثــوا اجداده للعله طبيب
اتعنه لزيارته بعلام السواد

✍🏻ام عباس الحسيني

🔰🔰🔰🔰🔰🔰🔰🔰

نعتنـي لزيارته بالآه والـحزن
نبجي ابحــسره وجفونه دمن
حزني عالمضلوم ابن المأتمن
مصيبته صعبه تدمى للفؤاد

ام البنين
🔰🔰🔰🔰🔰🔰🔰🔰

حزني عالمضلوم انصب العزاء
نعازي الكاظـم واصـــيح بنداء
ابحسره ابجي انه وزيد البگاء
الگلب ملــجوم وهــمومه زاد

✍️حوراء الكناني

🔰🔰🔰🔰🔰🔰🔰🔰
الگلب محـزون عالقاسم اليوم
يله ياشـــــيعه اذكروا المظلوم
والرضا نواسي اخوه المسموم
ونعظم شعار الحزن ابكل البلاد

✍🏻ام عباس الحسيني

🔰🔰🔰🔰🔰🔰🔰🔰

نرفع اشعار الحزن بمدمع همول
نعازي بمصابه علي فحل الفحول
يومه القاســــــم فاجع اومهول
مصيبته صعبه اليـــــــوم المعاد

ام البنين

🔰🔰🔰🔰🔰🔰🔰🔰

هل مصيبه صعبه علينه تره
اون ونحب ويلي اعله الجره
نار بلگلـوبنه اعلـيـــه موجره
صعب امصابه وحق رب العباد

✍🏻حوراء الكناني

🔰🔰🔰🔰🔰🔰🔰🔰
تمت الحمدلله🤲🏻
بقلم خادمات اهل البيت{ع}
نسالكم الدعاء🙏🏻بتعجيل الفرج الصاحب الزمان(عج)https://www.tg-me.com/fvyhbib

قصيدخ فزاعيه للقاسم ابن الامام الكاظم(ع)
/////////////////////
لبن الكاظم بهل يوم
خل ننصب مأتمنه
/////////////////////
خل ننعه ونون وانوح
نلطم والكلب مجروح
ونصب الدمع مسفوح
يوم الحيد المنه
/////////////////////
مهدوم الرضا ومهموم
ينحب والكلب مالوم
مفگود الاخو هاليوم
يجذب للاخو ونه
/////////////////////
دمع اعيونه مايبرد
ولامن الطم هود
نلطم عالوجه والخد
على مصاب سيدنه
/////////////////////
مانگطع عليه لونين
وندگ لجله عل متنين
نريد مرادنه جايين
هوه الحيد المجنه
////////////////////
نرفع اسود الرايات
القاسم شال ياوسفات
اطلبو ويقضي الحاجات
بالشداته اندبنه
/////////////////////
تمت بعون الله🤲🏻
بقلم خادمات اهل البيت عليهم السلام
✍️الشاعره اسراء الواسطي
✍️الشاعره حوراء الكناني
غير مبرئ الذمه اليحذف اسم الشاعرات ويسلب القصيده ويتلاعب بيه❌❌ نسالكم الدعاء🙏🏻بتعجيل الفرج الصاحب الزمان(عج)https://www.tg-me.com/fvyhbib

قصيده للقاسم ابن الامام موسى الكاظم(ع) وزن تجليبه
🔰🔰🔰🔰🔰🔰🔰🔰
على القاسم نون ونبجي بحسره
مخنوگه بصدرنه مگسره العبره
/////////////////////🔰🔰🔰🔰
على القاسم ندگ ونلطم اليله
دمع العين على الوجنات اله انهيله
ابفگده نواسي الاخوه والعيله
اليله اعله الغريب نعازي الزهره

✍️حوراء الكناني
/////////////////////🔰🔰🔰🔰
نعزي الزچيه ام الحسن وحسين
على المظلوم القاسم نهل العين
غريب ولا احد عنده من الطيبين
عليه الشيعه محزون ودمع يجره

✍🏻ام عباس الحسيني

/////////////////////🔰🔰🔰🔰

عليه الشيعه محزونه تدگ الهام
وحيد وفي بلد غربه مع الظلام
مثل زينب غريبه المشت للشام.
الدنيا اعله الغريب الليله متكدره
"""""
ام البنين

/////////////////////🔰🔰🔰🔰
الدنيا اعليه اويلي اليوم مرجونه
ولا يــمه اهـــل ويغمضو اجفونه
على فراش الاجل غربه شيعونه
وبفگده گلب مكسور شيجبره

✍️حوراء الكناني
/////////////////////🔰🔰🔰🔰
هذا اليوم تسعر جمره لمصابه
حزينه شيعته والآه على اغيابه
الف ياحيف القاسم فارگ احبابه
دفن مظلوم لااهله إله تحضره

✍🏻ام عباس الحسيني
/////////////////////🔰🔰🔰🔰
دفن مظلوم واهل ابعادابن جعفر
الدنيا زلزله اعليه كالمحشر
نعازي للرضا والمرتضى حيدر
دموع العين عله الوجنه تهل جمره
"""""
ام البنين
🔰🔰🔰🔰🔰🔰🔰🔰
تمت الحمدالله🤲🏻
باقلام خادمات اهل البيت﴿ع﴾
نسالكم الدعاء🙏🏻🙏🏻بتعجيل الفرج الصاحب الزمان{عج}https://www.tg-me.com/fvyhbib

قصيده القاسم ابن الكاظم(ع)
⚡⚡⚡⚡⚡
الهوسه تلوگ علقاسم المضلوم
نلطم عالصدر ابحــرگه هل يوم
⚡⚡⚡⚡⚡
تلوگله الهوسه ولطمه حماسيه
للطمنه اعليــه والطمه جماعيه
دموع العين اعلمضلوم مجريه

هوسيله//امعدله الهوسه

✍🏻حوراء الكناني
⚡⚡⚡⚡⚡
يستاهل لطم القاسم مولانه
هذا الغريب مظلــوم عنوانه
وكلها الخـلك اعلـيه حزنانه

بوليده //انعزي الكاظم

✍🏻ام عباس الحسيني
⚡⚡⚡⚡⚡
يستاهل لطم ابن الميامين.
عالغالي نهل دمعه دمه العين
حزينه اعليه الشيعه الموالين.

ننصب //المأتم للقاسم
""""
ام البنين
⚡⚡⚡⚡⚡
عالقاسم نهل دمعات العيون
اعليه الشيعه محزونه ويونون
اجوه احبابه الكاظم يواسون

ايواسونه//ابدمعات اونّه

✍🏻حوراء الكناني
⚡⚡⚡⚡⚡
حزين الكون او مظلم هاليله
لمصابه يـــون ابحزن ناعيله
ويواسي إلنبي إليوم بسليله

ونفجعو //بمصابه اليوم

✍🏻ام عباس الحسيني
⚡⚡⚡⚡⚡
اعله القاسم تظل دمعاتي تجره
موالــين ابگلبهم الف حسره.
يلطمون الصدر والگلب جمره

الشيعه //محزونه الليله
—""""
ام البنين
⚡⚡⚡⚡⚡
تمت الحمدلله🤲🏻
بقلم خادمات اهل البيت(ع)
نسالكم الدعاء🙏🏻🙏🏻بتعجيل الفرج الصاحب الزمان(عج)https://www.tg-me.com/fvyhbib

*قصيده الامام المهدي عجل الله فرجه الشريف*
┄┉❃❥℟❥❃┉┄
يامحبوبي كافي بعاد جرحك بلگلب ماطاب
مو كافي يتاج الراس مامليت ابد الغياب
┄┉❃❥℟❥❃┉┄
يتاج الراس مامليت كافي من البعد كافي
الجيتگ انتضر كليوم وادگ اسمك علی اجتافي
نارك جمره بدالال واسمك بلگلب غافي
والله بشوفتك مولاي تشفي علت الاحباب
┄┉❃❥℟❥❃┉┄
والله بشوفتك مولاي يزيح الالم البينه
اغيابك طول وحرنه الدنيه ضاگت علينه
يمته الفرج يالمهدي من الصبر ملينه
يبعد الروح رد لينه عليك الگلب ضل عطاب

✍🏻حوراء الكناني
┄┉❃❥℟❥❃┉┄
منتظريك مولانه ترف الرايه بالعالي
كلنه نحتمي ابسورك صرنه ابخطر يالوالي
كل جمعه احنه انتانيك تهل او نورك يلالي
بگينه ندعوا الباري قسطك والعدل ينصاب
┄┉❃❥℟❥❃┉┄
عدلك يمته اتنصبه مواليك انغدر بيها
يبن الحسن مولانه اشوكت هلروح ترويها
يربي عجل اضهوره الجنّه ابجفه ندريها
ارواحنه اله نفديها عشاك وگلب لهاب

✍🏻ام عباس الحسيني
┄┉❃❥℟❥❃┉┄
يمته الفرج مولانه علينه ظلمه دنيانه
يابن الحسن عجل ثور جارت بينه اعدانه
صار اعوام لغيابك الشيعه اعليك لهفانه.
گليى يامته تضهر على حبابك درد اجواب
┄┉❃❥℟❥❃┉┄
درد اجواب يالمهدي. اضهر ولعدل انصب
عايش بالغرب وحدك ونيران الگلب تلهب
يصعب فرگتك مولاي كل جمعه الك اندب.
روحى معلگه بروحك ودم دمعي الك سچاب.

ام البنين
┄┉❃❥℟❥❃┉┄
تمت الحمدلله🤲🏻
بقلم خادمات اهل البيت(ع)
نسالكم الدعاء🙏🏻 بتعجيل الفرج الصاحب الزمن(عج)https://www.tg-me.com/fvyhbib

قصيده لفقد اللأهل والاحباب
😭😭😭

يريت الفاركونه . يعودون ويجونه
سفرهم صار لبعيد. عليهم گلبي ميهيد
صدك جنهم نسونه
➖➖➖➖➖➖➖➖
مشو وسافر لبعيد أهلنه
عليهم دوم اون وجذب الونه
يريت اتعود لمتنه بنزلنه
ايس يا گلب وكطع الظنه

عليهم البس السود . أهلنه سكنو الحود
بعدوا وفاركونه. صدك جنهم نسونه

✍️ #ام سيد حسن
➖➖➖➖➖➖➖➖
عني ارحلوا اغلى الحبايب
سكنوا باللحد وسط ا لترايب
عليهم بس احن والكلب ذايب
من الزغر شفت اهوایه مصایب

دهري والله كاسي . راحواغلى ناسي
بعدوا فاركونه . صدك جنهم نسونه

✍️ #سلمى أم جعفر
➖➖➖➖➖➖➖➖
مشو هلي چاوين سفرتهم بطیه
عني سافرو لیش ماردو علیه
احن و اشتاگ واظل اصفج بدیه
مشو عني لاوين شیردهم الیه

ودرهم زمانی. ما واحد اجانی
بعدوا فاركونه . صدك جنهم نسونه

✍ #عـلــویــه_ام_فــاضل
➖➖➖➖➖➖➖➖
احن وشتاگ راحو کل الاحباب
اعاتب ولا یسمعونه الاعتاب
جرح گلبی لا یشفه و لا طاب
ابچی و دمع العین سچاب

نفجع كلبي بيهم. مشتاگه الحاجيهم
بعدو و فاركونه. صدك جنهم نسونه

✍️ #حوراء الكناني
➖➖➖➖➖➖➖➖
تدرون الوكت ذباني ذبه
ابجي ونتحب والرب اندبه
مشو كل لنودهم ولحبيبه
اشکی ظیم گلبی ومن یطیبه

ولاچن یسمعونی. هملن یا عيوني
بعدوا فاركونه . صدك جنهم نسونه

✍️ #ام سيد حسن
➖➖➖➖➖➖➖➖
تــمــت بًعٌوٌنِ آلَلَهّ تٌعٌآلَى
بًآقـ✍ـلَآم خادمات شــآعــرآت

آهّلَ آلَبــيــت
بتاريخ ربــيــع آلَآوٌلَ /١٤٤٣هہ‌‏🌙
لآ نجيزِّ حــذف آلَآســمــآء
نــســآلَكــم آلَدعــآءhttps://www.tg-me.com/fvyhbib

منين اجيب ازلام تنهض لليعيل
وعالرمح مرفوع راسك يالكفيل
〰️〰️〰️〰️〰️
عالنهر مصيوب طايح كافلي
وانه مسبيه خذوني بالفلي
خلصت الؤليان محد ظل الي
كون ينظرني علي حامي الدخيل

✍️ #ام محمد التميميه
〰️〰️〰️〰️〰️〰️〰️
كون ينظرني علي حماي الحمه
ينظر احسينه سابح بالدمه
و انه روحي من الهظم متالمه
من مرار البين بس دمعي يسيل

✍ #عـلــویــه_ام_فــاضل
〰️〰️〰️〰️〰️〰️〰️
كون والينه علي يشوف الجره
شلون بينه الضعن يوم الي سره
وأنه محتاره وعاين. ليوره
من الحزن والضيم ماظل عندي حيل

✍️ #ام زهراء الزيداويه البصراويه
〰️〰️〰️〰️〰️〰️〰️
كلساع عيني صوب ولياني تدير
بصوت أصيحن خويه گلبي شيصير
أيتام عندي وحايره بهذا المسير
وروسكم فوك الرمح ظلت تميل

✍️ #ام سيد حسن
〰️〰️〰️〰️〰️〰️〰️
وعلرمح مرفوع راسك يالگمر
واني اخذوني اسيره ويه الكفر
تصيح زينبكم وما واحد نغر
حيلي انهدم والدرب كلش طويل

✍️ #سلمى أم جعفر
〰️〰️〰️〰️〰️〰️〰️
وانه محتاره يخوتي بهل الايتام
مساهره ليلي و مااگدر انام
صوباني البين مااخطه السهام
ظل علي السجاد وياي وعليل

✍️ #حوراء الكناني
〰️〰️〰️〰️〰️〰️〰️
انده الخوان ماواحد گعد
بس حرم وايتام ضلينه بعد
راحت وي اخواني ايام السعد
ضلت النسوان تصرخ بالعويل

✍️ #ام مهدي الفرطوسيه
〰️〰️〰️〰️〰️〰️〰️
منين اجيب ازلام حرمه محيره
وخوتي نومه تون فوك الثره
عالو اعليه وخوتي مطبره
بكيت حرمه والحمل كلش ثجيل

✍️ #الشاعره كريمه البو حلوه
〰️〰️〰️〰️〰️〰️〰️
تــمــت بًعٌوٌنِ آلَلَهّ تٌعٌآلَى
بًآقـ✍ـلَآم خادمات شــآعــرآت

آهّلَ آلَبــيــت
بتاريخ ربــيــع آلَآوٌلَ /١٤٤٣هہ‌‏🌙
لآ نجيزِّ حــذف آلَآســمــآء
نــســآلَكــم آلَدعــآءhttps://www.tg-me.com/fvyhbib

قصيده للعباس عليه السلام

وزن موشح

❥❀━┅┄✿┈┉━❀❥

حسين صاح بصوت ياضي عيني

ليش نايم خويه متحاجينــــــــي

❥❀━┅┄✿┈┉━❀❥

نام اخوي حزام ظهري عالنهـــــــر

يوم شفته امدد گليبي انفطـــــــر

العلم من طاح من ايده انكســـــر

دمعتي عله خدودي هل تجويني

*ام روكــــــ✍️ــــان الشمريه*

❥❀━┅┄✿┈┉━❀❥

صاح ياعباس ظهري احنيتــــه

حزام ظهرك وحده هال خليتـه

طحت بس حسين ماحاميتــه

بين غربه وحدي لتخلينـــــــي

*الشاعره كريــــــــ✍️ــمه البو حلوه*

❥❀━┅┄✿┈┉━❀❥

بين غربه ليش عفت عضيـدك

يصيح وينك يالگمر ويريـــــدك

گوم شيل الرايه خويه بايـــدك

بعد عينك منهو اليحامينـــــــي

*مريــــــ✍️ــــم الحجيمي*

❥❀━┅┄✿┈┉━❀❥

صاح ياعباس لبيلي النــــــــــداء

شوف اخوك حسين ظل بكربلأء

كافي بطل النوم ارفعلي اللـــواء

ضاع عمري بروحتك وسنينــي

*ام زهـــــــــ✍️ـــراءالفاطميه*

❥❀━┅┄✿┈┉━❀❥

ضاع عمري ضاع عزي بنومته

نايم عالنهر يجذب ونتــــــــــه

عالشريعه حيف فلت خوتــــه

عگب عينك هالعده تولينــــي

*حـــــــــ✍️ـــــوراء الكناني*

❥❀━┅┄✿┈┉━❀❥

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

✍️✍️✍️✍️✍️https://www.tg-me.com/fvyhbib

.
.قصیده بعنوان
🔥گبر الزهراء ع🔥


یابو حسين درب المگبره امنین ٢
اريد اوصل لعد الشلعت العــین
😭__ــ___ـــــــــــ_😭
دليني بگبـــرها السالبه الـــــروح
تون عضامي كلها وكلبي مجروح
اريد اوصل وكلها بتج اتـــــــنوح
گــــلي ابداعت امي الگـــبر وين
يابو حسين درب المگــــبره امنين___٢

بقلم العلويه ام رقيه✍🏻
$$$$$$$$$$$$$$$
مخفی لــیش يابویــه قـــبرها
ارید اگعد اروح امــی بكتـــرها
تسمع ونتي ابگــلبی شكـــبرها
دلینی ابگبرهه وين مــا ویـــن

ام مازن✍🏻
$$$$$$$$$$$$$
دليني ابكبرها الحملة ابلـــــيل
ارد اگعد واشمن ام عطر هيــل
تمسح هالدمع مايبطل الســيل
چوانـه افراگها ياعملة البــين
أم أسعد✍🏻

$$$$$$$$$$$$
دليني اعله گبر امي الحــنينه
شالت وابعدت ماتــــرد لينــه
يمه وداعتج روحــي حزيــنه
يومج يالزجيه صوب العيــن
$$$$$$$$$$$$$
يومج يالزجيه يعمي العـيــون
صعبه فرگتچ عليــنه مايــهون
عفتينه ومشيتي بليل شــلون
نون عليج ونجهر بل الونـــين

✍🏻حوراء الكناني
$$$$$$$$$
دلینی بگبرها السکنت ارمـــال
ارید ادخل وشوف امی بیاحال
عله الخلت بزرها کلهـــم اطفال
ونامت بلحود اتوسدت طیــن

✍🏻المیرزا ام لیلی الخاقانی
$$$$$$$$$$$$
https://www.tg-me.com/fvyhbib

قصيده فزاعيه الزهراء(ع)والرابط هوسه
♾️♾️♾️♾️♾️♾️♾️
اليله ام الحسن بلمگبره تبات
عن الدار شالت ياحسافات
♾️♾️♾️♾️♾️♾️♾️
عن الدار شالت ويلي اليوم
وگلب ام الخدر عالزهره مالوم
عليها اتراكمن بعد امها الهموم

((عالزهره آتون ومالومه))
♾️♾️♾️♾️♾️♾️♾️
علزهره تون زينب وتتحسر
على افراگچ ييمه الگلب مايصبر
عفتينه يتامه وبيتچ امکدر

((مسدوده بيبانه اخلافچ))
♾️♾️♾️♾️♾️♾️♾️
الدار امكدره ويلي وحزينه
شخصج يالزجيه امضيعينه
صعب كلش صعب فكد الحنينه

((ماتسوه الدنيا ابلياها))
♾️♾️♾️♾️♾️♾️♾️
صعب کلش صعب يايمة فكدچ
ياوسفه النذل سطراه خدچ
صوب المگبره رحتي اشعندج

((مضيعينه وجهچ يايمه ))
♾️♾️♾️♾️♾️♾️♾️
ظل يمه الكلب حزنان ينعاچ
يالكلج محنه وين نلكاچ
ابد ماتسوه دنيانه بلياچ

((الكون ايون الفرگاها))
♾️♾️♾️♾️♾️♾️♾️
ابد ماتسوه يمه الدنيه من دونچ
مانگدر يزهره نفارگ عيونچ
الضلع مكسور ويلي ومنخطف لونچ

(( يايمه افراگچ شیشیله))
♾️♾️♾️♾️♾️♾️♾️
تمت الحمدلله🤲🏻
بقلم خادمات اهل البيت(ع)
✍🏻الشاعره حوراء الكناني
✍🏻الشاعره ام زهراء الزايداويه
نسالكم الدعاء🙏🙏 بتعجيل الفرج الصاحب الزمان(عج)https://www.tg-me.com/fvyhbib

#لااجيز_حذف_اسم_الشاعره
قصيده للزهراء ع#


الج ننصب عزه شلتي يحوريه
عدنه شكد حوائج كولي مكضيه

✵⊚≍❊(🩸)✵⊚≍❊
عدي هموم ثكلن هلحرت بيهن
ماعدي حبايب عدمن اشكيهن
رحت للزاجيه وليوم تكضيهن

((محتاره جيت ومهضومه))
يقلم ✍الشاعره خادمة المحجوبات
✵⊚≍❊(🩸)✵⊚≍❊
عرفج يلعفيفه ام الشدد انتي
ماعندي حبايب انتي حبيبتي
ياام الحسن فرجيلي كل شدتي


((محتاره ماعندي حباب))
بقلم✍ الشاعره ام زهراء الحسيني
✵⊚≍❊(🩸)✵⊚≍❊

ماعندي ياغيرج و انتي تدرين
اقضي حاجتي احلفج بلحسين
اندبج يلزهره والدمعي بلعين

(تقضيها الحاجه بجفج)
✵⊚≍❊(🩸)✵⊚≍❊
اقضي حاجتي يلزهره اليه
همومي اگثرن وحيل مابيه
ضاگت هايحره الدنيه عليه

( تدرين ماعندي حبيبه)
✵⊚≍❊(🩸)✵⊚≍❊
ياام الحسن همومي گثرانه
تعبني الزمن وبيه دوهانه
وبروحي الام مولاتي تعبانه

(اشگيلج الهموم البيه)

✍🏻حوراء الكناني
""""""'''''''''''''''''""""""'''''''''''''''''
تسوين الدمع ولاه والونه
ومصابج يزهره ما اجرعنه
ونحسين وحسن من يبجي المعنه

( صاحو يالحره تيتمينه)
"""""""""""""""""""""""""""

((( قناة المحجوبات بنات الطهر )))

تـــمـ بعون الله تعالى ـــت
باقـــ✍ـــلم خادمات اهل البيت ع
(((قناة خادمة الزهراء عليه السلام)))
بتاریخ 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻https://www.tg-me.com/fvyhbib

لطميه لزهراء س
وزن نصاري

✶✶✶✶✶✶✶✶✶
بيدينه علي الدّره لزمها
ثلث تيام فاطم نزف دمها

✶✶✶✶✶✶✶✶✶✶✶✶
الله يساعــده يــوم الفكدهه
دفنـاهه ودفـن روحــه بعدهه
ضاكت عبرته أبنزلت لحــدهـه
ومن شاف الضلع كسره ختمها

✍أم اسعدالشمري
✶✶✶✶✶✶✶✶✶✶٭٭٭٭٭
شمعة حيدره والچنها مصباح
وسفه نورها وذاك الحضن راح
ظل بس الدمــع بـالخــد سفاح
بــعـدج هــالغــريــبــة زادغمها

✍️سلمى أم جعفر
✶✶✶✶✶✶✶✶✶✶✶✶
شمعه يا وسف طفوا ضواها
خسرها من بعد ما فگد طاها
عليله الروح و الزهره دواها
بعمر اثمنتعش ورده ويشمها

أم علي ✍🏻دمعة لقاء
✶✶✶✶✶✶✶✶✶✶✶✶✶✶✶
من شاف الضلع زادت الالام
راحت زهرتي ويلي والاحلام
حرمـوني يــوسفه گــوم ظلام
محسنهه سقــط زايــد المها

✍️حوراء الكناني
✶✶✶✶✶✶✶✶✶✶✶✶✶
من وارى الجسد صاحت اليتام
ردها يا علي ويــــانـــه اتــنــام
تضمنا فــي صـدرها رغم للآلام
وگلبنا يطــيب مـن نسمع اسمها

✍فاطمة العجمي / ام حسين
✶✶✶✶✶✶✶✶

يــازهره الزجيــه ونبض لروح
ما انساج دمعي اعليچ مسفوح
ريتچ ترجعيلي ولو مسموح
بعد الزهره روحه زاد همها

✍🏻ناعيه كربلاء عاشقة الطف ام محمد آل درويش
✶✶✶✶✶✶✶✶✶✶✶✶✶✶
من شاف الضلع مكسور نصين
صــاح الله اكبـر ابــو الحسنين
ضــل يبجٓـي عليها ويهمل العين
اتمنه زهـــــرته ابگـــلبه يضــمها

✍🏻 ام زينب الأسدي
✶✶✶✶✶✶✶✶✶✶✶✶
تمت وبعون الله وباقلام شاعرات اهل البيت في رابطة واقعة الطف لتعليم الاوزان وباشراف الشاعر كيان الكاظمي ونسالكم الدعاء🙏🙏https://www.tg-me.com/fvyhbib

شلج يالحنينه بنوم الكبور
كلبي عليج يمه صبح مفطور
★★::::::::::::::::★★::::::::::::★★
اجاني خبر موتج شاعت علومه
اجيت وكلبي طاير بيتج بهومه
حار الكبر يمه شلج بنومه
خله بيتج يايمه وانطفه النور

✍🏻ام محمد الساري
★★::::::::::::::::★★::::::::::::★★
شلج بلگبر يايمه ردي
لا تعوفيني يحبيبه وحدي
يايمه انه غيريج ماعندي
بعدج مضلمه صبحت الدور

✍🏻حوراء الكناني
★★::::::::::::::::★★::::::::::::★★
خله بيتج يايمه من حنانج
لاتروحين يالخالي مجانج
خليتي بهظيمه شو بناتج
يالجنتي علينه خيمه اوسور

✍ام محمد الساري
★★::::::::::::::::★★::::::::::::★★
يالجتني علينه خيمه تفين
انفطر كلبي ييمه انجسم نصين
ماابطل نياحي عليج وونين
يون عليج گلبي بونه مكسور

✍🏻حوراء الكناني
★★::::::::::::::::★★::::::::::::★★
الج ونه يشفجه دوم اون بيها
شلون ابنيتج وحيده تخليها
خليلج وعد يمته تمريها
ظلت حايره وبس تنذر انذور

✍🏻ام محمد الساري
★★::::::::::::::::★★::::::::::::★★
شلون بنيتج تعوفينه وحيده
جرح گلبي يايمه اشهيده
راحت امي مني وروحه ابعيده
روحي تمرمرت وحزني ناطور

✍🏻حوراء الكناني
★★::::::::::::::::★★::::::::::::★★
تمت الحمدالله🤲🏻
بقلم خادمات اهل البيت(ع)
نسالكم الدعاء🙏🏻🙏🏻 بتعجيل الفرج الصاحب الزمان(عج)https://www.tg-me.com/fvyhbib

وخلنه نواسي زينب الحره
وغابت روحها من شالت الزهره
****
ضلت بس قهر والمدمع اتسيله
تشم بيها العبايه وتشبك الشيله
حيدر من يصدها منمرد حيله
بعدهي اصغيره علوعات والعبره
✍الفاطميه
********
لوعه الدهر بعد امها يالوعه
بفراك الزجيه الروح مفجوعه
وظلت بس تون والونه مسموعه

اخلاف امي وحيده وكلبي شيصبره
✍️ام أحمد
*****
خل ننصب عزانا انواسي الحزينه
مهظومه وكلبها زايد اونينه
هاجرها الفرح من غيم اسنينه

نار أفراك امها خل الف جمره
✍أم أسعد الشمري
******
زينب عل زجيه المدمع تهله
تطب محراب امها اتشوف المصله
تكلها يم حسن خليتي الف عله

نار بكلبي ما هادت ولا مره
✍المواليه
******
ما احمل تكله صغيره يا يمه
متفصل علي لون اليتم همه
يا زهره حياتي اذكر اللمه
وناجيك بخيالي وتذبح الحسره
✍🏻حوراء الكناني
*****
اعلشالت ن دك ونلطم اعلراس
فركاهه صعب ماينحمل يناس
بروحتها اليتيمه تشهك الانفاس

تون بليل الها وتذكر العصره
شيرين العتابي
****
تمت القصيده باقلام شاعرات رابطه النحر
اللهم عجل لوليك الفرجhttps://www.tg-me.com/fvyhbib

*قصيده الفواتح الام {ونهديه الى مولاتي الزهراء(ع)}*
❧✥════❢❢✺✺❢❢════✥❧
اعله مهلك ياشيال الحنينه
شالت امنه منه وماتجي لينه
❧✥════❢❢✺✺❢❢════✥❧
شالت امنه وضلمه مبانيهه
شلون الدار بعد امي اصد ليهه
بعد هيهات اسمعهن محاجيهه

يفراگج يمه//يبجيني

✍🏻حوراء الكناني
❧✥════❢❢✺✺❢❢════✥❧
ياشيال النعش ريضلي شويه
اريد اعاتب الشفجه بمعرفيه
وضنها شايله شيله وداعيه

يالشايله// ريض بيها

✍🏻ام محمد الساري
❧✥════❢❢✺✺❢❢════✥❧
ياشيال النعش براضه بهداي
شمحله الوالده تسامرر وياي
دمه عليها ظلت تبجي عيناي

تجويني// يانار مصابج

✍🏻حوراء الكناني
❧✥════❢❢✺✺❢❢════✥❧
اريد اسولف وياها وحاجيه
ليش تروح عني اوين الاكيه
انه عندي سوالف وين اوديه

تخليني// بعازه وتمشي

✍🏻ام محمد الساري
❧✥════❢❢✺✺❢❢════✥❧
تخليني بعازه شلون وتروح
واعلشفجه گليبي مجروح
وعليها انه ماابطل النوح

الفركاها//توجعني اضلوعي

✍🏻حوراء الكناني
❧✥════❢❢✺✺❢❢════✥❧
من بعدج ييمه الروح خلصانه
جويه انه ونسيت الكعدت ويانه
تعبني زماني وحيل نهلانه

اشوالي//لوموت وياها

✍🏻ام محمد الساري
❧✥════❢❢✺✺❢❢════✥❧
ويلي اعلزمن الطشر شلمنه
شالت ياحسافه الغاليه امنه
راحت حيف يالگلهه محنه

ياذيني//مكلف يايومج

✍🏻حوراء الكناني
❧✥════❢❢✺✺❢❢════✥❧
تـــمت الحمدالله🤲🏻
بـــ✍🏻ـقلم خادمات اهل البيت(ع)
نسالكم الدعاء🙏🏻🙏🏻بتعجيل الفرح الصاحب الزمان(عج)https://www.tg-me.com/fvyhbib