قصيده للحسين
~~~~~

اجيت وياك يبن امي سويه
شلون تعيفني بالغاضريه

~~~~

أجيت وياك يالماكو بحنانك
عفتني شلون يالماسد مجانك
اجيبه منين هاي ليله امانك
وانت على ثرى واني سبيه

✍️ام علي الموسوي
🕯️🕯️🕯️🕯️🕯️🕯️

اجيبه منين حنيتك علينه
بين اجناب يبن امي بقينه
ضلت بس سوالفنه وحجينه

واعتب يالولي وصفك بديه

ام ✍️ علي الموسوي
🕯️🕯️🕯️🕯️🕯️🕯️

اجيت وياك خويه رافعه الراس
ومشي ابزود اخوي البطل عباس
عفتني شلون تالي بين هل ناس
ميسوره انه ابدمعه جريه


ام زين العابدين لمحمداويه
🕯️🕯️🕯️🕯️🕯️🕯️

ميسوره رحت وي كوم الانذال
عفتوني وحيده والحمل مال
محتاره يخويه بعيله وطفال
ماضلي سند لامن تجيه

✍️ ام حسين العامري
🕯️🕯️🕯️🕯️🕯️🕯️

ماضلي سند لاضلي والي
حيرانه صفيت بهالغوالي
ياريتك تفز وتشوف حالي
بحبال اليسر مجتوفه اديه

✍️ ام حسين العامري
🕯️🕯️🕯️🕯️🕯️🕯️

بحبال اصبحت ايدي مجتوفه
وجرحي بلكلب جابيش اروفه
هيهات الحنين بعد اشوفه
عفتني شلون انه الهاشميه

✍️حوراء الكناني
🕯️🕯️🕯️🕯️🕯️🕯️🕯️
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الأسماء أو ينسبها له
https://www.tg-me.com/fvyhbib

قصيده لسان حال السيده زينب ع

المستهل .
اون عل الودع الخوه ولاجه
راح وما اظن يوم انتلاگه
النص...
اون عل الچان مايوم يتعده
يصابح بيه ويسلم عله اخته
الگلب وجعان من يوم الفگدته
بگت باالعين بس الدمعه حراگه

🖋️ام منتظر الركابي
🖋️🖋️🖋️
اون عل الشال من داره ولاعاد
من افراگه الگلب شب وغده ارماد
سهران الجفن ماغمض وهاد
والملگاه حيل الروح مشتاگه
✍🏻ام محمد التميميه
🖋️🖋️🖋️
أحن اعله الولي ومامنه جيه
بگت بس بل الگلب ناره سريه
انه اتمنيت تلفيني المنيه
الگلب خلصان مايحمل افراگه

✍️فاطمه المطر أم زاهر
🖋️🖋️🖋️
مصاب حسين دوهني وسباني
الدهر وياي حاربني اولاواني
عليه احزام متحزم زماني
اجر حسرات والحسره خناگه

ام منتظر الركابي
🖋️🖋️🖋️
اظل طول العمر بلهم والونين
مو واحد فگدت مظيعه سبعين
والعظم على عباس وحسين
فگدت وين الحنين وبيه شفاگه

✍️حوراء الكناني
🖋️🖋️🖋️
اون الحباب كلبي الفار كوني
عميت من لبجي راحت اعيوني
تريد الروح ملكاهم يجوني
وكون الملگه وياهم اشباگه

🖋️العلويه ام زين العابدين
➖➖➖
تمت والحمدلله ✍🏻باقلام
رابطة موساة الزهراء عhttps://www.tg-me.com/fvyhbib

قصيده للحسين ليلة الوحشه
~~~

ياتعب دلال زينب من مشيت
هجمت الغاره يخويه مادريت

يالجبتني من الوطن
شيبت كلبي المحن

ريتني ميته يخال ابني يريت
🕯️🕯️🕯️🕯️🕯️🕯️🕯️

ريتني ميته يخويه من گبل
لابقيت بهالارض وبلايه أهل
بغرب عفتوني وكسر ضهري الحمل
كوم شوف شلوني
بالهظم عفتوني

ريتني ميته يخال ابني يريت

ام ✍️ علي الموسوي
🕯️🕯️🕯️🕯️🕯️🕯️🕯️

ريتني ميته ولا ضل بالهضم
بيد كفار وگثر بينه الضلم
كون كابوس وأفز من الحلم

وبيك أكر عيوني
بالهظم عفتوني

انه بالهم والمناحه انه صفيت


ام زيــ✍🏻ــــــن العابدين لمحمداويه
🕯️🕯️🕯️🕯️🕯️🕯️🕯️

اشسوت ابحالي يخويه كربله
روحي ماتت وي فرار العايله
بجال اخوتي جنت انه امدلله

راح من عندي الدلال
ماكو لراحه مجال

بكربله يبن امي انه شحصليت


خادمة أهل✍️ البيت ام ابراهيم الحلفي
🕯️🕯️🕯️🕯️🕯️🕯️🕯️

بكربله يبن امي بس شفت المحن
والمتون من السياط اتورمن
من الهضم والوعه يعيوني عمن

اندب بحركه واصيح
والكلب مني جريح

يوم عالناكه يوالي تيسريت

✍️ ام حسين العامري
🕯️🕯️🕯️🕯️🕯️🕯️🕯️

من عل الناكه اصيحن وينك
رد اعليه خويه فدوه العينك
حسين موتني من اسمعه ونينك

لليسر اخذوني
اعليك خويه عيوني

من بعد عينك يخويه ستهضميت

✍️حوراء الكناني
🕯️🕯️🕯️🕯️🕯️🕯️🕯️

ليش من زغري تولاني الزمن
عمري خمس اسنين لاوني المحن
كربله خلت ابگبي بس شجن

المصاب علي صعب
تالي بيدين الغرب

بس هضم والام تاليها جنيت

✍🏻 ام زينب الأسدي
🕯️🕯️🕯️🕯️🕯️🕯️🕯️
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الأسماء أو ينسبها له
https://www.tg-me.com/fvyhbib

قصيد طور ثقيله عتب عليلة الحسين عليهم السلام عندما سار الضعن وانقطعة اخبار اهلها ساعد الله قلبك يامولاتي يافاطمه العليله
~~


سدو دورهم شالو اهلنه
كلهم. .حملو اهل المحنه

~~~~~

حملو وين عنه اوين راحو
وبفراكي رضو بي واستراحو
لاحزنو علي لا. لجلي ناحو
منهم ايسة وبروحي ونه

الشاعره والمله ام اسامه بصره
الحلفي
₩₩₩₩😭😭₩₩₩₩

محد بعد منهم مر عليه
عليله ومايصح كلشي بديه
عني الاهل ماكالو خطيه
والشايل بعد مايرجع النه

خادمة اهل ✍️البيت ام ابراهيم الحلفي
§§§§§§😭😭§§§§§§

لاكالو هلي اشلون العليله
ياهو من بعد همها اليشيله
ماردو الي بس دمع اهيله
راحو واكطعت منهم الظنه

✍ام اسعد الشمري
§§§§§§§😭😭§§§§§

يفراگ الاهل يذبح وكتال
وانه اخلافهم مشدوهت البال
وعليهم مريضه وحالي يا حال
ياوسفه الدهر طشر شملنه

✍🏻 ام زينب الأسدي
§§§§§§§😭😭§§§§

راحو وايست من الغوالي
عافوني مريضه وعدم حالي
أخاف من النزل لو شفته خالي
خالي البيت من حملو عنه

ام كرار مناذره
§§§§§😭😭§§§§§

لاردو بعد لاجاني مرسال
لا يردون بيه معلعله الحال
أعاتب ياهلي والدمع همال
ايفراكهم سلنه وكتلنه

ام ✍️ علي الموسوي
§§§§§§😭😭§§§§

اعاتب عالاهل والتعب مايفيد
كلبي من الونين شلون يهيد
ردولي يهلنه ياصناديد
عني وين شيالت حلمنه

✍️حوراء الكناني
§§§§§§😭😭§§§§§§§
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الأسماء أو ينسبها له
https://www.tg-me.com/fvyhbib

~قصيده العليله (ع)عنوان (هجركم موتاني)~
┈••😭••┈ ┈••💔••┈ ┈••😭••┈
فراكم وحشه وعماني
يالهجركم موتاني

بداركم عفتوني وحدي
.والدمع يجري عله خدي


يالهجركم موتاني
┈••😭••┈ ┈ ┈••😭••┈

مو هجركم موتاني آه يالاحباب
ماسمعنه من بعدكم دكت الباب
ينزف جروحه الكلب ليهسه ماطاب
حملو اضعون الاهل ماينفع عتاب

شصارلي ماحسبيتو
ليش يحبابي جفيتو

يالهجركم موتاني
┈••😭••┈••┈ ┈••😭••┈

دمعي ينزل ياهلي وعميانه العيون
شلون بيه من حمليتو كل الضعون
كاعد ومتانيه يمته تردون
بيه ماحسبيتو ليه ماتحنون

الكلب نار جوتني
يهلي راح الحيل مني

يالهجركم موتاني
┈••😭••┈ ┈••┈ ┈••😭••┈

بيه ماحسبيتو لارديتو يحنان
من القهر والالم گلبي حيل وجعان
وانتظر طارش يجيني على بيبان
رجعو للديران يهلي حيلي تعبان

آه من غدر الزمن.
دمعي ماعاف الجفن

يالهجركم موتاني
┈••😭••┈ ┈••┈ ┈••😭••┈

ليش وحدي بالضعن ماحملوني
اشلون ترضون بنزلكم تخلوني
بنيه تعبانه وعليله تجافوني
عميه صارت يااهلي منكم عيوني

ابجي ليلي ونهار.
.والدمع عالخد جار

يالهجركم موتاني
┈••😭••┈ ┈••┈ ┈••😭••┈

شلون بالدار العليله تخلوهه
ابنيه تعبانه وياكم حملوهه
مو مريضه شلون باله تفاركوها
ارجعوا بنيه تون وسكتوهه

شنهو الصار وجره
عفتوو طفله محيره

يالهجركم موتاني
┈••😭••┈ ┈•┈ ┈••😭••┈
*تـــــمت والـــــ🤲ـــــحمد الله تعالى*
*بـــ✍🏻ــقلم خـادمـة آهـل البـيـت﴿ع﴾*
*‏℘(✍)⇣✿ ℘الشــاعرة*
*حوراء الكناني*
*نسالكم الدعاء🙏🏻🙏🏻بتعجيل الفرج الصاحب الزمان /عج/*https://www.tg-me.com/fvyhbib

قصيده ليلة الوحشه
~~

شلون يالخوان باجر // وحدي واگسر الخاطر

آه منه شلون ليله
ماكو والي اعتنيله

~~

آه ياهاليله هاي .... اخواني عالرمله مست

شفت محروكه العبايه .. وحركت الخيمنه شفت

صحت كعدو يهل كلبي ... وحدي بالطف خفت

يخوتي لحكو عليه
اسروها الهاشميه

وحدي اكسر الخاطر

✍️حوراء الكناني
🕯️🕯️🕯️🕯️🕯️🕯️🕯️
شلون بيه هالمسيه ... اخوتي عافوني
بين نار خيام امشي. وبين من سبوني

عاتبتهم كل اهلنه بلكت يلحكوني

ماسمعت جواب منهم
صحت يالوليان حيهم

وحدي اكسر الخاطر

ام علي الموسوي
🕯️🕯️🕯️🕯️🕯️🕯️🕯️
ماسمعت اجواب منهم... نومه كلهم عالثره

بين من كطعو جفوفه... وبين حزو منحره

احشم ومحد كعدلي... ولادرو شنهي الجره

حشمت يهل الحميه

وينكم كومو اليه

وحدي واكسر الخاطر

✍️ ام حسين العامري
🕯️🕯️🕯️🕯️🕯️🕯️🕯️
من صحت ياخال بزري ماسمعني ولاگعد
يدري بيةحرمة وحدي. وغيره ماعندي سند
عالجثث اعبر واعدد. جم شباب وجم ولد
ترسو تراب الوطية
مددتهم بين اديه

وحدي واكسر الخاطر

العلوية فضيلة الموسوي
🕯️🕯️🕯️🕯️🕯️🕯️🕯️

امددين احباب كلبي بلاغسل وابلاجفن

اخ ياليلة الوحشه حيل متروسه حزن

صحت انه بعالي صوتي يمه الحكي يم حسن

مابقه عندي ولي
علترب نامت هلي

وحدي واكسر الخاطر

✍️ام نور الزهراء الزينبيه
🕯️🕯️🕯️🕯️🕯️🕯️🕯️🕯️
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الأسماء أو ينسبها له

https://www.tg-me.com/fvyhbib

~قصيده فزاعي جنوبي بقفلة الهوسه لسان حال زينب ع~
*❥❥┈┈‏┈.💔.✹┈┈┈‏❥❥*

باجر لليسر عنك يمشوني
ظل عليك خويه شبحانه عيوني

*❥❥┈┈‏┈.💔.✹┈┈┈‏❥❥*

باجر باليسر يتعذب دليلي
عالناكه أمر مهدوم كل حيلي
اخلصه اشلون أنه بفراكك ياليلي

(( عالناكه// يمشويني اعداك ))

❥❥┈┈‏┈.💔.✹┈┈┈‏❥❥

يصعدوني عل النوك الهزيله
يكلب الفاگده ينهدم كل حيله
وماخلوني اون ومدمعي اسيله

((ماخلوني// انعاك شوي ))

*❥❥┈┈‏┈.💔.✹┈┈┈‏❥❥*

معروف اليموت يجيب ملايه
ماخلوني انعه وانصب. اقرايه
ولاعندي حبيبه تجي معزايه

((يسب بينه //ذباحك خويه))

*❥❥┈┈‏┈.💔.✹┈┈┈‏❥❥*

بطول الدرب امشي ويه ذباحك
ريت الرمح راسه ولا لاحك
مجتوفه وتعاين من على رمحك

((مجتوفه// ويجر بحباله ))

*❥❥┈┈‏┈.💔.✹┈┈┈‏❥❥*

جتفونه العدو وحبال بأديه
وياي الزغار سكينه ورقيه
وفراكك ثكيل ويخنك الريه

((وفراكك//هدم كل حيلي))

*❥❥┈┈‏┈.💔.✹┈┈┈‏❥❥*
*تـــــمت والـــــ🤲ـــــحمد الله تعالى*
*بـــ✍🏻ــقلم خـادمـة آهـل البـيـت﴿ع﴾*
*‏℘(✍)⇣✿ ℘الشــاعرة*
*حوراء الكناني*
*نسالكم الدعاء🙏🏻🙏🏻بتعجيل الفرج الصاحب الزمان /عج/*https://www.tg-me.com/fvyhbib

قصيده الدفن الامام الحسين ع

يادفان لا تلجم اضلوع احسين
بهيده بهيده ويه قرة العين

✍🏻🧿✍🏻🧿✍🏻

يادفان فدوه بهيده وياه
اضلوعه مكسره لاتلجم صواباه
گلفه جروحه يوجعني فرگاه
كطعو منحره مذبوح الحنين

✍🏻🧿✍🏻🧿✍️

كطعو منحره وسايل دمه
ضلوعه مهشمه وبيش المه
كطعو حنضره ويلي ابواليمه
وراسه اعله الرمح ابن لميامين

✍🏻🧿✍🏻🧿✍🏻

راس اخوي ويلي معلك برمحه
اضمد جروح بي محتاره ياجرحه
دمومهه فايضه عله الارض سفحه
ضلوعه موذره شكل الام البنين

✍🏻🧿✍🏻🧿✍🏻

بهيده وياه متكسره ضلوعه
بلل منحره حسين بدموعه
لمن مات طفو كل اشموعه
سحكو صدره وذبحو الوريدين

✍🏻🧿✍🏻🧿✍🏻

سحكو صدره جيوش ال اميه
ما عدهم الغيره ولا حميه
وما خلوني انصبلك عزيه
كلبي اعليه ماهاد من الونين
✍🏻🧿✍🏻🧿✍🏻
*تـــــمت والـــــ🤲ـــــحمد الله تعالى*
*بـــ✍🏻ــقلم خـادمـة آهـل البـيـت﴿ع﴾*
*‏℘(✍)⇣✿ ℘الشــاعرة*
*حوراء الكناني*
*نسالكم الدعاء🙏🏻🙏🏻بتعجيل الفرج الصاحب الزمان /عج/*https://www.tg-me.com/fvyhbib

رحت ياعمه للوالي ادفنه
مكطع وصله وصله اشلون المه

~~

وبالكوه ياعمه ابوي دفنيته
ريتج حاضره بالدفن ياريته
وماتدرين عمه شلون لميته
مطحونات لحمه وي عظمه

حوراء الكناني ✍️
◾◾◾◾◾◾◾

مطحونات عمه عظام صدره
كوه لملتهن كلها متكسره
مايتنشال يامهجة الزهره
وحتاريت ماينشال جسمه

✍️ام علي الموسوي
◾◾◾◾◾◾◾

ماينشال ياجسم الشفيه
حيل مرضرضيه الاعوجيه
ماينجمع وتشيله اديه
حسرة حسرته زينب يعمه

ام ✍️ علي الموسوي
◾◾◾◾◾◾

حسره حسرته ابوي أويلي
من شفته نهدم ياعمه حيلي
دمه ابجي ياعيني وليه سيلي
مثل مصيبته ماتصح هضمه

✍️حوراء الكناني
◾◾◾◾◾◾◾
مثل مصيبته ماكو مصيبه
ضلت جثته بالحر سليبه
الكافور اله منين اجيبه
وادفن كل اهله وأحبابه يمه

ام ✍️علي الموسوي
◾◾◾◾◾◾◾
تمت بفضل الله وعونه بأقلام خادمات الحسين أم علي الموسوي حوراء الكناني غير مبري الذمه من يحذف الأسماء او ينسبها لهhttps://www.tg-me.com/fvyhbib

فزاعي سريع للسيده الشريفه


زينب حاله ياحال
من دفنت المهظومه

~~

من ونت شريفه اليوم
زينب حالها مهموم
صاحت صوت يالمضلوم
اكعدلي يجيدومه

ام علي الموسوي
🔰🔰🔰🔰🔰🔰

اكعد خويه واحجيلي
بتكم هدمت حيلي
يعمه تكول لحكيلي
ووداعي كرب يومه


ام ✍️ علي الموسوي
🔰🔰🔰🔰🔰🔰

ضلت تجر ونتهه
وعلت صوت لخوتهه
حيره اليوم حيرتهه
روح ام عون مالومه

✍️ ام حسين العامري
🔰🔰🔰🔰🔰

تون وحيل مابيها
بس الله اليكويها
اهموم التمت اعليها

من البين مهدومه

✍️ ام حسين العامري
🔰🔰🔰🔰🔰🔰

وينك يالحسن هليوم
ماعندك خبر وعلوم
بتك تون بين الكوم
شريفه ماتت بهومه

خادمة اهل البيت
ام أسعد
🔰🔰🔰🔰🔰🔰

زينب حاله شلونه
تبجي اليوم محزونه
وجهه تغير لونه
على البنيات ملجومه

✍️حوراء الكناني
🔰🔰🔰🔰🔰⁦

دفنتها بأرض غربه
اعليها هالت التربه
المدمع زينب اتصبه
وجهه ذابله ارسومه

✍️ام نور الزهراء الزينبيه
🔰🔰🔰🔰🔰🔰🔰
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الأسماء او ينسبها لهاhttps://www.tg-me.com/fvyhbib

قصيده للسيده الشريفه


الشريفه اليوم يحله دك المتون
ماتت بالدروب وفجعت ام عون

~~

هاليوم لشريفه اللطمه اعدليه
زينب باالعزه. والدمعه هليه
ام عون على بت الحسن واسيه
للمات غريبه هلي العيون

✍️حوراء الكناني
🔰🔰🔰🔰🔰🔰

للماتت غريبه ابجن ابعبره
وعيني ام الخدر عالماتت بحسره
تعينج بالعزيه فاطمه الزهره
والبت الحسن خلهم يكصدون

ام زين العابدين لمحمداويه
🔰🔰🔰🔰🔰🔰

دكيه المتن والدمع سجاب
للماتت سبيه بديرة اجناب
كبر بت الكريم ابكاع الاغراب
لمصيبة شريفه الكلب محزون


✍️ام نور الزهراء الزينبيه
🔰🔰🔰🔰🔰🔰

محزون الگلب ينعه المصيبه
بدروب اليسر ماتت غريبه
والعباس هالساعه شيجيبه
جنازه بالدرب وعليه متهون

ام ✍️ علي الموسوي
🔰🔰🔰🔰🔰🔰

جنازه بالدرب هاليوم ممدوده
مايلحك عليها الكطعو ازنوده
ياناس الاهل هالساعه مريوده
يشيلون النعش وي اليشيعون

✍️ ام حسين العامري
🔰🔰🔰🔰🔰🔰

يشيعون النعش ماحضرو اليوم
محتاره بشريفه وكلبي مالوم
شبعانه هضم شبعانه اهموم
محتاره بدفنهه شلون وشلون

✍️ ام حسين العامري

تمت بأقلام شاعرات رابطة قتيل العبرات
غير مبري الذمه من يحذف اويغير اويتلاعب بالكلمات اويحذف اسماء الشاعرات وينسب الكلام لهhttps://www.tg-me.com/fvyhbib

*قصيده الامام الحسين{ع} لسان حال زينب﴿ع﴾وزن تجليبه*
*❈●••┈❁*❈┈❁●••┈❁
بدمه احسين امتخضبه الهامه
عفته على الترب مسلوب العمامه
*❈●••┈❁*❈┈❁●••┈❁
راسه معگينه ابن امي ابرمحه
من اصدله اشلون انه گليبي ايجرحه
صعبه اشلون باجر لوطلع صبحه
عله جسم الأخو تتشابگ اسهامه
*❈●••┈❁*❈┈❁●••┈❁
گوم انهض يخويه البيتي رجعني
گبل ميروح ابو فاضل الكافلني
وعليكم يخوتي مابطلت ونني
اوظعني باليسر والراس جدامه
*❈●••┈❁*❈┈❁●••┈❁
من بعدك يخويه العده امكيديني
وايام السبي يحسين تاذيني
هالليله اودعك يانظر عيني
تااذين الغربه الشام وايامه
*❈●••┈❁*❈┈❁●••┈❁
ابن امي شلون اوداعه هاليله
بس هذا المسه ايحامي العليله
ريت گبله الموت يلفتي عسه
اولااشوف اخي امهشمه اعضامه
*❈●••┈❁*❈┈❁●••┈❁
مايخلوني يمك يانظر عيني
وبسگته يخويه اجهر اونيني
وفراكك صعب وحيل يااذيني
تنوح اعليه اسمع انه ايتامه
*❈●••┈❁*❈┈❁●••┈❁
*تـــــمت والـــــ🤲ـــــحمد الله تعالى*
*بـــ✍🏻ــقلم خـادمـة آهـل البـيـت (ع)*
*✍️الــشاعـره خـادمة الـزهراء حـوراء الكـنانـي*
*❌لايجوز شرعاً وغير مبرء الذمه كل من يحذف أسم الــشاعره ينسب الكلمات ويتلاعب بالقصيده علماً ان القصيده قد سجلت بدفتر الزهراء عليها السلام*❌
*نسالكم الدعاء🙏🏻🙏🏻بتعجيل الفرج الصاحب الزمان /عج/*لَكۣۗـۙلَبۣۗـۙ بۣۗـۙيۣۗہهۣۗہ قۣۗـۙسۣۗـۙمۣۗـۙيۣۗہنۣۗـۙ 💔وۣآحۣۗـۙدُ آلَعۣۗـۙبۣۗـۙآسۣۗـۙ وۣآلَثۣۗـۙآنۣۗـۙيۣۗہ آلَحۣۗـۙسۣۗـ
https://www.tg-me.com/fvyhbib

ثلاثه ايام خويه بحر الشموس
بس اجساد. ضليتو بلا روس


ثلاثه ايام الك وبلايه نغار
نام عالرمل خويه الرمل حار
فوك العطش والرض تلتهب نار

((من يحظر نعشك ويشيله))

ام علي الموسوي
💔💔💔💔💔💔

ثلث تيام وانتم عالترابين
وبحر الشمس، وبغير تجفين
وي الشمر باجر خويه ماشين

((عباس اجفوفك مشموره))

خادمة اهل البيت أم أبراهيم الحلفي

💔💔💔💔💔💔

فوگ العطش والحر گطعو المنحر
ذبحه ماكفاهم گطعو الخنصر
وناري تلهب يا خويه تتوجر

((مذبوح //وعفتك يالغالي))


✍️حوراء الكناني
💔💔💔💔💔💔

تصعب حالتك يلي متت عطشان
عفتك بالغصب نايم على التربان
مو بيدي يخويه ابشور عدوان

(( اعذرني // يا ماي اعيوني))

✍🏻 ام زينب
💔💔💔💔💔💔

ياهو لشيعك ياخويه يحسين
جسمه مكطعينه بغير تجفين
وانه محيره والطم عله العين

((موذر من لموعظامه ))
✍خادمة اهل البيت أم اسعد

💔💔💔💔💔💔💔
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الأسماء او ينسبها لهhttps://www.tg-me.com/fvyhbib

قصيدة لاستشهاد الامام علي السجاد(عليه السلام)
➖➖➖➖➖➖
على السجاد دگن حيل المتون
وخل تجري دمه لمصابه العيون
➖➖➖➖➖
دگن عالصدر لمصيبته الیوم
والمدمع يصب الفرگته ادموم
ياوسفه رحل والگلب مالوم
أحبابه عليه کلهم. ینوحون
➖➖➖➖➖➖➖
ینوحون ابحزن لفراگه الاحباب
بقئ مسموم وحده وأهله غياب
جرحه من الطفوف الوالي ماطاب
ريت أحبابه اله اليلة يحضرون
➖➖➖➖➖➖➖➖
يريت أحبابه هليلة يجونه
گبل موته کون. ایودعونه
ابهيبه اهله وعمامه ايشيعونه
ويدگون الصدر لجله ویلطمون
➖➖➖➖➖➖
يدكون الصدر لجلك ياسجاد
وعليك الون ابد مولاي ماهاد
حزنك كل سنة ابعاشور ينعاد
عليك الشيعة يالوالي يونون
➖➖➖➖➖➖
جرحك بالگلب لا مانسينه
ولجلك شيعتك ظلت حزينه
المصابك تلهب الجمرات بينه
الفگدك سيدي كلهم يحزنون
➖➖➖➖➖➖
نلطم علصدر ونهل الدموع
على امصابك نون ونحني الضلوع
الكون المحنتك مولاي مفجوع
بيارغ سود لجلك ناشر الكون
➖➖➖➖➖➖
تمت الحمدالله🤲
بقلم خادمات اهل البيت ع
✍️الشاعره ام زهراء البصراويه
✍️الشاعره حوراء الكناني
نسالكم الدعاء🙏🏻🙏🏻 بتعجيل الفرج الصاحب الزمان «عج»https://www.tg-me.com/fvyhbib

قصيدة بحر طويل الامام السجاد ع


مابطل ونج يروحي.... انه زين العابدين
امنهد يوم الغاضريه......خلص عمري بالونين

🙏🏻🙏🏻🙏🏻🙏🏻🙏🏻🙏🏻

اشكد شفت لوعه اوذيه ... وبالحزن يگضي العمر

ساعه من اذكر مصابي ....بكربله دمعي يدر

لو شفت عماتي تبجي...... اتفتقد كل الصبر

امن البجي راحن اعيوني وباالدمع صارن حمر

لوشربت الماي اذكر ..... مات عشان الحسين

خادمة اهل البيت ام ابراهيم الحلفي
😭😭😭😭😭😭

لوشرب الماي أنحب .... واذكر عيال الشهيد

حسين وولاده النشامه .... ضلو ابحر الصعيد

وعمتي والأيتام تمشي .... ضلو ابوليت يزيد

وعمي عباس الشفيه .... لاله عين ولاله ايد

الله اگبر يا دهر .....احنا نسل الطيبين

ام زين العابدين لمحمداويه
😭😭😭😭😭😭

الله واكبر كل وكت ... بحيله ويغدرون بينه

وحنا من نسل الزجيه ... الطاهره الزهره الحنينه

حسين ضل عطشان نايم .... عالثره هوه وبنينه

والشمر والكوم كفره .... كل كتر امحاوطينه

نشكي كل هاذا الجره ...لشكوه لله المعين

ام ✍🏻رحمه الگاظميه
😭😭😭😭😭😭

خلصت عمري بنحيب.....عله لجرى بالغاضريه
شفت سحك الخيول بيها .... وزينب الحره سبيه

انه ابن حسين أنه .... جتفو بحبال أيديه

ويلي يا هالناس كلها ... تفازعو بالشر عليه

وكلبي من الحزن والسم منفطر صاير ثنين

✍️حوراء الكناني
😭😭😭😭😭😭

هذا اخر مالفاني ... واخر مصاب والم

كطعو بالهم دليلي .... والعده يزكوني سم

كلبي ممرود وانوح ..... فوك مابيه هظم

ولله ماضل حيل عندي .... حيلي ياناس نهدم

مابقى للنعش واحد يرفعه ويبجي بأنين

ام ✍️ علي الموسوي
😭😭😭😭😭😭
مابقه للنعش واحد. يحضره ويشيعه

اه من همي ومصابي. واه يهاي الفاجعه

من الهضم دلالي ذايب. بسم جبدتي مكطعه

ذاب دلالي وتفطر. بحقد كوم الضالمين

✍️ ام حسين العامري



تمت بأقلام شاعرات رابطة قتيل العبرات

غير مبري الذمه من يحذف اويغير اويتلاعب بالكلمات اويحذف اسماء الشاعرات وينسب الكلام لهhttps://www.tg-me.com/fvyhbib

قصيده بحق مولانا السجاد عليه السلام
~~~
خنقيم العزه لأبن الزچيه
ونهل دموعنه من دم جريه

~~😭

هلو الدمع لجله زين العباد

ونصبوله العزاء وقيمو الحداد

على المسموم نلبس گلنه اسواد

وبكل دار سووها العزيه

ام زيـــ✍🏻ـــــن العابدين لـــــــــمحمداويه
~~😭

وبكل دار سووله المناحه

أبو الباقر الكثر همه وجراحه

خلص عمره يون ليله وصباحه

لأهله لي گضو بالغاضريه

ام زيــــ✍🏻ــــن العابدين لـــــــــمحمداويه
~~😭

اليوم العزه والنوح والآه

للسجاد بالسم كطعوو حشاه

روحي معلعله وعينه على عظاه

بلكت تحظر اخواني. الشفيه

ام ✍️ علي الموسوي
~~😭
وين اليوم اهله يشعونه

ضلت شابحه عليهم عيونه

وبساعة موتته خل يحضرونه

كضت روحه هظم وينعه الرزيه

✍️حوراء الكناني
~~😭
الدين امگدر وتغير الكون
على السجاد ابن الي يرهبون
شال اليوم خله أهله ينوحون
وعينه العمته ضلت ربيه
✍🏻 ام زينب الأسدي
~~😭
ونو اليوم ياشيعة الكرار

سمو ابحقدهم كوم الشرار

ما تضهر يمن جدك المختار

وتاخذ ثارك من ابن الدعيه

ام زيـــــ✍🏻ـــن العابدين لــــــــمحمداويه
~~😭
تمت بعون الله بقلام شاعرات رابطة قتيل العبرات عليه السلام غير مبري الذمه الي يحذف الاسماء او تلاعب بيهه

https://www.tg-me.com/fvyhbib

قصيده للسجاد


والسجاد بالسم كاظيه أيامه
وين اليوم عنه أهله وعمامه

~~

والسجاد بالسم صارت وفاته
ابو الباقر كظت هاليوم أهاته
يعالج بالمنيه ويجر حسراته
خوان الدهر ورماه بسهامه

✍️حوراء الكناني
🔰🔰🔰🔰🔰🔰🔰

ويلي عليه بالهم والحزن كظه
واليوم الاجل جاله ومرد كلبه
من يوم الطفوف وهظمته ودربه
ما شاف السعاده. وراحه بيامه

ام ✍️ علي الموسوي
🔰🔰🔰🔰🔰🔰🔰

يريد الأهل يمه بساعة مماته

كضه بالهظم كل عمره وحياته

ماناسي بالطفوف شصاب عماته

من راحن سبايه الروس جدامه

✍خادمة اهل البيت أم اسعد
🔰🔰🔰🔰🔰🔰🔰

ماشاف الفرح مالوم مولانه

ضل يون دليله وروحه حزنانه

بالسم نكطع هاليوم شريانه

حد الموت مابطل علي الامه

✍️ ام حسين العامري
🔰🔰🔰🔰🔰🔰🔰

خلص كل حياته ابنوح وبونه

ماشاف الفرح فد يوم وتهنه

عدوانه تسمه اشرايده منه

تلطم شيعته ودگ على الهامه

✍🏻 ام احمد المنصوريه
🔰🔰🔰🔰🔰🔰

ابن حسين اندبه للعليلين
للعنده مرض يشفيه هل حين
ميقصر ابد ابن الميامين
مشهوده اله ونذكر أيامه

✍🏻 ام زينب الأسدي
🔰🔰🔰🔰🔰🔰🔰
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الأسماء او ينسبها له

https://www.tg-me.com/fvyhbib

💥 لطميه لرجوع السبايا تنقره بعدة اطوار💥

عليمن  راده اشتلكين بالحومه
كل اهلج يزينب بالترب نومه

~~~

يزينب راده اشتلكين من اهلج

بعد محد يشيل اعله المتن حملج

لدار حسين اخيج محد يوصلج

كفيلج بالتراب امغيبه ارسومه

خادمة أهل البيت أم أبراهيم الحلفي
🖤🖤🖤🖤🖤🖤

رجعتي الكربله شتلگين يام عون

اخوانچ بالتراب ومايگعدون

يزينب ردتي ابوجهچ يحيون

وصلتي الكربله من الشام مهضومه

✍🏻ام حسين العيساوي
🖤🖤🖤🖤🖤🖤

كفيلج بالترب  ماضل اله زنده

ابو اليمه اخيج رأس ماعنده

ناموا فرد نومه إخوته وولده

مايكعد  بعد ميت الجيدومه

✍️حوراء الكناني
🖤🖤🖤🖤🖤🖤

وصلتي الكربله يازينب الحره

لكيتي اعزاز كلبج كلهه عالغبره

كل واحد طريح ونايم بكبره

من درب اليسر ردتي مالومه

✍️ ام حسين العامري
🖤🖤🖤🖤🖤🖤

الله يعين كلبج هايبت حيدر

رديتي لاخوج وجايبه المنحر

وبياحال رديتي اويه الخدر

محتامه اعله اخوج وجايه بهومه

✍️ ام حسين العامري
🖤🖤🖤🖤🖤🖤 

المن جايه تلاكين خوانج

تعبانه ورجعتي محمله احزانج

ميكعدون ويلاكوج وليانج 

ردي  من الأهل يم عون محرومه


ام ✍️ علي الموسوي
🖤🖤🖤🖤🖤🖤🖤🖤
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الاسماء أو ينسبها له
https://www.tg-me.com/fvyhbib

*قصيده الامام العباس/ع/لسان حال مولاتي رقيه/ع/وهي تخاطب زينب الحوراء/ع/على طور عريس الولد جابوه يتجوله*
.❥✿┈┈• {🥀} • ┈•✿❥
زينب عمه خليهم يلحكــــونهه
عمي البطل خيرجع ضعونهه
.❥✿┈┈• {🥀} • ┈•✿❥

مابين الغرب يحشمن يواليهن
ينايم علترب ماتلحك اعليهن
يلمدلل خواتك مرهضم بيهن
مايدري الشهم ديوان دخلونهه
.❥✿┈┈• {🥀} • ┈•✿❥
مايدري الشهم سطرونه علعين
وملتمهه علينه عداه صوبين
وطول الدرب نجهر بلونين
ياوسفه العده علمتن ضربونهه
.❥✿┈┈• {🥀} • ┈•✿❥
ابو الكلفه الشهم وينه لراعبهم
يگطعون النفس اعداه لومرهم
راسه عله رمح والگوم صاگرهم
ياريته عدل يسمع شحاچونهه
.❥✿┈┈• {🥀} • ┈•✿❥
ياريته عدل ويشوف حالتنه
اجبال اتزلزلت منهه مصيبتنه
عگب عباس ابد ماهدت ونتنه
مورمه امتونه والعده هضمونهه
.❥✿┈┈• {🥀} • ┈•✿❥
مورمه من الضرب متونه وزرگه
وين اليوم عنهه ذاك ابو الكلفه
موكفينها بلحر الشمس واكفه
واحنه زغار والعده خوفونهه
.❥✿┈┈• {🥀} • ┈•✿❥
تمت الحمدلله🤲🏻
بقلم خادمات اهل البيت/ع/
✍🏻الشاعره ام حسين الزايداويه
✍🏻الشاعره خادمة الزهراء حوراء الكناني
غير مبرئ الذمه اليحذف اسم الشاعرات او يسلب القصيده ويتلاعب بلكلمات❌❌
نسالكم الدعاء🙏🏻بتعجل الفرج الصاحب الزمان/عج/🙏🏻🙏🏻لَكۣۗـۙلَبۣۗـۙ بۣۗـۙيۣۗہهۣۗہ قۣۗـۙسۣۗـۙمۣۗـۙيۣۗہنۣۗـۙ 💔وۣآحۣۗـۙدُ آلَعۣۗـۙبۣۗـۙآسۣۗـۙ وۣآلَثۣۗـۙآنۣۗـۙيۣۗہ آلَحۣۗـۙسۣۗـ
https://www.tg-me.com/fvyhbib

الطميه السيده رقيه عليه السلام
وزن فائزي
♡♡♡♡♡♡♡
ضليت بالحسرات. يامن عفتني
انشد يبويه عليك واجهر بوني

♡♡♡♡♡♡
انشد يابويه عليك. انه رقيه
تضربني العدوان. واشكف بديه
صعبه يبويه الحال. امشي سبيه
ماحمل الهضمات. من زغر سني

✍🏻الشاعره نور الناصريه

♡♡♡♡♡♡♡
مااحمل الهضمات يابويه يحسين
امشي غصب عالنوگ واتهمل العين
شوف الزمن غدار باليسر ماشين
يال رحت مني ابساع اوفاركتني

✍🏻خادمه الزهراء حوراء الكناني

♡♡♡♡♡♡♡
عني رحت ياحيف يابو المحنه
وكلبي يبويه عليك. ماهجع اونه
شفت الهضم يحسين. من فاركتنه
مابطل اوني عليك. لا بطل حزني

✍🏻الشاعره نور الناصريه

♡♡♡♡♡♡♡
صحت ابونين اونوح كلبي تجوه
للمشي ماظل حيل يجروني كوه
من جتنه كربله ياهلي بلوه
سلب التراجي اوسوط لا مارحمني

✍🏻خادمه الزهراء حوراء الكناني

♡♡♡♡♡♡♡
يوم الطحت يحسين وليه ولونه
وينك يبو السجاد. من يسرونه
ريتك اتجي وتشوف. من سلبونه
شگف بديه الصوط. ريتك شفتني

✍🏻الشاعره نورالناصريه

♡♡♡♡♡♡♡
اصرخ بويه حسين ارحم الحالي
يهمل عله الخدين دمعي الغالي من زغري أنه اشلون افگد الوالي
بفراكك الأبو ياناس كلش يعذبني

✍🏻خادمه الزهراء حوراء الكناني
♡♡♡♡♡♡♡
تمت الحمدالله🤲
بقلم خادمات اهل البيت عليهم السلام
غير مبرئ الذمه اليحذف اسم الشاعرات ويسلب القصيده ويتلاعب بيه ❌❌نسالكم الدعاء 🙏🏻🙏🏻لَكۣۗـۙلَبۣۗـۙ بۣۗـۙيۣۗہهۣۗہ قۣۗـۙسۣۗـۙمۣۗـۙيۣۗہنۣۗـۙ 💔وۣآحۣۗـۙدُ آلَعۣۗـۙبۣۗـۙآسۣۗـۙ وۣآلَثۣۗـۙآنۣۗـۙيۣۗہ آلَحۣۗـۙسۣۗـ
https://www.tg-me.com/fvyhbib