قصيدة عن رحيل الإمام الحسين عليه السلام الئ كربلاء

شد الرحال حسين گاصد کربله
مايدري ابو اليمه. رايح. للبله
➖➖➖➖➖➖
شد الضعون اليوم. گاصد کربله
وگلبه صبح مالوم. گاصد کربله
يدري تغدره الگوم. گاصد کربله

وتنسبي يدري اهناك كل العايله
شد الرحال حسين گاصد كربله
➖➖➖➖➖➖
هل شال ابو اليمه... گاصد كربله
وزاد الگلب همه.... گاصد كربله
تسلب العده هدمه.... گاصد كربله

واطفاله تبقى اهناك ويلي امعلعله
شد الرحال حسين... گاصد كربله
➖➖➖➖➖➖
رايح لارض الطفوف... گاصد كربله
ماهمه جيش وخوف... گاصد كربله
بحزانه ظل ايطوف .... گاصد كربله

ودموعه عالوجنات ظلت سايله
شد الرحال حسين.... كاصد كربله
➖➖➖➖➖➖
بالطف قره المكتوب.... گاصد كربله
راسه اسف مطلوب .... گاصد كربله
اتسد العده لدروب ... گاصد كربله

ويظل وحيد اهناك ماناصر اله
شد الرحال حسين.... كاصد كربله
➖➖➖➖➖➖➖➖
وحده يظل محتار. گاصد کربله
وماعنده تبقى انصار. گاصد کربله
وبالخیم تلهب نار. گاصد کربله

وإخوانه والأنصار کلها امچتله
شد الرحال حسين گاصد کربله
➖➖➖➖➖➖➖➖
انصاره کلها اتروح. گاصد کربله
والعیله تبقى أتنوح. گاصد کربله
وحتى الطفل مذبوح. گاصد کربله

وتالي الشمر ويلاه يحدي القافله
شد الرحال حسين گاصد کربله
♾♾♾♾♾♾♾♾
تمت بااقلام خادمات أهل البيت عليهم السلام ✍
✍الشاعرة حوراء الكناني
✍ام زهراء الزيداويه البصراويه
🙏🙏نسألكم الدعاء 🙏🙏https://www.tg-me.com/fvyhbibhttps://www.tg-me.com/fvyhbib

تجليبه في حق شجاعة العباس ع
▁▂▃▄▅❈◐❃❂❃◑❈▅▄▃▂▁
بطل عباس تشهدله الحربيه
گفو منج ومن ابنج يعلويه
▁▂▃▄▅❈◐❃❂❃◑❈▅▄▃▂▁

بطل عباس واشحده الي يوصله
بميدان الحرب صولاته تشهدله
بسيفه روسهـــم طشار هالخله

   ((وبسيفه//طشرهم كلهم))

✍الشاعره حوراء الكناني
▁▂▃▄▅❈◐❃❂❃◑❈▅▄▃▂▁

طــشار العســاكـر تــرست البيده
وابگلب الــعده طعــناتـه امچيده
وكل جيمان اميه صارت اتــريـده

   ((وچن حيــدر تـضرهب هداته))

✍الشاعره ام عدنان سياحي
▁▂▃▄▅❈◐❃❂❃◑❈▅▄▃▂▁

ابسيفه اعلی الجماجم لعبت افنونه
تعبـــها الاســــد والكـــون مرجــونه
اميـــه اتــفازعــت حتـــی يغــدرونه

((ومن زود اذراعه الدنيه اهتزت))

✍الشاعره ام عدنان سياحي
▁▂▃▄▅❈◐❃❂❃◑❈▅▄▃▂▁
اهــتزت الدنيـــه مـــن نــزل عباس
وحيرهم اليوم ابفنه ابــو النوماس
وطش اصفوفهم گوم العده الارجاس

((وصفاها//شردهم كـلهم))

✍️الشاعره حوراء الكناني

▁▂▃▄▅❈◐❃❂❃◑❈▅▄▃▂▁
بالطف طشراهم ابن حامي الجار
ماخله الخيم تــوصلـــها الاشرار
وكل دم العده فوگ الارض طشار

((من حيـــدر ماخــذ تعليمه))

✍️الشاعره حوراء الكناني
▁▂▃▄▅❈◐❃❂❃◑❈▅▄▃▂▁
تمت الحمدلله🤲
بـــ✍️ـقلم خادمات اهل البيت«ع»
نسالكم الدعاء بتعجيل الفرج الصاحب الزمان [عج]https://www.tg-me.com/fvyhbib

نعي لسان حال مولاتنا زينب
~~~~~

ريت لكفيل نعود وياه
نتسامر ونسمع حجاياه
شلون ابو الشيمه فاركيناه

~~

اخي حنين ورافكيته
خيمه بخيمه جاوريته
بكربله صارت منيته

✍️ام علي الموسوي
😭😭😭😭😭

ونت على العباس ونات
اذكرن هضمها يلمضيعات
بالغرب خلاها ابو الهدات

///////////////

لبو مريوش خلوني اون حيل
حرمه وغريبه وجايني اليل
باجر الضعن ناوي ايشيل

ام علي السماوي
😭😭😭😭😭

تمنيت الكفيل ويانه يعود
يرجع شملنه ريته ردود
كلبي على اخي مايهود

~~~

بحماك كتلي واعدتني
من النزل انته جبتني
البيوت اهلنه كوم ردني

✍🏻حوراء الكناني
😭😭😭😭😭

جفك يبو فاضل ضرانه
وانت الاخو وانت حمانه
ليش، اتروح ياشايل لونه

~~~

اختك يخويه بيش تنهاب
بعدك يبعده كلبي يرتاب
عفتني يخويه بين الاجناب


خادمة اهل البيت ام ابراهيم الحلفي
😭😭😭😭😭

عليك أصبحت روحي ونيده
هظمني العدو واليوم اريده
يا ونتي ابگلبي مجيده

~~

ونت هضيمه ونت ام عون
من شفت عدوانك يضحكون
وراسك يباريني بالضعون

ام ستار الكعبي
😭😭😭😭😭
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الاسماء أو ينسبها له
https://www.tg-me.com/fvyhbib

ام حسين العيساوي

لطميه للعباس عليه السلام

خال ابنچ يزينب طاح

عالشاطي يجر ونه

♡♡♡♡♡♡♡♡♡♡♡♡♡
طايح من على احصانه
ومگطعين ذرعانه
وشگالت الحزنانه
مذبوح التكفلنه

✍🏻 ام حسين العيساوي
◾◾◾◾◾
خال ابني واكو احا
من عدي زماني اخذاه
خلاني اون بجفاه
سهم البين فركنه

✍️ام علي الموسوي
◾◾◾◾◾

سهم البين عذبني
ماخذ مني خال ابني
من شوفتك حارمني
وراح البي المحنه

✍️حوراء الكناني
◾◾◾◾◾
بلعين السهم صابه
وروحه اعليج لهابه
طاحو زلم الهيابه
راح منين اجيبنه

✍️ام علي السماوي
◾◾◾◾◾

وني اعليه يمهضومه
اخيج ساكن الحومه
مايرجع الجيدومه
كطعي كل امل منه

✍️ ام حسين العامري
◾◾◾◾◾
كطعي الامل والرجوه
راح لبيه لمروه
وياه فلت الخوه
راح ومايرد جنه

✍️ام علي الموسوي
◾◾◾◾◾◾
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الاسماء أو ينسبها له

https://www.tg-me.com/fvyhbib

قصيدة لسان حال زينب وهيه تتكلم وي اخواتها عليهن السلام
💔💔💔💔💔💔


كومن ودعنه... ياراعي المحنه
گصد للمشرعه وراح
ابسيفه يقبض ارواح
خواته ايشجعنه... ياراعي المحنه
💔💔💔💔💔💔

گال الماي أجيبه وزلزل الگاع
للخوه وفي ايضحيلهه اذراع
شد اعله الكحيله وساگها ابساع

يرويهن خواته..... غيور وحلوه ذاته
طيبه ما لگنه .... ياراعي المحنه

✍🏻خادمة اهل البيت ام ابراهيم الحلفي

💔💔💔💔💔💔
‏: مثل خوتك ابد مامنه اخوه
دگ صدره الي راعي المروه
كصد للمشرعه لخوته حلوه

يگول الماي اجيبه.....لم عون الحبيبه
سالم يرجع النه..... ياراعي المحنه

✍️حوراء الكناني
💔💔💔💔💔💔

‏: خواته ودعنه وراح عنهن
نزل للمشرعه مايرجع الهن
ضلن بالحزن ويهل دمعهن

ضل عالشاطي مطروح... زينب تون وتنوح
غيرك بعد شلنه... ياراعي المحنه

✍️ ام حسين العامري

💔💔💔💔💔💔

غيرك ماالي عون اولاتجيه
يبعد الروح يالرحت من اديه
ترضه اشلون انه امشي سبيه

گلبي يالولي شاب
ما احمل هل مصاب

ضل گلبي ابونه
يا راعي المحنه

✍🏻ام زين العابدين لمحمداويه
💔💔💔💔💔💔

بهدوت ليل ادور بين الاجساد
كلف جرحك رماني ابراس الفاد
للحمل الثجيل الوالي ينراد

شلون اتعذرتني
بالغربه عفتني
اخوي او حبنه..... يا راعي المحنه

✍🏻ام ستار الكعبي

💔💔💔💔💔💔

كامت بت علي وتجر الذيال
يخويه موادعك مامر على البال
وفراكك يخويه صعب كتال

ياسباح كلبي.... يخويه وشوف دربي

رايح وين عنه... ياراعي المحنه

✍️ ام علي الموسوي
💔💔💔💔💔💔💔💔
تمت بحمد الله بااقلام خادمات أهل البيت عليهم السلام في رابطة قتیل العبرات ✍🏻
🙏🏻🙏🏻نسألكم الدعاء 🙏🏻🙏🏻
https://www.tg-me.com/fvyhbib

قصيده بحق مولانا أبا الفضل العباس عليه السلام
~~~~~~
اخوزينب بطل تربات نشميه
كفو ونعمين من ابنج يبدويه

🚩🚩🚩🚩🚩🚩🚩

شجاع ومايهاب اجموع عدوانه
للميدان طب وصاح هذا انه
وجر سيفه البطل شمرها ذرعانه

وخلاها اترادم اخو الحوريه

✍🏻ام زين العابدين لمحمداويه
🚩🚩🚩🚩🚩🚩
جر سيفه البطل سواها افنون
مثل عوده علي بجه اليعيلون
هلا ابعباس يالمنه يهابون
خله ادمومهم بالكاع مجريه

✍🏻ام رحمه الگاظميه
🚩🚩🚩🚩🚩🚩
هلا بعباس صال وشال بتاره
وخله اعداه تتراجف ومحتاره
سل سيفه وشن اعله العده غاره
وتشهدله صدك ساحة الحربيه

✍️ ام حسين العامري

🚩🚩🚩🚩🚩🚩
يشهدله صدگ عباس ميدانه
ابو فاضل سبع واسباع خوانه
مصيت يالشجاعه ثبت عنوانه
مثل عوده علي وامه البدويه

✍🏻 ام حسين العيساوي
🚩🚩🚩🚩🚩🚩

گفو ونعمين من عندك يبو النوماس
وگالبها گلاب اليوم تاج الراس
طشر روسهم رجفهم العباس
ياراعي الشهامه وكله حنيه

✍️حوراء الكناني
🚩🚩🚩🚩🚩🚩
يلكلك شهامه وطيبة ومروه
راسك حار ندري وتفز بالنخوه
بالحره نحلفك ياوفي الخوه
تعرف حاجتي وتكون مكظيه

✍️ام علي الموسوي
🚩🚩🚩🚩🚩🚩
تمت بااقلام خادمات أهل البيت عليهم السلام في رابطة قتيل العبرات ✍🏻
🙏🏻🙏🏻نسألكم 🙏🏻🙏🏻
https://www.tg-me.com/fvyhbib

لطمية .. للامام العباس عليه السلام

ياعباس ...اجيتك انتخي بيك
ياعباس...من الخيمه كصدت ليك

انا اختك المهضومه. ياعباس
وعدك هذا حد يومه .ياعباس
هاي عيال محرومه...ياعباس

وعلى الماي يالوالي تنخيك
ياعباس أجيتك وانتخي بيك

((ويكظيها الحاجه الليله)

✍🏻ام كلثوم الشمري
🏴🏴🏴🏴🏴

اجيتك جايبه المعصب...ياعباس
يم شخصك الي مطلب ..ياعباس
ماي نريد للمشرب ... ياعباس

كلهم حشموني وجيت أوصيك
ياعباس أجيتك وانتخي بيك

((الماي نريده //يروينه))

ام✍️ علي الموسوي
🏴🏴🏴🏴🏴

اريدك خويه تفزعلي .. يعباس
وانت اتشيله هم حملي ..يعباس
بعدك بالعمر شلي. ..يعباس

كفو يالي حميتك ماتخليك
ياعباس اجيتك انتخي بيك

(( رافع راسي //عباس اسمك))

✍🏻 ام زينب الأسدي
🏴🏴🏴🏴🏴

اجيتك گلبي مالوم.....ياعباس
اكوم اكعد يجيدوم.....ياعباس
حيلي خويه مهدوم.....ياعباس

ياكفال ضعني جيت احاجيك
ياعباس ..اجيتك واتنخي بيك

((اكعد ليها //تتنخه لحره))

✍🏻حوراء الكناني

🏴🏴🏴🏴🏴

اجيتك اشتكي الحاله ..ياعباس
عطاشه حسين وعياله..ياعباس
الرضيع عيونه هماله...ياعباس

سبع ضرغام ماواحد يلاويك
ياعباس أجيتك وانتخي بيك

(( هز بيهم ارضك وسماها))

✍ام اسعد الشمري

🏴🏴🏴🏴🏴

اجيتك ياكمر هاشم ..يعباس
حزينه والدمع ساجم . يعباس
تجيب الماي لي لازم . يعباس

خال ابني حنين ومااجازيك
ياعباس جيتك وانتخي بيك

((يلبيها// عباس الحاجة ))

✍🏻سلمى أم جعفر
🏴🏴🏴🏴🏴
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها لهhttps://www.tg-me.com/fvyhbib

قصيده بحق مولانا أبا الفضل العباس عليه السلام لسان حال الشاعر
~~~
اريد اكتب شعر وانه الممنونه
للعباس يلكلكم تهابونه

انته أبأمري تدري
يلي ارفعت قدري
خيعونه الخدمكم الف خيعونه

~~~~~

اريد اكتب وأكله امقصره مولانه
اخو زينب يالمعروف عنوانه
بيك شما أوصف انه خجلانه
يبعد الروح يالضحه ابذرعانه

ألك كون افدي عمري
يلي ارفعت قدري

خيعونه الخدمكم الف خيعونه

ام زيــ✍🏻ــــن العابدين لــــــــمحمداويه
🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻
اريد اكتب قصيده بماي لعيون
لبوفاضل وشايل حمل لضعون
وكل اعداه من أسمه يهابون
ومن نظرة اعيونه الكل يخافون

يوسفه جار دهري
يلي ارفعت قدري
خيعونه الخدمكم الف خيعونه

✍🏻سلمى أم جعفر
🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻
شما اكتب شعر ماوفي عباس
لان هوه الوفه والتاج عالراس
يالهزهز اعروش الكفر الارجاس
لجل الدين ضحا ابأخر أنفاس

دمعي عليك يجري
يلي رفعت قدري

خيعونه الخدمكم الف خيعونه

✍🏻 ام زينب الأسدي
🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻

روحي فدوه الك ياحامل الرايه
يالفضلك عليه كلش اهوايه
عندي اهموم وانته تعرف الغايه
مكلفتك يبوفاضل انه بهايه

اوصفه شلون مدري
يلي ارفعت قدري

خيعونه الخدمكم الف خيعونه

ام ستار الكعبي
🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻

خطيت القلم د ذكر الوفاي
شحجي عالشجاعة مقصره هواي
طب يم نهر ماشرب للماي
اطلب مايقصر ابد وياي

بعشكه تاه فكري
يلي ارفعت قدري

خعيونه الخدمكم الف خيعونه

✍🏻حوراء الكناني
🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻

انه اكتبت الشعر من دمي لأحبار
لو خط القلم بسطوره خط نار
محتار الوصف يابن الاخيار
معرب بالشجاعه اسد مغوار

خادم الك نذري
يالي ارفعت قدري

خيعونه الخدمكم ألف خيعونه

✍🏻 علويه ام منتظر الجابري
🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻

اوصفه شلون وأقلام الشعر حارت
كرامه وطيب وخوه أبد ماصارت
لأجل حسين اعيون اثنينهن راحت

زينب تنعى ذخري
يلي رفعت قدري

وخيعونه الخدمكم ألف خيعونه


✍️أم كرار مناذره
🤲🤲🤲🤲🤲🤲🤲🤲
تمت بعون الله باقلام شاعرات رابطة سيد الشهداء عليه السلام
غير مبري الذمه من يحذف الاسماء أو ينسبها له
https://www.tg-me.com/fvyhbib

قصيده للامام العباس
`~~~

محتاره لابو النوماس
وين انصب عزه ليله

~~
الرد انصب عزاه والطم
بعده ضاله بالهم
حركو بعده المخيم
وين اكعد وانعيله

ام✍️ علي الموسوي
◾◾◾◾◾

وين انصب الك مأتم
انت الحيد المعلم
گلبي اعليك يتألم
دمع العين اله انسيله

خادمة اهل✍️ البيت ام ابراهيم الحلفي
◾◾◾◾◾
وين اكعد ومالي دور
علينه احركو الخدور
انعيله ابدمع منثور
وابوفاضل انه ابجيله

✍🏻سلمى أم جعفر
◾◾◾◾◾

وين انعه لبو الكلفه
كتلني منگطع جفه
گلبي اعليه مايشفه
للعباس انه انحیله

✍🏻 ام زينب الأسدي
◾◾◾◾◾

وين انصب التعزيه
الخيم حركوها عليه
اعذرني مجتفه أديه
يروحي دوم ونيله

✍🏻حوراء الكناني

◾◾◾◾◾

لاخيمه ولاصيوان
وانصبها الگمرعدنان
اختك مشت وي عدوان
ودروب السبي اطويله

✍️ام ستار الكعبي
◾◾◾◾◾◾◾
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له
https://www.tg-me.com/fvyhbib

قصيده لشجاعة العباس عليه السلام
~~`

ياشيخ المراجل ياهله بعباس
خليت العدو منك مدنك الراس

➖➖➖➖➖➖

ساحات الحرب عباس تشهدلك
بطل مغوار فن زلمه يصل يمك
شجاع وبالشجاعه مايصح مثلك

ياابن حيدر علي ياشهم فراس

✍️حوراء الكناني
➖➖➖➖➖

ياابن حيدر علي يالحلوه افعالك
وبيوم الحرب محد تدنالك
شجاع وبالشجاعه تعجب اخبارك

شجاعة حيدره وارثه يانوماس

✍️ ام حسين العامري
➖➖➖➖➖➖➖

ياشيخ الزلم يعضيد الحسين
ياكافل خدر زينب ويحنين
عجب وكل العحب يكطعو الجفين
يالكلك وفه ويا شديد الباس

✍🏻سلمى أم جعفر
➖➖➖➖➖➖

شجاع وبالشجاعه سور بالعالي
وكل خصلة الحلوه بيك يالغالي
عيونك من اشوفن تورد امالي

وتباهه بخصالك بين هالنا س

✍️ ام محمد الساري
➖➖➖➖➖➖

دارسه الشجاعه من الکرار
کفو نعمین منک اسد مغوار
تحصد بالرؤس منهم تاخذ، ثار
شبل حيدر بطل. سماك عباس

✍🏻الشاعره ام هاجر الفرحاني
➖➖➖➖➖➖

عباس البطل تشهد له صولاته
يرعب في المعارك هاي حملاته
ضرغام الصميده وهاي ملگاته
مثله منولد بالطيب والاحساس

✍️هدى المطر ام محمد
➖➖➖➖➖➖➖➖تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له
https://www.tg-me.com/fvyhbib

هوسات حول شجاعة العباس ع


ابو فاضل سبع ومعدل الميله

مخلي عداه تون مانايمه ليله

غيور الكافل ومايرضه بالعيله

((الملعب عندك وانته التلعب بيه))

✍️الشاعره كريمه البو حلوه
🖤🖤🖤🖤🖤🖤🖤🖤🖤
ابو فاضل يلوك اله ولهله الحجي الزين
شجاعه ومرجله وفده الجفين لحسين

حياه الله اخو زينب هذا الحنين


((عزب بچفوفه ابن البدويه))

ام زيـــ✍🏻ــــــن العابدين لمحمداويه
🖤🖤🖤🖤🖤🖤🖤🖤🖤

شجاع وبالشجاعه محد ايلحگه
ومن حلگ السبع مولاي اخذ حگه
النضر لجل اخته ويلي بالسهم شگه

((طشرها ///وسيفه ايلم بيها))
~~
يطشرها ويلمها ابسيفه ملك الموت
اشحده العند ابو فاضل اليوم ايفوت
ابن ام البنين البلشدد منعوت

ایگصدونه بالشده الصعبه

((الشاعرة ام✍️ ابراهيم الحلفي))
🖤🖤🖤🖤🖤🖤🖤🖤🖤
اريد احجي والحجي للهيبه للعباس

هذا ابن حيدر علي هيبه ونوماس

تشهدله المعارك بطل فراس


((من زغره عدوانه تهابه))

ام ✍🏻رحــمه الگاظميه
🖤🖤🖤🖤🖤🖤🖤🖤🖤
هيبه ومرجله محلاته ابوفاضل
كفو ونعمين والله واسمه الكافل
اله الگول والحجي الزين يستاهل

((شيلي الرايه //اوهوسيله

هذا الكافل))

✍🏻سلمى أم جعفر

🖤🖤🖤🖤🖤🖤🖤🖤🖤
اريد احجي على العباس المشكر
يوم االصال على العدوان وتخير
يتخير بلزلم گص روسهم ويفتر


((خلاها/// تترادم كلهه))

ام 👍🏻علي السماوي
🖤🖤🖤🖤🖤🖤🖤🖤🖤
تشهدله المعارك بسيفه وافنونه
وخله الكون تزلزل الاسد مرجونه
تخوف ابو فاضل خزرت عيونه

((العيله//شردو من طب))

✍️حوراء الكناني
🖤🖤🖤🖤🖤🖤🖤🖤🖤

هاذا ابن القلع بيبان ابجف ايده وهد الكون
ذله ماعرف لاموت بس الوفه بيه مفتون
تربات الوفه والطيب زرعت من اصلها غصون


( (حار وعدوانه يعرفونه) )

✍ام اسعد الشمري

🖤🖤🖤🖤🖤🖤🖤🖤
طب موت الحمر وينظر الصوبين
بطل عباس وموجرات الوجنين
يطبگ روسهم ميفرزن الرا سين

((طب بيها//خيال الحومه))

*✍🏻خ_ألحُســـــينيه*

🖤🖤🖤🖤🖤🖤🖤🖤🖤

طب. الحومة الميدان خلاها الزلم تفتر
مايدرون شنهي الصاراجاهم موتهم احمر
راواهم بدر، واحنين ماخذ، درس من حيدر

((خله الگاع اتموج وفرت منه الخیاله))

✍🏻الشاعره ام هاجر االفرحاني
🖤🖤🖤🖤🖤🖤🖤🖤🖤
تمت بعون الله بقلام شاعرات رابطة سيد الشهداء عليه السلام غير مبري الذمه الي يحذف الاسماء او تلاعب بيهه✍🏻
🙏🏻🙏🏻نسألكم الدعاء 🙏🏻🙏🏻
https://www.tg-me.com/fvyhbib

نعي عن لسان حال زينب تخاطب العباس. ع
~~``

عندي طلب عباس اسمع
عطاشه الحرم والحال يفجع
ريتك شفت حالة اليرضع

~~

سكنة وبنات حسين يبجن
مفطور الگلب بالگوة يحجن
بلكت تجيب امية يردن


العلوية فضيلة الموسوي
😭😭😭😭😭😭

يعباس يالكلك موده
كلبي عليكم لاتمرده
خافن يضل حسين وحده

~

يعباس جيب الماي لينه
يتناحبن خوله وسكينه
عكاشه ونريدك تروينه

ام علي الموسوي
😭😭😭😭😭😭

عدعینچ يحره اجيبه المای
انه حیدر مسمینی السقای
فدوی الچ جفي وعینای

///////////////

صاحت هله ومیة هله
عباس یاراعی المرجله
حیدر ضاخرک الکربله

✍🏻الشاعره ام هاجر الفرحانی
😭😭😭😭😭
ابو اذيه

خلها اعيونك اتعاين علينه
وحنه ابجال ابو فاضل علينه
خويه ياذخر عودك علينه
ذخر خلاك الي بالموزميه

~~

يريت الشر بعد عنك وكفاك
وبس حسين بي تقنع وكفاك
يبو فاضل طفت عينك وكفاك
شمرته اعله النهر لجل الخويه

~``

عباس يذخيرة خواتك
يابو الحميه فاكداتك
يالمحد اليلحگ صفاتك

~~~

حكج يزينب من تعتبين
انه اخوج وفديلج الجفين
بوجدي يخويه لاتهمين
بس ماي من عندي تريدين
وي الزنود افديلج العين

~

ساعه اجيب الماي يمج
يم الخدر وبضلع امج
يم عون خويه لا يهمج
والله اسجل النهر بسمج

خادمة اهل البيت أبراهيم الحلفي
😭😭😭😭😭
تكله

كل الهله ياأبو الغيره
اعرفك ماتخليني بحيره
بجالكم والله اميره

~~~~
جواب العباس

ادللي بعيوني افديج
محتاره يزينب مااخليج
اجيب الماي خوييه لعندج وليج

✍️حوراء الكناني
😭😭😭😭😭
تم بفضل الله وعونه بأقلام خادمات الحسين في رابطة سيد الشهداء عليه السلام

https://www.tg-me.com/fvyhbib

قصيده للعباس
~~~~

ياعباس يالمنك يهابون
خليت العده بالطف يرهبون

‏ ●▬▬▬ஜ۩🌟۞۩ஜ▬▬▬●

خليت العده بالحومه طشار
لعبه لعبت بيهم كوم الاشرار
وبكلبك الغيره وشعلت نار
والعدوان من عندك يخافون

✍️حوراء الكناني
🏴🏴🏴🏴🏴🏴

حامي من الصغر سموك ابو الغيره
بكماطك تحل من زينب ابحيره
تخاف اعلى العبايه راسك اديره
معروف الوفه من خزر العيون

✍ام اسعد الشمري
🏴🏴🏴🏴🏴🏴

يالمعروف بالغيره وحميه
يالشايل صفاة الحيدريه
من امك خذتها هالوصيه
لولاد الزجيه ضحي المتون

✍️ ام علي الموسوي
🏴🏴🏴🏴🏴🏴

خزراته تخوف زلزل الگاع
هد اعله الکفر سواهم اشراع
منه الگوم فرت وکت الانزاع
سواهم خرز بیهم يلضمون

✍🏻 ام زينب الأسدي
🏴🏴🏴🏴🏴🏴

منه الكل تخاف وخزرت اعيونه
ابو النوماس والوادم يهابونه
وركاب الرجال ابسيفه مرهونه
وجدام ابو الغيره مايثبتون

خادمة اهل البيت ام ابراهيم الحلفي
🏴🏴🏴🏴🏴🏴

ياقمر العشيره اوشيلت الراس
تسلم ياذخر زينب يعباس
حدنه ابجال جفك عيب ينداس
تخاف اعداك يالمنك يفرون

ام ستار الكعبي
🏴🏴🏴🏴🏴🏴
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له
https://www.tg-me.com/fvyhbib

نعي للقاسم
~
محلاك من تهل عليه
يجسام محروم الدنيا
بعدك ييمه شلون بيه

~~
بالغرب يمدلل عفتني
مكسور كلبي وزاد وني
خذاك الدهر يالولد عني

ام ✍️ علي الموسوي
💔💔😭💔💔

الطم صرت بثنين اديه
صحت بصوت يبني التفت ليه
عكب الولي اشبع مهضميه

~~~

اهنا يلولد مذبوح عطشان
شفت الوجه وبدمه غركان
اريدن على ابني انعى ينسوان

ام علي السماوي
💔💔😭💔💔

محمل يالولد عني رحت وين
كلبي الغيابك صار نصين
عريس نايم بالميادين

~~~

افراكك يجاسم مااحمله
كضه الروح يايمه شخله
ضل الدمع عالخد اهمله

✍️ ام حسين العامري
💔💔😭💔💔

جاسم ييمه راحت الروح
وفگدك هضمني وزيد النوح
بالحومة وسفة ليش مطروح

~~

يجسام يمه صد عليه
ردتك ضخر يمه وتجيه
اشسوت ابحالي الغاضريه

✍🏻ام زهراء الزيداويه البصراويه
💔💔😭💔💔

اشسوت بحالي يمه الطفوف
العين عميه وبيها ماشوف
احا يل المكطع بالسيوف

~~

يانارك ابكلبي سريه
يل الولد تسعر للمنيه
إيست منك ها هيه

✍️ام نور الزهراء الزينبيه
💔💔😭💔💔

اشسوت بحالي فاركتني
يجسام يمه وياك اخذني
فكدك يبعد العين هدني

~

بعد وين اشوفك ونتلاكه
يانار الكلب يبني حراكه
بعد هيهات يوليدي الملاكه

✍🏻حوراء الكناني
💔💔💔😭😭💔💔💔
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الاسماء أو ينسبها له

🤲الفاتحه🤲 الى ارواح الشهداء
https://www.tg-me.com/fvyhbib

قصيده للقاسم بهوسه

ياعريس صارت حنته دمومه
زفوه العده برماح للحومه

‏ ▬▬ஜ۩🌟۞۩ஜ▬▬
زفوه العده مازفته اخوانه
امه وعمته نصبن صيوانه
جابت لبس أبوه زينب الحزنانه
صاحت يالحسن جاسم كرب يومه

((ماتفزع لابنك وتشيله))

✍️ام علي الموسوي
‏ ▬▬ஜ۩🌟۞۩ஜ▬▬
المعرس يجاسم تحضر احبابه
وتزفه عمامه وتبني اطنابه
بس جسام صارت حنته اخضابه
او مصوب يجاسم حنته ادمومه

((من مثلك حنو بدمومه))

خادمة اهل✍️ البيت ام ابراهيم الحلفي
‏ ▬▬ஜ۩🌟۞۩ஜ▬▬
خلص يومه عزيزي وعافني بحيره
بس هاذه الوحيد ماالي غيره
گلبي ايون عليه ضايع تدابيره
منك ياعزيز الروح محرومه

( واگبالي امدد ضي عيني)

✍️ام ستار الكعبي
‏ ▬▬ஜ۩🌟۞۩ஜ▬▬

هدم حيلي الولد من شال هالشيله
وروحي اعليه ضلت تون ونحيله
افراكه هدماني ومالي حيله

وروحي اعالولد صبحت مهدومه

هدم حيلي //من شال ابني

✍️ ام حسين العامري
‏ ▬▬ஜ۩🌟۞۩ஜ▬▬

جاسم ياوليدي لصدري اضمنك
خليني بنحرك  يبني اشمنك
بيك فجعو كلبي  ياذخر امك
ياعريس عرسه يصير بالحومه

((فجعوني//بوليدي لذبحوو ))

✍🏻حوراء الكناني
‏ ▬▬ஜ۩🌟۞۩ஜ▬▬
‏مذبوح الولد جابه الي عمه
متغيره ألوانه مخظب بدمه
صعبه مصيبته وروحتي مهدمه
شلون انسا ويمي معلكه هدومه

((نارك بضلوعي و تجويني))

ام ✍️ علي الموسوي
‏ ▬▬ஜ۩🌟۞۩ஜ▬▬
‏تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الاسماء أو ينسبها له

https://www.tg-me.com/fvyhbib

قصيدة مربوعه القاسم ابن الحسن عليهما السلام



اليوم ام الولد مكسور خاطرها
بس حسره ابگلبها أو ونه اتجرها

💔💔💔💔💔💔
اليوم ام الولد بس تجذب الونه
للحومه تزفه بلوعه وبحنه
ماشعلت  اشموع وحضرت حنه
بس امن الدمع متروس ناظرها

خادمة اهل البيت ام ابراهيم الحلفي
💔💔💔💔💔💔
عميه من البواجي صبحت عيني
نام عالترايب يالولد يبني
تكول شلون تالية العمر ذبني
امك يالولد ياهو اليرجعها

ام ✍️ علي الموسوي
💔💔💔💔💔💔

اليوم ام الولد تبجي وحزنانه
تشوف من الولد ضل خالي صيوانه
بسيوف ونبل زفوه عدوانه
ضلت عالولد بس تهل مدمعها

✍️ ام حسين العامري
💔💔💔💔💔💔

حكهه ام الولد تنحب ومالومه
شلون تشوف ابنهه تحنه بدمومه
بعده ازغير وتوسد على الحومه
اليوم البين بالعريس فاجعها

✍️ ام حسين العامري
💔💔💔💔💔💔
فجعها البين بالعريس  واويلي
ياجاسم  ييمه هدمت حيلي
بعدك مانمت و مساهره ليلي
بيها شلون يبني الراح ضنوتها

ام ✍️ علي الموسوي
💔💔💔💔💔💔

اليوم ام لولد دمعتها تتجاره
تلطم بالحزن والروح محتاره
يمه عليك نوحي ماله چاره
روحي بروحتك يايمه كاسرها

✍🏻حوراء الكناني
💔💔💔💔💔💔
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الاسماء أو ينسبها له
الفاتحه 🤲 الى ارواح الشهداء

https://www.tg-me.com/fvyhbib

لطمية للقاسم مربعة
~~~~

من دمه الولد حنوهن اجفوفة
وين امه الحزينة تطلع تشوفة

~~~
طلعي من الخيم ابنج رجع هسة
ايامه گضت واتضلمت شمسه
مالحگ يويلي يفرح بعرسه
وشوفيها دماية تگطر زلوفة

العلوية✍️ فضيلة الموسوي
◾◾◾◾◾◾

رجع مذبوح ابنج والدمه يجري
اخبرها اعله موته شلون مادري
رمله تصيح يمه ضيعت صبري
عليك الحيف يبني وروحي ملهوفه

خادمة✍️ اهل البيت ام ابراهيم الحلفي
◾◾◾◾◾◾
طلعت من خيمها تصيح ياويلي
يبني ياثمر جبدي ونجم ليلي
يبني وين اروح خلافك احجيلي
وأنه بالغرب وعداك معروفه

ام ✍️ علي الموسوي
◾◾◾◾◾◾
جابه للخيم لمه يصب دمه
مايكدر يشيله اعله الصدر عمه
حمله ثكيل ون وتكدر بهمه
يكللهن فلشن صيوان والحوفه

ام علي السماوي
◾◾◾◾◾◾

من دمه الولد حنوه عدوانه
ضل جاسم رميه بوسط ميدانه
الله يعين كلب امه الحزنانه
تنوح اعله لولد والدمعه مذروفه

✍️ ام حسين العامري
◾◾◾◾◾◾

تنوح اعله لولد والكلب مملي جروح
تكله اكعد يجاسم يابعدها الروح
عليك ابجي ييمه ومااكطعه النوح

ياجرح الكلب يمه بيش اروفه

✍🏻حوراء الكناني
◾◾◾◾◾◾◾
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الاسماء أو ينسبها له
الفاتحه 🤲 الى ارواح الشهداء
https://www.tg-me.com/fvyhbib

فزاعيه الامام القاسم عليه السلام

رد لمه جاسم للخيم
حناته دم اوريده
◾◾◾◾

رد للخيم يبن الحسن
عماته وامه اتلوعن
ناحن عليه وتحسرن
وحسين يصفج بيده

خادمة اهل✍️ البيت ام ابراهيم الحلفي
◾◾◾◾◾

رد لامه بس شردته
مكطوعه جاسم ركبته
ويلاه أمه شافته
النوح كام تزيده

✍️ام علي الموسوي
◾◾◾◾◾

زادت ونين الفاجعه
رمله على ابنها مصدعه
كامت تون وتودعه
ليها يرد تريده

ام✍️ علي الموسوي
◾◾◾◾◾

ليها يعاود رادته
عليه ناحت عمته
طفت لجاسم شمعته
وحسين ضل اوحيده

✍🏻حوراء الكناني
◾◾◾◾◾

يساعدها الله الفاكده
واكبر مصيبه الوالده
من تشوف ابنها بنص عده
تكلب جروحه بهيده

✍️ام محمد الحسناوي
◾◾◾◾◾

رمله عليه متالمه
رد الهه متحني بدمه
والروح منهه مهدمه
والكلب ون شيهيده

✍️ ام حسين العامري
◾◾◾◾◾◾◾
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الاسماء أو ينسبها له
الفاتحه 🤲 الى ارواح الشهداء

https://www.tg-me.com/fvyhbib

لطميه للقاسم ابن الحسن عليه السلام
~~~~

للقاسم يلوگ اللطم

وي رمله ونعازيها
~~~~

وي رمله نبچي على الولد
مذبوح نايم بالحد
وفراگه ما ردلي الچبد
افراگ الولد لامه اشكثر ياذيها

✍🏻 ام حسين العيساوي
⭐⭐⭐⭐⭐

ممروده روحي ومهجتي
مذبوح ابني وضنوتي
شلي ييمه بدنيتي
ماريد روحي والولد ناسيها

ام ✍️ علي الموسوي
⭐⭐⭐⭐⭐

واليوم ننصب ماتمه
لمارجع لمخيمه
عريس غارك بالدمه
واليوم رمله بالدمع واسيها

✍️ ام حسين العامري
⭐⭐⭐⭐⭐

الطمتنه حماسيه
نعازي أمه المسبيه
على الحلوه معانيه

اعله افراك الولد روحي شبعد بيها

✍🏻حوراء الكناني
⭐⭐⭐⭐⭐

عجنو حنة القاسم
گبل لاتذبحه الوادم
ويبگه عالثرى نايم
ولمدلول لامه مايرد ليها

✍🏻 الحجيه ام علي
⭐⭐⭐⭐⭐

يالمذبوح عالعبره
و الشبان امسطره
تون عليهم الزهره
رايح يالولد وامك امخليهه

ام علي السماوي
⭐⭐⭐⭐⭐⭐⭐
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الاسماء أو ينسبها له
الفاتحه الى ارواح الشهداء
https://www.tg-me.com/fvyhbib

لطميه ثكيله للقاسم ابن الحسن عليه السلام
عن لسان حال امه رمله وهي تنعى على فراقه
~

اوداعت الله وياك يمه بهالمسيه

وين شايل يالولد ريض اليه

فركتك تاذيني..... ريض وحاجيني

وين شايل يالولد ريض اليه
➖➖➖😭➖➖➖

وين شايل يالولد وامك عفتهه

ضلت بلوعه وحزن يالفاركتهه

نار فكدت بالكلب تسري وجوتهه

نار فكدك يالولد.... تسعر وكلبي نمرد

افراك صار اوياك يمه وهاي هيه

✍️ ام حسين العامري
➖➖➖😭➖➖➖

صار الفراك وكسر گلبي وچواني
من رحت عني الدهر بعدك ولاني
مدري يمه وين ضماها زماني

تروح مني وانحرم ... كلبي يالغالي نهشم

هم ترد يايمه هم نكعد سويه

ام ✍️ علي الموسوي
➖➖➖😭➖➖➖

بعد ماترجع علي يالولد هيهات
ماترد ايامنه وذيجه الكعدات
حكه كلبي الفركتك يجهر الونات

رحت مني يلولد..... والكلب حيل انمرد

كوم يبني وشوفني وارجع عليه

✍🏻حوراء الكناني
➖➖➖😭➖➖➖

وداعة الله يمن حنتك بالدمه
اني بفراكك الروح مهدمه
شلك بنوم اللحود المضلمه
يبني مالايك الك
الرمل حار يغيرك
تروح ذيج رسومك الحلوه البهيه

ام ✍️علي الموسوي
➖➖➖😭➖➖➖
تروح عني رسوم وجهك من وكت
مهجتي مذبوحه يبني من رحت
يارباي وهدلت متوني صحت

يالنمت فوك لثره
هاي روحي محسره
ضلت امك بالمصايب والرزيه

ام علي الموسوي
➖➖➖😭➖➖➖

اعليك يمه العين مايبطل دمعهه
يوم فكدك يالولد كلش صدعهه
روحي حزنانه ويومك هالفجعهه

ابعيد عني سافرت.... ماكلت امي ورحت

بعد ماترجع صدك يالغالي ليه

✍️ ام حسين العامري
➖➖➖➖➖➖➖➖

من رحت وياك كلبي انت خذيته
تمشي بيه الروح لكن انا ميته
والحسبته راح ذاك انا لحسبته

راح كل ذاك التعب وحالي من بعدك صعب
ورايحه للشام يايمه سبيه

✍️ام محمد الحسناوي
➖➖➖➖➖➖➖➖
تمت بأقلام شاعرات رابطة قتيل العبرات

غير مبري الذمه من يحذف اويغير اويتلاعب بالكلمات اويحذف اسماء الشاعرات وينسب الكلام له


خادم منبرك يحسين يامولاي

اقبل خدمتي وسجلهه يمك هاي

✍️ ام حسين العامري

https://www.tg-me.com/fvyhbib