قصيده للسيده رقيه ع
ـــــــــــــــــــ💔ــــــــــــــــــــــ
رقيه اليوم ماتت يبو السجاد
محتاره اخبرك يبن الامجاد
**❤***
على راسك بجت يابو الحميه
تريد تروح يمك هل البنيه
سكت ونها وخفت من المنيه
اثاري وياك هي على الميعاد

✍🏻ام محمد الساري
ـــــــــــــــــــــ💔ــــــــــــــــــــــــ
تحجي علجره وزايد حزنهه
ودمعات الهجر والله عمنهه
على الراس انحنت واسكن ونهه
رزگه امتونه والجرح ماهاد

✍🏻حوراء الكناني
ــــــــــــــــــ💔ـــــــــــــــــــــ
رفعتها من على الراس برويه
لكيت انفاسه انكطعت خطيه
تنادي عليك وي سوده عليه
حرت ويها بامري وانتو ابعاد

✍🏻ام محمد الساري
ــــــــــــــــــــ💔ـــــــــــــــــــــــ
حرت باامري لمن شاهدتهه
شلون ارجع وحيده انه وعفتهه
شلون الراي لو نشدتني اختهه
يفراك الحبايب صعب ماينراد

✍🏻حوراء الكناني
ــــــــــــــــــــ💔ـــــــــــــــــــــ
سالتني المغسله شبيه جسمهه
ازرق لامريضه اخاف منهه
من اسياط العده انه اخبرتهه
من ضرب ال اميه البنت الاسياد

✍🏻ام محمد الساري
ــــــــــــــــــــ💔ــــــــــــــــــ
من ضرب العده صارت نياشين
بجسم ورده اذبلت مثل الرياحين
شكولن من ارد ياناس لحسين
عفتها هناك ماتت بيد الاوغاد

✍🏻حوراء الكناني
ــــــــــــــــــــ💔ـــــــــــــــــــــــــ
تمت الحمدلله🤲🏻
بقلم خادمات اهل البيت ع
نسالكم الدعاء🙏🙏 بتعجيل الفرج الصاحب الزمانhttps://www.tg-me.com/fvyhbib

✍🏻بقلمي

الحمد لله••حمــــداً كثــيراً طيباً مباركاً
شكراً لـ اهل البيت••حباً ووداً وإحتراماً وتقديراً

ويبقى عطاء الرب الحنون
واهل البيت﴿عليهم السلام﴾
مستمر لا ينقطع ابداً


تم بحمد ﷲ وتوفيق اهل البيت طباعة
كتب بسيطة لجميع مناسبات شهر صفر
(بقلمي) وبقلم خادمات الزهراء ام محمد الساري وتوزيعها على الخادمات
في سبيل ﷲ وبثواب اهل البيت (؏)

سألة المولى سبحانه ••ان يتقبل باحسن القبول

واسالكم الدعاء كثيراً🤲🏻
تحيتي ومودتي لكم ☺️

يخويه حسين طبينه الدواوين
ودخلونه جبر لبن الملاعين
〰️🪐〰️🪐〰️🪐〰️
طبونه جبر ومربطه ادينه
والينظر حرمكم وي عمت عينه
ويزيد النذل جت عيني بعينه
متروسه شماته الذبح الحنين

✍🏻ام محمد الساري
〰️🪐〰️🪐〰️🪐〰️
متروسه حزن ياخويه والالم
من دخليت ياابن امي انه للشام
روعوها يخويه هاي الايتام
وگلبي من الهظم صايرالنصين

✍🏻حوراء الكناني
〰️🪐〰️🪐〰️🪐〰️
جابو بالطشت راسك وهظمونه
الشفايف ذابله وغايره عيونه
يضربه ابمقصره ويلي ولوعونه
انشلت يمينك عوف الحسين

✍🏻ام محمد الساري
〰️🪐〰️🪐〰️🪐〰️
الشفايف ذابله وتراب بالحيته
افراك الاخو يصعب على اخيته
تظل طول العمر امانطره جيته
دمه دمعي جره الفركاه من العين

✍🏻حوراء الكناني
〰️🪐〰️🪐〰️🪐〰️
انه بت علي ام خدر المرتب
بيده. ياشر. وناداني يازينب
يكلي هذا خوج بدمه المخضب
مكتوبه على ال النبي الطيبين

✍🏻ام محمد الساري
〰️🪐〰️🪐〰️🪐〰️
مكتوب علينه هاي الاحزان
غدار الزمن يالولي وخوان
وطكات الدهر توجع يالخوان
وخلاني زماني اجهر بالونين

✍🏻حوراء الكناني
〰️🪐〰️🪐〰️🪐〰️
تمت الحمدلله🤲🏻
بقلم خادمات اهل البيت ع
نسالكم الدعاء🙏🙏 بتعجيل الفرج الصاحب الزمان عجhttps://www.tg-me.com/fvyhbib

گل مااصد للروس يگطع حشاي
ذباحكم الشام يترافگ وياي

✍️بقلمي

يخويه شوف الصار من وليت الشام
الهم نزل عل الراس واصل لاعظام


فرحانه كلها اليوم وادگ بل الطوبول
مني الدمع همال من عندي سيول

✍️بقلمي

ابوذيه مع نعي المولاتي رقيه ع
ـــــــــــــــــــــ💔ـــــــــــــــــــــــ
ونتــي علــــيك بــويه دوم اجرها
ودمعـــتي بـــس الك بـويه اجرها
التراجي مـــن اذاني الرجس جرها
وخذاها بالغصب وبكل اذيه

✍🏻حوراء الكناني
ـــــــــــــــــــــ💔ـــــــــــــــــــــــ
عليك الروح بويه اليوم هامات
شامت صاح هذا حسين هامات
يحك عليك لطم صدور وهامات
لان سبط النبي وابن الزجيه

✍️ام محمد الساري
ـــــــــــــــــــــ💔ـــــــــــــــــــــــ
گلبي عليك يبويه ممرود
گالو ابوج حسين مفگود
بعدك جره دمعي علخدود

✍️حوراء الكناني
ـــــــــــــــــــــ💔ـــــــــــــــــــــــ
يحك الي يبويه موت وياك
لو طال عمري ابد انساك
ولو صحت باسمي شمحلاك

✍️ام محمد الساري
ـــــــــــــــــــــ💔ـــــــــــــــــــــــ
لمن تناديني بويه شحلاتك
شبعن هضم تدري بناتك
بويه ترجع وهنه متانياتك

✍️حوراء الكناني
ـــــــــــــــــــــ💔ـــــــــــــــــــــــ
خلافك انه للدوم حزني
ولابطل انياحي واوني
مروتك يبويه وياك اخذني

هيبة البنت من ابوها
ويخافونه مايكربوها
ولمات ابوها ياذوها

✍️ام محمد الساري
ـــــــــــــــــــــ💔ـــــــــــــــــــــــ
تمت الحمدلله🤲🏻
بقلم خادمات اهل البيت ع
نسالكم الدعاء 🙏🙏بتعجيل الفرج الصاحب الزمان عجhttps://www.tg-me.com/fvyhbib

قصيده الى يتيمة الحسين السيده رقيه ع
ـــــــــــــــــــــ😭ـــــــــــــــــــــــ
بالشام اليوم ماتت الزغيرونه
ويريد النعش اهله يشيعونهه
ـــــــــــــــــــــ😭ـــــــــــــــــــــــ
محتاره العقيله ويلي عليها
موت رقيه شوف شسوه بيها
الدهر غدار زود كل بجيها
بالشام ام الخدر الروح مرهونهه

✍️ام محمد الساري
ـــــــــــــــــــــ😭ـــــــــــــــــــــــ
الدهر خوان زيد كل حزنهه
ياويلي العقيله مابطل ونهه
لليله نكطعت الانفاس منهه
تون عل اليتمه وحيل محزونه

✍️حوراء الكناني
ـــــــــــــــــــــ😭ـــــــــــــــــــــــ
تون زينب بعالي الصوت يمهه
ويادمع القهر حركت خدهه
ومن جابوا لرقيه جفنهه
ترف جسمج وبالغبره يدفنونه

✍️ام محمد الساري
ـــــــــــــــــــــ😭ـــــــــــــــــــــــ
اويلي عليج زغيره يارقيه
شلون العدو ياخذها سبيه
التراجي غاليه وجرو الترجيه
وتريد النعش اهله يشيلونه

✍️حوراء الكناني
ـــــــــــــــــــــ😭ـــــــــــــــــــــــ
يابرعم ورد ياعطر من جنه
يالوجهج حلو يم جف المحنه
شلون يغيب طولج بت المجنه
خشب صندل كون الكبر يبنونه

✍️ام محمد الساري
ـــــــــــــــــــــ😭ـــــــــــــــــــــــ
شلون يغيب طولج بنت الحسين
عليه اليوم زينب تدمع العين
وگلبه منفطر وصار نصين
شلون حسين عن بته يخبرونه

✍️حوراء الكناني
ـــــــــــــــــــــ😭ـــــــــــــــــــــــ
تمت الحمدلله 🤲🏻
بقلم خادمات اهل البيت ع
نسالكم الدعاء🙏🙏 بتعجيل الفرج الصاحب الزمان عجhttps://www.tg-me.com/fvyhbib

دارميات

رايح العند حسين فدوه اندعيلي
اخذ وصيتي وياك يبرد داليلي


يلزاير اريد انخاك عندي وصيه
فدوه ادعيلي وياك وگله اعليه


يلجاي مشاي اندعيلي يم الحسين
گله خادمك بس دمعه بل العين


✍🏻حوراء الكناني


الزملي الشباج وشكيله حالي
منعتني الايام عنك يغالي


مشتاكه روحي عليه والكلب شاجر
احسب نهاري وليل وكسر الخاطر


صعب الظروفي وليك ماصحلي جيه
ادعيلي يامولاي تسهل شويه

اخذلي دمعه وياك يازاير حسين
كله الوكت هداه يبن الميامين

سلملي علمذبوح والداسته الخيل
اتمنى صدري افداه ومساهر اليل



اروحن مشي كصاد ورفع الرايه
والقبلة العشاق محبوبي غايه


✍🏻ام محمد الساري
https://www.tg-me.com/fvyhbib

اخذ دمعه وياك وصله الحبيبي
ذابحني حيل الشوگ وهوه طبيبي
🥺🥺🥺🥺🥺🥺🥺🥺
سلملي عل المذبوح وعلى اخيه
وصل سلامي هواي الابن الزجيه

✍️بقلمي

اعذرني يامولاي مااكدر اجيك
زيارتك رجواي وبروحي طاريك

صعبه تدري ايامي
يالشوفتك بحلامي
يامولاي..... يامولاي
᪥᪥᪥᪥᪣᪥᪥᪥᪥᪥᪣᪥᪥᪥᪥᪣᪥᪥᪥᪥
ماكدر انه اجيك والمرض هدني
شافيني يامولاي التعب اخذني
اتمنى ازور اليوم هذا اليهمني

مطلبي ومرامي
يالشوفتك بحلامي
يامولاي،••••يامولاي

✍🏻ام محمد الساري
᪥᪥᪥᪥᪣᪥᪥᪥᪥᪥᪣᪥᪥᪥᪥᪣᪥᪥᪥᪥
اتمنى ازور اليوم وشتم- عبيرك
واگعد اقر الدعا ولمس ضريحك
ماعندي بدنيه سند مولاي غيرك
ياشوگي وغرامي
يلشوفتك بحلامي
يامولاي..... يامولاي

✍🏻حوراء الكناني
᪥᪥᪥᪥᪣᪥᪥᪥᪥᪥᪣᪥᪥᪥᪥᪣᪥᪥᪥᪥
اتمنى ازورن حظرتك وشتم عطرها
وهلن دموع العين وكحل نظرها
بشوفتك مولاي وقبل ارضها

ياحبي وهيامي
يالشوفتك بحلامي
يامولاي ••••يامولاي

✍🏻ام محمد الساري
᪥᪥᪥᪥᪣᪥᪥᪥᪥᪥᪣᪥᪥᪥᪥᪣᪥᪥᪥᪥
بشوفتك مولاي تتكحل العين
امنيتي اجي مشاي وزورالحسين
اقسملي يامولاي ازور الاربعين

انت جوهر كلامي
يلشوفتك بحلامي
يامولاي...... يامولاي

✍🏻حوراء الكناني
᪥᪥᪥᪥᪣᪥᪥᪥᪥᪥᪣᪥᪥᪥᪥᪣᪥᪥᪥᪥
روحي تتمنى تموت بدرب عشقك
ويه جموع الزوار يحسين عله بختك
اعزي بهذا اليوم الميسوره اخيتك
ماتنحسب ايامي
يالشوفتك بحلامي
يامولاي••••يامولاي

✍🏻ام محمد الساري
᪥᪥᪥᪥᪣᪥᪥᪥᪥᪥᪣᪥᪥᪥᪥᪣᪥᪥᪥᪥
روحي لهفانه انه واتمنى ازورك
حبي الك يزداد وابد معوفك
ياريت بموتي انه يحظرني نورك

يلمذبوح ضامي
يلشوفتك بحلامي
يامولاي..... يامولاي

✍🏻حوراء الكناني
᪥᪥᪥᪥᪣᪥᪥᪥᪥᪥᪣᪥᪥᪥᪥᪣᪥᪥᪥᪥
تمت الحمدلله🤲🏻
بقلم خادمات اهل البيت ع
نسالكم الدعاء 🙏🏻🙏🏻بتعجيل الفرج الصاحب الزمان عج https://www.tg-me.com/fvyhbib

الحمد لله••حمــــداً كثــيراً طيباً مباركاً
شكراً لـ اهل البيت••حباً ووداً وإحتراماً وتقديراً

ويبقى عطاء الرب الحنون
واهل البيت﴿عليهم السلام﴾
مستمر لا ينقطع ابداً


تم بحمد ﷲ وتوفيق اهل البيت طباعة
(بقلمي) وتوزيعها على الخادمات
في سبيل ﷲ وبثواب اهل البيت (؏)

سألة المولى سبحانه ••ان يتقبل باحسن القبول

واسالكم الدعاء كثيراً🤲🏻
تحيتي ومودتي لكم ☺️

~قصيده على لسان حال زائر ابي عبدالله الحسين لتاديت مناسك زيارة الاربعين~
ــــــــــــــــــــ✍️ــــــــــــــــــــــ
جينه اليوم مشايه للحسين
نزور بلهفه يمه وتدمع العين
نبجي وندخل الحظره
ننادي سيدي نظره
نزوره بلهفه يمه وتدمع العين
ــــــــــــــــــــ✍️ــــــــــــــــــــــ
يم العتبه نوكف والدمع يجري
نذكر زينبك صاحت يخي خدري
محتاره بحرمكم ويلي يادهري
صاحت يمه يازهره
ننادي سيد نظره
نزوره بالهفه يمه تدمع العين

✍️ام محمد الساري
ــــــــــــــــــــ✍️ــــــــــــــــــــــ
نزور بالهفه اجينه اليوم عنايه
الابو اليمه اجينه احنه شكايه
وطول الدرب ظلت ترف رايه

الكلب انته التجبره
ننادي سيدي نظره

نزور بالهفه يمه وتدمع العين

✍️حوراء الكناني
ــــــــــــــــــــ✍️ــــــــــــــــــــــ
نريد نروي جبدك ويلي يالعطشان
والماي البدينه دموع للرضعان
نزور حسين ونروح الكمر عدنان

نحلفه بزينب الحره
ننادي سيدي نظره

نزوره بلهفه يمه وتدمع العين

✍️ام محمد الساري
ــــــــــــــــــــ✍️ــــــــــــــــــــــ
نجيلك زحف يامالك الكلوب
ماهمنه التعب وبعيده الدروب
بالدنيه انته كلشي واغله محبوب

نار الكلب مستعره
ننادي سيدي نظره

نزور بالهفه يمه وتدمع العين

✍️حوراء الكناني
ــــــــــــــــــــ✍️ــــــــــــــــــــــ
نصبنه مائتمك بالحزن والاهات
عفنه ابيوتنه وجينه عراضات
مثل يوم الحشر لبن النجيبات
الدمعه تنزل بعبره
ننادي سيدي نظره

نزور بلهفه يمه وتدمع العين

✍️ام محمد الساري
ــــــــــــــــــــ✍️ــــــــــــــــــــــ
باجر بلحشر الحسين يحضرنه
يمحي ذنوبنه من اجل دمعتنه
يبقى حسين طول الدهر قدوتنه

نون ونجذب الحسره
ننادي سيدي نظره

نزور بلهفه يمه وتدمع العين

✍️حوراء الكناني
ــــــــــــــــــــ✍️ــــــــــــــــــــــ
~تمت الحمد الله🤲🏻
بقلم خادمات اهل البيت ع
نسالكم الدعاء🙏🙏 بتعجيل الفرج الصاحب الزمان عج~https://www.tg-me.com/fvyhbib

للاربعين لسان حال السيده زينب عليها السلام


يادفان دليني عله ابو سكينه
مهضومين من الشام ردينه


يادفان دليني عله خال ابني
اشكي الشام خويه حيل عذبني
تسليب وسبي والدهر دولبني
وعيون الشماته التنظر علينه

*‏℘(✍)⇣✿ ℘ام محمد الساري*

درب الشام عذبني وهضمني
من سب الشمر اهلي لجمني
والظيم الجرى خويه تعبني
شكونه ياهلنه اليوم اجينه

*‏℘(✍)⇣✿ ℘حوراء الكناني*

دخلنه الشام وهله عيد عدهم
وسبط النبي مقتول ماهمهم
لاغيره ولاذرة رحم كلهم
وبسوگ الغدر فرجه مخلينه

*‏℘(✍)⇣✿ ℘ام محمد الساري

وبسوگ الغدر نظرتهم تجرح
وبالامنه انفوس الرجس تفرح
بسب ال النبي اصواتهم تصدح
ويااسم الخوارج خويه ياذينه

*‏℘(✍)⇣✿ ℘حوراء الكناني*

يسمونه الخوارج مايخجلون
وجدنه النبي وهمه يعرفون
بس العلي واولاده يحقدون
لان جبريل اهلنه معاشرينه

*‏℘(✍)⇣✿ ℘ام محمد الساري*

نشكي الحال من الشام اجينه
يم اكبوركم جينه وحجينه
وعلم الحال يغني عن حجينه
،وين اهل الحميه ترد بينه

*‏℘(✍)⇣✿ ℘حوراء الكناني*

تمت الحمدلله🤲🏻
بقلم خادمات اهل البيت ع
نسالكم الدعاء🙏🏻🙏🏻 بتعجيل الفرج الصاحب الزمان عجhttps://www.tg-me.com/fvyhbib

قصيده لعودة ركب ال محمد من رحلة السبي وزيارة قبور شهداء الطف يوم الاربعين
•••••••••••••••••••••••
ياحادي الضعن مر عله اهالينه
والفركه طويله واثرت بينه

يحادي الضعن دليينه عليهم
شهر وزود يحادي مفاركيهم
مشتاكين الهم والمحاجيهم
ونسولف الظيم السده علينه

*‏℘(✍)⇣✿ ℘ام محمد الساري*

ونسولف ضيمينه ردينه الهم
بالحسرات نكعد يم كبرهم
مرسومه ابالنه ظلت صورهم
من الشام خويه الكم اجينه

*‏℘(✍)⇣✿ ℘حوراء الكناني*

نشكي الشمر من سب علي الكرار
وشتم امنه الزجيه ام الاحرار
ونكروا النسب من النبي المختار
وبطبول الفرح الشام تلاكينه

*‏℘(✍)⇣✿ ℘ام محمد الساري*

بمزامير الفرح وطبول لاكونه
ولعنده اهل ياناس خيعونه
اشكال الظلم ياهلي راونه
نشگي الگم اجينه من سبينه

*‏℘(✍)⇣✿ ℘حوراء الكناني*

يم اكبوركم ننصب عزه واحزان
ونبجي الصخر نعتب عله الخوان
كل عتبي على الكافل كمر عدنان
شلون يعو فنه يسره ويه اعادينه

*‏℘(✍)⇣✿ ℘ام محمد الساري*

وگل عتبي على اهل الشهامه
ابعيله كلفوني وليلي ماانامه
على خدودي للدمع تارك علامه
شمحلات العتب لو عاتبينه

*‏℘(✍)⇣✿ ℘حوراء الكناني*

تمت الحمدلله🤲🏻
بقلم خادمات اهل البيت ع
نسالكم الدعاء 🙏🏻🙏🏻بتعجيل الفرج الصاحب الزمان عجhttps://www.tg-me.com/fvyhbib

من الشام اجت زينب تلكوها
يازوار علمظلوم عينوها
✍️✍️✍️✍️✍️✍️✍️✍️
تلكوا ام الصبر زينب المهظومه
ومن كثر التعب والظلم مالومه
يامصعب مصاب الولي ويايومه

عينوها عله بلواها
بس الحرم وياها
يازوار علمظلوم عينوها

✍️ام محمد الساري
✍️✍️✍️✍️✍️✍️✍️✍️
ردت الكربله او حيل مشتاگه
تتعثر بالمشي اوكعت من الناكه
يانار الولي بلگلب تسعر وحراگه

زينب اليوم عازوها
بدمع الحزن واسوها
يازوار علمظلوم عينوها

✍️حوراء الكناني
✍️✍️✍️✍️✍️✍️✍️✍️
بس ارسوم تمشي ام الخدر زينب
من يوم الضعنه ويه الرجس غرب
اخذو ثارهم منها اوفه المطلب

ام الخدر تدروها
وي والعيله يسروها
يازوار علمظلوم عينوها

✍️ام محمد الساري
✍️✍️✍️✍️✍️✍️✍️✍️
تلگوها ياشيعه بحزن والالم
الطموا علصدر وطبروا الهام
ميال الدهر ماخذ منها الازلام

اجت. تعثر ابممشاها
الدهر من الاهل حرماها
يازوار علمظلوم عينوها

✍️حوراء الكناني
✍️✍️✍️✍️✍️✍️✍️✍️
خل نجري دمعنه وننصب الماتم
على الراحو طبك ومخضبين بدم
عفا عليه كلبه شكثر شايل هم
ام الصبر عرفوها
اديها بحبل جتفوها
يازوار علمظلوم عينوها

✍️ام محمد الساري
✍️✍️✍️✍️✍️✍️✍️✍️
خل نجري دمعنه ونسجب العبره
ونعزي الزجيه فاطمه الزهره
محنيه ضلع والنار متوجره

اجت محنيه شوفوها
بحزن ولوعه عازوها
يازوار علمظلوم عينوها

✍️حوراء الكناني
✍️✍️✍️✍️✍️✍️✍️✍️
تمت الحمدلله🤲🏻
بقلم خادمات اهل البيت ع
نسالكم الدعاء🙏🙏 بتعجيل الفرج الصاحب الزمان عج
https://www.tg-me.com/fvyhbib

قصيده الاربعين بدايه نعي
✶•┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈•✶
آه يافراگم والله لجمني
دهري من عگبگم يلوعني
وجبتها الحرم يااخال ابني
✶•┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈•✶

جبت نسوانكم اگعدو ياعياله
يارجال المهابه انتم ياخياله

اگعدو لينه//ردينه الكم

✶•┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈•✶
جبت نسوانكم هليوم وياي
ويه روسكم جبنالكم ماي
اشكيلكم خويه من هظم اعداي

انشدونه //علصاير بينه ))

✍️حوراء الكناني
✶•┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈•✶
اخبركم بالظيم الي سده عليه
تسليب وسبي وصياط يوميه
وحرك اخيامنه وديوان ال اميه

((ترضوها ماضن الزينب))

✍️ام محمد الساري
✶•┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈•✶
ماترضون انتم بالجره عليه
لا تنشدوني عن حالها ارقيه
بالشام ادفنته اغريبه مسبيه

((مدفونه//بالشام اعفته))

✍🏻حوراء الكناني
✶•┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈•✶
حمدت الله وشكرته وكلت مكتوبه
بس مالت سبي وبالشام ودروبه
ابد ماتصير بحرم النبي المحجوبه
((اترف شواربكم //زينب لونخت ))

✍🏻ام محمد الساري
✶•┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈•✶
سبع فدوات اروح انه الشواربگم
وماانسه مصاب الطف ومصرعكم
مو بيدي غصب خويه رحت عنكم

((ماانسه//مصاب الخوه))

✍🏻حوراء الكناني
✶•┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈•✶
ثلث تيام انصبنه يخال ابني
يم كبوركم ماتم وكثر وني
ادور علشهم للوطن يردني

((ردو بينه //يسباع الطف ))

✍🏻ام محمد الساري
✶•┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈•✶
تمت الحمدلله🤲🏻
بــــ✍🏻ـــقلم خادمات اهل البيت ع
نسالكم الدعاء 🙏🙏بتعجيل الفرج الصاحب الزمان عجhttps://www.tg-me.com/fvyhbib

#فزاعيه رجوع السبايه

اهلنه اسباع. من گاعج كربله اتموج
ذوله البلحرب خلو العده اتروج
➖➖➖➖➖➖➖
ذوله البلحرب معروفه طاريهم
بيوم العاشر يحجي الدهر بيهم
سوو كربله بس روس اعاديهم
*((نعمين الزود واهل الغيره))*

✍ #عـلــویــه_ام_فــاضل
➖➖➖➖➖➖➖
اهل الزود اهلي والنعم منهم
لو صار الحجي ينحجي بيهم
اهل غيره تره حيدر امربيهم
*((يسباع الطف الكم هيبه))*

✍️ #الحاجه نجاة اللامي ام كرار
➖➖➖➖➖➖➖
اجينه الكربله و للطف تعنينه
اليوم ام الخدر تعتب يهالينه
و ابظيم اليسر عدوكم سابينه
*((والروس اويانه جبناها))*

✍ #عـلــویــه_ام_فــاضل
➖➖➖➖➖➖➖
ردينه نون و نبجي بالحسره
ننشد عن اهلنه ناموا بالغبره
تعبنه اليسر ونجري العبره
*(( ام عون اتون وتعبانه))*

✍️ #هدى المطر ام محمد
➖➖➖➖➖➖➖
تعبنه اليسر ردينه مهضومين
من الشام رجعنه حيل متعوبين
اثر السوط و رموها المتنين
*((وردينه//من الضيم الشام))*

✍️ #حوراء الكناني
➖➖➖➖➖➖➖
ردينه ابحزن عودنه هاليوم
وحملنه القهر نبجي بدموم
عليكم ياهلي گلبي ملجوم
*((المهضومه اتون هاليله))*

✍ #عـلــویــه_ام_فــاضل
➖➖➖➖➖➖➖
تــمت بعــون اللــہ

💢القصـیـده مشـــ🤝ـتــرڪـه مع الــشــاعــ🤝ـرات💢

#غیرمبری الـذمـه الیـحـذف الاسـم الشـاعرات❌❌
https://www.tg-me.com/fvyhbib