فزاعيات على طور مسلم الوائلي طلعن من خيمهن مادرن وين
—————————
طبرو هامت الكرار ياويل
والدم من جبينه ينزف يسيل
اليوم انهدم ركن الدين والحيل
وزينب صوت صاحت ياعلي ادخيل
(احاا يوالينا الدم غطه جيبنه)
—————————

طبروا هامتك وادعيت الغروب
وانه بنيتك وحيلي مندوب
ليون الصبر يالغالي جندوب
اصيح بصوت حيدر علي مصيوب
(وانادي حسين ابونه علي جاوينه)
—————————

طبروه الگلب وي طبرت الراس
زينب صاحت على اخيها عباس
اريدنه ابوي الصوته ينباس
منو لزينب اخيتك بين هلناس
(وكلها تعوف حيدر بس يدفنونه)
—————————

بده يحجي ابونه عن عذابات
يسولف گام النه وجرن دمعات
يگول تحملي بويه احزان وآهات
وحجي الوادم يزينب كله شمّات
(وصبري يابويه بعد ضيم ومصايب )
—————————

صبري يالعزيزة لضيم الايام
ادري تاذي كلبج طبرت الهام
عينج بويه من بعدي ع الايتام
عكبي عيونهم ماتغفى وتنام
(عينج اعليهم يابنيتي الحزينه)
—————————
تمت بعون الزهراء
بقلم خادمات الحُسين
-الشاعرة حوراء الكناني
-الشاعرة ام سيف الزبيدي
-زينب الفياض
تحت إشراف تجمع خادمات الذبيح

https://www.tg-me.com/fvyhbib

#قصيده ليلة 20شهر رمضان

خويه لا تلجم ابويه بلجرح
شلونه هالیله يبوالیمه صبح

یون الیل
باید الحیل
صرت چن طیر مکسورة جنح
➖➖➖➖➖➖➖
خويه خبرني و شوف احوالي
يون اليل كله ابويه اكبالي
وانه روحی تنعی عله الوالي

روحی ظلت تنعی
لا تگلی ودعی
وسفه ابونه دمه علاارض سفح

✍ #عـلــویــه_ام_فــاضل
➖➖➖➖➖➖➖
خويه خبرنی عله ابوي و حالته.
غارت عيونه و مالت منه ركبته
مطبوراسه ودمه خضب شيبته

جنه ابوي انودعه
والجروح توجعه
مانام ليله وحالته ما تنشرح

✍️ #خادمة الحوراء ام صادق المالكيه
➖➖➖➖➖➖➖
مطبور راسه والدمه منه يسيل
والحسن وحسين مدامعهم یهيل
شلون حاله ورایح منه الحیل

گلبی ظل منفجع
وصعب بويه هلوضع
مانشوف بعد ابونه احنه الفرح

✍️ #حوراء الكناني
➖➖➖➖➖➖➖
خويه گلي حال ابونه اشلونه
ليش مايگدر يفتح عيونه
ولیش اصفر چن اشوفن لونه

گلبي ياخويه ابوجل
گرب چن منه الاجل
وحلم هل ايتام اشوفنه انذبح

✍️ #ام زهراء الزيداويه البصراويه
➖➖➖➖➖➖➖
اليلة ياخويه ابوجل صار الگلب
وجمرت احزني اليله. تلتهب
افراگ ابونه تدري يالوالي صعب

گلبي يبن امي حزين
اشحاله أمير المؤمنين
شو جبينه ماي اشوفنه نضح

✍️ #ام زهراء الزيداويه البصراويه
➖➖➖➖➖➖➖
يحسين كلي شلونه عودي اليله
شوف الدمه من راسه كام ايسيله
روحي يبعد اختك عليه انحيله

تبجي عیونی و تهل
گلبي هاليوم ابوجل
راسي ابوي بسيف عدوانه انفتح

✍️ #ام ابراهيم الحلفي
➖➖➖➖➖➖➖
تــمت بعــون اللــہ

💢القصـیـده مشـــ🤝ـتــرڪـه مع الــشــاعــ🤝ـرات💢

#غیرمبری الـذمـه الیـحـذف الاسـم الشـاعرات❌❌https://www.tg-me.com/fvyhbib

دارميات الامير المؤمنين (ع)

ظلينه احنه ايتام ياعلي اخلافك
ضيعنه وسفه ارسوم حلوه باوصافك


اتلوج ابو الحسنين كثره اعله بابك
تبجي عليك اتنوح ظلت احبابك


تسئل عليك بشوگ ايتامك اليوم
جرح الگلب والراس هلينزف ادموم

✍بقلمي

بيه اجروح يامولاي ماتنعد

و تدري گلبي يوميه الك ينهد

بابك منفتح ماشفته يوم انسد

الك مديت ايديه وادري ماتنرد

✍بقلمي

تجليبه في حق الامام علي ع


🖤🖤🖤🖤🖤🖤🖤🖤
للكلــفات بس حيٓــدر ينــــدبونه

ابو الحسنين شال وغمضت اعيونه
🖤🖤🖤🖤🖤
شايل يا علي والناس حزنانه
نبچي و نلطم وننعي يامولانه
ابن ملجم ابشهر الخير بچانه
لچم گلب اليتامه ابــن ملعونه

✍ام محمد كعبي*
🖤🖤🖤🖤🖤🖤🖤
اليحجي ابزودشايل وسف هلليله
ولو راح الابــــو تطــــشر العــيله
اولاده تـــون بـدمــوم تبــچيلــه
والحره اصبحت هليوم محزونه

✍ #عـلــویــه_ام_فــاضل
🖤🖤🖤🖤🖤🖤🖤
جـرح اگلـــوبنا مولاي مايبره
فقدك ياعلي صاير مثل جمره
بمصابك نواسي فاطمه الزهره
ايــتامه اعله بابه اليله يــــردونه

🖊️نرجس العبيدي
🖤🖤🖤🖤🖤🖤🖤
ۡلجم گلب اليتامه ويوجع امصابه
ضل خالي الولي ياوسف محرابه
وايتامه تـــصب ادموع سچـــابه
وبحيدر علي المهيوب فجعونه

✍️حوراء الكناني
🖤🖤🖤🖤🖤🖤🖤🖤
حـزنــانـــه عـليـك الليلـه مانامت
يبو عشرت الحلوه وسف مادامت
كل ناس التحبك بالخــلي هامت
علــيك ام الخدرياوالي مذهونه

✍خادمة الحوراء ام صادق المالكيه
🖤🖤🖤🖤🖤🖤🖤🖤
راسك ياعلي و الهامه مجروحه
زينب تنتحب والدمعه مسفوحه
رايح يالولي والروح مـذبـــوحه
هــاي الــروح تمشي وياك مرهونه

✍🏻هدى المطر ام محمد
🖤🖤🖤🖤🖤🖤
تمت وبعون الله وباقلام شاعرات اهل البيت في رابطة القاسم ابن الحسن ع ونسالكم الدعاء🙏🙏

قناة رابطة القاسم ابن الحسن ع
للقصائد المشتركه 🏴🏴
تجدون كل ماهوا جديد
وبأقلام شاعرات المنبر الحسيني
وبأشراف الشاعرات

💫 *ام عـدنان سيـاحي* 💫
💫 *ام مـهدي العيـداني*💫https://www.tg-me.com/fvyhbib

قصيده بحق الامام علي ع
{{وزن التجليبه }}

🩸🩸🩸🩸🩸🩸🩸🩸🩸

وحشه ديارنه من شال والينه
من شال الولي ماحيل ضل بينه

━━━━▣♦️▣━━━━

زينب ناحله وتصيح عازوني

غياب المرتضى ودرالي عيوني

على مصابه يشيعه اليوم عينوني.

شال اليوم عن الدار حامينه

✍العلويه ام نور الميسانيه
━━━━▣♦️▣━━━━

شال اليوم عنه حيدر الكرار

وبس الدمع هلصبح علي مقدار

بدالال مستعره وتشب النار

حسافه شال ومصابه يااذينه

✍️حوراء الكناني

━━━━▣♦️▣━━━━

عازوها العقيله هاياشيعه اليوم

رحل عنها الابوهه والكلب مهموم

حزينه وناحله ومنها لدموع دموم

شال اليوم عنه اليسال اعلينه

خادمة الحوراء ام صادق المالكيه

━━━━▣♦️▣━━━━

شال اخلاف عينه اهمل الدمعه

راح الغالي مني ومابعد رجعه

تبع امي العزيزه الطاهره البضعه

وحنه بعازته والنوح گاضينه

✍🏻ام نور الهدى المنصوري

━━━━▣♦️▣━━━━

تصيح ابصوت بويه وين عن عيني

امغرب للكبر هم ضاعت اسنيني

زغيرونه ويتيمه وبهاي تدريني

ياوسفه الابو هم جنه ناسينه


ام زهراءالفاطميه
━━━━▣♦️▣━━━━

یاوسفه الابو یا ناس یتمني

خلانی یتیمه وحیل عذبنی

انه انه اخلاف ابوی هلضيم یاخذني

یاوسفه الهظم یاخلگ عالینه

ام محمد الیامعیه

━━━━▣♦️▣━━━━

►✺┅●✥🟢✥●┅✺◄
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
لانجيز حذف الاسماء✋✋
🙏🏻🙏🏻نسالكم الدعاء🙏🏻🙏
{{{بأشراف العلويه ام نور الميسانيه }}}https://www.tg-me.com/fvyhbib

قصيده الامام علي(ع)وايضأ الاب تنقره
┈••😭••┈ ┈••💔••┈ ┈••😭••┈
يــاهــيبـة بنــاتـه شايـل الـيـوم
نزف جرحي عليه وگلبي ملجوم
┈••😭••┈ ┈••💔••┈ ┈••😭••┈
ياجــرح الابــو ينــزف ولا يـطيب
فركته اسهام وسط اگليبي اتصيب
و الك طول العمر مابـطل انحيب
ادگ عالراس مني الحيل مهدوم
┈••😭••┈ ┈••💔••┈ ┈••😭••┈
ادگ عالراس راح الجان سلوه
ضلمه دنيتي ودونــه ماتـسوه
الوالد شال خـــلاني اتـــلـوه
بخلافه صفيت ابحزن وهموم
┈••😭••┈ ┈••💔••┈ ┈••😭••┈
بخلافه صفيت ابكــدرواحزان
انوح الفرگته ودلالـــي وجعان
والتفگد ابـوها ابفـكر دوهــان
تشتم ريحته ابكل قطعةاهدوم
┈••😭••┈ ┈••💔••┈ ┈••😭••┈
تذكر گـعـدته واجــمل صفاتــه
غيابه اشگد صعب ويلي البناته
عليهن ضيم ابـوهــن رايــداتــه
علی اغيابه الولي هلگلب مالوم
┈••😭••┈ ┈••💔••┈ ┈••😭••┈
عليهن ضيم والمن يشكن الهم
للغالي ابـــوهــن يبــچــن ابـدم
مابـــاقي وســف لا ابـــو لاعــم
الگلب ينحب يون ودوم مهضوم
┈••😭••┈ ┈••💔••┈ ┈••😭••┈
*تـــــمت والـــــ🤲ـــــحمد الله تعالى*
*بـــ✍🏻ــقلم خـادمـة آهـل البـيـت﴿ع﴾*
*✍️الــشاعـره حـوراء الكـنانـي*
*نسالكم الدعاء🙏🏻🙏🏻بتعجيل الفرج الصاحب الزمان /عج/* https://www.tg-me.com/fvyhbib

نعي طور الفراق الامام علي عليه السلام
وزن فائزي

//////////////

طبرو الهام///جبريل ناده بالسمه اوعله الاصياح

طبرو الهام///حيف الولي حيدر علي من ايدنه راح

طبرو الهام///رجت الاكوان وحسين وحسن ناح

*حــــ✍ـــوراء الكناني*

///////////////

وسفه بويه //من عدنه ترحل بالعجل ياسيف الاسلام

وسفه بويه//بالحزن تنعه ياعلي خلافك الايتام

وسفه بويه//للصبح سهرانه عيني بويه متنام

*ام منــــ✍ــــذرالحجار*

////////////////

نزف دمه /مصيوب هالليله بجبهته الوصي الكرار

نزف دمه /مفجوعه ياويل العقيله بالجره وصار

نزف دمه /تصيح بويه ياهو النه والگلب نار

*ام صـــ✍ـــادق المالكيه*

//////////////////

نارالافراك ..تسعربروحي ياعلي وجوت دليلي

نارالافراك..حگي اون من فرگتك وانهدم حيلي

نارالافراك ..ياروحي وي روحت علي هاليوم شيلي

*هديـــ✍ــــل المياحيه*

//////////////////

ياولينه..ماريدعمري من عگب عينك يوالي

ياولينه...صوبني بيتك ياعلي موحش وخالي

ياولينه..تبجي اليتامه لفرگتك والدمع هالي

*هديـــ✍ــــل المياحيه*

//////////////////

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

✍️✍️✍️✍️✍️

https://www.tg-me.com/fvyhbib

فاعلاتن فاعلاتن فاعلن
الموشح المجزوء

عظم الله اجرك يمهدي اليله
علي مطبور وتهدم حيله
*******
اليله اموداع علي اوي اعياله
عيونهم لون الدمه وهماله
اليله.ابوهم وسفه غاب اهلاله
دموعهم مثل الجمر چتاله

شخصك بوادي النجف يوميله
عظم الله اجرك يمهدي اليله
🖋زهره الكناني
*******
عظم الله اجرك يمهدي بهلمصاب
نور وجه الدين من الارض غاب
واليتامه تنوح تارسها الخراب
واكفه وتصلي أطفال وشباب

وبدعاء الراجي بس تدعيله
🖋حوراء الكناني
********
اليله ابوهم عله الراس ومنطبر
صابه ابن ملجم يوسفه ويه الفجر
بسيف عاالهامه يطبره و بلغدر
صعب حال عياله تبجي وتنتظر

الحسن لحسين ضل يوميله
🖋 ام زهراء الفاطميه
*******
راس حيدر ياامامي ينطبر
جرح راسه ابد ماظن ينجبر
بهالمصيبه اشلون ياصيت الصبر
بس دموع العين تشرح هالأمر

وابو فاضل يمه ويتجيله
🖋 ام محمد الخطيب الموسوي
******
ياامام الشيعه والامه علي
ياحسافه يموت مغدور الولي
حزن البكلبي ابد ماينجلي
انه بلدنيه بعد حيدر شلي

اليوم كلها شيعته تنعيله....
🖋☘️ام فراس الساعدي ☘️
******
صبر زينب عالمصايب من لفن
بس دمع وجروح بيها الماهدن
ظلت اتلوب وتدير ابهلمحن
عيونها المنامن بلحضه وسن
منهو النه اتكله يابو العيله
🖋طالبه الزهراء
*******
تمت القصيده باقلام شاعرات
رابطه النحر الخضيبhttps://www.tg-me.com/fvyhbib

نعي الامام علي(ع) لسان حال زينب(ع)

*****
تكله بويه يابويه

أخلافك يبويه احنه يتامه
فجعونه العده بطبرت الهامه
الدهر ويانه شد ويلي شعلامه
*****
اعليك انحب واعمي العين
ماابطل المناحه والونين
حسن وحسين يابويه محزنين
*****
ابكلبي ابد ماتشفه جراحه
ماشفنه من بعده الراحه
طول العمر مابطل مناحه
*****
من نور وجهك خالي بيتك
مشتاكه الشوفتك ياعلي بتك
لاتخليني يابويه على بختك
*****
روحي تريدك وي الغروب
وعيني تنوع للدروب
حسابي طلع يابويه مكلوب
*****
خلي وعد يمته تجينه
لاتبطي يابويه عليه
وشكثر بغيابك بجينه
*****
ياهيبتي من دون هلناس
حجيك ويايه كله احساس
ياعلاتي ويارفعة الراس
*****
تمت الحمدلله🤲🏻
بقلم خادمات اهل البيت«ع»
✍🏻الشاعره ام محمد الساري
✍🏻الشاعره حوراء الكناني
نسالكم الدعاء🙏🏻بتعجيل الفرج الصاحب الزمان~عج~https://www.tg-me.com/fvyhbib

وزن حدي

ياعيــدِ لتــمـرنه بـــعد
يل بلگلب حــزنك گعد

ـ✧•┈•✦..○◯○..✦•┈•ـ✧
ياعيــد فـــدوه لاتــمــر
نيـــران تلــهــب كلجـمر
مايسوه من بعده العمر
واجــروح بيـــنه مـاتُعد

✍🏻حوراء الكناني
ـ✧•┈•✦..○◯○..✦•┈•ـ✧
ما تنعد اجــروح الكلب
يابويه وفراكك صعــب
خله دمــع عيــني يصب
من شفت شخصك مبتعد

✍ام احمد المنصوريه
ـ✧•┈•✦..○◯○..✦•┈•ـ✧
ياعيد فــدوه لاتجي
چا منهو بعده نرتجي
من راح تـــانينا يـجي

لجروحنه انريدالظمد

✍️ام زهراءالفاطميه
ـ✧•┈•✦..○◯○..✦•┈•ـ✧
مـاريد اعيد بالشهر
گلبي شبع ذل وقــهر
من مات دلالي انفطر
بويـه عــلي لا تبتعد

✍🏻 ام زينب الأسدي
ـ✧•┈•✦..○◯○..✦•┈•ـ✧
بالعيــد والحــره تون
تحملهن افراگ ومحن
والروح شاركهه الحزن
يمته يِمُر طير السعد
*ام محمد الكعبي*
ـ✧•┈•✦..○◯○..✦•┈•ـ✧
بعـدك صفيت بدمعتي
يالچنت عزي وسلوتي
بالوّن اظل. ولوعتي
ريتك تــمرني علــوعد

✍ام حوراء البركاوي
ـ✧•┈•✦..○◯○..✦•┈•ـ✧
تمت وبعون الله وباقلام شاعرات اهل البيت في رابطة القاسم ابن الحسن ع ونسالكم الدعاء🙏🙏

قناة رابطة القاسم ابن الحسن ع
للقصائد المشتركه 🏴🏴
تجدون كل ماهوا جديد
وبأقلام شاعرات المنبر الحسيني
وبأشراف الشاعرات

💫 *ام عـدنان سيـاحي* 💫
💫 *ام مـهدي العيـداني*💫
https://www.tg-me.com/fvyhbib

قصيده الامام علي(ع) وايضأ تنقره الاب
✿➻✾❢❧✭„✪„✭❧❢✾➻✿
شيعوض مكانك بويه ياغالي
اخلافك بيتناظلمه ويظل خالي
✿➻✾❢❧✭„✪„✭❧❢✾➻✿
البيت اخلافك ابدن ماطبنه
يبويه من شلت ضايع املنه
وبفكدك فكدنه كل عمرنه
وانه عليك بويه منشده بالي

✍🏻حوراء الكناني
✿➻✾❢❧✭„✪„✭❧❢✾➻✿
البيت ابوجودك من جنت يمي
احنه وياك بويه ومسعده بامي
رحتوا ياهلي وظليت انه وهمي
يتيمه العمر كله وشنهو يجرالي

✍️ام محمد الساري
✿➻✾❢❧✭„✪„✭❧❢✾➻✿
يتيمه العمر كله اظل انه بفرگاك
ولالحظه يبويه اكدر انه بلياك
رحت ياسورنه وراح العمر وياك
يصعب بجفاك يابو الحسن حالي

✍🏻حوراء الكناني
✿➻✾❢❧✭„✪„✭❧❢✾➻✿
خالي الدار من نكلت جدم حيدر
اون عليك حتى الصخر يتفسر
اضن فركاك بويه يطول اوتتاخر
وماتدري يغالي شمصعب احوالي

✍️ام محمد الساري
✿➻✾❢❧✭„✪„✭❧❢✾➻✿
على بالي يبويه تمر يوميه
مايسوه العمر بعدك بلا جيه
ودلالي برحيلك نار سهريه
شكد صعبه بالبعد بويه الليالي
✍🏻حوراء الكناني
✿➻✾❢❧✭„✪„✭❧❢✾➻✿
ازامطى بيك بين الناس ياهيبه
اولو ضاع الحك الي انت التجيبه
ابكربله احظرني وكت المصيبه
تظل ياهيبه اليه وراسي بالعالي

✍️ام محمد الساري
✿➻✾❢❧✭„✪„✭❧❢✾➻✿
تمت الحمدلله🤲
بــ✍️ــقلم خادمات اهل البيت«ع»
نسالكم الدعاء🙏🏻🙏🏻بتعجل الفرج الصاحب الزمان~عج~https://www.tg-me.com/fvyhbib

قصيده الامام علي~ع~٠
===================
بويه عليك كلبي اليوم مفطور
بسك يالولي من نوم الگبور

افراك يهدم الحيل
اصيحن اه ياويل
بسك يالولي من نوم الگبور
===================
عليك الروح ممروده يغالي
وبيتك ابو زينب صار خالي
وخلافك ترى سود الليالي

يالعفت المداليل
اصيحن اه ياويل
بسك يالولي من نوم الكبور
===================
واخلافك يبويه مضلمه دنياي
تهمل من دمه اعليك عيناي
تتراجف يبويه بعدك اعظاي

الدمع علجفن يسيل
اصيحن اه ياويل

بسك يالولي من نوم الگبور
===================
من اذكر مصابك دمعي يجري
وناري بالضلع يابويه تسري
نفذ يابو الحسن عليك صبري

بعدك كلبي عليل
اصيحن اه ياويل
بسك يالولي من نوم الكبور
=================
بفراكك يبويه شبع شوغات
مو لوعه اجر اعليك حسرات
توجع بالكلب يالغالي الجمات

يخنك بعدك الليل
اصيحن آه ياويل
بسك يالولي من نوم الگبور
====================
طول العمر مايبطل ونيني
على الراح واله زايد حنيني
خليلي وعد يمته تجيني

بعدك موحش الليل
اصيحن اه ياويل
بسك يالولي من نوم الكبور

====================
شيداوي يالوالي گليبي وجرحه
بجفاك. انمرد كلبي شيفرحه
طير انه صرت منكسر جنحه

مروتك ياعلي ادخيل
اصيحن آه ياويل
بسك يالولي من نوم الگبور
====================
تمت الحمدلله🤲🏻
بقلم خادمات اهل البيت(ع)
✍🏻الشاعره ام محمد الساري
✍🏻الشاعره حوراء الكناني
نسالكم الدعاء 🙏🏻بتعجيل الفرج الصاحب الزمان«عج»https://www.tg-me.com/fvyhbib

نعي الاحباب بمناسبة العيد
ــــــــــــــــ💔ـــــــــــ
شلي بلعيد المابيه اهلنه
حدر الترب صاروا املنه
اعتب لجن ماينفع عتبنه
ــــــــــــــــ💔ـــــــــــ
شلون اعيد والاحباب نيام
راحت ذيج لمتنه والايام
نباوع عل الصور وتهيج الالم
ــــــــــــــــ💔ـــــــــــ
احبابنه صاروا بعيدين
وخلافهم ظلينه حزنين
مانبطل بواجينه والونين
ــــــــــــــــ💔ـــــــــــ
ياعيد باله لاتجينه
ولاتمر ولاتسلم علينه
حزانه منهد روحة ولينه
ــــــــــــــــ💔ـــــــــــ
اجه العيد واصبحنا حزانه
السنه الماضيه جانو اويانه
الموت الخذاهم ماخانه
ــــــــــــــــ💔ـــــــــــ
ياعيد لاتوكف على الباب
راحوا ترى ماعندي احباب
عافونه و ناموا بالاتراب
ــــــــــــــــ💔ـــــــــــ
عيوني على درب النودهم
يعود علي واروح يمهم
جنهم لايعرفونه ولنعرفهم
ــــــــــــــــ💔ـــــــــــ
ياعيد عندي عتاب وياك
حزينه على هلي شلون الكاك
اعذرني لاهله بيك ولاحياك
موتي ولحكيهم يروحي
ــــــــــــــــ💔ـــــــــــ
تمت الحمدلله🤲🏻
بقلم خادمات اهل البيت/ع/
✍🏻الشاعره ام محمد الساري
✍🏻الشاعره حوراء الكناني
نسالكم الدعاء🙏🏻🙏🏻بتعجيل الفرج الصاحب الزمان«عج»https://www.tg-me.com/fvyhbib

قصيده الزهراء(ع) وايضأ تنقره الام

يشيال النعش ريض وتانيني
اريد ابجي لحد ماتنطفي عيني
〰️〰️〰️😔〰️〰️〰️

يشيال النعش ريضلي اشويه
اصيح بصوت انه وحيل مابيه
ابد ماحسبت هاي الفراگيه
شالت ونطفت يا شمعة اسنيني

〰️〰️〰️😔〰️〰️〰️
شالت ونطفت ياحيف شمعتنه
خذاها الموت ويلي الوالده منه
فلت ونتهت وياها عشرتنه
نخمش گلبي عليج وحيل ياذيني

〰️〰️〰️😔〰️〰️〰️
سهم فرگاج يمه هدم الحيل
واصرخ يالحنينه ودمعي يسيل
چفاني النوم ابد مانامن اليل
ونيني اعليج ابد مايبطل ونيني
〰️〰️〰️😔〰️〰️〰️
ونيني اعليج يمه شلون اهودنه
يالفراگج صعب وعيب احملنه
اذكرج وانتحب وزادت الونه
عگبچ يالحنينه من يباريني

〰️〰️〰️😔〰️〰️〰️
روحي تفرفحت وتريد ملگاچ
شنو لذت عمرنه خلاف عيناچ
رحتي من وكت مارحنه وياچ
ياسدرة محنه شلون عفتيني
〰️〰️〰️😔〰️〰️〰️
تمت الحمدلله🤲
باقلام خادمات اهل البيت(ع)
✍🏻الشاعره ام منتظر الجابري
✍🏻الشاعره حوراء الكناني
نسالكم الدعاء🙏🙏 بتعجيل الفرج الصاحب الزمان(عج)https://www.tg-me.com/fvyhbib

روحي مشتاكه الك وتلهب جمره🥺
گلبي بدون زيارتك شنهو اليصبره💔

✍🏻بقلمي