خطة إنقاذ..
دلوقتي فاضل تقريبا من رمضان ١٠ ليالي.. أفضل وأهم ١٠ ليالي في الشهر كله...
ضروري تركز فيهم كويس جداً..
استقبلهم بتوبة من ذنوبك وتوبة من التقصير فيما فات من الشهر..
واجتهد فيهم ع أد ما تقدر.. لازم تجيب آخرك..
لو تقدر تعتكف في المسجد اعتكف..
تراويح وتهجد ال١٠ ليالي مينقصوش ليلة..
في حالة إنك لسه مختمتش المصحف تقدر تقرأ كل يوم ٣ اجزاء وهتختم خلال العشر ان شاء الله..
ممنوع مسلسلات.. وممنوع تضييع وقت ع سوشيال ميديا
حاول تطلع كل ليلة صدقه ولو جنيه..
في العشر الأواخر هنسهر الليل كله لحد الفجر بين صلاة وقرآن وذكر ودعاء وبكاء..
"كان رسول الله ﷺ إذا دخل العشر أحيا الليل، وأيقظ أهله، وجَدَّ وشدَّ المئزر"
ولا تنس دعاء "اللهم انك عفو تحب العفو فاعف عنا "
- لو انت شاب بتشتغل.. أكيد هتقدر تقص من الليل بطوله ولو ساعه واحده لصلاة التراويح وزيها للتهجد..
- ‏لو هتكوني حائض في العشر الأواخر.. تقدري تحيي الليلة بالذكر والدعاء والقرآن..

#العشر_الأواخر
#رسايل_رمضان