ملخص كتبتة من كتاب قاريتة قبل هسة لكيتة كلش حلو........🤎🫂

قناة العمر حكايه
فتاة صغيرة
أحلامها كبيرة
هذه انا
قدري الأسود الذي يرافقني من الصغر
الحظي السئ الذي كبرت معه
من منا يود الحصول على حياه مثلي
أين النجاة
أين الخلاص
من اوجاعي
من يعرف مفهوم السعادة
فليعلمني
لاني لا أطيق العيش بظلم من صغري…..

من سمعت صوت انس .. حسيت نفسي ملكت الدنيا .. لانه التوقيت يختلف عندهم .. كان يتصل بالليل ..
وكم مره حاولت الوصول اله بس ماگدرت ..

لان هو الوحيد الطيب بيهم .. شايل طيبه بابا الله يرحمه ..
من شافني اعاتبه وابجي . عباله ابجي ع اهلي گام يعزيني .. بس مايدري بلي يصير بيه .وشلون الوحوش تنهش بيه من كل جانب .. خايفه يجي يوم اضعف ومااگدر اتحمل ظلمهم ..

انس .. ارجوان انتي هسا وين عايشه وشلونهه حياتج ..
ارجوان .. هههه حياتي ليش الي مثلي عندها حياة ..
انس .. فهميني شكو
ارجوان .. بعد وفاة بيبي قسموني كل اسبوع ببيت خدامه الهم ..
يگلولي احسن من ما نشمرج بالشارع ..
وفوگ هذا كوله .. ازواج عمتي وتحرشهم بيه ومن احجي محد يصدگ بيه انس ..
عبالهم اتبلى عليهم ويگلولي انتي تغريهم ..
انس ..😲😲 معقوله .. وابويه وين ليش مگلتيله ..
ارجوان .. گوتله وربي بس هم سكتني ويگولي اعرف كولشي بس لتطلعين السالفه يخاف من الفضيحه بس ميخاف ع شرفي .
وتالي يطلعوني بنت زنا بالاخير ..
انس وربي تعبت بعد مااتحمل .. يجي يوم انتحر اذا عندي ذرة من المحبه والمعزه ساعدني ..
انت كنت تدافعلي واني صغيره دايما .. ساعدني هسا ..ادري بيك بعيد ومابيدك شي .. بس احجي وي عمو خليه ميوديني البيت عماتي اني موافقه اعيش خدامه هنا عندكم بس ليوديني هناك اترجاك احجي وياه ..

انس .. اهدي ارجوان اهدي اني احل الموضوع بس اريدج تبقين قويه ولتضعفين ..
ولتگولين اني اتصلت وحجيتي وياي ..
ارجوان…  اوك دير بالك ع نفسك ..
انس .. وانتي هم حبيبتي يله مع السلامه .
ارجوان .. مع السلامه .. وبداخلي فرح .. ارتاحيت من حجيت وياه .. ومن گلي حبيبتي حسيت روحي طارت .. بس اكيد مايقصدها لان يعتبرني مثل اخته واكيد حجاهه هيج اثناء الحديث ..

گمت اصلي صلاة الليل وهاي اول مره اصليها حتى مااعرفها بس يگول ربي انما الاعمال بالنيات ..
واني ع نيتي گمت صليتها وادعي الربي يساعدني ..

آلُهيَ قلُت  لُگ آنيَ آتآلُم 
فَقلُت لُآ تقنطُۆآ  من رٍحٍمة آلُلُہ
قلُت لُگ لُيَس عٍندِيَ  آحٍدِ
فَقلُت نحٍن  آقرٍب آلُيَہ  من حٍبلُ آلُۆرٍيَدِ
قلُت لُگ .. لُآ تنسآنيَ
فَقلُت فَآڌگرٍۆنيَ  آڌگرٍگم 
قلُت لُگ  آعٍطُنيَ آمـــلُآ يَآرٍب
فَقلُت  آن معٍ آلُعٍسرٍ يَسرٍآ
قلُت  لُگ گيَفَ  لُآحٍلُآميَ آن تتحٍقق
فَقلُت آدِعٍۆنيَ  آستجٍب لُگم
......( سبحٍآنگ مآآآگرٍمگ)......

خلصت صلاتي ودعيت ونمت .. وحلمت هالمره بيبي اجتني .. ونطتني قرآن وهي تبتسم وراحت ..
حسيت براحه من الحلم .. وسكينه ..

گعدت الصبح حظرت غراضي لان حروح البيت عمتي ام يوسف وهاي عندها بس ولد اثنين ومراهقين وبنيه صغيره بالابتدائيه وزوجها المنحرف وحده يكفي ..

وهي موصفه بالمحكمه يعني تتأخر .. زوجها عنده محل نفس عمو ابو انس مال ملابس وكماليات ..
يرجع من وكت ..
واولادها واحد اكبر مني بسنه يوسف وواحد اصغر مني سيف .. واثنين ماشاء الله طالعين ع ابوهم ..

بس جنات بنتهم حبابه وتحبني هي بالسادس ابتدائي ..
بيت عمتي يتعب كبير وطابقين وشغل من الصبح لليل .. وغير طلباتهم ع الاكل ..
وملابسهم فأتأخر لليل كولش يله انام .. اولادهه منحرفين كم مره ادخل انظف غرفتهم الگي عندهم اقراص افلام اباحيه .. ولليل كوله يگعدون ع السيدي ويشغلون اقراص ..
ومن امر من يم غرفتهم اسمع اصوات هذني الي بالافلام ..
اشمأز منهم .. واهلهم ناطيهم الحريه ..
عمتي تنام من وقت وزوجها يگعد ع التلفزيون نص الليل يله ينام ..
واولادهم بغرفتهم .. بس جنات مرات تقرأ او تبقى يمي تساعدني بالليل ..

ما ذنبي
ولدت من رحم أم أنانية
واب لا يخاف الله
ما ذنبي
أتحمل أخطاء غيري
انا كائن مستقل ولي ذاتي
حياتي
مستقبلي
روحي
وجسدي
ليس لأي أحد حق بأن يمتلكها
روحي وجسدي ملك لله
فمن أنتم لكي تسرقوا
من الله شيئا…..

عمتي فرغت كل السم الي بداخلها وشبعتني ظرب وحتى جرحتني بخدي بالمحبس الي لابسته .. #شمس

فكرت انهزم بس وين اروح .. واني مالي احد ..
گعدت بغرفتي ابجي ..
وانفتحت الباب اجه زوج عمتي رضا ..
غطيت نفسي وگعدت خفت منه ..
گلي لتخافين اجيت احجي وياج ..
گتله شرايد .. لاتجي عمتي تشوفك وتالي اطلع اني اغريك ..
رضا .. خليها تولي ليش عمتج هم حاسبه نفسها ع النسوان ..
اسمعي اني اگدر اخلص من هذا الضيم .
ارجوان .. شلون يعني .. #شمس
رضا .. اني عندي شقه بالمنصور مأجرها .. قبل كم يوم طلع المؤجر ..
انطيج عنوانها ومفتاحها .. وتنهزمين منا وترحين تگعدين بيها ..
وتنتضريني الى ان اجيج واتزوجج بالسر ..
وترتاحين اعيشج ملكه .. بس وافقي ..

اني 😮😮😮😮 بقيت صافنه وصدوگ عصبني ..
تفلت بوجها وگوتله انت متستحي . تزوجني وعمتي ع ذمتك لك انت بگد ابويه شلون تفكر هيج ..

رضا عصب ولواها الايدي .. وگلي شوفي لج ماعندج غير هذا الحل ياتوافقين ..
يااسود عيشتج .. واخليج تجيني برجلج فهمتي لو لا ..

بساعتها اتهسترت وبقيت الطم ع خدي وابجي وملخت نفسي .. ولعنت حالي وجمالي ..
الي مخلي الكل يطمع بيه .. #شمس

گعدت جنات ع صوت البجي .. گلتلي شبيج ارجوان ..
مابيه شي حبيبتي ارجعي نامي ..

بقيت كم يوم واني متجنبه زوج عمي وماتقرب يمه اگضي شغلي وارجع للغرفه ..
وغير اولاد عمتي .. المنحرفين الي بالطالعه والنازله يسمعوني كلام ميتسولف ..
من كثر الافلام الي يشوفوها ..

تمرضت عمتي هاي الفتره واخذت اجازه .. وعمي مقبل اتركها ..
ضجت حيل واني الي كنت احسب يوم يوم حتى اروح منهم ..
بقاني عمي اسبوع وعمتي نايمه بالغرفه متطلع عندها انزلاق بالفقرات ..

وناس رايحه وراجعه وموضفات وياهه يجن يشوفنها .. كم يوم مرن تعبت حيل ..
وعمامي وعمتي بتول هم يرحون ويجون .. وسمعت من عمو ابو انس ..
انس حاجز وحيجي خلال هاي الايام .. فرحت حيل وحسيت اجه المنقذ الي حينقذني ..

بقيت احسب الساعات حتى يجي ..
وبيوم اني دا اطبخ الغدا وعمتي نايمه بالغرفه ..
والاولاد بالمدرسه ..
واجه رضا من وكت .. ضجت من شفته .. دخل شاف عمتي نايمه .. وطلع وقفل الباب وراه ..

خفت وحسيت وراه مصيبه .. #شمس
گلي جوعان اذا الغدا صاير صبيلي وجبت فواكه اغسليهن وخليلي ماعون ..
سويتله غدا .. وگال جيبيهن للاستقبال .. دخلت للاستقبال هو يغسل بالحمام .. دخل ورايه وقفل الباب ..
وگلي نطيتج فتره تقررين بس انتي متفهمين بالكلام هسا غصب عنج حتوافقين بيه ..
وتتزوجيني .. وجراني ودفعني ع القنفه .. اني بقيت اعيط سد حلگي ادفع بي ماكو .. وهو ضخم ..

واصيح عمه الحگيلي . ماكو شبعني كتل وضرب حسيت خشمي وحلگي كوله ينزف ..
واني ابجي واتوسل وماكو .. تالي كوتله حباب خلص اني موافقه اتزوجك بس اتركني ..

مااريد تسويلي شي هسا الا نتزوج ..
گال .. كذابه تردين تخدعيني ..
وليش اخدعك هسا مستعده اروح وياك بس اتركني ..

ردت بس يتركني مافكرت باي شي . ومااعرف شنو مصيري بعد هذي اللحظه وحسيت نفسي .
ضايعه والدنيا اسودت بوجهي .. وادعي الله ينقذني منه

وشويه سمعت الباب تندگ .. فرحت الحمد لله واخيرا اجو الاولاد من المدرسه راح يتركني وميسوي شي ..

اتباوعلي وگلي روحي الغرفتج ليشوفوج هيج وجنات حوديهه يم امها وبس يصعد يوسف وسيف انتي لمي غراضج واطلعي انتضرني ع الشارع ابدل واخذج ونروح لان اني مزگته للقميص مالته والدگم كولها واگعه ..

هزيت راسي .. ورحت للغرفه ابجي ولميت ملابسي وغراضي ومقرره اروح الغير مكان وماارجع بعد ..

والدنيا وين تاخذني خليها تاخذني .. #شمس
عندي ذهب مال ماما نطتهن الي ومحد يدري بيهن كنت مقرره انطيهن الاخواني لمن يتزوجون .. بس هسا اني بحاجتهن وماما گالت اذا صار عليه شي ذهبي الج ..

شويه وسمعت صوت غريب بالبيت .. هذولي مو الاولاد فتحت الباب شويه لگيت رضا مرتبك ويسد بقميصه بإديه لان مابي دگم .. وولد وياه رادوا يرحون الغرفه عمتي ..

ياربي رحمتك معقوله الي اشوفه صدوگ هذا انس .. فتحت الباب بلا وعي . وركضت اله وابجي ..
وهو من شافني استغرب واني حاظنته رفع راسي ..

عصب 😡 ارجوان هاي شبيج منو مسوي هيج بيج ..
ويباوع الزوج عمتي ..
رضا .. هااا اي هاي وگعت خطيه من الدرج وگلتلهه غيري ملابسج حتى اخذها للمستشفى وانت اجيت ..

اتباوع بغضب .. شنو درج وهاي ملابسهه ممزگه ووجها مال ضرب دور انتبه .. ع رضا مخربط وقميصه ..

رفع راسي گلي شسوالج احجي ..
اني اتباوعله وابجي ..
احجي ارجوان اعتدا عليج ..
اتباوعتله وعيوني تبجي وتعاتب .. وگوتله مو گوتلك كل يوم يحاولون ويتحارشون ..
ماحسيت الا انس هجم عليه .. وشبعه كتل وضرب ..

واني اتباوعله وابجي .. واگوله اتركه انس لتوسخ ايدك بي الله يجازيه ..
وهنا طلعت عمتي ع صوتنا والباب كان قافله رضا .. بقت تدوگ بي وتگول افتحوا شصاير ..

فتحت الباب العمتي .. من شافت انس يضرب برضا .. تخبلت وگامت تعيط ..
لك اتركه حتموته .. منو وازك علينا بعدك مأجيت .. شنو سوه حتى هيج تضربه متستحي بگد ابوك. #شمس

اتباوعلها انس .. وسحب ايدي وگفني مقابيل عمتي باعي عمه شوفي شمسوي بيها ..
معتدي عليها وانتي نايمه ومتدرين .. وحتى اذا دريتي شراح تسوين هم تبلين ارجوان ..
ومتنطين بزوجج الناقص هذا ..

الله جابني الكم حتى اشوفج لان امي گالت حالتج كولش .. واني واصل اليوم وتعبان بس الله وداني الكم ..

عمتي .. انس اخذ هاي العاهره من بيتي واطلع مااريدها هنا بعد .. #شمس
خلصت من نبيل زوج بتول وهسا اجت الرضا وذيج المره وي ولدي ..
مشابكه الزلم كولها ..
انس .. هههههه طبعا شنو تردين تگولين .. متعترفين زوجج خاين وحقير يعتدي ع بنت بگد ولده ..
بس مع الاسف انتو اهلي وعمامي .. #شمس

سحب ايدي انس وردنا نطلع .. گوتله اوگف ..
وگفت مقابل عمتي وگولتلها .. ادري بيج مامنصفه واني اشرف منكم كولكم ومن زوجج.
هذا الي تدافعين عنه .  راد يجبرني وياخذني الشقه عنده بالمنصور حتى يتزوجني بالسر عنج .
ولو مااجه انس كان هسا الله يعلم بحالي شنو .. بس اني اتركم وي ضميركم والله هو الي ياخذ حقي منكم كولكم .. #شمس

واخذت ملابسي وجنطتي وطلعت وي انس ..

كان جاي بسيارة عمو .. صعدت يمه وساكته وهو ساكت تالي وگف السياره وباوعلي ..
ارجوان رضا اعتدى عليج بالكامل يعني……  وقاطعته

وروح اهلي ماگدر لان قشمرته وگوتله اروح وياك للشقه ومقرره اخذ ملابسي وانهزم بس انت اجيت ولحگت عليه .. من اني صغيره وانت دايما تدافعلي وتنقذني ومتخلي الناس تظلمني .. #شمس

مسح دموعي وگلي ومازلت اني هيج ومراح اخلي احد يمسج لان انتي من صغرج بداخلي عايشه .. ويأشر ع گلبه ..

حسيت الدنيا متوسعني وفرحت كولش .. ياترى هم يجي يوم ويضحكلي القدر ..

وصلنا البيت عمو ابو انس .. ومن شافتني امه گلتلي سود الله وجهج شمسويه .. يابيت ترحين اله تخربيه وتجين .. #شمس

انس .. يمه اذا متعرفين السالفه شنو لتحجين حرام عليج عندج بنات ..
ام انس .. لك لتقارن اخواتك بهاي .. بناتي متربايات ..
انس .. وارجوان هم متربايه ع ايد عمي حسن وخالتي منى ..
وبدل ماتواسوها وتذمون الي سوه هيج بيها .. واكيد عمتي اتصلت عليج ونقلتلج صوره خطأ حتى تبرأ نفسها وزوجها العار .. #شمس

ابو انس .. شنو شبيكم صوتكم واصل للشارع شكو ..
انس .. يابه عمي من مات نطاكم اولاده امانه .. هيج تحافضون ع الامانه ..
ابو انس .. واني ممقصر وياهم مصطفى ومحمد مدللهم. ويشتغلون وياي وغرفتهم وحدهم ومدرسه يكملون ..

انس .. هههههه انت گلتها محمد ومصطفى بس ارجوان لا .. تركتها بيد الغرب يتحارشون بيها ويطمعون .. رضا رجال بگدك وشوف شمسوي بيها ظاربهه ومهدده لان مانطته نفسها .. #شمس

ليش هي مو عرضنه وتدرون عمو وعمتي شلون يحبوها ومفضليها ع ولدهم ..
وانتو مو اخوتها ليش مدافعولها .. وانتو راتب اهلكم وشغلكم وتگدرون تعيشوها ليش تخلوها ملطلطه بالبيوت ..
مصطفى اجه حظني بس محمد مااهتم وصعد الغرفته ..
ام انس .. وهسا شتريد

انس .. اني مااگدر ارجع وبالي يمها لهذا .. اذا قبلت ارجوان اعقد عليها وبعدين اسوي اوراقها واسحبها وياي .
ام انس .. هههههه قشمرتك يمه .. ضحكت عليك بجمالها ومياصتها ..
انس .. يمه كافي بعد مااسمح لا الج ولا الغيرج يمسها ..
ارجوان شگلتي موافقه عليه لو لا ..
اني خفت مشاعري مخربطه .. #شمس
صحيح احب انس من اني صغيره .. بس مااعرف اذا كان حب او لان يدافعلي ويخاف عليه ..
وبنفس الوقت ماعندي غير هذا الحل اذا خلصت وطلعت من هذا الظيم .. بلكي اعيش مرتاحه بحياتي ..

اتباوعتله وهزيت راسي . 
ام انس .. اي طبعا توافق .. وي لاگيه هيج واحد دكتور وبالخارج ..
ابو انس .. ام انس كافي .. هذا اختيار انس ولازم نحترمه .. #شمس
ام انس .. يعني انت موافق تجيب وحده بنت حرام وتزوجها الابنك ..
انس .. 😡 يمه وربي اذا عدتي هاي السالفه لو جرحتي ارجوان بعد لا انتي امي ولا اني ابنج ..
وتحلمين بعد تشوفيني ..

ارجوان .. دخلي للغرفه غيري ملابسج واسبحي وارتاحي حتى. نتغدا اني وياج والعصر نروح نشتري احتياجاتج باجر نعقد ونكمل عقد المحكمه لان ماعندي اجازه هوايه ..
يله نلحگ .. هزيت براسي وعمي حظني وگلي مبروك بنيتي .. #شمس
دمعت عيوني حسيته بابا حظني ..
بس مرت عمو ماحبتني .. وبناتها هم ميحبني .. اجه مصطفى باركلي .. بس محمد ولا عبالك اخويه ..

طلعنا العصر للسوگ واشترالي ملابس وحلقه راد يشتريلي ذهب مقبلت گوتله اني عندي ذهب ماما وانت بعدك تدرس وراك مصاريف هوايه ..
عمود اوراقي وطلعتي وياك ..
اقتنع بكلامي بس گلي من نسافر اعوضج .. انس فرحان وكأنه كان منتضر هاي اللحظه ..
بس اني خايفه وهو وعدني انه هذا العقد المصلحتي واذا اني مقابله مراح يتقربلي الى ان احس بشي اتجاهه ..
قلبي يخفق بأسمك منذ صغري
فكيف تسألني ولاتعرف جوابي ..
الا ترى عيني هائمة بنضراتك…
وروحي متجهه نوحك بكل مرة اراك ..
اجل .. احبك واريدك واهوى العيش معك طول حياتي…

رجعنا للبيت .. وعمتي ام انس گلبت الغراض كولها والملابس ..
وتحجي .. اي حظوظ امه مايوم جابلها قطعه قماش .. وحظ البايرات هيج..
ارجوان .. عمه فدوتج الغراض كولها .
ام انس .. كافي لج مو تضحكين عليه .. بسوالفج لمي غراضج وولي منا . #شمس
انس غمزلي .. ولميت الغراض وكمت وثاني يوم عقدنا لبست فستان طويل وردان شيفون مشجر كولش حلو لونه بصلي واني شعري اشگر كيرلي ..
وخليت ميك اب وكحله ورموش لان رموشي شگر ميبينن ..

تعجب من شافني طلعت اكبر من عمري .. ماعزم عماتي وهن اصلا مايجن زعلانات ..
بيناتنا سويناهه وخالاته اجن وبناتهم .. حفله عائليه وطلعت ذهب ماما لبسته كوله ..
عبالهم جايبه انس تخبلن خالاته .. ويتهامسن وي ام انس وام انس معبسه طول الحفله..
خلصنا عقدنا ثاني يوم محكمه .. وبدأ بالاجراآت .. وصرت مرت انس وميخلي احد يحجي وياي .. بس اذا راح شلون بيه .. #شمس
اكيد حيطلعون الفرق كوله وينتقمون .. انس مقبل نتزوج گال من تخلص اوراقج نتزوج ونطلع گبل ..
اني بقيت شايله البيت كوله حتى محد يحجي .. وانس يواسي بيه .. واشترالي موبايل گال حتى نحجي ونتراسل.. #شمس
وبيوم الي راد يروح انس الامريكا .. اجو رجال ومريه رادوا يحجون وياي وكنت اني ضايجه لان انس حيروح وراح اعيش بمعاناة بعده ..
گلي انس ارجوان تعالي للاستقبال بس اريدج تكونين هاديه ومتتعصبين ..
استغربت شنو الموضوع .. دخلت للاستقبال لگيت عمو وعمتي ورجال ومريه كولش حلوه تخبل متوسطه بالعمر ..
سلمت وگعدت وهمه عينهم عليه وعيون المريه تدمع ومختنگه ..
گال عمو .. بابا ذولي اهلج الحقيقين .. وجايين يردون يحجون وياج ..
اني لا اراديا شهكت ودموعي تصب وبين اضحك وبين ابجي ..
عمي گال يله احنه نخليكم ع راحتكم .. گام انس وياهم .. گوتله انس ابقى يمي .. #شمس

بدوا يحجون ويبررون واحنه غلطنا وردنا نصحح الغلط واهلج مقبلوا ينطوج ..
وتالي رجعنا كم مره لگيناكم منتقلين وبقينا ندور .. الى ان لگينا بيتكم الي بالكراده ورحنا والجيران گالوا اهلج استشهدوا وانتي عند بيت جدج .. #شمس
والبارحه يله لگينا عنوانهم ..
واجينا ناخذج تعيشين ويانا .. منگدر نعوج هنا وحدج ..

ارجوان .. هههههههه وحدي ومنو گلكم وحدي لزمت ايد انس .. اني يم زوجي وبعد شهر واسافر وياه ..
هسا ذكرتوني وين كنتوا لمن اعاني وحدي واتعذب .. وين كنتوا لمن الناس تصيحلي بنت زنا وتذم بيه ..
ولا تگولولي دورتوا عليه هذا مو مبرر..  من غلطتوا مافكرتوا بيه .. ليش مسقطتيني ليش ولدتيني وخليتي المجتمع يذم بيه ويسموني لقيطه ..
شلون نطاكم گلبكم من خليتوني بكارتونه وذبيتوني بالشارع .. #شمس
الله يحبني وطلعوا ناس طيبين وخافوا عليه وربوني ودللوني وعشت بسعاده بس الموت اخذهم مني .. واني كل يوم ابحي عليهم وافكر بيهم اكثر مماافكر بيكم لان انتوا بالنسبه الي اغراب مااعرفكم .. #شمس

بجت امي وصارت حمره اتباوعلها نفسي من ابجي هم اصير حمره .. واني اشبهها حيل عبالك حبايه ومقسومه حتى انس گلي ..
نورهان .. ماما سامحينا .. الله عاقبنا ومانطانه جهال لسا .. حرمنا من الاطفال .. سامحينا انتي ولاتحرمينا منج ..
ارجوان .. للاسف فات الاوان واني مسافره وي زوجي لو جايني بغير هاي الظروف كان ضعفت ورجعت وياكم لان شفت الظيم والناس تنهش بجسمي ..
بس هسا مستحيل اترك الانسان الي وگف وياي ونقذني ..
وهسا من رخصتكم زوجي وراه سفر ومااريده يتأخر ..
بقوا يتوسلون محجيت وياهم ..
انس .. ارجوان حبي مو هيح عيب ..
ارجوان .. انس ليش ماهمه عرفوا العيب والحرام من حطموا حياتي وولدوني بالحرام ..
عبدالله .. خلص انس اتركها ع راحتها خليها تفكر وهذا عنوانه ورقم موبايلي والارضي ياليت قبل متسافرين تتصلين بينا او تزورينا . 
اخذهن انس .. وطلعوا واحس بماما عينها عليه تريد تحظني وخايفه ..
طلعوا وحظنت انس وابجي طلعت قهر السنين كولها .. كانت امنيتي اشوفهم واحجي الي بداخلي ..
هسا ارتاحيت .. بس ماادري ليش ماحسيت شي اتجاههم كأنه غربه بالنسبه الي . #شمس

وودعنا انس وراح .. وبقينا ع تواصل كل يوم يخابر ويتغزل .. وبدت مشاعري تتغير اتجاهه وحبيته كولش واتمنى يرجعلي بسرعه ونسافر ..
لكن المعامله اتأخرت وبقينا كم شهر احنه بعيدين عن بعض ويگلي شوكت تجين يمي راح اموت ..
وعمي غير معاملته وياي وحتى البنات صاروا يحبوني .. بس عمتي ماتغيرت ..
واني هم مالي دخل بيها اخلص شغلي واگعد هو كم شهر ورايحه اني ..
واخيرا خلصت معاملتي واجه انس وتزوجنا وكانت ليله من العمر عيشني بيها ملكه .. تزوجنا بالفندق وكان متلهف حيل ومشتاق واني هم مشتاقه الحظنه عوضني حظن الابو والام ..
للصبح نمت بحظنه ومااريد اتركه وهو يگلي وربي مااطير يمج .. هههههه استحيت ..
ورحت للمقبره زرت اهلي وتنازلت عن حصتي بالبيت الاخواني لان اني اخذت الذهب .. وبعد يومين ودعنا اهلنا وطلعنا .. وگلي اكو مكان نمر بي قبل منروح للمطار .. اخذني الاهلي .. شافوني حظنوني وگاموا يبجون ..
وسافرنا وكانت هذي اخر مره اشوفهم .  لان استقرينا بأمريكا وكملت دراسه ودرست لغات .. وصار عندي حمل والتهيت بين الحمل والدراسه بس انس ماتركني وكان اليه السند وكولشي بالدنيا ربي يحفطه الي عوضني عن كولشي واجانه ولد وسميته حسن ع اسم بابا وبعد مافكرنا نسوي لان هناك غربه ولازم نكون نفسنا ودراسه عدنا وحسوني كافي علينا مخبلنا وحاليا رجعنا للعراق واستقرينا هنا الحمد لله وعايشين حياتنا بالحلوه والمره مساندين بعض وربي لايحرمني من زوجي واولادي لان

اني حامل وبيه بنوته .. #شمس

وهاي قصتي حبايب ويمكن اني احسن من هواي اطفال اهلهم يذبوهم بالزبل او بالشارع والي يربون بالميتم وينحرفون ..
اني يمكن محظوظه لان عوضني بأنس ..
واتمنى الكل تصير اله عبره ويبطلون نزواتهم وشهواتهم قبل الزواج .. اذا تحبها اتزوجها مو تخطأ وياها وتالي تكون النتيجه اطفال متشردين ويتسمون لقطاء .. او مجهولي النسب ..

فكروا بعقاب الاخره قبل الدنيا .. وخافوا الله .  لان هذي الحاله متكرره هوايه وخاصه هسا شرطه بغداد دا تلگي باليوم وبالقليل اربع اطفال بالشوارع ومايتعدا اعمارهم بالايام وحتى بالمحافظات ..
ارحمنا يارب واسترنا .. تحياتي لكم احبتي ❤

عيناكي روايه اياليتني كل القارئين.....😔💙

ليس الفخر فى أن تقهر قوياً بل أن تنصر ضعيفاً........

شكرًا يا الله على كل النعم شكرًا على للطفك لي 💙🩹