🟥سبب الكحة_(السعال)
✅السبب الأكثر شيوعًا هو الزكام والإنفلونزا وفي معظم الحالات ينجم السعال عن تلوث فيروسي مصحوب -بالأعراض التي نسميها "الزكام" وهي احتقان الأنف، وفرط الإفراز من الأنسجة المخاطية في المسالك الهوائية (ومثال على ذلك هو النزلة والبلغم)، والعطس، والألم في الحلق. وقد يكون السعال جافًا أو مصحوبًا بالبلغم.
♦️السعال الديكي
♦️تسييل أنفي خلفي
♦️الربو
♦️إلتهاب الجيوب الانفيه
♦️ارتجاع المرئ
♦️السعال النفسي او الاعتيادي
♦️إستنشاق جسم غريب
♦️العيوب الخلقيه في مجرى التنفس
♦️أمرض إلتهابية مزمنة

🟧علامات التحذيرية التي تستلزم مراجعة الطبيب في الحال؟

🔶️ارتفاع درجة حرارة الجسم فوق 38 درجة مئوية طيلة أكثر من 24 ساعة
🔶️ضيق التنفس
🔶️سعال يتفاقم تدريجيًا
🔶️ تغير مستوى الوعي، وبخاصة عند الأطفال الرضع: النعاس المفرط أو حالة من عدم الهدوء وقد ينجم كلاهما عن ضيق التنفس وانخفاض مستوى الأكسجين في الدم
🔶️التهاب المسالك التنفسية العليا الذي لا يتم الشفاء منه خلال أسبوع إلى عشرة أيام
🔶️ إصابة أطفال رضع لا يتجاوز عمرهم ثلاثة أشهر.
🤲🤲دمتم أنتم وأطفالكم سالمين إن شاء الله 🤲🤲

💊رعاية_جهازك_التنفسي_مهمتنا
نفس_اطول_لحياة_افضل💊
طبيبة أطفال بوزار

..




السلام عليكم
نشهد هذه الأيام نشاط عدة فيروسات في آن واحد ،اللي راه يخلي خاصة الأطفال يدخلو في دوامة من الالتهابات، يحكمو فيروس، يبراو، ايام قليلة يعاودو يمرضو......لانو المناعة تكون ضعيفة من جهة، ومن جهة أخرى الفيروسات متعددة.
اول حاضنة لهذه الفيروسات راهي في المدارس، أقسام فيها أكثر من 30 تلميذ، في مساحة ضيقة، فضاء مغلق بما انو البرد وبالتالي ماكاش تهوية، ويسعل واحد في القسم راح ينشر الفيروس لكل الزملاء والأساتذة، وكل واحد فيهم يديه للدار وتخيلو.
ممكن الاطفال اللي شوية كبار يقاومو (في أغلب الحالات،الا اذا كانت المناعة ضعيفة بزاف،أو الفيروس قوي بزاف)، بصح الرضع الصغار لا، والخطر الكبير كامل عليهم.
المواليد الجدد والرضع اقل من 4 أشهر بعدوهم على اي واحد يسعل او يعطس او حتى عند سيلان في الأنف فقط لانو احتمال كبير يكون حامل لفيروس(ما نحصلوهاش في البرد فقط او الحساسية ) لانو الرضيع مناعتو ضعيفة، ومازال مادارش تلقيحاتو، يعني اي فيروس يمسو يقدر يلحقو للمستشفى، ما تخلو حتى واحد عندو اعراض يدخل للغرفة اللي يكون فيها، والأم اذا انعدات تتعامل معاه بكمامة وتعقم يديها قبل التعامل معاه.
اللي عندهم مواليد جدد ويجوهم زيارات للتهنئة، الحشمة توصل للمسشفى، احنا ناقصين ثقافة طبية، تروح تهني وتصر انو تشوف البيبي، وأولادها يشوفوه،ويبوسوه، وهوما يسعلو ويعطسو والنيف يسيل، الأم تحشم، والرضيع يخلصها غالية من بعد، وكاين اللي لحقو للمستشفى بالتهاب قصبات هوائية او سعال ديكي وضيق تنفس.
في الوقت الحالي وحسب ملاحظة ما يمر في العيادة، كاين الالتهابات العادية بفصل الشتاء من التهاب القصبات الهوائية، التهاب الحلق، انفلونزا العادية، وكاين متحور الكوفيد، وراهم بنسب تقريبا متساوية، لذلك اللي عندهم اطفال ذات حالة صحية خاصة، سكري، ربو،مناعة ضعيفة قويولهم المناعة قد ما تقدرو، رانا في موسم البرتقال اللي هو مصدر طبيعي لفيتامين س، واللي يقراو ابعثوهم بالكمامة كأقل إجراء لغاية مرور الزوبعة.
لما يمرضو أفراد العائلة، اذا بقى واحد دون علاج راح يعدي لخرين بعد ما يكونو براو، لذلك وجب العلاج للجميع لانو عجلة المرض راح تدور عليهم كامل، وتعاود تلحق لأول واحد مرض وبرا،يعاود يمرض بعد ما الفيروس يكتسب نوع من القوة في نفس المحيط.
ان شاء الله النصائح راح تفيد ولو بالقليل.
د.خماش طبيبة اطفال


..

..



‏قال رسول الله :

‏يا معاذ ! والله إنِّي لَأُحِبُّكَ
‏أوصيك يا معاذ لا تدعن في دبر كل صلاة أن تقول : { اللهم أَعني على ذكرك، وشكرك، وحسن عبادتك.

‏[صحيح الجامع للألباني(٧٩٦٩)]



..

#على_السريع

#معلومات_خاطئة حول #الرضاعة_الطبيعية

🚩"الأم ماعندهاش حليب بعد الولادة، ولازم تزيد بيبرون صناعي أو تعطي ماء وسكر أو تيزانات، ما بيد ما يطيحلها الحليب"

شحال من واحدة فيكم طاحت في هذا الفخ؟ ثم اضطرت تكمل بالبيبرون وزادت دخلت في التباس الحلمة ونكر الثدي؟

🍂واش لازم نفهموا...

1️⃣أولا، الرضيع اللي يرضع طبيعي منذ الولادة ما يحتاجش أي سوائل إضافية (لا ماء، ولا ماء وسكر، ولا تيزانات). اللبأ يكفي احتياجاته الخاصة في هذه الفترة بالذات.
2️⃣ثانيا، إعطاء الرضيع بيبرون ماء أو تيزانات يقلل من عدد الرضعات الطبيعية، وبالتالي يقلل من إنتاج الحليب لاحقا، لأنه في أهم مرحلة من مراحل التأسيس.
3️⃣ثالثا، الرضيع اللي يرضع طبيعي منذ الولادة يجوع بسرعة فيرضع بزاف لأن حليب الأم سهل الهضم، وهذا شيء طبيعي ومفيد لصحته.

👈لذلك :
✅الرضاعة المتكررة منذ الساعة الأولى من الولادة هي مفتاح الرضاعة الناجحة.
✅ ثقي في جسمك وقدرته على إنتاج الحليب المناسب لرضيعك.
✅اللبأ هو الذهب الأبيض، ماكاش اللي يعوضو. وأنك تفرطي فيه بسبب معلومات خاطئة والله حسرة و خسارة لك ولطفلك.

وهذا ماكان 💐

🍂شاركوا هذا المنشور مع الأمهات اللي تعرفوهم، ولو كانت عندكم أسئلة، اكتبولنا في التعليقات.

#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#IBCLC


#الذهب_الأبيض

#علابالك_بأن... حليب الأم فيه بكتيريا نافعة تدعم صحة الرضيع؟ 🦠

كنا نعتقد من قبل بأن حليب الأم سائل معقم، لكن الأبحاث الحديثة كشفت حقيقة مدهشة... حليب الأم مليء ببكتيريا نافعة تساعد في بناء مناعة الرضيع وتحسين صحة جهازه الهضمي.
حسب دراسات حديثة، تم اكتشاف أنواع مختلفة من البكتيريا المفيدة في حليب الأم، كيما:

🔹لاكتوباسيلوس Lactobacillus اللي تعاون على هضم الحليب وتحسين توازن الفلورا المعوية.
🔹بيفيدوباكتيريوم Bifidobacterium اللي تحمي الرضيع من الالتهابات وتساهم في منع الحساسية.
🔹 ستافيلوكوكوس و ستريبتوكوكوس Staphylococcus و Streptococcus اللي تعزز المناعة وتساعد في الوقاية من الأمراض.

❓كيفاش توصل هذه البكتيريا لحليب الأم؟ 🤔
تم اكتشاف أن البكتيريا تجي من الجهاز الهضمي تاع الأم وتوصل للحليب بطريقة عجيبة عبر خلايا خاصة في الجسم، كيما الخلايا المتغصنة (Dendritic Cells)، اللي تخدم كوسيط وتنقل البكتيريا المفيدة للثدي باش يستفيد منها الرضيع.

مقارنةً بالحليب الصناعي... 🍼 الحليب الصناعي ممكن يحتوي على إضافات بروبيوتيك، لكن ما يقدرش يوصل للتنوع والتناسق الطبيعي الموجود في حليب الأم. البكتيريا اللي في الحليب الطبيعي حية ونشطة وتتكيف مع احتياجات الطفل، بينما البروبيوتيك المضاف للحليب الصناعي يبقى مجرد محاولة تقليد بدون نفس الفعالية.

❓ما هي فائدة هذه البكتيريا النافعة ؟
هذا السؤال يحتاج كتب ومقالات للإجابة عنه. حاليا الأبحاث توصلت إلى أن هذه البكتيريا تعتبر المخ الثاني للإنسان، ومن فوائدها :

✔️ تقوية مناعة الطفل ضد الأمراض.
✔️ تحسين صحة الجهاز الهضمي والحد من المغص.
✔️ تقليل خطر الإصابة بالحساسية وأمراض المناعة الذاتية.

💐إذن :
الرضاعة الطبيعية ماشي مجرد تغذية، هي منظومة متكاملة تدعم صحة الطفل وتحميه من الأمراض بطريقة طبيعية ومثالية. لذلك، اختاري حليب الأم... لأنه فعلا أغلى هدية ممكن تقدميها لطفلك!

📚 Fernández, L., et al. (2013). The human milk microbiota: Origin and potential roles in health and disease. Pharmacological Research, 69, 1-10.

وهذا ماكان 💐

#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#IBCLC

#خدعوك_فقالوا...
"صدرك ما ولاش يسيل لأن الحليب نقص، لازم تزيدي البيبرون!"

☝️الحقيقة عكس ذلك تمامًا! في الشهور الأولى بعد الولادة، الجسم يكون ينتج الحليب بكمية كبيرة لأنه "يخمّم" بلي الرضيع يحتاج كميات كبيرة بسبب النمو السريع والرضعات المتكررة. في هاذ الفترة، من الطبيعي أن تلاحظي تسرب الحليب بكثرة، خاصة أثناء الرضعة أو حتى بين الرضعات.

🌟لكن بعد 3 إلى 4 شهور، الجسم يتكيف مع احتياجات الرضيع ويولي ينتج الحليب بالكميات اللي يحتاجها بالضبط، وبالتالي التسرب يقل تدريجيا. وهذا ما يعنيش نقص في الحليب! بالعكس، هذا دليل على أن جسمك راهو يخدم بكفاءة عالية ويعطي الرضيع الكمية المناسبة بلا فائض.

❓علاش التسرب ينقص مع الوقت؟

🔸لأن الجسم يتأقلم مع احتياجات الرضيع الفعلية وينتج الكمية المناسبة.

🔸معدل نمو الرضيع يولي أبطأ مقارنةً بالشهور الأولى، وبالتالي احتياجه يتغير.

🔸الرضاعة حسب الطلب تعطي إشارة واضحة للجسم باش يوازن الإنتاج والاستهلاك.

❓وش لازم تديري؟

🔸واصلي الرضاعة الطبيعية بلا ما تقلقي، لأن نقص التسرب أمر طبيعي.

🔸راقبي عدد الحفاضات المبللة ونشاط الرضيع، هذو أهم مؤشرات على أنو يشبع مليح.

🔸إذا راودتك أي شكوك، استشيري أخصائية رضاعة باش تطمّني على الوضع.

إذن...

توقّف التسرب ما يعنيش الحليب نقص، بل جسمك راهو يعطي الرضيع الكمية لي يحتاجها بالضبط. ما تخليش الشكوك تخليك تزيدي البيبرون بلا سبب!

وهذا ماكان 💐

#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#IBCLC #ibclc_algérie

#explore #breastfeeding #leakage #lowmilksupply
#رضاعة #تسرب_الحليب #نقص_الحليب

🔴هل صحيح واش تاكل المرضع يجوز مباشرة في الحليب ويدير الغازات للرضيع؟

المعلومات المغلوطة للأسف مازال تنتشر ونشوف حتى مختصين يهدروا في التلفزيون ويقولوا معلومات متضاربة ويزيدوا يخلطوها على الأمهات...

❓فهل واش ناكل يروح مباشرة لحليبي؟

الحقيقة أن الماكلة والمشروبات ما تنتقلش مباشرة للحليب، بل تمر بمراحل معقدة داخل الجسم قبل ما توصل للرضيع.

❓كيفاش الغذاء يوصل لحليب الأم؟

أي حاجة تاكليها أو تشربيها تمر عبر:

1️⃣المعدة: تبدأ عملية تكسير الطعام وتحويله إلى جزيئات صغيرة.

2️⃣الأمعاء: يتم امتصاص العناصر الغذائية (سكريات، دهون، بروتينات، ماء، فيتامينات...) ونقلها إلى الدم.

3️⃣الدورة الدموية: الدم يحمل المغذيات للثديين، وتنتقل العناصر اللازمة لإنتاج الحليب داخل الغدد اللبنية.

🌟المهم: ماشي كل حاجة تاكليها تروح للحليب! بعض الجزيئات الكبيرة ما تقدرش تخترق الغدد اللبنية، وهذا الشيء اللي تخلينا نفهموا علاش بعض الأدوية والمواد الغذائية ما تأثرش على الرضيع.

لذلك كاين مغذيات تدخل للحليب بكمية قليلة كيما:

🔸البروتينات النباتية: الموجودة في العدس، الحبوب، المكسرات.
🔸البروتينات الحيوانية: كيما اللحوم ومنتجات الحليب.

بعض الرضع عندهم حساسية من هذه البروتينات، وتقدر تسببلهم أعراض كيما الغازات، المغص، أو حتى دم ومخاط في البراز نتيجة تهيج الأمعاء. لكن الحقيقة أن الحساسية الفعلية من حليب الأم نادرة بزاف.

وبالتأكيييييد... حليب البقر هو المتهم الأول🍼!

فحساسية بروتين الحليب البقري هي الأكثر انتشارًا، لكنها تبقى نادرة. الفكرة اللي راهم يهولوا بيها بلي أي مغص أو غازات يعني حساسية ماشي صحيحة. دراسة (International Breastfeeding Centre) تقول بلي نسبة الأطفال اللي عندهم حساسية فعلية لحليب الأم ضئيلة بزاف.

🥺واش لازم نتجنب إذن؟

ببساطة، ما كاين حتى حاجة ممنوعة عليك تلقائيًا. كل طفل مختلف، وإذا لاحظتِ أن رضيعك يواجه مشاكل بعد أكلك لنوع معين، جربي تقللي منه ولا تحبسيه مؤقتًا وراقبي التغييرات.

📌الخلاصة اللي لازم نشدوها :

🔸الأكل ما يروحش مباشرة للحليب، الجسم عندو قدرة مذهلة على تصفية الغذاء وانتقاء الأفضل للرضيع.

🔸حساسية الطعام عند الرضع نادرة، وما لازمش تخافي وتقطعي أكلك بلا دليل واضح.

🔸كولي غذاء متوازن، اشربي الماء، وثقي بجسمك. حليبك رايح يلم كل الفائدة من الأكل اللي تاكليه.

🔸إذا لاحظتِ أعراض مستمرة عند رضيعك، استشيري طبيب أطفال أو مختصة في الرضاعة الطبيعية قبل اتخاذ أي قرارات خاصة باتباع حمية قاسية مثل حمية بروتينات حليب البقر.

والأهم من هذا كامل... ارتاحي ورضّعي بدون قلق!

وهذا ماكان💐

#الرضاعة_الطبيعية #تغذية_الأم #حليب_الأم #حساسية_الرضيع #غذاء_المرضعة

#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#IBCLC