#خدعوك_فقالوا...
"صدرك ما ولاش يسيل لأن الحليب نقص، لازم تزيدي البيبرون!"

☝️الحقيقة عكس ذلك تمامًا! في الشهور الأولى بعد الولادة، الجسم يكون ينتج الحليب بكمية كبيرة لأنه "يخمّم" بلي الرضيع يحتاج كميات كبيرة بسبب النمو السريع والرضعات المتكررة. في هاذ الفترة، من الطبيعي أن تلاحظي تسرب الحليب بكثرة، خاصة أثناء الرضعة أو حتى بين الرضعات.

🌟لكن بعد 3 إلى 4 شهور، الجسم يتكيف مع احتياجات الرضيع ويولي ينتج الحليب بالكميات اللي يحتاجها بالضبط، وبالتالي التسرب يقل تدريجيا. وهذا ما يعنيش نقص في الحليب! بالعكس، هذا دليل على أن جسمك راهو يخدم بكفاءة عالية ويعطي الرضيع الكمية المناسبة بلا فائض.

❓علاش التسرب ينقص مع الوقت؟

🔸لأن الجسم يتأقلم مع احتياجات الرضيع الفعلية وينتج الكمية المناسبة.

🔸معدل نمو الرضيع يولي أبطأ مقارنةً بالشهور الأولى، وبالتالي احتياجه يتغير.

🔸الرضاعة حسب الطلب تعطي إشارة واضحة للجسم باش يوازن الإنتاج والاستهلاك.

❓وش لازم تديري؟

🔸واصلي الرضاعة الطبيعية بلا ما تقلقي، لأن نقص التسرب أمر طبيعي.

🔸راقبي عدد الحفاضات المبللة ونشاط الرضيع، هذو أهم مؤشرات على أنو يشبع مليح.

🔸إذا راودتك أي شكوك، استشيري أخصائية رضاعة باش تطمّني على الوضع.

إذن...

توقّف التسرب ما يعنيش الحليب نقص، بل جسمك راهو يعطي الرضيع الكمية لي يحتاجها بالضبط. ما تخليش الشكوك تخليك تزيدي البيبرون بلا سبب!

وهذا ماكان 💐

#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#IBCLC #ibclc_algérie

#explore #breastfeeding #leakage #lowmilksupply
#رضاعة #تسرب_الحليب #نقص_الحليب

🔴هل صحيح واش تاكل المرضع يجوز مباشرة في الحليب ويدير الغازات للرضيع؟

المعلومات المغلوطة للأسف مازال تنتشر ونشوف حتى مختصين يهدروا في التلفزيون ويقولوا معلومات متضاربة ويزيدوا يخلطوها على الأمهات...

❓فهل واش ناكل يروح مباشرة لحليبي؟

الحقيقة أن الماكلة والمشروبات ما تنتقلش مباشرة للحليب، بل تمر بمراحل معقدة داخل الجسم قبل ما توصل للرضيع.

❓كيفاش الغذاء يوصل لحليب الأم؟

أي حاجة تاكليها أو تشربيها تمر عبر:

1️⃣المعدة: تبدأ عملية تكسير الطعام وتحويله إلى جزيئات صغيرة.

2️⃣الأمعاء: يتم امتصاص العناصر الغذائية (سكريات، دهون، بروتينات، ماء، فيتامينات...) ونقلها إلى الدم.

3️⃣الدورة الدموية: الدم يحمل المغذيات للثديين، وتنتقل العناصر اللازمة لإنتاج الحليب داخل الغدد اللبنية.

🌟المهم: ماشي كل حاجة تاكليها تروح للحليب! بعض الجزيئات الكبيرة ما تقدرش تخترق الغدد اللبنية، وهذا الشيء اللي تخلينا نفهموا علاش بعض الأدوية والمواد الغذائية ما تأثرش على الرضيع.

لذلك كاين مغذيات تدخل للحليب بكمية قليلة كيما:

🔸البروتينات النباتية: الموجودة في العدس، الحبوب، المكسرات.
🔸البروتينات الحيوانية: كيما اللحوم ومنتجات الحليب.

بعض الرضع عندهم حساسية من هذه البروتينات، وتقدر تسببلهم أعراض كيما الغازات، المغص، أو حتى دم ومخاط في البراز نتيجة تهيج الأمعاء. لكن الحقيقة أن الحساسية الفعلية من حليب الأم نادرة بزاف.

وبالتأكيييييد... حليب البقر هو المتهم الأول🍼!

فحساسية بروتين الحليب البقري هي الأكثر انتشارًا، لكنها تبقى نادرة. الفكرة اللي راهم يهولوا بيها بلي أي مغص أو غازات يعني حساسية ماشي صحيحة. دراسة (International Breastfeeding Centre) تقول بلي نسبة الأطفال اللي عندهم حساسية فعلية لحليب الأم ضئيلة بزاف.

🥺واش لازم نتجنب إذن؟

ببساطة، ما كاين حتى حاجة ممنوعة عليك تلقائيًا. كل طفل مختلف، وإذا لاحظتِ أن رضيعك يواجه مشاكل بعد أكلك لنوع معين، جربي تقللي منه ولا تحبسيه مؤقتًا وراقبي التغييرات.

📌الخلاصة اللي لازم نشدوها :

🔸الأكل ما يروحش مباشرة للحليب، الجسم عندو قدرة مذهلة على تصفية الغذاء وانتقاء الأفضل للرضيع.

🔸حساسية الطعام عند الرضع نادرة، وما لازمش تخافي وتقطعي أكلك بلا دليل واضح.

🔸كولي غذاء متوازن، اشربي الماء، وثقي بجسمك. حليبك رايح يلم كل الفائدة من الأكل اللي تاكليه.

🔸إذا لاحظتِ أعراض مستمرة عند رضيعك، استشيري طبيب أطفال أو مختصة في الرضاعة الطبيعية قبل اتخاذ أي قرارات خاصة باتباع حمية قاسية مثل حمية بروتينات حليب البقر.

والأهم من هذا كامل... ارتاحي ورضّعي بدون قلق!

وهذا ماكان💐

#الرضاعة_الطبيعية #تغذية_الأم #حليب_الأم #حساسية_الرضيع #غذاء_المرضعة

#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#IBCLC

..



قال رسول اللهﷺَ:

(أعجز الناس من عجز عن الدعاء)
صحيح الجامع

قال الشيخ عبد الرحمٰن السعدي:

"الدعاء سلاح الأقوياء والضعفاء وملاذ الأنبياء والأصفياء وبه يستدفعون كل بلاء" .

[مجموع مؤلفاته(٧٣٦/٢٣)]



..

..




‏ما رأيت عقوبة مُعجّلة كمثل « الشماتة » يشمت أحدنا اليوم بأخيه المسلم وبذنبٍ وقع فيه ، يستحقره ويزدري به ويُحدّث الناس عنه .. فتدور الأيام فتراه قد وقع في نفس الخطأ الذي بالأمس كان يُنكره! هنا تدرك أن القلب ضعيف لا غِنى له عن الاعتصام بالله ومتى ما اتّكل القلب على نفسه سقط و هَلك.

يقول ابن القيم
من ضحك من النَّاس ضُحك مِنْهُ، وَمن عير أَخَاهُ بِعَمَل ابْتُلِيَ بِهِ ؛ وَلَا بُد .




..

ياطبيب هبلوني
#ميقعدش،#ميمشيش،#مسننش..؟!

🟥 وقتاه نتقلق ⚠️⚠️⚠️

#تبعوني

⏪️ كي يوصل وليدكم شهر حتى الشهرين ، يتبع بعينيه
⏪️ وكي يوصل 4 أشهر لازم يحكم راسو

#طبعا

⏪️ ماهوش راح يحكمو مثل الإنسان الكبير ، ولكن يحكمو

#ومتبداوش

توقفوه في 4 أشهر وتقولولي محبش يوقف ؟!
ونتوم لاه توقفو فيه أصلا !!

#نكمّل

⏪️ بعد 4 أشهر إلى غاية 9 أشهر نحتاجو يخبط برجليه وتحسوه عندو القوة فيهم هذا ماكان ، وماش لازم عليك كي توقفو يوقف

#الجلوس

⏪️ كي يوصل 9 أشهر يقعد وحدو ، قبل ميهمنيش

#مقعدش

⏪️ في 9 أشهر نديه لطبيب يشوفو
⏪️ إذا لقى الفحص الطبي مليح ممكن ننتظر حتى عام !! عادي هيه
⏪️ بعد عام ننطلق تحاليل راديووات..،

#التسنين

⏪️ كي يوصل 15 شهر لازم تظهر سنّة ، مابانتش ندير فحص

#قبل

⏪️ ميهمني لافي خوه لافي ولد خالتو لاولد الجارة
⏪️ كل طفل حالة خاصة
⏪️ كاين لي تظهر أول سن في ثلاث أشهر عادي ، وكاين في 6 ، وكاين في 14 شهر و كلهم عادي بإذن الله

#الحبو

⏪️ ماش لازم عليه يحبي أصلا !! ⚠️
⏪️ ديجا كي يحبي تعجبكم من الأوّل وبعدها تندمو على النهار لي حبا فيه

#المشي

⏪️ كي يوصل 18 شهر وميمشيش تهز وليدك تديه للطبيب
⏪️ الطبيب يفحصو لقى كلش مليح ورجليه يحركم بشكل عادي ومعندو حتى أعراض أخرى

#يقلك

⏪️ أرجعلي على عامين !! هيه نعم عامين ، كاين أطفال يمشو في عامين و هذا أمر عادي

#بعد_سنتين

⏪️ ممشاش وليدي ننطلق في التحريّات IRM ،تحاليل…

🟥 هادي هي الخلاصة

🟥 لانُقارن الأطفال ببعضهم البعض ⚠️⚠️⚠️ #بل حتى الإخوة والتوأم ويختلفون

#والعادات_المنتشرة تاع لقطيع، وفيتامين د والكالسيوم كل شهر…
حبسوهم الله يحفظكم

🟥 منشور معدل و منقول من صفحة الطبيب عزيز أحمد أمين