شرد الكلام مني وسكت

حس الأغاني المُلهمه

لبس النغم ثوب الحداد نزف المقاطع مؤلمة

لمتنا بيك يمين ظروف في ليل رياحو ملتنا هم

أنت الأخو وبرضو الصديق والبينا كان إحساس ودم

للكل فتحت القلب دار ..ومزجت روحك بالنغم

ياحليلو زمناً كان معاك يحليل جدارنا الأنهزم

روح الرحابة الما بتضيق

يا باهي يا دفق الرحيق

شاقي الدروب الموحشة

فارش عشم وترك طريق

دايس علي الجرح الأليم

في أحلك اللحظات رفيق

ياحليلو أملاً كان معاك

خلانا لى جرحاً عميق

نجم الحروف المرهفة

ضد الذبول والإنطفا

لاكنو من بعدك رحل خلانا فات يا مصطفي

ياحليلو شدواً كان معاك

وأمل الأغاني الأنطفا

ودعت يا حزن البلد

ودَّعت يالولد السَّمِح

في الغربة والزمن النـَّـكد

وجوك العيال ما بقصِّروا

سوُّوا العديل والزين هناك ما اتصرصرُوا

بس كنت خايف كيف عليك

يطويكَ ليل الغربة ديك

في الغربة لا انـْدلـَـقـَن عليك بنـُّوتناً محزونات كمد

لا اتـْـشالبوك أهلك يهزُّوا الدنيا يالولد الرهد

مات الغـُنا المحشود وحاتك يا الحزن ماعندُه حد

مطرود وراك الريح تصفـِّر لا غمدت ولا رَقــَدْ

شايل هموم الناس وناسي البيك يا الولد العدد

أصلـُه الغـُنا إن ما كان وحاتك للوطن ما بيبقى جد

والحزن لو ما كان نبيل يبقى إنهزام بحراً شرد

محزون وحاتك يا ولد

صوتك يرن في بالي حد

(غدَّار دموعك ما بتفيد )

صوتك يجيني أنا في الهويد

(عبد الرحيم ) و( حاج ود عجبنا ) ونفحة العيد والجديد

كـُتْ في انتظار يوماً أشوفك فيه ساير بالنشيد

راجع تبشـِّر بالغـُنا الغنـّيتـُه في البلد البعيد

ويتلموا ليك الناس دموع الفرحة تطفر دون عدد

ويتلموا ليك الصالحين يبرُوك ويدُّوك المدد

وتفضل تغنِّي وتِنشرِحْ

لا غربة لا الزمن الجرِحْ

حقـَّـك عليْ يا مصطفى

وحقـَّـك على البلد الوهبتـُه غُـناكَ والفال السَّمِح

هاك السلام من عندي أنا

ومليون سلام ليك يا جنا

منَّ الغـُبـُش

قايمين دُغـُش

كادحين على اللـُّقمة العِـصَتْ

صابرين على الحالة القِست

والحال وحاتك ما هُوْ حال

راجين رجوعكم يا لعيال

لا شيلة لا كِمِّين ريال

راجين ضراعكم يـِـنـْـكربْ

لا فـُرقة لا ريحَة ْ حرِب

نبني الوطن مهما خِربْ

والساعة ديك يبقى الغنا اللا إتقال ولا مرة إنكتب

ممدود من اللحن القديم محشود وحاتك بالطرب

مليان ومسنود ما بيقع

مَعَجُون من العرق النـَّقع

من كم جبين بتصبُّه صَبْ

وُتخضِّر الأرض اليباب يتبدَّل الزمن الصعب

ونفضل نغنِّي وننشرح

لا غربة لا الزمن الجرِحْ

ودَّعت يا حزن البلد

ودَّعت يالولد السَّمِحْ

ﺿﺮﺍﻋﻴﻚ ﻳﺎ ﺍﻟﻮﻟﺪ ﻛﺒﺮﺕ ..
ﻣﺮﺍﻋﻴﻚ ﻳﺎ ﺍﻟﺒﻠﺪ ﻛﺘﺮﺕ
ﺧﺪﺍﺭ .. ﺧﺪﺭﺕ
ﻏﺰﺍﺭ .. ﻏﺰﺭﺕ
ﻧﻀﺎﺭﺍً ﺯﻳﻦ
ﺑﺮﻏﻢ ﺍﻟﺼﻴﻒ ﻭﺻﻨﺎﺗﻮ ..
ﻭﺳﻤﻮﻡ ﺍﻟﺒﻴﻦ ﻭﺃﻧﺎﺗﻮ
ﻋﺼﺎﻓﻴﺮ ﺍﻟﺠﻠﺪ ﻗﺪﺭﺕ ﺗﺒﺎﺻﺮ
ﻏﻴﻤﺔ ﻣﻨﺘﺤﺮﺓ
ﺗﻀﺎﻳﺮ ﻧﺴﻤﺔ ﻣﻨﺪﺣﺮﺓ
ﺗﻀﺎﻳﺮ ﺍﻟﻐﺎﺑﺔ ﻭﺍﻟﺼﺤﺮﺍ
ﻣﻦ ﺍﻟﻐﻤﺔ ﻭﺿﻼﻣﺎً ﺷﻴﻦ ..
ﻭﻣﻨﻚ ﻳﺎ ﺩﻗﻴﻦ ﻧﻨﻔﻚ .. ﺗﻜﻮﻥ
ﻓﻜﺖ ﻋﻘﺪﺓ ﺍﻟﺪﻳﻦ ..
ﻋﻘﺐ ﺳﻴﺮﺓ ﺍﻟﺒﻠﺪ ﺳﺎﺭﺕ ﻋﻠﻰ
ﺍﻟﺪﺭﺏ ﺍﻟﻌﺪﻳﻞ ﻭﺍﻟﺰﻳﻦ
ﺑﻌﺪ ﻫﺎ ﺍﻟﺤﺎﻝ ﺑﻼ ﻣﺮﺳﺎﻝ .. ﻳﺠﻮ
ﺍﻟﻌﻤﺎﻝ .. ﻳﺠﻮﺯ ﺍﻟﺰﺭﺍﻉ .. ﻳﺠﻮ
ﺍﻟﻜﺪﺍﺡ
ﻳﺠﻮ ﺍﻟﻨﺎﺱ ﺍﻟﺒﺨﺒﺮﻭ ﺷﻠﻴﻞ ..
ﻭﺷﻘﻴﺶ ﺭﺍﺡ ؟؟؟
"
"

عايز أسافر
عايز أسيب الدنيا
والنَّاس والمآسي
عايز أضمِّد جرحي
والوجع الملاني
وأبقى قاسي
وأنسى آلامي وجروحي
وأبقى لى قلبي المُواسي
واعتزِل كلّ البيألِّم
وابتعد من كل ناسي
وأبدا صفحة جديدة جدّاً
فيها اكتب يا قليبي
(أنسى واعتاد التناسي)

عايزه اهاجر
عايزه أغيب عن كل قسوة
وكلّ ظالم وكلّ غادر
وأنسى كلّ الجرّحوني
ولي محطّاتون أغادر
وأبقى زيّ النيل بيجري
وأبقى زيّ الطير مهاجر
عايزه ألقى رويحتي تاني
وأنسى فكرة اني "شاعر"
مالقيت من شعري راحة
و أيه لقينا من المشاعر ؟!

عايزة أبعد وأبعد اكتر
ما البعاد مرات سعادة
أصلي كلما اقول لقيتا
تعتذر ويخيب ميعادا
والدمع اصبح صديقي
والحزن صار ليّا عادة
وانتهت لهفة غرامي
وجفّت اشعاري ومدادا
بعرف انو البعد قاسي
والرحيل محتاج إرادة
الا بس يمكن يريِّح
والسفر مرات عبادة
وكلّ حاجة بتبقى أجمل
لما تتشاف في بُعادا

يا قلب باكي وموجَّع
وَيَا مصايب وَيَا جروح
عذَّبت وجداني جداً
وأتلفت جوايا روح
الا ما كتبتْ نهايتي
ولسه بُستاني بيفوح
بكرة تفرح يا قليبي
تهدا وآلامك تروح
والفرح يرجع يزورك
وفِي سماواتك يلوح

لي اي زول بهوي الحروف
معزوم معاي قهوه مساء
غسل همومك بإنبساط
طرح مشاعرك والبسا
عطر حروفك بالهتاف
خليهو شوقك يلبسا
سرح مشاعرك بانجوم
شان يبقي ناعم ملمسا
وتعال معاك جيب الفرح
ارواحنا بيهو نونسا
عازمااااك معاي قهوه مساااااء

يا راكب المركب ..
جيب لي معاك الروح ..
والروح مروقا صعب ..
شفعنا تحت الطوب
شفعنا تحت الموج ..
موت الجماعة عرس ..
والزين ختانا وفات ..
الزين ممغس مات ..
ياراكب المركب ..
موتك رخيس وكعب ..
جيب لي معاك تصريح ..
شان اطلع الشارع ...
الشارع الغرقان ..
ومسيرة معطونة ..
بي كافة الاحزان ..
خلونا ننعى بلد ..
راح في مهب الريح ..
ياراكب الاحزان..
الفاتحة في السودان💔 ..

ياطالع الشجرة
ماتجيب معاك ثمرة
ثمرتنا اولادنا
وارضنا هي بلادنا
ياصاحب المركب
قول لي وينو جناي
الفات معاك قبيل
ولدا هميم قرّاي
ومذاكرة طول الليل
كان ماشي مدرستو
للقعدة حنستو
قتليهو داك السيل
الموت قريب بالحيل
قال لي يا امي
ماتشيلي ياخ همي
انا ماشي للحصة
ما تكبري القصة
لازم عشان انجح
عرق الصبر ينتح
باكر اجيك دكتور
المرضى ديك بالدور
والعيلة تفخر بي
واكون مهم في الحي
ووليدي شالو الموج
غرقان وسط كم فوج
مالماتو فيهو كتار
سابحين مع التيار
وبيوت كتير وقعت
وعيون كتير دمعت
وينو البشيل الهم
وينو البزيل الغم
ماجانا زول مسئول
لا يخف علينا القول
لا ساسة مسئولين
شايفين بيوت الطين
شقوا لنا كم من خور
لا شفنا بنيان سور
باكر بجينا الدور
وبيوتنا تبقى خراب
اولادنا يبقوا سراب
ياطالع الشجرة
ماتجيب معاك ثمرة
ثمرتنا اولادنا
وارضنا هي بلادنا
اولادنا ماتوا خلاص
وبلادنا راجية خلاص
ياطالع الشجرة
ماتجيب معاك ثمرة

بعد زوال الشمس كـان وقوفنـا
إلى الليل نبكـي والدعـاء أطلنـاه
فكم حامـد كـم ذاكـر ومسبـح
وكم مذنب يشكـو لمـولاه بلـواه
فكم خاضـع كـم خاشـع متذلـل
وكم سائل مـدت إلـى الله كفـاه
وساوى عزيز في الوقوف ذليلنـا
وكم ثوب عز في الوقوف لبسنـاه
ورب دعانـا ناظـر لخضوعـنـا
خبير عليـم بالـذي قـد أردنـاه
ولما رأى تلك الدموع التي جرت
وطول خشوع مع خضوع خضعناه
تجلى علينـا بالمتـاب وبالرضـى
وباهى بنا الأملاك حيـن وقفنـاه
وقال انظروا شعثا وغبرا جسومهم
أجرنـا أغثنـا يـا إلهـا دعونـاه
وقد هجـروا أموالهـم وديارهـم
وأولادهم والكـل يرفـع شكـواه
إلـي فإنـي ربـهـم ومليكـهـم
لمن يشتكي المملـوك إلا لمـولاه
ألا فاشهدوا أني غفـرت ذنوبهـم
ألا فانسخوا ما كان عنهم نسخنـاه
فقد بدأت تلك المسـاوي محاسنـا
وذلك وعـد مـن لدنـا وعدنـاه
فيا صاحبي من مثلنا فـي مقامنـا
ومن ذا الذي قد نال ما نحن نلنـاه
على عرفات قـد وقفنـا بموقـف
به الذنب مغفـور وفيـه محونـاه
وقد أقبل البـاري علينـا بوجهـه
وقال ابشروا فالعفو فيكم نشرنـاه
وعنكم ضمنا كـل تابعـة جـرت
عليكـم وأمـا حقـنـا فوهبـنـاه
أقلناكم من كـل مـا قـد جنيتـم
وما كان من عذر لدينـا عذرنـاه
فيا من أسا يا من عصى لو رأيتنـا
وأوزارنـا ترمـى ويرحمنـا الله

ﺟﺎﺕ ﻋﺮﺑﺎﺕ ﺍﻟﻼﺕ ﺑﻮﻟﻴﺲ
ﻓﻀﻮﺍ ﺍﻟﻌﺎﻟﻢ ﺑﺎﻟﻜﺮﺑﺎﺝ
ﻭﺍﻟﺒﻤﺒﺎﻥ ﺍﻷﻣﺮﻳﻜﺎﻧﻲ
ﺷﺮﻗﺖ ﺷﻤﺲ ﺍﻟﻴﻮﻡ ﺍﻟﺘﺎﻧﻲ
ﻛﻨﺎ ﺣﺪﺍﺷﺮ ﻭﻧﻮﺑﺎﻭﻳﺔ
ﻣﺘﻬﻤﻨﺎ ﺑﺎﻟﺘﺨﺮﻳﺐ ﻭﺍﻟﺘﺤﺮﻳﺾ ﻭﺍﻟﺸﻴﻮﻋﻴﺔ
ﺍﻟﺒﻮﻟﻴﺲ ﺻﺎﻗﻊ ﺷﻴﻮﻋﻴﺔ
ﻭﻓﺎﻛﺮ ﻧﻔﺴﻮ ﺑﻨﺒﺬ ﻓﻴﻨﺎ
ﻫﻲ ﺁ ﺑﻮﻟﻴﺲ ﺃﻣﻚ ﻣﺴﻜﻴﻨﺔ
ﺍﻟﺒﻮﻟﻴﺲ ﻋﻤﺪﻧﻲ ﺷﻴﻮﻋﻲ
ﺍﻟﺘﺤﻘﻴﻖ ﻃﻠﻌﻨﻲ ﻣﺪﺍﻥ
ﺍﻟﺘﺤﻘﻴﻖ ﻃﺒﻌﺎً ﺗﺤﻘﻴﻘﻬﻢ ﺃﻭ ﺗﺤﻘﻴﻖ ﺍﻷﻣﺮﻳﻜﺎﻥ
ﺍﺳﺒﻮﻋﻴﻦ ﻋﺸﻨﺎﻫﻢ ﺟﻮﻩ
ﺍﺳﺒﻮﻋﻴﻦ ﺯﺍﺩﻧﻨﺎ ﻗﻮﺓ
ﺻﻮﺗﻨﺎ ﻫﻨﺎﻙ ﻭﻫﻨﺎ ﻣﻜﺘﻮﻡ
ﻭﻣﺎﻓﻲ ﻓﺮﻕ ﻓﻲ ﺍﻟﻮﻗﺖ ﺍﻟﺮﺍﻫﻦ
ﺑﻴﻦ ﻭﺍﺷﻨﻄﻦ ﻭﺍﻟﺨﺮﻃﻮﻡ

‏اتعبهم مرضُ السرطان ، اهلكهم الكِيماوي غَيّر ملامحهم وابعدهم عمن يحبون اللهم انِي اسالك بإسمك الاعظم الذي اذا دُعِيت به اجبت ان تنزل رحمتك وشفاؤك لهم يارب العالمين .

‏"الجمال لا يزال موجودًا في هذا العالم
‏ليس في هطول مفاجىء للمطر
‏أو زهرة تيوليب في يد طفل
‏ولا في الأنهار التي تفيض من حولنا
‏وإنما -فقط- في حرصنا
‏على أن نكون آخر من يغادر".

_أنا مختلفة بالطريقة التي أريدها تماما،،
مختلفة لأنني العاديّة الوحيدة بين كل أولئك المختلفين.!!

لا سلام..
على الذين خدعونا فأهلكونا
فأفقدونا انفسنا😤😔

ناس ساكته من الوجع و ناس واجعها السكوت😕💔

يا الله بس حبة يقين..

يحمي الرويحه من الذبول💔

- من يحبك سيراك جميلاً .. حتىٰ لو كان عقلك جحشاً وشديد التياسة.. 😌💙

‏"لربُما يبعث الرب زهوراً في قلوب اليائسين".
تصبحون على أمل💛

‏"اللهم طاقة، طاقة بها نعيش، ونتحمّل، ونرضى،
ونتـأقلم، ونتقبّل، ونهوّن، ونتجاهـل، ونغفر،
ونسامح، ونغامر، ونجازف، ونصبر كثيرًا.

هناك من ينظر للآخرين ليبدأ!، أو ينتظر شيئاً يحصل في حياته ليتغير!، لن يحصل شيء ما دمت على نفس وضعك، ولن يحقق مصلحتك أحد ما لم تحققه لنفسك، هناك من القرارات ما تحتاج أن تكون فيها لوحدك لكي تحسم أمرها وتجعلها تتحقق.

كل طريق معتم بالحمد يشرق ؛ وُكل أمر متعرج بالإستغفار يستقيم .. وُكل نعمة عظيمة بالشكر تزيد

الرجعه للوطن انتحار
والغربه ميته ممرحله💔