ሰላም ለትግራይ ሕዝብ ከምንጊዜውም በላይ አስፈላጊ ነው- አቶ ጌታቸው ረዳ

አዲስ አበባ፣ መስከረም 17፣ 2017 (ኤፍ ቢ ሲ) የመስቀል ደመራ በዓል በትግራይ ክልል ዓዲግራት ከተማ በደማቅ ሥነ-ሥርዓት ተከብሯል፡፡

በሥነ-ሥርዓቱ ተገኝተው መልዕክት ያስተላለፉት የክልሉ ጊዜያዊ አስተዳደር ርዕሰ መስተዳድር ጌታቸው ረዳ÷ በዓሉን ስናከብር እርስ በርስ በመተሳሰብና በአብሮነት ሊሆን ይገባል ብለዋል፡፡

በአሁኑ ወቅት ዘላቂ ሰላም ለትግራይ ሕዝብ ከምንጊዜውም በላይ አስፈላጊ ነው ሲሉም አጽንኦት ሰጥተዋል፡፡

በ2017 ዓ.ም የትግራይ ሕዝብን ዘላቂ ሰላምና መረጋጋት ለማረጋገጥ ከሚመለከታቸው አካላት ጋር በትብብር እንደሚሰራ አስገንዝበዋል፡፡https://www.fanabc.com/archives/263813

በሶማሊያ ከድህረ አትሚስ በኋላ የሚኖረው የሃይል ሥምሪት በጥንቃቄ መከናወን አለበት- አምበሳደር ታዬ

አዲስ አበባ፣ መስከረም 17፣ 2017 (ኤፍ ቢ ሲ) በሶማሊያ ከድህረ አትሚስ በኋላ የሚኖረው የሃይል ሥምሪት ጊዜ ተወስዶ በጥንቃቄ መከናወን እንዳለበት የውጭ ጉዳይ ሚኒስትር አምባሳደር ታዬ አጽቀሥላሴ አሳሰቡ፡፡

አምባሳደር ታዬ ከዴንማርክ አቻቸው ላርስ ሎክ ራስምሰንና ከተባበሩት ዓረብ ኤሚሬቶች የውጭ ጉዳይ ሚኒስትር ዴዔታ ሼህ ሻክቡት ናህያን አል ናህያን ጋር ተወያይተዋል።

አምባሳደር ታዬ በውይይቱ ላይ ዴንማርክ የተመድ የጸጥታው ምክር ቤት አባል ሆና በመመረጧ የተሰማቸውን ደስታ ገልጸዋል፡፡

በወቅታዊ የአፍሪካ ቀንድ ጉዳዮች እና ኢትዮጵያ ሽብርተኝነትን በመዋጋት ረገድ ባላት ቁርጠኝነት ዙሪያም ገለጻ አድርገዋል።

በተያያዘ አምባሳደር ታዬ ከተባበሩት ዓረብ ኤሚሬቶች የውጭ ጉዳይ ሚኒስትር ዴዔታ ሼህ ሻክቡት ናህያን አል ናህያን ጋር በሁለትዮሽና በአፍሪካ ቀንድ ሰላምና ደህንነት ዙሪያ መክረዋል። https://www.fanabc.com/archives/263825