በተለያዩ ክልሎች ለ8ኛ ክፍል ተማሪዎች የሚኒስትሪ ፈተና እየተሰጠ ነው

አዲስ አበባ፣ ሰኔ 4፣ 2016 (ኤፍ ቢ ሲ) በተለያዩ ክልሎች የ2016 ዓ.ም የ8ኛ ክፍል ከተማ አቀፍ ፈተና ለተማሪዎች እየተሰጠ ነው፡፡

በዚህም የ8ኛ ክፍል ተማሪዎች የሚኒስትሪ ፈተና በኦሮሚያ፣ አማራ፣ ጋምቤላ፣ ደቡብ ምዕራብ ኢትዮጵያ ህዝቦች፣ ደቡብ ኢትዮጵያ፣ ማዕከላዊ ኢትዮጵያ ፣በቤኒሻንጉል ጉሙዝ ፣ በሐረሪ፣ በሶማሌ፣ በአፋርና በሌሎች ክልሎች እንዲሁም በድሬዳዋ አስተዳደር እየተሰጠ ነው፡፡


ተማሪዎችም በፈተና ጣቢያዎች ተገኝተው ፈተናውን እየወሰዱ ይገኛሉ፡፡

የሚኒስትሮች ም/ቤት የ100 ቀናት ግምገማ ተጀመረ

አዲስ አበባ፣ ሰኔ 4፣ 2016 (ኤፍ ቢ ሲ) የ2016 በጀት ዓመት ከመጠናቀቁ በፊት የመጨረሻ የሆነው የሚኒስትሮች ምክር ቤት የ100 ቀናት ግምገማ መጀመሩን ጠቅላይ ሚኒስትር ዐቢይ አሕመድ (ዶ/ር) አስታወቁ፡፡

ጠቅላይ ሚኒስትሩ በማኅበራዊ ትስስር ገፃቸው ባሰፈሩት ጽሑፍ÷ እንደሁልጊዜው ሁሉ የየሴክተሮችን አፈፃፀም እንገመግማለን ሲሉ ገልጸዋል፡፡

በግምገማውም “ክፍተቶችን እናጤናለን፤ በጥንካሬዎች ላይም ለቀጣይ ሥራዎች እንነሳለን” ሲሉም አመላክተዋል፡፡

አምባሳደር ታዬ ከደቡብ አፍሪካና ቻይና ሚኒስትሮች ጋር መከሩ

አዲስ አበባ፣ ሰኔ 4፣ 2016 (ኤፍ ቢ ሲ) የውጭ ጉዳይ ሚኒስትር አምባሳደር ታዬ አፅቀስላሴ ከደቡብ አፍሪካና ቻይና ሚኒስትሮች ጋር በሁለትዮሽና ቀጣናዊ ጉዳዮች ላይ ተወያይተዋል፡፡

አምባሳደር ታዬ በሩሲያ እየተካሄደ ከሚገኘው የብሪክስ ስብሰባ ጎን ለጎን ከተለያዩ ሀገራት የስራ ሃላፊዎች ጋር ተወያይተዋል፡፡

አምባሳደር ታዬ ከቻይና አቻቸው ዋንግ ይ ጋር ባደረጉት ውይይትም ፥ በተለያዩ የትብብር መስኮች የሁለቱን ሀገራት ስትራቴጂካዊ አጋርነት የበለጠ ማጠናከር በሚቻልበት ሁኔታ ላይ መክረዋል ነው የተባለው፡፡

የውጭ ጉዳይ ሚኒስትሩ አምባሰደር ታዬ ከደቡብ አፍሪካ የአለም አቀፍ ግንኙነት እና ትብብር ሚኒስትር ናሌዲ ፓንዶር ጋርም በሁለትዮሽ እና ቀጠናዊ የጋራ ጉዳዮች ላይ... https://www.fanabc.com/archives/249340