‏يا أهل المحبه نور عينــــي علامه
‏ ماشفته يغـرد من الشعر وش فيه

‏أنا ليا شفت القصيــــده وكلامــــه
‏يرتاح بالي والتهـــي فــــي معانيه

يشفع لك إني أحبـك واكره غيابك
وألا سواياك فــي خلك ماتشفع لك

تدري وش اللي علي غـرك وأقفابك
تخطي علي وانت متعمد وارقع لك

جـرح الـفراق بـخـاطري مـ أقدر أنساهـ
‏ومـن يـفقد احـبابـه عـسى الله يــعـينه

‏الــقــدر حــق و كـلـنـا مــن ضـحـايــاهـ
‏والــدرب واحــــــد وكـلنــا عــارفـيـنــه

غرتني الدنياء فــي بعض الاصحاب
وياسرع الايام والوقت اللي كشفهم

كم واحدٍ كنت احسبه ضمن الاقراب
وكم غيري بقربه وضحكه غدرهــــم

‏ياوقت منك المعذره والسمـــــوحه
وش عاد باقي فيك وش عاد باقي

اللي دعمته ليـــــن حقـق طموحــه
اليــوم صار اكبر طموحـــه فراقــي

هذا مساء الشوق لـ عيونك السود
‏وهذا مساء الـذوق والنـور نـورك

‏يااﻟلي حلاك يزودو أشواقي بزود
‏أبي أعرف بـ غيبتي وش شعـورك

‏اي والله انـــــي على لقيـــــاك متشفق
دام الغـلا فـي خفوقــــي مانقص شانه

بصرك تغــــلا تصـــــدد جعلك مـــوفق
لكن حياتـي بــــــدونك مـالها خــــــانه

‏مــع لذة انفـاس الصبــــاح استفاقت
‏مشاعـــري ي شاعري هزها الشــــوق

‏وعلى صبــــاح الخيـر شاقت وراقت
‏تعـال صبحنــــي على لحـن طارووق

ابطيت عنــي وش اللي مشغلك عني
‏ما كان طبعك تغيب وتقطع وصالـــي

‏لو منت غالـــــي علي وقطعةٍ منــــي
‏لا غبت عن ناظري ماجيت فـــي بالي

‏مادام روحك ساكنة جوف الأعماق
أكـيد حبـــــــــك من يقــيـد ‎وثاقي

لك ‎عـهـد مني يا حياتــــي ‎وميثـاق
ما أنسـاك ‎طول العمر ما دمت ‎باقي