‏اللي تسيد بالحشــــى و استحله
الفارق النادر له القلـــب منــــزال

لو هو بغى حالــــي له الحال كله
اللــي بدونه حالتــــي حالها حال

‏مال الشعر فــــــــي غيابك طعم ياخلي
حتى تلجرام ماحس بـ جوه الراقــــي

من كثر ماهاجسي فـــــــي غيبتك ملي
أجيب لي بيت واحد وأشطف الباقـــي

تنام وعين من حبــك يعذبها سهر واوهام
‏الا يا قو قلبـــــــك بعدنا ما حرك اشجانك

‏تحديت العواذل وانقسمنا لك ثلاث اقسام
‏فراق وليل ودمــوع تفرح فيـــــه عدوانك

ياخاطري لاتضيـــــق الرزق عند الله
‏من دون عبده ترى ما صـــــك بيبانه

‏عيـش الفرح والزعــل ياخاطري خله
‏والخيره بما كتبــــــــه الرب سبحانه

صغيـرٍ بسنـه غير عنــدي ما هـو بصغيـر
‏يا مـغلاه فـي قلبـــــــي وياكبر مـنزلـتـه

‏أجمع له سمان الهرج خوف من التقصير
‏واذا جيت ابشــــرح له كـلامي تهيـزلـته

‏يجينــــــي منه هيبـه معزه سحى تقدير
‏اقـابله عنــــــدي علــــــم واروح ماقـلـته

‏ياللي تشـــــــح بشـــــــوفتك واتصالك
‏وفـــي صدرك من الشــــــوق شيٍ يهول

‏كل عام احبـــــــك ياحبيبـــــــي لحالك
‏وكــــــل عام وانت اغلى من العام الاول

‏سلم الله حال قلبٍ من وداعك مريض
‏ما شكى للناس همــــــه ولا باح وجعه

‏صاينٍ حبـك ويدراه من حكي البغيض
‏بالوفا عايـــــش حياته وكن عادك معه

‏شفنــــي على خبرك ابد ماتغيرت
‏كل المشاعــــــر في غيابك يتيمه

‏مهما غيابــــك طال ومهما تأخرت
‏معزتـــــــك تبقى بصدري مقيمــه

‏يقول طاح الحطب وأقول في جوفي
حتى الحطب من حرارة شرهتي رمد

والله م هو من ضعفـــي ولا خوفــــي
يوم أنت تخطـــــي علي وأصد متعمد