‏جيتك على بحر العشق اقطع شواطيك
يامن ملك روحـــي هواك ماني بناسيك

لاتفكرني فــــي غيابـــي صرت اجافيك
لاوعمر المشاعـــر في كل لحظه تناديك

اذا أمتلت بك عيــــــــن منهو يحبـــك
ماعاد تاســـــــع عينه لباقـــــــي الناس

مايشـــــــوف غيرك ولا يبي غير قربك
لـ أنك ملكت اغلى المشاعر والاحساس

‏شرعت لك باب صدري يوم مالك خشير
‏وخليتك تشوف صرح العشق من نافذه

‏تطمــن القلب طيرٍ فـــــــي يدك مايطير
‏ان ماخـــذه موت ولا ماحـــــــدٍ بماخذه

‏حبه معانقنــــــي مثــــل زفر الانفاس
سيطر على قلبــــــــــي ولا حدٍ يزيحه

‏لو خذاك الوقت منـــــــــــــي والاماكن
‏تتعب الدنيا ولاتاخـــــذ غـــــــــــــلاتك

‏من دونك الليل موحش والدقايق طوال
مليت وانا أنتظـرك وعينــــــي لـ ساعتي

إن ماقدرت المجـــي لاتبخل بـ الاتــصال
أشتاقت إذني وجوالــــــــــــي وسماعتي

‏أقصى عروق القلب تنبض لك شعور
يا من غـلاك بداخــــــل القلــب مالك

لا زارني طيفك غشـــــى جيتــك نور
أكبر شعــور الشـــــــوق اعانق خيالك

‏منـــك أحب ولك أتوق وفيك أهيم
‏وبك أعيـــش ولأجلك أبقى والأكيد

‏ما طمعت بشيء من عمــري القديم
‏غير أعيده وأعشقــــك به من جديد

الحب لك ماهو مجرد قصيـــــــــــدة
ماهو كلام عابر يكتب بكــــــــــــراس

حبك ملك قلبي وساكن وريــــــــــده
شعور حبي لك عطيته واﻻحســــاس

‏اذا مر نص الليل قلبـــــــي يجـيه اخلاج
‏على واحدن عينـي على شوفته محتاجه

‏وجودي على اللـي شـوفته للسقيم علاج
‏وجود الحزين اللي فقـد ضحكة حجاجه