أعاهـــــــــدك ببقى أنا وانت خلان
ودرب المحبــــــه يالغالــــــي ندله

ياصاحبـــــي خل المحبة لنا إنسان
إنسان مايرضى بحكـــــــــم المذلة

النادر اللي وسط قلبـــــــي اخبيه
تعبت الاقـــــــي بالبشر جنس زيه

يارب ساعدنـي اشــــــوفه والاقيه
واعــوضك ياعمـــــــر باحلى هديه

‏يـا جوهر الصباح يانبضه ويا روحـه
يسعد صباح الغلا والشوق و عيونك

دامك صباح القصيد إللي لك أبوحـه
يسعد صباح الوله في قلب مجنونك

العيــــن تلمح في نظـرها مـلايين
والقلب يعشق فـي الملايين واحد

كيف أتفق في حبك القلب والعين
وحدك ملكتهم و صاروا شــــواهد

‏كم غالــــي ودنـا نـدري عن أحـواله
ويحـدنا وقتـنـا ويحـــول مـن دونه

الناس مـا بـيـن نـصـاحـه وعـذالـــه
والقلـب للنـاس ما بيحت مكنــــونه

اص يا نبضــــــــي ولااسمع كلام
‏وش جنينا غيـــر تنهيدة قهــــــر

‏استبيحـــــك عذر يا جرحي بنام
‏وأنت بعدي لا تطــــــــول بالسهر

انا فـي رجا ربٍ بعــــزة جــــلاله جل
ولاأطلب سوا ربي ولاأرجي سوا حله

هو الواحــد اللي مامعي غير حله حل
عليه اشتكي مايحتــوي خاطــري كله

ماتدوم السعاده لو يطول المطـال
والشقـا بالمحبــــه باقي والدليــل

اول الحب نظــــره وابتسامة دلال
وأخــر الحب دمعه وابتعـاد طويل

‏مابقى عندي ســــوى اربع حروف
والحروف الباقيه فيها خــــــلاف

‏الألف والحاء فــي روس الصفوف
‏و بالأخير الباء و يتبـــــع له بكاف