أقفت بي الدنيا ولا أدري على وين وفينــــي بعـد ماغبت الأيام جارت

كلن توســـع خاطره دمعة العيـــــن
و أنا دموعي داخل العيـــــن حارت

ياللي تجــــــونه دامنـي مقدر اجيه
وصــــــوا ذهــابه لايــشــــــح بإيابه

وقــــولوا له اني من كثر ماني اغليه
اشرب سرابه وارتــــــــوي من سرابه

‏حي المســــاء اللي نشوفك تجي فيه
ياللي عليـــك الــــروح كل يـوم تـولـه

يا لذ واجمــــل شي تطــــــري طواريه
ياغايـــه المشتــــاق واللي يـقـــــــولـه

‏تعيش بالوجدان ماعاش هـ الرأس
لولاك قلـــي وش أنا عايــــــش له

إن زانت الأيــام ياشـــوق لا بــأس
وإلا صـــبرنا اليـــــن ربــك يحـــله

‏قبل الغرام و قبل ما أصير مغليك
أعاهــدك ما أقــــول غيرامر وسم

رايح أكــون إنسان يفهــم مباديك
أشاركك بالضحــك والحزن والهم

‏لاتحسبً فــــــرقاك سهله على القلب
‏ليتك تجي لحظه تنظـــــر كيف حالي

‏صاير حزن النفس وعلى حالـي اغلب
‏قانع و راضــي بحكم الله بلي جرالي

‏غرست حبك والغلا داخلي غــرس
وباقي الـوفا والشوق يالزين نس نس

أقسم بربي لا احرسك دايمن حـرس
يأجمل قدر في دنيتي يوم عس عس

‏خذنــي على قد المحبه والاحساس
تــــــــــــــــرى محبتكم بقلبي كبيره

أنت الوله وانت الغلا وانت الأنفاس
وانت العطـــــــــور اللي تناثر عبيره

تبـــي الصحيـــح أنــــي بليـاك مفقــود
جسمـــي هـــنا والروح عــندك وهايب

تفـــداك عــين تنظـرك وأنـــت موجود
ويفـــداك قلــــب يذكرك وأنـــت غايب

كان المحبـــــه هجر فالله يجازيك
واذا الزمـــن حـدك ترانـــي حلالك

ضامـــي وصالك والمعاليق ترجيك
رجوى اليتيم اللي من الضيم جالك