‘’ዛላንበሳ ጨምሮ በኤርትራ ሰራዊት በተያዙ የኢሮብ አካባቢዎች ነዋሪዎች ከፍተኛ ጉዳት እየደረሰባቸው ነው’’ ሲል የህዝብ እንባ ጠባቂ ተቋም የመቀሌ ቅርንጫፍ ጽሕፈት ቤት አስታወቀ‼️
በዛላንበሳን ጨምሮ በኤርትራ ሰራዊት እጅ በሆኑ የኢሮብ አካባቢዎች አገልግሎት መስጠት እንዳልቻለ ጽሕፈት ቤቱ አስረድቷል፡፡

‘’የፌደራል መንግስት እና በሃወሃት መካከል ተደርጎ በነበረው ጦርነት ምክንያት በኤርትራ ሰራዊት እጅ የገቡ አካባቢዎች ባለመለቀቃቸው የአካባቢው ተወላጆች ላይ ችግር እየደረሳባቸው’’ እንዳለ የጽሕፈት ቤቱ ሃላፊ ፀሃዬ እንባዬ ተናገረዋል፡፡

በኢሮብ የነበረው የባንክ፣ የስልክ  እና መሰል አገልግሎት በጦርነቱ ወቅት ከተቋረጠ ወዲህ ዳግም አልተመለሰም ተብሏል፡፡

በዚህም ምክንያት ‘’በኤርትራ ሰራዊት እጅ ባሉ እና ከኢሮብ አካባቢ ወደ አዲግራት እንዲሁም ጎረቤት ከተሞች 100 ኪ.ሜ ለማይሞላ መንገድ 600 ብር እየከፈሉ’’ እንደሆነ ኃላፊው ተናግረዋል፡፡

በተያዙ አካባቢዎች ያሉ ትምህርት ቤቶች እና የጤና ተቋማት እስካሁን ከአገልግሎት ውጭ ናቸው፡፡
ሸገር

@ethio_mereja_news
@ethio_mereja_news

በኮንሶ ዞን “የታጠቁ ኃይሎች” ባደረሱት ጥቃት፤ የፖሊስ አባላትን ጨምሮ 11 ሰዎች ተገደሉ‼️

ደቡብ ኢትዮጵያ ክልል፣ በኮንሶ ዞን፣ ሰገን ከተማ ባለፈው ቅዳሜ እና ከትላንት በስቲያ እሁድ በደረሰ ጥቃት፤ ስድስት ነዋሪዎች እና አምስት የፖሊስ አባላት ተገድለዋል።
ጥቃቱን ያደረሱት “የታጠቁ ጽንፈኛ ኃይሎች ናቸው” ሲሉ ዋና አስተዳዳሪው ወንጅለዋል።

በደራሼ ወረዳ ከምትገኝ ሀይቤና ከተባለች ቀበሌ እንደመጡ የተነገረላቸው የታጠቁ ኃይሎቹ፤ ወደ ሰገን ከተማ “በድንገት” የገቡት ቅዳሜ ነሐሴ 11፤ 2016 አመሻሽ ላይ መሆኑን አቶ ኡርማሌ ገልጸዋል።

ታጣቂዎቹ ወደ ከተማይቱ ከገቡ በኋላ “ከባድ ተኩስ” መክፈታቸውን የገለጹት የወረዳው ዋና አስተዳዳሪ፤ በመጀመሪያ ኢላማ ያደረጉት “የወረዳው የአስተዳደር እና የጸጥታ ተቋማት ላይ” እንደነበር አስረድተዋል።

“ቀጥታ ተኩሱን የከፈቱት ወደ አስተዳደር እና ወደ ፖሊስ ጽህፈት ቤት፤ ፖሊስ ጣቢያው ላይ ነው። ከቅዳሜ ለሊት 6 ሰዓት እስከ 10 ሰዓት ሲታኮሱ ቆዩ። ከዚያ በኋላ በመሃል ረገብ አለ። ማለዳ ላይ 12 ሰዓት አካባቢ [በድጋሚ] ጀመሩ” ሲሉ አቶ አርማሉ በዕለቱ የነበረውን ሁኔታ አብራርተዋል።

ታጣቂዎቹን “በደንብ የተደራጁ” ሲሉ የገለጿቸው የሰገን ዙሪያ ወረዳ ዋና አስተዳዳሪ፤ በተኩስ ልውውጡ አምስት የፖሊስ አባላትን መግደላቸውን ተናግረዋል።
ከዚህ በተጨማሪ በርካታ ቤቶችንም ጭምር አቃጥለዋል።

(ayu)

@ethio_mereja_news
@ethio_mereja_news

በአማራ ክልል ሰሜን ሸዋ ዞን በኤፍራታና ግድም ወረዳ በሁለት ቀበሌዎች በመሬት መንሸራት ምክንያት በ 156 የግለሰብ ቤቶች ላይ ጉዳት አደረሰ‼️

በሰ/ሸዋ ዞን ኤፍራታና ግድም ወረዳ በበርግቢ ቀበሌ እና በመንተኬ ሸረፋ ቀበሌ የመሬት መንሸራተት ተከስቷል።

በመሬት መንሸራተቱ ምክንያት በዕለቱ በሰው ህይወት ላይ ያደረሰው ጉዳት ባይኖርም በአንድ መቶ ሃምሳ ስድስት የግለሰብ የመኖርያ ቤትን ጨምሮ፣ ማሳ ላይ እና ቋሚ ተክሎች ላይ ጉዳት አድርሷል።

በዚህም መሠረት በርግቢ ቀበሌ በነሃሴ 07/2016 ዓ.ም ባስከተለው ከባድ ዝናብ የ24 ግለሰቦች ቤት የመፈራረስ እና ከነበረበት ቦታ ዝቅ የማለት(የመስጠም) አደጋ የደረሰባቸውና ቤቶቹ ከጥቅም ውጭ የሆኑ ሲሆን በዚሁ ቀበሌ በነሃሴ 12/2016 ዓ.ም በ12 አርሶ አደሮች ማሳ ላይ የመሬት መንሸራተቱ ተከስቷል።

ከዚህ በተጨማሪም በነሃሴ 12/2016 ዓ.ም በመንተኬ ሸረፋ በሶስት ጎጦች ላይ በ132 ግለሰቦች የመኖሪያ ቤት ላይ እና የቋሚ ተክሎች ላይ ጉዳት ያደረሰ ሲሆን ለጊዜው የመሬት መንሸራተት የተከሰተባቸው ቤቶች እና ተክሎች ለጊዜው ሙሉ በሙሉ የጠፉ ባይሆንም የክረምቱ የዝናብ መጠን በዚሁ የሚቀጥል ከሆነ ከጥቅም ውጭ መሆናቸው አይቀርም ሲሉ የዘገበው የወረዳው ኮሙኒኬሽን ቢሮ ነው

@ethio_mereja_news

ጠ/ሚኒስትር መለስ ዜናዊ ከዚህ አለም በሞት ከተለዩ 12 አመት ሆኗቸዋል

ከ 12 አመታት በፊት ነሃሴ 14 ቀን የቀድሞዉ ጠ/ሚኒስትር እና የህወሓት ሊቀመንበር የነበሩት መለስ ዜናዊ አስረስ ከዚህ አለም በሞት የተለዩበት እለት ነዉ።

ጠ/ሚኒስትር መለስ ላይ ኢትዮጵያዊያን ሁለት አይነት አመለካከት ያላቸዉ ሲሆን ግማሾች ባለራዕይ ፣ ቆራጥ እና ጀግና መሪ ሲሏቸዉ ግማሾች ኢትዮጵያን የብሔር ፖለቲካ ዉስጥ የከተቱ ፣ ከፋፋይ እና ሴረኛ መሪ ይሏቸዋል።

በጠ/ሚኒስትር መለስ አገዛዝ ዘመን ኢትዮጵያ የኢኮኖሚ እድገት ያሳየችበት ፣ የአባይ ግድብ ግንባታ የተጀመረበት እንዲሁም በርካታ ዩኒቨርስቲዎች የተከፈቱበት እና ከቀደመዉ አገዛዝ ለዉጥ የታየበት ነዉ ሲሉ በርካቶች ግን ኢትዮጵያዊ ዛሬ ላይ ጭምር ላለችበት የብሔር ግጭት መሰረት የጣሉ ሰዉ ናቸዉ ይሏቸዋል።

ጠ/ሚኒስትር መለስ በ 2004 ዓ.ም ነበር ከዚህ አለም በሞት የተለዩት። ጠ/ሚኒስትሩ ለ 2 ወራት በህክምና ሲረዱ ቆይተዉ በቤልጂየም ህይወታቸው ማለፉን በወቅቱ የኢትዮጵያ ቴሌቪዥን መዘገቡ አይዘነጋም። ጠ/ሚኒሰትሩ በሌሊት ህልፈታቸዉ የተሰማ ሶሆን በኋላ ነሃሴ 14 ቀን 2004 ዓ.ም ነበር በ 57 አመታቸዉ ከዚህ አለም በሞት የተለዩት።

ዉድ የኢትዮ መረጃ ቤተሰቦች ስለ ጠ/ሚኒስትር መለስ ዜናዊ ምን ያስባሉ?

ጠንካራ እና ባለራዕይ መሪ ናቸዉ? ለምትሉ ❤

ኢትዮጵያ ለገባችበት ቀዉስ ተጠያቂዉ ሰዉ ናቸዉ ለምትሉ 💯

@ethio_mereja_news
@ethio_mereja_news

" ከተያዘው እቅድ ውጭ እኛ የማናቀውን ስብሰባ ማካሄድ አይቻልም " - የትግራይ ጊዜያዊ አስተዳደር

በትግራይ ክልል ፣ በመንግስት መስሪያ ቤቶች ጊዚያዊ አስተዳደሩ የማያውቀው ማንኛውም ሰብሰባ ማካሄድ የሚከልክል የስራ መመሪያ ይፋ ተደረገ።

ከትግራይ ጊዚያዊ አስተዳደር ፅህፈት ቤት በፕሬዜዳንት ጌታቸው ረዳ ፊርማ ለሁሉም
የዞን አስተዳደሮች
ለወረዳ አስተዳደሮች
የክፍለ ከተማ አስተዳደሮችና
የወረዳ ምክር ቤቶች 
የተላከው ደብዳቤ እንደሚያመለክተው ጊዚያዊ አስተዳደሩ ከፈቀደው ውጪ ሌላ ስብሰባ ማካሄድ አይቻልም ይላል።

@ethio_mereja_news
@ethio_mereja_news