ከቀያቸው የተፈናቀሉ #ኢትዮጵያውያን ቁጥር 4 ነጥብ 5 ሚሊየን እንደሚገመት ተገለጸ

በኢትዮጵያ በተለያዩ የሀገሪቱ ከተሞች እና ገጠራማ አከባቢዎች ተጠልለው የሚገኙ 4 ነጥብ 5 ሚሊየን የሀገር ውስጥ ተፈናቃዮች መኖራቸው ተገለጸ።

የተባበሩት መንግስታት ድርጅት የሰብአዊ ጉዳዮች ማስተባበሪያ ቢሮ (ኦቻ) ባወጣው ሪፖርት አብዘሃኛዎቹ ተፈናቃዮች የሚገኙት በሶስት ክልል ነው ብሏል፤ #በሶማሊያ፣ #ኦሮምያ እና #ትግራይ።

አብዘሃኛዎቹ ቀያቸውን ጥለው እንዲፈናቀሉ ያደረጋቸው በሀገሪቱ የተከሰቱ ግጭቶች መሆናቸውንም ቢሮው አመላክቷል።

ቀያቸውን ጥለው ከተፈናቀሉ የሀገሪቱ ዜጎች ውስጥ 56 በመቶ የሚሆኑት ቤታቸውን ጥለው ከወጡ ሶስት አመት ሞልቷቸዋል ሲል የገለጸው ቢሮው 23 በመቶ የሚሆኑት ደግሞ ከሁለት እስከ አራት አመት የሆናቸው ናቸው ብሏል፤ 11 በመቶ የሚሆናቸው ደግሞ ከቀያቸው ከተፈናቀሉ አምስት እና ከዚያ በላይ አመታት ማስቆጠራቸውን ጠቁሟል።

ከጥር 2014 ዓ.ም ወዲህ 3 ነጥብ 3 ሚሊየን የሚሆኑ ተፈናቃዮች ወደ መኖሪያቸው እንዲመለሱ መደረጉን ያስታወቀው ማስተባበሪያ ቢሮው በተለያዩ የሀገሪቱ ክፍሎች ቀያቸውን ጥለው የሚፈናቀሉ ሰዎች ቁጥር እየጨመረ በመምጣቱ በሀገሪቱ የተፈናቃዮች ቁጥር 4 ነጥብ 5 ሚሊየን መድረሱን አስታውቋል።

በርካታ ተፈናቃዮች በተለይም ደግሞ ለተራዘመ ግዜ ከቀያቸው ተፈናቅለው የቆዮ ዜጎችን የተወሰነ ድጋፍ ተደርጎላቸው እንዲመለሱ ወይንም ደግሞ አሁን ተጠልለውባቸው በሚገኙባቸው አከባቢዎች ከሚኖሩ ማህበረሰብ ክፍሎች ጋር ኑሮ መስርተው እንዲኖሩ ማድረግ አለያም ደግሞ ወደ ሌላ አከባቢ እንዲዛወሩ ማድረግ እንደሚቻል ያካሄደውን ጥናት ዋቢ በማድረግ ቢሮው አመላክቷል።(አዲስ )

@sheger_press

አመራሩ በጥይት ተደብድበው ተገደሉ‼️
በአማራ ክልል የኦሮሞ ብሄረሰብ ልዩ ዞን ዋና አስተዳዳሪ አቶ አህመድ አሊ ዛሬ ምሳ ሰዓት አካባቢ ከጁመዓ በኋላ ከመስጊድ ሲወጣ በተተኮሰባቸው ጥይት ህይወታቸው ማለፉን የአዩዘበሀሻ ምንጮች ገልጸዋል።
በዚህ የተነሳ በከሚሴ ከተማ የባጃጅ እንቅስቃሴ ታግዷል ሲሉ ነዋሪዎቹ ለአዩዘሀበሻ ተናግረዋል።
#አዩዘሀበሻ

@sheger_press

በኢትዮጵያ “ቀዳሚ” እና “አሳሳቢው” የሰብአዊ መብት ጥሰት፤ በሲቪል ሰዎች ላይ የሚደርስ ሞት እና የአካል ጉዳት መሆኑን ኢሰመኮ አስታወቀ

በኢትዮጵያ ባለፈው አንድ ዓመት ከተከሰቱ የሰብአዊ መብት ጥሰቶች ውስጥ በቀዳሚነት አሳሳቢ የሆነው፤ በሲቪል ሰዎች ላይ የደረሰው የሞት እና የአካል ጉዳት መሆኑን የኢትዮጵያ ሰብአዊ መብቶች ኮሚሽን (ኢሰመኮ) ገለጸ። በርካታ ሰዎች ለሞት እና ለአካል ጉዳት የተዳረጉት፤ በመንግስት የጸጥታ ኃይሎች እና በታጣቂ ቡድኖች በተወሰዱ እርምጃዎች መሆኑንም ኮሚሽኑ አስታውቋል።

▶️ ብሔራዊው የሰብአዊ መብቶች ተሟጋች ተቋም ይህን የገለጸው፤ “የኢትዮጵያ ሰብአዊ መብቶች ሁኔታ” የዳሰሰ ዓመታዊ ሪፖርት ዛሬ ሰኔ 28፤ 2016 በዋና መስሪያ ቤቱ ይፋ ባደረገበት ወቅት ነው።

▶️ ከሰኔ 2015 እስከ ሰኔ 2016 ድረስ ያለውን ጊዜ የሚሸፍነው ይህ ሪፖርት፤ አሳሳቢ እና በቀጣይ ትኩረት የሚሹ  ጉዳዮችን፣ መልካም እምርታዎችን እና ምክረ ሀሳቦችን የያዘ ነው። 

▶️ በሶስት ክፍሎች የተሰናዳው ባለ 132 ገጽ ዓመታዊ ሪፖርት፤ በኢትዮጵያ ያለውን የሰብዓዊ መብቶች ሁኔታ “ጠቅለል ባለ መልኩ የሚያሳይ” መሆኑን የኢሰመኮ ዋና ኮሚሽነር ዶ/ር ዳንኤል በቀለ ተናግረዋል። 

▶️ ሪፖርቱ በኢትዮጵያ ውስጥ “የተከሰቱ የሁሉም ክስተቶች እና የሰብዓዊ መብቶች ጉዳዮች ሙሉ ስብስብ” አለመሆኑን አስገንዝበዋል። 

▶️ ዶ/ር ዳንኤል “በሪፖርት ዘመኑ አሳሳቢ ሆነው ከቀጠሉ ጉዳዮች መካከል በቀዳሚነት የሚጠቀሰው በህይወት የመኖር መብት ነው” ሲሉ አጽንኦት ሰጥተዋል። 

🔴 ለዝርዝሩ➡️ https://ethiopiainsider.com/2024/13525/

@ethio_mereja_news
@ethio_mereja_news

የጎንደር ከተማ አሥተዳደር ወንጀለኞችን ለመቆጣጠር ልዩ መመሪያ አወጣ፡፡

በጎንደር ከተማ አገልግሎት የሚሰጡ ባለ ሦስት እግር የባጃጅ ተሽከርካሪዎች በግራ በኩል ያለውን ሸራ እና በቀኝ በኩል የሚገኘውን መጋረጃ ሳያነሱ ማሽከርከር እንደማይችሉ የከተማው ፖሊስ መምሪያ ገልጿል።

የጎንደር ከተማ አሥተዳደር ፖሊስ መምሪያ ኀላፊ ረዳት ኮሚሽነር አየልኝ ታክሎ እንደገለጹት በከተማው አገልግሎት የሚሰጡ የባለ ሦስት እግር ባጃጅ ተሽከርካሪዎች ለእይታ ግልጽ እንዲኾኑ የግራ ሽራና በቀኝ በኩል መጋረጃዎችን ከሰኔ 30/2016 ዓ.ም ጀምሮ ክፍት አድርገው እንዲያሽከረክሩ ታዟል።

ከአሁን በፊት በተደረገው የባጃጅ የስዓት ገደብ እገታ እና የተለያዩ ወንጀሎችን ማስቆም እንደተቻለ የገለጹት ረዳት ኮሚሽነር አየልኝ በሕገወጥ መንገድ ያለ ታርጋ ሲንቀሳቀሱ የነበሩ፣ የከተማ ፍቃድ የሌላቸው እና በእገታ ወንጀል የተጠረጠሩ 56 ባጃጆች መያዛቸውን ገልጸዋል።

ለቁጥጥር እንዲያመች፣ በወንጀል የሚጠየቁ እንዲታዩ እና ለተገልጋዩ ግልጽ እንዲኾኑ የግራ ሸራ እና የቀኝ መጋረጃ ክፍት አድርገው አገልግሎት ሊሰጡ እንደሚገባ ኮሚሽነሩ አሳስበዋል።

ተግባራዊ በማያደርጉ የባጃጅ ተሽከርካሪዎች ላይ እርምጃ የሚወሰድ መኾኑንም ገልጸዋል።

ታርጋው በቅጣት የተፈታበት፣ የከተማ ፍቃድ የሌላቸው ባጃጆችን በከተማው ማሽከርከር እንደማይቻል እና ይህን ተላልፈው በሚገኙት ላይ እርምጃ የሚወሰድ መኾኑን ኮሚሸነሩ አሳስበዋል።

የከተማ አስተዳደሩ ኮሙኒኬሽን መምሪያ መረጃ እንደሚያሳየው በጎንደር ከተማ አሥተዳደር ከ5 ሺህ በላይ የከተማ ፍቃድ ያላቸው ባጃጆች ያሉ ሲኾን ከ500 በላይ የከተማ ፍቃድ የሌላቸው ባጃጆች ደግሞ ወደ ወረዳ መውጣታቸው ነው የተገለጸው። (አሚኮ)

@ethio_mereja_news

Netflix እውነተኛ ታሪክ ላይ የተመሰረተ ብሎ መስራት ያለበት ፊልም አልያም ምርጥ እና አስተማሪ ዶክመንትሪ የሚወጣው ታሪክ በሀገራችን እግርኳስ ተመዝግቧል!

በፀሎት ልዑልሰገድ 2014 ኢትዮጵያ መድንን ከከፍተኛ ሊግ ወደ ዋናው ሊግ ቢያሳድገውም ለፕሪምየር ሊግ ልምድ የለክም አትመጥንም ብሎ አሰናበተው። በጊዜውም በስፖርት ቤተሰቡ ዘንድ እና በሚዲያዎች ትልቅ መነጋገሪያ ሆኖ አለፈ....

ከመድን የተሰናበተው አሰልጣኝ በፀሎት በ2015 አዲስ የቤት ስራ ተሰጠው። ንግድ ባንክን ከከፍተኛ ሊግ ወደ ፕሪሜር ሊግ ማሳደግ። እሱም አላሳፈራቸውም ከምድቡ 1ኛ በመሆን ወደ ፕሪምየር ሊጉ አስገባቸው።

በመቀጠልም እንደ ቀድሞው ክለቡ ሊያሰናብቱት አልፈለጉም ይልቁኑም የሚፈልጋቸውን በርካታ ተጫዋቾች አስፈርሞ በሊጉ አስተማማኝ እና ጥሩ የሚባል ደረጃ ላይ እንዲቆይ ሀላፊነት ተሰጠው። እሱ ግን ተፎካካሪ ብቻ ሳይሆን ክለቡን ባደገበት ዓመት በ2016 የዋንጫ ባለቤት ማድረግ ቻለ።

ከምንም በላይ ድሉን ደግሞ ጣፋጭ የሚያደርገው በመጨረሻ ጨዋታ ለሊጉ ልምድ የለክም ብሎ ያባረረውን ክለብ ገጥሞ አሸንፎ ዋንጫውን መውሰዱ ነው።{✍️አማኑኤል አስራት}

ልጆች ከትምህርት ዉጪ በሚኖራቸው ጊዜ በቂ እረፍት አለማድረጋቸው የስነ-ልቦና ጫና ሊያስከትልባቸው ይችላል ተባለ‼️
መደበኛ የትምህርት ጊዜ እየተገባደደ መምጣቱን ተከትሎ ልጆች የሚኖራቸውን የእረፍት ጊዜ ማህበራዊ መስተጋብራቸውን የሚያጎለብቱበትን ክንውኖች በማድረግ ማሳለፍ እንደሚገባቸው የትምህርት ባለሙያ  ዶ/ር መክበብ ጣሰው ገልጸው በሃገራችን በትምህርት ስርአት ዉስጥ ያለው የእረፍት ጊዜ ለልጆች አመቺ አለመሆኑንም ይናገራሉ፡፡

በእረፍት ጊዜ የሚሰጡና ከመደበኛ ትምህርት  ጋር ተቀራራቢ የሆኑ ትምህርቶች በልጆች ስነ ልቦና ላይ የሚያሳድረውን ጫና የሚናገሩት የስነ ልቦና ባለሙያው ልኡል አብርሃም ናቸው ፡፡

ባለሙያው ከመደበኛ ትምህርት ጊዜ ዉጪ ያለውን የእረፍት ጊዜ ክህሎቶች በሚያዳብሩና በሚያዝናኑ ተግባራት እንዲያከናውኑ በማደርግ የልጆችን ስነ ልቦና የማነቃቃትና ከሰዎች ጋር ያላቸውን ግንኙነት ማጠናከር እንደሚገባም አስገንዝበዋል፡፡
                   
በሃገራችን የትምህርት ፖሊሲ መሰረት ከመስከረም እስከ ሰኔ ያለው የት/ት ጊዜ መሆኑ የሚታወቅ ሲሆን የዘንድሮው አመትም ተጠናቆ የእረፍት ጊዜ መሆኑ ይታወቃል፡፡

@ethio_mereja_news
@ethio_mereja_news

ምርጫ ቦርድ፣ በአራት ክልሎች ሰኔ 16 የድጋሚና ቀሪ ምርጫዎች ባካሄደባቸው የምርጫ ክልሎች ገዥው ብልጽግና ፓርቲ በከፍተኛ ድምጽ አብዛኞቹን ወንበሮች ማሸነፉን ይፋ አድርጓል።

ቦርዱ ይፋ ባደረገው ውጤት፣ ከቤንሻንጉል ጉሙዝ ክልል ብልጽግና ፓርቲ አራት የሕዝብ ተወካዮች ምክር ቤት መቀመጫዎችን ሲያገኝ፣ ተቃዋሚዎቹ ቦሮ ዴሞክራሲያዊ ፓርቲ እና የጉሙዝ ሕዝቦች ዴሞክራሲያዊ ንቅናቄ (ጉሕዴን) እያንዳንዳቸው አንድ መቀመጫ አሸንፈዋል።

ከክልሉ ምክር ቤት መቀመጫዎች ደሞ፣ ብልጽግና ፓርቲ 60 መቀመጫዎችን ሲያሸንፍ፣ ቦሮ ዴሞክራሲያዊ ፓርቲ ሦስት እንዲኹም ጉሕዴን ስምንት መቀመጫዎችን አሸንፈዋል።

ብልጽግና ፓርቲ፣ በአፋር ክልል ለሕዝብ ተወካዮች ምክር ቤት ኹለት፣ ለክልል ምክር ቤት 27፤ በማዕከላዊ ኢትዮጵያ ክልል ሦስት የክልል ምክር ቤት መቀመጫዎችን እንዲኹም በሱማሌ ክልል ሰባት የክልል ምክር ቤት መቀመጫዎችን እንዳሸነፈ ተገልጧል።

@ethio_mereja_news

ሌላም ሰው በጥይት ተገደለ

ከትናንት በስተያ አማራ ክልል የኦሮሞ ብሄረሰብ ዞን ዋና አስተዳዳሪ አቶ አህመድ አሊ በተተኮሰባቸው ጥይት መገደላቸው ይታወሳል።

በተመሳሳይ ሁኔታ በትላንትናው እለት ደዋ ጨፋ ወረዳ ሶዬ በተባለ ቀበሌ አንድ የግብርና ባለሙያ በተተኮሰበት ጥይት ህይወቱ ሲያልፍ አብረውት የነበሩና አቶ ኑሩ የተባሉ የደዋ ጨፋ ወረዳ ባህልና ቱሪዝም ኃላፊ በጥይት ቆስለው ህክምና ላይ እንደሚገኙ የደረሰኝ መረጃ ያመለክታል።
(wasu)

@sheger_press
@sheger_press

የ2016 የትምህርት ዘመን የ12ኛ ክፍል ማጠናቀቂያ ብሔራዊ ፈተና በወረቀት እና በኦንላይን እንደሚሰጥ ትምህርት ሚኒስቴር አስታውቋል፡፡

በተለያዩ ማኅበራዊ ሚዲያዎች የኦንላይን ፈተናው እንደቀረ ተደርጎ የሚሠራጨው መረጃም ፍጹም ከእውነት የራቀ ሐሰተኛ ነው ብሏል።

በመሆኑም ተማሪዎች ፈተናው በወረቀት እና በኦንላይን እንደሚሰጥ አውቀው ዝግጅት እንዲያደርጉ አሳስቧል።

@ethio_mereja_news

ለምን ክስ መሰረተብን በማለት ከእናታቸው ጋር በመተባባር ወንድማቸውን ደብድበዉ የገደሉ ግለሰቦች በእስራት ተቀጡ

በሰሜን ሸዋ ዞን ደብረ ሊባኖስ ወረዳ ድሬ ጅቦ ቀበሌ አዳነች ታደሉ የተባሉ የ62 ዓመት እናት እና ፍቅሬ ታፈሰ ፣ ለማ ታፈሰ ፣ መንግስቱ ታፈሰ የተባሉ ወንድማማቾች  የገዛ ወንድማቸዉን መለሰ ታፈሰን ለምን ክስ መሰረትክብን በማለት የወንጀል ድርጊቱን መፈጸማቸው ተገልጿል ።

መለሰ ታፈሰ  አግብቶ ከቤት ወጥቶ የሚኖር ሲሆን እናታቸው  ያላቸው ሀብት እና ንብረት በሙሉ ለሶስቱ ልጆች ብቻ  እንዳወረሱ ይሰማል።   በዚህም እንዴት አንተ የመጀመሪያ ልጅ  አንተ እያለህ ታናናሾችህ  ብቻቸውን ይወርሳሉ በሚል ባለቤቱ  ትናገራዋለች፡፡ ይህንኑ ተከትሎ ከቤተሰቦቹ ጋር ግጭት የተፈጠረ መሆኑ ተገልጿል ፡፡ በመሆኑም ከውርስ በመነሳቱ ለምን በማለት እናቱን ላይ ክስ ይመሰርታል።

ፖሊስም  ጉዳዩን በመመልከት  በሽምግልና እንዲፈትቱ የሚል ምላሽ ሰጥቷቸው እንደነበር የሰሜን ሸዋ ዞን ዓቃቢ ህግ ጽ/ቤት ዓቃቢ ህግ የሆኑት አዲሱ አሰፋ በተለይ ለብስራት ሬዲዮ እና ቴሌቪዥን ተናግረዋል  ።ይሁን እና እናት እና ሶስት ልጆች ከፖሊስ ጣቢያ ወደ ቤት ሲመለሱ  የከሰሳቸውን  ልጃቸውን ከባለቤቱ ጋር ያገኙታል እናም እንዴት  እናታችን ላይ ክስ ትመሰርታለገህ ፤ እናታችንን እየጦርን ያለነው  እኛ ነን  በሚል በመካከላቸው ግጭት ይፈጠራል ።

በመካከላቸው የተፈጠረው አለመግባባት  ወደ ጸብ  አምርቶ በዱላ ይደበድቡታል ፡፡እናትም በድንጋይ ልጇን ጭንላቱ ላይ ትመታዋለች  ። በወቅቱ  ባላቤቷ ጉዳት ሲደርስበት የተመለከተችው ሚስት በአካባቢው ያለ ሰው በመጥራት እርዳታ ትጠይቃለች ። ጉዳት የደረሰበት መሰለታፈሰ በደረሰበት ድብደባ ከፍተኛ ደም የፈሰሰዉ በመሆኑ ህይወቱ ያልፋል። ፖሊስ ጉዳዩን  ከሟች ሚስት እንዲሁም የተለያዩ መረጃዎችን እና የአስከሬን ምርመራ በማድረግ  የምርመራ መዝገቡን አጣርቶ ለዓቃቢ ህግ ልኳል።

ዓቃቢ ህግ ጥር 5 ቀን 2015ዓ.ም  የተፈጸመውን  ከባድ የሰው መግደል ወንጀል ሶስቱን ልጆች እና እናታቸው ላይ በሰሜን ሸዋ ዞን ከፍተኛ ፍርድ ቤት ክስ ይመሰርታል ። ፍርድ ቤቱም  ሶስቱ ወንድማማቿች ጥፋተኛ ሆነው በመገኘታቸው  በ18 ዓመት እስራት እና ወላጅ  እናት ደግሞ ከእድሜያቸው  አንጻር የቅጣት ማቅለያ ተደርጎላቸው  በ1 ዓመት እስራት እንዲቀጡ ውሳኔ ያስተላለፈባቸው መሆኑን የሰሜን ሸዋ ዞን ዓቃቢ ህግ ጽ/ቤት ዓቃቢ ህግ የሆኑት አዲሱ አሰፋ ጨምረው ለብስራት ሬዲዮ እና ቴሌቪዥን ተናግረዋል ።dagu