"እባካችሁ ወጣቶች አትቀመጡ፣ስራ ለመፍጠር ሞክሩ፣እኛ ነፃ ስልጠናና ሌሎች እገዛዎችን እናደርጋለን"EDI

ኢዲአይ ከሰሞኑ ከወዳጆቼ ጋር ለትውውቅና አጭር ስልጠና ጋብዞንን ነበር። በቅድሚ ትውልድን ወደ ስራ ፈጣሪነት ለማስገባት የተቋቋመ በመሆኑ ለተቋሙ የስራ ኃላፊዎች ትልቅ አክብሮት አለኝ።

የኢትዮጵያ ኢንተርፕርነርሺፕ ኢንስትቲዩት(EDI) ይባላል።ከፊል-ራስ-ገዝ የምርምር አስተሳሰብ በኢኮኖሚ ጥናት እና የፖሊሲ ትንተና ፣ ምርምር እና ፖሊሲ ማጠናቀር ፣ አቅም መፍጠር፣ የእውቀት ሽግግር እንዲካሄድ በስራ ፈጠራ ላይ የሚያሰለጥን እና የሚያማክር ተቋም ነው።

በኢትዮጵያ የሚዲያ ኢንድስትሪ ውስጥ ለሚመጣው አዲስ የኢንተርፕርኒያል ሚዲያ አስተሳሰብ የድርሻውን ለመወጣት ነበር ያሰባሰበን።የሚዲያ አንቀሳቃሾቹ በኢኮሲስተም ውስጥ ዋና ተዋናይ መሆን እንዲችሉ ባላቸው ላይ ጥሩ ግንዛቤን ያስጨበጠ ቆይታ ነበር።
"እባካችሁ ወጣቶች አትቀመጡ፣ስራ ለመፍጠር ሞክሩ፣እኛ ነፃ ስልጠናና ሌሎች እገዛዎችን እናደርጋለን" ከተቋሚ የስራ ሃላፊዎች በተደጋጋሚ ሲነገር የነበረ ሃሳብ ነው።የEDI ዋና ዳይሬክተር ዶ/ር ሀሰንን ጨምሮ አሰልጣኞችና አስተባባሪዎች እነ ዳኒ ትውልድ ላይ እየሰራችሁት ያለው መልካም ስራ ለሌሎችም ምሳሌ ነውና በርቱልን።(wasumohammed)

@ethio_mereja_news

ጎንደር‼

ሚያዚያ 4/2016 ዓም ከረፋዱ 5:00 አካባቢ ቦሌ ሚሊኒየም አዳራሽ ጀርባ ከፀጥታ አካላት ጋር በነበረ የተኩስ ልውውጥ ህይወታቸው ያለፈው 2 የፋኖ አባላት ዛሬ በጎንደር ቤተሰቦች አስከሬናቸውን ሳያገኙ ፍትሃትና ባህላዊ የሽኝት ሥነ ሥርዓት አካሂደዋል።።

ናሁሰናይ አንዳርጌ እና አቤኔዘር ጋሻው በተኩስ ልውውጥ ከተገደሉ በኃላ ወላጆቻቸው ወደ አዲስ አበባ በመምጣት አስከሬናቸውን አግኝተው ቀብር ለመፈጸም ፌደራል ፖሊስ ፣ አዲስ አበባ ፖሊስ ፣ ጠቅላይ ሚኒስትር ፅ/ቤት ድረስ ጥያቄ ቢያቀርቡም ምላሽ ሳያገኙ 2 ወር ለሚጠጋ ጊዜ መጠበቃቸውን እና በመጨረሻም ተስፋ መቁረጣቸውን ተናግረዋል።

ዛሬ ግንቦት 26 ቀን 2016 ዓ.ም. ጎንደር ውስጥ የናሁሰናይ አንዳርጌ አስከሬኑ በሌለበት በባህላዊ መንገድ በቤተሰብና በወዳጆች ፍትሃቱና የሽኝት ሥነ ሥርዓቱ በአባ ጃሌ ተክለሃይማኖት ቤተ ክርስቲያን ተፈጽሟል።

አንድ የቤተሰብ አባል ደግሞ " ለቀስተኛው ካለ አስከሬን በተካሄደው የስንብት ሥነ ሥርዓት ላይ ለመታደም ወደ ቤተ-ክርስቲያን እያመራ ሳለ የመንግሥት ፀጥታ ኃይሎች የናሁሰናይ ፎቶ እና ስም ያለበትን 2 ባነር በኃይል ተቀብለዋል። ከዚህ ውጭ ምንም የተፈጠረ ነገር የለም " ብለዋል።

የአቤኔዘር ጋሻው የሽኝት በተመሳሳይ ቤተሰቡ አስከሬኑ ባላገኘበት ሁኔታ ቀደም ብሎ መከናወኑን የቤተሰቡ አባላት ገልጸዋል ሲል ቢቢሲ አማርኛ አስነብቧል።

@ethio_mereja_news
@ethio_mereja_news

ተወዳጁ ተዋናይ አማኑኤል ሐብታሙ ከ42 ቀናት እስር በኋላ ዛሬ ዳይሬክተሩን ዳግማዊ ፈይሳ ጨምሮ ከ20 ተጠርጣሪዎች ጋር ፍርድ ቤት ቀርቧል

"በቡድን በመደራጀት ወጣቶችን መልምሎ በማሰማራት፣ ገንዘብ ለሽብር ቡድኑ ሎጂስቲክስ መግዣ ለማዋል... ሕገ-መንግስቱን እና ሕገ-መንግታዊ ስርዓቱን በኃይል በትጥቅ ትግል ለመቀየር ሲንቀሳቀሱ በመገኘታቸው ተጠርጥረው".... የሚሉ መዘርዝሮችን የያዘ የጊዜ ቀጥሮ ማመልከቻ ፖሊስ ለፍርድ ቤቱ አቅርቧል።

ተዋናይ አማኑኤል እስራኤል አገር "እብደት በሕብረት" የተሰኘ ቴአትሩን ለማሳየት አውሮፕላን ሊሳፈር ሲል ሚያዝያ 15 ቀን 2016 ዓ/ም ከአዲስ አበባ ኤርፖርት በፖሊሶች ተይዞ ወደ አዲስ አበባ ፖሊስ ተወስዶ መታሰሩ ይታወሳል።

አማኑኤል ከታሰረ ከ42 ቀናት በኋላ በዛሬው ዕለት ግንቦት 28 ቀን 2016 ዓ/ም ፖሊስ ፍርድ ቤት አቅርቦት የነበረ ሲሆን ፍርድ ቤቱ ፖሊስ የጠየቀውን ተጨማሪ ጊዜ ቀጠሮ በመፍቀድ ለሰኔ 11 ቀን ተለዋጭ ቀጠሮ ሰጥቷል።

ተዋናይ አማኑኤል በተጨማሪም በቅርቡ በፖሊስ ተይዞ ለእስር የበቃው የ"እብደት በሕብረት" ቴአትር አዘጋጅ አንጋፋው ከያኒ ዳግማዊ ፈይሳን ጨምሮ ሌሎች 20 ሰዎችን በአንድ መዝገብ ለፌደራል መደበኛ ፍርድ ቤት አራዳ ምድብ ጊዜ ቀጠሮ ወንጀል ችሎት ቀርበዋል።

ጠበቆች ተወክለው በመቅረብ የዋስትና መብታቸው ከዚህ ሁሉ የእስር ቀናት በኃላ እንኩዋን ሊፈቀድላቸው የሚገባ መሆኑንና እስሩም አግባብነት የሌለው መሆኑ አንስተው ተከራክረዋል። ሕገ መንግስታዊ እና ስነ ስርአታዊ የሕግ ድንጋጌዎች ተጠቅሶ ሰፊ ክርክር ከተደረገ በኋላ ችሎቱ ሁሉንም ተጠርጣሪዎች ለሰኔ 11 ቀን 2016 ዓ/ም ተለዋጭ ቀጠሮ እንደተሰጣቸው ማረጋገጥ ችያለሁ።