አዲሱ አዋጅ “ስለ መኖሪያ ቤት ኪራይ ውል” ዘመን ምን ዝርዝር ይዟል?

ዛሬ በፓርላማ በጸደቀው “የመኖሪያ ቤት ኪራይ ቁጥጥር እና አስተዳደር አዋጅ” ከተዘረዘሩ ድንጋጌዎች ውስጥ፤ “የመኖሪያ ቤት የኪራይ ውል ዘመንን” የሚመለከቱት የሚጠቀሱ ናቸው።

“የመኖሪያ ቤት ኪራይ የውል ዘመን ከሁለት ዓመት ሊያንስ አይችልም” ሲል የደነገገው አዋጁ፤ ይህ የተደረገበትን ዋነኛ ምክንያት በማብራሪያው ላይ አስፍሯል።

“የአዋጁ ዓላማ የመኖሪያ ቤት ኪራይ የተረጋጋ እንዲሆን ለማድረግ በመሆኑ፤ [ውሉ] ከሁለት ዓመት ያነሰ ቢሆን አከራዩ ውሉን ለማደስ ፍቃደኛ ላይሆን ስለሚችል፤ ተከራይ በየጊዜው በቀጣይ ስለሚከራየው ቤት በመጨነቅ የተረጋጋ ህይወት እንዳይመራ ያደርገዋል” ሲል የአዋጁ ማብራሪያ አትቷል። “ከሁለት ዓመት ያለፈ ዘመን ይኑረው ቢባል ደግሞ የአከራይን መብት እንዳይጫን፤ ሚዛናዊ በሆነ መልኩ የውል ዘመኑ ከሁለት ዓመት ያላነሰ ጊዜ እንዲሆን” መደረጉን የአዋጁ ማብራሪያ አስገንዝቧል።

“አዋጁ ከመውጣቱ በፊት ከሁለት ዓመት በታች የተደረጉ የቤት ኪራይ ውሎች ላይ ይህንን አዋጅ ተግባራዊ ማድረግ ፍትሐዊ ስለማይሆን፤ በውላቸው ላይ ያጸደቁት ቤት ኪራይ የውል ዘመን ተቀባይነት እንዲያገኝ ተደርጓል” ሲል ማብራሪያው አክሏል። ከዚህ በተጨማሪ የውል ዘመን ሳይጠናቀቅ፤ የአንድ ቤት ባለቤትነት “በውርስ፣ በሽያጭ፣ በዕዳ ወይም በሌላ ማናቸውም ህጋዊ ምክንያት” ለሌላ ወገን ከተላለፈ፤ የመኖሪያ ቤት ኪራይ ውሉ ሊቋረጥ የሚችለው “ቤቱ ከተላለፈበት ጊዜ ጀምሮ የሚቆጠር የ6 ወር ማስጠንቀቂያ ለተከራይ በመስጠት ቤቱን እንዲለቅ ማድረግ እንደሚቻል ማብራሪያው” ደንግጓል።(ኢትዮጵያ-ኢንሳይደር)

 

በአማራና ኦሮሚያ ክልሎች የቀጠሉ ግጭቶችና የመብት ጥሰቶች በጣም እንዳሳሰቧቸው 43 አገራት ትናንት ለተካሄደው 55ኛው የተመድ የሰብዓዊ መብቶች ምክር ቤት ስብሰባ ባስገቡት መግለጫ ላይ ገልጸዋል።

ኹሉም የግጭቶች ተሳታፊ ወገኖች በንግግር ሰላምን እንዲሽቱና በአገራዊ የውይይት ሂደቱ እንዲሳተፉ ጠይቀዋል።

አገራቱ፣ በኢትዮጵያ ሰላምና እርቅ ለማስፈን ተዓማኒነት ያለው የሽግግር ፍትህ ፖሊሲና ተጠያቂነት አስፈላጊ መኾኑንም አውስተዋል።

የሽግግር ፍትህ ፖሊሲ ማዕቀፉ፣ እውነተኛ ተጠያቂነትን፣ እውነት አፈላላጊነትን፣ ካሳ እና ጥሰቶች ድጋሚ ላለመፈጸማቸው ማረጋገጫ መስጠትን ማካተት እንዳለበትም አገራቱ አሳስበዋል። (wazema)

@ethio_mereja_news

ጁምዓና ከተራን ጨምሮ አራት ቀናት ሥራ ዝግ ሆኖ እንዲከበሩ ጥያቄ ቀረበ!!

ጁምዓ፣ ከተራና ቃና ዘገሊላ የአደባባይ ሃይማኖታዊ ክዋኔዎች፣ እንዲሁም የካቲት 12 የሰማዕታት መታሰቢያ በዓላት ሥራ ዝግ ሆነው እንዲከበሩ በፓርላማ ጥያቄ መቅረቡን ሪፖርተር አስነብቧል።

በሕዝብ ተወካዮች ምክር ቤት ለጤና፣ የሕዝብ በዓላትንና የበዓላትን አከባበር ለመወሰን የተዘጋጀው ረቂቅ አዋጅ ላይ የሕዝብ ውይይት የተለያዩ የሃይማኖት ተቋማት ተወካዮች፣ ምሁራንና ሌሎች ተቋማት ተሳትፈዋል።

ተሳታፊዎቹ ምን ጥያቄ አቀረቡ?

- የኢትዮጵያ እስልምና ጉዳዮች ጠቅላይ ምክር ቤትን በመወከል የተገኙት ኡስታዝ አህመዲን ጀበል፣ በእስልምና አንድ ሰው 3 ተከታታይ ጁምዓ ካልተገኘ በመናፍቅነት የሚያስፈርጅ ከባድ ጉዳይ በመሆኑ፣ ዓርብ (ጁምዓ) ቀን ሥራ ዝግ እንዲሆን፣ ወይም ደግሞ አሁን በሥራ ላይ ያለውን ከአምስት ሰዓት ተኩል እስከ ሰባት ሰዓት ተኩል በአዋጁ መካተት አለበት ብለዋል።

- ከኢትዮጵያ ኦርቶዶክስ ተዋህዶ ቤተ ክርስቲያን መንበረ ፓትሪያሪክ የሕግ መምርያ ኃላፊ መምህር አባ ገብረ ሥላሴ ጌትነት፣ እየሱስ ክርስቶስ ከገሊላ ወደ ባህረ ዮርዳኖስ ሄዶ መጠመቁን የሚያሳየው የቃል ኪዳኑን ታቦት በመያዝ ጥር 10 ቀን የሚከበረው ከተራና ከጥምቀት በኋላ ጥር 12 ቀን የሚከበረው ቃና ዘገሊላ ክብረ በዓላት ከሥራ ዝግ መሆን አለባቸው ብለዋል፡፡

- በተጨማሪም የካቲት 12 የሰማዕታት ቀን ታስቦ ከመዋል ይልቅ ከሥራ ዝግ ሆኖ መከበር ይገባዋል ያሉት ደግሞ፣ የቅርስ ጥናትና ጥበቃ ባለሥልጣን ዋና ዳይሬክተር አበባው አያሌው ናቸው፡፡

የተሰጡ አስተያየቶች ረቂቅ አዋጁን ለማጎልበት እንደሚያግዝ ሲገለፅ፣ አዋጁ ኢትዮጵያውያንን እንዲመስል ዘላቂነት ያለው ውይይት እንደሚደረግም ተጠቁሟል።

@ethio_mereja_news
@ethio_mereja_news

ሶማሊያ የኢትዮጵያን አምባሳደር አባረረች

👉🏼በፑንትላንድ እና ሶማሊላንድ ያሉ የኢትዮጵያን ቆንስላ ጽህፈት ቤቶችንም ዘግቻለሁ ብላለች

ሶማሊያ የኢትዮጵያን አምባሳደር ከሀገሯ ማባረሯን አስታዉቃለች።

ሶማሊያ በቅርቡ ከኢትዮጵያ ጋር የገጠማትን ዉዝግብ ተከትሎ የተለያዩ ዲፕሎማያው እርምጃዎችን ስትወስድ የቆየች ሲሆን፤ ዛሬ ደግሞ የኢትዮጵያን አምባሳደር ከሀገሯ ማባረሯን ሮይተርስ ዘግቧል።

እንደ ዘገባው ከሆነ ሶማሊያ በሞቃዲሾ የኢትዮጵያን አምባሳደር ያባረረች ሲሆን ለውሳኔው መነሻ የሆነው ደግሞ ከሶማሊላንድ ጋር ባሳለፍነው ጥር ወር ላይ ባደረገችው የወደብ ስምምነት ምክንያት ነው ተብሏል።

ከዚህ በተጨማሪም ሶማሊያ ፤ በፑንትላንድ እና ሶማሊላንድ ያሉ የኢትዮጵያን ቆንስላ ጽህፈት ቤቶችንም ዘግቻለሁ ብላለች።

@ethio_mereja_news

የፕሪቶሪያውን ስምምነት የሚጥስ ነው"ዶ/ር ለገሰ ቱሉ

የመንግሥት ቃል አቀባይ ለገሠ ቱሉ፣ ሰሞኑን ትግራይ ክልል ከአማራ ክልል ጋር በሚወዛገብባቸው አካባቢዎች የሚያሳየው አዝማሚያ “ተገቢነት የሌለው" እና የግጭት ማቆም ስምምነቱን የሚጥስ ነው በማለት ትናንት በሰጡት ጋዜጣዊ መግለጫ ተናግረዋል።

የትግራይ ክልል፣ የአስተዳደር ወሰኖችን በኃይል ለማስከበር የሚያደርገው እንቅስቃሴ ለትግራይ ሕዝብ አይበጅም ብለዋል።

ዶ/ር ለገሠ ይህን የተናገሩት፣ በራያ አላማጣ አካባቢ ባንዳንድ ቀበሌዎች ውስጥ በትግራይ ኃይሎችና ባካባቢው ታጣቂዎች መካከል ተደጋጋሚ ግጭቶች መካሄዳቸውን ተከትሎ ነው።

የአማራ ክልል መንግስት እና የትግራይ ክልል ጊዜያዊ አስተዳደር ከሰሞኑ ከወሰን ጋር ተያይዞ እርስ በእርስ በሚያወጡት መግለጫ እሰጣ ገባ ውስጥ ገብተዋል።

በመግለጫው “ከሰሞኑ በትግራይ ክልል በኩል በአማራ ክልል አዋሳኝ አካባቢዎች ላይ የሚታየው አዝማሚያ ተገቢነት የሌላውና የፕሪቶሪያውን ስምምነት የሚጥስ ነው” ብለዋል።

ሁለቱ ክልሎች በመግለጫ እርስ በእርስ ከመወቀቃቀስ ይልቅ በአብይ ኮሚቴ ታግዘው በጠረጴዛ ዙሪያ ችግሮቻቸውን መፍታት ይጠበቅባቸዋል ብለዋል።

@ethio_mereja_news
@ethio_mereja_news

ወደ ኦሮሚያ ክልል የተመለሱት ተፈናቃዮች አሁንም ድረስ ችግር ላይ መሆናቸውን ገለፁ

የመንግስትን ጥሪ ተቀብለው ከአማራ ክልል ወደ ምስራቅ ወለጋ ዞን  ኦሮሚያ ክልል የተመለሱት ተፈናቃዮች አሁንም በፀጥታ ችግር ሳቢያ ወደ ቤታቸው መመለስ አለመቻላቸውን ለዶቼ ቬለ ገልፀዋል።

ተመላሽ ተፈናቃዮቹ እንደገለፁት አብዛኛው ተመላሽ  የሚገኘው በከተማ ውስጥ በተዘጋጀ ጊዜያዊ መጠለያ ጣቢያ ነው።

ከኦሮሚያ ወደ አማራ ክልል የተሰደዱትን ተፈናቃዮች የፌደራል እና የክልል መንግስታትን ጥሪ ተቀብለው  ከአንድ ወር በፊት ነበር ለበርካታ ጊዜ ተጠልለው ከነበሩበት ደብረ ብርሃን ከተማ ወደ ምስራቅ ወለጋ ዞን የተመለሱት።

ከኦሮሚያ ክልል ምዕራብ ወለጋ ዞን ተፈናቅለው በአማራ ክልል ሀርቡ እና ጃራ መጠለያ ጣቢያ  ከነበሩት ተፈናቃዮች መካከል  ወደ 315 የሚደርሱ ተፈናቃዮች ከሁለት ወር ገደማ በፊት ወደ ጊምቢ ወረዳ መመለሳቸው ይታወሳል።

Via ዶቼ ቬለ

@ethio_mereja_news
@ethio_mereja_news

የመቀለ ዩኒቨርሲቲ ተማሪዎች ሰላማዊ ሰልፍ አደረጉ

የመቀለ ዩኒቨርሲቲ ተማሪዎች በዛሬዉ እለት ሰላማዊ ሰልፍ ማድረጋቸውን ተሰምቷል።

ኢፍትሃዊ ያሉትን የመማር ማስተማር ሂደትን በመቃወም ላይ የነበሩት ተማሪዎቹ በጸጥታ ሃይሎች መበተናቸውም ተነግሯል።

የተማሪዎቹ ዋና ጥያቄያቸው ላለፉት በጦርነት ምክንያት የባከኑ የትምህርት ክፍለጊዜዎች እሚሰጠው የማካካሻ ትምህርት በትምህርት ሚኒስተር መመርያ መሆን አለበትም እሚል እንደሆነም ተገልጿል።

በፀጥታ ሀይሎች የተበተኑት ሰላማዊ ሰልፈኞች "ለዲግሪ 8 አመት መማር  ፍትሃዊ አይደለም" የሚሉ መፈክሮችን ያሰሙ ሲሆን ከራያና አዲግራት ዩኒቨርሲቲ ተማሪዎች የምንለይበት ምንም ምክንያት የለም ማለታቸውንም ሰምተናል።

NewsAlert‼️

10 ተማሪዎች ታስረዋል።

ሰላማዊ ሰልፍ የወጡ የመቐለ ዩኒቨርሰቲ ተማሪዎች በፖሊስ ድብደባ እና እስራት ተፈፀመባቸው

ተማሪዎቹ የተራዘመ የመመረቂያ ግዜን በመቃወም ሰልፍ የወጡ ሲሆን  የትግራይ የፀጥታ ሐይሎች ከፍተኛ ድብደባ እና እንግልት እንደፈፀሙባቸው ለዶቼቬለ ተናግረዋል።10 ተማሪዎች ደግሞ መታሰራቸው ተገልጿል።

እንደ ተማሪዎቹ ገለፃ በፖሊስ  የሐይል እርምጃ አካላዊ ጉዳት የደረሰባቸው ፤ዛሬ ረፋድ 4 ሰዓት ከመቐለ ዩኒቨርሲቲ አሪድ ግቢ ተነስተው ያሏቸውን ቅሬታዎች ለማሰማት ወደ መቐለ ከተማ ጎዳናዎች ሰላማዊ ሰልፍ ባደረጉበት ወቅት ነው ።

via ፦ Dw
@sheger_press
@sheger_press

በነገው ዕለት በአዲስ አበባ መስቀል አደባባይ ለሚካሄደው የድጋፍ ሰልፍ ለአሽከርካሪዎች ዝግ የሚሆኑ መንገዶች

👉 ከቴዎድሮስ አደባባይ በብሄራዊ ቴአትር ወደ ወደ መስቀል አደባባይ ሚወስደው መንገድ ቴዎድሮስ አደባባይ

👉 ከኡራኤል አደባባይ ወደ መስቀል አደባባይ የሚወስደው መንገድ ኡራኤል አደባባይ ላይ

👉 ከቦሌ አቅጣጫ  ወደ መስቀል አደባባይ የሚወስደው ኦሎምፒያ አደባባይ

👉 ከመስቀል ፍላወር ወደ ኦሎምፒያ የሚወስደው መንገድ ጋዜቦ አደባባይ ላይ

👉 ከጎተራ ማሳለጫ ወደ መስቀል አደባባይ አጎና  ሲኒማ

👉 ከቅ/ቂርቆስ ቤ/ክርስቲያን በአዲሱ መንገድ  ወደ መስቀል አደባባይ ለሚሄዱ ለገሀር መብራት

👉 ከሜክሲኮ ወደ መስቀል አደባባይ ቴሌ ለሚጓዙ ለገሀር መብራት

👉 ከጌጃ ሰፈር አቅጣጫ ወደ መስቀል አደባባይ ለሚመጡ ተሽከርካሪዎች ሰንጋተራ ትራፊክ መብራት

👉 ከሃራምቤ  መብራት ወይም ከአምባሳደር ሲኒማ ወደ መስቀል አደባባይ ሃራምቤ  መብራት ላይ

👉 ከብሔራዊ ቤተ መንግስት  ወደ መስቀል አደባባይ የሚወስደው መንገድ  ብሔራዊ ቤተ መንግስት አጠገብ

👉 ከካዛንቺስ ወደ ባምቢስ የሚወስደው መንገድ ከዛንቺስ ሼል አጠገብ

👉 ከጁፒተር ሆቴል ወደ ECA የሚወሰደው መንገድ ባምቢስ ሳልኮት ህንፃ አጠገብ ለተሽከርካሪ ዝግ ይሆናሉ።

አሽከርካሪዎች አማራጭ መንገዶችን በመጠቀም አስፈላጊውን ትብብር እንዲያደርጉ የአዲስ አበባ ፖሊስ ገልጿል፡፡

ህብረተሰቡ ለፀጥታ ስጋት የሆኑ አጠራጣሪ ነገሮች ሲያጋጥሙ በ011-1-26-43-59 ፣ 011-5-52-63-02፣ 011-5-54-36-78 እና 011-5-54-36-81፤ በ987፣ 991 እና 816 ነፃ የስልክ ጥሪ ጥቆማ በመስጠትና አስፈላጊውን ትብብር በማድረግ የበኩሉን ድርሻ እንዲወጣ ግብረ ኃይሉ ጥሪውን አስተላልፏል።

@sheger_press
@sheger_press

በወላይታ ለሰባት አመታት መፀዳዳት የማይችለው ታዳጊ የተጠራቀመው ሰገራ በቀዶ ህክምና ወጣለት

ህክምናው የተሰጠው የህክምና ዘመቻ በማድረግ ላይ በነበሩ አለም አቀፍ አድቬንቲስት ቤተክርስቲያን በጎ ፈቃደኞች መሆኑን ተነግሯል፡፡

ቤተክርስቲያኗ ከምትሰጣቸው አገልግሎቶች ውስጥ የህክምና አገልግሎት አንዱ በመሆኑ የህክምና ቡድኑ በነበራቸው የዘመቻ ስራ ታዳጊውን ለሰባት ዓመት መጸዳዳት ባለመቻሉ ሆዱ አካባቢ ከፍተኛ እብጠት ነበረበት፡፡በወላይታ በባዴሳ ነዋሪ የሆነው ህጻን አንዱዓለም አላሮ ከተወለደ ጌዜ ጀምሮ ባጋጠመው ህመም ምክንያት መጸዳዳት የማይችል ሲሆን ታዳጊው በዚህ ምክንያ ከፍተኛ ህመም እና ስቃይ እንደነበረው በወላይታ አለም አቀፍ አድቬንቲስት ቤተክርስቲያን ውስጥ በህክምና ቡድን ውስጥ ነርስ ሳምራዊት ጌታቸው ለብስራት ሬዲዮ እና ቴሌቪዥን ተናግረዋል፡፡

የታዳጊው የስቃይ ምንጭ ወደ ውጭ መውጣት የነበረበት ሰገራ በሆዱ በመጠራቀሙ ምግብም ሲመገብ ሆነ እንቅስቃሴዎች ሲያደርግ ተግዳሮት ፈጥሮበታል፡፡ ሰባት ዓመት ሙሉ በሆዱ ሲጠራቀም የነበረውና መወገድ የነበረበት ሰገራ ስለማይወጣ በትልቁ አንጀት (colon )ውስጥ ይከማች  ስለነበር ከባድ ህመም ውስጥ እንደነበር ተነግረዋል፡፡

አለም አቀፍ አድቬንቲስት ቤተክርስቲያን ባለሙያዎች እና የህክምናውን ወጪ በቻሉ በጎ ፍቃደኞች የገንዘብ ድጋፍ በወላይታ ሶዶ ከተማ በሚገኝ  ግሬስ ሆስፒታል ሶስት ሰአት በላይ በወሰደ ቀዶ ህክምና ህጻን አንዷዓለም አንጀት ውስጥ ተጠራቅሞ የነበረን ሰገራ ማስወገድ መቻሉን ሲስተር ሳምራዊት ጨምረው ለጣቢያችን ገልጸዋል፡፡ታዳጊው አሁን ላይ የተጠራቀመው ሰገራ ይውጣለት እንጂ ኮሎስቶሚ ወይም በሆድ በኩል ተቀዶ በጎኑ ለሶስት ወራ እንዲጸዳዳ የተደረገለት ሲሆን ከሶስት ወራት በኃላ በሚደረግለ ተከታታይ ህክምና በመደበኛ መልኩ እንዲጸዳዳ የማድረግ ህክምናው ይቀጥላል ተብሏል፡፡

በቀዶ ህክማናውም በርካታ ስፔሻሊስት ሐኪሞች ፣ ጠቅላላ ሀኪሞች እና ነርሶች ያቀፈው ይህ አለም አቀፍ አድቬንቲስት ቤ/ያን በጎ ፈቃደኞች የሉዑካን ቡድን በጋራ መስራታቸውን የቤተክርስቲያኗ ኮሙኒኬሽን ጋላፊ አቶ ዳግም እያሱ ለብስራት ተናግረዋል፡፡ታዳጊው ከአሁን በፊት በሪፈር አዲስ አበባ ሄዶ ህክምና እንዲያገኝ ሌሎች የጤና ተቋማት ቢላክም ወላጆቹ አቅም የሌላቸው በመሆኑ ህክምናውን ሳያገኝ መቆየቱንም አንስተዋል፡፡

አቶ ዳግም በቀዶ ህክምናው የተሳተፉትን ዶ/ር ተመስገን የህፃናት ቀዶ ህክምና ስፔሻሊስት፤ ዶ/ር ብስራት አበበ አናስቴሲዮሎጂስት እና የግሬስ ሆስፒታል ተባባሪ ሐኪሞ ና ነርሶች ለላቀ ትብብራችሁ  ምስጋና አቅርበዋል፡፡ ህጻኑ አሁን ላይ በሙሉ ጤንነት እንደሚገኝ ተነግሯል፡፡

ፑንትላንድ እና ሶማሌላንድ የኢትዮጵያ ቆንስላ ጽሕፈት ቤቶችን እንደማይዘጉ አስታወቁ!

ፑንትላንድ እና ሶማሌላንድ በግዛቶቻቸው የሚገኙትን ቆንስላ ጽሕፈት ቤቶችን እንዲዘጉ የተሰጠውን ትዕዛዝ እንደማይቀበሉ ዛሬ አስታወቁ።ሶማሊያ፣ በሞቃዲሾ የሚገኙት የኢትዮጵያ አምባሳደር ከሀገር ለቀው እንዲወጡ ማዘዟን፣ የአገሪቱ ውጭ ጉዳይ ሚኒስቴር፣ ትላንት ኀሙስ፣ መጋቢት 26 ቀን 2016 ዓ.ም. ባወጣው መግለጫ አስታውቆ ነበር።

ኢትዮጵያ በሶማሊያ የውስጥ ጉዳይ ጣልቃ መግባቷን በመግለፅ ክስ ያሰማው የሶማሊያ መንግሥት፤ ሞቃዲሾ የሚገኙት የኢትዮጵያ አምባሳደር በ72 ሰአት ውስጥ ሃገሪቱን ለቀው እንዲወጡ መጠየቋን እና አዲስ አበባ ያሉትን አምባሳደሯንም መጥራቷን ትናንት አስታውቃ ነበር።በተመሳሳይም ከሶማሊያ የተገነጠለችውን የሶማሊላንድ ግዛት እና ከፊል ራስ ገዟን ፑንትላንድ በዚያ የሚገኙትን የኢትዮጵያ ቆንስላ ጽ/ቤቶች በሰባት ቀናት ውስጥ እንዲዘጉ አዛለች።

ይሁንና ሶማሌላንድ በዋና ከተማዋ ሀርጌሳ የሚገኘው የኢትዮጵያ ቆንስላ ጽ/ቤት እንዲዘጋ ሞቃዲሾ ያቀረበችውን ጥያቄ የሶማሌ ፌደራል መንግሥት እንደዚያ ያለ ትዕዛዝ የመስጠት ሥልጣን እንደሌለው በመግለጽ ውድቅ አድርጋለች።ሶማሊያ ኢትዮጵያ ባለፈው ጥር ወር ከሶማሌላንድ ጋራ የተፈራረመችውን የባህር በር የተመለከተ ስምምነት፣ “ህገ-ወጥ” እና ሉአላዊነቴን የጣሰ ነው ስትል ከኢትዮጵያ ጋር ውዝግብ ውስጥ መግባቷም ይታወቃል።

Via VoA

@ethio_mereja_news
@ethio_mereja_news