#ሠላሳ፣ ስልሳ፣ መቶም ያማረ ፍሬ ይስጣችሁ


ብርሃነ ዓለም ቅዱስ ጳውሎስ መስጠትን ከዘር ጋር አነጻጽሮ በምሳሌ ያስተምራል፡፡

ዘር በእጅ የያዙትን ይበዛልኛል፣ ስለ አንዷ ሰላሳ፣ ስልሳ፣ መቶም ያማረ ፍሬ አፈራለሁ ብሎ በእምንት በእርሻ ቦታ መበተንን ይጠይቃል፡፡

መስጠትም ይህን ይመስላል፡፡ በእጅ ያለውን በልግስና አሳልፎ ሰጥቶ ከእግዚአብሔር ሰፊ በረከት አገኛለሁ ብሎ በእምነት መስጠት፡፡

ይህን ቅዱስ ቃል አምናችሁ በማዕከላዊ ጎንደር ዞን ምስራቅ በለሳ ወረዳ ለሚገኘውና ከዘጠና በላይ ገዳማውያን መነኮሳት ላሉበት ሙትአንሳ  ማር  ቅዱሰ ሚካኤል አድነት ገዳም ያደረጋችሁት በአይነት የእህል ልገሳ በዚህ መልኩ ተጭኖ ለገዳሙ ተልኳል፡፡


“በጥቂት የሚዘራ በጥቂት ያጭዳል፤ በበረከትም የሚዘራ ደግሞ በበረከት ያጭዳል፤ እግዚአብሔር በደስታ የሚሰጠውን ይወዳልና እያንዳንዱ በልቡ እንዳሰበ ይስጥ፥ በኀዘን ወይም በግድ አይደለም።” (2ኛ ቆሮ 9፥7) እንዲል፤ ስለ መስጠትና መቀበል በሰፊው አስተምሮበታል፡፡

የዘራ እንደሚሰበስብ፣ የሰጠም ዋጋውን አያጣምና የተዘራባት ምድር የዘሩባት አብዝታ እንደምትሰጥ፣ በልግስና የሰጣችኋቸው ገዳማውያን በጸሎታቸው ትልቅ ዋጋ፣ በሚያልፍ ስጦታ የማያልፍ በረከት፤ በሚያልቅ ልግስና የማያልቅ ዋጋ ያስገኛሉና፡፡ ቅዱስ ጳውሎስ ምጽዋትን በዘር መስሎታል፡፡


እኛም እንላለን፣ ስለሰጣችሁት እያንዷንዷ ቅንጣት የእህል ዘር ስለአንዱ ፋንታ ሰላሳ፣ ስልሳ፣ መቶም ያማረ ፍሬ ይስጥልን፡፡ በወጣ አብዝቶ ይተካ፡፡ በዚህ አጋጣሚ የተሰራው ከታቀደው አንጻር ገና ብዙ ይቀረዋልና ገዳማውያኑን በዚህ መልኩ በአይነት ማለትም ቀለብ በመስፈር፣ የግንባታ እቃዎች ጠጠር፣ አሸዋ፣ ሲሚንቶ፣ ብረት በልባችሁ እንዳሰባችሁ በመስጠት መደገፍ የምትፈልጉ ካላችሁ በደስታ እንቀበላለን፡፡ በገንዘብ ድጋፍ ለምታደርጉም የገዳሙ አካውንት ከታች ተቀምጧልና የቻላችሁትን እንድታደርጉ ገዳማዊያኑ እየተጣሩ ነው።



ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም


ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444


የገዳሙ ስልክ ቁጥር:-0918077957 ወይም 0938644444

ወደ መቶ ብር ከፍ ያለው የዩኒቨርሲቲዎች የቀን የምግብ በጀት የተለየ ለውጥ ያመጣል ተብሎ አይጠበቅም ተባለ

የዩኒቨርሲቲዎች በጀት 100 ብር ሆነ ማለት ድሮ ተማሪዎች ሲመገቡ ከነበረበት የምግብ አይነት የተለየ ለውጥ ይመጣል ማለት አይደለም ሲል ትምህርት ሚኒስቴር አስታውቋል።

የዩኒቨርስቲዎች የምግብ በጀት በቀን ከ22 ብር ወደ 100 ብር መሻሻሉን ተከትሎ፤ ከሰሞኑ በተለያዩ ዩኒቨርስቲዎች የሚገኙ ተማሪዎች የምግብ ተመኑ ሲያድግ በተቃራኒው ግን የሚቀርበው የምግብ አይነትና መጠን ያነሰ በመሆኑ ቅሬታቸውን እያቀረቡ እንደሚገኝ ይታወቃል፡፡ አሐዱም ይሄንን የተማሪዎች ቅሬታ በመያዝ ትምህርት ሚኒስቴርን አነጋግሯል።

በዚህም በትምህርት ሚኒስቴር የከፍተኛ ትምህርት ተቋማት አስተዳደርና ልማት መሪ ሥራ አስፈፃሚ የሆኑት ዶ/ር ሰሎሞን አብርሃ በሰጡት ምላሽ፤ የምግብ በጀቱ 100 ብር ሆነ ማለት የግድ የተለየ ለውጥ ይመጣል ማለት እንዳልሆነ ገልፀው፣ "የምግብ አይነቱም ሙሉ ለሙሉ አስደናቂ በሆነ መልኩ ይቀየራል ማለት አይደለም፣ ሊቀየርም አይችልም" ሲሉ ገልጸዋል።

ድሮውንም ተማሪዎች በተመደበላቸው 22 ብር ብቻ ሲመገቡ እንዳልቆዩ የሚገልጹት ዶ/ር ሰሎሞን፤ "ከፌዴራል መንግሥት የሚመደበው 22 ብር አነስተኛ መሆኑ ስለሚታወቅ ዩኒቨርሲቲዎች በራሳቸው አካሄድ ሲያስተካክሉ ቆይተዋል" ብለዋል።

አሐዱም "የትምህርት ሚኒስቴር ያደረገው ማሻሻያ በቂ ነው ወይ? አሁን ካለው የገበያ ሁኔታ ጋርስ ተመጣጣኝ ነው?" ሲል ዩኒቨርስቲዎችን ጠይቋል።

የባህር ዳር ዩኒቨርስቲ ፕሬዚዳንት መንገሻ አየነ የትምህርት ሚኒስቴር ለተማሪዎች የቀን ምግብ 22 ብር ቢመደብ፤ ከዛ በላይ ወጪ እንደበረው እና ተቋማቱ ለሌላ ሥራ የሚያገኙትን ገንዘብ ለምገባ የሚያውሉበት ሁናቴ መኖሩን ገልጸዋል።

"ዩንቨርስቲዎች በሚመደው 22 ብር ብቻ ተማሪዎቻቸውን አይመግቡም ነበር" ሲሉ ዶ/ር ሰሎሞን ያነሱትን ሃሳብ ተጋርተዋል።

"አሁን የተሻሻለው በጀት በተወሰነ ደረጃ ችግርን ይቀርፋል ተብሎ የሚጠብቅ ነው" ያሉት ፕሬዝዳንቱ፤ የተደረገው ማሻሻያ ቁጥሩ ትልቅ ቢመስልም ቀድሞ ሲወጣ ከነበረው ወጪ አንጻር ሲታይ አሁንም ተጽዕኖ እንደሚኖረው ገልጸዋል።

በአንጻሩ ሌላው አሐዱ ያነጋገራቸው የሰላሌ ዩኒቨርሲቲ አስተዳደርና ልማት ምክትል ፕሬዝዳንት ቶሎሶ ዳኒ፤ "አሁን ካለው የዋጋ ንረት አንጻር 22 ብር ተማሪዎችን መመገብ አይችልም ነበር፡፡ በተደረገው ጥናት መሰረት ወደ መቶ ብር ከፍ እንዲል ተደርጓል" ያሉ ሲሆን፤ የተመደበው በተማሪ 100 ብር በቂ እንደሚሆንም ገልጸዋል።

በንጽጽር ሲታይ ቀድሞ ከነበረው 22 ብር ወደ መቶ ብር ከፍ መደረጉ ከፍተኛ የሆነ ጭማሪ መሆኑን አንስተዋል።

ዶ/ር ሰሎሞን የዩንቨርስቲዎቹን ፕሬዝዳንቶች ሃሳብ ሲያጠናክሩ፤ ዩኒቨርስቲዎች ከሚመደብላቸው የተለያየ በጀት እያዟዟሩ በቀን ከ80 እስከ 150 ብር በማውጣት ተማሪዎችን ሲመግቡ እንደነበር ገልጸዋል፡፡

የተማሪዎች የምግብ ሜኑ ከመሻሻሉ በፊት አንድ እንጀራን እስከ 24 ብር ድረስ የሚገዛ ዩኒቨርስቲ እንደነበረ ጠቅሰው፤ "ድሮ ይመደብ የነበረው በጀት አንድ እንጀራ እንኳን በቅጡ የማይገዛ ነበር" ሲሉ አክለዋል።

በመሆኑም ይህ አካሄድ የዩኒቨርሲቲዎችን እንቅስቃሴ ስላስተጓጎለና የአሰራር ስርዓታቸው ላይም ችግር ስለፈጠረ፣ የምግብ ሜኑ ሲዘጋጅ ጥናት ተጠንቶ ሀገር አቀፍ የተማሪ ህብረት ተወካዮች ጭምር በአካል በተገኙበት የዩኒቨርሲቲዎች ምግብ ማሻሻያ መደረጉን ለአሐዱ ተናግረዋል።

አክለውም ተማሪዎች አሁን ካለው ሁኔታ አንፃር ማድረግ ያለባቸው የሚመደብላቸው በጀት በአግባቡ ለእነርሱ መድረሱን እና በቀን የመቶ ብሩ በጀት ተሰልቶ በሳምንት 700 ብር ወጪ መደረጉን፣ እንዲሁም ያንን ወጪ ታሳቢ ያደረገ ሜኑ መቅረብና አለመቅረቡን ማረጋገጥ እንደሆነ ገልጸዋል፡፡

ከዚህ ጋር በተያያዘ የተማሪዎች ህብረት አደረጃጀትም ሀላፊነት በመውሰድ በአግባቡ መከታተል እንዳለበት አፅንኦት ሰጥተዋል።

https://www.tg-me.com/ethio_mereja_news
https://www.tg-me.com/ethio_mereja_news

በፕሮፌሺናል ጋዜጠኞች ተከፍቶ መረጃዎችን ተከታትሎ በሚዛናዊነት የሚያቀርብ ቻናል ልጠቁማችሁ ፡፡

ተማመኑበት ታተርፉበታላችሁ ተቀላቀሉት
👇👇👇
https://www.tg-me.com/+gPveFwjiiXdiMDE0
https://www.tg-me.com/+gPveFwjiiXdiMDE0

የትግራይ ክልል ጊዚያዊ አስተዳደር የወጣቱን የሥራ አጥነት ችግር ከመቅረፍ ይልቅ በፖለቲካ ሽኩቻው ላይ ትኩረቱን አድርጓል ሲል ቅድሚያ ለሰብዓዊ መብት ኢትዮጵያ ወቀሰ

የትግራይ ክልል ጊዚያዊ አስተዳደር የወጣቱን የሥራ አጥነት ችግር ከመቅረፍ ይልቅ በፖለቲካ ሽኩቻው ላይ ትኩረቱን አድርጓል ሲል "ቅድሚያ ለሰብዓዊ መብት ኢትዮጵያ" የተሰኘው ሀገር በቀል የሲቪል ማኀበረሰብ ድርጅት ወቅሷል፡፡

ድርጅቱ "በክልሉ ያሉ ተቋማት መውደማቸው ለሥራ አጥነት ችግር መንስኤ ናቸው" ሲልም ገልጿል፡፡

በትግራይ ክልል በነበረው ደም አፋሳሽ ጦርነት ምክንያት ከሰው ሕይወት መጥፋትና ንብረት መውደም በተጨማሪ በወጣቱ ሕይወት ላይ ከፍተኛ ችግር መፍጠሩ ይገለጻል፡፡
በተለይም በቅርቡ የትግራይ ወጣቶች ማህበር እንዳስታወቀው ከሆነ፤ በክልሉ ሥራ ያላቸው ወጣቶች ከ20 በመቶ ያነሱ ናቸው፡፡

አሐዱም ይህንን የወጣቱን ችግርና በክልሉ ያለውን ሰብዓዊ ቀውስ በሚመለከት በክልሉ የቅድሚያ ሰብዓዊ መብቶች ለኢትዮጵያን ምክትል ፕሬዝዳንት መብሪህ ብርሃኔን ጠይቋል፡፡

ምክትል ፕሬዝዳንቱ በምላሻቸው በክልሉ አብዛኛውን ችግር የፈጠረው ጦርነት መሆኑን በማንሳት፤ "በተለይም በጦርነቱ ምክንያት ተቋማት መውደማቸው ለዚህ ምክንያት ነው" ብለዋል፡፡

እንደ ሀገር አቀፍ የሥራ ዕድል ችግሮች መኖራቸውን ያነሱት አቶ መብሪህ፤ ይሁን እንጂ በትግራይ ክልል ያለው ችግር ከሁሉም የከፋ መሆኑን ገልጸዋል፡፡

"ይህንን ችግር ለመቅረፍም የግዚያዊ አስተዳደሩ በርካታ ሥራዎች መስራት ሲጠበቅበት በውስጥ ፖለቲካዊ ሽኩቻ ውስጥ ተጠምዷል" ሲሉ ወቅሰዋል፡፡

የትግራይ ክልል በድህረ ጦርነት ወቅት ላይ ያለ መሆኑን የሚያኑሱት ምክትል ፕሬዝዳንቱ፤ "ወደ ቅድመ ጦርነት መመለስ ከባድ ሊሆን ቢችልም ቀስ በቀስ ለመመለስ ፖለቲካ ሽኩቻውን መቀነስ አለበት" ብለዋል፡፡

"ለዚህም በግዚያዊ አስተዳደሩና በህወሓት መካከል ያለው ሽኩቻ መቆም አለበት፤ ስልጣንም ከምርጫ ውጪ ሊገኝ አይችልም" ሲሉ ተናግረዋል፡፡

"በአሁኑ ወቅት በክልሉ ትልቅ ችግር ፈጥሮ የሚገኘው የፖለቲካው ውጥረት በመሆኑ ይህንን ችግር ለመቅረፍ የፌደራል መንግሥትም በመልሶ ግንባታ ላይ ሊሳተፍ ይገባል" ሲሉም ለአሐዱ ገልጸዋል፡፡

ለኦርቶዶክስ እምነት ተከታዮች በሙሉ እንኳን ለመላኩ ቅዱስ ገብርኤል አመታዊ በአል በሰላም አደረሰን አደረሳችሁ❤️

https://www.tg-me.com/ethio_mereja_news

#መልዓኩ ቅዱስ ገብርኤል የልባችሁን መልካም መሻት ይሙላላችሁ !!!


#የአራተኛው መልክ ደግሞ የአማልክትን መልክ ይመስላል


ቅዱስ መጽሐፍ እንደሚነግረን አባቶቻችን እንዳስተማሩን ዘመኑ ጣኦት የሚመለክበት ንጉስ ናቡከደነፆር በባቢሎን ምርኮ የወሰዳቸው የእግዚአብሔር ሰዎች አናንያ፤ አዛርያ፤ ሚሣኤል እጅግ ይወዳቸው ነበር፡፡

ከባቢሎናውያን ይልቅ ጠቢባን የነበሩት ሶስቱ ሕጻናት በትንቢተ ዳንኤል ምዕራፍ ሦስት ሰፍሮ በምናገኘው ታሪካቸው እንደሚግረን ንጉሱ የጣኦት ምስል አሰራ በገሊላ አውራጃ ያለውን ሕዝብ ጠርቶ ለጣኦቴ ያልሰገደ ወደ እሳት ውስጥ ይጣላል ብሎ አወጀ። የንጉስ ትህዛዝ ነውና ሕዝቡ ሁሉ ለጣኦቱ ሲንበረከክ እነርሱ ግን ቆመው ያዩ ነበር።


ናቡከደነፆር እርሱ ላስቆመው ጣኦት አለመስገዳቸውን ሲሰማ ተናደደ፤ ተበሳጨም እሳቱን 7 እጥፍ እንዲነድ አስደረገ ሦስቱንም አስሮ እሣቱን እያሳየ "ከመቃጠል ወይስ ለእኔ ጣኦት መስገድ የቱ ይሻላል?" ቢላቸውም የእግዚአብሔር የሆነ ሰው ምንም ነገር አያስፈራውምና "የምናመልከው አምላካችን ከሚነደው ከእሳቱ እቶኑ ሊያድነን ይችላል፣ ባያድነንም ግን አንተ ላቆምከው ጣኦት አንሰግድም" አሉት፡፡

በዚህ ጊዜ ጉልበት ያላቸው ሠዎች ተፈልገው ሦስቱን ወጣቶች አስረው ወደ እሳት ቶን ውስጥ ጣሏቸው አስረው የጣሉቸው ወታደሮች የእሳቱ ወላፈን አቃጠላቸው ሠለስቱ ደቂቅን ግን መልአኩ ቅዱስ ገብርኤል ከሰማይ ወርዶ እሳቱን አበረደላቸው አጠፋላቸው።


በዚህም ጊዜ ንጉስ ናቡከደነፆር እንዲህ በማለት መሰከረ "እኛ አስረን የጣልናቸው ሦስት ነበሩ አሁን ግን አራተኛው ሰው በእሳቱ ሲመላለስ ይታየኛል፤ የአራተኛው መልክ ደግሞ የአማልክትን መልክ ይመስላል" አለ።

የእግዚአብሔር የማዳኑ ስራ ሲገለጥ ቅዱስ ገብርኤል ሲታይ አዋጁ ሁሉ ተሻረ ጉልበት ሁሉ ለጣኦት ይስገድ ተብሎ የነበረው አዋጅ ተሽሮ "ጉልበት ሁሉ ለሰለስቱ ደቂቅ አምላክ ይስገድ ይንበርከክ" የሚል አዋጅ ታወጀ፡፡

ይህ ድንቅ ተአምር የተገለጠበት ቀን ታህሳስ 19 የታላቁ አለቃ የቅዱስ ገብርኤል ዓመታዊ ክብረ በዓል ነው፡፡

የስሙ ትርጓሜ ታማኝ አገልጋይ ማለት የሆነው ቅዱስ ገብርኤል በዘመናችንም ለበርካቶች ታላቅ ተአምራት ሰርቷል፡፡ ለእግዚአብሔር ምስጋና ይሁን ፤የመልአኩ የቅዱስ ገብርኤል ጥበቃው ረድኤት በረከቱ አይለየንና ገዳማውያን አባቶችና እናቶች እንደ ባቢሎን እሳት በነደደው ስጋዊ ፍላጎት ውስጥ አሸናፊ እንዲሆኑ የሚረዳቸውም ነው፡፡ ገዳማውያኑ ቅዱስ ገብርኤል ሆይ ሲሉትም በረከታቸው አብሮን እንዲሆን ገዳማቸውንን እንደግፍ በዓታቸውን እናጽና፡፡



ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም


ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444


የገዳሙ ስልክ ቁጥር:-0918077957 ወይም 0938644444

በህንድ መሀንነቱን ለማከም ጫጩት ከነነፍሷ የዋጠው ህንዳዊ መሞቱ ተነገረ


እንደ ኢንዲያን ቱደይ ዘገባ ከሆነ ቻቲስጋርህ በተባለ የህንድ ግዛት ወስጥ የሚኖረው አንድ የ35 ዓመት ሰው መሃንነትን ለመቅረፍ በሚደረገው የአምልኮ ሥርዓት ውስጥ አንዲት ጫጩት ከዋጠ በኋላ ነው ሀኪሚ ቤት ሲሄድ ህይወቱ ያለፈው።

ጫጩቷ ጉሮሮው ላይ ተሰንቅራ ትንፋሽ በማጣቱ የሞተ ሲሆን ጫጩቷ ከጎሮሮው ስትወጣ በህይወት መገኘቷ ተነግሯል።

https://www.tg-me.com/ethio_mereja_news

''ተመስገን''

መላእክቱና እረኞች በአንድነት ሆነው ''በሰማያት ለእግዚአብሔር ምስጋና ይሁን...'' ብለው ያመሰገኑትን ጌታ እኛም  እንዲሁ እሁድ ታኅሣሥ 27 ከቀኑ 6:00 በቦሌ ደ/ሳ መድኃኔዓለም ካቴድራል አዳራሽ ተሰብስበን ''ተመስገን'' በተሰኘው የዘማሪ ዲ/ን አቤል መክብብ ቁጥር 2  የዝማሬ አልበም የተወለደውን አምላክ እናመሰግናለን::

በዕለቱም 16 መዝሙራትን የያዘው የዝማሬ አልበም ለሽያጭ ይቀርባል::


መዝሙራቱ በማኅቶት ቲዩብ የሚለቀቁ ሲሆን በሁሉም የCD Distribution  አማራጮችና  (spotify, itunes…) በተለያዩ መተግበሪያዎች ይገኛሉ::


በመላው ዓለም ለማከፋፍል በ+251941518851/ +1 469 733 0150 ይደውሉ ወይም [email protected] ይጻፉልን::


ተመስገን ተመስገን
ለምስጋና ስላሰባሰብከን
እግዚአብሔር ተመስገን

የቁልቢ ገብርኤል ዓመታዊ የንግሥ በዓል በሰላም መጠናቀቁ ተገለጸ

👉 የስርቆት ወንጀል ለመፈፀም ሙከራ ያደረጉ ሦስት ግለሰቦች በቁጥጥር ሥር ውለዋል

በዛሬው ዕለት በድምቀት የተከበረው የቁልቢ ቅዱስ ገብርኤል ዓመታዊ የንግሥ በዓል በሰላም መጠናቀቁን የምስራቅ ሀረርጌ ዞን ፖሊስ መምሪያ አስታውቋል።

ከተለያዩ አካባቢዎች የተውጣጡ የፖሊስ አባላት በዓሉ በሰላም እንዲጠናቀቅ የተጠናከረ ቅድመ ዝግጅት ሲያደርጉ እንደነበረ የገለጹት የመምሪያው ሃላፊ ረዳት ኮሚሽነር ናስር ሙሀመድ፤ የፖሊስ አባላት ባደረጉት ክትትል በበዓሉ ዕለት ቦታው ላይ በመገኘት የስርቆት ወንጀልን ለመፈፀም ሙከራ ሲያደርጉ የነበሩ ሦስት ግለሰቦች በቁጥጥር ሥር መዋላቸውን ለአሐዱ ገልጸዋል።

ከዚህ ውጪ በዓሉ ያለምንም የፀጥታ ችግር  መጠናቀቁን ገልጸው፤ ሕዝቡ በዓሉን አክብሮ ወደ መጣበት እየተመለሰ እንደሚገኝ አክለዋል። "መንገዶቹም በጥንቃቄ እንዲጠበቁ ትዕዛዝ አስተላልፈናል" ብለዋል።

በዘንድሮው ዓመት እስከዛሬ ከነበረው ቁጥር ከፍተኛ የሆነ የሰው ብዛት የተገኘበት በመሆኑ ከሰው ብዛት አንፃር መኪና ለማንቀሳቀስ እንኳን ረጅም ሰዓት እንደወሰደ የገለጹት የመምሪያው ሃላፊ፤ "ያም ሆኖ ግን የህብረተሰቡ እርስ በርስ የመከባበርና የእንግዳ ተቀባይነት መኖር ስለረዳን ያለ ስጋት ማንቀሳቀስ ችለናል" ሲሉ ለአሐዱ ተናግረዋል።

የትራፊክ አደጋን በተመለከተ ምንም ያጋጠመ ጉዳት እንደሌለ በመናገር፤ አሽከርካሪዎች በሌላ ጊዜም እንደዚሁ ጥንቃቄ በተሞላበት መንገድ ማሽከርከር እንደሚገባቸው አፅንኦት ሰጥተዋል።

ከዚህ በተጨማሪ የፀጥታ ጥምር ኃይል፤ የቁልቢ ቅዱስ ገብርኤል ዓመታዊ ንግሥ ክብረ በዓል በሰላም መጠናቀቁን ገልጿል።

በዓሉን አስመልክቶ የተቋቋመው ጊዜያዊ ችሎት በሞባይል እና በጫማ የስርቆት ወንጀል የተከሰሱ ግለሰቦች ላይ ያስተላለፈውን የጥፋተኝነት ውሳኔን ተከትሎ፤ ወንጀለኞቹን ያስተምራል ሌሎችን ያስጠነቅቃል በማለት አንድ ዓመት ከአራት ወር እስከ አንድ ዓመት ከሁለት ወር የሚደርስ የፍርድ ውሳኔ ማስተላለፉን አስታውቋል።