Update‼️

የኤርትራ አቬሽን ባለስልጣን የኢትዮጵያ አየር መንገድ በረራ ከመስከረም 20/2017ዓ.ም በኋላ እንዲያቆም መወሰኑን ቀደም ብዬ መዘገቤ ይታወሳል።

በዚህ ዙሪያ የኢትዮጵያ አየር መንገድ ይህንን ውንጀላውን እንደማይቀበል እና የስም ማጥፋት እንደሆነ ገልጿል።

አየር መንገዱ "በሰማነው ድንገተኛ ውሳኔ አዝነናል፣ በውሳኔው ዙርያ ማብራርያ ለማግኘት ሙከራዎች እያደረግን ነው" ብሏል።

#ኤልያስመሰረት

@ethio_mereja_news

ጎፋ‼️

በደቡብ ኢትዮጵያ ጎፋ ዞን በደረሰው ተከታታይ የመሬት መንሸራተት አደጋ የሞቱ ሰዎች ቁጥር እስከ 500 ሊደርስ እንደሚችል የተባበሩት መንግሥት የሰብዓዊ ጉዳዮች ማስተባበሪያ ጽህፈት ቤት ገለጸ።

ጽህፈት ቤቱ ከአካባቢው ባለሥልጣናት ያገኘውን መረጃ መሠረት አድርጎ ባወጣው የሁኔታዎች መግለጫ ላይ ነው በአደጋው ሕይወታቸውን ያጡ ሰዎች አሃዝ እስከ 500 ሊደርስ እንደሚችል ያመለከተው።

እሁድ ሐምሌ 14 እና ሰኞ ሐምሌ 15/ 2016 ዓ.ም. በደቡብ ኢትዮጵያ በጎፋ ዞን ገዜ ጎፋ ወረዳ ኬንቾ ሻቻ ጎዝዲ ቀበሌ በተከሰተው የመሬት መንሸራተት አደጋ ተቀብረው የጠፉ ሰዎችን የማፈላለጉ ሥራ ዛሬም ለአራተኛ ቀን እየተካሄደ ነው።

በአደጋው ስፍራ የሚገኙት የቢቢሲ ዘጋቢዎች እንደገለጹት ዛሬን ጨምሮ በአካባቢው እየጣለ ባለው ዝናብ ውስጥ ጭምር ከተንሸራተተው መሬት ስር ለማውጣት የሚደረገው የነፍስ አድን ጥረት ቀጥሏል።

ባለፉት ቀናት በተደረጉት የፍለጋ ጥረቶች በአደጋው ሕይወታቸው አልፎ የተገኙ ሰዎች ቁጥር 257 የደረሰ ሲሆን፣ የሟቾች ቁጥር እስከ 500 ሊደርስ እንደሚችል የአካባቢው አስተዳዳሪዎች ስጋታቸውን መግለጻቸውን የመንግሥታቱ ድርጅት የሰብዓዊ ጉዳዮች ማስተባበሪያ ጽህፈት ቤት (ኦቻ) አመልክቷል።

@ethio_mereja_news

የህወሓት ሊቀመንበር ዶክተር ደብረፂዮን ገ/ሚካኤል ከፌዴራል መንግስትና ምርጫ ቦርድ ጋር በአዲስ አበባ  በነበራቸው ውይይት “ህገወጥ ጉባኤ ካድረጋችሁ በህግ እንደምትጠየቁ እወቁ” የሚል መልስ ተሰጥቷቸው ዛሬ ወደ መቐለ መመለሳቸው ተሰምቷል።

ጠ/ሚ አብይ አሕመድ በተቃዋሚዎች ስብሰባ ላይ ህወሓትን ማስጠንቀቃቸው ይታወሳል።

ጠቅላይ ሚኒስትሩ በዚሁ ንግግራቸው ላይ ከህወሃት ጋር የገባንበት ቀዉስ ይታወሳል:: ምን ያክል ሰው እንደወደመ፣ ምን ያክል ሃብት እንደወደመ መገመት ትችላላቹህ:: ያ የወደመ ሃብት፣ የወደመ የሰው ህይወት በትክክል ሳይገመገም ፣ እንዴት ጠፋ ሳይባል ፣ ሌላ ጥፋት ማምጣት ጥሩ አይደለም፣ ህዝብ ይጎዳል።

ህወሃት አሁን ማድረግ ያለበት ምርጫ ቦርድ ጋር ሄዶ፣ በ 2-3 ሳምንት ዉስጥ የሚጠበቅበትን ዶክመንት አሟልቶ፣ በሕጋዊ መንገድ ተመዝግቦ ፣ ነው ጉባኤ ማካሄድ ያለበት:: ባያደርግ'ሳ ? እኔ ብፈልግም ባልፈልግም ዋጋ የለዉም፣ ምርጫ ቦርድ ካልተቀበለው፣ TPLF'ን ሕጋዊ ፓርቲ ካላለው ፣ በምርጫ ሊሳተፍ አይችልም ፣ መንግስት ሊሆን አይችልም:: ምን ማለት ነው ተመልሰን ደግሞ ጦርነት እንገባለን ማለት ነው"ማለታቸው ይታወሳል።

ህወሃት በበኩሉ እንደ አዲስ ፓርቲ መመዝገብ አልፈልግም፣የቀድሞ ህጋዊ ሰውነቴ ይመለስልኝ እያለ ይገኛል።

@ethio_mereja_news
@ethio_mereja_news

ዓመታዊው የቅዱስ ገብርኤል የንግሥ በዓል እየተከበረ ነው

ዓመታዊው የቅዱስ ገብርኤል የንግሥ በዓል በቁልቢ እና ሐዋሳ በተለያዩ ሐይማኖታዊ ሥነ-ሥርዓቶች እየተከበረ ነው፡፡

የንግሥ በዓሉ በየዓመቱ ሐምሌ 19 ቀን በኢትዮጵያ ኦርቶዶክስ ተዋኅዶ ቤተ-ክርስቲያን ምዕመናን ዘንድ በድምቀት ይከበራል፡፡

@ethio_mereja_news
@ethio_mereja_news