في اليلة التاسعه من محرم لسان حال الحسين في شهادة أبنه علي الاكبر عليه السلام ..


أبدمّـك اتذب السيوف الهاجمتني
ونته ماتدري ابدماك الَّي اذبحتْني

دمعي يتفجر
عليك يالأكبر
@@

شلون ذبحـك يالولد يبني ذبحـنـي
وقـبـل سـيـفه بالضما يبني نحـرني
خايف السيوف العساكـر لا تمـسـني
وسيفه ذبحك يالولد يبني الّي مسني

وسفه واه أعله شبابكَّ الذي الراح
شلون دمك بالترايب يبني ذباح

الوالي يتوذر
عليك يالأكبر
@@

الأبن دوم الأبـو الفـزاع لوّل
وسهمك أوّل من نزع قلبي بلوّل
قوسه قبل أسهام أميّه أعليّه حوّل
وصوّب أقليبي يابويه يوم حوّل

راد في شوفك قليبي بسَ تروّيه
وآه سهمك بالشـريعه راح يرويه

دمي يطّشر
عليك يالأكبر
@@

من شفت أرماحـها العدوان ركـزت
أهموم نزفك خيل صوبي يبني ركضت
فوق صدري بالحـوافر يبنـي صعـدت
ومن ثقلها اضلوعي يبني حيل كسرت

تطبرَ وتطـعـن بلارحـمه وليـدي
وصدري يتكسّر ألم واهات عندي

صدري يتكسّر
عليك يالأكبر
@@

ياأمل بعدك في هالدنيا انتظرته
والأمــل بعــدك يدلاّلـي دفــنـتـه
وسفه غطـّيته ابدمومك بيدك أنتـه
ورحت عنّه يالولد ولوالي شفته

يصـفج ويلطـم على يدّه وراسه
وينحـب وينحـب على أعز ناسه

عيني دم تقطر
عليك يالاكبر
@@

كل أبـو يتمنه ولده بصفه موجود
ويشفي دلاّله لاضاق اعليه لوجـود
ياشبه جـدي النبـي بالنـور والجود
آه بعـدك ياحـشـايه ماتت اورود

ماتت امالي بعـد شيفـيد صبري
الضما خلّه يحز يخنق لي نحري

ألقضـا وسفر
عليك يالأكبر
@@

ياكـبر جرحـي ونيرانه اعله ليام
وياكبر حـزنـي الذي مايغفه وينـام
شلون جرحـي بيك تكتب بيه لقْلام
وتملي لدهور ابنضمها وتحجي لالام

أنته سببت بكياني جرح ميطيب
جرح مايهفت على الدنيا ولايغيب

قلبي ظل يسعر
عليك يالأكبر

ـــــ ـــــ ـــــ ــــ ـــ ــــ ــــ ــــ ــــ

تمت بحمدالله
علي الأحسائي
٢١ذو الحجه ١٤٣٨هـ

نزله في شهادة القاسم أبن الحسن عليه السلام ليلة الثامن من محرم ..

يال اميّه يال اميّه

بي شجاعة الحسن تغـلي غلي
ونازل انصر عمي احـسين الولي
يلذبحتو امن العطش خويه وهلي
امن العطش ذابحكم ابسيفه الحسن

القاسم اني شبل أبويه المجتبى
الماعرفني ظل يسأل صاحبه
بويه وصّاني اعله عمي امن الصبى
واني بوصـاته الأبو كلّي أذن

ويلكم يرخـاص من يومـن مبين
بعتوا دين الله لمَن خنتوا الحسين
لرْخـصـه دمـي لمـير المؤمـنين
وجعله عرسي نصر والي السنن

گبلي خويه أحمد وقـدّم فـداه
الحين دوري للأمـير ادفـع عـداه
أفدي دين الله في دفعي أللي دماه
ونصره من كلَّ طاغي ومنشحن

وكض على اجموع الظلاله بالحرب
يردَّ ويدفع خصمه ويشطر بالضرب
خلفه ومن حوله يذب كل من گرب
منهم العـريس جـندل له لمَـن

امنادي فدوه هالفدا من والدي
مانسه خـيّه وعضيده بالهدي
وراخصه دمي لميري وقائدي
عالوصيّه ماشـي بمره للمحـن

حتى حملوا اعليه حمله واحده
اوحوله دارو اصفوف عسكرها الرده
شسع نعله فرده گطعت بالفده
من هو يدفع من يجابل من هو من

نازف احنه نعله يصلحها النفل
وسفه لزدي صابه في راسه وهل
امنادي عمي للمعـاره بالعـجـل
أبنه اخوك ايريد يودعك ينحضن


علي الأحسائي
١٤٤١هـ

نعي في خطاب السيدة زينب لأخيها الحسين عليهم السلام ...

كم مره دعيتك خويه تحضر
أختك بوعلي زينب وحاچيك

حرقـتها خـيـمـنـه بالمـعـاره
وسلبتها معاضدنا التعاديك

ونته خـالد وغافـي بمنامك
نايم عالتـرب عايف مُناديك

ماجيت الأخت معذور خويه
ومعذور بمنامك غافي أفديك

صح ماجيتني بحرق المخيّم
لچن ياخويه مو معناه ماجيك

لچن ياخويه مو معناه ماجيك

علي الأحسائي

خطاب الحسين لأصحابه عليهم السلام بعده وصول خبر مقتل مسلم أبن عقيل ليلة السادس من محرم ...

يصحابي رجـعه
مابـيــها رجــعـه

كل من عليه دين
يقضي من الحين
يصحابي
@@

الأمسه علينا أمن العمر حاشاه يرجع
ألروح ماتـرجــع لهـلـها بـسّ تطلـع
بهاليوم تقدر للحشـر تصنع وتجمع
تالي السيوف القاطعه هيهات تصنع

الموت مكتوب أبسفرنا يعني مكتوب
وقدامنا أرماح وأسنه نقضـيها يادوب

فالكـل إلى أبين
كل من عليه دين
يقضيه من الحين
يصحابي
@@

ماريد في ركبي التطلبه الناس حاجات
كله العمر في كربلا ويّانه سـاعات
تالي جثثنا أعله تربها أمغطيه ساحات
خلوها الذمّه خاليه أمن الحسابات

خلوها تتلاقه أويه ربها خاليه الراح
ترتاح في النومه إذا الدلال مرتاح

قبل أيغـدي البين
كل من عليه دين
يقضي من الحين
يصحابي
@@

هذاني أقول الكم درب رحلتنا ومرها
ماترحـم الليث التـماسـيح أبنهـرها
ينسه يرد لهله عدل من يبدي شرها
ينسه عياله وتنشغل روحه أبعمرها

فقبل بعمرها تنشغل نشغلها هالساع
قبل السفر لرض الدما مو بعدَ لوجاع

الساعه مو بعدين
كـل من عليه دين
يقضيه من الحـين
يصحابي
@@

دم كربلا جـدّي النبي أعيونه هلّت
مو ماي دم أحمر تصب أعيونه خلّت
من نزفها فـوق الخدود الثيابه ملّت
معناه يعني أعلينا مو سهله لاطلّت

أنهيأ نفسنا للرحيل أمن الصغيره
أنهيّأ مقلنا للجـراحـات الكـبـيره

أنهيأها ماشـيـن
كل من عليه دين
يقضي من الحين
يصحابي
@@

المايستطيع أبحوزته ياخذ هذا المال
ومن رقبته قبل المنام أيشيل لأغلال
بحجنا أهل بيت النبي منخلّي أحـمال
أنبـرّي ذممـنـه بالهجـر ونودّع الآل

أنودع ملكـنا بالرحـيـل أنودع الجاه
وألّي زعل منّه أنتسمح نكسب أرضاه

قبل أنغدي الطين
كل من عليه دين
نقضيه من الحين
يصحابي
@@

عابس طرمّاح وزهير وباقي لنصار
أحنا لجل دين النبي عفناها لديار
نخلص فدانا لرفيق الأعلى بالثار
ونطلق ضيا ربنا ومحمّدنا بالأقطار

مادامه للباري الفـدا محفوظ وباقي
مادامه في حب الولي بالحشر واقي

واقي بفـدا الدين
كل من عليه دين
يقضي من الحين
يصحابي

ـــ ـــ ـــ ـــ ـــ ـــ ــ ـــ
تمت بحمدالله تعالى
علي الأحـسائي
١٤٤٠هـ

قصيدة في دفن الأمام الحسين والأصحاب عليهم السلام ليلة ١٣ محرم ...


ثلاث ايام راد ابدفنه أحـد يسمع
العليل اعله الولي عينه اسهرت تدمع

دفن الولي ايتاني
محّد أجاه عاني
🏴🏴

ومن الكوفه أجاه امن الأسر دافن
أجاله بالدموع الحارقـه صافن
الجثث ماتنعرف لون الدما داكن
وكل عضو ابكتر سيله الحرب راكن

على هذا وذاك الأدهى موقفها
بليّه روس كيف العين تعرفها

ووضع الأبو غاني
محّد أجاه عاني
🏴🏴

الولي مايدْفَنه اللا بس ولي مثله
الثلاثه كافيه في فضحها الكتله
كافوره التراب ورش دما غسله
جـرايم ال اميَّه بشعه بالقـتله

اكتفوا حتى الملابس گاموا سلبوها
وگفوا ليش في صف الولي ادموها

الوالي بقه ايعاني
محد أجاه عاني
🏴🏴

ذنبهم ليش نصرو بس واليهم
راحت بالدما تغتص اعاديهم
إذا جـان الذنب ذنب الينافيهم
الرضيع اشذنبه عبدالله اذبحوا ليهم

الرحمه خاليه طفل اقطعوا نحره
بليه راس دفنه كيف في قبره

اشذنبه شنو جاني
محد أجا عاني
🏴🏴

اشكثر صعبه على السجاد دفن اهله
سته اشهور اخو عمره اجمعو ابقتله
وعلي الأكبر أخو مطلوب من نقله
وبن عمه وعمامه كلها مو سهله

علي الأكبر يَدَفنه امجاور الوالد
وأخو عبدالله والوالد قبر واحد

في جنب اخو الثاني
محد أجا عاني
🏴🏴

حسب رسم النبي السجاد راسمهم
عمامه ويَّه لصحاب ابكتر لمهم
أبوفاضل فقط في دفنه مو يمهم
حَمَلها اوصال صعبه ناشفه دمهم

التراب امخالط اجزائه اهنا اذن يُدفن
وكل جف ابلحد وحده ابن اخو كفَّن

شاله ابصبر فاني
محّد أجا عاني
🏴🏴

الألم يسعر في قلبه ساجد العترة
ابلهيبه المنمزج بالآه والزفـرة
قطعت باريه جاب ووضع كترة
يشيل اويه الترب حبات متعفرة

يحط الوالد الوالد قلب ماله
مطحونه طحان اعظامه ووصاله

شاله ابظهر حاني
محد إجا عاني

🏴✍️
علي الأحسائي
محرم ١٤٤٢هـ

مجموعة أبوذيات عاشوريه لشهر محرم الحرام ...
٠٠٠٠٠٠٠٠

ألم فرق الأحبهم هم ولم عين
أصد بيدي سهم واصل ولم عين
ونا لاخوان ظل عندي ولم عين
أرد وحدي ياشيعه هالسريه

حوار الإمام الحسين مع أصحابه عليهم السلام في اليله السادسه من محرم ...

الحسين ...

دمكم صحبتي مرّه رخصته
أنا الهالگـوم دمـه بس رخصته
الرايد منّكم يرجـع رخـصـته
يروح ومنّي في حل هالمسيّه

رد الأصحاب ...

شنحچي شيخنا باجر تركنا
لو أحـنا الذي بالطـف تركناه
بالـوديـان نـســلـكـها تـركـنا
وخلفنا انعوف ابن حامي الحميّه

كل فد مو سبع لك منا سبعين
وبينا مو سبعت انعام سبعين
إلك لو ننقتل مو مـرّه سبعين
مره ناصريك ابن الزجـيه

🏴🏴
لسان حال الإمام الحسين ليلة العاشر من محرم عليه السلام ...

(عطشان)

الرسايلكم قدومي ابضعني عطه شان
ولا فـد منّكم تقـدير عـطه چان
وحق جدي النبي أسگوني عطشان
حرام الماي أعله اهلي وعلـيّه

🏴🏴

لسان حال السيدة زينب في رأية هلال المحرم عليها السلام ...

إلك وقفت عزا ولطمات يهلال
وجرح من گد نزيفه الطف يهلال
بكل مرّت سنه لك بدلَ يهـلاّل
الدمع دمي تهل موتي عليّه

🏴🏴

خطاب مسلم أبن عقيل إلى الحسين عليهم السلام ...

إذا صار الذبح لك صار مولاي
ونا اليحسين كلّي ليك مولاي
أرجع بضعينه الطيبه مولاي
أهلها الكوفه كتبوا وغدروا بيه

🏴🏴

وصية السيدة زينب لأبن أخيها بالشام زين العابدين عليهم السلام ...

بطبول الفرح وادم يدفان
وادم بالرفـس بينا يدفان
گل الكافلي وخبَره يدفان
بعدك مالگت راحه الشفيّه

🏴🏴

لسان حال أم الرضيع الرباب ع ...

صرخه لك ياعبدالله ولم لاك
يدمي وماي ماعـنـدي ولم لاك
شفته هيج امس طيفك والأملاك
تحف مشتاقه لك بالغاضريه

🏴🏴

لسان حال أبي عبدالله الحسين ليلة العاشر من محرم عليه السلام ...

سهم نحره وليدي اعيوني طفلي
وعلى ادموع المنيّه ارموشي طفلي
وحقكم ياخلگ شالسوّه طفلي
ضامي ينـذبح مابين أديّه

🏴🏴

لسان حال أبي عبدالله الحسين في شهادة أبنه علي الأكبر عليهم السلام ليلة التاسع ...

شلون اشيلك امرضرض ولمّك
أخاف اضمك الصدري وألمك (ولمّك
امشي للخيمه يالأكبر ولمّك
أودَّيك وكل ارسومك دميّه

شلون اشيلك وأمشي للخيام
للأه أعملت يامـه للأخ يام
يعني يالولد ماكو لا أخ يام
أبوك ولا أبن بالغاضريه

انبني مطلبك والريج يابس
ودما هاي البشر أحساسه يابس
ياشـبه النـبـي جـدي اه يابـس
مدري شالأقول ابهالمنيّه

🏴🏴

لسان حال السيدة زينب عليها السلام ليلة ١١ محرم ...

لزمنه الخيمه من شدت رعبنا
ولا فـاد الخـبا العسـكـر رعـبنا
على أوصاتك ياخويه لا رعبنا
ولاقدّر خيامي أحرق عليه


قفي ياظلمت الحادي وستري
وغـطّي بالفلا أحـبابي وستري
بعد سلبو العدو أخماري وستري
بقيت أنتـي العبا بالغاضريه

🏴🏴

لسان حال السيدة زينب لبن أخيها السجاد ع...

ضربات الشمـر بالوالي عميه
بتقطـيعه النحـر ياعمه عميه (عمني)
أغمضت عيني بنحيبي وصرت عميه
ولا شوفه الدرب شـوفـه أليّه

🏴🏴

حال زينب مع هلال المحرم ع...

مابين الجثث خويه دوّريْتك
وبذني اسمعَّ شهقها ذوي ريتك
حرت اشلون احصّل دوى ريتك
ودواها ريتك اِگطيرة اميَّه
🏴🏴

لسان حال زين العابدين عليه السلام ليلة ١٣ في الدفن ..

جرام العادتك عمّي دفنها
حاشا اجفوفك انا انسه دفنها (دفاها)
حتى وأن غدا موعد دفنها
تبقى بعيني مو مدفونه هيّه

🏴🏴

في خطاب السيدة زينب للأمام زين العابدين عليه السلام ...

العدا بطبولها اعلينا يدفان
وبَكَعب ارماحها ناسك يدفان
نودْعَ حسين ماخلّو يدفان
ابدفانك بوعلي اوصله التحيه

🏴🏴

لسان حال الحوراء زينب والعباس ع ..

إلى اوخيتك نذر شعطيت شديت
لزمت العاهدت والروح شديت
ونـه بيك الظهر عباسي شديت
وما همني طريج الغاضريه

🏴🏴

لسان حال الامام زين العابدين ع ...

الدمع مل البجي ومالحظه مليت
تنـوح بـلا دمـوع أشـلـون مليّت
ثيـابـك كـلـها دم لو هيّه ملْيت
بدل دمعك دما يابن الزجيّه

🏴🏴

لسان حال الحوارء زينب وهلال عاشوراء ...

القلب لاخيل ظل عنده ولسيوف
وجيت الجرحه برماحك والسيوف
إلى أوجاعه مصاب الطف وله سيوف
كـافــي بالهـضــم طــعــنـات بيّه

🏴🏴

لسان حال طوعه ومسلم عندما وقفه أمام دارها عليه السلام ...

قالت له ...

شمالك ساكت أحچي مايحگ لك
تطلب مني شربت ماي يحـگ لك
بس يم داري توقـف مايحگ لك
غـريب انته وقوفك هم عليّه

قال لها ...

أنا الطبيت عدكم مسلم اني
وهلها الكوفه وسفه مسلم اني
عرفتيني ياطوعه مسلم اني
سفير حسين أبن حامي الحميه

🏴🏴

ياكافل هالحرم روحك ولتْقوم
أذب روحي على جدمك ولتقوم
انكشف ظلّي بعد عينك ولتقوم
ابكفالة ضعنك اوخيتك سبيه

🏴🏴

حوار لسان العقيله زينب والامام زين العابدين عليهم السلام ليلة ١٢ من محرم ...

دير النا الوجه شاهد ياسجاد
العدو ابسوطه ضرب بينا يسج جاد
أنه عمتك ونادي لك ياسجاد
غيرك باليسر بس رد عليه

أصد المن ونه ابطوگي مگيّد
وعـذابي ابدفـتر اهاتي مگيّد
ياعمه امرج إلى الباري مگيد
ال

ظعن لشام محتومه هيّه

✍️
تمت بتوفيق الله في تواريخ متعدده
خـادمـكـم
علي الأحسائي

ابيات عموديه في حزن الأمام زين العابدين على فقد ابيه الحسين عليه السلام ....


الله عالم جبدك اشصار اشصبح
وكيف من بعد الولي حاله الفؤاد

أنت قبل ابدمعك اليحفر قبر
ونوحك اليدفن ويمردنا مراد

أنت أوّل من نعظّم له الأجر
أنْتَ أنْت نعمَ يازين العباد

يالولي البعد الولي صرت الهلك
يلي حملك كاسرك بالأفتقاد

كيف عينك في خواتك اتهمر
وكيف تنزف عينك ابشوف البلاد

اشلون قلبك في مُشاهدها يمر
وكيفه يرحل نوحها عالأب لازاد

الأرامل واليتامه ابفقدته
وكل زوايه بيته وكل ذكرا له هاد

صعبه عالحايط يهل دور السگف
والبديل ايكون للبيت العماد

علي الأحسائي

في ذكراى أستشهاد عليل كربلاء الأمام زين العابدين ع ...


سلام الله عليك بكل ألم واه
يالنوحـك ينـوح الكون ويّـاه

ياأسـير لحـزان
ياأسـير لحـزان
@@
ثلث عمرك يابوالباقر گضيته
أسير الدمعـتك من ما عنـيته
دگلي أمن الهضم شلما لگيته
مـن الآهــات دلالك مـلـيـتـه

طفل مفطوم ظل يصرخ من أضماه
لو صوت الغريب أينادي قـتـلاه

غصص شبگتها لذهان
ياأســــير لحـــزان
@@

عمت عين النبي يعقوب بالجود
على يوسف ويوسف بعده موجود
شلون أبذبحـت الأب تحتَ لحشود
وعينك تنظره عالغبره ممدود

تناظر عالتراب أهلك ضحايه
گضو كلهم في ساحات المنايه

حرم وطفال وشبان
ياأسير لحزان
@@

كم مره أوصلت روحك إلى البين
في كل موقف إلك يبن الميامين
تتـذكـر هـلك يـسـر النـسـاويـن
تتـذكّـر بـلـم أمـصـاب لحـسـين

هضـيمه دنيتـك من كـل سـفاح
من ذاك الظعن درب اليسر راح

سليبه أبليّه وليان
ياأسـير لحـزان
@@

بعباده أتگضي أنهارك ولصيام
نهارك صايم و ليلك في ماتنام
فـطارك مـن يهـل تنـتـابك آلام
وتجود أبدمعتك من ذيج ليام

عـينـك تنظر الماي بألمها
وتبچي عالولي من حر هضمها

تبچي وتوقد أشجان
ياأسير لحزان
@@

ينادي القوم طفلي من العطش ذاب
إذا ذنـبـي شـذنب طـفـلي ياخـيّـاب
وما مـنـهم شـريف أيرد آلى أجـواب
لو أيرد الضميره أمن الأذى شجاب

يصـد الحرمله الشـمـر ويناجيه
ولنّ سهمه يطلقه بنحره ويدميه

يدمي گلبك الحان
ياأسـير لحـزان
@@

أمردت جبدك سيوف الطف بلسياد
ياكـهـف اليـتـامـه يـبـن لمجـاد
وتفت جبدك بسـمـها أترد لحقاد
جـبدك من حقدها صارت أرماد

يمن ليلك تجوله للفقاره
ياملجه الثكاله والحياره

الملا بذكراك نزفان
ياأسـير لحزان


علي الأحـسائي
محرم ١٤٣٨هـ

في ذكراى شهادة عليل كربلاء الأمام زين العابدين عليه السلام ..


ليلـيه تذرفـها الدمـوع
مشعل أمامك الشموع

بدمعك ونوحك والونين
عاشت جراحات الحسين

واحسينا ،، واغريبا
واغريبا ،، واحسينا

بدمعك ونوحك والونين
*

بويه مصابك بالقلب
،، يسعر لهيبه

بويه بخضابك كربلا
،، عيوني خضيبه

جيت الفيافي نينوى
،، وشلت المصيبه

وطيبه رَجعت بدمعتي
،، وروحي كأيبه

هذي حياتك ياعلي السجاد في نوح
عايش بعد ذبح الأبو في هموم وجروح

طول العمر تشكي الأمين
بدمعك ونوحك والونين
*

تگضي لياليك بحزن
،، من مارأيته

تگضي ودموعك عالوجن
،، تروي الحظيته

من گد نياحك عالولي
ظهرك حنيته

من گد قساوت ذبحته
الوالي بچيته

حاشا تمل من دمعتك ليليه همّال
تنحب وتنحب عالأبو يوميّه عالحال

تذكر ألم قطع الوتين
بدمعك ونوحك والونين
*

عايش عمر ويه الدمع
،، بعد الفجيعه

سرب الهواجيس القلب
،، مايستطيعه

هاجس يراويك الأخو
،، أوصاله قطيعه

هاجس يراويك الأبو
،، جثته صريعه

ضامي وفي قلبه السهم كاسر ضلوعه
غير الذي شاله نبت ثاني بطلوعه

كلك ألم كلك حـنـيـن
بدمعك ونوحك والونين
*

الناس يمتى تسْألك
،، نوحك تبطله

ومن تسألك يبن النبي
،، النوح أيتعلّه

ماتدري روحك من هضم
،، شلّي تحمله

ماتدري قلبك بالألم
،، شلّي وصلّه

شايل جرح غير الجروح أمن الصوايح
وحـدك تشـوفـك دايم بأحـزان طايح

وحدك يازين العابدين
بدمعك ونوحك والونين
*

مرت سنين أعله الهجر
،، ونته بجروحك

وهذا أنته يانجل النبي
،، زايد في نوحك

أمن الجفن ماينمحـي
،، الوالي في روحك

ساكن يبن حيدر علي
،، واضح في بوحك

ريت السيوف بكربلا من روحي نالت
ولا في عذاب أگضي العمر دنيايه طالت

دايـم ترددها بأنـيـن
بدمعك ونوحك والونين
*

اجنود الأعادي بالحييل
،، رادت تزيحك

شافت دموعك فاضحه
،، ورادت تطيحك

لكن صدى نوحك بقى
،، رغم التزيحك

باقي صداى أبكل أذن
،، قايم شطيحك

بمنعك مثل ماصار للزهرة الزجـيّه
ظنو يسكتون البچي أبسمهم وليّه

ظـنو يسـكـتون السنين
بدمعك ونوحك والونين

ـــ ـــ ـــ ـــ ـــ ـــ ـــ ـــ ـــ
علي الأحسائي
٢٥محرم ١٤٣٩هـ

في شهادة عليل كربلاء الإمام زين العابدين عليه السلام ...

ريتها أرگبتي ألّي تحت الجامعه
مو الثياب ألّي من الدم طابعه

وتنزف أرسومي وتسيل
فـدوه لاهـاتـه العليـل
@@

حجته الله والي هالكون وفضاه
الكل عطايه الخلق من فاضل عطاه
ثـوب يطلب خاطر ايوقّـف دمـاه !!
الدنيا هذا أبحجمها تفدي رضاه

أتبيع دنيتها وتشري خاطره
وبالعواقب ماتبالي أشماجره

وهم ترى لجله قليل
فدوه لاهاته العليل

ريتها ارگبتي ألّي تحتَ الجامعه
@@

ألمسامير ابْرگـبْته خـارقـه
ومن دمائه كل ثيابه غارقه
صورته من نار هضمه حارقه
فوق ناقه والأوادم حادقه

يبكي من جمر الألم لو عالأبو
لو على أخوانه وخواته ألي انسبو

ريتها أركبتي بديل
فدوه لاهاته العليل

ريتها ارگبتي ألّي تحتَ الجامعه
@@

شلّي ماشافه العليل أبكربلا
وشلّي شافه باليسر وبكى الفلا
كل بشر عنده قلب ينحاز إلى
يفدي نفسه عن أبن سيد الملا

رضّو ساگه وگيّدو أجفوف وأديه
وثقل ذيج الجامعه خلّو عليه

أتحز وتجرح بالخليل
فدوه لاهاته العليل

ريتها ارگبتي ألّي تحتَ الجامعه
@@

يعني مو كافي عليل ابْغربته
قتلو أخـوانـه وسـبوها عيلته
توْضع أنياب الحديد ابْرگبـتـه
والسياط أتهـد عـليَـه أبونّته

ربنا سبحانه الأمده بالصبر
ولاّ ماترحم مريض أهل الكفر

نفسي وروحي والدليل
فدوه لاهاته العليل

ريتها ارگبتي ألّي تحتَ الجامعه
@@

رادت أتموته العليل ابهالعـذاب
وبالعذاب أيواسي أهله والگراب
الهذا روحه ماغدت أبـن النجـاب
ظلت أتواسي الذبيح اعله المصاب

ظلت ّاتنوح وتصيح أعله الغريب
والمسامير اتهمل ثوبه الخظيب

تهدر ادموم السليل
فدوه لاهاته العليل

ريتها ارگبتي ألّي تحتَ الجامعه
@@

الجامعه حسّت ودمعت له دمه
والعدا ماتدري بظنوة فاطمه
وصابر أبن المصطفى أعله الظالمه
حتى مايوقع فقط عرش السما

بيده عرش الله علي السجاد شاد
وهمّه كلّه لايطيح أعله العباد

الكون همّه لايمـيل
فدوه لاهاته العليل

ريتها أرگبتي ألّي تحت الجامعه

ــ ــ ــ ــ ــ ــ ــ ــ ـ
علي الأحسائي
تمت بعون الله تعالى
محرم 1440هـ

نزله في خطاب الأمام زين العابدين عليه السلام في قصر يازيد الظالم وزمرته…


ماتعيش اعروشك وجيوشك وِالامْلاك
كلها وقـت أيْامك وحـلامك اومنـواك
@@

أحنا اهل بيت النبي المعْرفه تعرفنه
لا خطَبنه ابمجلسـك نفْضحك أعرفـنه
تدري بينا ناسك وتدري في موقـفنه
بالخطاب المرتضى والحچي توصفنه

أعليك .. ننطقْ عروشك
بيـك .. نفضح وحوشـك

هذا انه السجاد الأگياد اويه ملفاك
تمْنعه حاشـاها ويـّاها اتصـد وياك
@@

آنه ابن مكه ومنى والصفا وزمزمها
آنه ابن أهـل الكـسا وعِلمَها وعالمها
آنه ابن خير الخطابه التتّقي أتكلمها
آنه شـبل المرتضـى حيدره وفهمها

الخاب .. أهلك يخـايب
الحال .. بين الگـرايب

يفنه كل منواكم ذكراكم اورجـواك
ويبقى بس منوانا وذكرانا مو ذكراك
@@

والدي سبط النبي سلوته وريحانه
والدي وعمي الحسن ضنوته وسبطانه
جدي نفسه المرتضى البالعلم بيبانه
أنته شصلك بالأصل ماهو من خلانه

دار .. الله دياري
نور .. الله مناري

العلم ويانه ويهوانه ومايهواك
الحلم مرضانه يرضانه ومايرضاك
@@

أشما عملت ابهالفلا شمسه ماتطفيها
أنته تطفي وزمرتك والله اِضل ضاويها
أحنا سر هذا الوجود أنته شـسّـر بيها
دنيتك هاي الزغيره منْته باقي اعليها

حال .. كل من يواليك
ظال .. يبقى نعم بيك

ناره بس خالقها خالقها لي مثواك
وأنته اظن ظامنها عارفها انته تهواك
@@

رايد الناس ابعمى تتبعك مو ودّك
تدعي الناس بكفر حتى صوت اِتمدك
المصطفى طه النبي جدّنا لوجدك
أن گلت جدك كفرتَ وأيَّ شي ماعندك

زين .. زين العبادي
ضاد .. كل من يعادي

بالحشر قابضها واعضها خل يمناك
وتستعد بحبابك لكتابك بس يسراك
ماتعيش اعروشك وجيوشك والاملاك

ـــ ــ ـــ ــ ــ ــ ــ ــ
تمت بعون الله وأحسانه
علي الأحسائي
محرم 1440هـ

لسان حال سيد البكائين الإمام زين العابدين ع ...

أنا ويني يابويه حسين ونّات
تجر امن الضما اعله الماي ونّات
وجر امن الهـلاك اعليك ونّات
شالت روحي ويّاها وفيّه

علي الأحسائي 💔

قصيدة لستشهاد السيدة رقيه عليها السلام ..


عالولي نجزع في ذكرا من يمر
شلون بيج وأنتي زغيره بالعمر

بالخـرابـه أتسايلي
حاظنه راس الولي
بابا بابا .. بابا بابا
@@

نسمع أبحال المصيبه أمن الخطيب
ونبجـي عالوالـي ونشارك بالنحـيب
شلون بيج وراسه في حجرج خضيب
طفله ولج جـابـو مهشّـم وتريب

ماتحمل قلبج الصدمه الزغير
ماتحمل منظر الراس الضرير

متّي مفجوعه بلي
حاظنه راس الولي
بابا بابا .. بابا بابا
@@

من مشقّت اليسر ويّه العذاب
نمتي تعبانه بعباتج عالتراب
ومن حلمتي بالأبو بذاك الخضاب
مارحم يازيد نوحج بالجواب

ودّه راسه في طشت لج طابره
ودّه ونتي محتملتي منظره

ثرتي نوح أمن الغلي
حاظنه راس الولي
بابا بابا .. بابا بابا
@@

فوقه ثرتي أمن الغلي أعله الشهيد
من هو يابويه القطع ليك الوريد
من فضخ راسك يابويه بالحـديد
من هو ليّه في الزغـر ونته بعيد

يتمتني واني في عمر الزهور
يتمتني واني بعدي الهالأمـور

جمره دمعج تهملي
حاظنه راس الولي
بابا بابا .. بابا بابا
@@

بالخرابه والدمع كلن يراه
بصوتج المبحوح ظليتي معاه
من هو يابويه اليحاميني تراه
جسمي بعدك أزرق بضرب الطغاه

في غيابك غارو في ضربي الكفر
في غيابك ماألي منهم مفر

هسه من هو ظل ألي
حاظنه راس الولي
بابا بابا .. بابا بابا
@@


ذكره لك ماخلو لي حتى ياريت
جرحو في سلب التراجي أذني ودميت
سلبو يابويه هديتي ألّي أشتريت
سلـبـو من أذنـي تراجـيّه الهديت

مارعو حتى اليتيمه بالنياح
مارعو حالي يابويه والجراح

أمناديه ياكافلي
حاظنه الراس الولي
بابا بابا .. بابا بابا
@@

هذي ماجانت تمر أعله الطنون
جنتَ تحميني بوجودك بالعيون
أمدللـه جنت بحياتك يالحنون
عيّشتي بعدك ياوالي في شجون

شلّي بيها بعدك الدنيا ظلام
شلّي بيها ماكو بيها ظل سلام

بالخرابه أويه هلي
حاظنه راس الولي
بابا بابا .. بابا بابا
@@

خـذني يابويه من الدنيا معاك
خذني وريحني خلا منها هواك
مگـدر الدنيا أعـيش أبها سـواك
مكدر أعله أفراگك أرحم لي الهلاك

نمتي من عظم الرزيه والمصاب
نمتي فوق الراس ومنج الصوت غاب

نمتي مقهور بخـلي
حاظنه راس الولي
بابا بابا .. بابا بابا

ـــ ـــ ـــ ـــ ـــ ـــ ـــ ـــ

تمت بحمدالله
علي الأحسائي
١٤٣٨هـ

ابمناحه عنّه ساعة ماعِلى الراس
ابخرابه للخنا تجلب علل راس
من النيران مختنقت على الراس
موت الطفله مخنوقه رقيّه

علي الأحسائي

في ذكراى شهادة حبيبة الحسين السيدة رقيه عليها السلام ...

شلون ابليلها اتنام العشاير
وطفله اونينها يدمي الضماير

عليها غالب النـوح
تنادي ابصوت مبحوح

وين ابويه .. وين ابويه
🏴🏴

ابخرابه موحشه وليله ظلمه
يتيمه اونينها له الگلب يدمه
عِصابه ياعـلي مابيها رحمه
عليها اسياطها تركوها بصمه

تنحب تنْضَرب وسط البراري
والدها اِذبحوا مظلوم وعاري

عاري ودمَّه مسفوح
تنادي ابصوت مبحوح

وين ابويه .. وين ابويه
🏴🏴

الظلمه بالخرابه تدمي عينك
رقيّه اني تنادي بويه وينك
محتاجك يابويه والحنينك
ضلوعي اتورّمت محتاجه انينك

ضمّك بالحظن محتاجه ابويه
الحنانك ضاميه محتاجه رويه

يمي طيفهَ ايلوح
تنادي ابصوت مبحوح

وين ابويه.. وين ابويه
🏴🏴

أبويه عمه زينب گولي وينه
يمّي الساع شايفته وحنينه
التغـرّگني ابحنانه دوم عينه
قبلاته وعطفه انسه سنينه ؟؟

الجنت اشتم عطوره بالتراجي
هديته عمري سلْبوها الأعادي

أريد الوالد اتنوح
تنادي ابصوت مبحوح

وين ابويه .. وين ابويه
🏴🏴

جيبوا عزّي وسْنادي ودلالي
الينادي بسمي وينه اغيابه غالي
يالهفت دليله اعله وصالي
وياحرگت دليلي اعله الغوالي

تواسيني جفوفه دوم بالهم
ينومسني كلامه الكله بلسم

وينه باري لجروح
تنادي ابصوت مبحوح

وين ابويه .. وين ابويه
🏴🏴

طول اليل مرعوبه وتنادي
مفجوعه تون والگلب صادي
بعـد الأسـرَ من وادي لوادي
اعله طفله فاقده جار المعادي

آمـر زمرته الها راس ابوها
انزعاجه مبدي هالطفله شفوها

تقبض بالطشت روح
تنادي ابصوت مبحوح

وين ابويه .. وين ابويه
🏴🏴

حبيبة بوعلي حسينك رقيّه
حبيبة اللي سحگوا الأعوجيّه
روحه ومهجته وقلبه الشفيّه
الدنيا اشتسوى قذره ودنيّه

على راس الأبو صرخت في روعه
صرخه وَسْكتَت ويلي مودْعه

بويه وشالت الروح
تنادي ابصوت مبحوح

وين ابويه ... وين ابويه

✍️
علي الأحـسائي
محرم ١٤٤٢هـ

( يضحكون)

وحگ أللي وضع شمسه ايضاح كون
بالجنه شفت ناسك يضحكون
وشفت بالنار عدواني يضحكون
عليّه كـل ماون بويه رقيّه

علي الأحسائي

في نوح العقيله على أبنت أخيها عليها السلام في الخربه ...

من فوق الرمح واصل رقيّه
الأيادي الناعـمه الكلها رقيّه
راح اعله الدهر يقرأ رقيّه
أبوج امّي ياعمّه يارقيّه

علي الأحسائي