ليلة العاشر ليلة أستشهاد أباعبدالله الحسين ونظر إلى حرمه عليهم السلام ...


اَبدمك اِمكابد كتايبها الخصوم
اودعْتهَا الغيرة على اخيامك تحوم

واشهيداه ... واحسيناه
🏴🏴

والضما يطعن مع جرف الصفوف
غارق ابموجت كتايبها الألوف
تدفع ابرسمك مخالبها السيوف
مخضب ابدمها جراحات الطفوف

جيش راوي ضد ضامي بالسموم
اودعْتهَا الغيرة على اخيامك تحوم
🏴🏴

وحدك اِمكابد صراعات الرماح
وگلبك ايرفرف على نوح النياح
نوحَـها بنتك رقـيه والصياح
وحال زينب بالبراري والرياح

شلون بيها اتفكر وتنزف هموم
اودعْتهَا الغيرة على اخيامك تحوم
🏴🏴

وبين شفرات العدو ورشق السهام
الموت يبن المصطفى حولك وحام
تنظر آهـاتك وداع أهـل الكـرام
خيل توطي صدرك ابحقد اللآم

توطي ونفسك للخيم تنهض تقوم
اودعْتهَا الغيرة على اخيامك تحوم
🏴🏴

غيرتك تأبه مساس اهل الخدور
وخيلها الأشرار قربتها سطور
اشلون حيلك ضامي يدفع بالشرور
الضباع ابكل كتر حولك تدور

ابكل كتر تنهش ياضيغم بالرسوَم
اودعْتهَا الغيرة على اخيامك تحوم

🏴🏴

لا أبوفاضل معاك ولازهير
ولاحبيب اويّاك ومسلم لا برير
ياغريب الغاضريه انته كسير
حيل ماعندك بعد هذا الهجير

كيف ترجع للخبا اترد الخصوم
اودعْتهَا الغيرة على اخيامك تحوم
🏴🏴

للعليم امرك ياوالي ابهالنزيف
اشكثر حيلك على الرجعه ضعيف
دمك الفاقد من الحومه مخيف
ضامي ودم ماعندك الطاقه ياحيف

بالدمع بس عينك اتصد للهجوم
اودعْتهَا الغيرة على اخيامك تحوم
🏴🏴

ادموعها العيله سحابه هم عليك
نجدتك تترغب اتمدها هليك
بالفزع محتاجه ضمتها يديك
ياتجيها وللا مضطرّه تجيك

لو رحيلك يالولي اعلنت العزوم
اودعْتهَا الغيرة على اخيامك تحوم

✍️
علي الأحسائي
محرم ١٤٤٢هـ

في شهادة أباالفضل العباس ووصول الحسين أليه لأدراكه عليهم السلام ...


ليـش من يـدّك ياخـويه الماي ذبـبيت
شلون في صنعك ياغالي قلبي أدميت

كـله هذا بيك أيسوي خويه الحـساس
شلـون ظـهـري ليّه أحـنيته ياعـبـاس
@@

خلها ناري تشتعل وتفت لي جـبدي
أنته روحـي ومهجتي وغلا ماعـندي
أنته ظهري وحيلتي وبالشـده زندي
قـوم يحزامي وقـاوم هـاك يدي

قوم ونهض لاتهل دمعي في هالباس
شلـون ظـهـري ليّه أحـنيته ياعـباس
@@

مو ضـمـايه في ضما جبدك ياغالي
ألا أشـرب ممـتنـع تـشـرب بدالـي
والله ماريده أريـدك دهـري خـالـي
شيسوى من دونك عليّه الماي تالي

أنته شربي والأمل روحـي والنفاس
شـلون ظـهـري ليّه أحنيته ياعـباس
@@

رده حـيـلـي يالأخو شمتو عـدايه
قوم يبـن أمـي وقـاوم من مـعايه
عـنّـي لاتـقـطـع مـدادك يارجـايه
حـاطـت الـظـلام بــيّـه يالـوايـه

أبقى وحـدي بالمعاره بين الرجاس
شلون ظهري ليّه أحـنيته ياعـبـاس
@@

يالأخو حمـلي وقع من هـو يشيله
كربلا فجـعت عـيـونـي بالثچـيـله
مرّه الكـبـر مره جـاسـم مـره ليله
مـره أنتـه يالأخـو گلــبـي يعـويله

فـطـّرة گلبـي عليكـم والله الجناس
شلـون ظهـري ليّه أحـنيته ياعباس
@

شو غصب عنه الجفن ينزف دمـايه
عالنهر تبـگـى صريع الطف سوايه
الدنيا بـعـدك ماأبـيـها مـن حـنايه
ماأبـي دنـيـا مابـيـها أنته مـعـايه

دمي بعدك ينسـفـك يتـعلگ الراس
شلون ظـهـري ليّه أحـنـيته ياعباس


علي الأحسائي
١٤٣٦هـ

في شهادة أنصار الحسين ليلة السادس محرم وصية أبن عوسجه إلى حبيب ابن مظاهر عليهم السلام ...


بالطف لوله عارف بعدك اُقتل
وصيه گلتَ توصيني لك احمل

يبنه عوسجة... يبنه عوسجة
🏴🏴

أنا اليمك حـبيب أبنه مظاهر
وحبيبك هذا ابوسجاد حاظر
يعـزَّ اعلـيـها فرگـاك النـواظر
حسين ابروحي ودمي افديه ناذر

واعدني الشهادة والده احصل
ونجله المرتضى بعد العقل حل

يبنة عوسجة ... يبنه عوسجة
🏴🏴

محل القلب رسمه يبن عمي
بحال اجروحك وعالوالي تومي
وصـيتك بالوفا لحسين حلمي
نجل الزهرة جيت افديه بدمي

مثل ماقلتَ له الأرواح نبذل
ولو سبعين قتله لجـله نُقتل

يبنه عوسجة...
🏴🏴
نصرَها كنّه نتحره البريّه
وكتبنا الله من أنصاره الوفيّه
بعد ماخذلو مسلم بالوصيه
أهلها الكوفه خذلو ابن الزجيه

ياأوّل شهيد ابكربلا هل
يامسلم جنّته بشراك تدخل

يبنه عوسجة .. يبنه عوسجة
🏴🏴
تنادي ابنصرة المظلوم وتصدح
سعيت ابحث عشيرتنا وتنصح
إلى أن منه كل فد صوت له بح
بالطف ماتمنينا العدد شح

الأسديين حضرو ريتهم بل
معانا المشرعه وقفو فرد ظل

يبن عوسجة ..
🏴🏴

مشيئة الله تبقى اعله الإرادة
دنيا مانطـالب عالشـهادة
قائدنا الحسين ابّو القيادة
وحاشا انبدّله نجل السيادة

رضا الله نشتري برواحنا انفل
ولانرجع مع والينا نقتل

يبنه عوسجة...
🏴🏴

سلامي الفاطمه الزهرة الحزينه
سلامي المصطفى الهادي نبينه
سلامي للوصي حيدر ولينه
سلامي للحسن نبعث حمينه

سلام امن القلب للرحلو نرسل
وصيّه اوياك مني قبل ترحل

يبنه عوسجة... يبنه عوسجة

علي الأحسائي
محرم ١٤٤٢هـ

في شهادة حبيب ابن مظاهر عليه السلام ليلة السادس محرم ...


كل أمنياتك والحلم بالطف تتاجر
نلت التجاره ياحبيب أبنه مظاهر

بشراك الجـوار
ياشـيخ الأنصار
@@

جـنت بحـروبه والدي دايـم تناشـد
يمـتى الشـهاده ياعلي الكـرار نارد
بالدّم أخظّب شيبتي ونحري أشاهد
يومك على حرب الطغا ونلته ياقائد

ألله يرحْمك ياحـبيب أوفـيت وعـدك
تختم كتابه الله جنت في ليله وحدك

قائم في الأسحار
ياشـيـخ الأنصـار
@@

عفت الديار أويه الأهل مالك ودنياك
وجيت بسعيك الكربلاء أملبّي أنـداك
أمحارب أرذال الطغا أمحارب أعداك
أنته العلـيم أبنا ولـي هـذا دعـيناك

يابنه مظاهر عدنا لك أشـگـد معـزّه
صوت الرجس قبل الحرب قلبك مهزّه

بي تطلب الثار
ياشـيخ الأنصار
@@

رايه إلك خـصـّيتها وحـدك للطفـوف
ماعطيتها غـيرك أبد ياعـالي لوصوف
أشگد ألي صحبه بقت أتشدها وطوف
لكن قلت أنته التشدها لي بالصفوف

عاليسره خلّيتك تصف أنته وعابس
ويّه تبارز في المعاره كـل منافس

أتذبو الأشرار
ياشـيخ الأنصار
@@

وبارزته جـيش الطاغيه يازيد بالطف
شفتك على سوحه بعد أرگاب تخطف
قلبي معاك بكل عـدو أصـوابك أيلف
حتى الرجس خلاّ وسف هالراس ينزف

خلاّ الطبر راسك نزف راسي عليّه
ونعمه المحب من صحبتي أنته أليّه

أفديت الأطهار
ياشيخ الأنصار
@@

بالسانك وروحك ياعشقنا أنته ممنون
ردّيت عـلّـي رادو بالخـطـبه يظلـون
وخطبت في قومك ألي حتى يسندون
لاجن ماراد الله لنا قـومك يقـدمون

دمّك يوافـينا يظـل للحـشْرِ خالد
رغمه كبر سنّك أجيت النا مجاهد

وافيت الأحرار
ياشيخ الأنصار


علي الأحسائي
١٤٣٧هـ

في بكاء الأمام زين العابدين على أبيه الحسين عليهم السلام ...


يالصابح لك نعش
أسمك وحده عطش
من بدهمَّ اثنعـش
معصوم ابهالقدر

ياثارالله ياثارالله
@@

دايم يابويه اسمع صداها اهوال عاشر
أسـمـع عليـك الأنبـيا ونّاتها اجـر
ولمن شفت ذبحـك يابويه واني حاضر
أدرك دليلي امصابك الأعمه النواظر

أعمه عيني الدمع
گد مـابيـها طـبـع
دلالـي أنفـجـع
ابحزني طول الدهر

ياثارالله ياثار الله
@@

يالعايش ابدلالي وروحي ودمعة الكل
ويّايه يحـسـين النبـي وين اني مافل
مذبوح شايل بالفكر بس باقي له ظل
خاطر في يوم الكربلا جـثمانك اوصل

أشكيلك حاجتي
ذايب لي مهجتي
مستحيه علتي
يم علتك أقـر

ياثارالله ياثار الله
@@

فرحان دايم بالظنى البُشرى تبوحك
وجدك رسول الله في ميلادك ينوحك
يحَظنك ويلمس بالحظن نزفت جروحك
يلمس سيوف اعدائك اونزعات روحك

ابميلادكَّ انتحـب
جدك لمّن شحـب
كل ما منّك گرب
يبچي وحيله يخـر
@@

ابذكره النبي واله كليم الباري يرتاح
وبس وحدك حسين السبط يمليهَ لجراح
كل مايمر ذكرك يمر فكره ابضما طاح
بواليمه قطره ماشرب والكل له ذباح

يرحل همه ويهـل
همك من له يصل
بالغـبره ايام ظـل
مرمي وسط القفر

ياثارالله ياثارالله
@@

وفي صلحه شرع الله النبي يحيى كذالك
اشلون ايلم اغـيـومـه ويمـطـرها سمالك
اِبذبحه لمس ذبحـك وشـاف ألّلي جـرالك
وبدل البچي اعله حاله رد يبچي اعله حالك

مو كل شي حالفه
وناح اعله موقـفه
كيـف العـنّه خـفه
من حرق ومن أسر
@@

سامحني يابويه العذر منّك ياغالي
لوله المرض وتعابه ماعفتك تبالي
سامحني يادمعي اليهل ناحك وصالي
ملگاك حان وحان فرگاها الغوالي

حان افراگ الأهل
يابويه عالأجل
يومي حده وصل
ياليومك الأمر

ياثار الله ياثار الله


علي الأحسائي
محرم ١٤٤١هـ

قرارات أصحاب الحسين عليهم السلام مع أزواجهم ليلة السادس من محرم ...


حاشا هيهات الولي انعوفه وندير
نصرت ابنه المصطفى تعني الكثير

هذا مالي والذهب أخذي مُلك
وأنتِ طالق زوجتي روحي الهلك
لا زهـير ابقـعـدتـه بيـتـه ايهـلك
رايح ايسجل مع ركـب الأمـير

شرد أساوي بالملك ويه الذهب
راحله من هالمـلا ومالـي مطـب
نصرت احسين وبنينه يالمحـب
زوجتك خلها تموت اوتستجير

گلّي اِبن القـين بموالك شبي
يعني معقوله الفواطم تنسبي
وانـي بيها ناعـمـه لا والنـبـي
آني اواسيها ابركـوبيَّ البعير
@@

حسين داعيني أشارك نصرته
وبن مظاهر حاشا يترك زوجته
أنتِ شتگولين زوجك كلـمـتـه ??
يجلس اقبالج ترينه لو يسـير

خلني وولادي ضياعه ياحبيب
ونصر احسين وعيلته الغـريب
لا يظل أبن الزجيه ابلا مجـيب
ونسوته وعياله مسـبيه تصير

دامه رايج هذا لي في نصرتي
أخـتـباري چـان لج ذا زوجـتـي
هاتي ليّه سيفي وجيبي لامتي
واني طلقتج مواجـه المـصـير
@@

أنتِ طالق ياعروسه من وهب
حـتى لو صـرتـي بلـيّه أخ وأب
فرصه هذي في نصر خير النسب
قبلَ لا من عندي هالفرصه تطير

ماله اللا ايام عرسي گلبي ذاب
دامـه رايك ياعريسـي بالذهاب
شرط عندي لك وريده ابجـواب
وأمك امي هيّه باقي بالهجـير

ياوهب واعدني باجـر بالقـدر
زوجتك أصبح ياغالي بالحشر
بيت توفـرلي مـعاك أنت ومقـر
ونصبح اجوار النمير ابن النمير

✍🏻
علي الأحسائي
محرم ١٤٤١هـ

نعي ليلة العاشر من محرم لسان حال أبي عبدالله الحسين عليه السلام ...

ياعباس ياجعفر ياعثمان
أناديكم يخَوتي ماتردون

حيله مابقت عندي ولاانصار
وعيالي بالفلا كلهم يصيحون

يصيحون العطش يالوالي چتّال
ولا عندي لهم گطره يشربون

أنهكني التعب والحيل مو الحيل
العطش ماخلّه بيه أعله اليصولون

وحدي اِبحيرتي بالشده ظليت
حاير والعدا صارو يشمتون

أرد للخيمه والخيمه مع الگاع
ورجع لشريعه ولگه لطعون

أصد صوب النهر ألگاها لجساد
ورد ونظر وجوه ألّي يضحكون

مدري وين أصد ونطي الوجه وين
أجول بغربت الفاقد إله عون

بنات اخدور عندي ونسوه وطفال
اووحدي بالبراري أويه الينوحون

غريب ومالي أحّد مابين لعداء
عليّه ضاگت الدنيا هلي اشلون

علي الأحسائي
١٤٤١هـ

قلق الحسين على مسلم أبن عقيل عليهم السلام ليلة الرابع من محرم ...


ياسفيري الكوفه أهلها بايعوك ?
طالـت أخـبارك يبن عـمـي عقـيل?

من رحلت اجواري وهلك ودعوك
وبالي مشغول أشكثر في هالرحيل

ياسفيري ...
@@

أنظر البنـتـك حـميده بالخـيام
كيـف بغـيـابك يامـسلم ماتنام
ونظر العـبدالله ومْحـمد هـيام
وتدمع اعيوني على ابناء العمام

ابهالعمر من بعدَ عينك افقدوك
وعارف الأطفال في فقد الخليل

ياسفيري الكوفه اهلها بايعوك
طالت أخبارك يبن عمي عقيل
@@

من خطاب ارسلتَلي اِي أقدم جواب
وگلبي مو مرتاح للكوفه الصواب
أقـطع البيده وفكـري بالغـياب
اعليك خايف حيل من غدر الذياب

خايف انصارك بعد لا يخذلوك
ويصبح المبعوث ليها ابلا سليل

ياسفيري الكوفه اهلها بايعوك
طالت اخبارك يبن عمي عقيل
@@

عانه اخويه المجتبى تدري اشكثر
وگبله ابويه المرتضى حتى انطبر
طبرو راسه والحسن فخذه اِنحفر
ياعسه ابصـفـك تظـلّ اوتسـتقر

لا جفوا عنّك يامسلم وتركوك
من ضعيفين النفوس انا أستقيل

ياسفيري الكوفه اهلها بايعوك
طالت اخبارك يبن عمي عقيل
@@

تدري ليّه عشرتك تعني الكثير
وسفرتك عزّت عليّه يالنصير
ليلي بالخيمه وهواجيس الهجير
تذبل امالي وحياتي بالمسير

توني أوّل الدرب ويه الدعوك
وبالضما أبدي المسيره والعويل

ياسفيري الكوفه اهلها بايعوك
طالت اخبارك يبن عمي عقيل
@@

چني بيك ابلا نصير او لاعضيد
في حواري الكوفه تتلفت وحيد
الكل ورى الثاني غدا ونته فريد
تمشي اوتتوسد إلك مأوى تريد

ابغربتك تترقّب اعدائك لفوك
أنته بالكسره وچني بك قتيل

ياسفيري الكوفه اهلها بايعوك
طالت اخبارك يبن عمي عقيل
@@

چنّه هاني في غيابك گيّدوه
ولي قصر أبنه زياد اسرَ اجلبـوه
گلّي يامسلم وطمني اتركـوه
فكري عدواني مخاوف اترسوه

گلي يانبض الهواشمّ الأجوك
گلّي ياروح المهـمه والدليـل

ياسفيري الكوفه اهلها بايعوك
طالت اخبارك يبن عمي عقيل

✍
علي الأحسائي
١٤٤١هـ

أرجوزه ونزله في أستشهاد مسلم أبن عقيل عليه السلام ..

مسلم اني ياجيام الكوفه مسلم
الماعرفني الحين يعرف لاتندم

طر صباح الكوفه ومسلم بعده مابات
البيت طوعه اتعنّت العدوان الى وجات
حاطته وصعدت سياجه ابلامبالات
ونادته يبنه عقيل ابهالحصارات

أختار يالموت لو نفسك تسلّم
أنته من كل النواحي امحاصر أعلم
@@

نادى مسلم سيفي لازم يرتوي زين
يطعن ابجمعه البعثكم ينصر احسين
يجرّب الحارب مع حـيدر في صفين
تالي يعرف من هو مسلم هذا بعدين

ثار أميري ابدمي يجري اعليكم اشكم
لاتظـنـوني ابعـددكم خايف اهزم
@@

جعفر وطالب عمامي وحيدر الليث
ووالدي خيهم عقيل المنّه الغيث
بشـرو بالبتار بيـكـم ببتدي حيث
بيّه مابيّه صـبـر حـاشـا ولاريث

جدي ابوطالب لطاها نفـسه قـدّم
واني لي سبطه وحبيبه نفسي اقدّم
@@

احسين أبن حيدر أميري مو بن ازياد
مو أبن مرجانه هذا البالشرب هاد
احسين من رب الخلايق والي لعباد
ما أجه من كيفه حط نفسه على الراد

ألولي تدعونا عدكم تالي يهضم
حاشا مابيكم فرد بمروته مهتم
@@

وكر على جند الظلاله امطوّگ اصفوف
في سماء الكوفه مسلم سوّه لخسوف
روس وقدام اوأيادي بالهوى اتشوف
ناس ناحت ناس لا زحفت من الخوف

ناس لنـفاسِ تلـگـطَّ اوتلمـلم
والضواحي والمباني امرشرشه دم
@@

ليمن الأرهاق هدّه والعطش زاد
ألجـراحـات ابقـتاله ونـار لفـاد
رغم ذالك هم بقى ايهد عالكفر جاد
ولوله وعده بالأمان الجاني ماراد

وحاشا منهم چان فد لطاغي يسلم
السّلم آله مضر مبدأها يعلم

علي الأحـسائي
محرم ١٤٤١هـ

في ليلة الخامس من محرم حينما سأله الحُسين عليه السلام أثره نزوله في أرض كربلاء عن أسم هذه الأرض وأجيب بكربلاء قال ...


كربلاء ... كربلاء

صداها عايش بسمعي
من صغري إلى هاليوم

جدي المصطفى وبويه
علي عنها حچولي دوم

وأمي فاطمه الزهرة
حجت ليّه ودمعها أدموم

يبني بكربلا دمك
يسفك تنسحق لرسوم

كربلاء … كربلاء
*

نزلنا أهنا يابوفاضل
خيمنه أهـنا ننصّـبها

وصلنا الكـربلا شايف
الحچه النا المرتضى أنطبها

بيها نزّل العـيـله
ووتاد الخـيـم جـبـها

برير أمن النهر هذا
أفواه القرب عبها
*

الأعادي يالأرض باچر
دم المصطفى أتحله

تشبع من دمانا أرضج
وتروي أسيوفها بهلّه

وراسي للولي شاخص
ماخاضع لغـير الله

أمـرالله علي واجب
ونفسي ترفض الذلّه
*

لازم للخلق يوضح
دين المصطفى الهادي

مهما الطاغي بخيله
بظلال الوادم أينادي

أزرعت بيّه الأهل آمال
وانه بخطوتي بادي

عليّه واجب أبدمي
أدافع وكسب أمرادي
*

سحايب عيني أبعزلي
تمطرلي الدمع في الغد

شبيه المصطفى أوليدي
ترابج يحظنه أمّمدد

ورضيعي وخوتي وناسي
عندج تندفن تنهد

بسيوف الظلم كلها
باجر بيج تتوسّد
*

باچر كربلا برضج
دمها ينهمر شبعي

بعدي أعله العسر والويل
وشرب من غصص ربعي

كل ما أذكره باچر
يفوض وينهمر دمعي

صراخات العوايل لو
رنين أسيوفها بسمعي
*

خويه لملم العيله
وكل جمع أعزله بخيمه

وأنته ياعلي السجاد
لك عند الظعن قيمه

خلك بالخيم جالس
نسلي أنته الذي الديمه

قلبي بكربلا هاليوم
عايش في لهب ضيمه

ــ ــ ــ ــ ــ ــ ــ ــ
تمت بحمده تعالى
علي الأحسائي
1440هـ

جديد نزله لأبوالفضل العباس عليه السلام ليلة سابع ...

آنه بـن حيدر علي
آنه مذخـور الولي

آنه عباس ياحومه آنه عباس
@@

الرخصه حلّت من أميري وبتدى الباس
الحين أيعلّمكم نزولـي شنهو لحساس
قابض الأرواح جـيتـلكم يلـرجـاس
أعلينا لا گلبـه نهـركم ولبسه الياس

بالردى أتعطشو هلي
منّي شهدو مايلي
آنه بـن حيدر علي

آنه عباس ياحومه آنه عباس
@@

ذكرو خيبر في بروزي وذكرو صفّين
مثله راح أفعل لكم بالصوله هالحـين
ذكرو حيدر بالجنود أشسوّى بوحسين
عرفو مثله راح شبله الحومه أيزين

جـمعـكم لا ينجلي
ومن دماكم ينطلي
آنه بن حـيدر علي

آنه عباس ياحومه آنه عباس
@@

بيّه جمره أعله صنعكم تطفي بالروس
منّكم چم طفله غابت والعطش موس
أمروّه مابيكم ولاحساس أنتو لرجوس
راح أخلّص ما نهركم وشبعه دوس

ماخذ الميدان ألي
خل دماكم تنغلي
آنه بن حيدر علي

آنه عباس ياحومه آنه عباس
@@

ونطلق سهم الهواشم ثاقب الجيش
ومنّه خر نهره على أخيامه المخاديش
ثقب سهم الجود حوّل من بعد ويش
طال بيه الصبر بوفاضل في هالعيش

صارخ أعله المعتلي
والكل منّه مبتلي
آنه بن حيدر علي

آنه عباس ياحومه آنه عباس
@@

كردس وزاح وگلب چم بالحرايب
وخاض نهر العلقمي بخوض الكتايب
صارمه أمجزّأ شملها بالنوايب
صارم ألاّ يترسه جود الحبايب

وعوّد أخيامه بلي
وجوده من منملي
آنه بن حيدر علي

آنه عباس ياحومه آنه عباس

ـــ ـــ ـــ ـــ ـــ ـــ ـــ ـــ ـ
تمت بعون الله وفضله
علي الأحسائي
محرم ١٤٤٠هـ

ليلة السابع محرم ١٤٣٩هـ

ـــ ــــ ـــ ـــ ــــ ــــ ــــ ـــ ــــ ـــ

جـبركم ياعـيالي المـوت تبچـون
الضما مايدري بحساس اليموتون

ألاّ ادمـي الكتيبه
الماي أطلع أجيبه

لطـفالي
****

ياخـويه حـسـين طلبه لاتردني
أســمــع ونّت الأطـفـال تغــني
العيال أمن الضما للموت تدني
رخصه منّك أجني الماي خـلني

تنحـب مقـدر أسـمَـعْها بالونين
يسـعر قلْبها أعله الماي يحسين

خلني أطفي لهـيبه
الماي أطـلع أجـيبـه

لطـفالي
****

ياعباس القلب يدمي جـَعَـلْته
لياخويه الطلـب هـذا الطلـبته
إلك يصـعـب عـلـيّه لو تركـته
تدري حملي يوگع بعـدك أنته

وتتـشـتت عـيـالي والنـساوين
بعدك لو رحت من يبقه لي مين

لا اتگل بالمصيبه
الماي أطلع أجيبه

لطـفالي
****

دگلّي أحسين شلحل ردَّ أليه
تتضـوّر عطـش جـبـدت رقـيه
وسـكـنه بالخـيـم ويّه البقـيّه
أعـصابـي أفلتت خـويه عليّه

إذا اني مارحت أطفـالنا أتمـوت
وهلنا بالبواجي أسلاحها الصوت

دخـلنـي للغـريبه
الماي أطلع أجيبه

لطـفالي
****

يحـسـين العطاشه ياودادي
الخيمه لا رحت تومي الأيادي
العقيله هذا هـم بيّـه تـنـادي
أسمعها ياخويه بقلب صادي

أظن جـابت رضيعك لينا نسقيه
ياخـويه خلني ليها أطلع أرَوّيه

خلني اوسي نحيبه
الماي أطـلع أجـيبه

لطـفالي
****

گطّـعـته القـلـب عـباس ليّه
أخافن لا رحـت نرحل سـويّه
إذا جـانك مصـر ترحل وصيّه
أودعك يالأخـو خلني المسيه

أشكثر يالم طلوعك للأعادي
أنته حـيـلتي جفّّي وسنادي

مصر يبن النجيبه
الماي أطلع أجيبه

لطـفالي
****

لزوم الماي أجيبه حسين بيدي
أجيبه لو العساكر قطعو ليْدي
لزينب حـالف وهـذا وعــيـدي
أعـوفك مو بديّه ياعـضـيدي

خذت جـودي مع سيفي بديّه
لروي هالكفر ضيمي ألّي بيه

العسـكر لاخـيـبه
الماي أطلع أجيبه

لطـفالي

ــــ ـــ ـــ ـــ ـــ ـــ ـــ ـــ ــــ

تمت بحمدالله تعالى
علي الأحـسائي
١٤٣٩/١/٧هـ

لسان حـال أم البنـين فـي هـز مهـد أبنها أبوالفضل العـباس في صغره عليهم السلام ..


دللوه يالولد يبني دللوه

أهـز مهـدك يطفـلي لزجـيّه
الأبنـها حسين أهزه ماهو ليّه
لجل تكبر وتصبح بالوصـيّه
منـاصـر للولـي بالغاضـريّه

دللوه يالولد يبني دللوه

تـدلل يانـظـر عـيـنـي تـدلل
مدامك يمه ذخـري تالي الوّل
في هز مهـدك أنه يمه أتكـفـّل
مدامك محمل الأخت أتحـمّل

دللوه يالولد يبني دللوه

يسـمـيـني الزمـن خله أم البنين
تهـيأ فـي فـدائـك يمـه لحـسـيـن
أريـدك توقف أويه وتفدي للـبين
جفوفك تفدي له وتفدي له العين


دللوه يالولد يبني دللوه

جـفـوفك يالولـد باجـر دخـلّها
تقـوم أبدورهـا وتحـمـي نجـلها
تحـامي زينـب وتكـفـل حـمـلها
وعلى السان الأخت تبگى مثلها

دللوه يالولد يبني دللوه

أهزّك والقلـب ينظر للطفـوف
يناظر كـربـلا ويتمـنه أيشـوف
وليدي بالشدد مايعرف الخوف
فارس بالمعاره يكسح أصفوف

دللوه يالولد يبني دللوه

الولي وحـده يايمه لاتخـليه
تذب عنه وتحامي أهله وبنيه
لجل أمك يايمه كل شي سويه
بروحك والجسد يوليدي دفديه

دللوه يالولد يبني دللوه

ــــ ــــ ــــ ــــ ــــ ــــ ــــ ـــ
علي الأحسائي
١٤٣٦هـ

قلق أم البنين على أبي عبدالله الحسين وظعنه عليهم السلام ...


ياترى كيف الضعينه برحلتـك
كـيـف زينب والعيال بسفرتك
@@

شلـون وياكـم بنيني الأربعه
ياعساها الكلمتك بس سامعه
ياعساها بخـدمـتـك أمسارعه
گلـبي يالمني عليها هجرتك
@@

گلبي مامرتاح بعـدك ياحـسـين
السـهـر ذبّـل جـفـون أم البـنـيـن
طال ليـلي وطالت أخـبارك تبـين
يمـتى ترجـع المدينـه بعـيـلتـك
@@

گلبـي ويّاكـم يايمه أويه الرحـل
مدري شنهي أخباره ولدي بوالفضل
ياعـسـه شـايـل زمـامـات الأهــل
حامي زينب كيفه ويّه غيبـتـك
@@

واهسـي ماملّ فكري يالولـي
دوم يفـزعني بخـياله لا لاح لي
عيّه من فـكـري يايمـه ينجـلي
ريّح أگليبي ياغالي بشـوفـتك
@@

أمك الزهـرة يايمه أمعاهـده
أتروح كل أولادي لعيونك فـده
بس سـالـم ترجـع الها الوالـده
آه يايمه أشعبتني رجـعـتك
@@

آه ياريحت علي ونجـل البتول
عايشه أبخوف وقلق مدري شگول
خايفه في غـيبتك ليلي يطـول
ياترى شعامل يايمه بغربتك
@@

دوم في بالي يمر نوح وصياح
صـوت أطفال وحـراير بالنـيـاح
وفـزع بليـلـي ونه كلّي جـراح
ياعساها بخـير يبني أسـرتك

ــــ ــــ ــــ ــــ ــــ ــــ ــــ ـــ
علي الأحسائي
١٠ جمادى ١٤٣٩هـ

في خروج الحسين عليه السلام من المدينة المنورة ليلة الثاني من محرم ...


فـي أمان الله يايمه ياكـسـيرت الضلع
أبنج حسين المسيّه امودّعج هال الدمع

الكربلا خاط المسار
عـازم بتـرك الديـار
@@

من بعد عينج يايمه مالي بيها أي مكان
ضاقت الدنيا عليّه ونطفه نــور الزمـان
عازم الشيل بضعوني يالزجيّه هالآوان
جيشه يازيد المدينه حاضر وبيده البيان

لازم أطلع للعـراق وأتركج يمه وصـاء
أسمحيّلي يالحنونه هالمسه آخـر لقاء

هذا وعـده والقرار
عـازم بترك الديـار
@@

أشكثر صعبه أنه أدري فرگتج والله علي
عنّج أرحل وانه مقروح أويه راحلتي وهلي
كل مـسا معـتاد أجـيلج للقـبر زاير بلي
لاجن أجباري في هجرج كثرت الرسلو ألي

لازم أطلع للأعـادي وصلح أحوال العباد
لو عليها دمّي يهدر خاطر أرضا ربي ساد

أعذري أبنج لو مزار
عـازم بتـرك الديـار
@@

هذي يايمه الوصيّه هذا يومي والوعد
عندج أخباري تعرفيها أظن أمن المـهد
جدي الهادي مُحمّد خبّرج عـنّي وسـند
من بعد ضلعج وراسه بويه ألّي أنهـبد

من بعد جبده أخويه ألحسن ألّي نقذف
باجر أسلافه أميه من دما نحـري تزف

ما ألـي بيـها جوار
عـازم بترك الديـار
@@

داري جـانت بالنبي جدي مُحمّد والأبو
بالزجـيّه أنتـي يمـه يالحـزينه والأخـو
دنيتـي ويّاكم أنتـم غيرها ماظـن أكـو
أشكثر والله عيوني عالشمل هذا شفو

وحشه صارت من بعَدْكم هالديار المظلمه
بالترايب صرتو كلكم صرت أنه بالموزمه

ضاقت أرويحي الجوار
عــازم بتـرك الديـار
@@

خلّني أشتم ترابج وحـضنه طول القبر
باجر أسيوف الأعادي تطعن بجسمي وتكر
باجر أخيول العواجي تاطي بصدري وتمر
باجر أيذبحو رضيعي ويحرق أخيامي الشمر

يمه يازهره الحزينه أحظنيني بالظعن
ماشي من يمّج ودمعي فوق رمشي والجفن

ويه أهـلي والخيار
عـازم بترك الديـار


علي الأحسائي
٢١ ذوالحجه ١٤٣٦هـ

ليله 1 المحرم ..
...............

غابت أرسوم الوسيعه
وخـتفه نور النهار

أول أيام الفجـيـعه
عالملا هاليـله صـار

عادت آهات الحـنين
رجعت أوجاع الحسين
@@

غير باقي الأشهر أيامه
الأليمه تعترض
أوّل أيام المحرّم
رهبه يكسيها الأرض
بيها حتى الكائنات أتحس
وتشـعـر مو البعض
وكل فرد يشعر دليله
بي تغيّر بالنبض

ألقلوب أمن التأسّي
تخفض النبضه وتحن

والدمع يصرخ حسين
أمن المواجع والحزن

عادت آلام السنين
رجعت أوجاع الحسين
@@

اليله زينب تنظر أهلال
المآسي بالدموع
وتذكر أيام الهضيمه
وتعب يمّ الشموع
شلون صعبه ذكريات
أعليها مرّت بالطلوع
يگصر السان القصيدة
يوصف بخيها الفجوع

آه ياهلال النوايب
آه ياهلال الجروح

أجعلت زينب أسيرة
من بعد خيها تروح

بالبواچي والونين
رجعت اوجاع الحسين
@@

يگضي زين العابدين
اليله وقته بالنياح
مؤلمه أيام الطفوف
أعله قلبه كل صباح
دمعه ليل أنهار يجري
مايجفّ أمن الجراح
أبمثل هذي اليالي
والده بالطف راح

شگد ثقل حمل الرزيه
عالولي اليله يصير

ذبلت أعيونه المصيبه
والقلب بعده كسير

عالأبو الساجد حزين
رجعت أوجاع الحسين
@@

الباقر اليله بجراحه
يذكر آلام الطفوف
يذكر الصراخ الضعينه
وفرّته بين الألوف
بالعمر توّه صغير
وينظر العسكر صفوف
والده يضرب ويشتم
وعينه بالمدمع تشوف

بالأسه عادت لصدره
هاليالي تازمه

جرح أبواليمه المسيّه
عينه ماليها دمه

تدمع وتنزف أنـيـن
رجعت أوجاع الحسين
@@

شكّوه زينب وحده عالتل
للأخو أيهز الفلا
شلون بطفله رقيه
حاشا ينساه الملا
حاشا عرش الله وسوره
ينسه نبلت حرمله
شخلّت العدوان وبقّت
بيها أشعملت كربلا

حقّها تغتاض الدموع
وتجري عالوجنه نهر

ترهب أطياف المصيبه
اليله كل من بيها مر

ساعـد الله أم البنين
رجعت أوجاع الحسين
@@

أبمثل هذي اليالي
أشسوت الها الفاجعه
كلْ شيَ خسْرت بالطفوف
أم البنين الأربعه
مابقه حد ليها ظلّت
وحْدها بالواقعه
ضاقت الدنيا عليها
ضاقت أبها الواسعه

ماتغيب أمن الهواجس
ذبحت الوالي الغريب

نبلت العين ألي ترحل
لو طبرت الهامه تغيب

عوّد أخـضابه الأمـيـن
رجعت أوجاع الحسين

ـــ ـــ ـــ ـــ ـــ ـــ ـــ ـــ ـــ ـــ

تمت بحـمـدالله
علي الأحـسائي
٨ ذوالحجه ١٤٣٨هـ

حال زينب مع شهر المحرم ع …

(المستهل مقتبس من الشاعر المرحوم منظور الكربلائي)...


(آه ياحسين ومصابه
لجله العـيـن سچـابه)

الربيت أوياه أنه خويه بحجر واحد
صعـبه ينمـحـي مـن قلـبـي الفاقـد
أشلون بذبحـته وعـيـوني أتشاهد
يظل فقده نياحي أعليه مو واجـد

أيظل يدميني أغيابه
خويه البالدما أخضابه
آه ياحـسـين ومصابه
@@

يظل يجـبل هـلالـه والصـدر مكبوت
وصراخـاته رضـيـعه للسماء أتفـوت
هلاله قوسه ذكـّرني بقـوس المـوت
بقوسه حرمله وسهمّه اليبوح الصوت

طفله يتني أجوابه
وبسهمه العدو صابه
آه ياحسين ومصابه
@@

الضما لو طيحته لو النوح ونيراني
تتمالك ماتقـدر عـينـي أحـزاني
في ذكـرى هلاله خـويه الحـاني
تتكلم دموعي ويسـكـت اللساني

بكسرة ظهره فحبابه
ذبحه وسلبت أثيابه
آه ياحسين ومصابه
@@

من نزفت سـماها الطـف لحزانه
ودمَوعي من هذاك الوقت نزفـانه
شحچي أعله الجرى لينا من أعدانه
وطوال العام أرضها سحبي غرگانه

ليش الطاغي ماهابه
وآل المصطفى أنجابه
آه ياحسين ومصابه
@@

هلاله كل سنه أيمرني كحز السيف
كثر ما يخنقه أنفاسـي العلي بالطـيف
واني فـي لهـب نيـرانه ذاك الصـيف
أحسّه يقطّع أوداجي بالأخو عالكيف

بقلبي يقطع الذابه
وين اليحضر أصوابه
آه ياحسين ومصابه

@@

وهو ضامي بتربها كربلا ومهضوم
ريجه يتني بخّت ماي من هالقوم
يتانـي المـاي فـازع للنفس مكتوم
ووسافه السيف فازع طبَّ للبلعوم

ضامي وناره لهابه
وبنحره الشمر صابه
آه ياحسين ومصابه

@@

أي ياروح الولي وقلب النبي طاها
لحظات الشـمر كيـف اني أنساها
مـرّه بس متت وانـي يامبچـاها
كـم مـرّه متت گلّي في ذكـراها

ذكراى الطف وترابه
يبن أمي الطفل شابه
آه ياحسين ومصابه

ـــ ـــ ـــ ـــ ـــ ـــ ــ

ملاحظه : المستهل مقتبس من الشاعر المرحوم ملا منظور الكربلاء رحمة الله عليه .
تمت بعون الله وأحسانه
علي الأحسائي
هلال محرم ١٤٤٠هـ

في لليلة عاشر من محرم ...
ــ ــ ــ ــ ــ ــ ــ ــ ــ ــ ــ ــ ــ

الضـربـه على الطـعـنـه تدوس
وناسي لظى أسيوف الرجوس

مخضّب تصـيح أعله اللآم
خـلـو عـيـالي فـي سـلام

واحسينا ،، واحسينا
@@

قرب الخيم خضت الألـم بالغاضريه
عن لا تمسها أعيالك أجنود آل أميه
وزينب مع السجاد إنظروها الرزيه
كيف أبدماك التجري تدفعها الأذيه

مفجوعه من هول الجراحات الچثيرة
ونته دموعك عالخدود أتهل غزيرة

تصيح وتتمتم بالكلام
خلو عيالي في سلام
@@

چنّك بهاليجري ويهل عارف وداري
خلف الخيم خندق مع الأصحاب جاري
وحـدك غـديت أبلا مـناصـر بالبراري
أتذب الأعادي بهمّتك وهلك تباري

خايف على العيله من أنوايه الأعادي
خايف بعد عـينـك تصـل ليها الأيادي

وحدك تصيح أعله الخِصام
خـلّو عـيالي في سـلام
@@

خـلفك لفو بعد التعـب والنزف يحـسين
وحيلك خلص والباقي لك بس صوت لونين
جسمك غدا منخـل من أسـيوف المـعادين
ونته أوقعت فوق الترب شارف على البين

لاجن بقت عينك على أطفالك والعيال
بصـوتك تريد القـوم تتركـها لاتغـتال

ذبحوني ولاتمسو الخيام
خلّو عيالي في سـلام
@@

فوق العطش والطعن والنزف الأجالك
فرّو على أخيامك لجـل تاذي عيالك
ايهـون الذبح عندك نعـم ولّي غدالك
وميهون يالوالي الحـرم تنهك گبالك

أشگد تمنّيت العزم يرجع لحـيلك
خاطر تردها وماتنادي أعله قتيلك

منكب على أعواد السهام
خلّو عيالي في سلام
@@

بصوتك تنادي ومن صهيل الخيل والجيش
يصعب سماعه بالضجيج الجاري لو أيش
همها الجنود أتبوق وتسرق خاطر اتعيش
وماهمها حاشا بكربلا الجرم أعملت ليش

أعله الترب طايح والسهام برسومك
تنزف على الغبره وتنزف لك دمومك

أتمتم على أولاد الحرام
خـلّـو عـيالي في سـلام
@@

من للغـريب الراحو عنّه أهله وناسه
ينادي ولا له من مجيب أيفز في باسه
ألموت يفـزع له نعم في شرب كاسه
وبالعوز له ماتفـزع أقلوب الرجاسه

قلبك قضا ضامي من الماي ومنالك
لاأسگوه ماي ولارضو أيخلو عيالك

ضامي قضا بصوت الملام
خـلّـو عـيـالـي فـي سـلام

ــــ ــــ ــــ ــــ ــــ ــــ ـــ ـــ

تمت بحـمدالله تعالى
علي الأحسائي
١٤٣٩هـ

ليلة ثامن محرم ليلة القاسم عليه السلام ..


عمي يحسـين أنه أبنه خـوك جـسام
جيتك أطلب وقفتي في صف الأعمام

مقدر أنظر وحدتك بالغاضريّه
لاتردني بنصرتك عندي وصيّه
*

هاك وقرأ هالضرف محفوظ عندي
من أبويه المجتبى يوصي في مدي
وأمي رمله لاتهل دمعي أعله خدي
عمـري للوالي نذرته والله جـندي

بلّي تامـر آنه حـاضـر للمنيّه
لاتردني بنصرتك عندي وصيّه
*

الدنيا دونك ماحلت والله في عيني
روحي فدّوه النصرتك ويّـه سـنيني
مـاتعـوفـك ونته وحـدك بالأنـينـي
توقف ألاّ في جوارك توسـي ديني

حتى لو ضاعو شبابي عم عليّه
لاتردني بنصـرتك عندي وصيّه
*

بويه من صغري على يومك وصاني
گلـي ياجـاسـم إذا مـوتـي وفـاني
عمّك أحـسين بفـلا أتشـوفه يعـاني
لاتعـوفـه بكـربـلا وحــده تـتـانـي

وانه لك عم جيت أحارب آل ميّه
لاتردني بنصرتك عـندي وصـيّه
*

كلّما أسمـعـك تنـادي بالمـناصـر
قلبي يالمني أعـوفـك دون ناصـر
بـلّي تامـر عـم عـليّه آنه حـاضـر
دمّي مايبقى وخيم أهلي تحـاصـر

ألاّ أفديك بحـياتي فـي الرزيّه
لاتردني بنصـرتك عـندي وصيّه
*

خــلّنـي ياعـم آتحــنّه من دمـانه
عرسي في نصرة عـمامي والديانه
هذا حلمّي هالمنى وطف لي حانه
خـل أوريهـا بقـتـالـي من هو آنه

بصولت الكرار جدّي هالرديّه
لاتردني بنصرتك عندي وصيّه

*
أوفي خلني بنصـرتك نذرن ذخـرته
لي مثل هذا الوقـت ألّي أنتـظـرته
ألممـات النا مـصـير أشـمـا حـذرته
وانـه مخـتار الممـات أبصـفّك أنته

خاطر أويّاكم أفـوز بهالقضـيّه
لاتردنّي بنصرتك عندي وصيّه


علي الأحسائي
١٤٣٦هـ

ليلة ١٢محرم حال زينب في ركوب الناقه عليها السلام ...


تريـدج عالهـزيله ألاّ تركـبـيـن
تَضَرْبج عاجزه أنتـي توگفين

هْذا هو الموت صابج
ماَتدري الطـف عابج

تريدج عالهزيله ألاّ تركـبين
@@

بعد سكتت صراع الطف عجزتي
تَوقْـفـي للإسف من مافـقـدتي
وأعاديـج الهـزل لن ماركـبـتـي
ترفسج ليش زينب مـاقدرتي

تضربج بالسياط الحاره بالبر
تعيبه هالمتن بقصه ماتقـدر

نسـت علقم مصابج
ماتدري الطف عابج

تريدج عالهزيله ألاّ تركبين
@@

أخوتج ذبحوا حرگو لج خيامج
الخيم طبوا وسف سلبوا الأمامج
العتب في هالأمر صعب وملامج
توقْفي اشلون زينب من ألامج

بعد سلب الخدور الفاطميه
إلج طاقـت يسـرها آل ميه

صعـب زينب عتابج
ماتدري الطف عابج

تريدج عالهزيله ألاّ تركبين
@@

صعب زينب تعوف الأخ بلا أوداع
عظامه أمكسّره ومرضوضه لضلاع
قطيع الراس وفد خنصر إلى ضاع
رسومه بالعـرى تدمـي بلوجـاع

عليج الناس شتگول ابرجوعج
أخيّج عفتي وجيتي أبها دموعج

وتلوم اعله خـضابج
ماتدري الطف عابج

تريدج عالهزيله ألاّ تركبين
@@

نعـم أعـله الترب زينب بقيتي
ثقـيـله وقفـتـج من مارأيتـي
أراضـي كربلا ابعـباس أجـيتي
تعودي دونه جيف انتي رضيتي

على راسج من اهوال التشوفين
تشيلين الترب بيدج وترمين

تنوحي اعله الجرابج
ماتدري الطف عابج

تريدج عالهزيله ألاّ تركبين
@@

على أنياقن عجف حملوها لضعون
بعبايه امحـرگه مجموره لعيون
أجت صوبج تركبي ألا يشتمون
بلامـج يالحـزينه مايشـوفون

حتى يوم اعـانـج زين بشّـيل
مثل دمعه وقع مايقدر ايشيل

تشتمج في جلابج
ماتدري الطف عابج

تريدج عالهزيله ألاّ تركبين
@@

متلين الگلوب اشما بچيتي
بعد ضغط العدو حـين ايّسيتي
گمتي اشلون بس گمتي انوليتي
مثلَ حْسين من گمتي انحنيتي

تنوحين أبيسرها اهل الظلاله
ويزيدون بظلمها اهل الرساله

شكبر جمرة عذابج
ماتدري الطف أعابج

تريدج عالهزيله ألاّ تركبين

ـــ ـــ ـــ ـــ ـــ ـــ ـــ ـــ ـــ
علي الأحسائي
١٢ محرم ١٤٣٩هـ