ليش تدري في طريقك للحسين أتحس أمير
لن على درب الأخو يالتمشي هم زينب تسير

ودامك بركب العقيله
روحك أتحسها جليله

يلّي تمشي للحسين أبرايتك تدري المعاك
هذي زينب بت علي وقت المشي المليت سماك
أنته تمشي والملايك بالمشي تحسب وراك
وكل محب يغلي خطوتك في أخذ تربة خطاك

ودامك أمواسي الوسيله
روحـك أتحـسها جليله

الحـسـين بكـربلاء أدمـه القـلـوب بثـورته
خارج الدين الله أبوالأكبر مضحّـي بعـيلته
خـارج الدين النبــي الرادت أميّه طـيحـته
أمضحي بطفاله ونسائه الثاكلات وصحبته

ودامك بنصرت خليله
روحك أتحسها جليله

جسم أبواليمه أنسحق كله براضي كربلا
ومن أثر سحقه العقيله أشلون طاحت بالفلا
طاحـت بدمـع الفـراق وهمها ألّي منجـلا
كل عمرها بعده بالطف ياوسف أمسا بلا

ونته لن هـمها تشـيله
روحك أتحسها جليله

بالدرب تلقه المظايف في خدمتك واقفه
هذا يفرش لك مكانه حـتى عنده أتشرفه
وهذا أيقدّم شـرابك مأكـلك قـوت وشـفه
كلها في حبّه الحسين الخدمتك متكاتفه

لنها تدري شالحصيله
روحك أتحسها جليله

بربعينه وفي طريقه كل سنه أتزوره الأخت
هي معه السجاد أبن خيها ويتاما ألّي صفت
عالهزل تمشي ودمعها عالوصول أبها يفـت
ونته في جيتك تواسيها أبتعب مرّه شفت

ألاّ فـي درب الدليـله
روحك أتحسها جليله


علي الأحـسائي
14 صفر 1437هـ

أبوذيات في رجوع زينب لقبر أخيها الحسين عليها السلام يوم الأربعين ..

على الوالي رمت زينب نفسها
ونادت والألـم يحـبـس نفـسها
هذاني بت علي خـيتك نفسها
أجيتك ياحبيب أمي الزجيه
&&

من أوداعك شمر زجره حرمنا
وفـرهـد باليـسـر باگـي حـرمـنا
من أعـتابك لعـد شـامه حرمنا
وسياطه يالولي تلعب بديه
&&

ونه بكلـبـي يعـيـش الآه ويعيش
منـو البعـدك يظـل معـزوز ويعـيش
عشت لحظات عمري وياك ويعيش
بعد هجرك سوى الضيم العليّه
&&

بعد فگدك ظلام أجفاك عميه (عمني)
وصرت بعدك ياخويه أحسين عميه
دگـوم ورد ضيا دنيـاي عـميّه
أبوسجـاد ليـلك لي المـنيه


علي الأحسائي

نزله في ذكراى أستشهاد الأمام علي أبن موسى الرضا عليه السلام ..

عظم الله لك الأجره علي

سـمـو العـدوان نجـلك الرضا
نجـلك المظـلوم من سمها گضا
مات في غربه وضيا الزاهر مضا
مات وفي جوفه من الجاني لظه
&&

ويلي من سمها قذفها جـبدته
گـطّـع أحشائه ورماها بشـهـقته
مارعـو حـقّـه ومـكـانـه بغـيلته
ألعــدا قـتـله ياوالـي خـطــته
&&

أبلا عشيره ولا أهل ويلي غريب
ماكو في مشهد إلى واحـد گريب
أمن المدينه جابو مغصوب النجيب
مثل نجلك الگضه بالطف خضيب
&&

أمشابها في غربته مـاله معين
ذاك في طف كربلا قتلو الحسين
ونجلك بطوس الرضا قتلو بكمين
كلهم أولادك گضو من عد لعـين
&&

شحال أمّه فاطمه الزهرة ياحيف
لو رأت جبد الرضا وحاله المخيف
ظل على أوجاعه أيتلوه والنزيف
ظل على الغبره يون وسفه الشريف
&&

ظل جبينه يعرق وغاب الأنيـن
شاخص بعينه الزكي وكلّه حنين
شاخص وفكره في مقطوع الوتين
الظل ثلت أيام عالغبره رهـين
&&

مارعو صومه وضما جبده الخليل
دسـوّ سمـهـم الأعـادي لسـلـيـل
وبالجـبر رادو يشـربه في الرحـيل
مات من مسمها ياحـماي الدخيل


علي الأحسائي
صفر ١٤٣٨هـ

نزله ولائيه في ذكراى أستشهاد مولانه الحسن المجتبى عليه السلام ...


كَلْنا لك يالمجتبى أحنا شـيعتك
مانذكْرَك أحنا بس في أمصيبتك
&&&

بكل وگت لازم نعيش بعالمك
لازم أنسافر نشـوف اليالمـك
غالي أعـليـنا ياوالـي ماتـمـك
ونته تدري أكـثر بيها الحبتك
&&&

ترفض أگلوب المحـبين الهجر
أعـلـه ذكـرك دوم يالوالـي تـمـر
بكل وگت تلهب على حالك جمر
وماتهـون ألا تزايد شوفتـك
&&&

دنيتك دنيه النبـي وحيدر علي
مثل أخـوك حسين أنته مبـتلي
ظـالمــيـنـك آل أمــيـه يالـولـي
ظالميك ونرفض أحنا الظلمتك
&&&

نلطلم أعله حالك ونبچي وننوح
وننزف أعله جرحك النازف جروح
نرثي ونعـقـد مجـالس لك تفـوح
وهم تحس ناقص وفاها العزتك
&&&

كَلْنـا لك روح ومـعـزّه ونتـماء
وتشهد أعلينا في هذا الخُصماء
مانمـل أزيارتك حـاشا أوفـيـاء
وهم بعد نرجع نريـد أزيارتـك
&&&

بينا جرحك يالحسن لن مابرى
باگي ينزف في ضـمـايـرنه ترى
باگي ينزف لك دما من ماجرى
ومايجـف لمـن يشـاهـد قـبّـتـك
&&&

لمّن الموعود يغتص من عداك
لمّـن العـاداك يعـرف مـن وراك
تالي يشفى من ألم جرحه الهواك
لو شهد نجلك يبـيـد العـادتـك


علي الأحسائي
صفر ١٤٣٨هـ

قصيدة لستشهاد السيدة رقيه عليها السلام ..


عالولي نجزع في ذكرا من يمر
شلون بيج وأنتي زغيره بالعمر

بالخـرابـه أتسايلي
حاظنه راس الولي
بابا بابا .. بابا بابا
@@

نسمع أبحال المصيبه أمن الخطيب
ونبجـي عالوالـي ونشارك بالنحـيب
شلون بيج وراسه في حجرج خضيب
طفله ولج جـابـو مهشّـم وتريب

ماتحمل قلبج الصدمه الزغير
ماتحمل منظر الراس الضرير

متّي مفجوعه بلي
حاظنه راس الولي
بابا بابا .. بابا بابا
@@

من مشقّت اليسر ويّه العذاب
نمتي تعبانه بعباتج عالتراب
ومن حلمتي بالأبو بذاك الخضاب
مارحم يازيد نوحج بالجواب

ودّه راسه في طشت لج طابره
ودّه ونتي محتملتي منظره

ثرتي نوح أمن الغلي
حاظنه راس الولي
بابا بابا .. بابا بابا
@@

فوقه ثرتي أمن الغلي أعله الشهيد
من هو يابويه القطع ليك الوريد
من فضخ راسك يابويه بالحـديد
من هو ليّه في الزغـر ونته بعيد

يتمتني واني في عمر الزهور
يتمتني واني بعدي الهالأمـور

جمره دمعج تهملي
حاظنه راس الولي
بابا بابا .. بابا بابا
@@

بالخرابه والدمع كلن يراه
بصوتج المبحوح ظليتي معاه
من هو يابويه اليحاميني تراه
جسمي بعدك أزرق بضرب الطغاه

في غيابك غارو في ضربي الكفر
في غيابك ماألي منهم مفر

هسه من هو ظل ألي
حاظنه راس الولي
بابا بابا .. بابا بابا
@@


ذكره لك ماخلو لي حتى ياريت
جرحو في سلب التراجي أذني ودميت
سلبو يابويه هديتي ألّي أشتريت
سلـبـو من أذنـي تراجـيّه الهديت

مارعو حتى اليتيمه بالنياح
مارعو حالي يابويه والجراح

أمناديه ياكافلي
حاظنه الراس الولي
بابا بابا .. بابا بابا
@@

هذي ماجانت تمر أعله الطنون
جنتَ تحميني بوجودك بالعيون
أمدللـه جنت بحياتك يالحنون
عيّشتي بعدك ياوالي في شجون

شلّي بيها بعدك الدنيا ظلام
شلّي بيها ماكو بيها ظل سلام

بالخرابه أويه هلي
حاظنه راس الولي
بابا بابا .. بابا بابا
@@

خـذني يابويه من الدنيا معاك
خذني وريحني خلا منها هواك
مگـدر الدنيا أعـيش أبها سـواك
مكدر أعله أفراگك أرحم لي الهلاك

نمتي من عظم الرزيه والمصاب
نمتي فوق الراس ومنج الصوت غاب

نمتي مقهور بخـلي
حاظنه راس الولي
بابا بابا .. بابا بابا

ـــ ـــ ـــ ـــ ـــ ـــ ـــ ـــ

تمت بحمدالله
علي الأحسائي
١٤٣٨هـ

سلام الله عليك بكل ألم واه
يالنوحـك ينـوح الكون ويّـاه

ياأسـير لحـزان
ياأسـير لحـزان
@@
ثلث عمرك يابوالباقر گضيته
أسير الدمعـتك من ما عنـيته
دگلي أمن الهضم شلما لگيته
مـن الآهــات دلالك مـلـيـتـه

طفل مفطوم ظل يصرخ من أضماه
لو صوت الغريب أينادي قـتـلاه

غصص شبگتها لذهان
ياأســــير لحـــزان
@@

عمت عين النبي يعقوب بالجود
على يوسف ويوسف بعده موجود
شلون أبذبحـت الأب تحتَ لحشود
وعينك تنظره عالغبره ممدود

تناظر عالتراب أهلك ضحايه
گضو كلهم في ساحات المنايه

حرم وطفال وشبان
ياأسير لحزان
@@

كم مره أوصلت روحك إلى البين
في كل موقف إلك يبن الميامين
تتـذكـر هـلك يـسـر النـسـاويـن
تتـذكّـر بـلـم أمـصـاب لحـسـين

هضـيمه دنيتـك من كـل سـفاح
من ذاك الظعن درب اليسر راح

سليبه أبليّه وليان
ياأسـير لحـزان
@@

بعباده أتگضي أنهارك ولصيام
نهارك صايم و ليلك في ماتنام
فـطارك مـن يهـل تنـتـابك آلام
وتجود أبدمعتك من ذيج ليام

عـينـك تنظر الماي بألمها
وتبچي عالولي من حر هضمها

تبچي وتوقد أشجان
ياأسير لحزان
@@

ينادي القوم طفلي من العطش ذاب
إذا ذنـبـي شـذنب طـفـلي ياخـيّـاب
وما مـنـهم شـريف أيرد آلى أجـواب
لو أيرد الضميره أمن الأذى شجاب

يصـد الحرمله الشـمـر ويناجيه
ولنّ سهمه يطلقه بنحره ويدميه

يدمي گلبك الحان
ياأسـير لحـزان
@@

أمردت جبدك سيوف الطف بلسياد
ياكـهـف اليـتـامـه يـبـن لمجـاد
وتفت جبدك بسـمـها أترد لحقاد
جـبدك من حقدها صارت أرماد

يمن ليلك تجوله للفقاره
ياملجه الثكاله والحياره

الملا بذكراك نزفان
ياأسـير لحزان


علي الأحـسائي
محرم ١٤٣٨هـ

زنجيل على وزن التجليبه ..


يحسين جرحك نبع
بچيت حـتى الدمـع

من آه الألم نلطم يابوالدمعه
مصابك عالقلب يحسين إلى لوعه
سهم قلبك من أحشانه صعب خلعه
وإلى الحين السهم بعده يوجّعنه
.. .. ..

كل طعنه لگاها جسمك الطاهر
لگتها أجسام من بعدك في كل خاطر
ضـمايرنا أليـكم تنتـمي أتنـاظـر
وعلى موجب نظرها ليك تتعنه
.. .. ..

علينا يانجل طه النبي المختار
عزيز أشكد وماندري شني الأعذار
نحس دمك دمانه السالته الأشرار
نحسك منه يحسين أبمدامعنه
.. .. ..

ماهو منه إذا نبجي العـيون الكم
ماهو منه إذا نحضر مجالسكم
أهي الأجدام إلى الأعتاب تقصدكم
أهي الأرواح عالأعتاب مجتمعه
.. .. ..

نحبك حب يابوالأحرار إلك نازف
نحبك حب يابوالشيعه عمر خاطف
مثل حبنه في هالدنيا أشكثر شايف
إلك فدوه الجسد ينحل ياجامعنه
.. .. ..

خلص حيله العرش يذرف عليك أدموع
خلص حيله السهر يخلص عليك أشموع
گبل يومه محمد ماهدى له روع
عليك بكل ألم ينحب يافاجعنه
.. .. ..

على الأجساد إذن نلطم وننحب
ونظل وفّايه في حبك ومانتعب
يالجرحك على اليمه أهو الأصعب
يالجرحك نشأ بينه وكبر معنه


علي الأحسائي
١٠ محرم ١٤٣٨هـ

نزلة للعباس ليلة 7 محرّم
وزن الموشح


تبتـعـد عـنّه مايمـهـلها الألـوف
ينحر ويبتر ويشطر بالصفوف

مسجل أعظم ملحمه
بوالفضل في الموزمه

تبتعد عنّه مايمهلها الألوف
@@

أرخصه الوالي على الماي أيغرف
وحلّگ أبّتاره يعصفها عصف
مسجل أعظم ملحمه له بالقصف
في سما طف كربلا ماينوصف

عالعدو من ينزل أبسيفه العداه
حتى گاع الطف بعد يشطر معاه

أمغير أوجه صارمه
بوالفضل في الموزمه
@@

گالب أعلـيها الصبح ليل الكـفر
وضوئه في چـبد السـما ضوء القمر
أمخلّي جيشه أبن سعد صوبه يفر
ويطلب الغوث أبرجوعه أمن البتر

ليمن الصيوان واليهم وصل
ومن حلات الروح فرّ محتمل

نار سيفه ضارمه
بوالفضل في الموزمه
@@

عالنهر تالي النفل رد ثانيه
أمخربط أعليها خططها الجانيه
ولاتظن بعده العدو لامر حيه
الغدا أعليها أعتبرها فانيه

هذا شبل المرتضى فارس مضر
هذا بن حيدر علي البطف حظر

نسخه من حامي الحمه
بوالفضل في الموزمه
@@

بكربلا صارت خيابر بالحرب
طير الروس أبصولاته عالدرب
والجثث بعده فرشها عالترب
ويل من بتاره عباس انضرب

كل نصف منّه يذبَه في كتر
وخلفه جيش أبنه سعد تالي يمر

أمغطي بالغبر السمه
بوالفضل في الموزمه
@@

يزئر ويصرخ عليها بكربلا
وينشد آني بن علي حيد الفلا
الماعرفني بي ألف ميت هلا
خل يجرّب سيفي جانه له حلا

الطلعت أوداجه الّعين أبنه سعد
صاح كلكم عالفرد حملو فرد

جمعكم لايهزمه
بوالفضل في الموزمه
@@

وحملو أعليه الجموع بأمرته
وطشر أجموع الجمعها بصولته
كل جمعها بوالفضل ماهمته
عاصفه بيهم عمل في حملته

حتى لي ماي النهر عنده نزل
وعبه من ماي النهر جوده البطل

وهي تشـوفه نادمه
بوالفضل في الموزمه


علي الأحسائي
محرم ١٤٣٨هـ

عندما رأى القاسم أبن الحسن عمّهُ الحسين عليهم السلام وحيدا فريدا في اليوم العاشر من محرم الحرام مطرقا برأسه حزنا عندى باب الخيمه لقلت ناصريه قال …

عمي يحسـين أنه أبنه خـوك جـسام
جيتك أطلب وقفتي في صف الأعمام

مقدر أنظر وحدتك بالغاضريّه
لاتردني بنصرتك عندي وصيّه
***
هاك وقرأ هالضرف محفوظ عندي
من أبويه المجتبى يوصي في مدي
وأمي رمله لاتهل دمعي أعله خدي
عمـري للوالي نذرته والله جـندي

بلّي تامـر آنه حـاضـر للمنيّه
لاتردني بنصرتك عندي وصيّه
***
الدنيا دونك ماحلت والله في عيني
روحي فدّوه النصرتك ويّـه سـنيني
مـاتعـوفـك ونته وحـدك بالأنـينـي
توقف ألاّ في جوارك توسـي ديني

حتى لو ضاعو شبابي عم عليّه
لاتردني بنصـرتك عندي وصيّه
***
بويه من صغري على يومك وصاني
گلـي ياجـاسـم إذا مـوتـي وفـاني
عمّك أحـسين بفـلا أتشـوفه يعـاني
لاتعـوفـه بكـربـلا وحــده تـتـانـي

وانه لك عم جيت أحارب آل ميّه
لاتردني بنصرتك عـندي وصـيّه
***
كـلّ مسمـعنـك تنـادي بالمـناصـر
قلبي يوجعني أعـوفـك دون ناصـر
شـلّي تامـر عـم عـليّه آنه حـاضـر
دمّي مايبقى وخيم أهلي تحـاصـر

ألاّ أفديك بحـياتي فـي الرزيّه
لاتردني بنصـرتك عـندي وصيّه
***
خــلّنـي ياعـم آتحــنّه من دمـانه
عرسي في نصرة عـمامي والديانه
هذا عرسي هالمنى وطف لي حانه
خـل أوريهـا بقـتـالـي من هو آنه

بصولت الكرار جدّي هالرديّه
لاتردني بنصرتك عندي وصيّه
***
أوفي خلني بنصـرتك دينن ذخـرته
لي مثل هذا الوقـت ألّي أنتـظـرته
ألممات النا مـصـير أشـمـا حـذرته
وانـه مخـتار الممـات أبصـفّك أنته

حـتى ويّاكم أفـوز بهالقضـيّه
لاتردنّي بنصرتك عندي وصيّه


علي الأحسائي
١٤٣٦هـ

ليـش من يـدّك ياخـويه الماي ذبـبيت
شلون في صنعك ياغالي قلبي أدميت

كـله هذا بيك أيسوي خويه الحـساس
شلـون ظـهـري ليّه أحـنيته ياعـبـاس
@@

خلها ناري تشتعل وتفت لي جـبدي
أنته روحـي ومهجتي وغلا ماعـندي
أنته ظهري وحيلتي وبالشـده زندي
قـوم يحزامي وقـاوم هـاك يدي

قوم ونهض لاتهل دمعي في هالباس
شلـون ظـهـري ليّه أحـنيته ياعـباس
@@

مو ضـمـايه في ضما جبدك ياغالي
ألا أشـرب ممـتنـع تـشـرب بدالـي
والله ماريده أريـدك دهـري خـالـي
شيسوى من دونك عليّه الماي تالي

أنته شربي والأمل روحـي والنفاس
شـلون ظـهـري ليّه أحنيته ياعـباس
@@

رده حـيـلـي يالأخو شمتو عـدايه
قوم يبـن أمـي وقـاوم من مـعايه
عـنّـي لاتـقـطـع مـدادك يارجـايه
حـاطـت الـظـلام بــيّـه يالـوايـه

أبقى وحـدي بالمعاره بين الرجاس
شلون ظهري ليّه أحـنيته ياعـبـاس
@@

يالأخو حمـلي وقع من هـو يشيله
كربلا فجـعت عـيـونـي بالثچـيـله
مرّه الكـبـر مره جـاسـم مـره ليله
مـره أنتـه يالأخـو گلــبـي يعـويله

فـطـّرة گلبـي عليكـم والله الجناس
شلـون ظهـري ليّه أحـنيته ياعباس
@

شو غصب عنه الجفن ينزف دمـايه
عالنهر تبـگـى صريع الطف سوايه
الدنيا بـعـدك ماأبـيـها مـن حـنايه
ماأبـي دنـيـا مابـيـها أنته مـعـايه

دمي بعدك ينسـفـك يتـعلگ الراس
شلون ظـهـري ليّه أحـنـيته ياعباس


علي الأحسائي
ذو الحجه ١٤٣٦هـ

عندما أنتهى مولانه أمير المؤمنين علي عليه السلام من دفن الصديقه فاطمه الزهراء عليها السلام مع أصحابه أبوذر الغفاري وسلمان وعمار أبن ياسر رضي الله عنهم أخذه بالبكئ ونحيب عليها أصره أبوذر أن يواسيه ويعيده إلى الدار قاله مولانه …


لا يابوذر ماإلي حـيـل أرجـع الدار
عالقبر خليني أنحـب وسـكب أعـبار

فاطمه روحي وحياتي وجرح الغياب
من بعدها مقدر أدخل لو انظر الباب
@@
أوحشـت داري وحـياتـي بالمـنـيه
ووشكـت عزمي وخلاصي هالمسيه
مقدر أمشي لو أصـد عـن الزجـيه
لا يابـوذر تـركـها يصـعـب عـلـيّه

فاطمـه كل أمنيـاتي والمـنـى خاب
من بعدها مقدر أدخل لو انظر الباب
@@
جـم جنت تبـقـى تمـنـيته جـواري
تفـرغ أهمـومي وتنـوّر لي دياري
تجمع أعيالي ابضـياها وبي تداري
لكن الكـتـبه أعلـنـتـها بنـهـيـاري

وحرمتني من أعز ناسـي والحـباب
من بعدها مقدر أدخل لو انظر الباب
@@
أنته تدري بيـها بابه شلّـي سـوه
وبجواره اشلون خـدها الها تشـوّه
من صفعها وخلا سوطه يدها تلوه
الرجـس خـلا علي ابحسراته يلوه

كــدّر أحـواله وحياته وشعـر شاب
من بعدها مقدر أدخل لو نظر الباب
@@
المصطفى اودعها وديعه عندي وراح
قـلّـي ياحـيـدر أمـانـه هـذي بـرّاح
الوديــعــه ردّت الــطــه بالجــراح
شحجي له هسا وشنو ردّي شليضاح

وديعتك ردت أقله وكل شي لك عاب
من بعدها مقدر أدخل لو نظر الباب
@@
ريتنـي آنـي المـتت قـبل الحـبيـبه
ولاشفت لوعـت لهبـها هالمـصـيـبه
من بعدها شو ابتظـل روحـي غريبه
بتشـرد ابدنيا الهـجـر تصـبـح كأيبه

شو ابتظل حسره بعد لوعات المصاب
من بعدها مقـدر أدخل لو نظر الباب
@@
العـصـرها خـلا ذكـرا لي ألـيـمـه
أودعــتـها في زمانـي هالجريـمـه
العصرها اشقد عصرني بالهـضـيـمه
مو جرحها هم جراحي هالكريـمـه

فاطمـه شلي بعـدها بالدهـر طـاب
من بعدها مقدر أدخل لو نظر الباب
@@
خـلني منكب عالقبر أشبع جفـوني
بلسمـي علّي ارحلت دمعة عـيـوني
خلني ياخويه مـع لوعـت شجـونـي
الداري أرجع دونها وسكـن تبـوني

صعبه فاطم ماهو بيها يهل الطـياب
من بعدها مقدر أدخل لو نظر الباب


علي الأحسائي
١٤٣٤هـ

ياريج أشجار العود وشذى الأزهار
غمرت بعطرك اليله سـمـا الأقـطار

مُحمد يامحمد يامحمد
****
مثل ماعيسى بيدك رجع الأرواح
نفائس طلـّتك هم رجـعت أرواح
إلك مالوم نفـسـي لاصـرت مدّح

مُحمد محمد

إذا بذكر أسمك بس النفس ترتاح
شلـون بهالولاده وماتخيط أجراح
ترد لدنـيـا مـوته بشـمـّته الفـواح

محمد محمد

يالدون الخلايق شخـصك المخـتار
غمرت بعطرك اليله سما الأقـطار

مُحمد يامحمد يامحمد
****
الإله من عـالـم الذر باعثك للكـون
مخصوص الوصف للغير لا مايكون
ومع هالأنتظـار الناس عـدها تكـون

مُحمد محمد

شلون بمولـدك طه أنولـد كـل شـي
صبح ثاني ومع أوجودك بدا يمشي
مو حقّه الفرح يبقه على رمـشـي

مُحمد محمد

ياساس الكون يالدونك فلك ماسار
غـمـرت بعطـرك اليله سـما الأقـطار

مُحمد يامحمد يامحمد
****
آدم حقّه يبجي الجنه دم مو مـاي
لأن في جنتك عايش قـبل مولاي
لذا يالمصطفى بس جنتك رجواي

مُحمد محمد

أرضعت حبّك يابوالزهرة بحليب أمي
ونشأ بي حبك أنته من جرى بدمي
حــب المـصـطـفـى والـه كـل حلمي

محمد محمد

ياعشق الدواوين ونغــم لشـعــار
غمرت بعطرك اليله سما الأقـطـار

محمد يامحمد يامحمد
****
حـتى بمولدك يُسكـب إلك دمـعـي
أنته سيّدي شـمـسـي وضيا شمـعـي
أشكثر أفرح إذا أسمك لفه سمعي

محمد محمد

حلمي خاطرك في دنيتي أجـبر
لو عمري ودليلي أبخـدمتك أنذر
لصالحها النذر يالمصطفى تنظر

محمد محمد

ياسر النجات النا وسـرور السـار
غمرت بعطرك اليله سما الأقطار

محمد يامحمد يامحمد


علي الأحـسائي

أبوذيات في مولد خاتم الأنبياء محمد وحفيدة زعيم المذهب الأمام جعفر الصادق عليهم أفضل الصلاة وسّلام ...


التقـل شانـك يابوالكاظم نقلها
لأن عالجــنـه ماتبـصــر نگـلـها
خـلايق جـعـفـر الصـادق نقلها
من الظلمه إلى أنواره المضيه
@@

أمم جمع النبي الهادي وحدها
وبعد عنها بدي الظلمه وحـدها
كرامه الها الترى نورك وحدها
محـبينك يابوزهـرة الزجـيه
@@

سـبحان الذي أنـواره جـمعها
في يـوم واحد وأبهـر جـمعها
الفرح ثالث لأن رسمه جمعها
وتبخـتر في ولادتها البريه
@@

إلى الراحه القلب محتاج فرحه
إذا بيـدك تفـرّح مـحـبَ فـرحه
حيات أهل الرساله بدتَ فرحه
بولادة الصادق وجده المسيّه
@@

يمـن حـبكم صبح لله وسيله
على خطكم أصب دمعي وسيله
أسـعــد بالنـهــج طـه وسـيـله
النبي الهادي عياله بكل قضيه
@@

القلب في ذكـرَ طـه والـه سلّي
وعلـيها بكل وگـتّ وحـين صلّي
إلى أسماعي ياشيعي اليوم صلّي
الصلاة أعله النبي واله الزجيّه

ـــ ـــ ـــ ـــ ـــ ـــ ـــ ـــ ـــ
علي الأحسائي
ربيع أول ١٤٣٨هـ

أجيتج فاطمه وحامل في صدري نار
بعد معبر نزوفاتي على أهـل الدار
@@

صفيتي في الجفن وحدج يابعد الروح
دخـيـلـج مابگـه غـيرج دوى لجـروح
ياباب الله عـلى أعتابج أنـه مـقـروح
طرگـتج لاتـرديـن المحـب منهـار
@@

المحب وتـعـلگ أبطرفج يبوس القاع
وصوته هـم رجـه عطفج لسمعج شـاع
تردّيـنـي يـصـح يم الحـسن هـسّاع
وبج كلّي تفـائل فـي ردودي سـار
@@

أنه المـغـرم بأولادج أنه العاشـق
أنه الخـادم على بابج ونـه الطارق
همومي لا تـرديــهـا بـلا عــاتـق
همـومي زادت وزادتّ الأكـدار
@@

أقـدمـلـج يمـل عـيـنـي نـذوراتـي
نذر مـنّـي إذا تبـري جـراحـاتـي
أنه ملكج يسر تكـوينـي سر ذاتـي
أقدملج فدا عمري وضيا الأنظـار
@@

نخيتج والفرج مولاتي في يـدّج
حـشـا خـايب تـرديـن الـذي ودّج
فقيرج بالنفـس جـالـج وإلى عندج
وأهل جـود وكرم يازهره عالمحتار
@@

إلـج الله خـلـق هالدنيا لج سـوّى
وإلج خـلاّ الدعا مـقـبـول في البلوى
ياكعبة حاجتي بالضيج والمـؤوى
دخيلج ماي وجهي بين يـدّج صار


علي الأحسائي

حمدي ياروحـي بميلاده وشـكـري
الحـسـن نبضه في قلبي العسكري
***

جـندي حـبه في صراعـات الذنب
لو بـرز ذنبـي الحـسـن عـنـي يذب
يرد زنده الذنب عـن قلب المحب
ويمنع المـذنب ياروحي أتسايري
***

بالحــيـاة العــســكـري والآخــره
حـصـنـج أويه آل بيـتـه الطاهـره
يفـتـقـدهـا غـيـرج النـعـمــه تـرى
فرحي ياروحي بميلاده وحضري
***

أحضـري مـيـلاده هاليله المـدد
وجـمعي له شوگج المـولى ورد
العـسـكـري هاليـله مولانه أنولد
وقـر لنـظـار بقـدومـه وناظـري
***

أوشكـت هالنـاس تغـرگ بالظـلم
لوله نوره العسكري الموقف حسم
شــالهـا بيـده وعـلـى دربـه أمــم
شال أبو الحجه ياروحـي ناظري
***

كل علوم المصطفى جـده حـفظ
وعن دفنها أبكل عزم طلته رفض
عالخـلايـق عـاد صـيته والنـبـض
وواصل أخيوط الشمس للجعفري
***

واصـل أنـوار النـبـوّه الشـيـعـته
وزهـى الأقـطار أبنـظـرها بطـلته
بالوفـا ردّي جـــمـــيــل أولادتـه
وسجّـلي أوقـات عيده بدفـتري
***

ملح سعيج والوفـا باجر عسـل
دام عندالله الولي قـدره جـبـل
تبقه ماتخلـص عـطـاياه النـفـل
للأبد تبقه لي هاوي العسكـري

ــــــــــــــــــــــــــــــــــــــــــ
علي الأحسائي
١٤٣٨هـ

لسان حال الحوراء زينب عليها السلام ..

بچايه عالتـعـده راحت أمي ✋🏼
بعـد مـاكو مـعـزّه راحـت أمي
حسافه الدار البيها ريحت أمي
عقب أفراگها صارت خليه

علي الأحسائي

* قنوات شعراء الأحساء في برنامج التليجرام *

رابط قناة الشاعر ثامر بو جبارة
‏https://www.tg-me.com/ThamerBu
--------------
رابط قناة الشاعر محمد الحدب
‏https://www.tg-me.com/alhadab
--------------
رابط قناة الشاعر عادل العبدالله
‏https://www.tg-me.com/adelm313
--------------
رابط قناة الشاعر السيد موسى السلمان
‏https://www.tg-me.com/sab_mousa_alsalman
--------------
رابط قناة الشاعر علي العاشور ( أبو شبر )
‏https://www.tg-me.com/alahoor
--------------
رابط قناة الشاعر قاسم المطوع
‏https://www.tg-me.com/almutawa_qmn
--------------
رابط قناة الشاعر علي الثواب
‏https://www.tg-me.com/afzh4
--------------
قناة الشاعر أبو شهيد الأحسائي
‏https://www.tg-me.com/joinchat-CgjqLUETxaGx5Fdb-1LpBA
--------------
قناة الشاعر ناصر الأحمد
‏https://www.tg-me.com/joinchat-CowbEz60B8RX6_02wfi70A
-------------
قناة الشاعر علي الحمّود
‏https://www.tg-me.com/aliahmed313_channel
------------
قناة الشاعر علي البوشفيع
‏https://www.tg-me.com/albushafia‏
------------
قناة الشاعر عبدالمنعم الحجاب
‏https://www.tg-me.com/abdulmonempoem
------------
قناة الشاعر إبراهيم المكي
‏https://www.tg-me.com/HAIM_14
------------
قناة الشاعر علي الأحسائي
‏https://www.tg-me.com/ehhhnb
------------

في وداع أم الحسن بالمغتسل
بالصوايح ضجـت أتنـوح الأهل

ضجت العـتره تنوح
تنحب وتنزف جروح

في وداع أم الحسن بالمغتسل
@@

هذا هو راد الشمس محني الظهر
عالأرض گـاعـد ودمـعـات جـمـر
عالضلع يبجـي دمـاء أمن القـهـر
ينحب وينحب من أجـرام الكفر

كلّما ينظر جسدها أزرق طفه
آه يصرخ بعدج الدنيا العفه

عيني بعدج دم تفوح
تنحب وتنزف جـروح
@@

أيردد وزفراته من تنبع همـوم
أنتهى عـهـدك ياحـيـدر بالهجـوم
وصرت عاجز يالمدد بين الخصوم
راحـت البضعه ومايـنـفـع تلـوم

الوصـيّـه گـيدت حـامـي الدخـيـل
والدخيل أصبح على سطح الغسيل

جثه مـيتـه وبالقروح
تنحب وتنزف جـروح
@@

وهذا أبنها المجتبى أعله أمه يصيح
يمه حاجيني على جدمج طريح
يمـه دمـعاتـي بلمـها لـج تطـيـح
لاتخـلـيـنـا وتسـكـنـيـن الضـريح

بَعْدنا في حاجه لج ردي الديار
ظلمه لتخـليها وتنهـيـن النـهار

الدار في فگدج تبوح
تنحب وتنزف جروح
@@

ووسفه أبنها بوعلي بين الونين
يبچي ويقبل جدمها أويه اليدين
يمه حاجيني أنه أبنج الحـسـين
لو فنا عمرج سقوطهّ الجنين

يالوقفتي أويه الظنه حتى الممات
ردّي بس أعله نياح النايحات

عيني متشوف أبوضوح
تنحـب وتنـزف جـروح
@@

وزينب أوياهم تنادي الوالـده
يمه گومي أويانه أنه لج سانده
البيتنه گومي نرد راحو العـده
هـسـه يمـه نار بـابـج خـامـده

الدار من دونـج يايمـه مظـلمـه
شلي ياذيج وأنه أبيدّي أحزمه

بنتـج بهـذا الشـبـوح
تنحب وتنزف جروح
@@

بضربها أسياط العدا متني أنلجم
وطبعت آلامه عـلى متني وشـم
باب بيتج أنحـرق وانـه الخـيـم
باجـر العـدوان تحـرگـها ظـلـم

باجر الآهات تعصرني عصـر
اليوم أنتي وانه باجر باليسر

والمـنـايّه بـي تـلـوح
تنحب وتنزف جروح
@@

العتره ماتدري تون لو المـگـبـره
لو الســمـا تصـدر بواچـي للـثـره
لو الـثـره يهـــتـز ويهـز الســايـره
كل شي ينحب في وداع الطاهره

چنه يوم المصطفى ماهو البتول
لو نـعـــم هــذا وداعــهّ الرســول

الخـلق ويّه التـنـوح
تنحب وتنزف جروح

ـــــــــــــــــــــــــــــــــــــ
علي الأحسائي
ربيع الآخر ١٤٣٨هـ

لسان حال الأمام علي عندما نظره بيته خاليا من الزهراء سلام الله عليها ...

الدفعت بابك أشگد آه يابيت
لضلـعي وخلته في آه يابيت
يـابـيـت المـواجــع آه يابيـت
كل منظر لك أصفج عالزجيه

علي الأحسائي

لسان حال الأمام علي عندما نظره بيته خاليا من الزهراء عليه السلام ...

زمان البي ضواها صدري ياريح
خلا منها وغدا لي هسه ياريح (يارح)
على أبواب النوافذ هب ياريح
ظلام البيت صـار أعله وليه

علي الأحسائي