إذا صار الذبح لك صار مولاي
ونا اليحسين كلّي ليك مولاي
أرجع بضعينه الطيبه مولاي
أهلها الكوفه كتبوا غدروا بيه

علي الأحسائي

نزله في شهادة القاسم أبن الحسن عليه السلام ..

يال اميّه يال اميّه

بي شجاعة الحسن تغـلي غلي
ونازل انصر عمي احـسين الولي
يلذبحتو امن العطش خويه وهلي
امن العطش ذابحكم ابسيفه الحسن

القاسم اني شبل أبويه المجتبى
الماعرفني ظل يسأل صاحبه
بويه وصّاني اعله عمي امن الصبى
واني بوصـاته الأبو كلّي أذن

ويلكم يرخـاص من يومـن مبين
بعتوا دين الله لمَن خنتوا الحسين
لرْخـصـه دمـي لمـير المؤمـنين
وجعله عرسي نصر والي السنن

گبلي خويه أحمد وقـدّم فـداه
الحين دوري للأمـير ادفـع عـداه
أفدي دين الله في دفعي أللي دماه
ونصره من كلَّ طاغي ومنشحن

وكض على اجموع الظلاله بالحرب
يردَّ ويدفع خصمه ويشطر بالضرب
خلفه ومن حوله يذب كل من گرب
منهم العـريس جـندل له لمَـن

امنادي فدوه هالفدا من والدي
مانسه خـيّه وعضيده بالهدي
وراخصه دمي لميري وقائدي
عالوصيّه ماشـي بمره للمحـن

حتى حملوا اعليه حمله واحده
اوحوله دارو اصفوف عسكرها الرده
شسع نعله فرده گطعت بالفده
من هو يدفع من يجابل من هو من

نازف احنه نعله يصلحها النفل
وسفه لزدي صابه في راسه وهل
امنادي عمي للمعـاره بالعـجـل
أبنه اخوك ايريد يودعك ينحضن


علي الأحسائي
١٤٤١هـ

قرارات أصحاب الحسين عليهم السلام مع أزواجهم ...


حاشا هيهات الولي انعوفه وندير
نصرت ابنه المصطفى تعني الكثير

هذا مالي والذهب أخذي مُلك
وأنتِ طالق زوجتي روحي الهلك
لا زهـير ابقـعـدتـه بيـتـه ايهـلك
رايح ايسجل مع ركـب الأمـير

شرد أساوي بالملك ويه الذهب
راحله من هالمـلا ومالـي مطـب
نصرت احسين وبنينه يالمحـب
زوجتك خلها تموت اوتستجير

گلّي اِبن القـين بموالك شبي
يعني معقوله الفواطم تنسبي
وانـي بيها ناعـمـه لا والنـبـي
آني اواسيها ابركـوبيَّ البعير
@@

حسين داعيني أشارك نصرته
وبن مظاهر حاشا يترك زوجته
أنتِ شتگولين زوجك كلـمـتـه ??
يجلس اقبالج ترينه لو يسـير

خلني وولادي ضياعه ياحبيب
ونصر احسين وعيلته الغـريب
لا يظل أبن الزجيه ابلا مجـيب
ونسوته وعياله مسـبيه تصير

دامه رايج هذا لي في نصرتي
أخـتـباري چـان لج ذا زوجـتـي
هاتي ليّه سيفي وجيبي لامتي
واني طلقتج مواجـه المـصـير
@@

أنتِ طالق ياعروسه من وهب
حـتى لو صـرتـي بلـيّه أخ وأب
فرصه هذي في نصر خير النسب
قبلَ لا من عندي هالفرصه تطير

ماله اللا ايام عرسي گلبي ذاب
دامـه رايك ياعريسـي بالذهاب
شرط عندي لك وريده ابجـواب
وأمك امي هيّه باقي بالهجـير

ياوهب واعدني باجـر بالقـدر
زوجتك أصبح ياغالي بالحشر
بيت توفـرلي مـعاك أنت ومقـر
ونصبح اجوار النمير ابن النمير

✍🏻
علي الأحسائي
محرم ١٤٤١هـ

إلك وقفت عزا ولطمات يهلال
وجرح من گد نزيفه الطف يهلال
بكل مرّت سنه لك بدلَ يهـلاّل
الدمع دمي تهل موتي عليّه

علي الأحسائي

كم مره دعيتك خويه تحضر
أختك بوعلي زينب وحاچيك

حرقـتها خـيـمـنـه بالمـعـاره
وسلبتها معاضدنا التعاديك

ونته خـالد وغافـي بمنامك
نايم عالتـرب عايف مُناديك

ماجيت الأخت معذور خويه
ومعذور بمنامك غافي أفديك

صح ماجيتني بحرق المخيّم
لچن ياخويه مو معناه ماجيك

لچن ياخويه مو معناه ماجيك


علي الأحسائي

الرسايلكم قدومي ابضعني عطه شان

ولا فـد منّكم تقـدير عـطه چان

وحق جدي النبي أسگوني عطشان

حرام الماي أعله اهلي وعلـيّه

علي الأحسائي

دمكم صحبتي مرّه رخصته
أنا الهالگـوم دمـه بس رخصته
الرايد منّكم يرجـع رخـصـته
يروح ومنّي في حل هالمسيّه

شنحچي شيخنا باجر تركنا
لو أحـنا الذي بالطـف تركناه
بالـوديـان نـســلـكـها تـركـنا
وخلفنا انعوف ابن حامي الحميّه

كل فد مو سبع لك منا سبعين
وبينا مو سبعت انعام سبعين
إلك لو ننقتل مو مـرّه سبعين
مره ناصريك ابن الزجـيه

علي الأحسائي

ابسچنكم يالقتلتوا ابني علي الأكبر
تقتلون النبي المختار لو يرجع

ملامح جـدي برْسومه البـدر كلها
وبكل حيلَكم طعن وضرب يوسـع

علي الأحسائي

ابركضت اطويريج يالميت طحت
مثلها الطيحه يصير افضل ماظن

عاف قبره احسين وجالك معتني
ومثل عابس جون ضمّك بالحظن

علي الأحسائي

لسال حال العقيله زينب ع …

خليّه الدار اناشد وين اهلها
ماتخـلا گبل من ون اهلها
دموعي اعليك خويه وين اهلها
بكل كتر الديار الها عزيّه

علي الأحسائي

يگصابه كبشْكم ماشرب ماي
أبويه احسين ضامي ماشرب ماي
النهر تم للحيايه مشرب ماي
وعلى بويه النهر منعوا ال ميّه

علي الأحسائي

ريتها أرگبتي ألّي تحت الجامعه
مو الثياب ألّي من الدم طابعه

وتنزف أرسومي وتسيل
فـدوه لاهـاتـه العليـل
@@

حجته الله والي هالكون وفضاه
الكل عطايه الخلق من فاضل عطاه
ثـوب يطلب خاطر ايوقّـف دمـاه !!
الدنيا هذا أبحجمها تفدي رضاه

أتبيع دنيتها وتشري خاطره
وبالعواقب ماتبالي أشماجره

وهم ترى لجله قليل
فدوه لاهاته العليل

ريتها ارگبتي ألّي تحتَ الجامعه
@@

ألمسامير ابْرگـبْته خـارقـه
ومن دمائه كل ثيابه غارقه
صورته من نار هضمه حارقه
فوق ناقه والأوادم حادقه

يبكي من جمر الألم لو عالأبو
لو على أخوانه وخواته ألي انسبو

ريتها أركبتي بديل
فدوه لاهاته العليل

ريتها ارگبتي ألّي تحتَ الجامعه
@@

شلّي ماشافه العليل أبكربلا
وشلّي شافه باليسر وبكى الفلا
كل بشر عنده قلب ينحاز إلى
يفدي نفسه عن أبن سيد الملا

رضّو ساگه وگيّدو أجفوف وأديه
وثقل ذيج الجامعه خلّو عليه

أتحز وتجرح بالخليل
فدوه لاهاته العليل

ريتها ارگبتي ألّي تحتَ الجامعه
@@

يعني مو كافي عليل ابْغربته
قتلو أخـوانـه وسـبوها عيلته
توْضع أنياب الحديد ابْرگبـتـه
والسياط أتهـد عـليَـه أبونّته

ربنا سبحانه الأمده بالصبر
ولاّ ماترحم مريض أهل الكفر

نفسي وروحي والدليل
فدوه لاهاته العليل

ريتها ارگبتي ألّي تحتَ الجامعه
@@

رادت أتموته العليل ابهالعـذاب
وبالعذاب أيواسي أهله والگراب
الهذا روحه ماغدت أبـن النجـاب
ظلت أتواسي الذبيح اعله المصاب

ظلت ّاتنوح وتصيح أعله الغريب
والمسامير اتهمل ثوبه الخظيب

تهدر ادموم السليل
فدوه لاهاته العليل

ريتها ارگبتي ألّي تحتَ الجامعه
@@

الجامعه حسّت ودمعت له دمه
والعدا ماتدري بظنوة فاطمه
وصابر أبن المصطفى أعله الظالمه
حتى مايوقع فقط عرش السما

بيده عرش الله علي السجاد شاد
وهمّه كلّه لايطيح أعله العباد

الكون همّه لايمـيل
فدوه لاهاته العليل

ريتها أرگبتي ألّي تحت الجامعه

ــ ــ ــ ــ ــ ــ ــ ــ ـ
علي الأحسائي
تمت بعون الله تعالى
محرم 1440هـ

يالصابح لك نعش
أسمك وحده عطش
من بدهمَّ اثنعـش
معصوم ابهالقدر

ياثارالله ياثارالله
@@

دايم يابويه اسمع صداها اهوال عاشر
أسـمـع عليـك الأنبـيا ونّاتها اجـر
ولمن شفت ذبحـك يابويه واني حاضر
أدرك دليلي امصابك الأعمه النواظر

أعمه عيني الدمع
گد مـابيـها طـبـع
دلالـي أنفـجـع
ابحزني طول الدهر

ياثارالله ياثار الله
@@

يالعايش ابدلالي وروحي ودمعة الكل
ويّايه يحـسـين النبـي وين اني مافل
مذبوح شايل بالفكر بس باقي له ظل
خاطر في يوم الكربلا جـثمانك اوصل

أشكيلك حاجتي
ذايب لي مهجتي
مستحيه علتي
يم علتك أقـر

ياثارالله ياثار الله
@@

فرحان دايم بالظنى البُشرى تبوحك
وجدك رسول الله في ميلادك ينوحك
يحَظنك ويلمس بالحظن نزفت جروحك
يلمس سيوف اعدائك اونزعات روحك

ابميلادكَّ انتحـب
جدك لمّن شحـب
كل ما منّك گرب
يبچي وحيله يخـر
@@

ابذكره النبي واله كليم الباري يرتاح
وبس وحدك حسين السبط يمليهَ لجراح
كل مايمر ذكرك يمر فكره ابضما طاح
بواليمه قطره ماشرب والكل له ذباح

يرحل همه ويهـل
همك من له يصل
بالغـبره ايام ظـل
مرمي وسط القفر

ياثارالله ياثارالله
@@

وفي صلحه شرع الله النبي يحيى كذالك
اشلون ايلم اغـيـومـه ويمـطـرها سمالك
اِبذبحه لمس ذبحـك وشـاف ألّلي جـرالك
وبدل البچي اعله حاله رد يبچي اعله حالك

مو كل شي حالفه
وناح اعله موقـفه
كيـف العـنّه خـفه
من حرق ومن أسر
@@

سامحني يابويه العذر منّك ياغالي
لوله المرض وتعابه ماعفتك تبالي
سامحني يادمعي اليهل ناحك وصالي
ملگاك حان وحان فرگاها الغوالي

حان افراگ الأهل
يابويه عالأجل
يومي حده وصل
ياليومك الأمر

ياثار الله ياثار الله


علي الأحسائي
محرم ١٤٤١

قصيدة لستشهاد السيدة رقيه عليها السلام ..


عالولي نجزع في ذكرا من يمر
شلون بيج وأنتي زغيره بالعمر

بالخـرابـه أتسايلي
حاظنه راس الولي
بابا بابا .. بابا بابا
@@

نسمع أبحال المصيبه أمن الخطيب
ونبجـي عالوالـي ونشارك بالنحـيب
شلون بيج وراسه في حجرج خضيب
طفله ولج جـابـو مهشّـم وتريب

ماتحمل قلبج الصدمه الزغير
ماتحمل منظر الراس الضرير

متّي مفجوعه بلي
حاظنه راس الولي
بابا بابا .. بابا بابا
@@

من مشقّت اليسر ويّه العذاب
نمتي تعبانه بعباتج عالتراب
ومن حلمتي بالأبو بذاك الخضاب
مارحم يازيد نوحج بالجواب

ودّه راسه في طشت لج طابره
ودّه ونتي محتملتي منظره

ثرتي نوح أمن الغلي
حاظنه راس الولي
بابا بابا .. بابا بابا
@@

فوقه ثرتي أمن الغلي أعله الشهيد
من هو يابويه القطع ليك الوريد
من فضخ راسك يابويه بالحـديد
من هو ليّه في الزغـر ونته بعيد

يتمتني واني في عمر الزهور
يتمتني واني بعدي الهالأمـور

جمره دمعج تهملي
حاظنه راس الولي
بابا بابا .. بابا بابا
@@

بالخرابه والدمع كلن يراه
بصوتج المبحوح ظليتي معاه
من هو يابويه اليحاميني تراه
جسمي بعدك أزرق بضرب الطغاه

في غيابك غارو في ضربي الكفر
في غيابك ماألي منهم مفر

هسه من هو ظل ألي
حاظنه راس الولي
بابا بابا .. بابا بابا
@@


ذكره لك ماخلو لي حتى ياريت
جرحو في سلب التراجي أذني ودميت
سلبو يابويه هديتي ألّي أشتريت
سلـبـو من أذنـي تراجـيّه الهديت

مارعو حتى اليتيمه بالنياح
مارعو حالي يابويه والجراح

أمناديه ياكافلي
حاظنه الراس الولي
بابا بابا .. بابا بابا
@@

هذي ماجانت تمر أعله الطنون
جنتَ تحميني بوجودك بالعيون
أمدللـه جنت بحياتك يالحنون
عيّشتي بعدك ياوالي في شجون

شلّي بيها بعدك الدنيا ظلام
شلّي بيها ماكو بيها ظل سلام

بالخرابه أويه هلي
حاظنه راس الولي
بابا بابا .. بابا بابا
@@

خـذني يابويه من الدنيا معاك
خذني وريحني خلا منها هواك
مگـدر الدنيا أعـيش أبها سـواك
مكدر أعله أفراگك أرحم لي الهلاك

نمتي من عظم الرزيه والمصاب
نمتي فوق الراس ومنج الصوت غاب

نمتي مقهور بخـلي
حاظنه راس الولي
بابا بابا .. بابا بابا

ـــ ـــ ـــ ـــ ـــ ـــ ـــ ـــ

تمت بحمدالله
علي الأحسائي
١٤٣٨هـ

لقائك يمتى بس نسمع شرفّنا
المشي القبرك يابواليمه شرفنا
وستر زينب على دربك شرف أفنا
وفخر والله يبن حامي الحميّه

علي الأحسائي

بالكـرم والجـود مابين العباد
عشتَ بخلاقك ملك يابوالجواد
@@

عـشـت مثل آبائك أبود منتظـم
تفـرش الزاد وتنـادي عالخــدم
كل فرد بسـمه تنـادي وتبتـسم
وتجلـس أويها وتاكل في القدم

محـترم ناسك وضـيفـك يالوداد
عشت بخلاق النبي أبيضَّ الفؤاد
@@

كل فرد يقصد علي ضرفه عسير
جنت تقضي حاجته وتنطي اليسير
تكـرم الضـيـف وتساعد َّالفـقـير
ومـاتـرد سـائل أبـد ونته الأمـير

هذا طبعك يالولي صافي المـراد
وتبقى صافي يالرضا اليوم المعاد
@@

كـلك أخـلاق ومحـنـه عالقـصـد
حـاشـا تـتـثـائب إذا قصدك أحــد
وبالوجـه حاشا اليطب جـدمك تمد
وحاشا تقطع حد حديثه وعن تصد

شيعـتك يوم الشهادة بالسـواد
يالرضا مو حقها تعمل لك حداد
@@

سمّو جبدك ونته أبن خير البشر
ووارث أعلـومه وتعاليمه الطهر
سمو جبدك ونته بالضـيج المفر
مادرو المـعـبر فقط بمرك تمـر

آخ يالمظـلوم وين أهـلك بعاد
جرح فقدك يالأبو بالقـلب حاد
@@

يانجـل حـيدر علي ونجل البتول
ألف وسفه أعله ضياك أبن الرسول
غـاب وخـلانا فـي هالدنيا نجـول
غـاب وخــلانـا ندوّر عالأصـول

أشفاده المؤمون سمّك والعناد
بالعكـس حـبك مع الانصار زاد
@@

عالمحـب خايف تعادي العـادتك
وبالمحن دوم المحـامي الشيعتك
شلون ماتحـضر عـزاها شـيلتـك
وتلطم أعله أصدورها بجـنازتك

من بعد فقدك صبح خالي البلاد
ونتشر بالدنيا يالوالي الفـساد
@@

الحين في فقدك تناديك بعويل
عرفـت الوادم مكانك بالرحـيل
رحمة في سابق مكانك يالسليل
الغريبه الحين ناسك مو الخليل

مالها حد شيعتك يلقي المداد
ضـايعه صـارت ودنياها بنكاد


علي الأحسائي
١٤٣٨هـ

حياة الفاگده حثّه
روح وشايله الجثّه

بس ارواحها فـوگ الوطى ظلّت
ابفقدها احبابها أبدانها انفقـدت
@@

ابفجر الأربعـين الكربلا عـادت
سبايه امن اليسر بعد الذي عانت
ترى فگداها من هول الذي لاگت
من أثر الهلع معتقـده ماماتت

تتاني هذي واليها
هذي تنتظر خيها

أمال اِمن اللظى الها باقيه ظنت
ابفقدها احبابها أبدانها انفقـدت
@@

وبس وصلوا رموا انفسهم على الصوبين
ولولياهم حبوا دمعه على الخـدين
على خوها العقيله اتصب دموع العين
عليها اتراب كافلها تذبّه طين

تجر ونتّها عن ونّه
تبرّر مشيها عنّه

تبرر بالمآسي والدمع گعـدت
ابفقدها احبابها أبدانها انفقدت
@@

المثلك غصّه عنّك باليسر صدنا
طلعت روح خويه قاصـده مدنا
الأعادي بس فقط سلبوا معاضدنا
جـثثنا باليسـر سلبوا ياقـائدنا

بقت أرواحـنا يمّك
حمام ابحملها همّك

خريفك تشتكيه وتنتحب همـّت
ابفقدها احبابها أبدانها انفقدت
@@

دگوم الدارنا انرد ياكفيلي گـوم
گوم ورد ربيعك لينا عـاف النـوم
ابفقد ظلّك ياشجـرتنا بعـد لاتلوم
تدري بالضما ونيرانه صيف الگوم

حرگ خويه صواوينك
قرح ضربه نساوينك

دماكم من لهيبه يالولي رعفت
ابفقدها احبابها أبدانها انفقدت
@@

منو للشام گال امسه ضعن حسين
ضعن احسين ظل بالطف ينعي حسين
ألف طعنه وألف ضربه أجا امن البين
والهشمت ضلوعه الخيل يرد لك وين

افراشه اترابها الرمضه
وهمّه اوسادته وهضمه

يبجي الفعلته العدوان والصنعت
ابفقدها احبابها أبدانها انفقدت
@@

وطول اِبطول زينب عالقبر طاحت
غشاها النوح من گد ماالولي ناحت
كل ثكله حزينه اعله قـبر صـارت
الكل ليها ولي اعله نومته نامت

غفت امأيّسه يرجع
مايرجع للجفن مدمع

الرؤس امن الجسد عدوانها فصلت
ابفقدها احبابها أبدانها انفقدت

✍️
علي الأحسائي
صفر ١٤٤١هـ