جديد لليلة عاشر محرم ...
ــ ــ ــ ــ ــ ــ ــ ــ ــ ــ ــ ــ ــ

الضـربـه على الطـعـنـه تدوس
وناسي لظى أسيوف الرجوس

مخضّب تصـيح أعله اللآم
خـلـو عـيـالي فـي سـلام

واحسينا ،، واحسينا
@@

قرب الخيم خضت الألـم بالغاضريه
عن لا تمسها أعيالك أجنود آل أميه
وزينب مع السجاد إنظروها الرزيه
كيف أبدماك التجري تدفعها الأذيه

مفجوعه من هول الجراحات الچثيرة
ونته دموعك عالخدود أتهل غزيرة

تصيح وتتمتم بالكلام
خلو عيالي في سلام
@@

چنّك بهاليجري ويهل عارف وداري
خلف الخيم خندق مع الأصحاب جاري
وحـدك غـديت أبلا مـناصـر بالبراري
أتذب الأعادي بهمّتك وهلك تباري

خايف على العيله من أنوايه الأعادي
خايف بعد عـينـك تصـل ليها الأيادي

وحدك تصيح أعله الخِصام
خـلّو عـيالي في سـلام
@@

خـلفك لفو بعد التعـب والنزف يحـسين
وحيلك خلص والباقي لك بس صوت لونين
جسمك غدا منخـل من أسـيوف المـعادين
ونته أوقعت فوق الترب شارف على البين

لاجن بقت عينك على أطفالك والعيال
بصـوتك تريد القـوم تتركـها لاتغـتال

ذبحوني ولاتمسو الخيام
خلّو عيالي في سـلام
@@

فوق العطش والطعن والنزف الأجالك
فرّو على أخيامك لجـل تاذي عيالك
ايهـون الذبح عندك نعـم ولّي غدالك
وميهون يالوالي الحـرم تنهك گبالك

أشگد تمنّيت العزم يرجع لحـيلك
خاطر تردها وماتنادي أعله قتيلك

منكب على أعواد السهام
خلّو عيالي في سلام
@@

بصوتك تنادي ومن صهيل الخيل والجيش
يصعب سماعه بالضجيج الجاري لو أيش
همها الجنود أتبوق وتسرق خاطر اتعيش
وماهمها حاشا بكربلا الجرم أعملت ليش

أعله الترب طايح والسهام برسومك
تنزف على الغبره وتنزف لك دمومك

أتمتم على أولاد الحرام
خـلّـو عـيالي في سـلام
@@

من للغـريب الراحو عنّه أهله وناسه
ينادي ولا له من مجيب أيفز في باسه
ألموت يفـزع له نعم في شرب كاسه
وبالعوز له ماتفـزع أقلوب الرجاسه

قلبك قضا ضامي من الماي ومنالك
لاأسگوه ماي ولارضو أيخلو عيالك

ضامي قضا بصوت الملام
خـلّـو عـيـالـي فـي سـلام

ــــ ــــ ــــ ــــ ــــ ــــ ـــ ـــ

تمت بحـمدالله تعالى
علي الأحسائي
١٤٣٩هـ

مجموعة أبوذيات عاشوريه ١٤٣٩هـ
٠٠٠٠٠٠٠٠

لسان حال الحوراء زينب والعباس ع ..

إلى أوخيتك نذر شعطيت شديت
لزمت العاهدت والروح شديت
ونـه بيك الظهر عباسي شديت
وما همني طريج الغاضريه

@@
لسان حال السيدة زينب ع ...

لزمنه الخيمه من شدت رعبنا
ولا فـاد الخـبا العسـكـر رعـبنا
على أوصاتك ياخويه لا رعبنا
ولاقدّر خيامي أحرق عليه
@@

قفي ياظلمت الحادي وستري
وغـطّي بالفلا أحـبابي وستري
بعد سلبو العدو أخماري وستري
بقيت أنتـي العبا بالغاضريه
@@

لسان حال الامام زين العابدين ع ...

الدمع مل البجي ومالحظه مليت
تنـوح بـلا دمـوع أشـلـون مليّت
ثيـابـك كـلـها دم لو هيّه ملْيت
بدل دمعك دما يابن الزجيّه
@@

لسان حال الحوارء زينب وهلال عاشوراء ...

القلب لاخيل ظل عنده ولاسيوف
وجيت الجرحه برماحك والسيوف
إلى أوجاعه مصاب الطف وله سيوف
كـافــي بالهـضــم طــعــنـات بيّه
@@

لسان حال طوعه ومسلم عندما وقفه أمام دارها عليه السلام ...

قالت له ...

شمالك ساكت أحچي مايحق لك
تطلب مني شربت ماي يحـق لك
بس يم داري توقـف مايحق لك
غـريب أنته وقوفك هم عليّه

قال لها ...

أنا الطبيت عدكم مسلم آني
وهلها الكوفه وسفه مسلم آني
عرفتيني ياطوعه مسلم آني
سفير حسين أبن حامي الحميه

@@

ياكافل هالحرم روحك ولاتقوم
أذب روحي على جدمك ولاتقوم
أنكشف ظلّي بعد عينك ولاتقوم
بكفالت ضعنك أختك السبيه


علي الأحسائي
٣ محرم ١٤٣٩هـ

ليلة السابع محرم ١٤٣٩هـ

ـــ ــــ ـــ ـــ ــــ ــــ ــــ ـــ ــــ ـــ

جـبركم ياعـيالي المـوت تبچـون
الضما مايدري بحساس اليموتون

ألاّ ادمـي الكتيبه
الماي أطلع أجيبه

لطـفالي
****

ياخـويه حـسـين طلبه لاتردني
أســمــع ونّت الأطـفـال تغــني
العيال أمن الضما للموت تدني
رخصه منّك أجني الماي خـلني

تنحـب مقـدر أسـمَـعْها بالونين
يسـعر قلْبها أعله الماي يحسين

خلني أطفي لهـيبه
الماي أطـلع أجـيبـه

لطـفالي
****

ياعباس القلب يدمي جـَعَـلْته
لياخويه الطلـب هـذا الطلـبته
إلك يصـعـب عـلـيّه لو تركـته
تدري حملي يوگع بعـدك أنته

وتتـشـتت عـيـالي والنـساوين
بعدك لو رحت من يبقه لي مين

لا اتگل بالمصيبه
الماي أطلع أجيبه

لطـفالي
****

دگلّي أحسين شلحل ردَّ أليه
تتضـوّر عطـش جـبـدت رقـيه
وسـكـنه بالخـيـم ويّه البقـيّه
أعـصابـي أفلتت خـويه عليّه

إذا اني مارحت أطفـالنا أتمـوت
وهلنا بالبواجي أسلاحها الصوت

دخـلنـي للغـريبه
الماي أطلع أجيبه

لطـفالي
****

يحـسـين العطاشه ياودادي
الخيمه لا رحت تومي الأيادي
العقيله هذا هـم بيّـه تـنـادي
أسمعها ياخويه بقلب صادي

أظن جـابت رضيعك لينا نسقيه
ياخـويه خلني ليها أطلع أرَوّيه

خلني اوسي نحيبه
الماي أطـلع أجـيبه

لطـفالي
****

گطّـعـته القـلـب عـباس ليّه
أخافن لا رحـت نرحل سـويّه
إذا جـانك مصـر ترحل وصيّه
أودعك يالأخـو خلني المسيه

أشكثر يالم طلوعك للأعادي
أنته حـيـلتي جفّّي وسنادي

مصر يبن النجيبه
الماي أطلع أجيبه

لطـفالي
****

لزوم الماي أجيبه حسين بيدي
أجيبه لو العساكر قطعو ليْدي
لزينب حـالف وهـذا وعــيـدي
أعـوفك مو بديّه ياعـضـيدي

خذت جـودي مع سيفي بديّه
لروي هالكفر ضيمي ألّي بيه

العسـكر لاخـيـبه
الماي أطلع أجيبه

لطـفالي

ــــ ـــ ـــ ـــ ـــ ـــ ـــ ـــ ــــ

تمت بحمدالله تعالى
علي الأحـسائي
١٤٣٩/١/٧هـ

ليلة ثامن محرم ليلة القاسم عليه السلام ..


عمي يحسـين أنه أبنه خـوك جـسام
جيتك أطلب وقفتي في صف الأعمام

مقدر أنظر وحدتك بالغاضريّه
لاتردني بنصرتك عندي وصيّه
*

هاك وقرأ هالضرف محفوظ عندي
من أبويه المجتبى يوصي في مدي
وأمي رمله لاتهل دمعي أعله خدي
عمـري للوالي نذرته والله جـندي

بلّي تامـر آنه حـاضـر للمنيّه
لاتردني بنصرتك عندي وصيّه
*

الدنيا دونك ماحلت والله في عيني
روحي فدّوه النصرتك ويّـه سـنيني
مـاتعـوفـك ونته وحـدك بالأنـينـي
توقف ألاّ في جوارك توسـي ديني

حتى لو ضاعو شبابي عم عليّه
لاتردني بنصـرتك عندي وصيّه
*

بويه من صغري على يومك وصاني
گلـي ياجـاسـم إذا مـوتـي وفـاني
عمّك أحـسين بفـلا أتشـوفه يعـاني
لاتعـوفـه بكـربـلا وحــده تـتـانـي

وانه لك عم جيت أحارب آل ميّه
لاتردني بنصرتك عـندي وصـيّه
*

كلّما أسمـعـك تنـادي بالمـناصـر
قلبي يالمني أعـوفـك دون ناصـر
بـلّي تامـر عـم عـليّه آنه حـاضـر
دمّي مايبقى وخيم أهلي تحـاصـر

ألاّ أفديك بحـياتي فـي الرزيّه
لاتردني بنصـرتك عـندي وصيّه
*

خــلّنـي ياعـم آتحــنّه من دمـانه
عرسي في نصرة عـمامي والديانه
هذا حلمّي هالمنى وطف لي حانه
خـل أوريهـا بقـتـالـي من هو آنه

بصولت الكرار جدّي هالرديّه
لاتردني بنصرتك عندي وصيّه

*
أوفي خلني بنصـرتك نذرن ذخـرته
لي مثل هذا الوقـت ألّي أنتـظـرته
ألممـات النا مـصـير أشـمـا حـذرته
وانـه مخـتار الممـات أبصـفّك أنته

خاطر أويّاكم أفـوز بهالقضـيّه
لاتردنّي بنصرتك عندي وصيّه


علي الأحسائي

🌑رجعت أوجاع الحسين🌑

.للرادود / ابومحمد الشداد
.كلمات الشاعر / علي الأحسائي
.حسينية الحيدريه بالسياسب
.ليلة ١ محرم ١٤٣٩هـ

https://youtu.be/I7qHCYW4fyI

لسان حال السيدة زينب لبن أخيها السجاد ع...

ضربات الشمـر بالوالي عميه
بتقطـيعه النحـر ياعمه عميه (عمني)
أغمضت عيني بنحيبي وصرت عميه
ولا شوفه الدرب شـوفـه أليّه

علي الأحسائي

جديد لليلة عاشر محرم ...
ــ ــ ــ ــ ــ ــ ــ ــ ــ ــ ــ ــ ــ

الضـربـه على الطـعـنـه تدوس
وناسي لظى أسيوف الرجوس

مخضّب تصـيح أعله اللآم
خـلـو عـيـالي فـي سـلام

واحسينا
@@

قرب الخيم خضت الألـم بالغاضريه
عن لا تمسها أعيالك أجنود آل أميه
وزينب مع السجاد إنظروها الرزيه
كيف أبدماك التجري تدفعها الأذيه

مفجوعه من هول الجراحات الچثيرة
ونته دموعك عالخدود أتهل غزيرة

تصيح وتتمتم بالكلام
خلو عيالي في سلام
@@

چنّك بهاليجري ويهل عارف وداري
خلف الخيم خندق مع الأصحاب جاري
وحـدك غـديت أبلا مـناصـر بالبراري
أتذب الأعادي بهمّتك وهلك تباري

خايف على العيله من أنوايه الأعادي
خايف بعد عـينـك تصـل ليها الأيادي

وحدك تصيح أعله الخِصام
خـلّو عـيالي في سـلام
@@

خـلفك لفو بعد التعـب والنزف يحـسين
وحيلك خلص والباقي لك بس صوت لونين
جسمك غدا منخـل من أسـيوف المـعادين
ونته أوقعت فوق الترب شارف على البين

لاجن بقت عينك على أطفالك والعيال
بصـوتك تريد القـوم تتركـها لاتغـتال

ذبحوني ولاتمسو الخيام
خلّو عيالي في سـلام
@@

فوق العطش والطعن والنزف الأجالك
فرّو على أخيامك لجـل تاذي عيالك
ايهـون الذبح عندك نعـم ولّي غدالك
وميهون يالوالي الحـرم تنهك گبالك

أشگد تمنّيت العزم يرجع لحـيلك
خاطر تردها وماتنادي أعله قتيلك

منكب على أعواد السهام
خلّو عيالي في سلام
@@

بصوتك تنادي ومن صهيل الخيل والجيش
يصعب سماعه بالضجيج الجاري لو أيش
همها الجنود أتبوق وتسرق خاطر اتعيش
وماهمها حاشا بكربلا الجرم أعملت ليش

أعله الترب طايح والسهام برسومك
تنزف على الغبره وتنزف لك دمومك

أتمتم على أولاد الحرام
خـلّـو عـيالي في سـلام
@@

من للغـريب الراحو عنّه أهله وناسه
ينادي ولا له من مجيب أيفز في باسه
ألموت يفـزع له نعم في شرب كاسه
وبالعوز له ماتفـزع أقلوب الرجاسه

قلبك قضا ضامي من الماي ومنالك
لاأسگوه ماي ولارضو أيخلو عيالك

ضامي قضا بصوت الملام
خـلّـو عـيـالـي فـي سـلام

ــــ ــــ ــــ ــــ ــــ ــــ ـــ ـــ

تمت بحـمدالله تعالى
علي الأحسائي
١٤٣٩هـ

أهدي ثواب هذي القصيدة المباركه لروح المرحوم طاهر محمد الشيخ علي وأرواح موتانه وموته المؤمنين والمؤمنات ومن ماته على ولاية علي قربتا إلى الله تعالى ..

لسان حال زين العابدين ع ..

جرام العادتك عمّي دفنها
حاشا جفوفك آنا أنسه دفنها (دفاها)
حتى وأن غدا موعد دفنها
تبقى بعيني مو مدفونه هيّه

لسان حال السيدة زينب ع ..

العدا بطبولها أعلينا يدفان
وبكعب أرماحها ناسك يدفان
نودع حسين ماخلّو يادفان
بدفانك بوعلي أوصله التحيه

علي الأحسائي

في ذكراى شهادة عليل كربلاء الأمام زين العابدين عليه السلام ..


ليلـيه تذرفـها الدمـوع
مشعل أمامك الشموع

بدمعك ونوحك والونين
عاشت جراحات الحسين

واحسينا ،، واغريبا
واغريبا ،، واحسينا

بدمعك ونوحك والونين
*

بويه مصابك بالقلب
،، يسعر لهيبه

بويه بخضابك كربلا
،، عيوني خضيبه

جيت الفيافي نينوى
،، وشلت المصيبه

وطيبه رَجعت بدمعتي
،، وروحي كأيبه

هذي حياتك ياعلي السجاد في نوح
عايش بعد ذبح الأبو في هموم وجروح

طول العمر تشكي الأمين
بدمعك ونوحك والونين
*

تگضي لياليك بحزن
،، من مارأيته

تگضي ودموعك عالوجن
،، تروي الحظيته

من گد نياحك عالولي
ظهرك حنيته

من گد قساوت ذبحته
الوالي بچيته

حاشا تمل من دمعتك ليليه همّال
تنحب وتنحب عالأبو يوميّه عالحال

تذكر ألم قطع الوتين
بدمعك ونوحك والونين
*

عايش عمر ويه الدمع
،، بعد الفجيعه

سرب الهواجيس القلب
،، مايستطيعه

هاجس يراويك الأخو
،، أوصاله قطيعه

هاجس يراويك الأبو
،، جثته صريعه

ضامي وفي قلبه السهم كاسر ضلوعه
غير الذي شاله نبت ثاني بطلوعه

كلك ألم كلك حـنـيـن
بدمعك ونوحك والونين
*

الناس يمتى تسْألك
،، نوحك تبطله

ومن تسألك يبن النبي
،، النوح أيتعلّه

ماتدري روحك من هضم
،، شلّي تحمله

ماتدري قلبك بالألم
،، شلّي وصلّه

شايل جرح غير الجروح أمن الصوايح
وحـدك تشـوفـك دايم بأحـزان طايح

وحدك يازين العابدين
بدمعك ونوحك والونين
*

مرت سنين أعله الهجر
،، ونته بجروحك

وهذا أنته يانجل النبي
،، زايد في نوحك

أمن الجفن ماينمحـي
،، الوالي في روحك

ساكن يبن حيدر علي
،، واضح في بوحك

ريت السيوف بكربلا من روحي نالت
ولا في عذاب أگضي العمر دنيايه طالت

دايـم ترددها بأنـيـن
بدمعك ونوحك والونين
*

اجنود الأعادي بالحييل
،، رادت تزيحك

شافت دموعك فاضحه
،، ورادت تطيحك

لكن صدى نوحك بقى
،، رغم التزيحك

باقي صداى أبكل أذن
،، قايم شطيحك

بمنعك مثل ماصار للزهرة الزجـيّه
ظنو يسكتون البچي أبسمهم وليّه

ظـنو يسـكـتون السنين
بدمعك ونوحك والونين

ـــ ـــ ـــ ـــ ـــ ـــ ـــ ـــ ـــ
علي الأحسائي
٢٥محرم ١٤٣٩هـ

لسان العقيله زينب والامام زين العابدين ...

دير النا الوجه شاهد ياسجاد
العدو بسوطه ضرب بينا يسج جاد
أنه عمتك ونادي لك ياسجاد
غيرك باليسر بس رد عليه

أصد المن ونه بطوگي مگيّد
وعـذابي بدفـتر آهاتي مگيّد
ياعمه أمرج إلى الباري مگيد
الظعن لشام محتوم بيّه

علي الأحسائي

لسان حال النبي في شهادة الحسن المجتبى عليه السلام ..

أنس لا مو أنس هُمّا بلَسْهام
على نعشك سُدى ترمي بلسهام
كل من گامت أبضدك بلسهام
خصومي بالحشر وعداء ليه

علي الأحسائي

في ذكراى أستشهاد الأمام الحسن المجتبى عليه السلام ...


حرگت أگليبي بصنعها العادتك
ليش عندي تندفن بس منعـتك

ياعظمها حرگتي
ألحسن ريحانتي

ليش عندي تندفن بس منعتك
@@

الحسن سبطي وغرّت عيلتي
الحـسـن نجلي ومهجت بضعتي
الحـسـن منّي وليـدي بسمـتي
ليش دفـنك يمـي تمـنع أمّتي

يابغضها الأسرتي يبني العـده
أشگد عليكم هالأعادي حاقده

في طعنكم طعنّتي
الحـسن ريحانتي

ليش عندي تندفن بس منعتك
@@

هذا وانه يمها تجرء تعـتدي
وين أجل ليهم وصاتي هالعدي
غير بيكم في الوصيّه تغـتدي
يمي تجرء ترمي نعشك يولدي

ترمي نعشك بالسهام الطاغيه
قبري رميت في صنعها الباغيه

هذا يمها وتعتدتي
الحـسـن ريحـانتي

ليش عندي تندفن بس منعتك
@@

العادتك يبني ترى الله عادته
الرميـتـك يبني نبيـها رمـيـتـه
حرمته الهادي الأعادي حـرمته
من حـفيدة المجـتبى ريحانته

أشكثر والله شفت لك ولهّتي
أبتعـديها أخطفتها فرحـتي

ليش تاذي أسرتي
الحسن ريحانتي

ليش عندي تندفن بس منعتك

@@

آنه أصدّگ مارأتني في العهد
شايلك ويّه الحسين أعله الزند
اليا كتر من دونكم ماأبتعـد
الاّ ويّاكـم عـيالي عالوعـد

غير حث الناس بيكم في الخطب
أولادي أحـبابي عـزاز أعله القلب

هالشمايل ضنوتي
الحسن ريحانتي

ليش عندي تندفن بس منعتك
@@

أعتب أعليمن على أعباد الوثن
لا قلب عدها ولا أحساسن يحن
همها دنياها فقط من هو الحسن
آه ياويلي عليك أبهالمحـن

حاشا ماقالو نجل خير البشر
للمناصب صغيو أرباب الكفر

مادرو أبذريّتي
الحسن ريحانتي

ليش عندي تندفن بس منعتك
@@

آنه عارف هالبشر مايتركوك
حتى في قبرك وليدي يلحگوك
عالمنابر والمجالس يشـتموك
عانه جدّك منّهم چم وانه بوك

أرجع وأنشد ضميري أبهالوضع
بالسـهام النازفه ويّـه المـنع

يمتى تعرف أمتي
الحسن ريحانتي

ليش عندي تندفن بس منعتك

ــــ ــــ ــــ ــــ ـــــ ــــ
تمت بحمدالله
علي الأحسائي
٧ صفر ١٤٣٩هـ

بخجل كافي القلب لك يحچي نوحه
ياخويه أويه السبايه وهُمّه نوحه
بخرابه ناحت أعله الراس نوحه
بعـَدْها ودّعـت بنتـك رقـيّه

علي الأحسائي

لسان حال السيدة زينب في بنت أخيها رقيه ...

حچي گال القلب لو راد بس آخ
يمـنـعـهم ردت لي باقـي بس آخ
عليج أمصابه أخويه خافي بس آخ
راسه جابو في حجـرج رقـيّه

علي الأحسائي

نناشد يالحسن من جرحه كبرك

مظـلوم بسـماها طـيـبه كبرك

مع رشق النعش مهدوم گبرك

وممنوع الزياره أبن الزجيه

علي الأحسائي 💔

اللهم صل على محمد وآل محمد

بالكـرم والجـود مابين العباد
عشتَ بخلاقك ملك يابوالجواد
@@

عـشـت مثل آبائك أبود منتظـم
تفـرش الزاد وتنـادي عالخــدم
كل فرد بسـمه تنـادي وتبتـسم
وتجلـس أويها وتاكل في القدم

محـترم ناسك وضـيفـك يالوداد
عشت بخلاق النبي أبيضَّ الفؤاد
@@

كل فرد يقصد علي ضرفه عسير
جنت تقضي حاجته وتنطي اليسير
تكـرم الضـيـف وتساعد َّالفـقـير
ومـاتـرد سـائل أبـد ونته الأمـير

هذا طبعك يالولي صافي المـراد
وتبقى صافي يالرضا اليوم المعاد
@@

كـلك أخـلاق ومحـنـه عالقـصـد
حـاشـا تـتـثـائب إذا قصدك أحــد
وبالوجـه حاشا اليطب جـدمك تمد
وحاشا تقطع حد حديثه وعن تصد

شيعـتك يوم الشهادة بالسـواد
يالرضا مو حقها تعمل لك حداد
@@

سمّو جبدك ونته أبن خير البشر
ووارث أعلـومه وتعاليمه الطهر
سمو جبدك ونته بالضـيج المفر
مادرو المـعـبر فقط بمرك تمـر

آخ يالمظـلوم وين أهـلك بعاد
جرح فقدك يالأبو بالقـلب حاد
@@

يانجـل حـيدر علي ونجل البتول
ألف وسفه أعله ضياك أبن الرسول
غـاب وخـلانا فـي هالدنيا نجـول
غـاب وخــلانـا ندوّر عالأصـول

أشفاده المؤمون سمّك والعناد
بالعكـس حـبك مع الانصار زاد
@@

عالمحـب خايف تعادي العـادتك
وبالمحن دوم المحـامي الشيعتك
شلون ماتحـضر عـزاها شـيلتـك
وتلطم أعله أصدورها بجـنازتك

من بعد فقدك صبح خالي البلاد
ونتشر بالدنيا يالوالي الفـساد
@@

الحين في فقدك تناديك بعويل
عرفـت الوادم مكانك بالرحـيل
رحمة في سابق مكانك يالسليل
الغريبه الحين ناسك مو الخليل

مالها حد شيعتك يلقي المداد
ضـايعه صـارت ودنياها بنكاد


علي الأحسائي
١٤٣٨هـ

نزله في ذكراى أستشهاد الأمام علي أبن موسى الرضا عليه السلام ..

عظم الله لك الأجره علي

سـمـو العـدوان نجـلك الرضا
نجـلك المظـلوم من سمها گضا
مات في غربه وضيا الزاهر مضا
مات وفي جوفه من الجاني لظه
&&

ويلي من سمها قذفها جـبدته
گـطّـع أحشائه ورماها بشـهـقته
مارعـو حـقّـه ومـكـانـه بغـيلته
ألعــدا قـتـله ياوالـي خـطــته
&&

أبلا عشيره ولا أهل ويلي غريب
ماكو في مشهد إلى واحـد گريب
أمن المدينه جابو مغصوب النجيب
مثل نجلك الگضه بالطف خضيب
&&

أمشابها في غربته مـاله معين
ذاك في طف كربلا قتلو الحسين
ونجلك بطوس الرضا قتلو بكمين
كلهم أولادك گضو من عد لعـين
&&

شحال أمّه فاطمه الزهرة ياحيف
لو رأت جبد الرضا وحاله المخيف
ظل على أوجاعه أيتلوه والنزيف
ظل على الغبره يون وسفه الشريف
&&

ظل جبينه يعرق وغاب الأنيـن
شاخص بعينه الزكي وكلّه حنين
شاخص وفكره في مقطوع الوتين
الظل ثلت أيام عالغبره رهـين
&&

مارعو صومه وضما جبده الخليل
دسـوّ سمـهـم الأعـادي لسـلـيـل
وبالجـبر رادو يشـربه في الرحـيل
مات من مسمها ياحـماي الدخيل


علي الأحسائي
صفر ١٤٣٨هـ