✶•┈‏​┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈┈•✶

قصيده للعليله على طور قصيدة( اتمر اعله بالي بهدوة الليل )


يالرحتوا عني وما تعودون
اشلون بالله بحالتي شلون
الفركه دمعهه يعمي العيون
احتاجيتكم احتاجيتكم
༄💔 ★═━━▒ ━═★💔༄

بنظرات عيني الحزن والخوف
مو دمع دم النزل مذروف
وشل دمعهه وبجت الشوف
بروحي شلل كمت ازحف ازحوف

يوم المشيتوا يالاهل روحي مشت وياكم
من كثر دمعي ألي يهل عيني انطفت بجفاكم

كل لحظه تذبح بيه الاشواك
الدمع ينزل جمر حراك
الموت اهون من الفراك
احتاجيتكم احتاجيتكم

✍أزهار جبار الجياشي

༄💔 ★═━━▒ ━═★💔༄

دمعي دمه والحيل مهدوم
ما هودت اعيوني للنوم
يهلي المنايه اعليه اتحوم
من حزني كمت اعثر بالهموم

يالسافريتو ابلا وعد تدروني أظل برجاكم
يا وسفه يعزاز الگلب ابعيد الدهر وداكم

من رحتو راح اویاکم الحیل
وشلون بيه بوحشة الليل
بدموع عيني اكتب مراسيل
احتاجيتكم احتاجيتكم

✍ام زهراء الزيداويه البصراويه

༄💔 ★═━━▒ ━═★💔༄

لصْوَركم انظر صوره صوره
راسي لدربكم كلسه ادوره
وماعندي والي اكعد واشوره
والمرض مني اخذ دوره

نحلني يابويه المرض دم ابجي من فركاكم
اتمنيت ميته ولا اظل بالدار وحدي اتناكم

دم مو دمع ينزل من العين
وحدي واريداً والدي حسين
مصلايه رت افرش للحنين
احتاجيتكم احتاجيتكم

✍🏻ام علي الامارة

༄💔 ★═━━▒ ━═★💔༄

اذكر خواتي و دمعي همال
العباس عمي وذيج العيال
من مشو عني اترده الحال
جرح الهجر بالروح جتال

كلكم مشيتو لكربله. وكَلبي نكسر تدروني
من بعيد اباوع علَ الضعن. واني الدمع بعيوني

سلوتي ضلت دمعي والنوح
بكَليبي حسره وآه وجروح
من رحتو احساً راحت الروح
احتاجيتكم احتاجيتكم

✍ الشاعرة رقية العامري

༄💔 ★═━━▒ ━═★💔༄

بويه صحت تانيني يحسين
ماخذ خواتي وكل هلي وين
معلوله اضل والدمع بالعين
اصفك صفيت الحالي جفين

مشتاكه الكم يالابو وعبد الله أله مشتاكه
اتمنه يرد بيه الوكت يا بويه او نتلاكه

نار بدليلي اموجره لدوم
بكد الجبال ابكلبي الهموم
وعيوني ماشافت ابد نوم
احتاجيتكم احتاجيتكم

✍ام حسين الفريداوي

༄💔 ★═━━▒ ━═★💔༄

ابقه انتظر وعيوني عل الباب
هلبت يجيني منكم اجواب
ايفرح دليلي البالهجر ذاب
ولو شفت ليلي والضوه غاب

الوحشه تاكل بالكلب تذبحني يا وناتي
ذبل عيوني والجفن ينزل جمر دمعاتي

يا حالي بعدك صفه بيا حال
ونت عليله اتهدم اجبال
الوكت بيه يالابو مال
احتاجيتكم احتاجيتكم

✍ام اسعد الشمري

༄💔 ★═━━▒ ━═★💔༄

اتعذرتوا واتركتوني بالدار
دمعي على الوجنات مدرار
ماادري بيك اشصار ماصار
ياهو اليجيب البتكم اخبار

مامش خبر من المشوا لاطارش ايدگ الباب
وآنه ذبت مثل الشمع والگلب صاير عطاب

عالعتبه اگعد وانظر ابعيد
اعتب ولاجن عتبي شيفيد
بلجن ظعنكم يكطع البيد
احتاجيتكم احتاجيتكم

✍️الشاعرة ام يحيى العبودي

༄💔 ★═━━▒ ━═★💔༄


تمت بعون الله تعالى

بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب عليها السلام
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان عجل الله تعالى فرجه الشريف وسهل مخرجه

»﷼قصيده للعباس ع
طلب حاجه

بجــاه ام البنيــن انخاك عــباس
ترى جرحي جبير وللعضم جاس
᯽᯽᯽᯽᯽᯽᯽᯽
تعـنيت لحـضرتك.كلبي ملجـوم
شسولف سيدي ودموعي ادموم
نخيتك يابو فاضل تجلي الهموم

احلفك بلمشت من دون حراس

✍🏻الشاعره ام نادين المحمداويه
᯽᯽᯽᯽᯽᯽᯽᯽
انــت الماتــرد طـــلاب ندريــك
مــن كلبي يبو فاضل احاجــيك
امشي ام الخدر هالليله اعلــيك

زيل اهمومي مني شيب الــراس

. ✍🏻الشاعره مريم العبوديه اسيرة الاحزان💔
᯽᯽᯽᯽᯽᯽᯽᯽

همومي اثكال ومهظومه اجيتك
بخدر زينب يبو فاضل نخيتك
بدمــع حزني يكافل حشميتك

كلبي اتفـرحه يا ابو النــوماس

✍أزهار جبار الجياشي
᯽᯽᯽᯽᯽᯽᯽᯽
احلفنــك يكافـــل ضعن العيــال
تره وكتي هظمــني والدهــر مال
بحضرتك كل حزن مولاي ينزال

تكظي حاجتي امجرحه احساس

✍️خادمة اهل البيت ام ابراهيم الحلفي
᯽᯽᯽᯽᯽᯽᯽᯽
تعنيتــك واجيت ودمعــي ايسيل
وصحت بصوت ياابو فاضل ادخيل
اريد اهموم گلبي ابچفك. اتشيل

ابجودك يخو زينب تشهد الناس

✍ام زهراء الزيداويه البصراويه
᯽᯽᯽᯽᯽᯽᯽᯽
‌تری جرحی عظیم وظایع ادوای
اجیـت الیوم وانه ابهمي شچای
یـبوفاضــل ابحـق امــک یروای

اریدن حاجتی يالكلك حساس

✍المیرزا ام لیلی الخاقانی
᯽᯽᯽᯽᯽᯽᯽᯽
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))

قصيده طلب حاجه💔


يا كافل خدر بت اطهر الناس
مهظومه اجيتك انه عباس
᯽᯽᯽᯽᯽᯽᯽᯽

مهظومه اجيتك دمعتي بالعين
تشافي علتي الصارلهه سنين
امشي عليك زينب ويه الحسين
ومكطوع النحر وبحافر انداس

✍أزهار جبار الجياشي
᯽᯽᯽᯽᯽᯽᯽᯽

اريد اطيب جروحي يضرغام
كَلبي منجرح بيه كومه الآلام
تدري بهظمتي كل هاي الأيام
احلفك بالمشت من غير حراس

✍ الشاعرة رقية العامري
᯽᯽᯽᯽᯽᯽᯽᯽

وكفت ابابك ومديت الايدين
اقسم بالرضيع وابذبحت احسين
تكظي حاجتي بجاه ام البنين
علتي بالكلب بيها اظن حاس

✍ام اسعد الشمري
᯽᯽᯽᯽᯽᯽᯽᯽

يرد طلاب مااعتقد هيهات
ياباب الحوائج والكرامات
احلفك بالمشن بالطف سبيات
ياتاج الكرامه وتاج عالراس

✍🏼ام حسين الفرداويه
. ᯽᯽᯽᯽᯽᯽᯽᯽

ياباب الكرامه اجيتك اليوم
شافي علتي وازيل الهموم
مهظومه وحزينه وكلبي مالوم
يالكلك شهامه ونخوه وحساس

✍🏻خادمه الزهراء غدير الباهلي
᯽᯽᯽᯽᯽᯽᯽᯽

ياكافـــل خدر زينب اجيتــك
لکل حاچه ييو فاضل لکیتک
من بيتي يبو الغيره اعتنـــيك
حزني ماظـــنن اله مقياس

خادمة اهل البيت ام ابراهيم الحلفي
᯽᯽᯽᯽᯽᯽᯽᯽

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))

.​‏❨﷽❩┈‏​‏​‏​‏​​‏•‏​‏​​‏┈┈•✬​

سومر وجهك بويه. وشمس التحرگ بيك
لا وصلة الويانه. ونركض ونغطيك

*•──≪᯽≫──•*

جمرة التجوي بروحي. من انظر هالحال
دمك ينزل بويه. من فوگ العسال
يبست حته اشفافك. ومخضب برمال

وخيل الگوم لغارت. داست بويه عليك

✍🏻الشاعره مريم العبوديه اسيرة الاخزان💔
*•──≪᯽≫──•*

اعليك الخيل الغارت... سحكت جسمك حيل
انه شظل ابروحی.. ودمك شفته ايسيل
انعی بکسرت خاطر... وروحي تصيح الويل

بويه أنتَ ابهالحال يحسين امسلبيك

✍أزهار جبار الجياشي
*•──≪᯽≫──•*

راسك بويه ويانه.... وشمس الله ادور
تصافح وجهك ساعة... والراس المنحور

ويانه السجاد ينادي ويون لصبعك مبتور

ومن فوگ الهزل. شفنه اجروح البيك

✍🏻خادمة اهل البيت ام ابراهيم الحلفي
*•──≪᯽≫──•*

اصعد فوك الهزل وعيني تصد العين
انظر شيبك بالدم مخضب بويه حسين
مهظومه وبس ابجي من لوعات البين

راسك نور يشع بعامود معلكيك

✍🏻ام علي الاماره
..... *•──≪᯽≫──•*

مسلب فوك الغبره ودمك يجري ايسيح
تلجم بيها جروحك يابو الغيره الريح
المثلك يابن حيدر يهوه اشلون ايطيح

متغيرات ارسومك طين ورمله الغاطيك

✍️ام نور الزهراء الزينبيه
*•──≪᯽≫──•*

رسمک حیل تغير.. تغیر بويه هواي
دم وترب غاطيهن يابويه تفجع هاي
عطشان جبده ويلي ممنوع عنه الماي

حاجيني وجاوب بويه...علرمل ليش مخليك

✍🏻خادمه الزهراء غدير الباهلي
*•──≪᯽≫──•*

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))

https://www.tg-me.com/dtyruFteRqejkvuccdsqiopkm

‏مقطع صوتي من وهم

»﷼قصيده للعباس ع
طلب حاجه

بجــاه ام البنيــن انخاك عــباس
ترى جرحي جبير وللعضم جاس
᯽᯽᯽᯽᯽᯽᯽᯽
تعـنيت لحـضرتك.كلبي ملجـوم
شسولف سيدي ودموعي ادموم
نخيتك يابو فاضل تجلي الهموم

احلفك بلمشت من دون حراس

✍🏻الشاعره ام نادين المحمداويه
᯽᯽᯽᯽᯽᯽᯽᯽
انــت الماتــرد طـــلاب ندريــك
مــن كلبي يبو فاضل احاجــيك
امشي ام الخدر هالليله اعلــيك

زيل اهمومي مني شيب الــراس

. ✍🏻الشاعره مريم العبوديه اسيرة الاحزان💔
᯽᯽᯽᯽᯽᯽᯽᯽

همومي اثكال ومهظومه اجيتك
بخدر زينب يبو فاضل نخيتك
بدمــع حزني يكافل حشميتك

كلبي اتفـرحه يا ابو النــوماس

✍أزهار جبار الجياشي
᯽᯽᯽᯽᯽᯽᯽᯽
احلفنــك يكافـــل ضعن العيــال
تره وكتي هظمــني والدهــر مال
بحضرتك كل حزن مولاي ينزال

تكظي حاجتي امجرحه احساس

✍️خادمة اهل البيت ام ابراهيم الحلفي
᯽᯽᯽᯽᯽᯽᯽᯽
تعنيتــك واجيت ودمعــي ايسيل
وصحت بصوت ياابو فاضل ادخيل
اريد اهموم گلبي ابچفك. اتشيل

ابجودك يخو زينب تشهد الناس

✍ام زهراء الزيداويه البصراويه
᯽᯽᯽᯽᯽᯽᯽᯽
‌تری جرحی عظیم وظایع ادوای
اجیـت الیوم وانه ابهمي شچای
یـبوفاضــل ابحـق امــک یروای

اریدن حاجتی يالكلك حساس

✍المیرزا ام لیلی الخاقانی
᯽᯽᯽᯽᯽᯽᯽᯽
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))

https://www.tg-me.com/dtyruFteRqejkvuccdsqiopkm

عه •┈‏​┈•‏​‏​​‏•❥ًً❀(•«﷽»•)

قصيده لأبي الفضل العباس عليه السلام كأني بلسان حال مولاتي زينب عليها السلام... على طور( اتمر أعله بالي بهدوة الليل )


عباس ارجع خويه اتانيك
وللنهر تربي عيني اعليك
يا نفس ريتي صعبه اخليك
ا يغالي ا يغالي
ــــــــــــــــــــــــــــــــــــــــــ

يلي جبتني كوم وياي
اتذوب دليلي نومتك هاي
ارجعلي ما اريدن أنه الماي

للنهر خويه من رحت
عباس حيلي اخذته
والاخو لو راح أو بعد
بالضيم تبقه أخيته

بالعمر شلي بدون عيناك
يا سور خدري انبنه بيمناك
وبطيحتك اتشمت اعداك
أ يغالي ا یغالي

✍🏻الشاعره ازهار الچیاشي
ـــــــــــــــــــــــــــــــــــــــــــــــــــــ

نمشي يساره بــهدوة الليل
فگدك سباني وهدلي الحيل
حرت بيتامه ومدمعي يسيل


والعيله طشت بالفلا
ياخويه وبـلا والي
ورقية تبچيك بهظم
ريتك تشاهد حالي

بدرب اليسر ياخويـه ردناك
بس الشمر يضــرب يتاماك
عباس وينك مـــكدر انساك

أيغالي . أيغالی

✍🏻الشاعره مریم العبودیه اسیرة الاحزان💔
ـــــــــــــــــــــــــــــــــــــــــــــــــــــــــــ

يانبض. گلبي. ونور. عيناي
عباس خويه صعبه اهواي
بالضــعن خـــويه الشمر حــداي

من بعد عینك يا گمر.
هلگوم. اجـــو عذبونــه
وبلا رحم يبن. الفحل
بسياطهم ضربونه

اتمنيت عمري يخلص اوياك
يصعـب عليـه حـيل فرگاك
ولقدر يم النهر وداك

ا يغالي. ايغالي

✍ام زهراء الزيداويه البصراويه
ـــــــــــــــــــــــــــــــــــــــــــــــــــــــــــــ

محــتاجه جفك خويه لليوم
انهـــض كفيـلي وبسـك النوم
جيتك وعـيني تمطــر ادموم

كوم انت دكيت الصدر
كتلي يخيتي أكفيلج
لوعيني طفاها السهم.
عطرج اشمه واجيلج

ريتك تشوفه الحالي بجفاك
حركو خيمنه بطیحت الواك
ولموت تالي خويه يدناك

ايالغالي ايالغالي

✍الشاعره ام اسعد الشمري
ــــــــــــــــــــــــــــــــــــــــــــــــ

هلت دمعتي وكلبي مجروح
يا خويه بعدك سهمي النوح
ظلت حزينه مفرفحه الروح

اكعد يبن حيدر علي
لتعوف زينب تمشي
وحدهه ما بين الغرب
وتنوح ويلي وتبچي

اختك حزينه بحسره تنــعاك
راحت غريبه الاجت بحماك
مكسور جنحي انه بلیاك

أ يغالي أ. يغالي

✍🏻خادمه الزهراء غدير الباهلي
ـــــــــــــــــــــــــــــــــــــــــــــــــــــــ

الايتام تبجي ويعله الونين
وماضل دمع عباس بالعين
تدري بضعنه وين ناوين

جم طفله تصرخ بالضعن
بسياطهم لوعوهه
عدنه عليل وحالته
صعبه اهم شافوهه

عيني أعلدربك تنطر هناك
زینب یخوها ترید ملگاك
تالي صفينه بغير يمناك

أ يغالي أ يغالي

رمـــ✍ـاد الخيام
ـــــــــــــــــــــــــــــــــــــــــــــ
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
الشاعره الدكتوره فرح الساعدي الملقبه بالدره الفاطميه
نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

قصيده عن لسان السيده حميده بنت مسلم ابن عقيل تتكلم مع الحسين عليه السلام تقول( وزن تچلیبه)

عمي حسين ابويه مشبعت منه
للكوفه اخذني خل اشوفنه

▣=======▣🎟◈▣=======▣

للكوفه لأبـــوي ارجوك ودينـي
مشتاقه شكـــثر يحسين تدرينـي
ظلـــمه دنيتي من بعده وسنيـني
نار البلگلب يا عمــي تجــويني

ومن يوم المشه ما بطل الونــه
للكوفه اخذني خل اشوفنــه

. ✍🏻الشاعره غدیر الباهلي
▣=======▣🎟◈▣=======▣

يا عمي لبـــويه حــــيل مشـــتاكه
ويدري ابنيـته ما تحمل افــــراكه
تنـــزل من جمر دمعـــاتي حـــراكه
وتذبحــني حسرتي بروحي خـناكه

آنه بحاجته واليوم اريدنـــه
للكوفه اخذني خل اشوفنـــه

✍أ الشاعره ازهار جبار الجياشی
▣=======▣🎟◈▣=======▣

شـلـــي بدنيتـي والابـــــو مابـيـها
ياعمـــي افــــراكـه روحي يحنيها
بنتــه بالهــــــظم بـــعــده يخلــيها
مصيــبات الدهر بالكلب تـجويـها

ومن شم الهوه انه اکطع الظــــنه
للکوفه اخذنی خـــل اشــوفنــــه

ـ✍🏻مریم العبودیه اسیرة الاحزان 💔
▣=======▣🎟◈▣=======▣

ابويه راح منـــي وبعد ما شـــوفــه
اظن غدروا ابــــويه اهل هالـــكوفه
جرح كلـــبي نزف وبيـش أنه اروفه
دمـــعاتي اعله خدي تكت مــذروفه

یاهظـــم الکلب بالروح اســطرنه
للـــكوفه اخذني خـــل اشــــوفنه

✍ام حسين الفريداوي.
▣=======▣🎟◈▣=======▣

عايفنــي الابــــو لا ما نشــد بیــــه
یعمـــی دنیــــتی ظلمه بعـد ضــیه
منين بعـــد الابـــو مهظـــومه البنیه
یریت اویاه اخذت روحي المنـــيه

مشتاگه انـــه الصوته اسمــعنه
للکـــوفه اخذنـــی خل اشــوفنه

✍🏻ام یوسف المنبوهی
▣=======▣🎟◈▣=======▣

ياعمي الابــو خيمه علــى ابنيـــته
تمشي ابزود ترفع هامه من صيته
ظهري منحني محزن غده بيتــــه
عمري ریت يخلص واندفن ريــته

ولا اعيش اليتم يـمّه الكبر جنه
للكوفه اخذني خل اشــوفنـــه

✍ام اسعد الشمري
▣=======▣🎟◈▣=======▣

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

قصیده للسیده زینب ع

الدنيه ويالعقيله اشتد ظلـمها
بكل هاي المصايب فاقت امها
*✿───↻✿...✿↺───✿
.
مواجع هالزمن لم عون تعرض
ليها كل حــزن ياناس يركــض
مصايبها عجــيبه وبيها اتــرض

محــتارة بــعـد المــن تظمهــا
الدنيه ويالعقيله اشتد ظلمها

. ✍🏻الشاعره مریم العبودیه اسیرة الاحزان💔
*✿───↻✿...✿↺───✿

حسافه الوكت مارحم بالحال
راواها العقيله امصايب اشكال
ودمعها من دمه عالوجن همال

للبــاری شکـت لوعــة هظــمها
الدنیا ویالعقـیله اشد ظلمها

✍ سهام المالكي
*✿───↻✿...✿↺───✿

عباس الشهم وينه أبو الغيـره
تحيرت بت علي حيرته اجبـيره
ناظــرها العقیله المـــن ادیـــره

حسافات الوكت لا مارحمــها
الدنيه ويالعقيله اشتد ظلمها

✍ الشاعرة رقية العامري
*✿───↻✿...✿↺───✿

الدنيا وي الـدهر اقسن عليها
ويا طف كربله الما رحم بيــها
وجـم سوط بمتنــهه اليأذيهـــه

وتخفي الدمعه والهظمه وألمها
الدنيا وي العقيله اشتد ظلمها

✍أزهار جبار الجياشي
*✿───↻✿...✿↺───✿

تون ام المصايب تبجي وتنوح
للكطــعوا جفوفه وعلی المذبوج
هضمهه فراك اهلهه ومرد الروح

زينب ماوصل واحد صبــرها
الدنيا وي العقيله اشتد ظلمها

✍🏻ام باقر السراي
*✿───↻✿...✿↺───✿
.
ما واحد وصل صبرج يحره
شفتي حسين من رضوله صدره
ومن شفتی الشمر حزاله نحره

ومن جرح المتون ايسيل دمها
لدنيا ويالعقيــله اشتد ضلمها

✍🏻خادمه الزهراء غدير الباهلي
*✿───↻✿...✿↺───✿
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

قصیده للحسین ع🍃

كوم اتحضر العاشور يالخادم لبو السجاد
الزهره اتعينهه بهاليوم واسيهه بذبح الاولاد
*✿────↻✿...✿↺────✿
.
يالتخدمهم بإخلاص ودموع الحزن تجريها
هاي الخدمه رفعة راس لحد موتك تضل بيها
هاي المكرمه للدوم فوك الراس خليها

وحب حسين وولاده بروحك كل سنه يزداد

✍أم حسين الفريداوي
*✿────↻✿...✿↺────✿

ما طول النفس موجود استغل هالفرصه يالخادم
ما تدري بأي لحظه العمر ينتهي يبن آدم
حتى لا يجيك اليوم تعض بأصبعك نادم

خدمتك لبصدق واخلاص بيهه تفوز بالميعاد

✍أزهار جبار الجياشي
*✿────↻✿...✿↺────✿
.
يلــي تــخدم اهــل البيت. دنيا وآخــره يحضــروك
هــذوله اولادهـــه الزهره. هــمه اختاروا ويـــردوك
تجـــبر خاطر ام حســـين تعـــازي ناس ويـعازوك

وكل عام اليمر اعليك جدد بلعزه الحداد

✍🏻ام باقر السراي
*✿────↻✿...✿↺────✿
.
جدد جمرة المذبوح وعلي ونتك کل حین
وأذکر لوعـة أيتامه وأبجي وجري دمع العين
تنول المنزله اهناك وتنظر لام حسن وحسين

سجل بالعجل أسمك.بخدمتهم تنول امجاد

رمـــ✍ــاد الخيام
*✿────↻✿...✿↺────✿

اذكر حزن ابو السجاد واذكر لوعة اطفاله
واذكر من گطع نحر وراسه اعله الرمح شاله
اذكر زينب الحره تبجي بعين هماله

جدد كل سنه ويا ومن اجله الحزن ينعاد

✍🏻خادمة اهل البيت ام ابراهيم الحلفي
*✿────↻✿...✿↺────✿
.
صفي النيه يلخادم وي آل النبي الاطهار
هاي الخدمه تدريها متخلي العبد يحتار
يوم الحسره يلخادم ما تنفع أبد الاعذار

ثبت بيها اجدامك يوم تزل جدم العباد

✍خادمة الزهراء// ليلى زغيب
*✿────↻✿...✿↺────✿

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))،
https://www.tg-me.com/dtyruFteRqejkvuccdsqiopkm

.​‏❨﷽❩┈‏​‏​‏​‏​​‏•‏​‏

قصيده لخروج ضعن الحسين عليه السلام متوجه الى كربلاء

ألضعن سار او رفت رايته
لكربله ضعن لحسين وجهته
᯽᯽᯽᯽᯽᯽᯽᯽

الدين كله خرج بهذا الضعن
عالشرك واهله يقضي والفتن
وسِوَر قرآن العفاف ويا مشن
اكفيلهن عباس بي يتنومسن

ودعوا أم البنين
ايرف قلبهه علحسين
سالم اتردلي ييمه نادته

✍ أزهار جبار الجياشي
᯽᯽᯽᯽᯽᯽᯽᯽

كلها تتنومس ابراعي. المرجله
اتكفل ابعــــمره الكل العايله
ويه الزند عباس شد. القافله
وگاصدین ابهمه ديرة. كربله

ودعوا قبر الرسول
وفاطمه الزهره البتول
الكربله ابو اليمه صارت غايته

✍ام زهراء الزيداويه البصراويه
᯽᯽᯽᯽᯽᯽᯽᯽

امن المدينه سارت انياگ العفاف
من اهل الغدر زينب كلبهه يخاف
ابو فاضل شال رايه اعله الجتاف
حسين ما كملهه حجته والطواف

اويه الحسن يتوادعون
دم يسيل امن العيون
تكسر الخاطر ضعنهم شوفته

✍خادمة أهل البيت ام ابراهيم الحلفي
᯽᯽᯽᯽᯽᯽᯽᯽

للطفوف الضعن بي اتوجهوا
العليله اتصد عليهم من سروا
تذبح الحسرات بيهه من مشوا
جن وداع الموت من اتوادعوا

عنهه من سار الضعن
ابهظم ظلت بس تون
آه يا كلب العليله ومحنته

✍أم نور الزهراء الزينبيه
᯽᯽᯽᯽᯽᯽᯽᯽

كَلهُم اصلاح الديانه طلعتي
دين جدي يكمل ابدم ركبتي
تنسبي زينب يذبحون اخوتي
تنذكر طول الزمن ياقصتي

توادعو اخر وداع
ولحزن تارس الکاع
يدري مايرجع بعد يم ديرته

✍ام اسعد الشمري
᯽᯽᯽᯽᯽᯽᯽᯽

سار بسم الله ومشه صوب الطفوف
ورایةالحق فوگ ظعن الحق تطوف
ولمنــــايــــه ابكــــربله بیهم تحــوف
والـــبطل عباس حضـــرها الچفــوف

حتی یفدیها لخوه
وللعقیله بنت ابوه
الهل امر ام البنین ذخرته

✍المیرزا ام لیلی الخاقانی
᯽᯽᯽᯽᯽᯽᯽᯽
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

قصيده للامام العسكري عليه افضل الصلاة والسلام


الكون انكلب نضامه..
وتتحسر الامامه

بفكد الامام العسكري...
اعلن حداده....
*•──≪᯽≫──•*

نرفع   ايات    الحزن  والدمعه واللوعه
للامام   المنتظر  من  تهمل   ادموعه
يبجي اعله ابوه العسكري  والامه مفجوعه
اظلم الكون  بحزن و نطفت اشموعه

بالسم كضه نحيبه.
هالفاجعه رهيبه


واللي عنده هموم كثرة.. ينعطي مراده
بفكد الامام العسكري اعلن حداده


. ✍🏻الشاعره مريم العبوديه اسيرة الاحزان 💔
★--------------✾-❀✾---------------★

الدنيه وحشه ومظلمه  غيم حزن  بيهه
الشيعه مهمومه وتون عالحسن واليهه
للمهدي رايات  الحزن بسمه   تعليهه
وللعسكري نقيم العزه وفاطم  نواسيهه

حزنانه كل احبابه
تبجي وتون لمصابه

يوم الذبيح بكربله امصاب الحسن عاده
بفكد الامام العسكري اعلن حداده

✍ الشاعره أزهار جبار الجياشي
★--------------✾-❀✾---------------★

فجعونه اهل المعصية بمصابه فجعونه
اهتزت اركان لسمه واظلم صبح  كونه
عله الامام العسكري اليبچي خيعونه
بحركه  يلطم عالصدر وتجري اعيونه

للمنتظر   نعازي
بلهفة گلب ننادي

بهاذه المصاب الجلل. انعازي الساده
بفكد الامام العسكري اعلن حداده


✍ الشاعره الحاجه أم احمد الحچامي
★--------------✾-❀✾---------------★

حزنانه لأجله وتنتحب هليله  أحبابه
والمنتظر ناح ويون ودموعه سجابه
حيل ياذي العسكري ياشيعه امصابه
ماتنطفي طول الزمن   هالنار   لهابه

ماننسه محنة عاشور.
والسبي وهدم الگبور

نار الحزن ماتنطفي. بالگلب وگاده
بفكد الامام العسكري اعلن حداده


✍ الشاعره ام زهراء الزيداويه البصراويه
★--------------✾-❀✾---------------★

ملجوم  مهدينا  يون  بالنايبه ينوح
ينادي ابوه العسكري والالم   بالروح
مصابك فجعنه بالكلب وخلف اجروح
سم الجبد ظل ويلي  اكباله  ايلوح

ما انسى  أبد المصاب
جمره.  الحزن.   لهاب


والحزن  عالدوم صار الي  عاده
بفكد الامام العسكري اعلن حداده


✍الشاعره خادمة الزهراء  ليلى زغيب
★--------------✾-❀✾---------------★

يالمهدي كلبك  بالجمر يتلاهب بنار
من جدك الهادي بده من سم المختار
وياهو اشد واحد عليك و خلد اثار
نتنطر الطلعه يمهدي وتاخذ الثار

الفقار بيدك تشهره
وبعلم سبع الگنطره

الدين بسمك تنصره وحيدر ترجع امجاده
بفكد الامام العسكري اعلن حداده

✍️ #اسيل_الذهبي
★--------------✾-❀✾---------------★
تمت بعون الله تعالى
بـ✍ــاقـ✍ــلام خـادمـات
كروب جبل الصبر زينب ع..
👈بأشراف ومتابعة
ازهار جبار الجياشي
مريم العبوديه أسيرة الاحزان💔
ام مهدي  العيداني

نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm