اللهم صل على محمد وآل محمد 🥀

نعي للأمام الصادق عليه السلام


يا دار العلم أمست حزينه
الراعيها تـــــــون السامينه
غدر سمـــوه الزمره اللعينه

الإمام الجعفريه أتكدر الكـــون
حزينه شيعته وبهظـم ينعــون
لأبو الكاظم دمه ابجن يالعيون

✍ أزهار جبار الجياشي
•‏​‏​​‏❁✧➻☆•‏​‏​​‌‏​​​ï¡÷¡ï•‏​‏​​‏☆➻✧❁•‏​‏​​‏✧•‏​

علينه غاب نوره ورحل هاليوم
ومن كثر سمه الگلب مالــــوم
يا وسفه جبـــده ينزف ادموم

ابسم الغدر عـدوانه سموه
من عيلته تاليها يـــحرموه
سره ظعنه اويلي بحزن شالوه

✍ أم زهراء الفاطميه
•‏​‏​​‏❁✧➻☆•‏​‏​​‌‏​​​ï¡÷¡ï•‏​‏​​‏☆➻✧❁•‏​‏​​‏✧

ابجن من دمه يعيون. هليوم
على الشال بغدر والجبد مسموم
وسافه يبو الكاظم رحت مظلوم

ارحلت مظلوم ويلي ابهل مسيه
وغطاها الحزن كــــــل البريه
ونصبت بالگلب لجلك عزيــــــــه

✍ام زهراء الزيداويه البصراويه
•‏​‏​​‏❁✧➻☆•‏​‏​​‌‏​​​ï¡÷¡ï•‏​‏​​‏☆➻✧❁•‏​‏​​‏✧

الكاظم يون مكسور ظهره
عالي ونينه وعينه حمـره
بفگده الأبو الله يصـــــبره

بفگـد الأبو مهدوم حيله
ودمعه على الوالد يسيله
والروح من بعده عـــليله

✍أم علي الأماره
•‏​‏​​‏❁✧➻☆•‏​‏​​‌‏​​​ï¡÷¡ï•‏​‏​​‏☆➻✧❁•‏​‏​​‏

عزيز الابوا ماينحمل فرگاه
حنين الگلب وشلون ننساه
ياريت كلنه انروح ويــــــاه

فگدك صعـب بويه علـينه
ارجع يوالي اليوم لينــــه
بعدك بلهظم يلغالي بقينه

✍سهـــــام المالكي
•‏​‏​​‏❁✧➻☆•‏​‏​​‌‏​​​ï¡÷¡ï•‏​‏​​‏☆➻✧❁•‏​‏​​‏✧

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

#الامام_الصادق
جديد بمناسبة شهادة الامام الصادق عليه السلام قصيدة بعنوان (دمع الجعفريه)


جينا بالدمعه ننادي سادس اليمه يجعفر
مصيبتك صعبه علينا وگلب كل شيعي تفطر

✦❥※❥※✿✿※❥※❥※✿✿※❥※❥✦

بالدمع هالليله ننحب مصيبة الصادق عظيمه
يا جمر يسعر لهيبه من عظم هاي الجـــــريمه
سمموا چبدك امامي الفاجعه الحلت الـــــيمه
يتموا ركن الشريعه والظهر ليـــــنه انكــــسر

✍الشاعره خادمة الزهراء// ليلى زغيب

✦❥※❥※✿✿※❥※❥※✿✿※❥※❥✦

إنتَ يمأسس المذهب وعله نهجك سائـرين
تُغمَض عيونك وسافه أبسم حقد هالظالمين
يا أمام الجعفريه الشيعه بالهم نادبـــــــين

الدنيا من غيرك مظلمه والگلب مملي قهر

✍الشاعره أزهار جبار الجياشي

✦❥※❥※✿✿※❥※❥※✿✿※❥※❥✦

الدنيا ماترحم يجعفر الك شنت بالحــرب
بغدر هالثلة الرديئة صرت متعوب الگــلب
عليك ابنك ظل ينوح وناح كل واحدمحب
ثارك الحجة يجيبه مــــــــــن غيابه لوظهر

✍الشاعره أم علي الأماره

✦❥※❥※✿✿※❥※❥※✿✿※❥※❥✦

يا گلب يحمل غيابك صعبة مولانه المصيبه
ثاركم لابد المهدي يظهر وغصبن يجـــــيبه
وتخمد أحزانه گلبنــــه وتطفه نيرانه الهیبه
يحقق ابجيته العدالة ويخمد ابسيفه الجمر

✍الشاعره ام زهراء الزيداويه البصراويه

✦❥※❥※✿✿※❥※❥※✿✿※❥※❥✦

تنوح طلابك لموتك ومنبرك وحشه وحزين
وناحت املاك السمـــــه يبن نسل الطاهرين
مذهبك باقي يُدرس سيدي طول الســـنين
ونذكر ابلوعه مصابك شما يـــمر بينه العمر

✍الشاعره أم حسين الفريداوي

✦❥※❥※✿✿※❥※❥※✿✿※❥※❥✦

حكنه ننصبلك مناحه والعزه انجيمه الك
نلطم اعله لصدر كلنه ايلعنه الله لسمـمك
اليوم طلابك تريدك ولكـــتب وي منـــبرك
منك نريد الشفاعه وتحــــضر النه بلگــبر

✍الشاعره ام روكان الشمري

✦❥※❥※✿✿※❥※❥※✿✿※❥※❥✦

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

هوسات للأمام جعفر الصادق


امام الجعفريه امفسر الآيات
بنهجه ومذهبه كاتب روايات
يستاهل مناحه ولطم هوسات

( الليله امغرب ٠٠ يارمز الشيعه )


هذا الشيد الدين بصدق قوله
امام المعرفه اجداده يشهدوله
المنهج جعفري وبرايه كتبوله

( الدين اتعله بأسمه ٠٠ ورفت راياته)

✍🏻ام علي الأماره

✹✭┈✺ ✺---- ​​‌༄✹✭​​​​◌‌*

تعله الدين بأسمه من رفع ايــــده
اله تنحني الشيعه وصاحت نريده
علي جده وعنه هاي مــــــوابعيده

(يشبه اجداده ٠٠الصادق من يتكلم)



أول مدرسه الصادق يشيدها
عقيده والفقه واحكام منهجها
ابشريعة نبي الاسلام أسسها

(يوم السموا جبده ٠٠ الكون اختلت اركانه)

✍أزهار جبار الجياشي

✹✭┈✺ ✺---- ​​‌༄✹✭​​​​◌‌*
اختل الكون يوم السمموا جبده
والكاظم يون اعله الابو وحده
شِده امصيبتك يبن النبي شِده

(الدين الفگدك ٠٠ ينحب يالمسموم)


حزين الدين ظل اليوم لمصابك
واعلام الحزن نشرتها طلابك
يالصادق صعب عالشيعه افراگك

(امصابك يبن الباقر ٠٠ يلهب وسط الروح)


✍ام زهراء الزيداويه البصراويه

✹✭┈✺ ✺---- ​​‌༄✹✭​​​​◌‌*

مصابك سيدي بالروح ظل حسره
يـبو الكاظم عليك الدمعه والعبره
يـمـتـه نوصلك ونـشـيـد الحضره

( نبني المرقد ٠٠ ونعلگ رايه)


نبني المرقد وننصب عزيه ونوح
نبچي اعليك ياسيدي وللمذبوح
ولـعـمتـك غريبه بالدليل اجروح

( ظلت محتاره ٠٠ زينب بالطف )

أم عــ✍🏻ــلــي الـحـلـفـي

✹✭┈✺ ✺---- ​​‌༄✹✭​​​​◌‌*

لو رحت البقيع انظر الى گبره
أسلم من خلف لسوار وبحسره
امام الجعفريه وامـه الـزهـره

( الزهره اتنوح اعليه ... الميت بالسم )

وين المنتظر مهدينا يالموعـــود
عجل بالفرج اضهر يراعي الجود
وشيد هالگبر والعدل خله ايسود

( الحظره بأيدك ٠٠ يالمهدي ابنيهه )

✍🏻العلويه امامه ام علي

✹✭┈✺ ✺---- ​​‌༄✹✭​​​​◌‌*


تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

قصیده للامام الصادق ع ✨


الليله ياجعفر الصادق شيعتك نصبت عزاء
يا عظم هاي المصيبه ويا كبر هذا البلاء

الدمع منه خلص
لاجله هالليله رخص
الليله ياجعفر الصادق شيعتك نصبت عزاء

⊰᯽⊱┈──╌❊🕊╌──┈⊰᯽⊱

الليله يامولاي كلها اعليك حزنانه وتون
اعلام سود احنه نشرنه وكلنه غطانه الحزن
وسفه يادهر. النوايب لاتهود. او لا تحن

كل يوم تلفينه ابمصاب
أحزان والام. وعذاب

وسفه سموك الاعادي يبن سيد الأوصياء

✍ام زهراء الزيداويه البصراويه

⊰᯽⊱┈──╌❊🕊╌──┈⊰᯽⊱

وسفه يا جــــعفر الصادق العدا ايغدرونك
هاي افعال الردايا أنذال من سمونك
حزنت الجن ولانس وبهظم ينعونك

الاملاك كلهه امكدره
امصابكم لا ما جِره
واصعب امصاب البيكم النذبح في كربلاء

✍ أزهار جبار الجياشي

⊰᯽⊱┈──╌❊🕊╌──┈⊰᯽⊱

شيعتك مفجوعه لجلك سيدي يبن الكرام
تبجي وتنوح لمصابك سمتك ولد الحرام
نهتف بصوت وننادي نعزي بمصابه الأمام

انعازي ابنه الليله
موسى راكد حيله

نحظر المآئتم اليله نصيح ياابن الأتقياء

✍🏻الشاعرة ام علي الأماره

⊰᯽⊱┈──╌❊🕊╌──┈⊰᯽⊱

الليله بالاحزان كلنه نواسي حيدر والبتول
حضروا بأرض البقيع والدمع شبه السيول
ودين بارينا بفجيعه تنحب فروعه الاصول

ما خلص حزن الرسول
ينحب ينادي ويکول

هالموده هايه هيه فطروا چبد السماء

✍خادمة الزهراء // ليلى زغيب

⊰᯽⊱┈──╌❊🕊
╌──┈⊰᯽⊱

تلطم الهامات تصرخ هايه طلابك لفت
تصيح يمأسس المذهب والدمع من دم يكت
وروح ام الحسن يمك تنوح لمصابك اجت

هاجت اعليهه الجراح
والكلب بحزانه ناح

ناحت ارض وسمه بموتك وكل وصي والانبياء

✍ام حسين الفريداوي

⊰᯽⊱┈──╌❊🕊╌──┈⊰᯽⊱

شيعتك مفجوعه حیل شلون سمك لاجنــبي
انفجعت الزهره لمصابك حظر وياها النبــي
لكبرك المهدوم تربي قاسي طاغي الناصبي

نعازي احنه جدتك
الحوزه كله رادتك

انادي مسموم بغدر ونته نبراس الوفاء

✍️ام زهراءالفاطميه

ـــــــــــــــــــــــــ🕊ــــــــــــــــــــــــــــــــ


تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

هوسات طلب حاچه للعباس ع،،

هاعبـــاس اجيتك رايده العــونه
يبـــن المرتضى والكل يعرفــونه
واني ادري ليجيـــكم ماتـــردونه

(تحلـــوهه/ لوجانت صـــعبه)

✍🏻الشاعره ام باقر سراي
🏹🏹🏹🏹🏹🏹🏹🏹🏹🏹

يا مــــاي الحيـاة ونفس للـــريـــه
بشباجك اشــد اچـــروحي بيديــه
مـــريضه ولنـــوايب دارن اعلــــيه

مظــمونه /كل حاجــه بجـــفه

✍🏻الشاعره مـریم العبودیه اسیرة الاحزان♥️
🏹🏹🏹🏹🏹🏹🏹🏹🏹🏹

يخو زينب اعرفك ماتـرد طـــلاب
تكضيها بعجل لو وصل يم الباب
ياعباس دولبــني الـوكت دولاب

مهضــومه /جيتك يالكــافل

✍ام حسين الفريداوي
🏹🏹🏹🏹🏹🏹🏹🏹🏹🏹

اجيتك يابو فاضل دمعتي بعيني
ابــــو النخوه اعرفك ما تخــليني
ومــــرادي بعجل عباس تــنطيني

تكَضــيهه / ادريك الحــاجـه

✍الشاعرة رقية العامري
🏹🏹🏹🏹🏹🏹🏹🏹🏹🏹

وصلت البابه هالليله وصحت هيهات
يخليني بدمــوعي وما يكضي الحاجات
اعرفنه كريم وادري ابو الكلفات

(يگضيهه كل حاجه العندي )

✍🏻الشاعره غدير الباهلي
🏹🏹🏹🏹🏹🏹🏹🏹🏹🏹

يا معـــنى الاخوه يبو النوماس
يبــــن ام البنين وللوفه مقياس
اتعـــنه الك يلي تشـــيل الراس

بچفينك......ماي تـــروينه

✍خادمة الزهراء// ليلى زغيب
🏹🏹🏹🏹🏹🏹🏹🏹🏹🏹

يكضيهه الحوائج صاحب الرايه
بدمــــوع الحزن متعنيه عنايــــه
المهضومه اجت هاليوم شجايه

(وشكايه. يم كافل زينب

✍️الشاعره ام روكان الشمري
🏹🏹🏹🏹🏹🏹🏹🏹🏹🏹🏹
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))

قصيده الاستشهاد السيد محمد صادق الصدر قدس سره 🍀


الجمعه تريد ابو اکفان الحياها
عانــــدهــــه الطـــــغاة وزلزلاهـا

ليــث الجمعه سمـــوه
رعبــــهم ما يــــرعبوه
كلا گال. . لأمـــريكا وحناها
⊰᯽⊱┈──╌❊╌──┈⊰᯽

كــلا امـــريكا گال ابــن الميامين
صلاة لجـمعه قاماها وحيه الدين
نعــم من الصـــدر والله ونعــمين

نظــــل بي نفتـخر
راعبــــهه الكــــفر
كــلا گال.. لأمـــريكا وحــناها

.✍️ام حيدر الحلفي
⊰᯽⊱┈──╌❊╌──┈⊰᯽

صبح منبر الچمعه اعـظم رسـالـه
حــرب ضــد البعث واهــل الضلاله
شفــنه الـــرفض للباطــل خــــلالـه

لبـس بالخطبه الاكفـان
شعــار الظــل للازمــان
كـــلا كال.. لامـــريكا وحـــناها

.✍️الشاعره مريم العبوديه أسيرة الاحزان💔
⊰᯽⊱┈──╌❊╌──┈⊰᯽

بـوچـــه الطـــاغی یـــوکف مایهــابــه
اخـــذ من چــده کل حــــق وهــیابـــه
تـــرسخ بالعقل مــــجده وخـــطابــه

هــتف وباعله صوتــه
اليــكرب حان مــوتـه
كــلا كال.. لأمــريكا وحــناها

✍الشاعره أزهار جبار الجياشي
⊰᯽⊱┈──╌❊╌──┈⊰᯽

المــوت الــموت ابـــو مؤمل يريــده
ضـــحه ابولــــده مـــن اجــل العقيده
القــــه خطبــــته مــــن دم وريــــــده

هــــذا اليـــوم راداه
الحــق ابیـده عـــلاه
کـــلا کال.. لآمــریکا وحــــناها

✍الشاعره ام حسين الفريداوي
⊰᯽⊱┈──╌❊╌──┈⊰᯽

دمـــه صـــار رمــز اعـــله الشهاده
بيــــوم الغــدرتـــه احــقاد السياده
مــــو بس دمــه سال اعالــــوساده

دم اولاده وياه
شهم والروح تفداه
كـــــلا كال. لـــمريكا وحـــناها

✍🏻الشاعره ام علي الأماره
⊰᯽⊱┈──╌❊╌──┈⊰᯽

ابو مؤمل شهم وبزوده معروف
من هجمو عليه ما هزه الخوف
عنوانه الشجاعه انعرفــه موصوف

شــهم ولكل تعـــرفه
السيد بيش اوصـــفه
كــــلا گال.. لامريكا وحـــناها

✍🏻الشاعره غدير الباهلي
⊰᯽⊱┈──╌❊╌──┈⊰᯽⊱
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

قصيده عن لسان زينب ع


تحملنه حزن وهموم . وصواب الدهر والهم
فوگ اللچمه واللوعات. حر الشمس يتحزم
*•──≪᯽≫──•*

يساره وبالالـم نحدي
بحزن اليمرد بچـبدي
صبر الكلب مايجــدي

عفنه هالاهل بتراب. سايل منها فيض الدم

✍🏻الشاعره مريم العبوديه اسيرة الاحزان 💔
*•──≪᯽≫──•*

عــفناهم عله التربان
وشبت بالگلب نيـران
نمشي ابولية العدوان

وحـدنه انروح ياوسـفه ..وعگبهم حيلنه اتهدم

✍🏻الشاعره غدير الباهلي
*•──≪᯽≫──•*

الروس امعلكه برماح
تنزف بالكلب الجــراح
يضربونه الطفل لو ناح

بدينـه احبال مشدوده ..وكل لحظه الشمر يشتم

✍🏻ام حسين الفريداوي
*•──≪᯽≫──•*
وحـدنه انروح ياوسفه
یفـــراگ الاهل. کلفه
جــروح الروح ماتشفه

ونيران الگلب تلهب. الباري ابحالنه يعـلم

✍🏻ام زهراء الزيداويه البصراويه
*•──≪᯽≫──•*
نار بكَلــبي مستعره
حضــري يمــه يازهره
حسينج عــلرمح نحره

راس الوالي فوكَ رماح.. اويلي منضر يهدم

✍ رقية العام
*•──≪᯽≫──•*
جدمي بالجمر محروك
هزايل قدمــوهــه النوك
المثلي الرجب لاميلوك

معــــروفة نسب انه.. اخت عباس المشيم

✍🏻الشاعره ام روكان الشمري
*•──≪᯽≫──•*
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جـبار الجياشي
مـريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))

قصیده 👇🏻
للامام الصادق ع

انواره انطفن.. مثل جده الحسن
من اهل الحقد.. مسموم الجــبد
مثل جده الحسن
ـــــــــــــــــــــــــــــــــــــــــــــــــــ

مصايبهم مصـــايب تدمي الروح
هاللـــيله الكلب للـــصادق اينوح
مثل جده الحسن ابسمه مطروح
وبجمر الحــشا من داره ايــروح

كل هاي المحن.. مثل جده الحسن

ـ✍🏻الشاعره مریم العبودیه اسیرةالاحزان💔
ـــــــــــــــــــــــــــــــــــــــــــــــــــــــــــ

الصادق اعله امصيبته اتكدر الكون
وشيعته ابهظم وحزن ظلوا ينوحون
من دمه فيض الدمع اتهل العيــــون
ويلي على المسموم ابحركه يصرخون

ابحركه نظل نون مثل جده الحسن

✍أزهار جبار الجياشي
ــــــــــــــــــــــــــــــــــــــــــــــــــــــ

حـــقدهم ال امـــيه جيل عن جيــل
كل يـــوم بمصـــيبه اتهــــدم الحيل
ادموم الطاهـــره باحـــوهه وتسيل
منــــهم بالقتــــل وبالسم مجـــاتـيل

بسمومه يأن...مثل جده الحسن

✍ام حسين الفريداوي
ـــــــــــــــــــــــــــــــــــــــــــــــــــــــ

الليله مطفيه اصبحت دور الامامـه
وشيعته تبجي عليه من هالظـــلامه
وسفه عالصادق كضه بالسم ايامــه
السم مرد جبده ويون كثرة الآمـــه

خلص عمره بحزن مثل جده الحسن

✍🏻ام علي الأماره
ــــــــــــــــــــــــــــــــــــــــــــــــــــــــــ

حيف وسفه اعله الإمام مسممينه
اليوم. طلابه. تون. مضيعينه
اصبحت دنيانه. لفراگه حزینه
الكاظم ابفگد الابو. الله يعينه

همومه اتراکمن. . مثل جده الحسن

✍ام زهراء الزيداويه البصراويه
ـــــــــــــــــــــــــــــــــــــــــــــــــــــــــــ

الدمع ها ليـــوم ابد ماكظ مسيله
نبجي عا لمسموم ونعازي العقــيله
بيــــرغ اعله الصادق بمچلس نشيله
نواسی مولانا الرضا وننحب اليله

چینه نون با لصحن مثل جده الحسن

✍العلويه ام رقيه البطاط
ـــــــــــــــــــــــــــــــــــــــــــــــــــــــ
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))

✴️قصیده للآمام علی علیه السلام ــــ


ويـــــن ابــــونــــه... يالحسن خـــويـــه انــشدك
ويـــن ابــونـــه.. المرتضـى اخبـــاره عــندك
ويـــــن ابـــونــــه.. ويـــن ابــونــــه
ــــــــــــــــــــــــــ. .ــــــــــــــــــــــــــــــ
زينـب بـلوعــه ومصيبـه. والدهــر شيب كلبها
بطبـرة الكرار ابــوها.. دمـعة الفاجـد تصـبها
للحسن تشجـيله هـمها. ونار المـوادع تشـبها
بالحـزن محـتارة زينب. تيهـت حته دربـها

لوعـــونــه.. ياعلي يــجرحنـي فـگدك
ويـــن ابـــونــه يالحسن خويه انشدك
ويـــن ابــونـــه... ويـــن ابـــونــه

✍🏻الشاعره مريم العبوديه اسيرة الاحزان💔
ـــــــــــــــــــــــــــــــــــــــــــــــــــــــــــ

تيهت حـتـى دربــها وبالقلب يسعر جمـرها
أبد مو هين عليهه حيل هاليصعب امــرها
الطبر هامــة وليهه بالقلب سيفه طبــرها
غیبت الوالد عظیمه مو کسر واحد کسرها

يفجعونه من غفت عینک ابلحــدك
ويـن ابونه يالحـــسن خويه انــشدك
ويــــن ابــــونـــه ويــــن ابــــونـــه

✍أزهار جبار الجياشي
ــــــــــــــــــــــــــــــــــــــــــــــــــــــــــــ

بالصبر زينب توضت . وادت افروض الشريعه
يا علــي ظــلت تنـــادي حزني متلمه الوسيـعه
هــذا امــر الله يبــويــه تنفــگد منــي واطيـعه
وانتظر باقي حياتي تسبيحي دموع الفجيعه


أنه المصونه... ياعلي وادري اليضهدك
ويــن ابــونه ...يالحسن خويه انشدك
ويــن ابــــونــه ويــن ابــــونــه

✍خادمة الزهراء// ليلى زغيب
ـــــــــــــــــــــــــــــــــــــــــــــــــــــــــــــ

خويه حاجيني اعلى بختك .خلصت حیدره سنینه
مــن كرب حيــدر وداعــه ..واليتم باين علـينه
كل ركن يبجي بدياره.. ونایحه وروحی حزينه
خلصت ادموع ابنظرنــه.. من دمــه صاير بجينه

جن نســـونه..... يلاخو اقسم ابجدك
وين ابــــونه.......يالحسن خويه انشدك
ويــن ابـــــونه ..ويــن ابـــونه

✍الشاعره ام اسعد الشمري
ـــــــــــــــــــــــــــــــــــــــــــــــــــــــــــــــ

تيهت روحي دربها. والمصايب كثرة. اجنها
امصيبه فوگ امصيبه ويلي نزلن وعيني عمنها
دهري كل أيامه ظلمه. وابد مابين. فجرها
وهل مسيه. رجف گلبي يامصيبه الينتظرها

بحسره اصیحن.... خویه چاوبنی عالبختک
ويـــن ابونـــه.... يالحسن خويه. انشدك
ويـــن ابونـــه. وين ابـــونـــه

✍ام زهراء الزيداويه البصراويه
ــــــــــــــــــــــــــــــــــــــــــــــــــــــــــ

اه ياحزني وعذابي بده من كسر الضـــلع
وبشهر رمضان ويلي بجرح ابويه انفـــجع
بغدر وبسيف المرادي دم اهلن مو دمع
بعد هيهات ابابــويه الحنين آنه انجــمع

بویه وینک.. انه من هظمی ندبتک
ويـن ابــــونه.. يالحسن خويه انشدك
ویــــن ابونـــه ویــــن ابونــــه

✍ام حسين الفريداوي
ــــــــــــــــــــــــــــــــــــــــــــــــــــــــــ


تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جــبار الجياشي
مـــريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))

وزن موشح للسیده زینب ع


مــن الدمع زينب بـعد ماتستريح
بالــحزن ياحيدر تگــوم وتطــيح
┈$•┈┈┈•$✿$••┈┈┈•

حــيلها ابفــگد الابــو راح انــهدم
زيــنب او مــن الهظــم تـبجيله دم
الكــلب باللوعــه نصــين انجــسم

الجــدم ريــشه صفــه ويــدفعـها ريـح

. ✍🏻الشاعره مریم العبودیه اسیرة الاحزان💔
┈$•┈┈┈•$✿$••┈┈┈•

آ يلـوعة زينــب ابهـــذا المــــصاب
يـــوم شافــت شيــبته بدمه خــضاب
الدنيـــه بعـد الابوا محزونه وخــراب

وســفه بفـراش الابوا تشــوفه طــريح

✍ام حسين الفريداوي
┈$•┈┈┈•$✿$••┈┈┈•

الروح ذبلت والجسد أصبح نحیل
زينب ويه الريح ظلت بس تمــيل
ادموعها مالحظه نشفت بس تسيل

شلـــون تهده. والگلــب منها. جــريح

✍الشاعرة ام زهراء الزيداويه البصراويه
┈$•┈┈┈•$✿$••┈┈┈•

جــم جــرح زينب قلبهه منــجرح
مـــن صــغرهه والفرح بيهه انذبح
واصــعب الاحــزان الراسه ابــرمح

وجسمه عالتربان منه الدم یسیح

✍أزهار جبار الجياشي
┈$•┈┈┈•$✿$••┈┈┈•

طاحـت الخيمه وضلع منها انفكد
دفنــت الروح وبكه خالي الجسد
ضاكــت الدنيه ومطر دمــع ابرعد

ويــن حيدر يازمن تبجــي وتصـيح

✍ام اسعد الشمري
┈$•┈┈┈•$✿$••┈┈┈•


ياگلــب زينـب الما يگـــدر يهــيد
من زغــــرها احزانها الفاتت تعــيد
الـدهر وي بت علي قاسي وعــنيد


تصلي فرض احزانهه لوجهه السميح

✍خادمة الزهراء// ليلى زغيب
┈$•┈┈┈•$✿$••┈┈┈•

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))

قصيده انـصــار الحسين ع✍️👇

تاريـــخ ومــــجد لاحــت مواقفــكم
انصـــار الشهـــيد انــتو ونــعم منكم
*✿────↻✿...✿↺──

بـغارات الحرب عدكم ثغـر يلمــع
ولـجل الغالي حبكم دايـر تـــوزع
بطولات ومجد يوم الوعد تصــنع

صدت چم سهم بالطف. سواعدكم

. ✍🏻الشاعره مریم العبودیه اسیره الاحزان 💔
*✿────↻✿...✿↺──

منـكم ولنعم انصار ابو السجاد
بالطـف ابفخر سجلتوا الامـجاد
ذكـركم دوم يهل الشيم ينـــعاد

لــجل احسين رخصتوا منــاحركم

✍الشاعره أزهار جبار الجياش
*✿────↻✿...✿↺──

الكم بالطفوف القصص مــشهوده
دخلتوا للحرب كلمن مشه بــزوده
على جف المنايا الروح مكــيوده

مــن الحومه هرب كلــمن يــبارزكم

✍الشاعره ام حسين الفريداوي
*✿────↻✿...✿↺───

على درب المنايا ارسمتو صورتكم
الشهاده بالحرب من الله غايتكم
انصار الحسين وكلها عرفتكم

بلـــحومه صعـب واحد يگابلــكم

#الشاعره غــدير الباهلي
*✿────↻✿...✿↺───

انــتو اصل الزود واصل المـــرجله
و انتـــو انـــصار الحُسين بكـــربله
ســـجل التاريخ و كَفتــــكم الـــه

بالطـــف وعلي محـــله شهامـــتكم

✍ الشاعرة رقــية العامــري
*✿────↻✿...✿↺───

سجــل التـاریخ الكـــم كـــل فخـــر
انتــو لجل حسـين ضحيتو النحــر
بساحة الميدان سيف الحق ظــــهر

بانــت بالـــمواقف كل مــلاحــمكم

✍️الشاعره ام یوسف المنبوهی
*✿────↻✿...✿↺──
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm