لغرض ترويج المجالس على الفيس بوك ووصول المقطع لكثر من 50 الف
تواصل مع
@ahmed_alziwar0

#قصيدة الى الإمام المهدي ( عج )
____

صوره مرسومه وخيال ابالنه
يظهر المهدي ويزيل آلامنه

الرايه بيده ترتفع … وينجبر كسر الضلع
آ يمهدي … آ يمهدي

.❥✿┈┈• {🥀} • ┈•✿❥

جمره تحرگ بینه ظلت والگلب مابی قرار
بس مدامعنه اعله خدنه عبره اتزیح الحصار
نندب ابدمع الحنین وطال بينه الانتظار
رجعتک یل مهدي یمته تدری نطلب عدنه ثار
ننتظر نورک یشع ... وينجبر كسر الضلع
آ يمهدي … آ يمهدي

✍ #عـلــویــه_ام_فــاضل
.❥✿┈┈• {🥀} • ┈•✿❥

طال يالمهدي انتظارك يمته تظهر سيدي
ورحلة الآلام تخلص والعداله تبتدي
تشيد اگبور البقيع لگبر امك نهتدي
ونورك ايشع عالبريه وبيك كلنه نقتدي
وبينه اتصلي جمع ... وينجبر كسر الضلع
آ يمهدي … آ يمهدي

✍️ #أم_محمد_علي_الشيباني
.❥✿┈┈• {🥀} • ┈•✿❥

يمته ويمته ويمته العمر خلص امنيات
تروح جمعه بأثر جمعه وما يجي سر الحيات
طالت اعلينه الليالي البالحزن والهم نبات
خاف ما تظهر يغالي واحنه يلفينه الممات
اظهر وغيّر الوضع ... وينجبر كسر الضلع
آ يمهدي … آ يمهدي

✍ #أزهار_جبار_الجياشي
.❥✿┈┈• {🥀} • ┈•✿❥

الدنيه شاخت بالمصايب وامتله جــور الزمن
انتظرنه يابـــو صالح لجيتك يا لمـــؤتمن
ندعــي تعجيل الظهــــور شبعت احبابك محـن
هالـــنواظر مــن غيابك تــدري بالمدمع بچــن
عليك نحر المنگطع ... وينجبر كسر الضلع
آ يمهدي … آ يمهدي

✍️_مـريم_ العبوديه اسيرة الاحزان 💔
.❥✿┈┈• {🥀} • ┈•✿❥

شوكت يالغايب علينه تهل مثل هل الشهر
خاف مانگدر نشوفك ويخلص بسرعه العمر
ارواحنه بدربك نثرنه وبلكت اعليها تمر
سنينه ليل بغيابك وطلعتك هيه الفجر
يافجر صافي ونبع ... وينجبر كسر الضلع
آ يمهدي … آ يمهدي

✍️ #اسيل_الذهبي
.❥✿┈┈• {🥀} • ┈•✿❥

گلوب حيرها إنتظارك غيايك اليمته يطول
ننطر الجيتك يغالي إظهر بجاه البتول
اتعبنه من غدر البواغي كل مصايبنه هطول
ذابت گلوب الحيارى لطَلِتَك يبن الرسول
لأمرك وثارك نِطع ... و ينجبر كسر الضلع
آ يمهدي … آ يمهدي

✍ #خادمة_أبي_الفضل
.❥✿┈┈• {🥀} • ┈•✿❥

قد يكون السبب احنه علينه طولت الغياب
وطالت الغفله يغالي منه اويلي من العتاب
ذنوبنه كثره وثجيله ومِلنه وي هوه الشباب
ومرت الايام بينه والشعر من عدنه شاب
نندب بفيض الدمع... وينجبر كسر الضلع
آ يمهدي … آ يمهدي

✍️ #نبضي_حسين
.❥✿┈┈• {🥀} • ┈•✿❥

يالحبيب ذنوب عدنه جينه ماخذنه ندم
مهبطين الروس كلنه ارواح تارسها الالم
التوبه يم بابك يمهدي عدنه هذا اغلى حلم
لاتردنه يابو صالح طبعك احساس وكرم
نظره يالگلبك وسع ... وينجبر كسر الضلع
آ يمهدي … آ يمهدي
✍️. ام زينب المواليه
_'__


تمت بحمد الله بأقلام شاعرات مهدويات الهوى
حقوق النشر محفوظة عند سيد الشهداء ع

الموافق : الخميس : 21/10/2021
https://www.tg-me.com/dtyruFteRqejkvuccdsqiopkm

تحضيرات قصائد. مع الحان. لمحرم 1443 هجري

للاشتراك بالقناة👇👇👇👇

https://www.tg-me.com/joinchat-QYhwKvqAiD7e_b1P

اللهم صل على محمد وال محمد
_
_

ابساع. ابساع عفتوها يتاماكم
ابساع. ابساع تتحمل رزاياكم

❥✿•┈┈┈• • °{ • •

عفتو بالدلال حسرات وجروح
والعيون الناثرات الكم تنوح
نار كلبي ما اظن عني تروح

عالكَاع .. عالكَاع شو تتكَاطر ادماكم
ابساع.... ابساع عفتوها يتاماكم


...✍ مريم العبوديه أسيرة الاحزان💔
.❥✿•┈┈┈• • °{•

عفتوا جويات المفارك بالكلب
العمر ظلمه وآنه تيهت الدرب
مدللات عليهن الظيم صعب

يسباع .. يسباع هد الحيل فركاكم
بساع...... بساع عفتوها يتاماكم


✍أزهار جبار الجياشي
❥✿•┈┈┈• • °{ • •

عفتو اطفال بعطش ظلت تلوع
مابقت بالعين يخوان الدموع
بالهجر محنيه صارت هالضلوع

للموت.... للموت تحملها حجاياكم
بساع...... بساع عفتوها يتاماكم


خادمة الزهراء /ليلى زغيب
❥✿•┈┈┈• • °{ • •

تاهت الايتام مابين العده
مادريتو اشصار بيهم وشسده
فرت البلدان بيها اهل الرده

اليتام...... اليتام ابحسرة اجت تنخاكم
ابساع.......ابساع عفتوها يتاماكم


ام زهراء الزيداويه البصراويه
❥✿•┈┈┈• • °{} • •

زينب انه يامصاب اتحمله
ميسره للشام وانه مدلله
وسفه راح الاخو ومحد غسله

بشام.....بشام رحت وعيني تنعاكم
بساع...... بساع عفتوهه يتاماكم


✍الملا والشاعره زينب الخزاعي
❥✿•┈┈┈• • °{} •

اليوم زينب تبجي يم المشرعه
تنوح للكافل اجفوفه مكطعه
بس علي وياهه وايهل مدمعه

لبطال... لبطال بالكعده ذكرناكم
بساع.... بساع عفتوها يتاماكم


بقلم المله والشاعره ام علي الاماره
❥✿•┈┈┈• • °} • •
تمت بعون الله تعالى
بـ✍ــاقـ✍ــلام خـادمـات أهل البيت ع

👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

اللهم صل على محمد وال محمد☘
=

عله طول العمر نادينه هالصوت
خدامــــج يزينب نبـــقى للموت

زينب يخت الاطهار
حزنج باقي تذكار
تمر ايامنه والحاظر ايفوت
____
================
توج ام المــــصايب نار بيــــنه
يخت احسين بالدمعات اجينه
شيفـــيد العمر لو ما بجــــينه
لجلج يالعقيله اندكَ بدينه

مايخمد لظه النار
حزنج باقي تذكار
خدامج يزينب نبقى للموت


.=✍مريم العبوديه أسيرة الاحزان💔
_
================

يا فخر الخدر بالقلب حسرات
بعدد النفاس تسعر ظلت اهات
عليج نظل نون نهمل الدمعات
ما ننسه الجرالج أبد هيهات

نظل نتذكر الصار
حزنج باقي تذكار
خدامج يزينب نبقى للموت


✍أزهار جبار الجياشي
____
=================

زينب هاي زينب يالتنشدون
هاي اخت البطل عباس وام عون
عافت اربعه بالطف يونون
كلهم فدوه كالت لويموتون

فدوه لبو الاحرار
حزنج باقي تذكار
خدامج يزينب نبقى للموت


.✍ المله والشاعره ام علي الاماره
_
==================

يخت عباس حزنج باقي للدوم
شكثر كلبج حمل يالطاهره اهموم
على امصابج يون الكلب مالوم
تذكار الحزن بالروح مرسوم

بصبرج عقلي احتار
حزنج باقي تذكار
خدامج يزينب نبقى للموت


.✍ام زهراء الزيداوية البصراوية
_
===============

ام الخدر لجلج نرخص ارواح
عله امصابج نون ونصفكَ الراح
صعبه اعليج تكلف هالعدو صاح
عله جرف النهر من كافلج طاح

نون والدمع مدرار
حزنج باقي تذكار
خدامج يزينب نبقى للموت


.✍خادمة الزهراء /ليلى زغيب
____
===================
مدري شگال گلبچ من مشيتي
ماعندچ ولي بحيره بقيتي
من مريتي عالحومه شلگيتي
بس الجثث والها تنوعيتي

يبت حيدر الكرار
حزنچ باقي تذكار
خدامج يزينب نبقى للموت


✍ أم علي الحلفي
____
=================
تمت بعون الله تعالى
بـ✍ــاقـ✍ــلام خـادمـات أهل البيت ع

👈بأشراف ومتابعة خادمات جبل الصبر
زينب ( ع)
ازهار جبار الجياشي
مـريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))

https://www.tg-me.com/dtyruFteRqejkvuccdsqiopkm

‏مقطع صوتي من الشاعره ام سکینه العبودیـــه المعروفه مـــریم اسیرة االاحــزان

للاستفادة من قناة الشاعرة المبدعة اشترك بالقناة
https://www.tg-me.com/AAAAAFCTP6mH2egqJ1qA

قصيده للامام الصادق عليه السلام
بحر طويل

🖊️📙

بگلبي شبت النيران على الصادق ومتوجره
روحي لفگده خلصانه وتضل اعليه متكدره

شال اليوم واليــــنه
فراگه يصعب اعلينه
ضلت ويلي ايتامه تنوح وتبجي ابعبره

⊰᯽⊱┈──╌❊╌──┈⊰᯽⊱

تنــادي بـويـــه يالصادق لتـــروح وتخلــينه
اغيابك يجرح الدلال والله وحيل ياذينه
الدنيا مظلمه خلافك وحشه تبقه اعلينه

اخذنه يالولي وياك
مانحمل تره فرگاك

تبقه اعليك يالغالي تلهب بالحشه الجمره

✍️الشاعره ســــــــهام المالكــــــي

⊰᯽⊱┈──╌❊╌──┈⊰᯽⊱

تبــــقه بالحشا جمـــره بعـــدك تحرك الدلال
أوياك ارواحنه شالت يــوم النعش من أنشال
يبــــو موسى تـــره فكـــدك بينه هدم الاحوال

شنو ذنبك يسمونك
النبي جدك يعرفونك

إنتَ من نسل الأطهار وأمك فاطمه الزهره

✍الشاعره أزهار جبار الجياشي

⊰᯽⊱┈──╌❊╌──┈⊰᯽⊱

يالصــادق علـــم انتـــه امامي سادس العصمه
كلمتك سيف وتسلط ونهجك نور الظلمه
حيف اهل الضلاله شلون حرموا منك الامه

يا شمس آل النبي
جعفر انته مذهبي

ندري دين بارينا اعلومه بيك مزدهره

✍خادمة الزهراء // ليلى زغيب

⊰᯽⊱┈──╌❊╌──┈⊰᯽

اسف يبن النبي الهادي ابسم جبدك يذوبونه
بموتك مذهبك ياحيف العده رادوا يضيعونه
نورك كالشمس يسطع ابحقدهم ما يموتونه

رغم كل الظلم والجور
ابد مايختفي هل نور

يسطع بالسمه ضيكم وكل العالم تنظره

✍ام زهراء الزيداويه البصراويه

⊰᯽⊱┈──╌❊╌──┈⊰᯽

طلابــك تون اليـــوم وتنـادي يمـولانه
موتك ثلمه للأسلام ياعزنه ويرجوانه
آشتت شملنه الیوم سبب من چـــور أعدانه

سـادس من أئمتنـه
نورك غاب من عدنه

ننطر أبنك الموعود يطفي الجمره ولحسره

. الشاعره رمـ✍ـــاد الخيام

⊰᯽⊱┈──╌❊╌──┈⊰᯽⊱

ذكــرت النار من شبت بدارك باب ام حسين
ونار اخــيام ابو السجاد وكلبك انفطر نصين
وبـــناتك لاذن بسدك وبنات حسين متيـسرين

بدليلك نار مسريه
دمعتك دوم مجريه

ما ناسي الجره ولصار بعيونك صور مره

✍الشاعره ام حسين الفريداوي

⊰᯽⊱┈──╌❊╌──┈⊰᯽⊱

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

قصيده للامام جعفر الصادق عليه السلام

يالله ياشيعة علي انعازي الزجيه
نجري دمعتنه لاامـــام الجعفريه

⊰᯽⊱┈──╌❊╌──┈⊰᯽⊱
الليله ننصب مأتمه للمات مـــغدور
نلطم اعله الهامه للصادق والصدور
وسفه سموه العده وتهـــدم الســــور

فجعوا ام الحسن ابهاي الرزيــــــــه

✍ام حسين الفريداوي

⊰᯽⊱┈──╌❊╌──┈⊰᯽⊱
الزهره حزنانه وتهل مـن دم دمعهه
خل نساعدهه على امصاب الفجعهه
سم ابنهه الصادق اليلجم ضلـــــعها

ونقيم مجلس للعـــــــزه بالكاظميه

✍ أزهار جبار الجياشي
⊰᯽⊱┈──╌❊╌──┈⊰᯽⊱
اليله منصوب العزه والزهره تحظر
تجي محنية وتون لمصاب جـــعفر
بهل المصيبة تصيح زهره الله اكبر

يوجع امصاب الكضه بالسم رمـية

✍ام علي الأماره
⊰᯽⊱┈──╌❊╌──┈⊰᯽⊱
الجعفريه اليوم لمصابك حــزينه
تنادي افراگك صعب والله علينه
الروح ماتحمل اغيابك ياولـــينه

تبقه هاي العين يلوالي جريـــــه

✍ سهــــــــام المالكي
⊰᯽⊱┈──╌❊╌──┈⊰᯽⊱
الدنيا حزنانه وتون. لمصيبتك
انشلت اجفوف الاعادي السمتك
من حقدهم نار تسري ابچبدتك

الشيعة لجلك بالگلب نصبو عزیه

✍ام زهراء الزيداويه البصراويه
⊰᯽⊱┈──╌❊╌──┈⊰᯽⊱
الــك يـامولاي نـنـصبـلـك مناحه
والگلب مجروح ومخزنه جراحه
الدنيه مـا راويتكم ولايوم راحه

بـالظلم تـگـضـون وبـلايـه جنيه

أم عــ✍🏻ــلــي الـحـلـفـي
⊰᯽⊱┈──╌❊╌──┈⊰᯽⊱

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

قصیده 👇🏻
للامام الصادق ع

انواره انطفن.. مثل جده الحسن
من اهل الحقد.. مسموم الجــبد
مثل جده الحسن
ـــــــــــــــــــــــــــــــــــــــــــــــــــ

مصايبهم مصـــايب تدمي الروح
هاللـــيله الكلب للـــصادق اينوح
مثل جده الحسن ابسمه مطروح
وبجمر الحــشا من داره ايــروح

كل هاي المحن.. مثل جده الحسن

ـ✍🏻الشاعره مریم العبودیه اسیرةالاحزان💔
ـــــــــــــــــــــــــــــــــــــــــــــــــــــــــــ

الصادق اعله امصيبته اتكدر الكون
شيعته ابهظم وحزن ظلوا ينوحون
من دمه فيض الدمع اتهل العيــــون
ويلي على المسموم ابحركه يصرخون

ابحركه نظل نون مثل جده الحسن

✍أزهار جبار الجياشي
ــــــــــــــــــــــــــــــــــــــــــــــــــــــ

حـــقدهم ال امـــيه جيل عن جيــل
كل يـــوم بمصـــيبه اتهــــدم الحيل
ادموم الطاهـــره باحـــوهه وتسيل
منــــهم بالقتــــل وبالسم مجـــاتـيل

بسمومه يأن...مثل جده الحسن

✍ام حسين الفريداوي
ـــــــــــــــــــــــــــــــــــــــــــــــــــــــ

الليله مطفيه اصبحت دور الامامـه
وشيعته تبجي عليه من هالظـــلامه
وسفه عالصادق كضه بالسم ايامــه
السم مرد جبده ويون كثرة الآمـــه

خلص عمره بحزن مثل جده الحسن

✍🏻ام علي الأماره
ــــــــــــــــــــــــــــــــــــــــــــــــــــــــــ

حيف وسفه اعله الإمام مسممينه
اليوم. طلابه. تون. مضيعينه
اصبحت دنيانه. لفراگه حزینه
الكاظم ابفگد الابو. الله يعينه

همومه اتراکمن. . مثل جده الحسن

✍ام زهراء الزيداويه البصراويه
ـــــــــــــــــــــــــــــــــــــــــــــــــــــــــــ

الدمع هاليـــوم ابد ماكظ مسيله
نبجي عا لمسموم ونعازي العقــيله
بيــــرغ اعله الصادق بمچلس نشيله
نواسی مولانا الرضا وننحب الليله

چینه نون با لصحن مثل جده الحسن

✍العلويه ام رقيه البطاط
ـــــــــــــــــــــــــــــــــــــــــــــــــــــــ


تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

اللهم صل على محمد وآل محمد 🥀

نعي للأمام الصادق عليه السلام


يا دار العلم أمست حزينه
الراعيها تـــــــون السامينه
غدر سمـــوه الزمره اللعينه

الإمام الجعفريه أتكدر الكـــون
حزينه شيعته وبهظـم ينعــون
لأبو الكاظم دمه ابجن يالعيون

✍ أزهار جبار الجياشي
•‏​‏​​‏❁✧➻☆•‏​‏​​‌‏​​​ï¡÷¡ï•‏​‏​​‏☆➻✧❁•‏​‏​​‏✧•‏​

علينه غاب نوره ورحل هاليوم
ومن كثر سمه الگلب مالــــوم
يا وسفه جبـــده ينزف ادموم

ابسم الغدر عـدوانه سموه
من عيلته تاليها يـــحرموه
سره ظعنه اويلي بحزن شالوه

✍ أم زهراء الفاطميه
•‏​‏​​‏❁✧➻☆•‏​‏​​‌‏​​​ï¡÷¡ï•‏​‏​​‏☆➻✧❁•‏​‏​​‏✧

ابجن من دمه يعيون. هليوم
على الشال بغدر والجبد مسموم
وسافه يبو الكاظم رحت مظلوم

ارحلت مظلوم ويلي ابهل مسيه
وغطاها الحزن كــــــل البريه
ونصبت بالگلب لجلك عزيــــــــه

✍ام زهراء الزيداويه البصراويه
•‏​‏​​‏❁✧➻☆•‏​‏​​‌‏​​​ï¡÷¡ï•‏​‏​​‏☆➻✧❁•‏​‏​​‏✧

الكاظم يون مكسور ظهره
عالي ونينه وعينه حمـره
بفگده الأبو الله يصـــــبره

بفگـد الأبو مهدوم حيله
ودمعه على الوالد يسيله
والروح من بعده عـــليله

✍أم علي الأماره
•‏​‏​​‏❁✧➻☆•‏​‏​​‌‏​​​ï¡÷¡ï•‏​‏​​‏☆➻✧❁•‏​‏​​‏

عزيز الابوا ماينحمل فرگاه
حنين الگلب وشلون ننساه
ياريت كلنه انروح ويــــــاه

فگدك صعـب بويه علـينه
ارجع يوالي اليوم لينــــه
بعدك بلهظم يلغالي بقينه

✍سهـــــام المالكي
•‏​‏​​‏❁✧➻☆•‏​‏​​‌‏​​​ï¡÷¡ï•‏​‏​​‏☆➻✧❁•‏​‏​​‏✧

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

#الامام_الصادق
جديد بمناسبة شهادة الامام الصادق عليه السلام قصيدة بعنوان (دمع الجعفريه)


جينا بالدمعه ننادي سادس اليمه يجعفر
مصيبتك صعبه علينا وگلب كل شيعي تفطر

✦❥※❥※✿✿※❥※❥※✿✿※❥※❥✦

بالدمع هالليله ننحب مصيبة الصادق عظيمه
يا جمر يسعر لهيبه من عظم هاي الجـــــريمه
سمموا چبدك امامي الفاجعه الحلت الـــــيمه
يتموا ركن الشريعه والظهر ليـــــنه انكــــسر

✍الشاعره خادمة الزهراء// ليلى زغيب

✦❥※❥※✿✿※❥※❥※✿✿※❥※❥✦

إنتَ يمأسس المذهب وعله نهجك سائـرين
تُغمَض عيونك وسافه أبسم حقد هالظالمين
يا أمام الجعفريه الشيعه بالهم نادبـــــــين

الدنيا من غيرك مظلمه والگلب مملي قهر

✍الشاعره أزهار جبار الجياشي

✦❥※❥※✿✿※❥※❥※✿✿※❥※❥✦

الدنيا ماترحم يجعفر الك شنت بالحــرب
بغدر هالثلة الرديئة صرت متعوب الگــلب
عليك ابنك ظل ينوح وناح كل واحدمحب
ثارك الحجة يجيبه مــــــــــن غيابه لوظهر

✍الشاعره أم علي الأماره

✦❥※❥※✿✿※❥※❥※✿✿※❥※❥✦

يا گلب يحمل غيابك صعبة مولانه المصيبه
ثاركم لابد المهدي يظهر وغصبن يجـــــيبه
وتخمد أحزانه گلبنــــه وتطفه نيرانه الهیبه
يحقق ابجيته العدالة ويخمد ابسيفه الجمر

✍الشاعره ام زهراء الزيداويه البصراويه

✦❥※❥※✿✿※❥※❥※✿✿※❥※❥✦

تنوح طلابك لموتك ومنبرك وحشه وحزين
وناحت املاك السمـــــه يبن نسل الطاهرين
مذهبك باقي يُدرس سيدي طول الســـنين
ونذكر ابلوعه مصابك شما يـــمر بينه العمر

✍الشاعره أم حسين الفريداوي

✦❥※❥※✿✿※❥※❥※✿✿※❥※❥✦

حكنه ننصبلك مناحه والعزه انجيمه الك
نلطم اعله لصدر كلنه ايلعنه الله لسمـمك
اليوم طلابك تريدك ولكـــتب وي منـــبرك
منك نريد الشفاعه وتحــــضر النه بلگــبر

✍الشاعره ام روكان الشمري

✦❥※❥※✿✿※❥※❥※✿✿※❥※❥✦

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

هوسات للأمام جعفر الصادق


امام الجعفريه امفسر الآيات
بنهجه ومذهبه كاتب روايات
يستاهل مناحه ولطم هوسات

( الليله امغرب ٠٠ يارمز الشيعه )


هذا الشيد الدين بصدق قوله
امام المعرفه اجداده يشهدوله
المنهج جعفري وبرايه كتبوله

( الدين اتعله بأسمه ٠٠ ورفت راياته)

✍🏻ام علي الأماره

✹✭┈✺ ✺---- ​​‌༄✹✭​​​​◌‌*

تعله الدين بأسمه من رفع ايــــده
اله تنحني الشيعه وصاحت نريده
علي جده وعنه هاي مــــــوابعيده

(يشبه اجداده ٠٠الصادق من يتكلم)



أول مدرسه الصادق يشيدها
عقيده والفقه واحكام منهجها
ابشريعة نبي الاسلام أسسها

(يوم السموا جبده ٠٠ الكون اختلت اركانه)

✍أزهار جبار الجياشي

✹✭┈✺ ✺---- ​​‌༄✹✭​​​​◌‌*
اختل الكون يوم السمموا جبده
والكاظم يون اعله الابو وحده
شِده امصيبتك يبن النبي شِده

(الدين الفگدك ٠٠ ينحب يالمسموم)


حزين الدين ظل اليوم لمصابك
واعلام الحزن نشرتها طلابك
يالصادق صعب عالشيعه افراگك

(امصابك يبن الباقر ٠٠ يلهب وسط الروح)


✍ام زهراء الزيداويه البصراويه

✹✭┈✺ ✺---- ​​‌༄✹✭​​​​◌‌*

مصابك سيدي بالروح ظل حسره
يـبو الكاظم عليك الدمعه والعبره
يـمـتـه نوصلك ونـشـيـد الحضره

( نبني المرقد ٠٠ ونعلگ رايه)


نبني المرقد وننصب عزيه ونوح
نبچي اعليك ياسيدي وللمذبوح
ولـعـمتـك غريبه بالدليل اجروح

( ظلت محتاره ٠٠ زينب بالطف )

أم عــ✍🏻ــلــي الـحـلـفـي

✹✭┈✺ ✺---- ​​‌༄✹✭​​​​◌‌*

لو رحت البقيع انظر الى گبره
أسلم من خلف لسوار وبحسره
امام الجعفريه وامـه الـزهـره

( الزهره اتنوح اعليه ... الميت بالسم )

وين المنتظر مهدينا يالموعـــود
عجل بالفرج اضهر يراعي الجود
وشيد هالگبر والعدل خله ايسود

( الحظره بأيدك ٠٠ يالمهدي ابنيهه )

✍🏻العلويه امامه ام علي

✹✭┈✺ ✺---- ​​‌༄✹✭​​​​◌‌*


تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm