قصيده عن لسان السيده حميده بنت مسلم ابن عقيل تتكلم مع الحسين عليه السلام تقول( وزن تچلیبه)

عمي حسين ابويه مشبعت منه
للكوفه اخذني خل اشوفنه

▣=======▣🎟◈▣=======▣

للكوفه لأبـــوي ارجوك ودينـي
مشتاقه شكـــثر يحسين تدرينـي
ظلـــمه دنيتي من بعده وسنيـني
نار البلگلب يا عمــي تجــويني

ومن يوم المشه ما بطل الونــه
للكوفه اخذني خل اشوفنــه

. ✍🏻الشاعره غدیر الباهلي
▣=======▣🎟◈▣=======▣

يا عمي لبـــويه حــــيل مشـــتاكه
ويدري ابنيـته ما تحمل افــــراكه
تنـــزل من جمر دمعـــاتي حـــراكه
وتذبحــني حسرتي بروحي خـناكه

آنه بحاجته واليوم اريدنـــه
للكوفه اخذني خل اشوفنـــه

✍أ الشاعره ازهار جبار الجياشی
▣=======▣🎟◈▣=======▣

شـلـــي بدنيتـي والابـــــو مابـيـها
ياعمـــي افــــراكـه روحي يحنيها
بنتــه بالهــــــظم بـــعــده يخلــيها
مصيــبات الدهر بالكلب تـجويـها

ومن شم الهوه انه اکطع الظــــنه
للکوفه اخذنی خـــل اشــوفنــــه

ـ✍🏻مریم العبودیه اسیرة الاحزان 💔
▣=======▣🎟◈▣=======▣

ابويه راح منـــي وبعد ما شـــوفــه
اظن غدروا ابــــويه اهل هالـــكوفه
جرح كلـــبي نزف وبيـش أنه اروفه
دمـــعاتي اعله خدي تكت مــذروفه

یاهظـــم الکلب بالروح اســطرنه
للـــكوفه اخذني خـــل اشــــوفنه

✍ام حسين الفريداوي.
▣=======▣🎟◈▣=======▣

عايفنــي الابــــو لا ما نشــد بیــــه
یعمـــی دنیــــتی ظلمه بعـد ضــیه
منين بعـــد الابـــو مهظـــومه البنیه
یریت اویاه اخذت روحي المنـــيه

مشتاگه انـــه الصوته اسمــعنه
للکـــوفه اخذنـــی خل اشــوفنه

✍🏻ام یوسف المنبوهی
▣=======▣🎟◈▣=======▣

ياعمي الابــو خيمه علــى ابنيـــته
تمشي ابزود ترفع هامه من صيته
ظهري منحني محزن غده بيتــــه
عمري ریت يخلص واندفن ريــته

ولا اعيش اليتم يـمّه الكبر جنه
للكوفه اخذني خل اشــوفنـــه

✍ام اسعد الشمري
▣=======▣🎟◈▣=======▣

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

قصیده للسیده زینب ع

الدنيه ويالعقيله اشتد ظلـمها
بكل هاي المصايب فاقت امها
*✿───↻✿...✿↺───✿
.
مواجع هالزمن لم عون تعرض
ليها كل حــزن ياناس يركــض
مصايبها عجــيبه وبيها اتــرض

محــتارة بــعـد المــن تظمهــا
الدنيه ويالعقيله اشتد ظلمها

. ✍🏻الشاعره مریم العبودیه اسیرة الاحزان💔
*✿───↻✿...✿↺───✿

حسافه الوكت مارحم بالحال
راواها العقيله امصايب اشكال
ودمعها من دمه عالوجن همال

للبــاری شکـت لوعــة هظــمها
الدنیا ویالعقـیله اشد ظلمها

✍ سهام المالكي
*✿───↻✿...✿↺───✿

عباس الشهم وينه أبو الغيـره
تحيرت بت علي حيرته اجبـيره
ناظــرها العقیله المـــن ادیـــره

حسافات الوكت لا مارحمــها
الدنيه ويالعقيله اشتد ظلمها

✍ الشاعرة رقية العامري
*✿───↻✿...✿↺───✿

الدنيا وي الـدهر اقسن عليها
ويا طف كربله الما رحم بيــها
وجـم سوط بمتنــهه اليأذيهـــه

وتخفي الدمعه والهظمه وألمها
الدنيا وي العقيله اشتد ظلمها

✍أزهار جبار الجياشي
*✿───↻✿...✿↺───✿

تون ام المصايب تبجي وتنوح
للكطــعوا جفوفه وعلی المذبوج
هضمهه فراك اهلهه ومرد الروح

زينب ماوصل واحد صبــرها
الدنيا وي العقيله اشتد ظلمها

✍🏻ام باقر السراي
*✿───↻✿...✿↺───✿
.
ما واحد وصل صبرج يحره
شفتي حسين من رضوله صدره
ومن شفتی الشمر حزاله نحره

ومن جرح المتون ايسيل دمها
لدنيا ويالعقيــله اشتد ضلمها

✍🏻خادمه الزهراء غدير الباهلي
*✿───↻✿...✿↺───✿
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

قصیده للحسین ع🍃

كوم اتحضر العاشور يالخادم لبو السجاد
الزهره اتعينهه بهاليوم واسيهه بذبح الاولاد
*✿────↻✿...✿↺────✿
.
يالتخدمهم بإخلاص ودموع الحزن تجريها
هاي الخدمه رفعة راس لحد موتك تضل بيها
هاي المكرمه للدوم فوك الراس خليها

وحب حسين وولاده بروحك كل سنه يزداد

✍أم حسين الفريداوي
*✿────↻✿...✿↺────✿

ما طول النفس موجود استغل هالفرصه يالخادم
ما تدري بأي لحظه العمر ينتهي يبن آدم
حتى لا يجيك اليوم تعض بأصبعك نادم

خدمتك لبصدق واخلاص بيهه تفوز بالميعاد

✍أزهار جبار الجياشي
*✿────↻✿...✿↺────✿
.
يلــي تــخدم اهــل البيت. دنيا وآخــره يحضــروك
هــذوله اولادهـــه الزهره. هــمه اختاروا ويـــردوك
تجـــبر خاطر ام حســـين تعـــازي ناس ويـعازوك

وكل عام اليمر اعليك جدد بلعزه الحداد

✍🏻ام باقر السراي
*✿────↻✿...✿↺────✿
.
جدد جمرة المذبوح وعلي ونتك کل حین
وأذکر لوعـة أيتامه وأبجي وجري دمع العين
تنول المنزله اهناك وتنظر لام حسن وحسين

سجل بالعجل أسمك.بخدمتهم تنول امجاد

رمـــ✍ــاد الخيام
*✿────↻✿...✿↺────✿

اذكر حزن ابو السجاد واذكر لوعة اطفاله
واذكر من گطع نحر وراسه اعله الرمح شاله
اذكر زينب الحره تبجي بعين هماله

جدد كل سنه ويا ومن اجله الحزن ينعاد

✍🏻خادمة اهل البيت ام ابراهيم الحلفي
*✿────↻✿...✿↺────✿
.
صفي النيه يلخادم وي آل النبي الاطهار
هاي الخدمه تدريها متخلي العبد يحتار
يوم الحسره يلخادم ما تنفع أبد الاعذار

ثبت بيها اجدامك يوم تزل جدم العباد

✍خادمة الزهراء// ليلى زغيب
*✿────↻✿...✿↺────✿

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))،
https://www.tg-me.com/dtyruFteRqejkvuccdsqiopkm

.​‏❨﷽❩┈‏​‏​‏​‏​​‏•‏​‏

قصيده لخروج ضعن الحسين عليه السلام متوجه الى كربلاء

ألضعن سار او رفت رايته
لكربله ضعن لحسين وجهته
᯽᯽᯽᯽᯽᯽᯽᯽

الدين كله خرج بهذا الضعن
عالشرك واهله يقضي والفتن
وسِوَر قرآن العفاف ويا مشن
اكفيلهن عباس بي يتنومسن

ودعوا أم البنين
ايرف قلبهه علحسين
سالم اتردلي ييمه نادته

✍ أزهار جبار الجياشي
᯽᯽᯽᯽᯽᯽᯽᯽

كلها تتنومس ابراعي. المرجله
اتكفل ابعــــمره الكل العايله
ويه الزند عباس شد. القافله
وگاصدین ابهمه ديرة. كربله

ودعوا قبر الرسول
وفاطمه الزهره البتول
الكربله ابو اليمه صارت غايته

✍ام زهراء الزيداويه البصراويه
᯽᯽᯽᯽᯽᯽᯽᯽

امن المدينه سارت انياگ العفاف
من اهل الغدر زينب كلبهه يخاف
ابو فاضل شال رايه اعله الجتاف
حسين ما كملهه حجته والطواف

اويه الحسن يتوادعون
دم يسيل امن العيون
تكسر الخاطر ضعنهم شوفته

✍خادمة أهل البيت ام ابراهيم الحلفي
᯽᯽᯽᯽᯽᯽᯽᯽

للطفوف الضعن بي اتوجهوا
العليله اتصد عليهم من سروا
تذبح الحسرات بيهه من مشوا
جن وداع الموت من اتوادعوا

عنهه من سار الضعن
ابهظم ظلت بس تون
آه يا كلب العليله ومحنته

✍أم نور الزهراء الزينبيه
᯽᯽᯽᯽᯽᯽᯽᯽

كَلهُم اصلاح الديانه طلعتي
دين جدي يكمل ابدم ركبتي
تنسبي زينب يذبحون اخوتي
تنذكر طول الزمن ياقصتي

توادعو اخر وداع
ولحزن تارس الکاع
يدري مايرجع بعد يم ديرته

✍ام اسعد الشمري
᯽᯽᯽᯽᯽᯽᯽᯽

سار بسم الله ومشه صوب الطفوف
ورایةالحق فوگ ظعن الحق تطوف
ولمنــــايــــه ابكــــربله بیهم تحــوف
والـــبطل عباس حضـــرها الچفــوف

حتی یفدیها لخوه
وللعقیله بنت ابوه
الهل امر ام البنین ذخرته

✍المیرزا ام لیلی الخاقانی
᯽᯽᯽᯽᯽᯽᯽᯽
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

قصيده للامام العسكري عليه افضل الصلاة والسلام


الكون انكلب نضامه..
وتتحسر الامامه

بفكد الامام العسكري...
اعلن حداده....
*•──≪᯽≫──•*

نرفع   ايات    الحزن  والدمعه واللوعه
للامام   المنتظر  من  تهمل   ادموعه
يبجي اعله ابوه العسكري  والامه مفجوعه
اظلم الكون  بحزن و نطفت اشموعه

بالسم كضه نحيبه.
هالفاجعه رهيبه


واللي عنده هموم كثرة.. ينعطي مراده
بفكد الامام العسكري اعلن حداده


. ✍🏻الشاعره مريم العبوديه اسيرة الاحزان 💔
★--------------✾-❀✾---------------★

الدنيه وحشه ومظلمه  غيم حزن  بيهه
الشيعه مهمومه وتون عالحسن واليهه
للمهدي رايات  الحزن بسمه   تعليهه
وللعسكري نقيم العزه وفاطم  نواسيهه

حزنانه كل احبابه
تبجي وتون لمصابه

يوم الذبيح بكربله امصاب الحسن عاده
بفكد الامام العسكري اعلن حداده

✍ الشاعره أزهار جبار الجياشي
★--------------✾-❀✾---------------★

فجعونه اهل المعصية بمصابه فجعونه
اهتزت اركان لسمه واظلم صبح  كونه
عله الامام العسكري اليبچي خيعونه
بحركه  يلطم عالصدر وتجري اعيونه

للمنتظر   نعازي
بلهفة گلب ننادي

بهاذه المصاب الجلل. انعازي الساده
بفكد الامام العسكري اعلن حداده


✍ الشاعره الحاجه أم احمد الحچامي
★--------------✾-❀✾---------------★

حزنانه لأجله وتنتحب هليله  أحبابه
والمنتظر ناح ويون ودموعه سجابه
حيل ياذي العسكري ياشيعه امصابه
ماتنطفي طول الزمن   هالنار   لهابه

ماننسه محنة عاشور.
والسبي وهدم الگبور

نار الحزن ماتنطفي. بالگلب وگاده
بفكد الامام العسكري اعلن حداده


✍ الشاعره ام زهراء الزيداويه البصراويه
★--------------✾-❀✾---------------★

ملجوم  مهدينا  يون  بالنايبه ينوح
ينادي ابوه العسكري والالم   بالروح
مصابك فجعنه بالكلب وخلف اجروح
سم الجبد ظل ويلي  اكباله  ايلوح

ما انسى  أبد المصاب
جمره.  الحزن.   لهاب


والحزن  عالدوم صار الي  عاده
بفكد الامام العسكري اعلن حداده


✍الشاعره خادمة الزهراء  ليلى زغيب
★--------------✾-❀✾---------------★

يالمهدي كلبك  بالجمر يتلاهب بنار
من جدك الهادي بده من سم المختار
وياهو اشد واحد عليك و خلد اثار
نتنطر الطلعه يمهدي وتاخذ الثار

الفقار بيدك تشهره
وبعلم سبع الگنطره

الدين بسمك تنصره وحيدر ترجع امجاده
بفكد الامام العسكري اعلن حداده

✍️ #اسيل_الذهبي
★--------------✾-❀✾---------------★
تمت بعون الله تعالى
بـ✍ــاقـ✍ــلام خـادمـات
كروب جبل الصبر زينب ع..
👈بأشراف ومتابعة
ازهار جبار الجياشي
مريم العبوديه أسيرة الاحزان💔
ام مهدي  العيداني

نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

*قصيدة لتعزية الزهراء والسيده زينب عليهما السلام*

*وزن خدري الچاي*
*مفاعيلن     فعولن.   مفاعيلن فعولن*

المستهل

*رحت لحسين ازوره... واعزّي امه الزچـــيه
*وواسيها الـعـقـيـلـه...  ابذبيــح الغاضــريــه
*✿────↻✿...✿↺────✿
.

حزن کل شیعي هليوم دمع من دم يسيله.
ويصيح ابـألـم ويـلاه يزهره .ویالعقیله
حنين النوگ والآه ويحن ویه الجلیله

وتنعه  ابگلب مکسور وتلعن گوم اميه

✍🏻الشاعرة ام  يحيى العبودي
*✿────↻✿...✿↺────✿
.
رحت بحسره وبآه.. للرضوا اعـــظامــه
ازوره وانعه المصاب.. وابجي عاليتامه
حــــزنه يظل بالروح.. إلى يوم القيامه
وارثـــي امصابه للدوم.. والحد المنيه

✍🏻 أزهار جبار الجياشي
*✿────↻✿...✿↺────✿
.
شبچت لوعـة الـروح.  يم بت الرساله
تسير بحسره وبنوح..  دمــعتها اتلالــه
الفواطم تكسر اگلوب.. وي اهل الظلاله
تصيح اهلي مطاريح.  مانشدوا عليه

. ✍🏻الشاعره مریم العبودیه اسيرةالاحزان💔
*✿────↻✿...✿↺────✿

وصلت الآرض الطفوف وتهيئلي منظر
زينب حايـره بليل وفوگ حسين تفتر
لاتـگـدر اتـلمـه ولا تـعـــوفـه امـطــشـر
تـحـاجـيـــه وتـگـلـه انـــه شـلـون بيــه

✍🏻الشاعره اسيل_الذهبي
*✿────↻✿...✿↺────✿

لـحـد الـمـوت ارثيه المـــظلـوم إمامــي
ابـن سيد الكونين حـيـف انذبح ظامــي
وحيد ابكربله حسين ولا عنده محامــي

انهـــدم حيلي بمصابه..محروم المــــيه 

أم عــ✍ــلــي الـحـلـفـي
*✿────↻✿...✿↺────✿
.

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب  ( ع)
ازهار جبار الجياشي
مريم العبوديه أسيرة الاحزان💔
الشاعره  فرح الدره الفاطمیه

نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

قصيده بقفلة الهوسه للسيده فاطمة بنت اسد رضوان الله عليها 🌿


امراد اخذيه من بنت  النجيبات
فاطم بنت اسد ام الكرامات

✼ـــــــــــــــــــــــ✼✼ــــــــــــــــــــــــ✼

لا تنسنهه فاطم بالعزه دوم
ام اطياب هاي وكتبت اعلوم
ابيت الله اثرها لسه مرسوم
من جفهه نريد الحاجه اليوم

(بالكعبه لجابت حيدر حتما تگضيهه)


✍🏻المله أم محمد باقر القريشي

✼ـــــــــــــــــــــــ✼✼ــــــــــــــــــــــــ✼

الج منزله يم الله وكـــرامــه
يالجبتي اصل عصمه وإمامه
تشهد ألـــج بالكعبه العـــلامه
ويبـــقه الأثر اليـــوم القــيامه

(مريم ما صارت مثلج   من جابت عيسى)

✍أزهار جبار الجياشي

✼ـــــــــــــــــــــــ✼✼ــــــــــــــــــــــــ✼

منو ربهه  كرمهه بهيچ  مقدار
وانشگ الهه من الكعبه الجدار
وابن  عدهه مثل حيدر  الكرار
وعتق شيعتهه كلهه من لضه النار

( الشيعه بزودچ  ماكو نار التچويهه )

✍ام یوسف المنبوهی

✼ـــــــــــــــــــــــ✼✼ــــــــــــــــــــــــ✼

مايكفيچ شعر الي يكتبون
بالتاريخ اثر خليتي والكون
باقي ما نمسح يلي تشكون
مرسوم اشحلاته اگبال العيون،

( اثارچ شمس اتلالي ماتمحيهه غيوم )

✍🏻خادمه الزهراء غدير الباهلي

✼ـــــــــــــــــــــــ✼✼ــــــــــــــــــــــــ✼

ثلاث انعام مـنهه الجابت الحيـد
كريمه والكرم بچفوفهه يزيد
اليطلب منهه تنطي مراد بالايد
القريب بصيتهه يفاخر والبعيد

( اعلومچ بيرغ ضل يرف بعاليهه )


✍ام. زيد. الهلالي

✼ـــــــــــــــــــــــ✼✼ــــــــــــــــــــــــ✼

ممنونين.منچ والف نعمين
بحر وبغير منه وشرط تنطين
عله راس الزمن ها تاج.تبقين
اسمچ عالي ماتنساه السنين

(معروفه افضالچ   ما ضن واحد ناسيهه)

✍️خادمة اهل البيت ام ابراهيم الحلفي

✼ـــــــــــــــــــــــ✼✼ــــــــــــــــــــــــ✼

تمت بعون الله تعالى
بـ✍ــاقـ✍ــلام خـادمـات أهل البيت ع

👈بأشراف ومتابعة خادمات جبل الصبر
زينب  ( ع)
ازهار جبار الجياشي
مريم العبوديه أسيرة الاحزان💔
الدکتوره فرح الساعدي( الدره الفاطمیه )

نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

وزن تجليبه قصيده للزهراء ع

عمت عيني عليج انهد ركن حيلج
عن حزني لمصابج حايره احجيلج
ــــــــــــــــــــــــ.      ــــــــــــــــــــــــــ

جان ايشـع ضـــواج وما طفــه نوره
وتزهي الدنيـــه بيج وبارقه الصوره
وسفه اشلون صرتي بلوعه مكسوره

وصــار انهار يومــــج يشبه اليلــچ

.✍🏻الشاعره مريم العبوديه اسيرة الاحزان 💔
⊰᯽⊱┈──╌❊╌──┈⊰᯽⊱

.من كــثر الحزن سهرانه ليل  انهار
وما تطفه تظــل  مستعره  بيه النار
لمصايج نون منه الــــــدمع  مدرار

ومن ظيم الزمــــن امجرح ادليلج

✍ سهـــام المالكي
⊰᯽⊱┈──╌❊╌──┈⊰᯽⊱

وسفه من الزجيه  مكسره الآضلاع
بحسره ونوح تكضي، ليلها باوجاع
غاب النور مــنها تغيرت الاوضـاع

کولـــي لیامصـــیبه حــایره  انعيلچ

✍خادمة الزهراء // ليلى زغيب
⊰᯽⊱┈──╌❊╌──┈⊰᯽⊱

مصـابج والضلع ميفارك احساسي
ويا صورة عصرتج راسخه براسي
او يا لوعة احزانج مالــيه انفاســي

وعيون الكلب بالحسره تبجـيلج

✍أزهار جبار الجياشي
⊰᯽⊱┈──╌❊╌──┈⊰᯽⊱

تبجــيلج  بقـــت لا ماتهـــيد  اللــيل
ودمعاتي المصابج يالحنينه اتسيل
يا زهــرة  محمد هدميتــي   الحيل

كلنه أبصوت صحنه فاطمه ادخيلج

✍🏻 وخادمه اباالفضل غدير الباهلي
⊰᯽⊱┈──╌❊╌──┈⊰᯽⊱

مجــروح الگلب وجروحه ما طابت
وعلى مصــابچ  سهم بالــعين نابــت
يحــــره اعلـــيچ هاي الروح شــــابت

بنص روحــي مأتم دوم ســـويلــج

✍مــــريم الحجيمي
⊰᯽⊱┈──╌❊╌──┈⊰᯽⊱

بروحي  مأتمـــج  تـــتلاهب الجــمره
ما ننســه  مصابج  والله يا الزهـــــره
لابــو  صــــالح  دعانا  يعجل  بامــره

ياخــــذ  ثارج  وكــبه  يسويلـج

✍ ام زيد. الهلالي
⊰᯽⊱┈──╌❊╌──┈⊰᯽⊱

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب  ( ع)
ازهار جبار الجياشي
مريم العبوديه أسيرة الاحزان💔
الشاعره  فرح الدره الفاطمیه

نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

تجليبه
قصيده لام البنين ع


چلمات المدح.  هم اخجل احچيها
ام عباس  حاير كل وصـف بيــها
⊰᯽⊱┈──╌❊╌──┈⊰᯽⊱

من تکمش جروحي وبالكلب تلتم
بس الفـظ اسمها لا رحل كل هــم
ام عباس لجــــروح الدهـــر بلسم

كرامه وجود هاي مفصله اعليها

✍🏻الشاعره مريم العبوديه اسيرة الاحزان 💔
⊰᯽⊱┈──╌❊╌──┈⊰᯽⊱

تزيل اهمومي كلها الطاهره الحره
لو اقسم عليها ابفاطمه الزهــره
والمهـــموم ام الاربعـــه تحضره

وكل حاجه ابعجل ياناس تكظيها

✍ام حسين الفريداوي
⊰᯽⊱┈──╌❊╌──┈⊰᯽⊱

وحك الي مشت للكــوفه مچتوفه
أم عباس تگضي الحاجه معروفه
بس حلفيهه بـــالعبـاس وچفوفه

الحــاجه ام الگمـر بـالأيد تنطيها

✍ الشاعرة رقية العامري
⊰᯽⊱┈──╌❊╌──┈⊰᯽⊱

دليلي ابوصف ام البــنين احتار
هايه  ام الكرامة ألما  ترد خطار
بس  اذكراسمهه تنطفي كل نار

والحاجــه  الصعبه   ما  تخليها

✍🏻بقلم غدير الباهلي
⊰᯽⊱┈──╌❊╌──┈⊰᯽⊱

النخاها والندبهه لا ابد ما خاب
هاي ام الكمـــر الما ترد طـــلاب
كرم من الله صارت للحوائج باب

وشما تصعب العله تداويها

✍أزهار جبار الجياشي
⊰᯽⊱┈──╌❊╌──┈⊰᯽⊱

تداوي كل جرح اوتشفي العلات
هاي  ام الكــرم التحضر الشدات
بحيره ما تخليني ابــــــد هيهات
تسر الروح من اگصد انــه ليـــها

✍ ســــــهـــــــام المالكــــي
⊰᯽⊱┈──╌❊╌──┈⊰᯽⊱
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب  ( ع)
ازهار جبار الجياشي
مريم العبوديه أسيرة الاحزان💔
الشاعره  فرح الدره الفاطمیه

نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

، ﷽.قصيده للسيده شريفه بنت الأمام الحسن (ع)


بمــقامج ياشريفه.. يــحره یا عفیـفه
يزيـل الهم مقامج
مـثل حظرة عمامج
بمــقامج ياشريــــفه
*•──≪✿᯽✿≫──•*

لمسنه بحــظرتج هاي الكرامــه
يالاسمـــج اســم عالـي مقــامه
الكـصدلــج يرجع لاهله بسلامه

العمر فدوه لحظـــرتج
ابــــــد لا ما عــــبرتــج
يشهدلــــج زمانــــج
مثل حظرة عمامج

. ✍🏻الشاعره مريم العبوديه اسيرة الاحزان 💔
*•──≪✿᯽✿≫──•*

هــاي المكرمه الباري نطاها
ولــكل العــلل عدهــه دواها
ومتـــرد التعـــنه لا حــشاها

ولــو يكــصدهـــه حايـــر
بعـــجل تجـــبر الـــخاطـر
الله امــعلي شانــج
مثل حظرة عمامج

✍أزهار جبار الجياشي
*•──≪✿᯽✿≫──•*

عليج اقسم انه بجاه العقيــله
اجيت بلهـفه وهمـومي ثجـيله
ادري بيــج بت ساده وجــليله

بداعـــة نـحر الحســين
والحــــاجتــي تگـضين
يل بگلبــي مكانــــچ
مثل حضرة عمامچ

✍🏻الشاعره ام يحيى العبودي*
*•──≪✿᯽✿≫──•*

ابــد ماتردني هالورده النديه
ســلالة الحسن وامها الزجيه
تمسـح دمعتي اتشيل الرزيه

ابـجاه اجفوف عباس
واللــي صدره انداس
محتــامه الحـــنانج
مثل حضرت عمامج

✍🏻 أمامه الشاخوري ام علي
*•──≪✿᯽✿≫──•*

شكـد حاجات للعالم گضـيتي
انتي ام الكرم.  ما قـــصريتي
كل عله بجسدنه انتي شفيتي

كرامــه الباري انطاج
نبـــقى دوم   نـــنخاج
فاز      اليدگ    بابج
مثل  حضره  عمامج

✍🏻خادمه المولى غدير الباهلي
*•──≪✿᯽✿≫──•*

ابعــلوا  النجوم  الباري. عــلاچ
يابنت  الحسن  جينه  ونخيناچ
يرد مجبور كل    واحد.  تعناچ

حـــزنه والألــم زاد
مــنچ نطلب امراد
يالطـــيبة بــمصابچ
مثل حضرة عمامچ

✍ام زهراء الزيداويه البصراويه
*•──≪✿᯽✿≫──•*

يا بت الكـــرم يابت الاجــواد
اتعنيتج  انه من دروب البعاد
تشافين المريض العلته تزداد

علـيج المشت مسبيه
اريد الحاجه مگضيه
يطيب لمس ترابج
مثل حضرة عمامج

✍🏻ام زين العابدين لمحمداويه
*•──≪✿᯽✿≫──•*
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب  ( ع)
ازهار جبار الجياشي
مريم العبوديه أسيرة الاحزان💔
الشاعره  فرح الدره الفاطمیه

نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

قصيده لعليلة لحسين ع....

بهاي الروحه اخافن ما الك جيه
شو ماخذ يبويه اهدوم حربيـــه
⊰᯽⊱┈──✾✾╌─┈⊰᯽⊱

حملتو ضعنكم عني هالماشين
وانه بالدمع طاحت رموش العين
دليلي بالوجع هالمنجسم نصين

وممشاكم يبويه مارحم بيه

✍🏻الشاعره مريم العبوديه
⊰᯽⊱┈──✾✾╌─┈⊰᯽⊱

حملت الخوات وانه عفتوني
سهرانه الليالي وذابت اعيوني
اخافن  بالهجر  يابويه  تنسوني

ولتذكرون عدكم ظلت ابنيه

✍🏻ام حسين الفريداوي
⊰᯽⊱┈──✾✾╌─┈⊰᯽⊱

ممشاكم ابد    لا مارحم    حالي
نزلكم من بعدكم  مظلم.   وخالي
انه الوحدي وبس دمعي يبرالي

ويشتاگ  الگلب    لحبابه.  ليليه

✍🏻ام زهراء الزيداويه البصراويه
⊰᯽⊱┈──✾✾╌─┈⊰᯽⊱

يشتاگ الگلب مو بيدي اصبرنه
وعلى الفرگه اجرن بيها هالونه
لـو راح الابـو چـني ايست منه

اونار اموادعه بضلوعي مسريه

أم عــ✍ــلــي الـحـلـفـي
⊰᯽⊱┈──✾✾╌─┈⊰᯽

نار وداع ابوي بگلبــــــي لهابه
ناوي اعله المسير وماخذ احبابه
لوحدي عافني ودموعي سچابه

ودعني ومشه وچنهه الوداعيه

✍🏻زهراء الحريي
⊰᯽⊱┈──✾✾╌─┈⊰᯽⊱

من اعيونه عرفته ما إله رجعه
شفت صورة نحر من هلت الدمعه
جن آخر اوداع لوالدي اودعه

وبعد حتى بحلم ما انعم ابفيه

✍أزهار جبار الجياشي
⊰᯽⊱┈──✾✾╌─┈⊰᯽⊱
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب  ( ع)
ازهار جبار الجياشي
مريم العبوديه أسيرة الاحزان💔
الشاعره  فرح الدره الفاطمیه

نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

قصيده للزهراء ع

اخ يا ظلع الزجية المنكسر
غير ارسوم الوصي والوانه
★--------✾-❀✾--------★
عيون فياضات لا ما بطلن
من نمير العين بالحسره جرن
بصدرة عبرات المصاب تكسرن

القالع الباب وحصون اهل الشرك
مهجته الليل بألم ذبلانه

★-----------✾-❀✾------------★
هو سيف الله الوصي وخير العمل
امجندل الفرسان بحروبه  نزل
محني ظهره ودمعه عالزهره همل

كاطع اذناب الكفر حامي الحمه
الليله روحه من الحزن عدمانه

✍أزهار جبار الجياشي
★-----------✾-❀✾------------★
الليله روحه امن الحزن متألمه
دمعه غالي ورخص اعله فاطمه
فارس الهيجاء عينه ساجمة

وانكسر گلبه عليها بو الحسن
انهدت اركانه وصفت خلصانه

✍🏻أمامه الشاخوري ام علي
★-----------✾-❀✾------------★
بليل يدفن جنه دافن روحه
تنزف الفركة الزهره اجروحه
بس دمع يهمل  ابهيده نوحه

يون عليهه وابد لا ونه هده
مثل طير  مكسره جنحانه

✍ ام حسين الفريداوي
★-----------✾-❀✾------------★
مثل طير امكسر اجناحه وينوح
وتستعر مثل الجمر بيه. الجروح
وبس عطر فرگه وحزن منه یفوح

ليل ويه.   انهار  دمعاته.  تسيل
اعله الزچیه  ماطفت.    نيرانه

✍ام زهراء الزيداويه البصراويه
★-----------✾-❀✾------------★
دفن   فاطم    ياوسف   بالمكبره
وكام يبجي بصوت عالي عالجره
ولكه منهه اظلوع حيل مكسره
وطلع  نص   الليل   هم   دفانه

✍️ام زهراءالفاطميه
★--------✾-❀✾--------★

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب  ( ع)
ازهار جبار الجياشي
مريم العبوديه أسيرة الاحزان💔
الشاعره  فرح الدره الفاطمیه

نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

فزاعيه للزهراء ع

العاده الزهره من الگوم.
حتـــه التـــوبه متــفيده
★--------✾-❀✾--------★

ويــــله الــــذي عـــاداها
الله يـــرضــــه لرضـــاها
هيـــه بضـــعه مــن طاها

حگها منــــكم اتعــــيده

. ✍🏻الشاعره ام سکینه العبودیه 💔
★--------✾-❀✾--------★

هي بضعة المختار
العاداهه يظل محتار
تاليته حطب للنار

الضربهه بالشلل أيده

✍أزهار جبار الجياشي
★--------✾-❀✾--------★
العاداها يظل. مندوم
لو دمعه يصب ادموم
يبقى بالحشر محروم

الجنة  عنه.   ابعيده

✍ام زهراء الزيداويه البصراويه
★--------✾-❀✾--------★
الضدها بالحشر باجر
محير   ما اله    ناصر
للجنه    يضل   خاسر

وحگها فاطمه  نريده

✍🏻غدير الباهلي
★--------✾-❀✾--------★
الضربهه  ابأيده  لم حسين
انشلت  كون  اله الجفين
بغيره  وبحقد  باقين

اليعاديهه ابد منريده

✍ام حسين الفريداوي
★--------✾-❀✾--------★
العاداها يضل خسران
خلاهه ابكـدر واحزان
حـرگها لـدار  بالنـيران

فِعلته صعبه واشديده

✍🏻أمامه الشاخوري ام علي
★--------✾-❀✾--------★
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب  ( ع)
ازهار جبار الجياشي
مريم العبوديه أسيرة الاحزان💔
الشاعره  فرح الدره الفاطمیه

نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm