خدمة الزهراء هدفي
وخدمتكم شرفي
#رحم_الله_من_قره_الفاتحة_لروح_المرحوم_عمي_أحمد

*قصيده الام البنين ع*



لطم أم البنين يريد عوانة
هاي أم البطل عباس مولانة
➖➖➖➖➖➖➖➖
شدي لطمتج لربت سباع
هذوله البلحرب هزوها الكاع
وين اولادها ايشيلونها بساع
خذاها الموت منه وحيل اذانه

*المله ام علي الساعدي*

➖➖➖➖➖➖➖➖
هاي أم البطل عباس تدريها
بالحاجات والكلفات جربيها
اذا مسج الضيم بساع انخيها
من كثرالهظم والضيم نحلانه

*بنت بنت الأشتر...المالكي*@drgasa
➖➖➖➖➖➖➖➖

تكضيها الحوايج من تندبوها
هاي ام الفحل كلكم تعرفوها
تنطي مراد والله لو طلبتوها
اريد ابجي عليها بعين عميانه

*هيلين الساعدي*

➖➖➖➖➖➖➖➖
باب الله الندكه بكل حوايجنه
هاي الما تقصر ما تفشلنه
بكل شده تضيج الدنيه وتذبنه
نكلهه مروتج هلدنيه خوووانه

*الشاعره رسل الابراهيمي*
➖➖➖➖➖➖➖➖
هاي ام البطل عباس حياها
بالشدات ام عباس ننخاها
ضحت للحسين باربعه اضناها
هاي ام الفده لحسيت ذرعانه

*ام ضيغم المحنه*
➖➖➖➖➖➖➖➖
الطمن حيل ولطمه جماعيه
هاي ام السبع معروفه بدويه
تهز شاراتهه ام الكبيديه
بكل شده جريمه وتوكف ويانه

*ام فاطمه الزهراء*
➖➖➖➖➖➖➖➖

تمت القصيده بمشاركه خادمات اهل البيت

المله ام علي الساعدي
بنت الاشتر المالكي
@drgasa

هيلين الساعدي
رسل الابراهيمي
ام ضيغم المحنه
ام فاطمه الزهراء

#رحم_الله_من_قره_الفاتحة_لروح_المرحوم_عمي_أحمد

يتراب النجف بيج النه احباب
ناموو بيج اهلنه وفاركونه

نعتب وللاسف مافاد العتاب
نامو بلحد وسفه ونسونه

مامرو بعد لاجونه الغياب
ولابلعيد اهلنه يذكرونه

موكسر لا الف اصواب
عافوبلدليل الضيعونه

ضل الدمع فوك العين سجاب
وعن دموعنه ماناشدونه

ننحب والحزن لسكنو تراب
بعدهيهات اشوفنهم يجونه
@drgasa

بنت الآشتر المالكي

خدمة الزهراء هدفي
وخدمتكم شرفي
#رحم_الله_من_قره_الفاتحة_لروح_المرحوم_عمي_أحمد


*فزاعيه الى سيدتي ومولاتي شريفه بنت الحسن*


رايده اطلب حاجتي
ومن شريفه امرادي
➖➖➖➖➖➖

طالبه مرادي بعجل
امراضنه ما الها حل
انتي تشفين العلل
شوفي علينه اسادي

*(هيلين الساعدي)*
➖➖➖➖➖➖➖
مولاتي ياباب الكرم
بنت الحسن ابو الشيم
انحلفج براعي العلم
تبردين نار افادي

*العلويــٍّــﮧ الموسويــٍّﮭ*
➖➖➖➖➖➖➖➖
مولاتي يابنت الحسن
نريدج تشيلين الحزن
نشكيلج هظمات الزمن
بيدي تحط امرادي
@drgasa

*بنت بنت الأشتر...المالكي*

➖➖➖➖➖➖➖
للحله اجيج بدمعتي
وانتي العليمه بحاجتي
اصفن وافز بحسرتي
طحت بوضع مو عادي

*للشاعره رسل الابراهيمي*

➖➖➖➖➖➖➖➖
مهمومه والبابچ رحت
وینچ یالاحبیبه صحت
للباري بيچ اتوجهت
وبلي بگه بالوادي
*ام ضيغم المحنه*
➖➖➖➖➖➖
اجيت و بلهفه اكول
انتي يابنت الاصول
مرادي من عندج انول
بجاه طه الهادي

*ام فاطمة الزهراء*
➖➖➖➖➖➖➖
جيتج واريدن طلبتي
من ايدج اخذ حاجتي
طالت تراها علتي
بسمج نجي ونادي...

*ام فراس الساعدي*
➖➖➖➖➖➖➖
تمت بعون ومشاركه خادمات اهل البيت

هيلين الساعدي
العلويه الموسويه
بنت الاشتر المالكي
رسل الابراهيمي
ام ضيغم المحنه
ام فاطمه الزهراء
ام فراس الساعدي

خدمة الزهراء هدفي
وخدمتكم شرفي
#رحم_الله_من_قره_الفاتحة_لروح_المرحوم_عمي_أحمد



.*فزاعيه للعباس ع*


كض شواربه العباس
*من حشمته المهيوبه*
➖➖➖➖➖➖➖

كللهه يضي عيناي
اجيبلج نهر وياي
شنهي الماي اذله الماي
لخلهه ترجف ادروبه

*الشاعره رسل الابراهيمي*
➖➖➖➖➖➖➖
تره اخته محشمته
ولعباس حيه أخته
اخوها اليوم رايته
اجته اليوم مرعوبه

@drgasa
*بنت الآشتر المالكي*
➖➖➖➖➖➖➖
مرعوبه اجت زينب
كلبها من القهر شيب
عله الكافل اجت تنحب
وشافت عينه مصيوبه

*هيلين الساعدي*
➖➖➖➖➖➖➖

ابو فاضل يرفعة راس
ابوالغيره وبوالنوماس
كلامه وياي كله احساس
بعده خيامي منهوبه

*ام محمد الساري*


➖➖➖➖➖➖➖
دگ صدره وتچنه الها
شنهو الماي گاللها
هسه اعداي اجندلها
بيه امثال مضروبه

*ام ضيغم المحنه*
➖➖➖➖➖➖➖
كلها يختي شطلبين
اجفوفي هاي الج والعين
انه الكافل او تدرين
اعداج افنيها هالنوبه

*ام عمار الصائغ*
➖➖➖➖➖➖➖
لسد المشرعه كلها
ولله رجال اطشرها
زينب والنعم منها
صفت الحومه مكلوبه

*ام علي المالكي*
➖➖➖➖➖➖➖


اخو خيته السبع ولحيد
طالع لهلهه اصناديد
الكاع التحت جدمه اتميد
لو تندب المحجوبه

*ام فاطمو الزهراء*
➖➖➖➖➖➖➖

*تمت القصيده مشاركه مع خادمات اهل البيت ع*
رسل الابراهيمي
بنت الاشتر المالكي
هيلين الساعدي
ام محمد الساري
ام ضيغم المحنه
ام عمار الصائغ
ام علي المالكي
ام فاطمه الزهراء
غير مبري الذمه حذف اسماء الشاعرات اويغير بكلمات القصيده

اللهم عضم سلطانك❤️

*قصيده الى مولاتي زينب *



خدمة الزهراء هدفي
وخدمتكم شرفي
#رحم_الله_من_قره_الفاتحة_لروح_المرحوم_عمي_أحمد

خذوها لليسر بنت الاجاويد
مايدري البطل احبال بالايد
➖➖➖➖➖➖➖➖

احبال الهضم تضرب بالعيال
وينه الشال همي يرجع العال
شسولف عالوكت شوصار ميال
( يادنيه بزينب خوانه )

*هيلين الساعدي*
➖➖➖➖➖➖➖
خذوها لليسر والروح خلصانه
لاعباس يمنه ولاأجه ويانه
ونت بالهظم زينب الحزنانه
(أكعد ليها يلكافلها)

@drgasa
*بنت الأشتر....المالكي*
➖➖➖➖➖➖➖


زينب من مشت للشام مسبيه
مايدري الكفيل وعينه مطفيه
شوف اعداك خويه اشمتوا بيه
(عباس اكعد عالوا بيها)

*ام علي المالكي*
➖➖➖➖➖➖➖➖
خذوها لليسر وحسين على الغبرة
تلطم على الوجه وتصيح يازهرة
اودوني غصب للشام هلكفرة
( ماهابوها عباس اختك )

*ام عمار الصائغ*
➖➖➖➖➖➖➖➖
شافت ضيم يهظم بعد اهاليهه
عكب عباس كام الشمر يوليهه
يشتمهه ويطكهه وحلف يسبيهه
(عباس الحك للمهظومه)

*الشاعره رسل الابراهيمي*
➖➖➖➖➖➖➖➖
ظلت حايره زينب بغربتها
مشت متيسره وبلايه اخوتها
كلبها أتفطر لرقيه وونتها
(انه بعازه يخويه انهض )

*العلويــٍّــﮧ الموسويــٍّــﮭ*
➖➖➖➖➖➖➖➖

*تمت القصيده بمشاركه خادمات اهل البيت ع*

هيلين الساعدي
بنت الاشتر المالكي
ام علي المالكي
ام عمار الصائغ
رسل الابراهيمي
العلويه الموسويه

عيد الابطال
اليوم ‌‎#6كانون الذكرى
الــ97 لتأسيس الجيش العراقي البطل 🇮🇶
كل عام وابطاله بألف خير
ورحم الله الشهداء الذين ضحوا من اجل سلامة هذا البلد 💔
‏أبطال وهيبه يولاد العراقيه
بعد روحي الجيش ورفعة الراس

عدكم غيره حلوه وغيره نشميه
محفوظين بالله والبطل عباس
#كلمات_بنت_الأشتر_المالكي
#عيد_الجيش_العراقي
#جيشنا_فخرنا

#لشباب_عن_لسان_أم_الشهيد
كل ماتريدون هنا👇🏻👇🏻👇🏻
@drgasa
اومراسلتنه على المعرف التالي
@fattema



بس تعالووو.. .... يا لسكنتو بالكبر
بس تعالووو.. ....طيف الكم خل يمر

اه يفراك الشباب
عايشه عمري بعذاب
بس تعالووو

◇◇◇
بس تعالو بطيف يمه ورحمو بيه
عليكم انا دوم انوح بكل مسيه
والده ودموعي أهلها لراح من اديه
صحت يمه ومأاجيتو
عليه ليش اتخريتو

شلي بيام العمر...طيف الكم خل يمر
◇◇◇
يبني ياضرغام مومره صحتلك
لاتعوف أمك يبعد أمك كلتلك
نوم أتراب الكبر يايمه شلك

ياذي تراب المكابر
والدك كاسرله خاطر

عليك ماظله صبر...طيف الكم خل يمر
◇◇◇
طيف الك ياييمه أتمنئ يمرني
لاتروح بساع يمه تبقئ يمي
بلكت أهد شويه واكطع هذاوني

لحظه لوبس تجي يمي
بشوفتك ينزال همي

يمي اريدنك تمر...طيف الكم خل يمر
◇◇◇
لحظه لوبس تجي يمي يبني ياضرغام
مساهره اليل كله والله ماكدر أنام
لشوفتك يمه القلب صدكني محتام

ماتجي وترحم عذابي
يبني ماتسمع عتابي

موالك يمه الكبر...طيف الكم خل يمر
********
*بقلم بنت الأشتر المالكي*

الرادود محمد الدفاعي:
مشاهدة "گالولي المن تتجه لمن تحس بضيج 😔💔(علئ حاجه بگلبي انخاك يالعباس)" على YouTube
https://youtu.be/F1_HczB7ONI

ندبه للعباس عليه السلام

الرادود محمدالدفاعي
الشاعرة بنت الآشتر 👇🏻👇🏻
@drgasa
كالولي المن تتجه لمن تحس بضيج
وياباب التكصده لوضاكت الأنفاس
كتلهم لباب العشك باب التدكه الناس
غيره وشجاعه ومرجله ومتروس كله حساس
لو مرني ضيج أتوسله محبوبي رفعة راس
محبوبي ينطي شما ردت من ذهب حتئ الماس
محتار بيش ابتدي الناخي ماينقاس
اندب أنا أبو الفضل عباس ياعباس
تكشف عليه كربتي وتبعدني من الوهواس
ياأصل كلشي أبتدي يلبيك ادك الساس
أندب انا أبوالفضل عباس ياعباس

@drgasa
#بنت_ألأشتر_المالكي

#رحم_الله_من_قره_الفاتحة_لروح_المرحوم_عمي_أحمد

خلنه انوح وياها الزﭼـيه
اوشدي للطم بله يشيعيه
●●●●●●●
بلمجلس تراها حاظرة ويانه
ام حسين تبجي على مبجانه
تلطم على الصدر ياويل حزنانه
تنوح على الشهيد ابكل مسيه
*ام عمار الصائغ*
●●●●●●●●
تنوح ع الغريب الكسروصدره
ويانه تراها حاظره االزهراه
تبجي والبجي لظال ع الغبره
لحسين البجي ولخته المسبيه
*بنت الأشتر...المالكي*
●●●●●●●
خل انوح ونعازي ام الحسين
علجسمه رميه بلميادين
يستاهل لطمنه ودمعة العين
وي ام عون خل نلطم سويه
*ام زهراء السعدي*
●●●●●●●●
اعله الهامات نلطم ونعازيها
لطمي علصدر واللطمه شديها
وبيوم الحشر الزهره نلاكيها
نصيح بصوت يازهره يعلويه
*ام حمودي*
●●●●●●●●
نعازيها ونهل دمعات العيون
ابنها المنذبح ياشيعة تدرون
لمصابه الخلگ كلها ينوحون
ويلي شلون نام اعلة الوطيه
*ولائـية_وافتـخر* (دعاء العامري)
●●●●●●●●
ننوح اوياج يازهره يمحزونه
على ذبح الغريب الشالت ظعونه
تظل طول العمر عشاكه مجنونه
على حسين البطل وعباس اخييه
*العلويٍّــــﮧ الموسويٍّــﻫ*
●●●●●●●●
تـمت القصيدة بـأقـلام خادمات اهل البيت
#ام_عمار_الصائغ

#بنت_الاشتر_المالكي
@drgasa
#ام_زهراء_السعدي
#ام_حمودي
#ولائـية_وافتـخر (دعاء العامري)
#العـلويـة_الموسـويـة

الئ الرادود علاء الدفاعي
بحق الشاب صادق


مو وكت الرحيل وكت الاوداع
بعدك شاب خويه راحل بساع

اسم آلله عليك من نوم الاكبور
خذاك بساع منه وصرت بلكاع

عمة عين المرض مأخذ أحباب هواي
كل يوم ويا واحد عدنه اوداع

صادق راحل منه فراكه جتال
جنت انه أعده من ألاسباع

حسافه ب للحدالمثلك يناام
ورسمك بالكبر خربته وضاع

تراب الكبر جواه نام الزين
ابو حلو الطبع وعيون الأوساع

احن واشتاك اله والقلب سولف بي
وبذكره اظل الهج وكلساع
@drgasa

ميت ماعشت عمري *بعدهم*
حسافه الدهر من عندي *بعدهم*
عافوو بالقلب لوعه وبعد*هم*
وظلت بلضلع نارلهم سريه

بنت الأشتر.....المالكي

#رحم_الله_من_قره_الفاتحة_لروح_المرحوم_عمي_أحمد

يمه فراگ وجهج ماهويناه
يلوجهج عزيز وفارگيناه

➖➖➖➖➖➖➖
يلوجهج عزيز وضيعيته
اطب للبيت عنج ناشديته
عمري وياج وسفه ماگضيته
اتذكر گبل گعداتنه اهناه
*ام زهراء السعدي*
➖➖➖➖➖➖➖➖

اتذكرت الليالي يمه وبجيت
والذيج المحنه يمه حنيت
ظل منج ييمه خالي البيت
(من بعدج ييمه الفرح عفناه)
*ام حمودي*

➖➖➖➖➖➖➖➖

يم طول الحلو وسفه فاركيناج
نريد احنه الحنينه دوم وياج
نضل نشتاك يمه ومانسيناج
نضل نشتاك لسمج ما نسيناه

*هيلين الساعدي*
➖➖➖➖➖➖➖➖
یل وجهچ عزیز وشوفتچ عید
اشلون الفارگچ یالوالده یهید
عگبچ بالمناحه ولوعتي اتزيد
شلي بالبيت لو شخصچ فگدناه
*العلویه ام ضیغم المحنه*
➖➖➖➖➖➖➖➖
يجي الليل واذكرج يكتل الليل
وعله فراشج ادموعي كامت تسيل
كلف هجرج ييمه ورايد الحيل
وفراك الحنينه حيلي هداه

الشاعره رسل الابراهيمي
➖➖➖➖➖➖➖➖
على فراك الحنينه الروح حزنانه
بعد مااجت امنه وكعدت ويانه
اليوم الدار من ام حسين خلوانه
ويومج يم حسن ماهان والله
@drgasa
*بنت الأشتر...المالكي*

➖➖➖➖➖➖➖➖
تمت القصيده بمشاركه خادمات اهل البيت جميعا 👆🏼👆🏼👆🏼

#رحم_الله_من_قره_الفاتحة_لروح_المرحوم_عمي_أحمد

*قصيده لشباب*


خلو نايم حاليتله النومه
جاوين اودي صورته وهدومه
➖➖➖➖➖➖➖➖
شمحله طول شمحله ذيج رسومه
عوفو الولد هذا السبع جيدومه
وام الولد هاليله هالمندومه
(ياطولك يمه مضيعينه )

*هيلين الساعدي*
➖➖➖➖➖➖➖➖
مشتاكه اشوفك يابعدأمك
عمة عين التراب الحارمن ضمك
خربت شوفتك وضيعت رسمك
@drgasa
(ومهدومه والروح تون)

*بنت الأشتر...المالكي*
➖➖➖➖➖➖➖➖
اعزاز همه معلكين ويه الكلب
والله يلشبان فركاكم صعب
عل الشباب اليوم ابجي يلمحب
(بالحومه خلونه ونامو )

*ام فراس الساعدي*
➖➖➖➖➖➖➖➖
يبو طول الترف والسالفه الحلوه
بغيابك ييمة الدنيا ماتسوه
يالجنت ألتباري وللكلب سلوه
(وبفراكه عميانه عيوني)

*(العلويــٍّــﮧ الموسويــّــﻫ)*
➖➖➖➖➖➖➖➖
اهدومك يلولد جاوين اوديها
وامك حايره ماتنشد اعليها
ودارك موحشه وحس اللطم بيها
(وحزنانه والدار تون)
*ام حمودي*
➖➖➖➖➖➖➖
تمنيت الولد فد يوم ازفنه
وعلكله الشمع اوبيدي البسنه
او ردتك بالشباب اوليدي تتهنه
(شو صارت زفتك بالحومه )

*حنين البديري*
➖➖➖➖➖➖➖➖

غير مبري الذمه لحذف اسم الشاعر وتغير الكلام

#نعي طلب أحد الاخوات

خويه جاليش بينه كطعتو
وعن اختكم ابدمانشدتو
قلبي بكطعكم هظمتو

فلت الخوه وي امنه
يخويه ليش ماكو محنه
أشتاكينه الكم وعتبنه
ينشد عليكم كلساعه ولدنه
تمرون خويه وكلشي ماردنه


بيكم أشم ريحة الوالده أمي
ماتدرون يخال الولد ثكالن همي
زايد عليكم تره هظممي

اخذلك أيام ومر عليه
خويه لاتكطع الوصل بيه
شو فلت الخوه وهاي هيه

شبدلاكم وأنتم احنان
خويه القلب من الضيم خلصان
لاظلت أهل لاظلت إخوان
@drgasa
بنت الآشتر المالكي