係8月17號，我地當日認識既人，提議左樣野，就係話佢有個信得過既手足想入隊，亦都可以提供gear比我地，結果黎左三個人，其中兩個就係黃振強同李家田，如果大家有留意我地案情既，應該會知道佢地係邊個，我亦都唔多加解釋，黃振強帶左廿個左右既6800同一箱60926,雖然未見到佢地既時候我地好多都驚佢係鬼黎，但當佢供左gear比我地之後就無諗咁多。

去到8月18日，我地成班出左cwb之後去左金鐘，結果係食白果，當時我仲諗，無事好過有事既。

去到我等左好耐既8月25日，荃葵青大遊行，我地當時都full team上陣，細節野就唔講，正路好多人都知，825我地做過咩，咁我講個趣聞比大家聽，因為我隻右眼視網膜係變左形，個病叫做圓錐角膜，所以係睇唔到野，再加上一開頭係場運動射tg既時間，我係無任何保護既裝備，所以我成日會捽眼，加深左個問題，結果果一日，係退入大鴻輝既時候，我係最後走既果個，我見到有班著住黑衫既物體，以為係自己友，點知係我就跑到同佢地會合既時候有兩個記者捉住我，話果班係狗黎，我先無繼續衝過去。果日亦都係依場運動第一槍既實彈槍，我地成隊當時都貼左粉紅色label,當晚係連登比人話係鬼，我有嘗試回應過，但可惜網絡世界真係唔係我一個人可以回應得哂，所以我直頭quit左連登佢，我唔想有野擾亂到我情緒波動，上得場，個情緒唔穩定好易出事。

825之後，我地由一星期出一次，變到部份成員連平日都出埋黎守連儂牆，有幾晚我啲隊友仲守通頂，就係果時我開始發現，我啲隊友越黎越倚賴我，係9月中我離開左屠龍。

但我只係離開左一個星期，隊內部已經有野煩埋我，當時有個前隊友，用我地屠龍個名r左1萬番黎，結果佢代左5千，依個亦都係我番隊既原因，但我開始唔想做隊長依個角色，因為其實做得依個位，等於背負住全隊人條命，任何一個決定都會害死人，依個係我做黑社會果三年學到既野。

去到十月一日國殤日，我地依然選擇左係荃灣既戰場，但一開始我地係某酒店對面馬路換gear既時候，當我地換完，諗住行出去既時候，有架狗車跑過，有其中一個人帶左一部分既成員跑走，不過因為仲係打緊杖，所以我地當時無即刻內控但我地開始感覺到越黎越吃力，係最前既人越黎越少，反而full gear企係後面既人越黎越多，當時我6800條帶仲要斷左，結果我射tg既時候跑番去後面搵fa洗眼，好番又跑番上前線，來來回回咁好多次。但其實同我出去係一件好慘既事，因為好多奇怪既事都會發生係我身上，例如比狗追追下會甩鞋帶，或者無啦啦落單，仲往往落左係啲危險既區域，依啲我就唔提啦，比你地笑下就算。

當10月1日之後，我地嘈過一次交，我亦都做埋我做隊長最後既任務，就係將一半人踢出team,因為當時我隊既成員心理都開始好大壓力，情緒開始唔穩定，加上跑走果班比另一班扑狗車既人開始係隊入面審判咁既款，跑走果班又開始不滿另一班人既做法所以我請左佢地離開，但我請離開既果班先係一開始同我出生入死既人，係佢地走左之後我都算係萬念俱灰。結果我自願比黃振強騎劫左隊屠龍，但因為屠龍係我創既，開始同結束我都諗住一路係度。

去到十月十三日，我人生最距離死亡既日子，當日我好記得係落雨，我地搵左好多機會都搵唔到機會用手頭上既火魔，直到最後我地去左旺角狗屋門口到掉火魔，係我掉完我手頭上既火魔之後，我轉身諗住離開，點知我後腦就中左一發橡膠子彈，個人黑左mon幾秒鐘，醒番發現我啲隊友已經跑走哂，當時我仲要係唔知自己中左彈，但其實依個位我唔係最灰，因為由細到大我比人賣慣隊友所以無乜特別感受。

係我摸到我個頭後面濕同埋好似有個窿之後我開始發現有啲唔對路，隻腳開始都跑唔郁，結果我係狗屋門口爬下跑下去到聯合廣場後面有條樓梯門口，我先大叫fa,佢地有4個衝左入黎幫我止血，止左大約十五分鐘左右，佢地話送我去醫院，當時有好多新聞係講送左去醫院就會比人落charge,所以我同佢地講左句，一係你殺左我，一係繼續止血。止到半個鐘既時候佢地開始話我止唔到，咁樣會死，我聽到依句既時候，淨係想打比當時對我好重要果三個女人，結果無一個聽，依個先係我最灰既原因，我係當時屠龍個gp到講我頭中左彈，得james佢飛過黎搵我，陪我去搵醫生聯針。

當日我就有左PTSD,我兩日夾埋只係訓得三個鐘，開始食安眠藥，有一日食左三粒半都訓唔到，仲要朝早7點，我就走左去買左酒，點知原來會好大獲，我開始斷片，斷左大約十二個鐘左右，我醒番係訓左係一個隊友大脾（仔黎）。我聽我朋友講番先知，原來當時我喊到仆街，仲發哂癲咁，一癲就癲左十二個鐘，但醒番之後我PTSD都無埋，不幸中既大幸。

係之後黃振強開左個育龍channel,可以用果個channel既人，係我地屠龍入面，可以用既就只有佢，佢仲同我地講，啲錢係留番我地走既時候用。

後面大家都知道我地係蘋果做左個訪問，依樣野比人屌到依家，但我想講既有兩點，首先蘋果並唔係我地自己去聯絡，而係佢地透過我地身邊既人去問我地可唔可以幫我地做個專訪，所以唔成立話我地想出名所以去做，我地係出左名先接受採訪。其次就係我地當時同果篇專訪既topic一樣，只係想多啲香港人醒覺，片中入面係咁叫人捐錢果個係李家田。

11月11號，因為我地果日有行動，要朝早6點起身7點出到去，但我訓多左一個鐘，起身既時候佢地係葵芳遍體鱗傷，我仲比佢地屌到仆街，我為左贖罪，我單拖出左去葵芳睇下有咩做到，點知有個藍絲仲屌其他手足，我衝埋去開左佢波，但佢扯甩左我面巾bu仲有人拍左條片，叫都唔肯del,唔知依家仲係唔係到。

去到二橋之戰，當時我已經唔太想同我啲隊友一齊行動，但james死都唔比我退隊，所以名義上我係無退，但我都係自己同幾個fd去左中大，我原本其實係想去support下，但唔小心又上左最前，我仲好記得有人係後面掉火魔，點知佢塊布無整實個酒樽個窿，流左啲魔法液出黎，咁岩仲滴左係我個頭盔上面，有小小著火，好彩隔離有人幫我救熄左，回頭諗住屌人先發現果個係黃振強黎，果日係一日有滿足感既日子，因為係第一次實際成功推走左班狗。

之後我都同其他隊友分開行動，我自己同幾個fd入左poly,係封poly既前一晚離開左，諗住第日再入去，係我第日訓醒已經聽到封左poly既消息。當時我仲係附近搵人幫我book左酒店，每一晚都嘗試係巴基斯坦會同木球會果面睇下入唔入到去，每次去到一半都比狗照到要出番黎，就係咁，5日都無番過屋企。

去到12月8日，詳情就唔多講，會影響其他人既案情，要知既大家都知，邊個篤灰既，邊個吞左育龍既錢，拎左去做乜，就唔好係我把口到講出黎會比較好。我只可以講，育龍果舊錢，我地走左既人無袋過一分一毫。

唔好意思，先黎到依度，我聽日仲要番工。我打咁多野出黎，唔係想哂cv,因為哂cv我就出保釋紙，我亦都唔係話博你地同情要你地捐錢，我淨係想講，我唔識果幾個人講既所謂屠龍a team b team ,你唯一可以講既，只可以講我地係825果班或者係蘋果做訪問果班，如果你地原先叫屠龍既，我同你講聲唔好意思，無問過就用你地個名，我亦都無話我地係你地果隊，我之前講得好清楚，你地亦都可以睇報道，我地講明我地係邊班屠龍。

你地無錢既可以籌，你講明自己邊班屠龍，你鐘意籌乜都得，唔好再認親認戚乜柒a b team,唔講我以為我地係同你地分割出黎，上面係我成場運動比較主要既經歷，我唔識你地，亦都唔知除左我地仲有人叫屠龍。

同埋我又好好奇一樣野，我地做兩次訪問，開埋網店你都唔出聲，我地籌錢你先黎出聲？謠言止於智者，你地鐘意點吹都好，我都淨係回應今次，車，我女朋友換車比我既，賣可樂，唔好意思我係依面識既人除左草之外，乜野毒品都無，加上我係一個極度唔鐘意隊草既人，洗唔洗驗埋尿比你睇？
你有證據就出圖啦，唔好係度同我talk shit.

同埋唔該你地，要po既，就淨係po我，同我身邊既人無關，加上佢地同社運都無關係，如果因為你地搞到佢地比人拉既話，我自己都唔知會做啲咩出黎，黑社會都識禍不及家人，唔好再去貶低黑社會，你地連人都不如。

今次一次過回應你地啲廢話，唔好同我講叫我拎證據出黎證明自己，成年人黎，唔好撚on撚柒柒咁撚樣啦。

有關眾籌事宜

有鑑於尋日我地發起嘅眾籌引嚟廣泛嘅討論，我地喺度一次過回應一下。首先，先要向各位道歉，因我地嘅疏忽，導致眾籌網頁一開始不慎set錯佐一個十分高嘅target，令外間覺得我地要「謀取」一筆天文數字嘅款項，引起大家誤會，實在十分抱歉。對於有人抨擊我地嘅眾籌，我地首先想重申一點，由始至終我地並無對任何人情緒勒索，我地只係講出我地每個人嘅狀況同埋點解需要大家幫忙。如果有詳細讀過我地gogetfund既內文，或有留意我地專頁，大家都會知道我地並唔係遊手好閒、唔搵嘢做而攤大手板問人攞錢，而係遇上各種實質困難，迫不得已先要進行眾籌。若果大家樂意援助，我地當然十分感激，但若果大家覺得無需要向我地提供支援的話，懇請你地向其他值得幫忙嘅機構、組織伸岀援手，如612基金、Hong Kong Watch等等，又或者支持一下流亡各地嘅手足代購。我地認為不論係在囚、流亡或仍在港努力嘅手足都同樣需要大家嘅關注同支援，懇請大家喺唔同地方都盡一分力。事實上，從來都無任何人可以獨佔資源，每個人亦都有權去選擇自己想幫嘅人或者團體。我地衷心感謝向我地伸出援手嘅每一位有心人，同時我地亦無強求所有人都支援我地，所以唔明白點解我地眾籌會得罪到任何人。

關於有人指控我地成員在外「風流快活」，利用家長資源購買房車、名錶等，全部絕非事實。有人將我地成員Edward喺2017年放喺社交平台上嘅名錶相片，歪曲為「流亡後呃家長錢買錶」嘅證據，但其實只要留意相關相片嘅年份，此謠言就不攻自破。而有關買車一事，有人喺無真憑實據下，指控Edward利用家長資源私下購入房車，Edward其後亦已交代此事宜(見我地tg channel)。其實，房車係Edward流亡後所結識之女友嘅舊車，因其女友添置佐新車，所以就將舊車借畀Edward代步。有喺外國生活過嘅人都知道，私家車喺好多地方都係必需品而唔係奢侈品，更何況Edward架車根本唔係用家長錢買。如果有人對我地有任何不滿或指控，麻煩你攞出真憑實據，唔好造謠抹黑。今次之後，我地並不會對任何無實質證據嘅指控再作任何回應。

一直以來，我地從來都唔係為佐出名先至岀黎抗爭，而係做過某啲嘢之後先至引來注視，第一次上立場都係因為二坡坊事件後，我地唔想被當係鬼所以先至受訪。我地之前都解釋過不下一次，我地做訪問都係「出咗名」之後嘅事，係應邀受訪，而唔係做完訪問先至「成名」。希望嗰啲向我地作出指控嘅人，唔好倒果為因，含血噴人。事實上，呢一兩年來一直都有人借「屠龍」名義四出呃錢，咁點解現時指控我地「盜用屠龍之名」嘅人當日又唔去追擊嗰啲騙徒呢？有人聲稱自己係「正統」並長期有金主支援，咁如果你地咁幸福嘅話，其他人落難、需要幫助嘅時候又關你地咩事？有咩影響到你呢？

其實，關於我地嘅隊名，我地並唔覺得係咩咁天大嘅事，只係有啲人總係鍾意不停爭論。屠龍呢個名又無商標註冊，若果今日仍然有其他人堅稱自己係屠龍乜隊，要出嚟搞另一壇嘢，我地都阻止唔到，但歡迎你地出嚟面對公眾並經得起fact check嘅考驗。

依家已經係2021年，仲苦苦糾纏於兩個字又有咩用？我地今日叫自己做RSI，就係已經move on佐，開始佐新嘅階段。重要嘅，從來都唔係個名，而係我地做過嘅嘢、正在做嘅嘢同將會做嘅嘢。大家一路支持我地，相信都係因為我地實質做過嘅嘢，而唔係因為一個虛名。至於有人鍾意嘲諷我地「屠過咩龍」，我地只想以兩句話回應同作結：

喺勝利之前，一定會有無數徒勞無功或功敗垂成嘅屠龍者。
如果仲要應酬嗰啲喧嘩吵鬧嘅犬儒群眾，恐怕一百年後我地仍未能成功。

再次感謝所有支持我地嘅同路人。

共勉之。 

大家好，我地係RS international
大家對我地流亡左既印象可能係「賣台灣野囉」「團長揀翻黎啲水果又幾好食」「點解啲tee得one size架」，有呢啲印象係因為我地起初自力更生去應付我地流亡各地既洗費。

但運作左大半年有多，可能係我地不才，我地察覺到單靠經營網店既營利，只能足夠應付台灣當地既生活開銷（同時我地亦都要岀糧俾係台灣有份幫忙既手足）及少量海外生活開銷，而流亡係英、澳、加既三位成員，Chris, Edward, James ，因當地既援助不及台灣全面，同時物價亦差天共地，所以我地三個仍然要為自己既人生規劃而擔憂，包括學費、醫療費用等等(詳細情形見gogetfund內文)。

當然我地三位亦未有灰心，經過一翻跌跌撞撞，慶幸都得到當地公司聘用，但以現時既薪水水平，實在難以應付升學及醫療等問題，所以我地三位實在係逼不得已向大家請求援助，希望大家幫我地一把，渡過難關。在此我們先向所有有心既同道致最高既謝意。

在此我哋都特別鳴謝返一間有心嘅海外NGO團體為我哋呢次眾籌提供銀行戶口上嘅協助，所有款項將會先經由NGO嘅基金再分返比我哋幾位，使眾籌符合返當地法例，眾籌資料會保密，大家都無需擔心捐款會成為任何觸犯刑事條例嘅證據。

好人一生平安，多謝大家。

以下係我地眾籌既link: https://gogetfunding.com/r-s-international/

再次感謝大家🙏🏻

🛂非常感謝各位一直以來的照顧
探子Channel 將在
香港時間7月24日開始正式停止運作
下列為主要因素：
1. 情報來源及資訊交接危險增高
2. 情報分析及使用需要地下化
3. 有團隊前成員面臨刑責
4. 有團隊成員已經成功遞交資料到外國相關政府機構作分析
5. 團隊資料庫已經完成轉移

如果想繼續討論國家機密的請加入
一個在2019年6月中創立的群組
：https://www.tg-me.com/joinchat-uSNbnxJ8UHdlNTE1
（群組會繼續存在並運作）

部份成員亦會調往
《香港人的蘋果》@appledailyhk26
並協助他們營運頻道及完整部份資訊

香港人有緣再會！

#探子 #探子團隊

https://www.facebook.com/111145423567030/posts/559056018775966/?d=n

【獨家訪問】眾籌鬧雙胞胎風波 屠龍小隊：大不了以後叫蟲蟲特攻隊

2019年活躍在反修例運動中的「屠龍小隊」，僅餘成員為逃避政權追捕流亡海外，並在台灣開設網店R.S.International（後稱：RSI）。7月中旬，他們在網上發起眾籌，卻被網民質疑身份真偽。

「屠龍小隊」及後發聲明澄清，強調指控是子虛烏有。小隊3名流亡成員Edward、James及Chris向記者表示，各散東西後本想自力更生，但「發覺真係搞唔掂，先迫不得已向大家請求幫助」。他們又認為，所謂的隊名並非太重要，無需再苦苦糾纏於「屠龍」二字。

＊ ＊ ＊

RSI於「GoGetFunding」發起眾籌，表示單靠網店營利，未能應付英、澳、加三位流亡成員的生活開支。豈料鬧出「真假屠龍」風波，有自稱「屠龍小隊A team」的網民斥RSI盜取「屠龍」二字招搖撞騙，更質疑Edward等人濫用眾籌風流快活。

RSI及後發聲明逐點反駁，斥對方造謠抹黑。記者就此向質疑的人士查詢，並聯絡到一名自稱知情人士的社運分子。他坦言，不接受RSI的解釋，但承認手上並無實質證據反駁，一切都是「口同鼻拗」。

他又說，雖然相信RSI等人屬「屠龍小隊」，但質疑：「能唔能夠代表全隊我就好存疑囉。仲有呀，雖然眾籌係一買一賣，但都兩年啦，有手有腳點解仲要靠人搵食呀？」

#迫不得已下求助

「屠龍小隊」回應指：「本來真係想自力更生去應付所有嘅日常需要，但無奈不論係做網購或者打工，都入不敷支。」他們解釋，各成員礙於語言能力及學歷問題，以及受抗爭舊患困擾，目前只能擔任勞動行業散工維持生計，「醫療開支同學費，齋靠打工同網店盈利真係好難cover。」

流亡澳洲的Edward表示，先天眼疾及抗爭舊患已影響日常生活，「兩年嚟只係靠朋友同少量有心人士幫手解決醫療費用。」身在加拿大的James亦受傷患困擾，但兼職工作卻因武漢肺炎肆虐而被辭退，只能暫時放棄求醫，學業計劃亦要告吹。

他們強調，是迫不得已才向大家請求幫助：「呢個時勢大家都艱難，所以只係想向大家講出我哋嘅情況尋求幫忙，籌到幾多對我哋嚟講都係一種支援。」他們又表示，大家亦可以捐款予「612基金」等組織，希望無論在囚、流亡或仍在香港努力的手足都得到關注及支援。

#不執着屠龍之名

對於真假「屠龍」，他們深表無奈：「如果仲要爭論呢兩隻字嘅話，你要用嘅你咪攞去用，我哋無註冊商標，大不了我哋以後叫蟲蟲特攻隊，應該無人會再爭論掛？」他們深信，外界會記得他們所做的事，過去接受的訪問亦經得起「Fact Check」。

Edward及James曾接受《蘋果日報》及《立場新聞》訪問。他們反問：「我哋以前嘅訪問岀街時，點解個班所謂『真』嘅唔跑岀黎話我哋呢？」他們又解釋，過去一直有人借「屠龍」之名「四出呃錢」，「好多嘢我哋都私底下低調地解決左，我哋其實可以將冒認我哋既人公審，但我哋無咁做，係因為我哋唔想所謂既手足再俾人睇到原來係咁醜陋。」

他們斥有人別有用心公審小隊成員，「一個當日選擇行岀嚟嘅人，依家反而會被所謂自己陣營嘅人咁對待。其實到底香港發生緊咩事？」他們又寄語香港人毋忘初心，緊記煲底之約。

截至報道刊登前，RSI共籌得約3.9萬美元，即逾30萬港元。（網站連結：https://gogetfunding.com/r-s-international/ )

#屠龍 #屠龍小隊 #流亡

大家好，我係Edward.好耐無出過post,又打擾到大家唔好意思，幾個月前，當本人被起底之後，係我澄清之後，我都無再發過言，並唔係我驚左起我底既果班人，而係我再唔想同佢地依班廢人泥漿摔角。當我再無理社運圈既資訊之後，我個人的確輕鬆左好多。

首先好多謝各位捐款既有心人先，萬分感激，但我只代表我個人。係依場運動我認識左好多人，但依一路行左咁耐，我真係發現其實政治依個圈真係水很深，我亦都無興趣同佢地玩埋啲咩輿論戰，我只係一介武夫，文字上既藝術我真係無興趣去學習，我依家有自己既生活，只係希望可以盡快係澳洲拎到PR,雖然2019既事件，係香港已經淡忘左好多，但對我黎講，依種回憶應該依世都唔會忘記。

係度講番一句說話先，R.S international並唔等於屠龍，R.S.I 當初創立嘅時候就已經唔淨只得屠龍，因為我地係想用我地少少嘅所謂知名度去盡量幫助多啲人。

如果以後再有類似2019年既運動，大家好想出一分力，希望你地唔好望到我地依啲失敗既例子而令到你地卻步，同時亦都希望你地可以做得比我好。

其實係8月後，R.S所有既言論都同本人無關，希望大家之後亦都唔好再騷擾我，我咁講唔代表本人咩都唔理，扮屠龍既，呃錢既，我都唔會坐視不理，依個Channel,我會交番比R.S international相關既人員去接手番。

祝各位事事稱心，萬事如意。

By Edward