﴿قُلْ يُحْيِيهَا الَّذِي أَنْشَأَهَا أَوَّلَ مَرَّةٍ وَهُوَ بِكُلِّ خَلْقٍ عَلِيمٌ﴾

حيرد الشرق كله أحسن من ما كان بأذن الله يارب 🫂

‏“ كُنتُ أعيش حياةً أنت زينتُها
‏أنت البنُون وأنت المالُ والرَغد”

ربما لا تكون مَسئولًا عن مآسيك، لكنك -وحدك- المُكلَّف بتعافيك .

يمكنك التحدث إلي دائمًا
‏عن ماذا ؟
‏عن أي شيء لا تحتمل نفسك سماعه من نفسك

‏"اعوذ بالله من الإدراك بعد شهور من الغفلة."

الاختلاف كويس، لكن خليه للمعارف ضيفلك وضيفلهم، لكن لما بتحط حد في مكانة قريبة الافضل يكون نفس عقليتك، لانك انت ماتبيش تعيش تبرر وتشرح وتوضح.

أنت مش حتعرف الشخص هذا  كويس ولا لا، الا لما تتعارض مصلحتك مع مصلحته.

لما تلقى حد متجاوزك افرحله بدال ما تفرح إن حياته خاربه بعدك وتبين للناس كيف انت قوي وشوفوه هو كيف ضعيف لأن أنا مش معاه، لأنك حتى أنت عايش أو بتعيش تتمنى تتجاوز حاجات ومش معروف كم بيكلفك جهد ووقت باش تتجاوزها.

ديما كانت عندي قناعة إن الصلح الحقيق ما يجيش بإجتماع، ولا يجي من خلال الناس اللي تقعمز بالقرواطة في الاجتماع، طرق الصلح واجد منها حاجة ما كانتش في الحسبان، سوا كويسة ولا مش كويسة
الصلح مرات يجي بإن تمد إيدك في الأزمة بلا مقدمات، مدة اليد هاذي تسوى مليون توقيع ومليون ورقة مختومة

كل شي ورانا وقاعد يوري فينا إن ما عندناش الا بعض
لو قاعد عندك مشكلة إنك تصفي قلبك مع الشرق ولا الغرب، راجع روحك ما تعرفش أجلك كيف وامتى بيناديك.

أناجيكَ ولستُ ببطن الحوت لكنّني في جَوف الليل أصارعُ وحشةَ أيامي لا إله إلا أنتَ دُلّني.

فيا لقطة إني ما نستجيبش للصدمة في وقتها ولا حتى بعدها بشوية، في واجد مواضيع صارتلي في حياتي ديما اول اسبوع ولا أسبوعين صح جوي اخخي ونفسيتي مش كويسه تكون، لكن نطلع ونخش وقادرة ناخد ونعطي لحد ما، لكن بعدها تظلّم عندي وماعاش عندي قدرة ندير هذا كله

أنا متأكدة إني مش حنكون شخص طبيعي في نهاية سبتمبر وبداية اكتوبر، مواضيع متراكمة مع وضع البلاد حاليا بجديات ما نعرفش شي ممكن يريحني، لكن بدون مبالغة حنعيش نتمنى إن كنت معاهم، متاع نموت معاهم ولا نشوف ونسمع بيهم ماتوا زي ما قاعد يصير توا.

صبرك يارب.

قابلني فيديو متاع الهلال الاحمر إن ماعاش يقبلوا في ملابس خلاص، لكن بالاساسيات التانية مستمر اعتقد مافيش داعي نذكرها لان تعرفوها وقريتوها في سبعلاف منشور

لكن نبي نقول للناس اللي قاعدة ماعطتش أو مش عارفة شنو تعطي
بنقول حاجة تعرفوها لكن الله غالب جيت نحب نكتب واجد

تخش الغذائية تحتك
3-4 دينار
تطلع ب ستيكة امية
ولا كبابي بلاستيك
6-8 تطلع بكلينكس المفرغ
10 دينار
تطلع ب صندوق كيكة متاع خمسين قرش
ولا تلقط اكياس قمامة
12 دينار
تطلع ب 12 كيسة ملح

و واجد كان بنسمي

الخلاصة يعني مافيش حد بيردك
انا بجديات ماعاش عرفت كيف نوصل فكرتي متاع شوف كم عندك واطلع اشري وحط في أقرب نقطة ثقه

ناس الخير واجد ومش واقفة عليك هي، لكن انت وانا وكلنا بحاجة نعطو اكتر من الناس اللي بنعطوهم 🖤

لما تلقى حد يحاول يلهي روحه ويرجع لشوية حاجات من روتين حياته الطبيعي، مش معناها قلبه ميت ولا مش واجعه اللي صار
ما عمره الحزن كان حل، ولا حينفع المتضررين بشي، إنك تخش في كئابة مش اختياري الموضوع، لكن لازم الواحد يوقف على رجليه ويكمل
ما تكونش مصدر ثاني لطاقة سلبية هي في الأصل موجودة

ولو تفكيرك في مراعاة مشاعر الغير، فا هما ما يفضلوش يشوفوا شخص مكتئب، المراعاة تجي من الاشخاص اللي عندهم قوة ايمان تخليهم يقاوموا الحزن وانسانية تخليهم لما يستمروا في حياتهم يعرفوا كيف ما يضايقوش الناس اللي وقفت حياتها

وفي ظروف زي هذي لو تبي فعلا ادير حاجة لصالحهم فا لازم تساعد روحك، عشان تقدر تساعدهم.

لاحظ إن مهما كان الشخص فاهمك، حيجي للموقف المصيري بينك وبينه ومش حيستوعبك فيه.

فَرَوْحٌ وَرَيْحَانٌ وَجَنَّتُ نَعِيمٍ (89)
..
اللهم الجنة داراً ومقاماً للشهداء بإذن الله.

مازالت تؤانسنى كلمة الرافعي :

"‏يجْعلُ اللَّه الهُموم مُقدّماتٍ لنعمٍ مخْبوءة."

بطبيعتنا نحبّوا نأذوا أنفسنا بأي شكل من الاشكال واكبر دليل أننا كلنا مدركين ان مافيش حد يشبه لحد لكن نحبوا نقارنوا..

تعالي..
أيتها السعادة
ولو لمرة واحدة..
حطمي روتين
هذا الوطن الكئيب..
أنثري على قلوب
أنهكها التعب..
حفنة فرح.

عندما تكوني في علاقة مع رجل كريم لست بحاجه الي تلميح أو حتى المصارحه في رغبتك بشراء شيء ما الكريم يكرمك بدون ان تطلبيه و عندما يمتلك المال فسوف يعطيك بسخاء لذلك تزوجي الكريم و ليس الغني لأن ليس كل غني كريم

اللهم إني اخاف الموت علي غفله واخاف الموت علي معصية وأخاف ظلمة القبر اللهم اهدي قلبي واغفر لي واحسن ختامتي واقبضني في ساعة رضا اللهم اهديني ثم اهديني ثم خدني إليك مهتدياً