- ‏"يُدخلك الجنةَ برقاقَةِ خُبز ويَقيك النار بِشِقّ تَمرة، كريمٌ لا يظلمُ مثقالَ ذرة!" ❤️

-

سبحان الله، الحمدلله، لا إله إلا الله، الله أكبر. 🌸

أعوذ بك من أن تجدني ساخطً على قضائك لخير تعلمه أنت واجهله انا، لك الحمد حتى ترضى، ولك الحمد إذا رضيت، ولك الحمد بعد الرضا.. '')🤍

سبحان الله وبحمده، سبحان الله العظيم. 🌸

يا السمحة!
تعالى اقول ليكِ سر!
عايزه طبخك يكون حلوو ولمساتك مميزة ؟!
نفسك تعبك وجهدك في إضافة النكهات ما يضيع سُدى؟!
بتفرحي شددديد لمّا يجيك كومنت كده مضمونه "تسلم الأيادي الأكل رهيب" رهيب  بمعنى حلو ما رهيب التانية 😂
احيانا بتنجحي وأحيانا لا؟!
ح أبوح ليك بسر يخلي اكلك مافي احلى منو!
مبارك ينتفع به من ذاقة
ما تخلي السر يقيف عندك وريهو صحبتك البتشكي ليك الفشل الزريع وربنا يكتب ليك أجر تنفيث كربة
- أطبخي بالذكر 💙
ايوا زي ماسمعتِ كده!
وانت بتطبخي "سمعي السورة الاتقنتيها" سبحي او كبرى استغفري أو صلي على النبي
او استغفري وانا صراحه بحب الاستغفار جدا كلما حاولت ضبط اللسان على ذكر نويت اكماله ثم سهوت اجدني فارًا إلى الاستغفار
من يوم ماعرفت حديث النبي يلي معناه انو الاستغفار يجعل الإنسان مسرور بصحيفته عضدتُ عليه
_أطبخي بالذكر وغير ثواب الأجر بيبارك في الأكل
وبيطلع رهيب شديد صدقيني
-ولعله في رمضان الطبخ  بياخد منك وقت طويل فما تتزمري وتاخديهو كواجب ثقيل ملقى عليك وبيشغلك عن العبادات إنما إعتبريه إصطفاء من الله 
وارضي لانو الرضا في حد نفسه عباده (شايفة كم الأجور؟)
"وابشري بعظيم الأجر إن شاء الله
اذكري الله واطبخي وادعي كمان
ايوا ادعي انو الاكل يطلع حلو وما تستخفي بالموضوع
(يوم الجمعه الفاتت دي كان مفروض اعمل أكله ما جربت اعملها قبل كده وكانت هي الطبق الرئيسي وكنتُ خايفة ما تعجب أهل البيت ويحرّموا على دخول المطبخ وافقد عظيم الأجر ده..
وفي نفس الوقت ماعايزه أخيب ثقة الوالدة ومتوترة شديدة كأنها عملية جراحية خطيره ما مجرد طبخه)

المهم بما انو كان عصر جمعه فكنت منشغلة بالدعاء والطبخ في آن واحد فبعد شوية كده فكرت!
هي ليه ما ادعي انو الاكله تطلع حلوه؟!
المهم دعيت والله "يارب تطلع حلوه مباركة بحولك وقوتك" ونسيت الدعوة وباشرت حياتي عادي
فإذا بالمغرب يأذن ونجتمع ع المائدة وانا قاعدة كده خايفة اتذوقها وتخيب الظنون
فإذا بالأكلة تطلع رهيييييبة بالمعنى الحرفي
احلى من بتاعة ماما أضعاف أضعاف (دي شهادة الوالدة ياخوانا حتى إنها قالت لي "خايفة ابوك تاني ما ما يخليني اطبخ ويستبدلك بي"
المهم يا جميلات استعينوا بالله في كل صغيرة وكبيره من تفاصيل يومك
ادعوا واشكوا لله كل عقبه واجهتكم في الدين أو الدنيا
اشكي لربنا كل حاجة ماتقولي دي حاجة سخيفه
والتجئي لربنا في المقام الأول
حتى لو عايزه تشوفي طريقه" عصير "معين أو طبخه معينه أو استشارة ادعي ربنا يبصرك ويدلك إلى مافيه خير وصدقيني ح تبذلي مجهود أقل بكثثثير في البحث وتوفري وقت
والأهم الأهم طبعا! 💙

استشعري النوايا وكثريها وإنت بتطبخي
- استشعري نية البر (وهي النية الاحب والأقرب لقلبي إذ مامن فرحة تعدل فرحة الأم بنجاح بناتها حتى في التفاصيل الصغيرة دي.. كذلك يعني مافي احلى من انك تشوفي امك مرتاحه)
-نية إعانة الصائمين (واستبشري بعظيم الأجر والثواب)
-نية الإهتداء بالسنة
- نية الرضا
-نية الإحسان "والله يحب المحسنين"
- نية الصدقة بوقتك وجهدك لوجه الله
- نية إدخال السرور على مؤمن
- نية الإتقان يلي بيحبه ربنا جدًا جدًا
وإتفنني في النوايا واستصحبيها كل يوم
وما تزعلي لما يُلقوا عليك مهام كتيرة "لعلها تدخلك الجنة إن شاء الله" والله يحب الصابرين
حولي العادات لعبادات
وتعالى اكتبي لينا عن انعكاس حلاوة الذكر على حلاوة ما تصنعيه
حاولت أُلبس النص رداء الجدية وحُلة العربية فَأبى!
وجاء كده بلهجتنا البسيطة كَ "ونَسَه" أسأل الله أن ينفعكنّ بها
والسلام!
# العُلا - عبد الله

الحالة مستعجلة جدا جدا جدا فضلااااا شيّرو الحالة لكل جهات اتصالكم والدال على الخير كفاعله... عندك خت ما عندك شيّر 💛💛💛💛

طبعًا احنا ناس كبيرة وعاقلة ومؤمنة بالله وموحدة به

فمعنى كدا إننا معندناش غير عيدين
عيد الفطر
وعيد الأضحى.

معندناش بقا عيد أم ولا عيد بطيخ

احنا مسلمين بالله مسَلِمين كل أمورنا له!
ولايجوز لنا نعترض على حكم ولا نجادل فيه

احنا بنقول سمعنا وأطعنا :))

وبس.

‏واغفِرْ لَنا ، إنْ عاهدناكَ ألّا نَعود وعُدنا.

بتذكر أيام النزوح الأولى لمن مشينا الجزيرة
كان وضعنا المادي صعب شديد، يكاد يكون ماف قرش أحمر في البيت لمدة تتجاوز الشهر عادي🤣
يومنا كان بمشي بي دقيق الكسرة البجينا، وملاح الويكة وأيام نجازف لينا حبّتين طماطم من جاي وجاي
ونكورك لي مرت خالي تزيدنا طرقتين كسرة🤣 ونكورك لي خالتي تدينا طماطمة طماطمتين،
وتمشي مآب جري تجيب لينا زيت فول من بيتهم ونزبّط لينا صحن كسرة بي طماطم كااااارب كده نشيل بيو حيلنا لي تاني يوم الحمدلله
بعدو نشوف ويكتنا والأم رقيقة بي وين، وهكذا
الوجبة المفضلة والاقتصاديّة بالنسبة لينا كانت بليلة عدسية، رشة ملح رشة سكر ولو الله اداك رشة زيت🤣♥️
والملاعق تِطَّاقش
مشكلتي معاها كان الحيرقان الما بتطفيو موية الزير🤣💔

أها في ليلة كده من ليالينا، مهوّيين شديد وضاربنا الجوع أها ربّك رب الخير أنعم علينا بي كيس شعيرية وظرف شاي اسمو "البَطّارية"

ولّعنا فحمنا داك وسويناها وشدّينا الشاي ده وقعدنا كلنا في الحوش
الليلة ديك كانت ليلة سعيدة عديل ياخوانَّا
ناكُل ونتمَطّق تحلف تقول بناكل في شيّة جمر يوم عيد🤣 -الله يجازيك يا حميدتي كان سويتا فينا-

بقينا شغالين عاد الليلة عيد أكلنا الشعيرية وشربنا شاي البطّاريَّة🤣🤣♥️

أها بعدها رغم الوضع المستمر والنزوح الـ خشا العضم، ربنا برضو فاتِحا على الناس والخير كل يوم باسِط والحمدلله دايمًا خيرو باسِط🌸

لكن بعد الفترة ديك تحديدًا نحنا بقينا ناس متواضعين شديد، وقنوعِين شديد، وملانين رِضَا شديد
بننبسط بي أقل القليل، ونجود بالموجود ونمد لي الجار ونتذكّر المساكين ونتصدّق قدر ما الله يدينا
احساسنا بالغير بقى زايِد، وشعورنا بي حوجة غيرنا بقى واضح وبقينا نساعد أكتر وندّي أكتر لأننا فهمنا واتعلمنا تمامًا يعني شنو تكون في حوجة أو تنوم جيعان عشان ماف لقمة في البيت!!

عشان كده ياخوانَّا أصلو ما حا ازهج من إني كل يوم أقول ليكم عندنا أخوات نازحات في معسكرات الولايات
والناس شغالة ليهم افطارات رمضانية بشكل يومي تبارك الرحمن
الحوجة يومي في ازدياد
والمبالغ كبيرة وياهو بتتمّا وتتجازف بي جنيه مني وشير منك
وكالعادة ح اذكركم تاني
تُقى صحبتي شغالة افطارات يومية في معسكر نازحات دنقلا (معسكر السرايا)
اتصدّقو في حسابها ده
2228653
تقى عبد الوهاب عباس محمد
ولو ما عندك، احتسب أجر الصدقة بي شير للبوست ده وانتا ماشي♥️

#صفية_مصطفى

الجمعة ٢٩ مارس ( ليلة ٢٠ )
السبت ٣٠ مارس (ليلة ٢١ ) وترية
الأحد ٣١ مارس ( ليلة ٢٢)
الاثنين ١ إبريل ( ليلة ٢٣) وترية
الثلاثاء ٢ إبريل ( ليلة ٢٤)
الاربعاء ٣ إبريل ( ليلة ٢٥) وترية
الخميس ٤ إبريل ( ليلة ٢٦)
الجمعة ٥ إبريل ( ليلة ٢٧) وترية
السبت ٦ إبريل ( ليلة ٢٨)
الاحد ٧ إبريل ( ليلة٢٩ ) وترية
الإثنين ٨ إبريل ( ليلة ٣٠ )


بين هذه الليالي ليلة لو ادركتها خير لك من ألف شهر عبادة ، لذلك الخطة الاوقع والأضمن أن نجتهد في جميعهم بلا استثناء .

سبحان الله وبحمده سبحان الله العظيم

سبحان الله، الحمدلله، لا إله إلا الله، الله أكبر.

كانَ ﷺ يستنِدُ فِي خِطبتهِ إلى جِذعِ شجرةٍ ،
فلمَّا اتَّخذوا لهُ منبراً
سُمِعَ للجذعِ أنينٌ ،
فاحتَضنهُ رسولُ اللهِ ﷺ، فسَكَن ..
كانَ رحيماً بجذعِ شجرةٍ ،
فكيفَ رحمتهِ بأُمَّته ؟!

صلَّى اللهُ عليهِ وسلَّم.

ما أهونَ الدُّنيا على من جعل القرآن إمامَه، وصوّر الموت أمامَه! طوبى لمن جعل القرآن مصباحَ قلبِه، ومفتاحَ لبِّه.

زهر الآداب للحصريّ

مضى مُعظَمه وبَقِيَ أعظمُه..

يارب إن كُنّا مقصرين فيما مضى فأحسِن لنا فيما بقى وتقبّل مِنّا..🌸

- من أراد: انشراح الصدر، وغُفران الذنب، وتفريج الكرب، وذهاب الهَم "فليُكثر من الصلاة على النبي ﷺ"

‏قالْ رَسُول الله ﷺ : " إِنْ مِنْ أفْضِلِ أيّامَكم يوم الجمعة فأكْثِروا عَليّ من الصلاة فيه فإن صلاتكم معروضة علي ".

آللهم صل وسلم على نبينا محمد وعلى آله وصحبه أجمعين. 🌸

‏من ⁦ فضائل⁩ قراءة سورة ⁦ الكهف⁩ يوم ⁦ الجمعة⁩.

‏1- النور والهداية
‏2- ويعصم العبد من فتنة المسيح الدّجال
‏3- الوقاية من فتن الدنيا
‏وقال الرسول ﷺ : ‏"من قرأ سورة الكهف في يوم الجمعة أضاء الله له من النور ما بين قدميه وعنان السماء.