ئارەزووی بینینی تۆم کرد
دڵ لە پڕدا کەوتە حاڵ

هەستی کرد جوانی بەهار
و
هاتە گوێم نەغمەی شەماڵ

بوو بەکڵپه تۆی دەروون
یادگاری ساڵ بەساڵ

هاتە بەرچاوم نیگاری
پرچی کاڵ و لێوی ئاڵ

ئەی فریشتەی سێحری خوایی
وێنه شیرین،شیرین زار

گیانەکەم دیسان بەتۆوە
کەوتمه گێژاوی خەیاڵ

بەژن و باڵات کەرتی ئەندام
لەڤینۆس ساندووه

ڕەوت پیاسەت ڕەوت و لەنجەت
ناسکە یاخود کەوە

پێکەنینت سێحری ڕووته
هۆش و دڵمی بردووە

خوایەکە،ئەو جووتە لێوەی
بۆ مژین ئاڵ کردووه

#مامۆستا_نەجمەدین_غوڵامی❤️
@dloowan

ئێواران...
غەم دێت و لە دەرکە دەدا
لە پەنجەرەوە هەڵدێم.
دەڕۆم خۆم لە نێو شووشەی بادەدا بشارمەوە
کەچی دەبینم غەم پێش لە من
لەسەر کورسی بەرامبەرم دانیشتووە و چەمەڕایە.
دەست لە ملم دەکا و دەڵێ :
دڵنیا بە من وەک شادی بێوەفا نیم!
هەر لە یەکەم ڕۆژی ژیانتەوە
لەگەڵتدا بوومە و هەتا دوا ڕۆژ بەجێت ناهێڵم!
هەڵدەستێ و ڕۆ دەچێتە نێو شووشەی بادەکەوە.
دەیخۆمەوە و تـك تـك
لە چاوەکانمەوە دادەچۆڕێ و دیسان دەگەڕێتەوە لام و بەرامبەرم دادەنیشێ.
ئێواران
دڵم پڕ خورپەتر و چکۆلەتر
لە دڵی پەڕەسێلکە و کۆچەرییەکانە...

#جەلال_مەلەکشا🌱
@dloowan

من زۆر لەغەریبی دەترسم
بانگم کە
با ئەوین بکەم بەسەنگەرم
شکاوە، شکاوە
بەلەمی نەجاتم شکاوە
من بۆنی هەڵۆ،
لەهەناسەی بای زریان دەبیسم
وا دیارە بۆ کۆتر دەرفەتێ نەماوە…

#جەلال_مەلەکشا 🌱
@dloowan

هەتا شنەبات شێت نەکردووە و
نەبووە بە تۆفان،
لەچکەکەت لادە،
با لە ڕەشماڵی بسکەکانتا بگیرسێتەوە.
نەکەی جڵەوی بسکی ڕەش شل کەی،
کە من زۆر ترسم لە ڕەشەبایە!

#مارف_ئاغایی🌱
@dloowan

چی دەبێت
پێنج شەمەیەکی پیر
بۆ من و تۆ بچەمێتەوە؟

#بەختیار_عەلی🌱
@dloowan

تۆ ئەخەمە قەدی کتێبێکی کۆنەوە
تا کەس نەتبینێتەوە تا کەس نەتخوێنێتەوە.

@dloowan