تبقى زينب اميره من ترد مو اسيره


تبقى زينب اميره من ترد مو اسيره
عالميمنه وياهه .. يرعاهه .. رجواهه .. يمشي حيدره
عالميسره حاضر .. ويناظر .. ويحاذر .. سبع الكنطره
*
هاي زينب بت علي والكل يعرفون
هاي اميره وبنت امير وما ينكرون
حاضر وياهه علي يمشي ويه الضعون
حيدر ومن ينذكر يتراجف الكون
لو مشت زينب تغمّض كل العيون
هيّه سنّت للخدر بالدنيا قانون
………………
كمّلت درب اخوهه والعزم من ابوهه
زينب مثل حيدر .. عالمنبر .. من يكدر ..يكسر جلمته
لحسين وفّايه .. والغايه .. بحجايه .. تنصر ثورته
زينب الكلهه غيره من ترد مو اسيره
*
ردت بهيبتهه زينب مو سبيّه
صارو لزينب سبايه آل اميّه
بكربله صارت مثل امهه الزجيّه
ساعه ام وساعه اخت بالغاضريه
بيهه مجموعه صفات الهاشميّه
بالضعن من تمشي جن حامي الحميّه
………………
هيّه صارت كفيله هالمره مستحيله
هالحره مشهوره .. منصوره .. مذكوره .. تنصب محكمه
والفارك اخوانه .. عنوانه .. ايمانه .. من باري السمه
الهه ماصح نظيره من ترد مو اسيره
*
عاليتامه ام الخدر تتناكط احساس
مرّه جنهه حسين مرّه جنهه عباس
ذلت يزيد وكيانه وذيج الارجاس
زينب الحره جبل واهل الغدر فاس
من يمر موكبهه لازم توكف الناس
دنكو من عاينوهه شالت الراس
………………
اسعه سعيك تكلّه جلمه منهه تذلّه
انه الاظل بيهه ..واحميهه .. تاليهه .. تنظر كبّتي
والشام اليّه تظل .. ما انذل .. واتدلل .. وابقه بهيبتي
كبّه الهه جبيره   من ترد مو اسيره
*
تمشي مشية منتصر ماتلوي الشراع
صدك لو كالو علي من خلّف اسباع
 زينب بهيبة مشيهه تلوي الذراع
واحد يحذّر بالآخر ابعد بساع
من علي وعبّاس جمعت كل الاطباع
كبل ماتنكل جدمهه تهتز الكاع
………………
هاي بنت الزجيّه كلهه زود وحميه
ماتمشي مجتوفه .. لللكوفه .. معروفه .. موش مكيده
محّد وصل يمهه .. وكلمهه .. بت امهه .. هاي السيّده
هاي فخر العشيره من ترد مو اسيره
*
هاي امهه فاطمه والدهه حيدر
منهو يكدر يمهه يوصل منهو يكدر
تمشي تتناكط شرف والكون كبّر
قادت الثوره الاميره ودحرت الشر
زينب لسان الفصاحه الما تغير
صارتلهه الشام يعني كلهه منبر
…………………
كلهه غيره وشهامه .. هاي اخت النشامه
والثوره قادتهه .. رايتهه .. شالتهه .. وترفرف غدت
ايتامه اباريهم .. واحميهم .. وارويهم .. يعني اتكفلت
قصّه الهه مثيره .. من ترد مو اسيره
*
بالضعن جدهه محمد حاضر هناك
شاف جبريل ويكله الباري ودّاك
روح وي ام الخدر وعيوني ترعاك
هاك اخذ هاي الملائك كلهه ويّاك
ياحبيبي يامحمد تبجي عيناك
ويّه زينب لاتهم حرّاس الاملاك
……………
لاتهم يامحمد الله بيهه تعهد
لام الخدر زينب .. من يكرب .. لاتتعب .. يابو فاطمه
بنتك نباريهه .. نحميهه .. نفديهه .. ترجع سالمه
خل تطول المسيره  ** من ترد مو اسيره
*

سيد :علي المدني
اداء :ملا. مسعود النصاري

#كتاب_شكر
شور

ياعباس جبت الماي لسكينه
©©©

اتشكرك حيل يالوفيت بوعودك
يالضحيت لجل احسين بزنودك
جبت الماي وترويت من جـودك
يالملگـــاك مثل الماي يرويـــــنه
©©©

عمي اتصيح فدوه انروح لعيونه
جـاب المـاي مـنه اهـواي ممنونه
والاطـفال فضـله اشلون ينسونه
نضمه وگام يمطـر ماي واليــــنه
©©©

الگالو دوم عــذب الماي ما جابه
هاي النــاس يالعــباس چــــذابه
چم عطشان جبت الماي يم بابه
وشاطي ايگوم ينبع بين چفينه
©©©

رادت ماي ونته اتريد ترضيها
زمزم فاض حدر اتراب رجليها
يالسگاي مو بالماي تسگيها
ابدمع العين سكنه اتگول يسگينه

©©©

زينب حــيل يا عبـاس تتشـــكر
الغالي اتگول وفه ودوم ماقصر
مــن انخاه ما فـد يوم يتعــــذر
ابكلمة صـار يلهج دوم حاديــنه
©©©

الخادم
✍كامل السعيدي

وفاة ام البنين ع

كربـله عـنـي بعــيده .. وگبري يم گبره اريده
حـيره والله حيرتي
من يوصل اجنازتي
يم الحسين

__________

گـلبــي حطـيـتـه اعلـه دربـه دگـه تـتبـع دگـه
وبخيالي اگطع لي ديره الشخصه حتى اتلگه
المـوت اجـاني ومـاجاني البـيه عـايش شهگه
الفـرگه تكــتل والـيمـوت امـن المــفارگ حگه

بلكت ايسمعوني ناسي .. وياخذوني التاج راسي
رايـده احچي قصتي
مـن يـوصل اجنازتي
يم الحسين

__________

ابليل هـجر حسين عــيني للصبح مـفتوحه
اعليه احسها ازغيره كلش كلمة المجروحه
البِـگلبه اجروح فـرگـه ماتطــيب اجـروحه
المنتـظر مـثل ابـو اليمه حقـه تطلع روحه

ياهو احشمه وياهو اصيحه .. حتى يدفنـي ابضريحه
عگب ولدي وعزوتي
من يوصـل اجنازتي
يم الحسين

__________

الكربله كـل امنياتي اجـنازتي ايوصـلونها
وكـون بــين الحــرمين الـوادم ايـنزلـونها
بالشــمس تبــقه ثــلاث ايــام ميــشلـونها
بلكت ايصير ازدحام وجثتي ايسحگونها

بلكي احس بالام صدره .. الَهـشمتها اخيول عشره
جاي احچي ابحسرتي
مـن يــوصل اجـنازتي
يم الحسين

__________

نعشي عالـشــباچ يفـتر هـاي ويـن الگـاها
والله گــلــب ام البنــين اشـكـثر يـتمــناها
والصــلاة اعلــه الجـنـازه هـوه لـو صـلاها
باچر اعله الموته انــي ابها الصلاة اتـباها

مـن يگـول الله اكـبر .. جلدي وانه احچيها كزبر
ادعي وابچي ابدعوتي
مـن يـوصـل اجــنازتي
يم الحسين

__________

يـامــن اتشيــعون نعـــش ام البــنيـن ابلــوعه
علـى بــاب القــبــله صيـحو وصلت المـفـجوعه
ادري من يسمعني اجيت ابساع تجري ادموعه
لايــدنــگ عــالجــنازه امــكــســرات اظــلــوعه

مـن كـثر خـيل العساكر .. طشرت صدره الحوافر
علـى هايـه لــوعتي
من يوصل اجنازتي
يم الحسين

_________

ارد انــاشــدكـــم يشــيعه بدمعــتي والـوَنه
ابكـربلاء ايـصــير گــبـــره مــنو مـــايتــمنه
شرد اگول اعله الحسين وشرد اسولف عنه
انـه احــس ابصحنه جــنه واحله من الجنه

انـدفن بالجــنه يــاريت .. ابصحن ابو اليمه تمنيت
الهذي تجري دمعتي
من يوصل اجنازتي
يم الحسين
__________
تمت والحمد لله في ٩/ ٣ /٢٠١٧
حيدر تركي الكربلائي

يجرحي شكدنزفت هموم وديت
أموت بيوم شال الضعن وديت
للمات بشرف للوطن وديت
ثواب الفاتحه بصبح ومسيه
ش علي داود المياحي

بصوت خادم اهل البيت ملا رسول السكيني

أجيت أتوسل أبابك  يبو طلبه   ------   وكحل عيني بترابك    يبو طلبه
    بلا شك مطمئن تكضي قضيتي   ------   أجــيت ومــقـتــنع أخـــذ هـــــديتي 
                           أجيت أتوسل أبابك  *** يبو طلبه
                      *
   1 – أسلــــم وحضــــن الشباج أشمه  *** وشم نسمات صحنك نسمه نسمه
         ألك أمري يقاضي الــروح أسلمه *** الدمـــع بينك وبين حسين أقسمه
    وأسلم ودخل الدارك    يبو طلبه  ------  وكلك أنه خطارك  **  يبو طلبه
   يخــــــف حملي وأحس تنعشلي ريتي  -------  أجيت ومقـــــــــتنع أخذ هديتي
                           أجيت أتوسل أبابك  ***  يبو طلبه
                     ****
    2 – ألك محتاج حاجته غصن للماي ***  أذا  مـو أنته ياهو يوكف وياي
          عكس تمشي بعدها وياي دنياي ***   لئن  أنه أحـــبك كثرت أعداي
    دخيلك كلها عادتني   يبو طلبه  ------  أحس بدموعي ملتني  **  يبو طلبه
       اعتنيت وشايل الـــرايه ومنيـــتي  ------  أجيت ومقـــــتنع أخــــــــــــذ هديتي
                           أجيت أتوسل أبا بك  ***  يبو طلبه
                   *
    3- المهم ترضه علي يبن الزجيه  ***  أنه أبغيرك  يـــغالي مـــا عليه 
        لـــــون  خليـــتها  أيدك  بديه  ***  بعد مــــــا موت  موته جاهليه
  أظل أدلل أبجالك    يبو طلبه  ------  وشد الروح بحبالك  **  يبو طلبه
     وكل العيوني مـــأجوره بجيتي  -------  أجيت ومقـــــتنع أخــــــــذ هديتي
                            أجيت أتوسل أبابك  **  يبو طلبه

4- أنه أعتــــبره اللطم كفارة ذنوب   ***  يوصلني ألك مـــن عده  ماتوب
     تكـول الناس كلمن عده محبوب   ***  ونه الكاظم حبيبي بكلبي مكتوب
أنفذ ماردت مني    يبو طلبه    *   المهم مولاي تقبلني    يبو طلبه
   السراط أعبرها من تختم هويتي    ***   أجيت ومقـــــتنع  أخـــــــــذ هديتي
                            أجيت أتوسل أبابك  **  يبو طلبه
                *
  5- شالوها الجنازه أربـــــع حماميل  ***  غريب ودم عذابك يالولي يسيل
      عليك ينوح عيسى ويبجي هابيل  ***   تره الدنـــيه بهلها  رادت أتميل
  حظر عباس شيعها   يبو طلبه  *   وزينب يجري مدمعها  يبو طلبه
     وطه يصيح خنــــــتوها وصيتي  ***    أجيت  ومقـــــــــــتنع  أخذ  هديتي

                            أجيت أتوسل أبابك  ***  يبو طلبه
                     *
المستهل ///  أجيت أتوسل أبابك  يبو طلبه  ----  وكحل عيني بترابك  يبو طلبه
               بلا شك مطمئن تكضي قضيتي  ----  كـــــــــريم وأدري تطيني هديتي
                                   أجيت أتوسل أبابك  **  يبو طلبه
            **
              خادم العتره الطاهره عبد الجليل علي المالكي