٨١١- عزائنا دائم

نعزي المهدي والمهدي عزانه
وبين النـاس هالخدمه عزانه
يارب العُـــــلا اتقبّــــل عزانه
وارزقنا رضــا الزهرة الزچیه

✍ فراس المحمداوي

ابوذيه

نـظـرهـن شـابـح عـيـونـي.. ويربيك
وعمت عين الـدهـر خويـه.. ويربيك
طحت والشمر كض شيبك.. ويربيك

تـگـوم شـلــون يـاوالـــد رقــيــــــــه
                                                        
                                      *---------------*---------------*


يازينب


أمــــيــره وچــنــت أوّل ..ركــب الحسين
تــفــارگـنـه ونــظــرهــن ..رك  بله حسين
الشـمـر گـدامـي بـالطـف ..رك بـالحـسـيـن

نــظــرتــه وشــحــت انــفــاســي عـلــيّــه

*----------------------*------------------*
✍خـادم الـحسيـن ع
الشاعر رعد الجريخي

ماعاش الباطل والجور == كَل للمتوكل
لا عرشك لا ظلمك دام --- وللهادي ترف الاعلام
كَل للمتوكل كَل للمتوكل
------------------------
هاي دنيه وفلك داير وثابت امر الله وميفتر
سنّة الله بهالخليقه ومنهو اليبدلهه يكَدر
تعود تتكرر هدفهه الخير درب العبد لو شر
وكل ظلم ميدوم الا تشوف كل ظالم تَكَنطر
والماعرف هاي الاسس = بلدنيه امره ملتبس
لاهي بملذّه وما يحس = الا لن كلشي تغيّر
الماياخذ عبره من الراح == وعليها ايعوّل
جم ظالم مرّ بالازمان --- ماخذت العبره من الجان
كَل للمتوكل كَل للمتوكل
-----------------------------
العقل جوهرة العباد الي خلقها الباري فطره
بي نجاة البشر لمن تحكّمه وتمشي عله امره
ولاتظن عاقل الظالم العاقل الفكّر بكَبره
وما خسر نفسه بعناده حيث ما تنفع الحسره
بعقله مصيره يقرره = ويبيع دنيه باخره
وكل طاغي دنياه اشتره = بلايه شك جاهل اعتبره
الجاهل كلمن يخسر غاد == جنّه وميحصّل
بس النار وكل طاغوت --- يتمنه يموت وميموت
كًلّ للمتوكل كَل للمتوكل
-------------------------------
كل بني العباس حكمت بنهج اميّه بجور اكبر
قتلت ودفنت احياء من ال طه وسجنت اكثر
تفننت بجرام بيهم ولو جبل منّه يتفطر
والعله ابليسه ايتوكّل هم أخذ طوره وتجبّر
وبدين اسلافه مشه = بعرش وملك بيه انتشه
ومن عكَب ميصلّي العشّه = وي جواري الخمر يسكر
ومن بيت اموال الاسلام == لسرافه يموّل
طاع الوسواس الخنّاس = الفرْهد من اموال الناس
كًلّ للمتوكل كَل للمتوكل
-----------------------------
ظالم يخلّفله ظالم منوّل لتاليها جرّت
مُلك جن شبه السفينه وبدماء النبي بحرت
وكَال من قطرة دماء اركان عرش الله اقشعرّت
شنذكر شننسه شنسمّي وبيد هالطاغي استقرت
باول ظلم جاب الطهر = لسامره من طيبه بامر
حاقد على العتره اشكثر= وبدليله احقاده سعرت
هوّه الهدّم كَبر احسين == وللنهر اتحول
هدّ الماي وعن مولاي --- حائر مبعد ضل الماي
كَل للمتوكل كَل للمتوكل
---------------------------
وحاول يعيب الكمال والامام من الله كامل
وبعلي الهادي تجسّد مثل أبائه الاوائل
وتدري كل معيوب يكره الكامل الطبعه الفضائل
وبحكم اهل المخازي كل نقص تحصيل حاصل
مجلس خمور ومرقصه = ومنقصه تجر بمنقصه
الامّه الي ترضه ناقصه = بحكم فاسق غير عادل
سكران معربد ويريد == للهادي يزلزل
وشيزلزل من روح الكون --- المتوكل طاغي و مجنون
كَل للمتوكل كَل للمتوكل
-------------------------
وضل ابو محمد الهادي بغربته بدار الآذيّه
بداره محبوس ويعاني من ظلم هالناصبيّه
سمموا سبع الدجيل وشافه سلّمّ للمنيّه
ومكتفه الظالم بهاي وجمّلَه فوكَ الرزيّه
بطاموره خلّاه معتقل = لحد ما كَرب ليه الاجل
بالسم طفووا ذاك الامل = عظّم الله اجرك يغايب --- غدروا بجدك الهادي
----------------------------
قاسم آل واعي 28جمادى2 /1444

كَل للمتوكل ؟ مله حسن الكرعاوي

ليلة العاشر عذاب


ليلة العاشر عذاب ... بيهة ما يخفى المصاب
ليلة ماليهة الدمع
والبواجي تنسمع
بيهة ما يخفى المصاب
.........................................
ليلة ما تحمل فرح تحمل مصيبة
ليـلة مطلعة البــواجي والنحيــبة
جــم حبيب البيهة اليوادع حبيـبة
جــم أميرة البيهة التصبح غريبة
منه ما يحصل محال .... حتى بحلام الخيال
ليلة وحشة بالطبع
........................................
هاية آخر ليلة وي أهــــل الحمية
بآجر أخيام العقيلة أتظل خــــلية
صعبة ما تتوصف أهوال الرزية
أي وحك مكسورة الظلع الزجية
فاجعة تكسر ظهور ... بيهة تتطكع نحور
بيه يتهشم ظلع


ليلة وحشـــة وتخـتلف عــن الليالي
بــيه ما يخفى الــدمع واضح يـلالي
حجي مابيهة البواجي بصوت عالي
كثرة بيهة أعز از التفارك غـوالي
تحمل اموادع رهيب ... والجروح الماتطيب
خضبت عين الشرع
.......................................
لـــيلة العاشــر مصايبهة جثيــــرة
أموادع وفركة ومناحة كلهة حيرة
مــو سهل توديــع سلطان العشيرة
لا جـبيرة الي تحملة و لا زغـيـرة
يكسر الخاطر تراه .... من يعوف أخته وراه
ويطلع أقاتل جمع
.............................................
كلفة هاي الليلة عل الحرة العقيلة
منكسر خاطرهة ياهو التشتكيلة
حسين لــو عـــباس اول تعتنيــلة
احتارت ابأمر الوداع الماله حيلة
ياهو اول بالسباع. .. تكصدة بدمع الوداع
حارت ا بهذا الوضع
.....................................................
ساعد الله حسين مـن ودع خواته
ويا عظم فاجعتة بـــوداعة البناتة
شنو جان الوجه لونه وشنهو ماتة
مـن نظر بنتة رقــية أجـــر عباته
كلبة شال أجم جرح ... كبل لا يطلع صبح
حزن أبو أليمة يشع
.......
الحمدلله رب العالمين
اللهم صل على محمد وال محمد
موسى الخادم
اداء مسعود النصاري

قصيده عاشگها خدمتي
ــــــــــ
🏴🏴🏴🏴🏴

عاشگها خدمتي مختومه ابدمعتي
وكتبتني امي فاطمه ابسجل اليخدمون
من فاطم نعمتي والرفعت سمعتي
سموني خادم فاطمه و من اليلطمون
خادم للزچيه هاي اكبر عطيه
ــــــــ
گلـــبي لبس ثوب العــشگ وتزيّن ابحب فاطمـــه
و شلون حب هذا احله حب تحسدني بي اهل السمه
وتشــرفيت ابهالاســم خــادم و امــي خادمـــــه
و من الله اريدن خدمتــي الآل الزچــيه دايــمــه

اسأل ربي كليوم أخدم فاطمه دوم
وصبح عبدلحسينها و عبد ابوفاضل
نهجي و هذا معلوم ميفيدني صلوه وصوم
لو ما ولاية فاطمه بي گلبي شايل
من رب البريه هاي اكبر عطيه

ــــــــ

ابلايه خدمة فاطــمه صــدّگني ما اسـوه فلــس
لو حتى أصعد للعرش و لو بيدي اكضنها الشمس
لو مــو ولاية فاطــمه برحاة هالدنــيه انعلــس
هيه النطتني هالإســم وكـــثير علـمتني درس

من طينتها طيني سوّتني حسيني
عباسي انا وزينبي وخدم رقيه
هذا هو يقيني لحسينيه ديني
و اسمي صبح كلش حلو عبدالسبيه
شرفتني رقيه هاي اكبر عطيه

ـــــــــــ

تاجي و وسامي خدمتــي وعليّه مَن رب الجلـيل
الدنيه لو ينــــطوهالي لنطي خدمتي مسـتـحيل
أقسم ابسبع الگنطره والـمـرتـضى حامي الدخيل
چا من زمــان انا تهت لو ما لزم ايــدي الكــفيـل

يكفيني يهالناس ايدي ابأيده عباس
وشيريد من الله اللي عنده اكفيل زينب
خادم ورفع الراس لو صير يمه كنّاس
غير الخدامه لا أبد ماريد منصب

ــــــــ
ماچان لو هذا اللطم و هاي المجالس و العزاء
چا دربي ضيّعته وتهت وگضيته عمري بالفناء
خيعونه يمشي ابهالدرب و حط ايده بيد ام الوفاء
وللي تمسكه فاطمه يصعد على اعنان السماء

مديت ايدي الها يازهراء اگلها
عينچ عليّه يم حسن لا تتركيني
كل عقده و عللها بس ايدچ تحلها
ادخيل اسمچ فاطــمه يا نور عيني
بيديها ايديه هاي اكبر عطيه

ـــــــ

خَدّام والخـدمه عشگ والعِشِگ طعمه چالــعسل
و ممنون من ام الحسن سجلتني ابأقدس عـــمل
مرّات احــس ابخدمتي چنـها خلــل بيـها حـصـل
و ما اگدر ارفع هامتي و چنـّي احسّن بالـخـجـل

ماهدّت ايديّــه ويايه الزچيــه
و منّت عليه فاطمه و خلّتنــي خادم
اوگف للـمنــيّه ذمّه اتظل عليّه
لا ما اعوفن خدمتــي وبگبري نايم
من ربي هديه هاي اكبر عطيّه
ـــــــــ

نسالكم الدعاء

ما تـظل حـاير ... يالتگـصد إلها
أطلب الحاجه ... بس من أهلها
.....................
لا تــحير و لا تـأييس ... و الزمان اتدوره
الله خالـــقله أمــيره ... و للحوائج سوره
تلگه عدهه الي تريده ... الگبر من اتزوره
أم أبو فاضل تِوٙصفٙت ... لـ العلل دكتوره

بأستـــشارتهه ... امٙبٙـيِّن فٙضلها
أطلب الحاجه ... بس من أهلها
......................
ماي وجهك لا تـــذبّه ... إلّه يٙـــم أعـــتابها
گبل ما تطلب مرادك ... يعـــتنيك اجوابها
أم البْنين العظـــيـمه ... شگد عظيم ترابها
ماتخيِّب اليعـــتنيها ... بــــاب الله بابـــها

حــاز طِلْـــباته ... كـلمن ســألها
أطلب الحاجه ... بس من أهلها
........................
بفضل الله الحاجه يمها ... بالشــدايد تسهٙل
ألف حــــــاتم يم كٙرمها ... أبــد لا ما يوصٙل
من گبرهه تصيح (حيّهُم)...والله ما تتعطل
حته جــبريل بأســـمهه ... بالســمه يتوٙسٙل

الشِدّه بالدعوه ... تفـتح قُــفلها
أطلب الحاجه ... بس من أهلها
..........................
بيومها اليبچيله دمعه ... بالگبر تبـــچيله
لـ الفرج باب شكبرها ... لـليصيح أدخيله
الفاتـحه من تقره إلهه ... لشِـدِتك تٙسهيله
اليخـــتــم القرأن إلهه ... بلله شتــسويله

بفاطمه الدمعه ... اللــه قِــــبٙلها
أطلب الحاجه ... بس من أهلها
...........................
تحـــضر الكلفات دٙوماً ... والشهود هوايه
(إنّٙ بعدٙ العُــسرِ يُسرا) ... إلهه هــاي الأيه
تريد تعرف مــٙـــنزلتها ... إنـــذرلها أقرايه
بمجلس الينقام إلهه ... يجي راعي الرايه

بلايه چــفـينه ... رايــــه حِمٙلها
أطلب الحاجه ... بس من أهلها
...........................
هيّه سلطانة مضــــايف ... زود بــيها شيمه
اليخدم حسين بحـياته ... تكــــتفل تكريمه
تعتني الناده بأســــمهه ... لوّٙن چــان بهيمه
تريد تگضيلك الـحاجه ... إنـــذُرلها خـــيمه

لو لـــِذِت بيها ... تلمٙـــس عٙملها
أطلب الحاجه ... بس من أهلها

الشاعر حاتم صبري الكاظمي