#الليالي_الفاطمية
#شور_فزعة_حزين

التفكد عدنه والدها..تدك بيبانها الجيران
يقدمون العزه الها..ويواسنها يجن نسوان
بس مولاتنا الزهراء..حرگو بابها ابنيران

توها ما مسحت دمعها..النزل من افراگ ابوها
هيه روحه البين جنبه..وروحه بعده روعوها
حطب لمو بالمدينه..ودار فاطم حاوطوها

على الدار التمو..جريمه
ابألنارِ تُجزى ..الكريمه
المليكة الحورية..وحيده
ووكع محسنها..شكد هضيمه
.................................................................
متعصبه ونحيلة تنوح..واندگ بابها وراحت
والجاني دفع بالباب..انه فاطمه صاحت
وأن صاحلها واتعده..وباب اعلم حسن طاحت

حيل ما عدها بديها..ودافعت باب المنية
وصابوا اضلوع البرائة..وبده الطف بهالقضيه
حسين وين يخلي راسه..وكسرو اضلوع الزجيه

يضل ماله ام باجر..تداري
على الرمله بشمس..الضهاري
بده الطف وي امه..حبيبي
وختامه يضل عالغبره..عاري
.............................................................
بحگها الما يخاف الله..تعده وكام يطلبها
من الجنه تفاحة ..اجت بس رجعت لربها
بضلع محني وزراگ بخد..ومالت جنها معصبها

الرضه ربها من رضاهه..دارهه يحرگوه عليهه
الربنه حط بيها حنانه..النار تالي تحيط بيهه
اسياط وسيوف ومشاعل..وهيه عدها بس اديهه

الزجيه الوحدها..ولوها
ومخافة الله..شو نسوها
وسكوت بمدمعهه..وبجيها
حبيبة حيدر..ما رعوها
..............................................................
دخان وضلام ونار..وباب وناس ملتمة
وطلع حيدر بديه اتراب..من دفنت ابن عمه
ولكه ابنه طايح اعللباب..محسن فاطمه بدمه

اعتذر من فقاره حيدر..وبدت قصة انكساره
اليحمي جاره اعليه تعدو..بوسط اهله وعقر داره
يا شرع يا دين يقبل..الدنائة تمس طهاره

علي الما ثنه بطگ..فقاره
الوصية امقيدته..بقراره
الغيور تحز گلبه..وتعذبه
اذا هجمو غربه..اعلداره

طفله وسبيه    ويلي رقيه
   يا رقيه      يا رقيه
.............................................................
راح اسولف عن رقيه العذبتها كربله
بحضن ابوها تنام چانت والبعد ماتحمله
الگمر عمها واخت الأكبر طفله حيل مدلله
تشبه الزهره الزچيه  وشمعه بين العائله
.....................
وبالغاضريه   ويلي رقيه
يا رقيه   يا رقيه
................................................................
ابكثر ماجانت عزيزه ردت يمي تندفن
تشبه امي وليها انضر  لمّي  لو گلبي يحن
طفله باتت بالخرايب وشكثر شافت حزن
اليل كله تريد ابوها  ابد ما غمضت جفن
......................
تصعب عليه    ويلي رقيه
يا رقيه يا رقيه
.................................................................
بالخيم تنشدني عمه  يمته يخلص هلعمر
عمه زينب وين ابويه گلبي ما يحمل صبر
تگلي رجليه زغيره  شلون امشي علجمر
صعبه عمه عگب ابونه نصبّح بوجه الشمر
......................
بذيچ المسيه  ويلي رقيه
يا رقيه يا رقيه
..................................................................
ومن عگب بدر العشيره يحدي بالناگه اجنبي
وراس ابوها برمح يمشي وراس ابو الغيره الأبي
الحادي ماعده حميه  بسوطه يضرب بت نبي
زغيره حيل وطفله هيه وتعبت بدرب السبي
.......................
بهم واذيه   ويلي رقيه
يا رقيه يا رقيه
...................................................................
للقصر لمن وصلنه رادت اتشوف الحسين
راس ابوها بطشت ويلي ابن أمير المؤمنين
شبگت الراس وشفتها  تقبله وسط الجبين
هيه باست راس ابوها ونگطع صوت الونين
.......................
ياهل الحميه    ويلي رقيه
يا رقيه يا رقيه
............................................................
محمد صادق الدراجي

✍محمد الجماسي

الاهي ارزقني دمعه     وصيرابچفه شمعه
صاحب زماني الملچوم
عايش غريب ومهضوم

ارزقني يارزاق جلمه اطيب اوجاعه
المهدي عمره ينوح ماهودله فد ساعه
بل الليالي الفاطميه يكسراضلاعه
راحته الدمعه وجروحه صارت امتاعه
ابعينك باب وضلوع    اعليك ارزقني الدموع
من دونه اعيشن محروم
عايش غريب ومهضوم

حالتك كلش حزينه تكسر الخاطر
من اليالي الفاطميه اليلت العاشر
اشصاير اباحلك يهمدي ابحالك اشصاير
اشلون تگضيهه الليالي وعل الجرح صابر

يل بچيت الايام        ابگلبك لچمة اسهام
باب ابخيالك مرسوم
عايش غريب ومهضوم

شاب بس ضايع شبابه وعايش ابحسره
مره يبچي عله الخيام ومره عل الزهره
كل كسر بل دنيه يجبر اله بس كسره
شيب من الصطره ذيچ وشدت العصره

خلص عمرك وراح    التحبهم فوگ الرماح
مرتاح احسك لو يوم
عايش غريب ومهضوم

رغم كل هايه جروحك ونته تذكرني
ملتهي ابغيرك وگلك بلكي تعذرني
انكسر وچفوف عطفك تجي ونجبرني
ياحبيبي اشگد احبك انته تعرفني

وياك العشره حلوه      غيرك منهو يسوه
بعدك حزين ومهموم
عايش غريب ومهضوم

الضاگ من زم زم حنانه ابماي مايروي
الرايد يزوره يسجله قبل لاينوي
الدنيه ضلمه ابغير وجهه ونوره اليضوي
زرعه المخضر محنه وعمر بي نحوي

ابحبك يدري ربي     يلمدليني دربي
اخر امام ومعصوم
عايش غريب ومهضوم


سلام  البهادلي

✍سلام البهادلي

يازهراء


حـزنـك  يـا دهـر  لـلـروح ... ويهه
گصدني الضالـم ونـيـران ...  ويهه
لمحته وشاهدت بالخوف   .. ويهه

عـمـر نـفـسه  الـدفـع  بـابـي عليه

*-------------------------*------------------*
✍الشاعر رعد الجريخي

تتشكر الزجيه     من فاطمه الوفيه
تكلها قميص الغالي    جايبته الج هديه
*
الدنيه ماتطلك بعد وتجيب مثلج
والله لو اعلك العشرة اشموع لجلج
ما اجازي وكفتج لا اجازي فضلج
غير بس مشكوره يم عباس اكلج

يم الوفه وفيتي     وبربع ولد ضحيتي
ما انسه كل وكفاتج     يالطاهره الابيه
***
جنت أبو فاضل اكمطنه بديه
وجربه اسويله وعلم للغاضريه
كلي سويلي ملابس عسكريه
وخيمه سويلي عله ذوقج زينبيه

ادري الولد رفعت راس     صحت ونعم من عباس
ميعوف زينب رايح     اوليدي للمنيه
****
يوسف بقصة قميصه تعرف الناس
رد نظر يعكوب لمن شمه بحساس
حسين باجر كربله ايزيينها بالياس
وترجع بشمة قميصه اجفوف عباس

حسين القميصه انظر جاي      ايلوك عله عباس اهواي
بحسن الكمر اعاين      تتغزل الثريه
****
وي بنينج سولفت ذيج المسيه
آنه ما أوصل تره اتراب الزجيه
جيت الكم خادمه تقبلون بيه
وادري حته خادمه اهوايه عليه

لو بيه ترضون ارتاح     بعيوني اخليكم راح
خدامه اصيرن عدكم        تتفضلون عليه  
**
انتي مو خدامه لا إنتي أميره
انتي يم عباس عدنه شكد جبيره
انتي من كد الوفه تبديتي غيره
وصار بالطف كشختج بدر العشيره

الحلوه جنتي تركضين    من يطلب الماي حسين
فدوه العطش ليك ايروح    من أيدي هاك اميه
**
اباب بيتج صبت ادموعي عله الخد
وما اجيت آخذ مكانج ربي يشهد
اشجاب فاطم بت حزام البت محمد
الفرق كلش جبير وصعبه ينعد

شجاب الاميره عله الناس     ويالخادمه ماتنقاس
خير النسه وعظيمه    وانتي حوراء انسيه
****
تمت
ميثم العمري

✍ميثم العمري

ابوذيه

حـزنـك  يـا دهـر  لـلـروح ... ويهه
گصدني الضالـم ونـيـران ...  ويهه
لمحته وشاهدت بالخوف   .. ويهه

عـمـر نـفـسه  الـدفـع  بـابـي عليه

*-------------------------*------------------*



أخـوي أدري الـعـسـاكـر  ..  مايبيهه
يـرد چــان وجـربــتـهـه  ..  ما يبيهه
سـاعـه الـلـي نـخـيـتـه  ..  ما يبيهه

أحـتـرگـت خيّمتي وطاحت علـيـه

*---------------------------*-------------------*

✍خادم الحسين ع
الشاعر رعد الجريخي

#ابوذيات

ابوذيات لاستشهاد السيدة الزهراء عليها السلام

،،،،،،،،،،،،،،،،،،،،،،،،،،،،،،،،،

تون واطفالهه ونو لونهه
مصايب هلدهر وسفه لونهه
تظل ويانه بس ليله لو انهه
بعد منريد كلشي وهاي هيه

،،،،،،،،،،،،،،،،،،،،،،،،،،،،
 

احلف الموت بيمن ما يمرهه
ينار الروح ماصح ماي يمرهه
يهل تنشد الدنيا ما يمرهه؟
اگلك فاطمه البعدت عليه

،،،،،،،،،،،،،،،،،،،،،،،،،،،،،،،

وسفه الصوت راح وبعد ون صار
تحت ذاك التراب اندفن ونصر
يهلتسأل عزيز الروح وين صار
خذاه الموت وسفه وگطع بيه

،،،،،،،،،،،،،،،،،،،،،،،،،،،،،،،،،،،،

عطشنه اوهام وانتي الماي يمنه
ونحس بالدنيا لو تبقين يمنه
سمعت اطفالچ يصيحون يمنآه
الحسين يگول لتعوفين اديه



،،،،،،،،،،،،،،،،،،،،،،،،،،،،،،،،،،

اوسدچ علرمال شلون بيداي
وضلعچ فاطمه يأذيچ بيه داي
يچف الشالت ام الحسن بيدي
ويجدمي اثگل جنازة كون بيه


،،،،،،،،،،،،،،،،،،،،،،،،،،،،

يدنيه الشال من عندچ ولي راح
مشت مني واجاني الهم واليراح
شنهي الباقي البعمري والي راح
الف يا حيف خلصت هاي هيه

كلمات الخادم   /  رعد الفريجي

#اللهم_عجل_لوليك_الفرج


(ليلة استشهاد مولاتي فاطمة الزهراء عليها السلام. ١٣/جمادي الأولى /١٤٤٤هج الروايه الثانيه)

(ليلة استشهاد مولاتي فاطمة الزهراء عليها السلام ١٣/جمادي الأولى /١٤٤٤هج الروايه الثانيه)

نزله لمولانا ابا الفضل العباس عليه السلام
لخادم العباس ع
حــــــــــسيـن الـــــــــــطائي ✍️



يبو فاض دخيلگ يبو فاضل


عباس يا بيرغ علي ياتاج راسي وياهلي
((يمعادل الفين))

عباس زينب نادتك وبصوت هيه صاحتك
((ياضهر الحسين))

عباس خبلت العده والله يمطرلك نده
((يارمش هالعين))


سبعين الف يعادل
وبكل فخر يقاتل

يبو فاضل دخيلگ يبو فاضل

@@@@@@@@@@


يحسين يابعد امك وشعجب نازل دمك
((ومرمي عالكاع))

وبكلب زينب حسره والخيل داست صدره
((انهضلي ابساع))

عباس محله هيبتك بالسمه رفت رايتك
((واهتزت الكاع))

وبيدك شلت رايه
وزينب اجت مشايه

يبو فاضل دخيلگ يبو فاضل

@@@@@@@@@@


والماي جابه بجربته وزينب اخته نادته
((فكدتك العين ))

عباس سبع الكنطره وحسين كطعو منحره
((ونته ابلا جفين))

والكمر يطلع بالسمه وعباس يكتب فاطمه
((فخرج الحسين))

عباس خلص هالزلم
من شال بيده هالعلم

يبو فاضل دخيلگ يبو فاضل