اذا طيفك يمرني بوحشة الليل
أشم ريحة حرگ ما بين ألضلوع

لـِ #الگاطع

أنه ليليه اعله طيفك أنخه عيني

لـِ #محمد_لفته_العماري

يجي الليل
ويدگ باب الجفن طيفك 

لـِ #علي_رياض

يمر طيفك يناغيني
وأرد إردود
أدري الطيف ما ينجاس

أگود السهر بعيوني
وترد الليش بيه تعيل
وأتمناني دون إحساس

#وجدان_النقيب

شبعد وتحن على عيوني؟!

3-3-2024
8:08
‏سيعوضك اللّه لأنك رضيت في وقت لم يكن فيه الرضا عليك سهلاً .💙

انطرك واغفة دمعة بعين كل مشتاگ.

لـِ #علي_الجاف

شايف من تمر فتره إعله الفراگ
وبالگوه تهود گلبك الطاگ

تريد تشوف ولفك وين ماوين
شني اخباره، عايش، زين، مو زين ؟!

تسمع ياحريمه وتشتهي الموت
اذا بالصدفه شفته گبالك يفوت

مجربها لمن تتلاگه بالراح
وشلونك تگله، يگول مرتاح

لو لمن تريد تگول مشتاگ
بس تشوفه شو لايگله الفراگ

لو من تبتسم ويجاملك هيچ
وينساها وگفتك بالشمس ذيچ

ساعتها بحر ما يكفي للريج

لـِ #عبدالله_العبدلي

الظلمة حكمت علي ، مشتاگ لخیالي
و اضعف لحد ال " ضعت "
الله يعين الجسم لَمن تجي ببالي

لـِ #علي_مهدي

أرجعلي مو كُلشي أختلف
كُلشي تغيـر عـطره

وحروف أسامينا بدت
تختفي من الشجرة

أرجعلي مو مليت أحس
 نفسي غريب بحلمك

يالـ بالعقل شيلزمك !
لا أعرف ارسم صورتك
ولا أريد غيري يرسمك

لـِ #احمد_عاشور💙

نوبات اغفه عل التصاوير
ونتحلم ومانلكه تفسير
النوم اذا ماعنده جنحان
جا ليش من عيونه يطير ؟
#علي_مالك_الموسوي

١ رمضان 🌙✨💙
نسألك اللَّهُمَّ أن يكون شهراً تُختتم به أحزاننا وثلاثين يوماً عامرة بالطمأنينة والاستجابة.

‏اللَّهُمَّ لك الحَمدَ أن بلغتنا شهر رمضان
اللَّهُمَّ وفقنا للصیام والقیام
وكُل عمل یقربنا الیك
‏
مُبارَك عَليْكُم الشّهرُ الفَضيل 🌙✨💙