🇺🇿🇺🇿🇺🇿🇺🇿🇺🇿

"Milliy tiklanish" demokratik partiyasiga qanday a'zo bo'lish mumkin? Homiylik qilish tartibi haqida bilasizmi?

🚀 @deputatlar_nima_deydi саҳифасини кузатиб боринг

Дебатларда партия раҳбарларини кўрамизми?

Сайловолди жараёнларининг муҳим босқичи бўлган дебатларга ҳам яқин қолди. Дебатлар сайловларнинг якуний натижаларига таъсир этувчи илғор ва муҳим сиёсий усул ҳисобланади. Халқимиз шу дебатларни кўриб жон куйдирадиган ҳақиқий депутатиниям, ичи "бўшроқ" популистлариниям таниб олади. Шунинг учун дебатларни ҳамма партиялар муҳим деб билиши керак.

Масалан, 🟡Экологик партия раиси Абдушукур Хамзаев дебатларни “марди-майдон” деб атапти. 🟡«Адолат» СДП Кенгаши раиси Робахон Махмудова партия дебатларга ҳар жиҳатдан тайёрлигини таъкидлаб, платформа сайловолди дастурида кўтарилган ғоя ва таклифларнинг қанчалик керакли эканилигини очиб берувчи “ажойиб имконият” сифатида кўрган.

🟡 Халқ демократик партияси етакчиси Улуғбек Иноятов “ғоялар тўқнашуви”га ўз сўзини айта оладиган, амалдаги тажрибага эга депутатларни тайёрлаш муҳим деб ҳисоблайди. Актам Ҳайитов ишонч билан 🟡 “ЎзЛиДеП “ дебатларга анчайин яхши тайёргарлик кўрганини айтган. Алишер Қодиров ҳам бўш келмасдан 🟡 “Миллий тикланиш” демократик партияси ҳам ғоялари бошқалар таклиф қилаётган ғоялардан самаралироқ эканлигини кўрсатиш учун ҳар қандай рақобатга тайёрлигини таъкидлади.

Сўзда ҳамма гап айтилиб бўлибди чоғи, энди навбат амалда кўрсатиб, очиқ дебатларга киришишга.

Нима ҳам деймиз, осон эмас бу майдон ичра турмоқ...

🚀 @deputatlar_nima_deydi саҳифасини кузатиб боринг

🇺🇿🇺🇿🇺🇿🇺🇿🇺🇿

🇺🇿 Тарбияланмаган инсонга таълим берсангиз, атом бомбасини яратади

Охирги пайтларда "Миллий тикланиш" демократик партияси раҳбари Алишер Қодировнинг нутқларидан таълим ва тарбия мавзуси тушмай қолди. Энг қизиғи, фикрлар бир-бирини ҳам тўлдиради, ҳам бир хил жойларда инкор ҳам қилиб қўяди.

Бола туғилганида соф бўлиши, тарбиядаги хатоликлар сабабли бераҳм инсонга айланиши мумкинлиги айтадиган Раис, мактабда ўқитувчида эркинлик, ўқувчида интизом бўлиши шарт деб, тарбия масаласида кескин қарорлардан қочмасликка даъват қилиб келади.

Қодировнинг айтишича, тарбияланмаган инсонга таълим берилса атом бомбасини яратади, лекин, тарбия кўрган инсон таълим олса Алишер Навоий бўлади. Бутун дунёни тинчликка тотувликка чақиради.

Яқиндаям жаноб Қодиров ҳаётда бахтли яшаш учун олий таълим дипломи керакмас, инсон ҳунарманд бўлиб ҳам бой бўлиши мумкинлигини таъкидлаб, мактаб олий таълим муассаса имтиҳонига эмас ҳаётга тайёрлаши кераклигини айтган эди.

Дўппини бир четга қўйиб, ўйлаб кўриш керак. Бошқа маънода айтилган бўлсаям, Алишер аканинг бундай қарашлари таълим соҳасига эътиборни пасайтириб юбормасмикан? Ҳар ҳолда ўқитувчиларни ойлигини кўп деган партия раҳбаридан буни кутса бўлади.

Умуман олганда, "Миллий тикланиш" демократик партияси сайловолди дастурида ҳам айнан таълим ва тарбияга оид масалалар жарангласа керак(а)?

(P.S. Qodirovning tasdiqlanmagan alifbodagi postlarini öqib çiqişning özi bölmadi oma 😁)

🚀 @deputatlar_nima_deydi саҳифасини кузатиб боринг