Сайлов кампаниясига старт берилди: ХДП ва Экопартия нега жим?!

Марказий сайлов комиссияси мажлисида шу йилнинг 27 октябр куни Олий Мажлис Қонунчилик палатаси ва маҳаллий Кенгашларга депутатлар сайлови бўлиб ўтишини маълум қилди ва сайлов кампаниясига старт берилди.

Старт чизиғига биринчилардан ЎзЛиДеП етакчиси етиб келди. Нега десангиз партия етакчиси сайловга қай даражада тайёр эканлиги юзасидан муносабат билдирди. Кўп ўтмай қадриятларга таянган “Миллий тикланиш” партияси ҳам муносабат билдириб, бўлажак сайловда юқори натижага эришиш ва сайловчилар ишончини қозонишини эълон қилди.

Сайловчилар ҳуқуқ ва манфаатларини ҳимоя қилишни мақсад қилган “Адолат” СДП раҳбари Робахон Маҳмудова ҳам кўп куттирмади.

Аммо кун ўз ниҳоясига етаётган бўлсада мухолиф партия ҳисобланган Халқ демократик партияси ва яшиллар партияси бўлган Экологик партия негадир жим?..

Аслида бу сафарги аралаш сайлов тизимида аввалгилардан фарқли равишда партиялардан фаоллик кўпроқ талаб қилинади. Сайловчилар партияларга овоз бераётганда партияларни таниши, билиши, энг муҳими унинг ғояларига эргаша олиши керак!

ХДП ва Экопартиянинг баёнот беришини кўзимиз муштоқликда кутамиз…

https://www.tg-me.com/aksentuz