🗓🗓🗓🗓🗓🗓🗓 : Судьяларни ишини камайтирамиз

Яқинда бир адвокатдан иш кўплигидан туманлардаги судьялар тушликкаям чиқмай ишлаётганини эшитиб қолгандик. Ҳисоб-китобини айтди, битта ишни кўришга 20 дақиқача вақт кетяпти экан.

Ростданам, статистикани қарасак, хар 100.000 аҳолига бор-йўғи 3-4 тадан судья тўғри келади. Узоқроқ муҳокама қилинадиган фуқаролик ишларини дақиқалар улушида ҳал қилиш чиндан ақлга сиғмас ҳолат. Бу ёқда Ўзбекистон аҳолисиям кундан-кунга кўпайиб бораётган бўлса...

Масаланинг долзарблигини ҳис қилган “Адолат” СДП ўз сайловолди дастурида судьялар сонини кўпайтириш, судьяларнинг ихтисослашувини янада кенгайтириш ташаббусини илгари суряпти экан.

Шунингдек, таклифдан судьялар сонини аҳоли сонига мутаносиб равишда кўпайтириш, шунингдек, уларнинг ихтисослашувини янада кенгайтириш, жумладан, меҳнат, солиқ, молия, интеллектуал мулк, вояга етмаганлар ҳуқуқларини ҳимоя қилишга оид низолар бўйича ихтисослаштирилган судьялар корпусини яратиш кабилар ўрин олган.

Албатта, таклиф ўринли. Шу билан судьяларимизниям бошоғриғи камайиб, суд тизимида ўз ечимини кутаётган муаммолар ҳал бўлиб кетса не ажаб.

🚀 @deputatlar_nima_deydi саҳифасини кузатиб боринг

👌😎😙🙁😇🤓 : Сувдан самарали фойдаланишга қаратилган Миллий дастурни қабул қилиш лозим

Охирги пайтларда сув муаммоларига кенг эътибор қаратилиб келиняпти. Глобал сув танқислиги кучаяётган бугунги кунда сувни қадрлаш ва тежаб фойдаланишга эътибор бериш керак. Томчилатиб ё бўлмасам ёмғирлатиб суғориш технологияларини шунга мисол қилса бўлади.

Шу қилинган ишларни деб, 2023-йилнинг ўзида 2 млрд. куб метр сув тежаб қолинибди.

Ўзбекистон Экологик партияси бу ислоҳотларни давом эттириб қишлоқ хўжалиги, саноат ва иқтисодиёт тармоқларида сувдан самарали фойдаланишга қаратилган Миллий дастурни қабул қилишни таклиф қилмоқда.

Мазкур дастурда сув тежовчи технологияларни жорий қилиш, сувни етказиш харажатларини қисқартириш, йирик саноат корхоналарида ҳосил бўладиган оқова сувларни дастлабки тозалаш тизимларининг самарадорлигини аниқлаш ва такомиллаштириш, тозаланмаган оқова сувларнинг ҳавзаларга тўғридан-тўғри ташланишининг олдини олиш, ярмига камайтириш ва дастлабки тозаланган сувларни қишлоқ хўжалиги мақсадларида қайта фойдаланишни жорий этиш масаласи акс этган.

Бундан ташқари, саноатда айланма сув тизимини кенг жорий этиш ҳамда тозаланган сувларнинг сув айланма тизимига қайтарилиши даражасини 25 фоизга етказиш, ер ости сувлари сатҳининг пасайиши кузатилаётган ҳудудларда дарё тубини чуқурлаштириш ишлари ҳам миллий дастурда акс этиши кўзда тутилган.

Хуллас, сув билан боғлиқ нима масала бўлса ҳаммаси шу дастурда бўлар экан. Партия эса ўз таклифи сувни тежаш ва исроф қилмасликни кундалик одатга айлантиришига ишоняпти.

🚀 @deputatlar_nima_deydi саҳифасини кузатиб боринг

🧠 Сунъий интеллект медиа соҳасига жадал кириб боряпти

🎞 Айтилишича, шу видеони тўлиқ сунъий "ақл" ясаган экан. Материалдан қайси партия қанақа фикр билдиряпти, бу таклифларнинг бир-биридан фарқи нимадалигини билиб олсак бўлади.

🚀 @deputatlar_nima_deydi саҳифасини кузатиб боринг