🗓🗓🗓🗓🗓🗓🗓 : Бир миллион долларлик зарарни йўқотамиз

Партия сайловолди ташаббусларида давлат бюджетидан мақсадли фойдаланишгаям эътибор беряпти. Партия айтишича, давлат харидлари шаффофлигини таъминлаш, бу жараёнда коррупция бўлмаслиги жиддий масала.
Хусусан, партия давлат харидларига оид қонунчиликни такомиллаштириш орқали бюджет маблағларидан оқилона фойдаланишга эришмоқчи.

Статистика кўриб чиқилса, Адолат’чиларам бекорга гапирмаяпти дейсиз.
Масалан, шу давлат харидлари билан боғлиқ жиноятлар орқасидан давлатга 2022 йилда 1,3 трлн сўм зарар етказилган.

Хўш, "Адолат" СДП нималар таклиф қиляпти:

➡️ Амалдаги норматив-ҳуқуқий ҳужжатларни коррупцияга қарши экспертизадан ўтказиш

➡️ Тўғридан-тўғри шартномалар тузиш билан боғлиқ истисно нормалар ҳамда берилган турли имтиёз ва преференцияларни қайта кўриб чиқиш

➡️ Бундай истисноларни фақатгина қонун билан белгилаш тартибини жорий этиш

🚀 @deputatlar_nima_deydi саҳифасини кузатиб боринг

🗓🗓🗓🗓🗓🗓🗓 : Конституция хиёбони — Конституциянинг жонли рамзи бўлади

Маълумки, 2023 йил 30 апрелда умумхалқ референдуми орқали янги таҳрирдаги Конституциямиз қабул қилинди. Моддалар 128 тадан 155 тага, ҳуқуқий нормалар 275 тадан 434 тага кўпайиб, бош қомусимиз 65 фоизга янгиланди.

Шу янги таҳрирдаги конституция ташвиқотини кўпайтириш учун "Адолат" СДП ўзини сайловолди дастурида Конституциянинг рамзий монументи ўрнатилган “Конституция хиёбонлари”ни барпо этишни таклиф қилибди.

Партия фикрича, хиёбон конституциянинг жонли рамзи бўлиб, фуқароларни конституциявий нормаларга риоя қилишга, уларни қадрлашга даъват қилар экан.

Энди дўппини бир четга олиб, ўйлаб кўрайлик. Бизда рамзий маънога эга қатор боғ ва хиёбонлар шусиз ҳам мавжуд. Конституциянинг хиёбони халқимизга қонуннинг муқаддаслигини нечоғлиқ ҳис қилдира олади? Аввало ана шундай рамзий боғ ва хиёбонлар ўз вазифасини қанчалик ўтамоқда?

Таклиф яхши, лекин бизнингча бу борада яна озгина таҳлиллар керак. Буни партия чуқур ўйлаб, ғояни янада пишитса яхши бўларди.

🚀 @deputatlar_nima_deydi саҳифасини кузатиб боринг

🗓🗓🗓🗓🗓🗓🗓 : жиноятдан зарар кўрганларга ёрдам берамиз!

👍👍👍👍👍 : биз ҳам қараб турмаймиз!

Бирин-кетин партиялар сайловолди ғояларини халқимизга етказишмоқда. Партиялар одамларимизнинг қонуний манфаатларини ҳимоя қилишга қаттиқ бел боғлашган шекилли, сўл партиялар ғояларида ҳам булар акс этяпти.

Масалан, “Адолат” СДП жиноятдан жабрланганларга кўмаклашишни замон талабларига мослаб такомиллаштиришни таклиф қиляпти. Бунда партия моддий зарарни қоплашга урғу бермоқчи.

Ростанам, айбдордан жабрланувчи фойдасига моддий зарарни ундириш энг чўзиладиган ва бош оғриқ жараён.  “Адолат” СДП эса зарарни айбдор тўлаб берадиган кун келгунича жабрланувчига зарарни махсус жамғармалар ҳисобидан қоплаб бериш таклифини беряпти.

“Адолат” га ёндош тарзда "Халқ" ДП ҳам аҳолининг турли қатламларини, дейлик, ижтимоий ҳимояга муҳтож, оғир аҳволга тушиб қолган фуқароларни қўллаб-қувватлаш тизимини такомиллаштиришга эътибор қаратмоқда. Партиянинг фикрича,  мамлакатимизда ижтимоий кодексни ишлаб чиқиш вақти етиб келди!

Бундай ҳужжат оғир ижтимоий вазиятга тушиб қолган фуқаролар тоифаларини ва уларга кўрсатиладиган ёрдам турларини аниқ белгилашдан ташқари,  ижтимоий нафақаларнинг янаям адолатли тақсимланишини таъминлашга хизмат қилар экан. Ўйлаб кўрилса долзарб, бу уларга кўрсатиладиган кўмак турларини аниқ белгилашга ёрдам бериши мумкин.

🚀 @deputatlar_nima_deydi саҳифасини кузатиб боринг