لطميه للوداع


الليله الفاطميات ........ ايونن حزينات

اجن الخيمت حسين ........ ايهلن دمعت العين

باجر ويه شمات ...... ايونن حزينات

📚📚📚📚📚📚📚📚📚📚

الليله الفاطميات اجن ايودعن حسين

من طبن الخيمه جرن حسره وونين

بس هليله يمهن الوالي بالصواوين

بلا وليان باجر يبقن بس نساوين

لمن حل الوداع ..... كامن للولي بساع

ايودعنه الهاشميات .... ايونن حزينات

📚📚📚📚📚📚📚📚📚📚

وزينب يم اخوهه اجت كعدت ابهمهه

الله ايعينهه شلون من شافت ابن امهه

كلهه زينب حسين اومن سمعت بأسمهه

اوجعهه الكلب حيل اوصاحت من المهه

ها يحسين خويه ..... يبن امي وابويه

اوكوه تجر ونات ..... ايونن حزينات

📚📚📚📚📚📚📚📚📚📚

كلهه حسين زينب خويه يالعقيله

ارد اوصيج ابوصيه اومتكطع دليله

هاي الحرم كلهه واطفالي والعيله

امانه اصير عندج اوصاهه ابعليله

عينج على السجاد .... مريض اوكلبه مراد

يضل يهمل الدمعات .... ايونن حزينات

📚📚📚📚📚📚📚📚📚📚

يكللهه يزينب اعيالي امانه

عندج خل يضلون من تهجم اعدانه

لان لاحامي عندج او لا ناصر اهنانه

باجر جوه الخيل صدري ايضل مجانه

وترض ضلعي الخيل .... اومايبقه بعد حيل

واجرن كوه حسرات .... ايونن حزينات

📚📚📚📚📚📚📚📚📚📚

لو شفتيني على الكاع خويه يبت حيدر

لمي اطفالي كلها اوهيمي بساع بالبر

كبل لا تجي عليكم عدواني والعسكر

تحركهه الصواوين او ترعبهن الخدر

الحرم يالهاشميه ..... وصيهن وصيه

اريدنهن عفيفات .... ايونن حزينات

📚📚📚📚📚📚📚📚📚📚

خليهن عفيفات ويحفظن خدرهن

لأن بس ليله وحده اويكومون ابيسرهن

وهذا الشمر زينب على الصرعه يمرهن

اريد العفه بيهن ويكثرن من صبرهن

تره احنه المتنه على الدين ... اوطبينه الميادين

وادريجن حنينات ..... ايونن حزينات

📚📚📚📚📚📚📚📚📚📚

*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/dchhtg

نواعي للاحباب

كلبي شتاك للبيهم محنة
وعليهم اجر ونه علة ونه
يوجعني كلبي اهيسنه
علة الراحو اوماردوا النه


عزاز الكلب جنهم نسونه
ناموا عنه اوتيهونه
ذولة الاحنان الدللونه
النحبة ليش ايغمض عيونه


بعد شيعودهم ذولاك الاحباب
اوهيهات اديهم تدك بالباب
خلونه بس الدمع سجاب
اويلاه يافركت الغياب


راحو بعد مامرو علينه
ولاشافو دهرنه اسوة بينه
خذة عزازنه من بين ادينه
وعليهم ونينة اوبجينه


مادروا اسوة زماني
من راحو ولية ولاني
طكني علة عيوني اوعماني
والدور وحشة والمباني



بعد المباني شلي بيها
ماتنطب اذا شايل وليها
مامر بعد واعتني ليها
شكلهه بعد او شحاجيها



تمت بقلم الشاعرة الملة ام حسين الحسناوي مشكولة الذمه كلمن يغير الكلمات اوينسبه https://www.tg-me.com/um_H_u_s_s_e_i_n

تجدون التكملة في ديوان المصيبة الزينبية جزء الاول

سلام عليكم ورحمة الله وبركاته
احباب الحسين وعشاقة اكو ضاهره صارت ابهالايام شعراءاوشاعرات ايسمون ارواحهم شعراء لاكن مايجيبون شي من الشعر شيسون كاموا ايسرقون من هذا اومن ذاك علمود ايصعدون

حسبالهم ايصعدون لاكن الحسين ايشوفهم من بعد رب العالمين اني بالنسبة الية الشاعرة الملة ام حسين الحسناوي وعن كل اخواتي الشاعرات المخلصات ابشعرهن اللة ايوفقهن اللي هواي منهن انسرقت مستهلاتهن اوقصايدهن اشكي الذمه وخصيمه رسول الامه محمد. ص وكلما ادخل علة سيدي ومولاي امير المؤمنين ع. اشكو عندة

واكلة فلان وفلان سارقين قصائدي او قصائد غيري اشكو الذمه علة الياخذ مستهل اويغير اويلعب بلقصائد الانزلها للقنوات والتنزل بالمكاتب

لطمية لعلي الاكبر عليه السلام


شالوه النعش اوبيه الولد غافي
شفته اوذهل عقلي اوبدل اوصافي
✍✍✍✍✍✍✍✍✍✍

شالوه النعش واصرخ واصيح ابصوت
هنا يالماخذه نزلي التابوت
ارد اكلة اوليدي مووكته هسة الموت
يبني أتعال نام ابحضني الدافي

✍✍✍✍✍✍✍✍✍✍



يبني اتعال لية اوعوفهه الخنگه
يحلو الطول يبني ويا حلو الملگه
يون عليك گلبي ياعلي حگه
يلولي اوياي وانه امغيرة اوصافي

✍✍✍✍✍✍✍✍✍



راح امك تعبهه ذاك وارباهه
الشالتك تسع اشهور بحشاهه
اوكل طلگه التجيهه الموت راواهه
اوشفت الموت يبني اويبست اشفافي

✍✍✍✍✍✍✍✍✍✍



وسفه شالتك ربعك يغسلونك
وبماي البارد ذبوا علة عيونك
اوجفن ابيض يالمدلل يلبسونك
ردت انه اموت وانته اخلافي

✍✍✍✍✍✍✍✍✍✍



تعال ابساع لية الحيل هديته
اطيت العمر لو ردته اطيته
واحسب الربه والتعب جازيته
بس خليني اشوفنك بعد كافي

✍✍✍✍✍✍✍✍✍✍




تمت بقلم الشاعرة جنان الحسناوي
لايجوز شرعا وغير مبري الذمه
كل من يحذفاسم الشاعرة اوينسب القصيدة لة
https://www.tg-me.com/dchhtg

لطميه للرضيع عليه السلام


الرباب ادكول اجيت حسين انشدنه
بيدك ليش ابني ما اشوفنه
📚📚📚📚📚📚📚📚📚📚
الرباب ادكول اجيت اودمعتي بالعين
عبدالله اوليدي ماهو نايم وين
ماهو أبأيدك انشد وكل لحسين
اخاف عليه الزغير اريدنه
📚📚📚📚📚📚📚📚📚📚
اخاف عليه كلي حسين وين ابني
متعلم اوليدي يغفه ابحضني
يكلهه حسين ابنج حيل صوبني
سهم ابركبته والسهم عذبني
اوكطع حتى الونين اوما اسمعنه
📚📚📚📚📚📚📚📚📚📚
يكلهه حسين مات ابنج عزيز الروح
مو مجروح حسبالج اجه مجروح
من ركبته عبدالله الطفل مذبوح
لطمي عليه اوكثري الحزن والنوح
اوليدج راح منج كطعي الضنه
📚📚📚📚📚📚📚📚📚📚
من سمعيته ادكول الرباب اني
هلت دمعتي وتخورس اللساني
اوزادت ونتي اوكثرت احزاني
عبدالله فجعني اوحيل صاباني
بعد شلون مهده اوليدي اهزنه
📚📚📚📚📚📚📚📚📚📚
شفت اوليدي دمه من النحر صبه
ومكسور السهم ومصوب الركبه
كاطع النفس مابيه نبض كلبه
والله روحته اشكد زحمه اوصعبه
ومن شافته روحي ايست منه
📚📚📚📚📚📚📚📚📚📚
من شفت الولد ابخيمت الوالي
اصوب ونمرد حسيت دلالي
واهزن بالمهد ومهدك صبح خالي
يمه مصيبتك بهذلت كل حالي
شفت دم النحر وبيش امسحنه
📚📚📚📚📚📚📚📚📚📚

*تـــمت والـــــفضـــ🤲ـــل لله تعالى*
*بقلم✍الشاعره المله أم حسين الحسناوي*
*صاحبه ديوان📚المصيبة الزينبية*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/um_H_u_s_s_e_i_n

فزاعيه للرضيع (ع)


نشديت مهدك يالولد
شو ضلمه صرت وخالي
📚📚📚📚📚📚📚📚📚📚
المهد من نشديته
وين أبني الهزيته
شو بيك مالاكيته
حيلي تره هديته
عبدالله يمك ريته
وأشوفه أنه الغالي
📚📚📚📚📚📚📚📚📚📚
أشوفه ماخلوني
بيه العده فجعوني
وياه ما ذبحوني
اللطم وأدك أمتوني
وعميهه حتى عيوني
للما أشوفه أكبالي
📚📚📚📚📚📚📚📚📚📚
للما أشوفنه بعد
عبدالله الجنه ورد
خالي صبح منه المهد
والجبد من عندي أنمرد
أوخاب ضني من الولد
أغيابه مرد دلالي
📚📚📚📚📚📚📚📚📚📚
ضليت أبحسره وألم
والكلب من عندي ورم
ومن الحزن حيل أنهظم
من شفته مصيوب بسهم
أبنحره أوليدي أنفطم
أو خيب جميع أمالي
📚📚📚📚📚📚📚📚📚📚
مايرجع عليه أو أضن
يكعد أوليدي بالحضن
ما أنسه من شفته يون
وكلبي على أمصابه حزن
كثرن جروحه أو ماشفن
أو مارحم دهري حالي
📚📚📚📚📚📚📚📚📚📚

*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/dchhtg

هوسات لعلي الأكبر (ع)


ليله أدكول من جاني المهر خالي
أركض ليه أجيت أو منشده بالي
وين أبني أكله ماهو أكبالي
جاوبني تره كلش ضعف حالي
((( شليت الروح أو دلالي )))
📚📚📚📚📚📚📚📚📚📚
مايحجي المهر بس الدموع أسيل
كتله وين أبني الهدم مني الحيل
شويه ولن أجه ليه أبن حامي أدخيل
محني الظهر وينادي يليله الويل
((( راح اللي جنتي أتنطرينه )))
📚📚📚📚📚📚📚📚📚📚
راح الجنتي أتحسبيله عمره
لكيته يليله يون أبنج على الغبره
أو شفت العده عليه ملتمه أبكثره
شخبرنج شسولف بيه جم طبره
((( أو تنزف كل أصواباته )))
📚📚📚📚📚📚📚📚📚📚
راد الماي أبنج أنمرد جبده
من كثر العطش ماضل صبر عنده
جفت دمعته التنزل على خده
أو من شفته أوليدي الأكبر أبوحده
((( وبجتله العسكر فرحانه )))
📚📚📚📚📚📚📚📚📚📚

*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/dchhtg

لطميه للعباس عليه السلام على طور شيعوا نعش الطاهره المظلومه


ليش يا عباس متحاجيني
أنه أخوك حسين مو تدريني
أنه اخوك حسين مو تدريني

📚📚📚📚📚📚📚📚📚📚

ليش يا عباس نايم ما تكوم
لا تضل على المشرعه أمداير الكوم
أوعينك أمصوبه أو تجري أدموم
أمتانيه زينب أو ماخذهه اللوم
أدكول ريت أنه العدوا أمأذيني
ادكول ريت انه العدوا اماذيني

📚📚📚📚📚📚📚📚📚📚

جاوبه العباس أو دمه يرووف
أشلون أكومن خويه أو مابيه أشوف
الهامه مهشومه أو مكطوعه الجفوف
خلني أضل أهنانه مابين الألوف
بعد ياخويه شنوا تمكيني
بعد ياخويه شنو تمكيني

📚📚📚📚📚📚📚📚📚📚

كله أريد أوصيك خويه ياحسين
على زينب أختي أم كلب الحنين
شلون تصبر لو درت أمفاركين
أني وياهه بعد هاي السنين
والسهم يبقى يأذي أبعيني
والسهم يبقى يأذي ابعيني

📚📚📚📚📚📚📚📚📚📚

كاله الوالي يبن داحي الباب
أوياي كوم أو لا تضل على التراب
بيه هسه أشمتت كل الأجناب
أتلوج أو مأذيك خويه ياصواب
عليه ياأبن والدي دليني
عليه ياأبن والدي دليني

📚📚📚📚📚📚📚📚📚📚

كله خويه حسين مابيه رجه
راسي امطبر أو عيني أمزجه
بيه ماينفع دوه ومعالجه
مستحي منك ضل خالي السجه
طاح من كطعوا مني أيميني
طاح من گطعوا مني أيميني

📚📚📚📚📚📚📚📚📚📚

*تـــمت والـــــفضـــ🤲ـــل لله تعالى*
*بقلم✍الشاعره المله أم حسين الحسناوي*
*صاحبه ديوان📚المصيبة الزينبية*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/um_H_u_s_s_e_i_n

مو جوده بديوان المصيبه الزينبية

لطميه لليله الوحشه


يعمه الليل اجه عليكم يعمه
يتامه اوياطفل منكم اظمه

📚📚📚📚📚📚📚📚📚📚

يتامه اوياطفل بكتاري اخليه
محتاره يعمه اودمعي اجريه
اوخدر الحرم ياهو اليحاميه
وليهن عالترابه اومارحت ليه
وبعيده الحومه البيهه ابو اليمه

📚📚📚📚📚📚📚📚📚📚

بعيده الحومه واعيالي يبجون
مرعوبين ازغار او يخافون
العدوان خلتهم يونون
الخيم حركوهه او بيمن ينامون
او محتاره بليريد ابوه لو امه

📚📚📚📚📚📚📚📚📚📚

محتاره شسوي الروح نحلانه
او بالميدان ناموا سوه وليانه
راحت الزلم الجانت اويانه
وضل بس الشمر وشكثر اذانه
واجاني الليل واني وحدي حرمه

📚📚📚📚📚📚📚📚📚📚

اجانه الليل او موحش علينه
اوماكوا زلم اللي تحامينه
بالحومه بقه حسين ابو سكينه
وكفيلي على النهر غمضت عينه
او مطبوره هامته او نزف دمه

📚📚📚📚📚📚📚📚📚📚

كفيلي على الشريعه غمض اونام
اجفوفه امكطعه اومظروبه الهام
وانه حايره بالحرم وايتام
لا وليان عندي وبعد وخيام
وعلى المره هاي الحاله زحمه

📚📚📚📚📚📚📚📚📚📚

وحشه الليل ماهو حسين يمي
والعدوان حركتهن اخيمي
تعبانه واجرن كوه جدمي
ويبجون الاطفال اوزاد همي
من السهر عيني راح تعمه

📚📚📚📚📚📚📚📚📚📚

*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/dchhtg