نواعي للأمام علي عليه السلام


عن لسان السيده زينب تعاتب والدها ..؟

بويه البيت ماريده بلياك
لو طبيتله أذكر أهناك
أهنا كعدت أسولف أوياك
أويامحله السوالف أوحجاياك
حكي من أضل العمر أنعاك
🎤🎤🎤🎤🎤🎤🎤🎤🎤🎤🎤🎤
يحكلي يبويه لو نعيتك
ماجازي شي من مجازيتك
يابو الوفه أوحلوه عطيتك
أو مشتاكه أبوسن ذيج أيدك
أظلم أخلافك صار بيتك
🎤🎤🎤🎤🎤🎤🎤🎤🎤🎤🎤🎤
بعد أخلاف عينك شلي بالبيت
عسه عيني أنعمت لو ليه طبيت
أمجانك خالي من عليه طبيت
والذاك الحجي يابويه ذكريت
يم كبرك متت أوحطوني ياريت
🎤🎤🎤🎤🎤🎤🎤🎤🎤🎤🎤🎤
حياتي يبويه شلي بيهه
أو ماهوه أنته يغاليهه
يبويه روحي أسولفلك عليهه
من يوم الرحت أوماتجيهه
حزينه عليك صارت ياوليهه
🎤🎤🎤🎤🎤🎤🎤🎤🎤🎤🎤🎤

*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/dchhtg

لطميه للأمام علي عليه السلام على طور شيعوا نعش الطاهره


الف وسفه علي غمض عينه
وعاف بته أبداره تبجي حزينه
🎤🎤🎤🎤🎤🎤🎤🎤🎤🎤🎤🎤
الف وسفه أدكول زينب بت علي
غمضت عيونه عودي أوكافلي
بويه ياحيدر كلتله أكعد ألي
منهوا أخلافك يكلي أدللي
واليتامه لو أجت أتبجينه
🎤🎤🎤🎤🎤🎤🎤🎤🎤🎤🎤🎤
لو شفتهه أيتامك أنه أبعيني
نوحي مابطله بعد وأونيني
لا بسه أسود أنه أكضي أسنيني
معلمه أنه أعليك مو تدريني
أو ماأطب للدار ياوالينه
🎤🎤🎤🎤🎤🎤🎤🎤🎤🎤🎤🎤
أشلون أطبهه الدار تعمي أعيوني
أوياك أروحن ردت ماخلوني
ريتهم يابا الحسن دفنوني
ويه شخصك بالكبر غطوني
أو بالترابه أثنينه أتغطينه
🎤🎤🎤🎤🎤🎤🎤🎤🎤🎤🎤🎤
ماأطبهه الدار بويه أمكدره
يالعفتني بيهه أون وأمحيره
أنشد المحراب والمدمع جره
ليش كلبي على الوالي تكسره
أشوكت أكله والدي يلفينه
🎤🎤🎤🎤🎤🎤🎤🎤🎤🎤🎤🎤
من أصد محرابه يعمي ناظري
ومن تجي الأيتام تكسر خاطري
روحي أكللهه أشويه أصبري
وشيعتك تبجي أويون كل جعفري
أو كلبي والدلال أمكطعينه
🎤🎤🎤🎤🎤🎤🎤🎤🎤🎤🎤🎤

*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/dchhtg

لطميه للأمام علي عليه السلام


بويه بويه .... جمر بخدودي الدمع
بويه بويه .... والكلب مني أنوجع
من نويت أعله الرحيل
بعد ماضل بيه حيل
بويه بويه .... بويه بويه
🎤🎤🎤🎤🎤🎤🎤🎤🎤🎤🎤🎤
بويه من يوم الرحت وأعليك أنعه
أنه متعلمه أعله صوتك من أسمعه
كلبي يرتاح وتوج بالضلمه شمعه
هسه فكديته وبقت أبداله دمعه
وأحجي وي روحي وأكولن ماله رجعه
بويه بويه .... والدهر بيه كطع
بويه بويه .... والكلب مني أنوجع
بويه بويه .... بويه بويه
🎤🎤🎤🎤🎤🎤🎤🎤🎤🎤🎤🎤
ليش تنسه أبنيتك الدللتهه
وطول عمرك ياعلي مافاركتهه
عكب عينك كونك هسه شفتهه
المصايب حيل زينب غيرتهه
أوروحي يابويه الهضايم هدمتهه
بويه بويه .... والحزن بيه شبع
بويه بويه .... والكلب مني أنوجع
بويه بويه .... بويه بويه
🎤🎤🎤🎤🎤🎤🎤🎤🎤🎤🎤🎤
بويه ماريد الحياة أخلاف عينك
أرجع عليه أصيحن بويه وينك
فدوه أروحن ياعلي أنه السنينك
وسفه هذا الموت أجه بيني أوبينك
ومن أفزن شايطه وأذكر حنينك
بويه بويه .... صحت شخصك ماسمع
بويه بويه .... والكلب مني أنوجع
بويه بويه .... بويه بويه
🎤🎤🎤🎤🎤🎤🎤🎤🎤🎤🎤🎤
أنه متعلمه على أحضانك تضمني
من مهد ماراحت أمي أو يتمتني
وياك أسامر وأعرفنك تحبني
هسه أنه أخلاف عينك لو شفتني
أكسر الخاطر أوهادل حتى متني
بويه بويه .... وأحس دلالي أنشلع
بويه بويه .... والكلب مني أنوجع
بويه بويه .... بويه بويه
🎤🎤🎤🎤🎤🎤🎤🎤🎤🎤🎤🎤

*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/dchhtg

هوسات للأمام علي عليه السلام


يون الليل كله حيدر الكرار
مأذيته الطبره والأثر اللي صار
أيلوج أوماينام علي حامي الجار
((( الهامه الكلش مأذيته )))
🎤🎤🎤🎤🎤🎤🎤🎤🎤🎤🎤🎤
ماذيته الهامه حيدر الليله
أوصه على أهل بيته أوكل مداليله
أو زينب كاعده والمدمع أسيله
((( ودكله شلون أتخلينه )))
🎤🎤🎤🎤🎤🎤🎤🎤🎤🎤🎤🎤
سمعهه الولي أوجرت منه العين
شال أيده على كيف أو أشر أعله حسين
والعباس كافلهه أوالف نعمين
((( وليان أيصيرون أعليهه )))
🎤🎤🎤🎤🎤🎤🎤🎤🎤🎤🎤🎤

*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/dchhtg

لطميه


ياشهر النوايب صاحت الزهره
ليش أبعجل جيت الزينب الحره
🩸🩸🩸🩸🩸🩸🩸
ياشهر النوايب ريت لا هليت
خليت الحزن أبكل دار وبكل بيت
أوكل عين اليحبنه ياشهر بجيت
وعلى مصيبت المظلوم متكدره
🩸🩸🩸🩸🩸🩸🩸
وعلى أمصيبت المظلوم والوليان
كومن للعزه أو عزني يالنسوان
أبني أيروح مني أو ينجتل عطشان
وأعدني الرسول أبذني العشره
🩸🩸🩸🩸🩸🩸🩸
أني فاطمه أم الحسن أني
ما أنسه الأجه بالعزه وعزاني
أو بجه لحسين أبني أوبيه وأساني
أني أواعده أحظره أبكبره
🩸🩸🩸🩸🩸🩸🩸
أني أواعده كلمن بجه أعلينه
أو واسانه أبحزنه وأبتعازينه
على المصيبت المظلوم والينه
هنياله اللطم أو وجعه صدره
🩸🩸🩸🩸🩸🩸🩸
باجر لبجت لبني أجازيهه
أبيوم الحشر أنه أفتخر بيهه
أكولن هاي شيعيه وأحييهه
أوكل شيعي أو موالي بيدي أنه أجره
🩸🩸🩸🩸🩸🩸🩸
من النار أجر كل شيعي وألانه
أو حزن لمصابنه أوكام عزانه
أوبجه على الصار أنه وصار ويانه
يصير أعلينه وأجب أحنه أنحظره
🩸🩸🩸🩸🩸🩸🩸
هنياله الموالي أهناك هنياله
من كثر الفرح أدموعه هماله
يكول أنه الخدمت حسين وعياله
وأطيت العمر فدوه لجل عمره
🩸🩸🩸🩸🩸🩸🩸

*تـــمت والـــــفضـــ🤲ـــل لله تعالى*
*بقلم✍الملةالشاعرة خطيبة المنبر الحسيني أم حسين الحسناوي*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/um_H_u_s_s_e_i_n

لطميه ثكيله للشهر


عيال حسين مهظومه وحزينه
من هل الشهر وأجبل علينه
أو زينب ضلت أتنوح
حزينه صبحت الروح
شيردني بعد صاحت للمدينه
من هل الشهر وأجبل علينه
🩸🩸🩸🩸🩸🩸🩸
صاحت بت علي كلبي لزمته
من هلال الشهر بعيوني شفته
بيه الحزن من مضلم عرفته
يرد بضعونه ابو السجاد ردته
خفت والكلب مكسور
شفت أهلال عاشور
أون ضليت أوروحي حزينه
من هل الشهر وأجبل علينه
🩸🩸🩸🩸🩸🩸🩸
سمع عباس اخاف واجه بهمه
اوياه علي الأكبر وأبو اليمه
عباس الكمر وشحلات أسمه
أبو سكينه كعد أو كعد يمه
كلي أخوي الحسين
زينب لا تخافين
وشفت عباس أخي شبح عينه
من هل الشهر وأجبل علينه
🩸🩸🩸🩸🩸🩸🩸
شبح عباس عيونه عليه
ويكل لحسين يبن الفاطميه
من رخصتك خويه يالشفيه
خليني أحاجي الهاشميه
أنتي الجيتي وياي
والجابتج يمناي
أنتي ابزودي خويه يالحنينه
من هل الشهر وأجبل علينه
🩸🩸🩸🩸🩸🩸🩸
انتي ابزودي يابت سيد الكون
يبعد الروح أنتي اوهاي العيون
مادامي عدل لا ما يكدرون
يشوفونج يزينب لو يمرون
الهوه عليهم كطعته
وحك ثدي الرضعته
كل هذا ابكربله اشاهدينه
من هل الشهر وأجبل علينه
🩸🩸🩸🩸🩸🩸🩸
بجت وتكله خويه كون سالم
اريدنك ضخر يا كمر هاشم
وتظل خيمه علينه دوم دايم
او تحرسنه من اعين الوادم
الله ايسلمك النه
بصيوان او عمدنه
ندري اخلافك من يحامينه
من هل الشهر وأجبل علينه
🩸🩸🩸🩸🩸🩸🩸

*تـــمت والـــــفضـــ🤲ـــل لله تعالى*
*بقلم✍الملة الشاعرة خطيبة المنبر الحسيني أم حسين الحسناوي*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/um_H_u_s_s_e_i_n

السلام عليكم احبتي
الاخت تدعي نفسهه انو هيه الشاعرة جنان الحسناوي صاحبة ديوان زينب والمصائب .. وقبل كم يوم لكيتهه معلقة باليوتيوب على صوت ملايه تكلها ممكن تقرين مني ... واني بلغت الشاعرة جنان الحسناوي كالت هاي مو اني واصلن ماعندي حساب ثاني .. اذن هاي سارقة شخصية الشاعرة وهم تريد تشوه سمعتهه نفس .. الكاذبة ام مصطفى يلي تدعي نفسها نورس الحلفي .. وين تردن توصلن بس فهمني شنو هذا المرض لبيجن انتن ليش هيج اسون ماتخافن من الله واهل بيته حسبي الله ونعم الوكيل بيجن