فزاعية للاربعين الامام الحسين عليه السلام


من الشام ردت بت علي
اوروؤس الاهل وياهة


ردت الحرة من اليسر
وتريد لبن امهه تمر
عليه مشتاكة ام طهر
بونينهه كوة تجر
وتهل دمع عيناهه


ادموعهه علة الخد تهل
اوهية فوك على الهزل
مشتاكة كلش للاهل
وحسين ابن خير العمل
النايم اوخلاهه


اوهسة اجت مشتاكة
اونار الكلب حراكة
ماتكدر علة افراكة
حسين الماي ماضاكة
والجبده العطش جواهه


هاليوم اجته بت علي
مهضومه ماعدهه والي
والضعن من عدهم خلي
واصيح اكعدو ياهلي
هاي الحرم جبناهه


جبنه الحرم والعايلة
اوطبينه هسة كربلة
عباس كوم استقبلة
الضعن انته كافلة
والخوة لاتنساهه


تمت بقلم الشاعرة جنان الحسناوي مشكولة الذمه كلمن يغير الكلمات وينسبه لة علما ان القصيدة سجلت بدفتر الزهراء https://www.tg-me.com/dchhtg

تجدون التكملة في ديوان زينب والمصائب جزء الثاني

تجدون التكملة في ديوان زينب والمصائب جزء الثاني

كيف اعلم ان كنت من اهل #الجنة_ام_لا

ياحسين لبيك لبيك يااباعبدالله

السلام على الامام المعصوم

السلام على علي ابن موسى الرضا

مربوعه للأمام الحسين عليه السلام


شكد حلوه أوحنينه جلمه الخوه
شتكول الضاع أخوها وجلمته حلوه


أشكد حلوه وحنينه جلمت أبن أمي
غيور أوبيه محنه أيشيل كل همي
أبد مايرضه أخوي حسين أبهظمي
وحاربني زماني أوبلوته بلوه



شتكول الضاع أخوها أوبعد شيعوده
مهضومه تضل والروح ممروده
تشوف الدار ضلمه خلافه مسدوده
راح الجان بيه كل العزم يكوه



مالي عين أطب البيت ضل خالي
وعنه أمسافر أومارد اله الوالي
وأطفاله تون بيه ونشده بالي
صعب ماينحمل أفراكه بالكوه



صعب ماينحمل والله الأخو أفراكه
شيرده بعد أوين نتلاكه
أوناره ماطفت بالكلب حراكه
أوداره من أطبها أوهوه ماهوه



بعد دار الحنين ماأطب ليها
أخلاف حسين أخوي الماكعد بيها
ماتسوه بعد أبدون راعيها
نار أفراكه بيها روحي تجوه



ناره ماطفت ضلت تجويني
أذكره جان من يكعد يحاجيني
أويكلي حسين زينب لاتخليني
لئن شوفتج خويه للكلب سلوه



أشلون أنساه أخوي أو ماأشوفنه
أذا أشتاكيت لمي هوه أشمنه
أوهسه البين بالكوه فاركنه
وأخد مني عزيزي راعي المروه




*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*القصيده بديوان زينب والمصائب الجزء السابع*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://www.tg-me.com/dchhtg

قصيدة تأبين في حق سيد جاسم الطويرجاوي رحمة الله عليه
😭😭😭😭😭😭😭😭
اليوم يبچي المنبر ويبچي القلم
انفجعت بهذا الخبر كل الخدم
.........

سيد جاسم هذا شيّعو بالانين
گضّه عمره يقره لمصاب الحسين
بخدمت المنبر گضه كل السنين
والتراث اليوم يبچيله بألم
..........

جاسم الطويرجاوي نعرض سيرته
صفًه ويّه حسين گلبه ونيّته
مدرسه ودستور صارت خدمته
اليوم ركن الخدمه بمصابه انهدم
..........

كل قصيده اللي قراها تخلّدت
لان مخلص بالخدامه اتوثّقت
لاشك الزهراء هي الأيّدت
وستحق هالمرتبه بهذا الاسم
............

"رايح امن عيوني" ظلّت خالده
هالقصيده بكل زمن متجدده
شيخ جاسم من قراها انّاشده
گال شفت القاسم بنصها انرسم
..........

ومن قره باحزان "آ يبني شگول"
بچّه عين المصطفه وعين البتول
ظلّت بأسماعنه تصول وتجول
ويحله بيها النوح ويطيب اللطم
...........

والقصيده الخالده برادودها
"الخيل غارت والخيم مگصودها"
عايش بطول الزمن شاهودها
تبقه بينه تعيش لا ما تنعدم
..............

وما نسينه شلون عالمنبر قره
جاسم بـ "دنياك عندك فاكره"
ربّت الاجيال دنيا وآخره
بيها وثّق تربيه ودين وعلم
.............

نبذه عن سيدالرواديد الاصيل
شما نگول بحقّه ياعالم قليل
جاسم الطويرجي للخادم دليل
واجب انسير عله نهجه ونلتزم
.............

خلّص سنينه بعشگ حامي الحمه
خادم اهل البيت اعظم مكرمه
سيد جاسم وبضيافه فاطمه
يعني للجنّة جوازه ينختم

سيد زيد الفحام
_______________

في أمان الله سيدنا😔

انا لله وانا اليه راجعون
نعزي #صاحب_الامر_والزمان وجميع المؤمنين والمؤمنات بهذا المصاب الجلل

وداعا ياخادم الزهراء وناعيها